Back to EUR-Lex homepage

EUR-Lex Access to European Union law

Back to EUR-Lex homepage

This document is an excerpt from the EUR-Lex website

Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search
You are here

Document 62014CN0182

Kawża C-182/14 P: Appell ippreżentat fil- 11 ta’ April 2014 minn Mega Brands International, Luxembourg, Zweigniederlassung Zug mis-sentenza mogħtija mill-Qorti Ġenerali (It-Tieni Awla) fl- 4 ta’ Frar 2014 fil-Kawżi T-604/11 u T-292/12 – Mega Brands International, Luxembourg, Zweigniederlassung Zug vs L-Uffiċċju għall-Armonizzazzjoni fis-Suq Intern (Trade marks u Disinni)

ĠU C 223, 14.7.2014, p. 3–3 (BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)

14.7.2014   

MT

Il-Ġurnal Uffiċjali tal-Unjoni Ewropea

C 223/3

Appell ippreżentat fil-11 ta’ April 2014 minn Mega Brands International, Luxembourg, Zweigniederlassung Zug mis-sentenza mogħtija mill-Qorti Ġenerali (It-Tieni Awla) fl-4 ta’ Frar 2014 fil-Kawżi T-604/11 u T-292/12 – Mega Brands International, Luxembourg, Zweigniederlassung Zug vs L-Uffiċċju għall-Armonizzazzjoni fis-Suq Intern (Trade marks u Disinni)

(Kawża C-182/14 P)

2014/C 223/03

Lingwa tal-kawża: l-Ingliż

Partijiet

Appellanti: Mega Brands International, Luxembourg, Zweigniederlassung Zug (rappreżentanti: A. Nordemann, M. C. Maier, avukati)

Parti oħra fil-proċedura: L-Uffiċċju għall-Armonizzazzjoni fis-Suq Intern (Trade marks u Disinni)

Talbiet tal-appellanti

—

tannulla s-sentenza appellata tal-Qorti Ġenerali tal-4 ta’ Frar 2014 sa fejn tikkonċerna l-Kawża T-292/12,

—

jekk ikun meħtieġ, tibgħat lura l-kawża quddiem il-Qorti Ġenerali,

—

tikkundanna lill-konvenut għall-ispejjeż tal-proċeduri.

Aggravji u argumenti prinċipali

L-appellanti tibbaża l-appell tagħha fuq aggravju wieħed, fejn issostni ksur tal-Artikolu 8(1)(b) tar-Regolament tal-Kunsill (KE) Nru 207/2009 (1) tas-26 ta’ Frar 2009, dwar it-trade mark Komunitarja.

Speċifikatament, l-appellanti ssostni li l-Qorti Ġenerali wettqet żball ta’ liġi:

1)

billi naqset milli tieħu inkunsiderazzjoni, jew tal-inqas issemmi, fil-kuntest ta’ evalwazzjoni globali, li t-trade mark preċedenti, MAGNET 4, tikkonsisti fin-numru “4”;

2)

billi fil-punti 22 u 25 tas-sentenza tagħha, ikkunsidrat l-element MAGNET bħala l-element dominanti tat-trade mark preċedenti MAGNET 4;

3)

billi fil-punt 25 applikat kriterji differenti fl-evalwazzjoni tax-xebh fonetiku u viżiv tas-sinjali MAGNET 4 u MAGNEXT;

4)

billi fil-punt 35 ma ħaditx inkunsiderazzjoni, fil-kuntest ta’ evalwazzjoni globali, il-probabbiltà ta’ konfużjoni, l-interdipendenza tal-fatturi relevanti, b’mod partikolari l-livell baxx tal-karattru distintiv tat-trade mark preċedenti, MAGNET 4, in-nuqqas ta’ xebh konċettwali tas-sinjali MAGNET 4 u MAGNEXT, u l-grad baxx ta’ xebh fonetiku u viżiv tas-sinjali;

5)

billi fil-punt 35 ma pprovdietx raġunijiet sostantivi, fir-rigward tal-eżistenza ta’ probabbiltà ta’ konfużjoni bejn is-sinjali MAGNET 4 u MAGNEXT.

(1)  ĠU L 78. p. 1

Top