Back to EUR-Lex homepage

EUR-Lex Access to European Union law

Back to EUR-Lex homepage

This document is an excerpt from the EUR-Lex website

Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search
You are here

Document 62013TN0108

Kawża T-108/13: Rikors ippreżentat fit- 23 ta’ Frar 2013 — VTZ et vs Il-Kunsill tal-Unjoni Ewropea

ĠU C 114, 20.4.2013, p. 42–42 (BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)

20.4.2013   

MT

Il-Ġurnal Uffiċjali tal-Unjoni Ewropea

C 114/42

Rikors ippreżentat fit-23 ta’ Frar 2013 — VTZ et vs Il-Kunsill tal-Unjoni Ewropea

(Kawża T-108/13)

2013/C 114/64

Lingwa tal-kawża: l-Ingliż

Partijiet

Rikorrenti: Volžskij trubnyi zavod OAO (VTZ OAO) (Volzhsky, ir-Russja); Taganrogskij metallurgičeskij zavod OAO (Tagmet OAO) (Taganrog, ir-Russja); Sinarskij trubnyj zavod OAO (SinTZ OAO) (Kamensk-Uralsky, ir-Russja); u Severskij trubnyj zavod OAO (STZ OAO) (Polevskoy, ir-Russja) (rappreżentanti: J. Bellis, F. Di Gianni u G. Coppo, avukati)

Konvenut: Il-Kunsill tal-Unjoni Ewropea

Talbiet tar-rikorrenti

—

tannulla r-Regolament ta’ Implimentazzjoni (UE) Nru 1269/2012 tal-21 ta’ Diċembru 2012 li jemenda r-Regolament ta’ Implimentazzjoni (UE) Nru 585/2012 li jimponi dazju anti-dumping definittiv fuq l-importazzjonijiet ta’ ċerti pajpijiet u tubi mingħajr saldaturi, tal-ħadid jew tal-azzar, li joriġinaw, inter-alia, mir-Russja, wara reviżjoni interim parzjali skont l-Artikolu 11(3) tar-Regolament (KE) Nru 1225/2009, sa fejn dan jinkludi l-bejgħ li jsir riferiment għalih fil-punti 23 sa 33 tar-Regolament ikkontestat, fil-kamp tal-investigazzjoni ta’ reviżjoni;

—

b’konsegwenza għall-annullament parzjali mitlub iktar ’il fuq, tikkoreġi r-rata tad-dazju antidumping applikabbli għall-grupp TMK, billi tbaxxiha minn 28.7 % għal 13.6 %;

—

tikkundanna lill-Kunsill għall-ispejjeż kollha tal-kawża.

Motivi u argumenti prinċipali

Insostenn tar-rikors tagħhom, ir-rikorrenti jinvokaw tliet motivi.

(1)

L-ewwel motiv ibbażat fuq il-fatt li l-Kunsill b’mod illegali bbaża fuq kriterji differenti minn dawk li jinsabu fil-kliem tad-dispożizzjonijiet doganali rilevanti, sabiex jiddetermina l-klassifikazzjonijiet tat-tubi msemmija fil-punti 23 sa 33 tar-Regolament ikkontestat.

(2)

It-tieni motiv ibbażat fuq li l-motivi speċifiċi li fuqhom jibbaża l-Kunsill sabiex jikkonkludi li t-tubi msemmija fil-punti 23 sa 33 tar-Regolament ikkontestat ma jidħlux taħt il-kodiċi NM 7304 59 10 huma żbaljati.

(3)

It-tielet motiv ibbażat fuq li, fid-dawl taċ-ċirkustanzi speċifiċi tal-kawża, is-sempliċi fatt li t-tubi msemmija fil-punti 23 sa 33 tar-Regolament ikkontestat kienu effettivament użati għall-manifattura ta’ tubi u pajpijiet ta’ wisa’ differenti u ta’ ħxuna tal-ħitan differenti huwa prova li jaqgħtu taħt il-kodiċi NM 7304 59 10.
Top