Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Document 62013CN0229

Kawża C-229/13 P: Appell ippreżentat fid- 29 ta’ April 2013 minn GE.AL.VE. Srl mid-digriet mogħti mill-Qorti Ġenerali (Ir-Raba’ Awla) fl- 20 ta’ Frar 2013 fil-Kawżi magħquda T-278/00 sa T-280/00, T-282/00 sa T-286/00 u T-288/00 sa T-295/00, Albergo Quattro Fontane et vs Il-Kummissjoni

ĠU C 207, 20.7.2013, p. 15–16 (BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)
ĠU C 207, 20.7.2013, p. 5–5 (HR)

20.7.2013   

MT

Il-Ġurnal Uffiċjali tal-Unjoni Ewropea

C 207/15

Appell ippreżentat fid-29 ta’ April 2013 minn GE.AL.VE. Srl mid-digriet mogħti mill-Qorti Ġenerali (Ir-Raba’ Awla) fl-20 ta’ Frar 2013 fil-Kawżi magħquda T-278/00 sa T-280/00, T-282/00 sa T-286/00 u T-288/00 sa T-295/00, Albergo Quattro Fontane et vs Il-Kummissjoni

(Kawża C-229/13 P)

2013/C 207/27

Lingwa tal-kawża: it-Taljan

Partijiet

Appellanti: GE.AL.VE. Srl (rappreżentanti: A. Bianchini u F. Busetto, avukati)

Partijiet oħra fil-proċedura: Il-Kummissjoni Ewropea, Comitato “Venezia vuole vivere”

Talbiet tal-appellanti

—

tannulla d-digriet appellat tal-Qorti Ġenerali.

—

tilqa’ t-talbiet ifformulati fl-ewwel istanza u konsegwentement:

—

tannulla, skont il-każ u fil-limiti tal-interess tal-appellanti, id-Deċiżjoni tal-Kummissjoni 2000/394/KE, tal-25 ta’ Novembru 1999, dwar miżuri ta’ għajnuna favur impriżi stabbiliti fit-territorji ta’ Venezia u ta’ Chioggia, previsti mil-Liġijiet Nru 30/1997 u Nru 206/1995 li jistabbilixxu tnaqqis tal-kontribuzzjonijiet tas-sigurtà soċjali;

—

sussidjarjament, tannulla l-imsemmija deċiżjoni fis-sens li timponi l-irkupru tat-tnaqqis mogħti b’żieda tal-interessi għall-perijodi msemmija.

—

tikkundanna lill-Kummissjoni għall-ispejjeż marbuta maż-żewġ istanzi tal-kawża.

Aggravji u argumenti prinċipali

Qegħdin jiġu invokati disa’ aggravji insostenn tal-appell:

 

L-ewwel aggravju: natura żbaljata tad-digriet minħabba nuqqas ta’ kunsiderazzjoni li l-miżuri inkwistjoni ma jagħtu l-ebda vantaġġ lill-benefiċjarji fid-dawl tan-natura kompensatorja tagħhom.

 

It-tieni aggravju: natura żbaljata tad-digriet minħabba li l-esklużjoni jew, fi kwalunkwe każ, l-evalwazzjoni tal-kapaċità tal-miżuri inkwistjoni effetwat il-kompetizzjoni u l- kummerċ intra-Komunitarju.

 

It-tielet aggravju: natura żbaljata tad-digriet minħabba l-esklużjoni tal-applikabbiltà tad-derogi msemmija fl-Artikolu 87(2)(b) KE [li sar l-Artikolu 107(2)(b) TFUE] u fl-Artikolu 87(3)(b) KE [li sar l-Artikolu 107(3)(b) TFUE].

 

Ir-raba’ aggravju: natura żbaljata tad-digriet minħabba l-esklużjoni tal-applikabbiltà tad-deroga msemmija fl-Artikolu 87(3)(c) KE [li sar l-Artikolu 107(3)(c) TFUE].

 

Il-ħames aggravju: natura żbaljata tad-digriet minħabba l-esklużjoni tal-applikabbiltà tad-derogi msemmija fl-Artikolu 87(3)(d) u (e) KE [li sar l-Artikolu 107(3)(d) u (e) TFUE].

 

Is-sitt aggravju: natura żbaljata tad-digriet minħabba l-esklużjoni tal-applikabbiltà tad-deroga msemmija fl-Artikolu 86(2) KE (li sar l-Artikolu 106(2) TFUE).

 

Is-seba’ aggravju: natura żbaljata tad-digriet minħabba l-esklużjoni tan-natura tal-għajnuna li teżisti u li konsegwentement tikser l-Artikolu 88(3) KE (li sar l-Artikolu 108(3) TFUE) u l-Artikolu 15 tar-Regolament Nru 659/1999 (1).

 

It-tmien aggravju: natura żbaljata tad-digriet minħabba l-esklużjoni tal-applikabbiltà tal-Artikolu 14(1) tar-Regolament Nru 659/1999 fir-rigward tal-ordni tal-irkupru.

 

Id-disa’ aggravju: natura żbaljata tad-digriet minħabba l-esklużjoni tal-applikabbiltà tal-Artikolu 14(1) tar-Regolament Nru 659/1999 fir-rigward tal-applikazzjoni tal-interessi.

(1)  Regolament tal-Kunsill (KE) Nru 659/1999 tat-22 ta' Marzu 1999 li jistabbilixxi regoli dettaljati għall-applikazzjoni ta' l-Artikolu 93 tat-Trattat tal-KE (ĠU Edizzjoni Speċjali bil-Malti, Kapitolu 8, Vol. 1, p. 339).

Top