This document is an excerpt from the EUR-Lex website
Document 62013CN0084
Case C-84/13 P: Appeal brought on 21 February 2013 by Electrabel SA against the judgment of the General Court (Third Chamber) delivered on 12 December 2012 in Case T-332/09 Electrabel v Commission
Kawża C-84/13 P: Appell ippreżentat fil- 21 ta’ Frar 2013 minn Electrabel SA mis-sentenza mogħtija mill-Qorti Ġenerali (It-Tielet Awla) fit- 12 ta’ Diċembru 2012 fil-Kawża T-332/09, Electrabel vs Il-Kummissjoni
Kawża C-84/13 P: Appell ippreżentat fil- 21 ta’ Frar 2013 minn Electrabel SA mis-sentenza mogħtija mill-Qorti Ġenerali (It-Tielet Awla) fit- 12 ta’ Diċembru 2012 fil-Kawża T-332/09, Electrabel vs Il-Kummissjoni
ĠU C 129, 4.5.2013, p. 6–7
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)
4.5.2013 |
MT |
Il-Ġurnal Uffiċjali tal-Unjoni Ewropea |
C 129/6 |
Appell ippreżentat fil-21 ta’ Frar 2013 minn Electrabel SA mis-sentenza mogħtija mill-Qorti Ġenerali (It-Tielet Awla) fit-12 ta’ Diċembru 2012 fil-Kawża T-332/09, Electrabel vs Il-Kummissjoni
(Kawża C-84/13 P)
2013/C 129/12
Lingwa tal-kawża: il-Franċiż
Partijiet
Appellanti: Electrabel SA (rappreżentanti: M. Pittie u P. Honoré, avukati)
Parti oħra fil-proċedura: Il-Kummissjoni Ewropea
Talbiet tal-appellanti
— |
tiddikjara l-appell ammissibbli u fondat; |
— |
bħala konsegwenza, tannulla s-sentenza appellata fejn tikkundanna lil Electrabel tħallas multa għal ammont ta’ EUR 20 miljun; |
— |
bħala konsegwenza:
|
— |
tikkundanna lill-Kummissjoni Ewropea għall-ispejjeż kollha. |
Aggravji u argumenti prinċipali
L-appellanti tinvoka tliet aggravji insostenn tal-appell tagħha ppreżentat kontra s-sentenza li permezz tagħha l-Qorti Ġenerali kkonfermat id-deċiżjoni tal-Kummissjoni, tal-10 ta’ Ġunju 2009, li kkundannat lil Electrabel għal multa ta’ EUR 20 miljun talli kisret l-Artikolu 7 tar-Regolament (KEE) Nru 4064/89 (1), dwar il-kontroll ta’ konċentrazzjonijiet bejn impriżi.
Fl-ewwel lok, l-appellanti takkuża lill-Qorti Ġenerali li kisret id-dispożizzjonijiet tal-Artikolu 14.3 tar-regolament iċċitat iktar ’il fuq, peress li kkunsidrat l-allegat “tul” tal-ksur bħala element ta’ determinazzjoni tal-ammont tal-multa, filwaqt li dan l-artikolu jipprovdi li l-ammont tal-multa għandu jiġi stabbilit unikament skont in-“natura” u s-“serjetà” tal-ksur.
Fit-tieni lok, l-appellanti takkuża lill-Qorti Ġenerali li ma osservatx il-prinċipju ta’ nuqqas ta’ retroattività tal-liġi, peress li applikat id-dispożizzjonijiet tar-Regolament (KE) Nru 139/2004 (2) għal konċentrazzjoni mwettqa qabel id-dħul fis-seħħ tiegħu u li għalhekk taqa’ taħt id-dispożizzjonijiet tar-Regolament (KEE) Nru 4064/89.
Fl-aħħar lok, l-appellanti tqis li l-Qorti Ġenerali wettqet żball ta’ liġi kif ukoll kontradizzjoni ta’ motivi peress li kklassifikat il-ksur meqjus kontra Electrabel bħala kontinwu, filwaqt li dan kien ksur istantanju.
(1) Regolament tal-Kunsill (KEE) Nru 4064/89, tal-21 ta’ Diċembru 1989, dwar il-kontroll ta’ konċentrazzjonijiet bejn impriżi (ĠU Edizzjoni Speċjali bil-Malti, Kapitolu 8, Vol. 1, p. 31).
(2) Regolament tal-Kunsill (KE) Nru 139/2004, tal-20 ta’ Jannar 2004, dwar il-kontroll ta’ konċentrazzjonijiet bejn impriżi (ĠU Edizzjoni Speċjali bil-Malti, Kapitolu 8, Vol. 3, p. 40).