Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Document 62012TN0562

    Kawża T-562/12: Rikors ippreżentat fl- 24 ta’ Diċembru 2012 — Dalli vs Il-Kummissjoni

    ĠU C 46, 16.2.2013, p. 24–24 (BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)

    16.2.2013   

    MT

    Il-Ġurnal Uffiċjali tal-Unjoni Ewropea

    C 46/24

    Rikors ippreżentat fl-24 ta’ Diċembru 2012 — Dalli vs Il-Kummissjoni

    (Kawża T-562/12)

    2013/C 46/43

    Lingwa tal-kawża: l-Ingliż

    Partijiet

    Rikorrent: John Dalli (San Ġiljan, Malta) (rappreżentanti: L. Levi, A. Alamanou u S. Rodrigues, avukati)

    Konvenuta: Il-Kummissjoni Ewropea

    Talbiet

    —

    tannulla d-deċiżjoni orali tas-16 ta’ Ottubru 2012, meħuda mill-President tal-Kummissjoni Ewropea, li ttemm b’effett immedjat l-inkarigu tiegħu,

    —

    tikkundanna lill-konvenuta tħallas kumpens għad-dannu morali u materjali mġarrab; u

    —

    tikkundanna lill-konvenuta għall-ispejjeż kollha.

    Motivi u argumenti prinċipali

    Insostenn tar-rikors tiegħu, ir-rikorrent jinvoka ħames motivi.

    (1)

    L-ewwel motiv, ibbażat fuq ksur tal-Artikoli 245 u 247 TFUE, peress li d-deċiżjoni kkontestata ttieħdet minn awtur li ma kellux kompetenza.

    (2)

    It-tieni motiv, ibbażat fuq, sussidjarjament, ksur tal-Artikolu 17(6) TUE u tal-prinċipju ġenerali ta’ ċertezza legali, peresss li d-deċiżjoni kkontestata ma tistax tiġi kkunsidrata li timplika riżenja valida tar-rikorrent.

    (3)

    It-tielet motiv, ibbażat fuq żbalji manifesti u ksur tar-regoli proċedurali, peress li d-deċiżjoni kkontestata ma hijiex ibbażata fuq motivi validi u peress li r-riżultati tal-investigazzjoni tal-OLAF, li fuqhom hija bbażata d-deċiżjoni kkontestata, jirriżultaw minn proċedura illegali.

    (4)

    Ir-raba’ motiv, ibbażat fuq ksur tad-drittijiet tad-difiża, peress li r-rikorrent ma setax jeżamina u jevalwa l-fatti li huwa akkużat bihom.

    (5)

    Il-ħames motiv, ibbażat fuq ksur tal-prinċipju ta’ proporzjonalità, peress li r-rikorrent ma setax ikun jaf liema huma l-għanijiet tad-deċiżjoni kkontestata u jekk kienx hemm xi miżura inqas repressiva li setgħet tiġi kkunsidrata.
    Top