Back to EUR-Lex homepage

EUR-Lex Access to European Union law

Back to EUR-Lex homepage

This document is an excerpt from the EUR-Lex website

Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search
You are here

Document 62012TN0518

Kawża T-518/12: Rikors ippreżentat fis- 27 ta’ Novembru 2012 — Spirlea vs Il-Kummissjoni

ĠU C 32, 2.2.2013, p. 21–22 (BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)

2.2.2013   

MT

Il-Ġurnal Uffiċjali tal-Unjoni Ewropea

C 32/21

Rikors ippreżentat fis-27 ta’ Novembru 2012 — Spirlea vs Il-Kummissjoni

(Kawża T-518/12)

2013/C 32/33

Lingwa tal-kawża: il-Ġermaniż

Partijiet

Rikorrenti: Darius Nicolai Spirlea (Capezzano Pianore, l-Italja) u Mihaela Spirlea (Capezzano Pianore) (rappreżentanti: V. Foerster u T. Pahl, avukati)

Konvenuta: Il-Kummissjoni Ewropea

Talbiet

—

tilqa’ r-rikors ippreżentat skont l-Artikolu 263 TFUE;

—

tiddikjara r-rikors ammissibbli;

—

tiddikjara r-rikors fondat u tikkonstata li l-konvenuta kisret il-forom proċedurali sostanzjali u diversi dispożizzjonijiet tad-dritt materjali;

—

tannulla, fuq din il-bażi, id-deċiżjoni tas-27 ta’ Settembru 2012 li permezz tagħha l-konvenuta għalqet l-proċedura pilota tal-Unjoni Ewropea Nru 2070/11/SNCO (referenza Ares (2012) 1135073);

—

tikkundanna lill-konvenuta għall-ispejjeż.

Motivi u argumenti prinċipali

Insostenn tar-rikors tagħhom, ir-rikorrenti jinvokaw tliet motivi.

(1)

L-ewwel motiv, ibbażat fuq il-ħolqien ta’ proċedura pilota tal-Unjoni mingħajr l-ebda bażi legali (Artikoli 290 u 291 TFUE)

—

Fil-kuntest ta’ dan il-motiv ir-rikorrenti jsostnu li l-introduzzjoni tal-proċedura pilota tal-Unjoni kellha l-effett li tistabbilixxi kundizzjoni proċedurali supplementari li ma hijiex prevista fl-Artikolu 258 TFUE. Il-Kummissjoni tagħmel użu minn din il-kundizzjoni proċedurali fil-kuntest ta’ proċedura illegali u mhux trasparenti, b’tali mod li tikkawżha żnaturament tal-proċedura għal nuqqas ta’ twettiq ta’ obbligu prevista fl-Artikolu 258 TFUE, u dan filwaqt li ma għandha l-ebda awtorità jew delega sabiex tagħmel dan taħt it-Trattati tal-Unjoni Ewropea.

(2)

It-tieni motiv, ibbażat fuq ksur tal-Komunikazzjoni tal-Kummissjoni, tal-20 ta’ Marzu 2002, indirizzata lill-Parlament Ewropew u lill-Ombudsman Ewropew dwar ir-relazzjonijiet mal-lanjant fir-rigward ta’ ksur tal-liġi Komunitarja (1)

—

Fuq dan il-punt, ir-rikorrenti jsostnu li l-Kummissjoni b’mod arbitrarju ma kkunsidratx il-Komunikazzjoni tagħha dwar ir-relazzjonijiet mal-lanjant fir-rigward ta’ ksur tal-liġi Komunitarja u li ttrattat l-ilment tagħhom skont il-proċedura pilota tal-Unjoni, u dan meta r-rikorrenti ma kellhomx għarfien dwar ir-regoli tagħha.

(3)

It-tielet motiv, ibbażat fuq ksur tal-obbligu ta’ motivazzjoni

—

Fil-kuntest ta’ dan il-motiv, ir-rikorrenti jsostnu li r-raġunijiet mogħtija mill-Kummissjoni fil-motivazzjoni tad-deċiżjoni kkontestata ma jispjegawx il-fatti fir-rigward tal-applikazzjoni tar-Regolament (KE) Nru 1394/2007 (2), u ma jeżaminawx l-ilmenti speċifiċi tar-rikorrenti b’rabta mad-dritt tal-Unjoni Ewropea.

(1)  ĠU C 244, p. 5.

(2)  Regolament (KE) Nru 1394/2007 tal-Parlament Ewropew u tal-Kunsill, tat-13 ta’ Novembru 2007, dwar prodotti mediċinali ta’ terapija avvanzata u li jemenda d-Direttiva 2001/83/KE u r-Regolament (KE) Nru 726/2004 (ĠU L 324, p. 121).

Top