—

tiddikjara r-rikors tiegħu ammissibbli u fondat;

—

għaldaqstant,

(1)

L-ewwel motiv ibbażat fuq ksur tal-prinċipju tal-obbligu ta’ motivazzjoni, tal-aspettattivi leġittimi u tad-drittijiet ta’ difiża, peress li r-rikorrent kien ġie infurmat oralment bid-deċiżjoni kontenzjuża li permezz tagħha ġew irtirati b’effett immedjat id-drittijiet ta’ aċċess tiegħu għall-bini tal-Kummissjoni u li tidher biss fil-minuti ta’ intervista li r-rikorrent kellu mad-dipartiment tar-riżorsi umani u tas-sigurtà tal-Kummissjoni. Ir-rikorrent issostni li d-deċiżjoni kontenzjuża ma turix l-elementi li wasslu lill-Kummissjoni sabiex tieħu deċiżjoni bħal din u li l-bażi legali tad-deċiżjoni ġiet ikkomunikata lir-rikorrent permezz ta’ rettifika li saret wara li d-deċiżjoni kienet diġà produċiet l-effetti tagħha.

(2)

It-tieni motiv ibbażat fuq ksur tal-prinċipju ta’ preżunzjoni tal-innoċenza, sa fejn jidher li d-deċiżjoni kontenzjuża hija bbażata unikament fuq il-fatt li r-rikorrent kien instema’ mill-pulizija Belġjana fil-kuntest ta’ inkjesta li ma tikkonċernaħx iżda li kienet tirrigwarda wieħed minn sħabu tat-tfulija u li minn żmien għal ieħor kien ikollu konverżazzjonijiet telefoniċi miegħu.

(3)

It-tielet motiv ibbażat fuq ksur tal-prinċipju ta’ propozjonalità, peress li l-Kummissjoni pprojbiet l-aċċess għall-bini tal-Kummissjoni lir-rikorrent, anki jekk ma kienx ġie akkużat u ma kienx ikkonċernat mill-investigazzjoni inkwistjoni tal-pulizija.