This document is an excerpt from the EUR-Lex website
Document 62012TN0403
Case T-403/12: Action brought on 11 September 2012 — Intrasoft International v Commission
Kawża T-403/12: Rikors ippreżentat fil- 11 ta’ Settembru 2012 — Intrasoft International vs Il-Kummissjoni
Kawża T-403/12: Rikors ippreżentat fil- 11 ta’ Settembru 2012 — Intrasoft International vs Il-Kummissjoni
ĠU C 343, 10.11.2012, p. 18–19
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)
10.11.2012 |
MT |
Il-Ġurnal Uffiċjali tal-Unjoni Ewropea |
C 343/18 |
Rikors ippreżentat fil-11 ta’ Settembru 2012 — Intrasoft International vs Il-Kummissjoni
(Kawża T-403/12)
2012/C 343/31
Lingwa tal-kawża: l-Ingliż
Partijiet
Rikorrenti: Intrasoft International SA (Luxembourg, il-Lussemburgu) (rappreżentant: S. Pappas, avukat)
Konvenuta: Il-Kummissjoni Ewropea
Talbiet tar-rikorrenti
— |
tannulla d-deċiżjoni tad-Delegazzjoni tal-Unjoni Ewropea għar-Repubblika tas-Serbja tal-10 ta’ Awwissu 2012 (ref.: RH(2012)3471), kif ukoll iċ-ċaħda impliċita tal-ilment tar-rikorrenti tal-10 ta’ Awwissu 2012 kontra tali deċiżjoni, sabiex ir-rikorrenti titħalla tipparteċipa fl-istadji sussegwenti tal-offerta; |
— |
tikkundanna lill-konvenuta għall-ispejjeż ta’ din l-istanza. |
Motivi u argumenti prinċipali
Insostenn tar-rikors tagħha, ir-rikorrenti tinvoka żewġ motivi.
(1) |
L-ewwel motiv, ibbażat fuq allegat ksur tat-termini ta’ referenza u tal-prinċipju ta’ amministrazzjoni tajba. B’mod iktar speċifiku, ir-rikorrenti ssostni li l-informazzjoni/kjarifiċi addizzjonali mogħtija lill-offerenti kollha mill-awtorità kontraenti wara l-proċedura ta’ sejħa għal offerti kkompletaw it-termini ta’ referenza, kienu jifformaw parti mill-qafas legali li jippresjiedi l-offerta inkwistjoni u sussegwentement kienu jorbtu fuq il-partijiet kollha, inkluż fuq l-awtorità kontraenti. F’dan il-każ, tali termini ġew miksura mill-konvenuta. |
(2) |
It-tieni motiv, ibbażat fuq allegat ksur tal-Artikolu 94 tar-Regolament Finanzjarju (1), billi:
|
(1) Regolament tal-Kunsill (KE, Euratom) Nru 1605/2002, tal-25 ta’ Ġunju 2002, rigward ir-Regolament Finanazjarju applikabbli ghall-baġit ġenerali tal-Komunitajiet Ewropej (ĠU Edizzjoni Speċjali bil-Malti, Kapitolu 1, Vol. 4, p. 74)