Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Document 62012TN0402

    Kawża T-402/12: Rikors ippreżentat fis- 6 ta’ Settembru 2012 — Schlyter vs Il-Kummissjoni

    ĠU C 343, 10.11.2012, p. 17–18 (BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)

    10.11.2012   

    MT

    Il-Ġurnal Uffiċjali tal-Unjoni Ewropea

    C 343/17

    Rikors ippreżentat fis-6 ta’ Settembru 2012 — Schlyter vs Il-Kummissjoni

    (Kawża T-402/12)

    2012/C 343/30

    Lingwa tal-kawża: l-Ingliż

    Partijiet

    Rikorrent: Carl Schlyter (Linköping, l-Isvezja) (rappreżentanti: O. Brouwer u S. Schubert, avukati)

    Konvenuta: Il-Kummissjoni Ewropea

    Talbiet

    —

    Tannulla r-rifjut tal-Kummissjoni Ewropea li tagħti aċċesss sħiħ jew parzjali għall-opinjoni u l-osservazzjonijiet tagħha maħruġa b’risposta għall-avviż 2011/673/f dwar il-kontenut u l-kundizzjonijiet ta’ sottomissjoni ta’ dikjarazzjonijiet annwali ta’ sustanzi fl-istat ta’ nanoparticle, magħmula mir-Repubblika Franċiża taħt id-Direttiva 98/34/KE (1);

    —

    Tordna l-Kummissjoni Ewropea tħallas l-ispejjeż tar-rikorrent skont l-Artikolu 87 tar-Regoli ta’ Proċedura tal-Qorti Ġenerali, inklużi l-ispejjeż ta’ kull parti intervenjenti.

    Motivi u argumenti prinċipali

    Insostenn tar-rikors tiegħu, ir-rikorrent jinvoka tliet motivi.

    (1)

    L-ewwel motiv ibbażat fuq żbalji ta’ liġi u żbalji manifesti ta’ evalwazzjoni u nuqqas ta’ motivazzjoni fl-applikazzjoni tat-tielet inċiż tal-Artikolu 4(2) tar-Regolament (KE) Nru 1049/2001 (2) u l-Artikolu 6(1) tar-Regolament (KE) Nru 1367/2006 (3), peress li:

    —

    l-proċedura taħt id-Direttiva 98/34/KE ma taqax fl-eċċezzjoni tat-tielet inċiż tal-Artikolu 4(2) għall-prinċipju ġenerali ta’ żvelar fir-Regolament (KE) Nru 1049/2001;

    —

    t-tielet inċiż tal-Artikolu 4(2) tar-Regolament (KE) Nru 1049/2001 u l-Artikolu 6(1) tar-Regolament (KE) Nru 1367/2006 kienu applikati b’mod żbaljat meta nstab li l-iżvelar tad-dokument mitlub kien idgħajjef b’mod speċifiku u effettiv l-interess tal-Kummissjoni fil-proċedura taħt id-Direttiva 98/34/KE.

    (2)

    It-tieni motiv ibbażat fuq żball ta’ liġi, żball manifest ta’ evalwazzjoni u nuqqas ta’ motivazzjoni fl-applikazzjoni tat-test tal-interess pubbliku prevalenti kif meħtieġ mit-tielet inċiż tal-Artikolu 4(2) tar-Regolament (KE) Nru 1049/2001 u l-Artikolu 6(1) tar-Regolament (KE) Nru 1367/2006, peress li:

    —

    f’dan il-każ, l-Artikolu 6(1) tar-Regolament (KE) Nru 1367/2006 isaħħaħ l-interess pubbliku prevalenti. Id-deċiżjoni kkontestata tonqos milli tieħu kont tal-interess pubbliku prevalenti fl-iżvelar tad-dokument mitlub, u tinkludi żball ta’ liġi, żball manifest ta’ evalwazzjoni u nuqqas ta’ motivazzjoni fl-applikazzjoni taż-żewġ dispożizzjonijiet legali msemmija hawn fuq.

    (3)

    It-tielet motiv ibbażat fuq żball ta’ liġi, żball manifest ta’ evalwazzjoni u nuqqas ta’ motivazzjoni fl-applikazzjoni tal-Artikolu 4(6) tar-Regolament (KE) Nru 1049/2001, peress li:

    —

    d-deċiżjoni kkontestata jonqosha kull motivazzjoni u hija vvizzjata minn żball manifest ta’ evalwazzjoni sa fejn ma tatx aċċess parzjali skont l-Artikolu 4(6) tar-Regolament (KE) Nru 1049/2001.

    (1)  Id-Direttiva 98/34/KE tal-Parlament Ewropew u tal-Kunsill, tat-22 ta’ Ġunju 1998, li tistabbilixxi proċedura għall-għoti ta’ informazzjoni fil-qasam tal-istandards u tar-Regolamenti Tekniċi (ĠU Edizzjoni Speċjali bil-Malti, Kapitolu 13, Vol. 20, p. 337)

    (2)  Ir-Regolament (KE) Nru 1049/2001 tal-Parlament Ewropew u tal-Kunsill, tat-30 ta’ Mejju 2001, dwar l-aċċess pubbliku għad-dokumenti tal-Parlament Ewropew, tal-Kunsill u tal-Kummissjoni (ĠU Edizzjoni Speċjali bil-Malti, Kapitolu 1, Vol. 3, p. 331)

    (3)  Regolament (KE) Nru 1367/2006 tal-Parlament Ewropew u tal-Kunsill, tas-6 ta’ Settembru 2006, dwar l-applikazzjoni għall-istituzzjonijiet u l-korpi tal-Komunità tad-disposizzjonijiet tal-Konvenzjoni ta’ Aarhus dwar l-Aċċess għall-Informazzjoni, il-Parteċipazzjoni tal-Pubbliku fit-Teħid ta’ Deċiżjonijiet u l-Aċċess għall-Ġustizzja fi Kwistjonijiet Ambjentali (ĠU L 264, p. 13)

    Top