Back to EUR-Lex homepage

EUR-Lex Access to European Union law

Back to EUR-Lex homepage

This document is an excerpt from the EUR-Lex website

Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search
You are here

Document 62012TN0203

Kawża T-203/12: Rikors ippreżentat fis- 16 ta’ Mejju 2012 — Alchar vs Il-Kunsill

ĠU C 217, 21.7.2012, p. 24–25 (BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)

21.7.2012   

MT

Il-Ġurnal Uffiċjali tal-Unjoni Ewropea

C 217/24

Rikors ippreżentat fis-16 ta’ Mejju 2012 — Alchar vs Il-Kunsill

(Kawża T-203/12)

2012/C 217/52

Lingwa tal-kawża: il-Franċiż

Partijiet

Rikorrent: Mohamad Nedal Alchaar (Aleppo, is-Sirja) (rappreżentant: A. Korkmaz, avukat)

Konvenut: Il-Kunsill tal-Unjoni Ewropea

Talbiet

Ir-rikorrent jitlob li l-Qorti Ġenerali jogħġobha:

—

tannulla, bħala atti li jikkonċernaw lir-rikorrent:

—

ir-Regolament ta’ implementazzjoni Nru 1244/2011 tal-1 ta’ Diċembru 2011;

—

id-Deċiżjoni 2011/782/PESK kif emendata u ssupplementat sa llum, u dan b’mod partikolari permezz tad-Deċiżjoni ta’ implementazzjoni 2012/37/PESK, id-Deċiżjoni 2012/122/PESK, id-Deċiżjoni ta’ implementazzjoni 2012/172/PESK u d-Deċiżjoni 2012/206/PESK;

—

ir-Regolament tal-Kunsill Nru 36/2012, tat-18 ta’ Jannar 2012, kif emendat u ssupplementat sa llum, u dan b’mod partikolari permezz tar-Regolament ta’ implementazzjoni Nru 55/2012, ir-Regolament Nru 168/2012 u r-Regolament ta’ implementazzjoni Nru 266/2012;

—

l-atti kollha futuri li jemendaw jew jissupplementaw id-Deċiżjoni 2011/782/PESK u r-Regolament tal-Kunsill Nru 36/2012;

—

tannulla d-deċiżjoni tal-Kunsill inkluża fil-komunikazzjoni tagħha tas-16 ta’ Marzu 2012 indirizzata lejn ir-rikorrent, sa fejn din iżżommu inkluż fil-listi kontenzjużi;

—

tikkundanna lill-Kunsill għall-ispejjeż.

Motivi u argumenti prinċipali

Insostenn tar-rikors tiegħu, ir-rikorrent jinvoka żewġ motivi.

(1)

L-ewwel motiv ibbażat fuq ksur tad-drittijiet fundamentali u garanziji proċedurali, b’mod partikolari d-drittijiet tad-difiża, l-obbligu ta’ motivazzjoni u l-prinċipju ta’ protezzjoni ġudizzjarja effettiva, peress li r-rikorrent ma rċeviex notifika formali tal-inklużjoni tiegħu fil-lista ta’ persuni ssanzjonati u peress li l-motivi tal-inklużjoni tiegħu indikati fl-atti kkontestati ma humiex suffiċjenti sabiex jiġġustifikaw is-sanzjonijiet.

(2)

It-tieni motiv ibbażat fuq ksur tad-dritt ta’ proprjetà u tal-libertà ekonomika.
Top