EUR-Lex Access to European Union law
This document is an excerpt from the EUR-Lex website
Document 62012TA0537
Case T-537/12: Judgment of the General Court of 28 January 2016 — Zafeiropoulos v Cedefop (Public service contracts — Tendering procedure — Provision of medical services for the benefit of Cedefop staff — Rejection of the bid of one tenderer and award of the contract to another tenderer — Refusal to allow access to certain documents concerning other tenderers who participated in the tendering procedure — Obligation to state reasons — Protection of commercial interests and reputation — Personal data protection — Protection of the decision-making process — Non-contractual liability)
Kawża T-537/12: Sentenza tal-Qorti Ġenerali tat-28 ta’ Jannar 2016 – Zafeiropoulos vs Cedefop (“Kuntratti pubbliċi għal servizzi — Proċedura ta’ sejħa għal offerti — Provvista ta’ servizzi mediċi lill-persunal taċ-Cedefop — Ċaħda tal-offerta ta’ offerent u għoti tal-kuntratt lil offerent ieħor — Rifjut li jingħata aċċess għal ċerti dokumenti dwar offerenti oħrajn li pparteċipaw fil-proċedura ta’ sejħa għal offerti — Obbligu ta’ motivazzjoni — Protezzjoni tal-interessi kummerċjali u tar-reputazzjoni — Protezzjoni tad-data personali — Protezzjoni tal-proċess deċiżjonali — Responsabbiltà mhux kuntrattwali”)
Kawża T-537/12: Sentenza tal-Qorti Ġenerali tat-28 ta’ Jannar 2016 – Zafeiropoulos vs Cedefop (“Kuntratti pubbliċi għal servizzi — Proċedura ta’ sejħa għal offerti — Provvista ta’ servizzi mediċi lill-persunal taċ-Cedefop — Ċaħda tal-offerta ta’ offerent u għoti tal-kuntratt lil offerent ieħor — Rifjut li jingħata aċċess għal ċerti dokumenti dwar offerenti oħrajn li pparteċipaw fil-proċedura ta’ sejħa għal offerti — Obbligu ta’ motivazzjoni — Protezzjoni tal-interessi kummerċjali u tar-reputazzjoni — Protezzjoni tad-data personali — Protezzjoni tal-proċess deċiżjonali — Responsabbiltà mhux kuntrattwali”)
ĠU C 98, 14.3.2016, p. 28–29
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
14.3.2016 |
MT |
Il-Ġurnal Uffiċjali tal-Unjoni Ewropea |
C 98/28 |
Sentenza tal-Qorti Ġenerali tat-28 ta’ Jannar 2016 – Zafeiropoulos vs Cedefop
(Kawża T-537/12) (1)
((“Kuntratti pubbliċi għal servizzi - Proċedura ta’ sejħa għal offerti - Provvista ta’ servizzi mediċi lill-persunal taċ-Cedefop - Ċaħda tal-offerta ta’ offerent u għoti tal-kuntratt lil offerent ieħor - Rifjut li jingħata aċċess għal ċerti dokumenti dwar offerenti oħrajn li pparteċipaw fil-proċedura ta’ sejħa għal offerti - Obbligu ta’ motivazzjoni - Protezzjoni tal-interessi kummerċjali u tar-reputazzjoni - Protezzjoni tad-data personali - Protezzjoni tal-proċess deċiżjonali - Responsabbiltà mhux kuntrattwali”))
(2016/C 098/36)
Lingwa tal-kawża: il-Grieg
Partijiet
Rikorrent: Panteleïmon Zafeiropoulos (Thessaloniki, il-Greċja) (rappreżentanti: M. Kontogiorgos, avukat)
Konvenut: Iċ-Ċentru Ewropew għall-Iżvilupp tat-Taħriġ Vokazzjonali (Cedefop) (rappreżentanti: M. Fuchs, aġent, assistit inizjalment minn E. Petritsi, sussegwentement minn P. Anestis, avukati)
Suġġett
L-ewwel nett, talba għall-annullament, minn naħa, tad-deċiżjoni taċ-Cedefop tat-8 ta’ Ottubru 2012 li ċaħdet l-offerta ppreżentata mir-rikorrent fil-kuntest ta’ avviż ta’ kuntratt tad-19 ta’ Ġunju 2012, ippubblikat fis-Suppliment tal-Ġurnal Uffiċjali tal-Unjoni Ewropea (ĠU 2012/S 115-189528) dwar il-provvista ta’ servizzi mediċi lill-persunal taċ-Cedefop f’Tessaloniki (il-Greċja), u tad-deċiżjoni taċ-Cedefop tad-9 ta’ Ottubru 2012 li tagħti l-kuntratt finali fl-imsemmi avviż lil offerent ieħor u mhux lir-rikorrent u, min-naħa l-oħra, tad-deċiżjoni taċ-Cedefop li ċaħdet it-talba tar-rikorrent għal aċċess għal ċerti dokumenti fil-kuntest ta’ din il-proċedura ta’ avviż ta’ kuntratt, kif ukoll, it-tieni nett, talba għad-danni għall-ħsara li r-rikorrent sofra bħala konsegwenza tal-ksur allegatament imwettaq miċ-Cedefop.
Dispożittiv
1) |
Id-deċiżjoni taċ-Ċentru Ewropew għall-Iżvilupp tat-Taħriġ Vokazzjonali (Cedefop) tat-8 ta’ Ottubru 2012 li ċaħdet l-offerta magħmula minn Panteleïmon Zafeiropoulos fil-kuntest tal-avviż ta’ kuntratt tad-19 ta’ Ġunju 2012 dwar il-provvista ta’ servizzi mediċi lill-persunal taċ-Cedefop f’Tessaloniki (il-Greċja), u d-deċiżjoni taċ-Cedefop tad-9 ta’ Ottubru 2012 li tagħti l-kuntratt finali fl-imsemmi avviż lil offerent ieħor u mhux lil P. Zafeiropoulos huma annullati. |
2) |
Il-kumplament tar-rikors huwa miċħud. |
3) |
Iċ-Cedefop għandha tbati l-ispejjeż tagħha u terz tal-ispejjeż ta’ P. Zafeiropoulos. |
4) |
P. Zafeiropoulos għandu jbati żewġ terzi tal-ispejjeż tiegħu. |