This document is an excerpt from the EUR-Lex website
Document 62012CN0401
Case C-401/12 P: Appeal brought on 3 September 2012 by the Council of the European Union against the judgment of the General Court (Seventh Chamber) delivered on 14 June 2012 in Case T-396/09 Vereniging Milieudefensie, Stichting Stop Luchtverontreiniging Utrecht v Commission
Kawża C-401/12 P: Appell ippreżentat fit- 3 ta’ Settembru 2012 mill-Kunsill tal-Unjoni Ewropea mis-sentenza mogħtija mill-Qorti Ġenerali (Is-Seba’ Awla) fl- 14 ta’ Ġunju 2012 fil-Kawża T-396/09 — Vereniging Milieudefensie u Stichting Stop Luchtverontreiniging Utrecht vs Il-Kummissjoni
Kawża C-401/12 P: Appell ippreżentat fit- 3 ta’ Settembru 2012 mill-Kunsill tal-Unjoni Ewropea mis-sentenza mogħtija mill-Qorti Ġenerali (Is-Seba’ Awla) fl- 14 ta’ Ġunju 2012 fil-Kawża T-396/09 — Vereniging Milieudefensie u Stichting Stop Luchtverontreiniging Utrecht vs Il-Kummissjoni
ĠU C 9, 12.1.2013, p. 25–25
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)
12.1.2013 |
MT |
Il-Ġurnal Uffiċjali tal-Unjoni Ewropea |
C 9/25 |
Appell ippreżentat fit-3 ta’ Settembru 2012 mill-Kunsill tal-Unjoni Ewropea mis-sentenza mogħtija mill-Qorti Ġenerali (Is-Seba’ Awla) fl-14 ta’ Ġunju 2012 fil-Kawża T-396/09 — Vereniging Milieudefensie u Stichting Stop Luchtverontreiniging Utrecht vs Il-Kummissjoni
(Kawża C-401/12 P)
2013/C 9/42
Lingwa tal-kawża: l-Olandiż
Partijiet
Appellant: Il-Kunsill tal-Unjoni Ewropea (rappreżentanti: M. Moore u K. Michoel)
Partijiet oħra fil-proċedura: Vereniging Milieudefensie, Stichting Stop Luchtverontreiniging Utrecht, Il-Kummissjoni Ewropea, Ir-Renju tal-Pajjiżi l-Baxxi, Il-Parlament Ewropew
Talbiet tal-appellant
— |
tannulla s-sentenza tal-Qorti Ġenerali tal-14 ta’ Ġunju 2012 fil-Kawża T-396/09; |
— |
tiċħad kompletament ir-rikors ippreżentat mir-rikorrenti fl-ewwel istanza; |
— |
tikkundanna in solidum lir-rikorrenti fl-ewwel istanza għall-ispejjeż tal-Kunsill f’din il-kawża. |
Aggravji u argumenti prinċipali
Fil-fehma tal-Kunsill, is-sentenza tal-Qorti Ġenerali fil-kawża msemmija iktar ’il fuq fiha żewġ żbalji ta’ liġi. Il-Qorti Ġenerali interpretat u applikat b’mod żbaljat il-ġurisprudenza magħrufa bħala “Nakajima” (1) u “Fediol” (2). Għaldaqstant, il-Qorti Ġenerali żbaljat meta ddeċidiet li l-legalità tar-Regolament (KE) Nru 1367/2006 (3) setgħet tiġi mistħarrġa fid-dawl tal-Konvenzjoni ta’ Århus (4).
Barra minn hekk, il-Kunsill huwa tal-fehma li l-għażla magħmula mil-leġiżlatur fir-Regolament Nru 1367/2006 hija fi kwalunkwe każ konformi mal-Konvenzjoni ta’ Århus. F’dan ir-rigward, l-interpretazzjoni tal-Artikolu 9(3) tal-Konvenzjoni ta’ Århus mill-Qorti Ġenerali ma hijiex korretta sa fejn ma tieħux inkunsiderazzjoni l-marġni ta’ diskrezzjoni li l-Konvenzjoni tirrikonoxxi lill-partijiet firmatarji tagħha.
Għaldaqstant, il-Kunsill jitlob li tiġi annullata s-sentenza tal-Qorti Ġenerali fil-kawża msemmija iktar ’il fuq u li tingħata deċiżjoni dwar il-mertu tal-kawża billi jiġi miċħud kompletament ir-rikors ippreżentat mir-rikorrenti fl-ewwel istanza.
(1) Sentenza tal-Qorti tal-Ġustizzja tas-7 ta’ Mejju 1991, Nakajima vs Il-Kunsill (C-69/89, Ġabra p. I-2069).
(2) Sentenza tal-Qorti tal-Ġustizzja tat-22 ta’ Ġunju 1989, Fediol vs Il-Kummissjoni (70/87, Ġabra p. 1781).
(3) Regolament (KE) Nru 1367/2006 tal-Parlament Ewropew u tal-Kunsill, tas-6 ta’ Settembru 2006, dwar l-applikazzjoni għall-istituzzjonijiet u l-korpi tal-Komunità tad-disposizzjonijiet tal-Konvenzjoni ta’ Aarhus dwar l-Aċċess għall-Informazzjoni, il-Parteċipazzjoni tal-Pubbliku fit-Teħid ta’ Deċiżjonijiet u l-Aċċess għall-Ġustizzja fi Kwistjonijiet Ambjentali (ĠU L 264, p. 13).
(4) Konvenzjoni ta’ Århus, tal-25 ta’ Ġunju 1998, dwar l-aċċess għall-informazzjoni, il-parteċipazzjoni tal-pubbliku fit-teħid ta’ deċiżjonijiet u l-aċċess għall-ġustizzja fi kwistjonijiet ambjentali, adottata permezz tad-Deċiżjoni tal-Kunsill 2005/370/KE tas-17 ta’ Frar 2005 (ĠU L 164M, 16.6.2006, p. 17).