This document is an excerpt from the EUR-Lex website
Document 62012CA0413
Case C-413/12: Judgment of the Court (Third Chamber) of 5 December 2013 (request for a preliminary ruling from the Audiencia Provincial de Salamanca — Spain) — Asociación de Consumidores Independientes de Castilla y León v Anuntis Segundamano España SL (References for a preliminary ruling — Directive 93/13/EEC — Action seeking an injunction brought by a regional consumer protection association — Jurisdiction of local courts — No remedy against a decision declining jurisdiction delivered at first instance — Procedural autonomy of the Member States — Principles of equivalence and effectiveness)
Kawża C-413/12: Sentenza tal-Qorti tal-Ġustizzja (It-Tielet Awla) tal- 5 ta’ Diċembru 2013 (talba għal deċiżjoni preliminari tal-Audiencia Provincial de Salamanca — Spanja) — Asociación de Consumidores Independientes de Castilla y León vs Anuntis Segundamano España SL (Rinviju għal deċiżjoni preliminari — Direttiva 93/13/KEE — Mandat ta’ inibizzjoni mressaq minn assoċjazzjoni reġjonali ta’ protezzjoni tal-konsumaturi — Qorti li għandha ġurisdizzjoni territorjali — Assenza ta’ possibbiltà li tiġi kkontestata deċiżjoni li tirrifjuta ġurisdizzjoni mogħtija fl-ewwel istanza — Awtonomija proċedurali tal-Istati Membri — Prinċipji ta’ ekwivalenza u ta’ effettività)
Kawża C-413/12: Sentenza tal-Qorti tal-Ġustizzja (It-Tielet Awla) tal- 5 ta’ Diċembru 2013 (talba għal deċiżjoni preliminari tal-Audiencia Provincial de Salamanca — Spanja) — Asociación de Consumidores Independientes de Castilla y León vs Anuntis Segundamano España SL (Rinviju għal deċiżjoni preliminari — Direttiva 93/13/KEE — Mandat ta’ inibizzjoni mressaq minn assoċjazzjoni reġjonali ta’ protezzjoni tal-konsumaturi — Qorti li għandha ġurisdizzjoni territorjali — Assenza ta’ possibbiltà li tiġi kkontestata deċiżjoni li tirrifjuta ġurisdizzjoni mogħtija fl-ewwel istanza — Awtonomija proċedurali tal-Istati Membri — Prinċipji ta’ ekwivalenza u ta’ effettività)
ĠU C 45, 15.2.2014, p. 12–13
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
|
15.2.2014 |
MT |
Il-Ġurnal Uffiċjali tal-Unjoni Ewropea |
C 45/12 |
Sentenza tal-Qorti tal-Ġustizzja (It-Tielet Awla) tal-5 ta’ Diċembru 2013 (talba għal deċiżjoni preliminari tal-Audiencia Provincial de Salamanca — Spanja) — Asociación de Consumidores Independientes de Castilla y León vs Anuntis Segundamano España SL
(Kawża C-413/12) (1)
(Rinviju għal deċiżjoni preliminari - Direttiva 93/13/KEE - Mandat ta’ inibizzjoni mressaq minn assoċjazzjoni reġjonali ta’ protezzjoni tal-konsumaturi - Qorti li għandha ġurisdizzjoni territorjali - Assenza ta’ possibbiltà li tiġi kkontestata deċiżjoni li tirrifjuta ġurisdizzjoni mogħtija fl-ewwel istanza - Awtonomija proċedurali tal-Istati Membri - Prinċipji ta’ ekwivalenza u ta’ effettività)
2014/C 45/21
Lingwa tal-kawża: l-Ispanjol
Qorti tar-rinviju
Audiencia Provincial de Salamanca
Partijiet fil-kawża prinċipali
Rikorrenti: Asociación de Consumidores Independientes de Castilla y León
Konvenuta: Anuntis Segundamano España SL
Suġġett
Talba għal deċiżjoni preliminari — Audiencia Provincial de Salamanca — Spanja — Interpretazzjoni tal-Artikoli 4, 12, 114 u 169 TFUE, tal-Artikolu 38 tal-Karta tad-Drittijiet Fundamentali tal-Unjoni Ewropea (ĠU 2000, C 364, p. 1) u tad-Direttiva tal-Kunsill 93/13/KEE, tal-5 ta’ April 1993, dwar klawżoli inġusti f’kuntratti mal-konsumatur (ĠU Edizzjoni Speċjali bil-Malti, Kapitolu 15, Vol. 2, p. 288) — Mezzi adegwati u effikaċi għall-waqfien mill-użu ta’ klawżoli inġusti — Azzjoni preventiva ta’ interess kollettiv mressqa minn assoċjazzjoni ta’ protezzjoni tal-konsumaturi u intiża sabiex tipprojbixxi l-użu minn kummerċjant ta’ klawżoli inġusti — Regoli nazzjonali tal-proċedura ċivili li jagħtu ġurisdizzjoni lill-qorti tas-sede tal-konvenut — Leġiżlazzjoni nazzjonali li teskludi kull rikors kontra digriet ta’ nuqqas ta’ ġurisdizzjoni territorjali
Dispożittiv
Id-Direttiva tal-Kunsill 93/13 KEE, tal-5 ta’ April 1993, dwar klawżoli inġusti f’kuntratti mal-konsumatur, kif ukoll il-prinċipji ta’ effettività u ta’ ekwivalenza għandhom jiġu interpretati fis-sens li huma ma jipprekludux leġiżlazzjoni ta’ Stat Membru, bħal dik inkwistjoni fil-kawża prinċipali, li skont din, fil-qasam ta’ mandat ta’ inibizzjoni mressaq mill-assoċjazzjonijiet ta’ protezzjoni tal-konsumaturi, minn naħa, azzjoni bħal din għandha titressaq quddiem il-qrati tal-post tal-istabbiliment jew tad-domiċilju tal-konvenut u, min-naħa l-oħra, id-deċiżjoni ta’ nuqqas ta’ ġurisdizzjoni territorjali mogħtija minn qorti tal-ewwel istanza ma hijiex suġġetta għal appell.