Access to European Union law
<a href="https://eur-lex.europa.eu/content/help/eurlex-content/experimental-features.html" target="_blank">More about the experimental features corner</a>
Choose the experimental features you want to try
EUR-Lex
Access to European Union law

This document is an excerpt from the EUR-Lex website

You are here
Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search

Document 62011TN0168

Kawża T-168/11: Rikors ippreżentat fil- 25 ta’ April 2012 — AQ vs Il-Parlament Ewropew

ĠU C 250, 18.8.2012, p. 15–16 (BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)

18.8.2012   

MT

Il-Ġurnal Uffiċjali tal-Unjoni Ewropea

C 250/15

Rikors ippreżentat fil-25 ta’ April 2012 — AQ vs Il-Parlament Ewropew

(Kawża T-168/11)

2012/C 250/29

Lingwa tal-kawża: il-Pollakk

Partijiet

Rikorrent: AQ (Żary, il-Polonja) (rappreżentant: K. Rosiak, radca prawny)

Konvenut: Il-Parlament Ewropew

Talbiet tar-rikorrent

Ir-rappreżentant tar-rikorrent jitlob li l-Qorti Ġenerali jogħġobha:

—

tiddikjara li r-rikors huwa inammissibbli u li ma hemmx lok li jiġi eżaminat; kif ukoll

—

tiddikjara li ma hemmx bażi għat-talba tar-rikorrent għall-kumpens għad-dannu minħabba li ma hemmx dannu effettiv u ċert ikkawżat minn att jew ommissjoni tal-Parlament Ewropew.

Motivi u argumenti prinċipali

Insostenn tal-argumenti tiegħu, ir-rappreżentant tar-rikorrent iqajjem tliet motivi.

(1)

L-ewwel motiv:

—

bla ħsara għall-eventwalità li jiġi kkonfermat li l-ittra tal-Parlament Ewropew tas-7 ta’ Lulju 2008 tinkludi deċiżjoni tal-Kumitat għall-Petizzjonijiet dwar petizzjoni preċedenti tar-rikorrent b’kontenut li jikkorrispondi kompletament għal dak tat-talba mressqa fil-petizzjoni, għandu jiġi kkunsidrat li hemm ksur, min-naħa tal-Parlament Ewropew, tal-forom proċedurali sostanzjali (regoli tal-proċedura tal-Parlament Ewropew) u li l-Parlament Ewropew naqas milli jadotta att indirizzat lir-rikorrent bħala tweġiba għall-petizzjoni mressqa quddiemu;

(2)

It-tieni motiv:

—

madankollu, peress li l-petizzjoni ma tikkonċernax kwistjonijiet li jaqgħu fil-kompetenza tal-Unjoni Ewropea, ir-rikorrent ma għandux interess ġuridiku;

(3)

It-tielet motiv:

—

barra minn hekk, sa fejn it-terminu għall-preżentata tar-rikors fuq il-bażi tal-Artikolu 230 KE (Artikolu 263 TFUE) u fuq il-bażi tal-Artikolu 232 KE (Artikolu 265 TFUE) kien diġa preskritt, ir-rikors kien diġà inammissibbli meta r-rikorrent ressaq it-talba għal għajnuna ġudizzjarja.
Top