Rikors ippreżentat fid-19 ta’ Mejju 2011 — Ir-Repubblika Franċiża vs Il-Parlament Ewropew

(Kawża C-238/11)

2011/C 226/25

Lingwa tal-kawża: il-Franċiż

Partijiet

Rikorrenti: Ir-Repubblika Franċiża (rappreżentanti: E. Belliard, G. de Bergues u A. Adam, aġenti)

Konvenut: Il-Parlament Ewropew

Talbiet

Motivi u argumenti prinċipali

Insostenn tar-rikors tagħha, ir-rikorrenti tinvoka motiv wieħed ibbażat, minn naħa, fuq ksur tal-Protokoll Nru 6 dwar il-lokalità tas-sede tal-istituzzjonijiet u ta’ ċerti organi, korpi u dipartimenti tal-Unjoni Ewropea, anness mat-TUE u mat-TFUE, u tal-Protokoll Nru 3 dwar il-lokalità tas-sede tal-istituzzjonijiet u ta’ ċerti organi, korpi u dipartimenti tal-Unjoni Ewropea, anness mat-Trattat KEEA, u, min-naħa l-oħra, fuq nuqqas ta’ osservanza tas-sentenza tal-Qorti tal-Ġustizzja tal-1 ta’ Ottubru 1997, Franza vs Il-Parlament (C-345/95, Ġabra p. I-5235).

Skont il-Gvern Franċiż, billi stabbilixxa li tnejn mit-tnax-il perijodu tas-sessjonijiet plenarji ta’ kull xahar li għandhom isiru kull sena fi Strasbourg ser jiġu mnaqqsa minn erbat ijiem għal jumejn u ser isiru, fl-2013, fl-istess ġimgħa tax-xahar ta’ Ottubru, il-Parlament Ewropew ipprova jevita r-regola li tgħid li t-tnax-il perijodu tas-sessjonijiet plenarji ta’ kull xahar, inkluża s-sessjoni tal-baġit, għandhom isiru fi Strasbourg. Id-deliberazzjoni kkontestata twassal, fir-realtà, sabiex titħassar waħda mit-tnax-il perijodu tas-sessjonijiet plenarji ta’ kull xahar li għandhom isiru kull sena fi Strasbourg. Għalhekk, hija għandha bħala l-għan uniku tagħha li tnaqqas il-perijodu ta’ preżenza tal-membri parlamentari Ewropej fil-Parlament Ewropew mingħajr ma hija mmotivata minn ebda eżiġenza ta’ organizzazzjoni interna tal-ħidma ta’ din l-istituzzjoni.