23.7.2011   

MT

Il-Ġurnal Uffiċjali tal-Unjoni Ewropea

C 219/2

(1)

L-Artikolu 7(2) tad-Direttiva dwar id-dritt għal riunifikazzjoni tal-familja (1) jippermetti lil Stat Membru jirrifjuta d-dħul u r-residenza fit-territorju tiegħu lil membru tal-familja, kif imsemmi fl-Artikolu 4 ta’ din id-direttiva, ta’ ċittadin ta’ pajjiż terz li joqgħod legalment f’dan l-Istat Membru, għar-raġuni biss li dan il-membru tal-familja ma għaddiex barra mill-pajjiż mill-eżami ta’ integrazzjoni ċivika kif previst mil-leġiżlazzjoni ta’ dan l-Istat Membru?

(2)

Sabiex tingħata risposta għad-domanda 1, il-fatt li l-membru tal-familja inkwistjoni jkun l-omm ta’ tmient itfal, li sebgħa minnhom huma minuri, li joqogħdu legalment f’dan l-Istat Membru, huwa rilevanti?

(3)

Sabiex tingħata risposta għad-domanda 1, il-fatt li t-tagħlim fil-lingwa ta’ dan l-Istat Membru jkun aċċessibbli għall-membru tal-familja fl-Istat ta’ residenza, huwa rilevanti?

(4)

Sabiex tingħata risposta għad-domanda 1, il-kwistjoni jekk il-membru tal-familja, fid-dawl tal-livell ta’ edukazzjoni tiegħu u tas-sitwazzjoni personali tiegħu, b’mod partikolari s-sitwazzjoni medika tiegħu, ikunx jista’ jgħaddi minn dan l-eżami fi żmien qasir, huwa rilvenati?

(5)

Sabiex tingħata risposta għad-domanda 1, il-fatt li ebda stħarriġ ma seħħ fid-dawl tal-Artikoli 5(5) u 17 tad-Direttiva dwar id-dritt għal riunifikazzjoni tal-familja, tal-Artikolu 24 tal-Karta tad-Drittijiet tal-Bniedem tal-Unjoni Ewropea, jew ukoll tal-prinċipju ta’ proporzjonalità huwa rilevanti?

(6)

Sabiex tingħata risposta għad-domanda 1, il-fatt li ċ-ċittadini ta’ ċerti pajjiżi terzi oħra huma eżentati, abbażi taċ-ċittadinanza tagħhom biss, mill-obbligu li jgħaddu barra mill-pajjiż mill-eżami ta’ integrazzjoni ċivika huwa rilevanti ?