EUR-Lex Access to European Union law
This document is an excerpt from the EUR-Lex website
Document 62010TA0286
Case T-286/10: Judgment of the General Court of 17 October 2012 — Fondation IDIAP v Commission (Arbitration clause — Sixth Framework Programme for research, technological development and demonstration activities — Contracts relating to the Amida, Bacs and Dirac projects — Eligible costs — Additional cost model — Salary of researchers holding permanent employment contracts — Absence of contractor's own resources)
Kawża T-286/10: Sentenza tal-Qorti Ġenerali tas- 17 ta’ Ottubru 2012 — Fondation IDIAP vs Il-Kummissjoni ( “Klawsola ta’ arbitraġġ — Sitt programm kwadru dwar l-attivitajiet ta’ riċerka, ta’ żvilupp tekonoloġiku u ta’ dimostrazzjoni — Kuntratti dwar il-proġetti Amida, Bacs u Dirac — Spejjeż eliġibbli — Mudell ta’ spejjeż addizzjonali — Salarju tar-riċerkaturi li jibbenefikaw minn kuntratti ta’ impjieg għal żmien indeterminat — Nuqqas ta’ riżorsi proprji tal-kontraenti” )
Kawża T-286/10: Sentenza tal-Qorti Ġenerali tas- 17 ta’ Ottubru 2012 — Fondation IDIAP vs Il-Kummissjoni ( “Klawsola ta’ arbitraġġ — Sitt programm kwadru dwar l-attivitajiet ta’ riċerka, ta’ żvilupp tekonoloġiku u ta’ dimostrazzjoni — Kuntratti dwar il-proġetti Amida, Bacs u Dirac — Spejjeż eliġibbli — Mudell ta’ spejjeż addizzjonali — Salarju tar-riċerkaturi li jibbenefikaw minn kuntratti ta’ impjieg għal żmien indeterminat — Nuqqas ta’ riżorsi proprji tal-kontraenti” )
ĠU C 373, 1.12.2012, p. 5–5
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)
1.12.2012 |
MT |
Il-Ġurnal Uffiċjali tal-Unjoni Ewropea |
C 373/5 |
Sentenza tal-Qorti Ġenerali tas-17 ta’ Ottubru 2012 — Fondation IDIAP vs Il-Kummissjoni
(Kawża T-286/10) (1)
(Klawsola ta’ arbitraġġ - Sitt programm kwadru dwar l-attivitajiet ta’ riċerka, ta’ żvilupp tekonoloġiku u ta’ dimostrazzjoni - Kuntratti dwar il-proġetti Amida, Bacs u Dirac - Spejjeż eliġibbli - Mudell ta’ spejjeż addizzjonali - Salarju tar-riċerkaturi li jibbenefikaw minn kuntratti ta’ impjieg għal żmien indeterminat - Nuqqas ta’ riżorsi proprji tal-kontraenti)
2012/C 373/07
Lingwa tal-kawża: il-Franċiż
Partijiet
Rikorrenti: Fondation de l’Institut de recherche IDIAP (Martigny, l-Isvizzera) (rappreżentanti: G. Chapus-Rapin u G. Couchepin, avukati)
Konvenuta: Il-Kummissjoni Ewropea (rappreżentanti: F. Dintilhac u A. Sauka, aġenti)
Suġġett
Talba mressqa prinċipalment abbażi tal-Artikolu 272 TFUE, intiża sabiex tinkiseb mill-Qorti Ġenerali dikjarazzjoni li ċerti spejjeż esposti mir-rikorrenti fil-kuntest tal-eżekuzzjoni tal-Kuntratti Nru 33812, dwar il-proġett Amida, Nru 27140, dwar il-proġett Bacs u Nru 27787, dwar il-proġett Dirac, konklużi mal-Kummissjoni Ewropea fil-kuntest tas-Sitt programm kwadru tal-Komunità Ewropea dwar l-attivitajiet ta’ riċerka, ta’ żvilupp tekonoloġiku u ta’ dimostrazzjoni li jikkontribwixxu għall-ħolqien taż-Żona Ewropea tar-riċerka u għall-innovazzjoni (2002-2006), stabbilit mid-Deċiżjoni Nru 1513/2002/KE tal-Parlament Ewropew u tal-Kunsill, tas-27 ta’ Ġunju 2002 (ĠU Edizzjoni Speċjali bil-Malti, Kapitolu 13, Vol. 29, p. 576), huma eliġibbli għal rimbors u li, konsegwentement, ir-rikorrenti ma għandhiex tirrimborsa s-somom ta’ EUR 98 042,45 għall-kuntratt dwar il-proġett Dirac u ta’ EUR 251 505,76 għall-kuntratt dwar il-proġett Amida, kif ukoll talba mressqa sussidjarjament abbażi tal-Artikolu 263 TFUE, intiża sabiex jinkiseb, minn naħa, l-annullament tad-deċiżjoni tal-Kummissjoni li permezz tagħha din tal-aħħar ikkonfermat il-konklużjonijiet ta’ verifika li ddikjarat l-ispejjeż inkwisjtoni ineliġibbli u, min-naħa l-oħra, il-kundanna tal-Kummissjoni sabiex twettaq minnufih verifika tal-proġetti li kellhom jitwettqu minn kumpannija oħra differenti minn dik li kienet wettqet l-ewwel verifika.
Dispożittiv
(1) |
Ir-rikors huwa miċħud. |
(2) |
Il-Fondation de l’Institut de recherche IDIAP hija kkundannata tbati, minbarra l-ispejjeż tagħha, l-ispejjeż esposti mill-Kummissjoni Ewropea, inklużi dawk relatati mal-proċedura għal miżuri provviżorji. |