This document is an excerpt from the EUR-Lex website
Document 62009TN0137
Case T -137/09: Action brought on 6 April 2009 — Nike International v OHIM — Muñoz Molina (R10)
Kawża T-137/09: Rikors ippreżentat fis- 6 ta’ April 2009 — Nike International Ltd vs UASI — Muñoz Molina (R10)
Kawża T-137/09: Rikors ippreżentat fis- 6 ta’ April 2009 — Nike International Ltd vs UASI — Muñoz Molina (R10)
ĠU C 129, 6.6.2009, p. 19–20
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)
6.6.2009 |
MT |
Il-Ġurnal Uffiċjali tal-Unjoni Ewropea |
C 129/19 |
Rikors ippreżentat fis-6 ta’ April 2009 — Nike International Ltd vs UASI — Muñoz Molina (R10)
(Kawża T-137/09)
2009/C 129/34
Lingwa tar-rikors: L-Ispanjol
Partijiet
Rikorrenti: Nike International Ltd (Oregon, l-Istati Uniti) (rappreżentant: M. de Justo Bailey, abogado)
Konvenut: L-Uffiċċju għall-Armonizzazzjoni fis-Suq Intern (Trade marks u Disinni)
Parti oħra quddiem il-Bord tal-Appell: Aurelio Muñoz Molina (Santa Pola, Spanja)
Talbiet tar-rikorrenti
— |
temenda d-deċiżjoni kkontestata fir-rigward tal-inammissibbiltà tar-rikors, billi tistabbilixxi li dan huwa ammissibbli, u billi tistabbilixxi li t-Tieni Bord tal-Appell aġixxa b’mod korrett, billi daħal fil-mertu tiegħu. |
— |
sussidjarjament, tiddeċiedi dwar l-eżistenza tal-ksur tal-Artikolu 73 CTMR u d-dispożizzjonjiet l-oħra applikabbli min-naħa tal-Bord tal-Appell u tad-Diviżjoni tal-Oppożizzjoni, billi tordna r-retroattività tal-proċess sabiex tiġi kkumpensata n-nuqqas ta’ possibbiltà tar-rikorrenti (Nike International Ltd) li tikkoreġi n-nuqqasijiet bħala persuna li tassenja d-dritt preċedenti u/jew, tal-anqas, in-notifika korretta tad-deċiżjoni lir-rappreżentant tal-proprjetarju preċedenti (DL Sports & Marketing Ltd). |
Motivi u argumenti prinċipali
Applikant għat-trade mark Komunitarja: Aurelio Muñoz Molina.
Trade mark Komunitarja kkonċernata: Trade mark verbali “R 10” (Applikazzjoni għal reġistrazzjoni Nru 4813713), għal prodotti u servizzi fil-klassijiet 18, 25 u 35.
Proprjetarju tat-trade mark jew tas-sinjal invokat in sostenn tal-oppożizzjoni: Ir-rikorrenti.
Trade mark jew sinjal invokat in sostenn tal-oppożizzjoni: Trade mark Spanjola mhux irreġistrata “R 10”.
Deċiżjoni tad-Diviżjoni tal-Oppożizzjoni: Oppożizzjoni miċħuda, minħabba motivi formali u, konkretament, minħabba ksur tad-dispożizzjoni fl-Artikolu 58 tar-Regolament tal-Kunsill (KE) Nru 40/94 dwar it-trade mark Komunitarja (1), u tar-Regola 49(1) tar-Regolament tal-Kummissjoni (KE) Nru 2868/95, tat-13 ta’ Diċembru 1995, li jimplimenta r-Regolament tal-Kunsill (KE) Nru 40/94 dwar it-trade mark tal-Komunità. (2)
Deċiżjoni tal-Bord tal-Appell: Appell miċħud minħabba inammissibbiltà.
Motivi invokati: Evalwazzjoni żbaljata tal-kundizzjonijiet relatati mal-ammissibbiltà ta’ dan ir-rikors, ksur tal-obbligu ta’ motivazzjoni u nuqqas ta’ “In audita altera partem”.