This document is an excerpt from the EUR-Lex website
Document 62008TN0209
Case T-209/08: Action brought on 4 June 2008 — Stichting Administratiekantoor Portielje v Commission
Kawża T-209/08: Rikors ippreżentat fl- 4 ta' Ġunju 2008 — Stichting Administratiekantoor Portielje vs Il-Kummissjoni
Kawża T-209/08: Rikors ippreżentat fl- 4 ta' Ġunju 2008 — Stichting Administratiekantoor Portielje vs Il-Kummissjoni
ĠU C 197, 2.8.2008, p. 30–30
(BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)
|
2.8.2008 |
MT |
Il-Ġurnal Uffiċjali ta’ l-Unjoni Ewropea |
C 197/30 |
Rikors ippreżentat fl-4 ta' Ġunju 2008 — Stichting Administratiekantoor Portielje vs Il-Kummissjoni
(Kawża T-209/08)
(2008/C 197/52)
Lingwa tal-kawża: L-Olandiż
Partijiet
Rikorrenti: Stichting Administratiekantoor Portielje (Rotterdam, l-Olanda) (rappreżentanti: D. Van Hove, avukat)
Konvenuta: Il-Kummissjoni tal-Komunitajiet Ewropej
Talbiet tar-rikorrenti
|
— |
tannulla d-Deċiżjoni tal-Kummissjoni C (2008) 926 finali tal-11 ta' Marzu 2008, innotifikata lir-rikorrenti fil-25 ta' Marzu 2008, dwar proċeduri ta' applikazzjoni ta' l-Artikolu 81 KE (Każ COMP/38.543 — Servizzi ta' ġarr internazzjonali) fil-parti fejn tissemma r-rikorrenti; |
|
— |
sussidjarjament, tannulla l-Artikolu 2(e) tad-deċiżjoni, fil-parti fejn tissemma r-rikorrenti, għall-motivi msemmija fir-raba' u/jew fil-ħames motivi, u t-tnaqqis tal-multa imposta fl-Artikolu 2, fil-parti fejn tissemma r-rikorrenti; |
|
— |
tikkundanna lil-Kummissjoni għall-ispejjeż. |
Motivi u argumenti prinċipali
L-ewwel motiv imqajjem mir-rikorrenti jgħid li d-deċiżjoni kisret l-Artikoli 81 KE u l-Artikolu 23(2) tar-Regolament Nru 1/2003 (1), peress li l-Kummissjoni ma wrietx skond il-liġi li r-rikorrenti hija impriża skond l-artikoli msemmija.
Fit-tieni motiv, ir-rikorrenti tgħid li d-deċiżjoni kisret l-Artikolu 81(1) KE u l-Artikolu 23(2) tar-Regolament Nru 1/2003, peress li l-Kummissjoni, fid-dawl tal-fatti, bi żball attribwiet ir-responsabbiltà ta' l-aġir ta' Gosselin lir-rikorrenti.
Fit-tielet motiv, ir-rikorrenti tgħid li d-deċiżjoni kisret l-Artikolu 81 KE. L-ewwel parti ta' l-imsemmi motiv tgħid li l-Kummissjoni ma wrietx skond il-liġi li l-atti li jistgħu jiġu kkontestati lil Gosselin għandhom ikunu kkwalifikati bħala restrizzjoni evidenti għall-kompetizzjoni skond l-Artikolu 81 KE. It-tieni parti tgħid li l-Kummissjoni ma wrietx skond il-liġi li l-akkordju li fih Gosselin ħadet sehem jista' jolqot b'mod rilevanti l-kummerċ bejn l-Istati Membri.
Ir-raba' motiv jgħid li d-deċiżjoni kisret l-Artikolu 23 tar-Regolament Nru 1/2003 (2), l-Artikolu 15(2) tar-Regolament Nru 17/62 (3) u l-linji gwida għall-kalolku tal-multi (4). Il-Kummissjoni kisret dawn id-dispożizzjonijiet meta kkonstatat il-gravità tal-ksur, il-valur tal-bejgħ li jservi sabiex jiġi kkalkolat l-ammont bażiku tal-multa imposta fuq Gosselin u, fl-aħħar nett, ma kkunsidratx cirkustanzi attenwanti għal Gosselin fil-kuntest tal-kalkolu tal-multa.
Il-ħames motiv jgħid li l-Kummissjoni kisret il-prinċipju ta' trattament ugwali, u b'mod partikolari meta kkonstatat il-gravità tal-ksur u l-valur tal-bejgħ li ttieħdu in kunsiderazzjoni sabiex tiġi kkalkolata l-multa.
(1) Regolament tal-Kunsill (KE) Nru 1/2003 tas-16 ta' Diċembru 2002 fuq l-implimentazzjoni tar-regoli tal-kompetizzjoni mniżżlin fl-Artikoli 81 u 82 tat-Trattat (ĠU L 1, p. 1).
(2) Diġà ċċitat fin-nota ta' qiegħ il-paġna 1.
(3) Regolament Nru 17: L-ewwel Regolament li jimplementa l-Artikoli 85 u 86 tat-Trattat (ĠU 1962, 13, p. 204).
(4) Linji gwida għall-kalkolu tal-multi imposti b'applikazzjoni ta' l-Artikolu 23(2)(a) tar-Regolament (KE) Nru 1/2003 (ĠU 2006, C 210, p. 2).