22.11.2008   

MT

Il-Ġurnal Uffiċjali ta’ l-Unjoni Ewropea

C 301/14

1)

Id-Direttiva 2004/35/KE (1), tal-Parlament Ewropew u tal-Kunsill ta' l-21 ta'April 2004 dwar ir-responsabbiltà ambjentali f'dak li għandu x'jaqsam mal-prevenzjoni u r-rimedju għal danni ambjentali, u b'mod partikolari l-Artikolu 7 u l-Anness II tagħha, għandha tiġi interpretata fis-sens li tipprekludi leġiżlazzjoni nazzjonali li tippermetti lill-Amministrazzjoni Pubblika li timponi, “għażla minn rimedji varji għal dannu ambjentali”, li jseħħ fuq l-ambjent (li jikkostitwixxi, fil-kawża preżenti, fit-“tniġġiż fiżiku” tat-tul tax-xatt tal-baħar) differenti u supplimentari għal dawk magħżula fid-deċiżjoni kontradittorja, diġà approvati, imwettqa, u fil-kors li jiġu implementati?

2)

L-imsemmija direttiva tipprekludi leġiżlazzjoni nazzjonali li tippermetti lill-Amministrazzjoni Pubblika timponi, b'awtorità, tali rekwiżit, anke mingħajr ma tevalwa l-kundizzjonijiet partikolari, l-ispejjeż ta' implementazzjoni fir-rigward tal-benefiċċji raġjonevolament prevedibbli, id-danni kollaterali possibbli jew probabbli u l-effetti fuq is-saħħa u s-sigurtà pubblika, u ż-żmien neċessarju għall-implementazzjoni?

3)

Fir-rigward tas-sitwazzjoni speċifika li teżisti fis-Sit ta' Interess Nazzjonali ta' Prioli, l-imsemmija direttiva tipprekludi leġiżlazzjoni nazzjonali li tippermetti lill-Amministrazzjoni Pubblika timponi, b'awtorità, tali rekwiżit, ta' kundizzjonijiet għall-awtorizzazzjoni tal-użu leġittimu taż-żoni li ma jirrigwardawx direttament ir-rijabilitazzjoni, li huma diġà rijabilitati, jew mhux imniġġża, inklużi dawk fil-perimetru tas-Sit ta' Interess Nazzjonali ta' Prioli?