Back to EUR-Lex homepage

EUR-Lex Access to European Union law

Back to EUR-Lex homepage

This document is an excerpt from the EUR-Lex website

Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search
You are here

Document 62008CN0192

Kawża C-192/08: Talba għal deċiżjoni preliminari magħmula mill-Korkein hallinto-oikeus (il-Finlandja) fit- 8 ta' Mejju 2008 — TeliaSonera Finland Oyj

ĠU C 197, 2.8.2008, p. 8–9 (BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)

2.8.2008   

MT

Il-Ġurnal Uffiċjali ta’ l-Unjoni Ewropea

C 197/8

Talba għal deċiżjoni preliminari magħmula mill-Korkein hallinto-oikeus (il-Finlandja) fit-8 ta' Mejju 2008 — TeliaSonera Finland Oyj

(Kawża C-192/08)

(2008/C 197/12)

Lingwa tal-kawża: Il-Finlandiż

Qorti tar-rinviju

Korkein hallinto-oikeus

Partijiet fil-kawża prinċipali

Rikorrenti: TeliaSonera Finland Oyj

Partijiet oħra fil-kawża prinċipali: Viestintävirasto, iMEZ Ab

Domandi preliminari

1)

L-Artikolu 4(1) tad-Direttiva 2002/19/KE tal-Parlament Ewropew u tal-Kunsill (1), tas-7 ta' Marzu 2002, dwar l-aċċess għal, u l-interkonnessjoni ta', networks ta' komunikazzjonijiet elettroniċi u faċilitajiet assoċjati (Direttiva ta' l-Aċċess), meta moqri flimkien mal-premessi 5, 6 u 8 tal-preambolu għal din id-direttiva u ma' l-Artikolu 8 u l-Artikolu 5 tagħha, għandu jiġi interpretat bħala li jfisser li:

(a)

leġiżlazzjoni nazzjonali tista' tipprovdi, bħalma jagħmel il-punt 39(1) tal-Liġi Finlandiża dwar is-Suq tal-Komunikazzjonijiet, li kull operatur tat-telekomunikazzjonijiet għandu obbligu li jinnegozja interkonnessjoni ma' operatur tat-telekomunikazzjonijiet ieħor u, f'dan il-każ,

(b)

awtorità regolatorja nazzjonali tista' tieħu l-pożizzjoni li l-obbligu li jinnegozja ma jkunx ġie ssodisfat meta operatur tat-telekomunikazzjonijiet li ma jkollux saħħa sinjifikattiva fis-suq ikun offra lil operatur ieħor interkonnessjoni taħt kundizzjonijiet li l-awtorità tikkunsidra bħala kompletament unilaterali u li x'aktarx joħolqu ostakolu għall-istabbiliment ta' suq kompetittiv fil-livell tal-bejgħ bl-imnut, fejn dawn ikunu fil-prattika żammew lit-tieni operatur milli joffri lill-klijenti tiegħu l-opportunità li jittrażmettu messaġġi multimedia lill-utenti finali rreġistrati man-netwerk ta' telekomunikazzjonijiet ta' l-operatur u, f'dan il-każ,

(c)

tista' l-awtorità regolatorja nazzjonali fid-deċiżjoni tagħha teżiġi li l-imsemmi operatur tat-telekomunikazzjonijiet, li għalhekk m'għandux saħħa sinjifikattiva fis-suq, jinnegozja in bona fide l-interkonnessjoni ta' servizzi ta' komunikazzjonijiet ta' text u ta' multimedia bejn sistemi ta' operaturi b'tali mod li, f'negozjati kummerċjali, għandhom jitqiesu l-għanijiet li l-interkonnessjoni hija intiża li tilħaq u n-negozjati għandhom ikunu bbażati fuq il-premessa li l-operazzjoni tas-servizzi ta' l-SMS u ta' l-MMS bejn is-sistemi ta' operaturi tista' tkun suġġetta għal kundizzjonijiet raġonevoli sabiex l-utenti jkollhom il-possibbiltà li jużaw servizzi ta' komunikazzjonijiet ta' operaturi tat-telekomunikazzjonijiet?

2)

In-natura tan-netwerk ta' iMEZ Ab jew il-kwistjoni jekk iMEZ Ab għandhiex tiġi kkunsidrata bħala operatur ta' netwerks elettroniċi pubbliċi ta' komunikazzjonijiet għandhom effett fuq l-evalwazzjoni tad-domandi magħmula hawn fuq?

(1)  ĠU L 108, p. 7.

Top