Back to EUR-Lex homepage

EUR-Lex Access to European Union law

Back to EUR-Lex homepage

This document is an excerpt from the EUR-Lex website

Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search
You are here

Document 62008CN0178

Kawża C-178/08: Talba għal deċiżjoni preliminari mressqa mill-Bundesverwaltungsgerichts (il-Ġermanja) fid- 29 ta' April 2008 — Ahmed Adem u Hamrin Mosa Rashi vs Ir-Repubblika Ġermaniża

ĠU C 197, 2.8.2008, p. 5–5 (BG, ES, CS, DA, DE, ET, EL, EN, FR, IT, LV, LT, HU, MT, NL, PL, PT, RO, SK, SL, FI, SV)

2.8.2008   

MT

Il-Ġurnal Uffiċjali ta’ l-Unjoni Ewropea

C 197/5

Talba għal deċiżjoni preliminari mressqa mill-Bundesverwaltungsgerichts (il-Ġermanja) fid-29 ta' April 2008 — Ahmed Adem u Hamrin Mosa Rashi vs Ir-Repubblika Ġermaniża

(Kawża C-178/08)

(2008/C 197/07)

Lingwa tal-kawża: Il-Ġermaniż

Qorti tar-rinviju

Bundesverwaltungsgericht

Partijiet fil-kawża prinċipali

Rikorrenti: Ahmed Adem u Hamrin Mosa Rashi

Konvenuta: Ir-Repubblika Ġermaniża

Domandi preliminari

1.

L-Artikolu 11(1)(e) tad-Direttiva tal-Kunsill 2004/83/KE, tad-29 ta' April 2004 dwar livelli stabbiliti minimi għall-kwalifika u l-istat ta' ċittadini nazzjonali ta' pajjiżi terzi jew persuni mingħajr stat bħala refuġjati jew bħala persuni li nkella jeħtieġu protezzjoni internazzjonali u l-kontenut tal-protezzjoni mogħtija (1), għandu jiġi interpretat fis-sens li, indipendentement mit-tieni frażi tal-paragrafu 5 tat-Taqsima Ċ ta' l-Ewwel Artikolu tal-Konvenzjoni dwar l-Istat bħala Refuġjati tat-28 ta' Lulju 1951 (Konvenzjoni ta' Ġinevra dwar ir-refuġjati), persuna titlef l-istat ta' refuġjat tagħha peress illi ma jibqgħux jeżistu ċ-ċirkustanzi li jkunu ġġustifikaw il-biża tagħha li tiġi ppersegwitata skond l-Artikolu 2(ċ) ta' din id-Direttiva, u li sussegwentement tagħhom hija tkun ġiet irrikonoxxuta bħala refuġjat, u li hija ma jkollhiex iktar raġunijiet għalfejn tibża li tiġi ppersegwita skond l-Artikolu 2(ċ) msemmi?

2.

F'każ ta' risposta fin-negattiv għall-ewwel domanda, it-telfien ta' l-istat ta' refuġjat skond l-applikazzjoni ta' l-Artikolu 11(1)(e) tad-direttiva msemmija iktar 'il fuq jimplika wkoll li, fil-pajjiż li tiegħu ir-rifuġjat għandu ċ-ċittadinanza:

a)

jeżisti attur ta' protezzjoni skond l-Artikolu 7(1) tad-direttiva msemmija, u huwa biżżejjed f'dan ir-rigward li l-protezzjoni tista' tingħata biss bl-għajnuna ta' truppi multinazzjonali;

b)

ir-rifuġjat ma jirriskja l-ebda periklu serju skond l-Artikolu 15 ta' din id-direttiva u li jwassal għall-għoti tal-protezzjoni sussidjarja skond l-Artikolu 18 ta' din l-istess direttiva u/jew

ċ)

is-sitwazzjoni tkun stabbli fuq il-livell tas-sigurtà u l-kundizzjonijiet tal-ħajja ġenerali jiggarantixxu l-minimu vitali?

3.

Fil-każ fejn jispiċċaw iċ-ċirkustanzi li minħabba fihom il-persuna in kwistjoni ġiet irrikonoxxuta bħala refuġjat, iċ-ċirkustanzi l-ġodda u differenti li jiġġustifikaw il-biża ta' persekuzzjoni:

a)

għandhom jiġu evalwati fid-dawl tal-kriterju ta' possibiltà verosimili li japplika wkoll għar-rikonoxximent ta' l-istat ta' refuġjat jew fid-dawl ta' kriterju ieħor

b)

għandhom jiġu evalwati b'teħid b'kunsiderazzjoni tat-tnaqqis ta' l-oneru tal-prova li jirriżulta mill-Artikolu 4(4) tad-direttiva msemmija iktar 'il fuq?

(1)  ĠU L 304, p. 12.

Top