7.6.2008   

MT

Il-Ġurnal Uffiċjali ta’ l-Unjoni Ewropea

C 142/20

1)

Jekk jitqies li, bħala prinċipju, liġi nazzjonali li tipprovdi li huma biss il-membri kollha flimkien ta' konsorzju mingħajr personalità ġuridika, u mhux il-membri individwali tiegħu, li jistgħu jressqu rikors kontra l-att ta' għoti ta' kuntratt, liema konsorzju jkun ipparteċipa, mingħajr suċċess, fi proċedura ta' għoti ta' kuntratti pubbliċi, ma tmurx kontra d-dritt Komunitarju u b'mod partikolari kontra d-dispożizzjonijiet tad-Direttiva 89/665/KEE, ħaġa li tgħodd ukoll meta r-rikors ikun għall-ewwel ġie ppreżentat mill-membri kollha tal-konsorzju kollettivament, iżda iktar tard ikun irriżulta li kien inammissibbli fil-konfront ta' wħud minnhom, huwa meħtieġ, fil-kuntest ta' l-applikazzjoni ta' l-imsemmija direttiva u qabel ma tiġi ddikjarata l-imsemmija inammissibbiltà, li jiġi vverifikat jekk dawn il-membri individwali jitilfux jew le, wara dan kollu, id-dritt li jadixxu qorti nazzjonali oħra sabiex jiksbu l-kumpens għad-danni eventwalment previst minn dispożizzjoni tad-dritt nazzjonali?

2)

Fil-każ fejn kienet teżisti ġurisprudenza stabbilita ta' qorti nazzjonali li kienet tipprovdi li anki membru individwali ta' konsorzju jista' validament iressaq rikors kontra att adottat fil-kuntest ta' proċedura ta' għoti ta' kuntratti pubbliċi, il-fatt li dan il-metodu ta' rikors jiġi miċħud bħala inammissibbli, minħabba bdil f'tali ġurisprudenza stabbilita, mingħajr ma r-rikorrent jingħata, preliminarjament, il-possibbiltà li jsewwi tali inammissibbiltà jew, f'kull każ, li jressaq, skond il-prinċipju tal-kontradittorju, l-osservazzjonijiet tiegħu fuq il-kwistjoni, hija kompatibbli mad-dispożizzjonijiet tad-Direttiva 89/665/KEE, interpretata fid-dawl ta' l-Artikolu 6 tal-Konvenzjoni Ewropea tad-Drittijiet tal-Bniedem bħala prinċipju ġenerali tad-dritt Komunitarju ?