This document is an excerpt from the EUR-Lex website
Document 52024XC03977
Publication of an application for registration of a name pursuant to Article 50(2), point (b), of Regulation (EU) No 1151/2012 of the European Parliament and of the Council on quality schemes for agricultural products and foodstuffs
Pubblikazzjoni ta’ applikazzjoni għal reġistrazzjoni skont l-Artikolu 50(2)(b) tar-Regolament (UE) Nru 1151/2012 tal-Parlament Ewropew u tal-Kunsill dwar skemi tal-kwalità għal prodotti agrikoli u oġġetti tal-ikel
Pubblikazzjoni ta’ applikazzjoni għal reġistrazzjoni skont l-Artikolu 50(2)(b) tar-Regolament (UE) Nru 1151/2012 tal-Parlament Ewropew u tal-Kunsill dwar skemi tal-kwalità għal prodotti agrikoli u oġġetti tal-ikel
C/2024/4327
ĠU C, C/2024/3977, 25.6.2024, ELI: http://data.europa.eu/eli/C/2024/3977/oj (BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
Il-Ġurnal Uffiċjali |
MT Is-serje C |
C/2024/3977 |
25.6.2024 |
Pubblikazzjoni ta’ applikazzjoni għal reġistrazzjoni skont l-Artikolu 50(2)(b) tar-Regolament (UE) Nru 1151/2012 tal-Parlament Ewropew u tal-Kunsill dwar skemi tal-kwalità għal prodotti agrikoli u oġġetti tal-ikel
(C/2024/3977)
B’segwitu għal din il-pubblikazzjoni, l-awtoritajiet ta’ Stat Membru jew ta’ pajjiż terz, jew persuna fiżika jew ġuridika li għandha interess leġittimu u li hija stabbilita jew residenti f’pajjiż terz, tista’, f’konformità mal-Artikolu 17 tar-Regolament (UE) 2024/1143 tal-Parlament Ewropew u tal-Kunsill (1), tippreżenta oġġezzjoni mal-Kummissjoni fi żmien 3 xhur mid-data ta’ din il-pubblikazzjoni.
SPEĊIFIKAZZJONI TAL-PRODOTT TA’ SPEĊJALITÀ TRADIZZJONALI GARANTITA
“ SENENO MESO ”
Nru tal-UE: TSG-SI-02988 – 23.8.2023
Stat Membru jew pajjiż terz: Is-Slovenja
1. Isem li għandu jiġi rreġistrat/ismijiet li għandhom jiġu rreġistrati
“Seneno meso”
2. Tip ta’ prodott
Klassi 1.1 Laħam frisk (u l-ġewwieni)
3. Raġunijiet għar-reġistrazzjoni
3.1. Dan huwa prodott li
☒ |
jirriżulta minn metodu ta’ produzzjoni, ipproċessar jew kompożizzjoni li jikkorrispondi għal prattika tradizzjonali għal dak il-prodott jew oġġett tal-ikel; |
☐ |
huwa manifatturat minn materja prima jew minn ingredjenti li kienu jintużaw tradizzjonalment. |
Il-laħam minn erbivori magħruf bħala “seneno meso” (laħam minn annimali mitmugħa l-ħuxlief) jiġi prodott bl-iktar metodu antik tal-produzzjoni tal-laħam, ibbażat fuq prattiki ta’ trobbija primittivi, jiġifieri fuq ir-ritorn għat-tagħlif tradizzjonali. Fil-passat, l-annimali kienu jitħallew jirgħu matul il-perjodu tal-veġetazzjoni u fix-xitwa jintemgħu l-ħuxlief ippreparat fl-art bil-ħaxix matul is-sajf. L-uniku mod kif jinħażen l-għalf għall-annimali kien fi stat niexef u mhux iffermentat, kif inhu l-każ f’ċerti proċessi ta’ konservazzjoni tal-lum. L-għalf u l-annimali ġenetikament modifikati ma jagħmlux parti mill-produzzjoni tal-laħam.
3.2. Dan huwa isem
☐ |
li jintuża tradizzjonalment biex jirreferi għall-prodott speċifiku; |
☒ |
li jidentifika l-karattru tradizzjonali jew il-karattru speċifiku tal-prodott. |
Foraġġ tajjeb, jiġifieri l-ħuxlief (“seno”), kien u għadu essenzjali għall-produzzjoni tas-“seneno meso”. Dan jitnixxef fuq art bil-ħaxix permanenti u fuq art bil-ħaxix ikkultivati iżda, biex tinkiseb kwalità aħjar jew biex jiġu mmitigati riskji meteoroloġiċi, jista’ jitnixxef ukoll f’nixxiefa. L-eqdem tagħmir tat-tnixxif probabbilment huwa l-“kozolec”, li ilu jissemma sa mill-1558. Waħda mir-referenzi importanti għall-“kozolec”, li tmur lura għall-1822, tagħmel enfasi fuq il-funzjoni tiegħu ta’ tnixxif tal-ħuxlief għat-tagħlif tal-annimali domestiċi. Dawn l-indikazzjonijiet jikkonfermaw l-użu tal-ħuxlief bħala foraġġ tradizzjonali u l-preżenza abbundanti ta’ dan it-tip ta’ teknoloġija f’parti kbira tal-Ewropa.
4. Deskrizzjoni
4.1. Deskrizzjoni tal-prodott li għalih japplika l-isem imsemmi fil-punt 1, inklużi l-karatteristiċi fiżiċi, kimiċi, mikrobijoloġiċi jew organolettiċi tiegħu li juru l-karattru speċifiku tal-prodott
Laħam ta’ annimali bovini, ta’ ruminanti żgħar u ta’ ekwini skont il-leġiżlazzjoni fis-seħħ.
4.2. Deskrizzjoni tal-metodu ta’ produzzjoni tal-prodott li għalih japplika l-isem imsemmi fil-punt 1 li jridu jsegwu l-produtturi, inklużi, meta xieraq, in-natura u l-karatteristiċi tal-materja prima jew tal-ingredjenti li jintużaw, kif ukoll il-metodu li permezz tiegħu jitħejja l-prodott
Il-laħam tal-bovini, tar-ruminanti żgħar u tal-ekwini magħruf bħala “seneno meso” jintgħaraf mil-laħam tradizzjonali ta’ dawn l-ispeċijiet minħabba l-proċess tal-produzzjoni tiegħu, li huwa deskritt f’dan il-punt.
Is-“seneno meso” tal-bovini, tar-ruminanti żgħar u tal-ekwini jiġi prodott skont il-proċessi tal-produzzjoni tradizzjonali. Dawn tal-aħħar huma karatterizzati mill-projbizzjoni tal-użu ta’ foraġġ iffermentat (bħall-insilaġġ tal-pjanti tal-għalf, il-ħbub taċ-ċereali insilati, il-balal tondi marbutin, eċċ.) u l-projbizzjoni tal-użu tal-annimali u tal-għalf għall-annimali kklassifikati bħala “ġenetikament modifikati”, f’konformità mal-leġiżlazzjoni fis-seħħ.
Il-produzzjoni tas-“seneno meso” teżiġi li l-annimali kollha tal-popolazzjoni tal-bhejjem jitħallew jirgħu kull meta l-kundizzjonijiet jippermettu. Ir-ragħa għandha ddum mill-inqas 120 jum fis-sena matul il-perjodu tal-veġetazzjoni.
Jekk il-kundizzjonijiet tar-ragħa ma jkunux jippermettu, l-obbligu tar-ragħa jista’ ma jiġix osservat. L-eżenzjoni mill-obbligu tar-ragħa trid tkun iġġustifikata. Tista’ tkun iġġustifikata minn frammentazzjoni eċċessiva tal-irqajja’, mid-daqs, mill-inklinazzjoni, mill-pożizzjoni remota tagħhom, mill-projbizzjoni tar-ragħa minħabba ż-żona tal-azjenda fejn ir-ragħa ma jkunx permess, kif ukoll minn taħlita ta’ dawn il-fatturi. F’każ li r-ragħa ma jkunx possibbli, l-annimali jridu jitrabbew mingħajr ma jkunu marbuta u f’kundizzjonijiet li jippermettulhom jiċċaqalqu b’mod liberu. Il-kunċett ta’ moviment liberu jiġi vvalutat skont l-ispazju interjuri indikat fit-Tabella 1.
Tabella 1
|
Spazju interjuri (erja netta disponibbli għall-annimali) |
|
Bovini |
Piż ħaj minimu (kg) |
m2/ras |
|
sa 100 |
1,5 |
|
sa 200 |
2,5 |
|
sa 350 |
4,0 |
|
iktar minn 350 |
5 |
Baqar tal-ħalib |
|
6 |
Barrin għat-tnissil |
|
10 |
Nagħaġ |
|
1,5 |
Ħrief |
|
0,35 |
Mogħoż |
|
1,5 |
Gidien |
|
0,35 |
Ekwini għat-tnissil u għat-tismin |
sa 100 |
1,5 |
|
sa 200 |
2,5 |
|
sa 350 |
4,0 |
|
iktar minn 350 |
5 |
Qabel l-iskarnar, iż-żamma tal-annimali f’post ta’ kenn hija awtorizzata matul il-perjodu tar-ragħa għal mhux iktar minn 30 jum.
Il-kontenut ta’ materja niexfa tal-foraġġ oħxon għandu jkun iktar minn 70 % fuq bażi annwali. Il-perċentwal ta’ materja niexfa tal-foraġġ oħxon huwa kkalkulat fuq bażi annwali għall-azjenda agrikola.
Fl-azjenda, l-annimali kollha tal-istess kategorija (bovini, ruminanti żgħar, ekwini) iridu jitrabbew f’konformità mar-rekwiżiti ta’ din l-Ispeċifikazzjoni tal-Prodott.
a) |
F’każ li ma jitrabbewx, jew ma jistgħux jitrabbew, speċijiet oħra ta’ annimali skont ir-regoli relatati mal-produzzjoni tas-“seneno meso” minħabba li ma jaqgħux taħt l-Ispeċifikazzjoni tal-Prodott, l-annimali u l-għalf għall-annimali preżenti fl-azjenda jridu jkunu separati u rreġistrati b’mod xieraq. Il-projbizzjoni tal-ħżin u tal-produzzjoni tal-balal marbutin, tas-silaġġi u tal-foraġġ iffermentat tapplika għall-azjenda kollha, anki f’każ li l-ispeċijiet tal-annimali ma jkunux imrobbija skont ir-regoli applikabbli għal-laħam magħruf bħala “seneno meso”. |
b) |
Jekk il-faċilità tal-ipproċessar tas-“seneno meso”, li hija inkluża fil-proċess taċ-ċertifikazzjoni, tipproduċi wkoll prodotti oħra, hija trid tiżgura l-wasla u l-ħżin separati tal-materja prima ċċertifikata minn ma’ materja prima oħra. F’każijiet bħal dawn, il-produzzjoni tal-oġġetti tal-ikel mis-“seneno meso” għandha tkun separata f’termini ta’ spazju u ta’ ħin, filwaqt li jittieħdu l-miżuri kollha biex jiġu evitati t-taħlit jew is-sostituzzjoni tal-materja prima. |
c) |
Jekk l-attività tal-ipproċessar, kollha jew parti minnha, titwettaq minn sottokuntrattur li ma jkunx iċċertifikat, huwa meħtieġ ftehim bil-miktub. Huwa meħtieġ li tiġi ggarantita t-traċċabbiltà tal-annimali jew tal-materja prima ċċertifikata, u li jiġi permess il-kontroll tat-twettiq tal-attività. Il-firxa tal-kontroll hija ddeterminata mill-korp taċ-ċertifikazzjoni fil-funzjoni tal-ambitu tal-attivitajiet delegati. Jekk is-sottokuntrattur ikun iċċertifikat f’konformità ma’ din l-Ispeċifikazzjoni tal-Prodott, ma jkun meħtieġ l-ebda kontroll tal-attivitajiet tiegħu. |
Foraġġ awtorizzat
— |
Foraġġ oħxon niexef: ħuxlief, nifel imnixxef, xnien imnixxef ... |
— |
Foraġġ oħxon aħdar: mergħa, art bil-ħaxix, nifel, xnien, lift, ċereali, qamħirrum, weraq tal-pitravi taz-zokkor ... |
— |
Pjanti tat-tuberu: pitravi tal-għalf, nevew, lift tal-Iżvezja, karrotti tal-għalf ... |
— |
Tiben ta’ diversi pjanti agrikoli (mhux trattat jew imqatta’). |
— |
Foraġġ minn ħaxix frisk. |
— |
Ċereali imnixxfa (qamħirrum, xgħir, ħafur, tritikal, qamħ, segala, eċċ.), polpa tal-pitravi mnixxfa, residwi tal-ħbub tal-birrerija mnixxfa, prodotti sekondarji mnixxfa tal-industrija taz-zokkor u tal-ipproċessar taċ-ċereali, u foraġġ imnixxef kummerċjalment disponibbli ieħor (bħal nuħħala, ħbub tan-nifel, eċċ.). L-annimali jitħallew jirgħu matul il-perjodu tal-veġetazzjoni u jiġu mitmugħa prinċipalment foraġġ oħxon niexef matul ix-xitwa. L-għalf komplementari awtorizzat huma pjanti kruċiferi ħodor, il-qamħirrum, iċ-ċereali u l-ħxejjex tal-għeruq bħal-lift, il-ħafur u l-qamħirrum aħdar, il-pitravi tal-għalf. Il-legumi tal-għalf, (ful, piżelli, lupini ...), żrieragħ żejtnin (lift, sojja, ġirasol, eċċ.) u l-konċentrati tal-proteini (karfa u pasta taż-żrieragħ żejtnin, bħas-sojja, il-lift, il-ġirasol, Cucurbitaceae, eċċ.) jistgħu jkunu parti mill-porzjon alimentari. L-annimali jistgħu jirċievu għalf komplementari fuq is-siti tar-ragħa. Il-kwantità tal-għalf miżjud hija kkunsidrata fil-kalkolu tal-porzjon annwali. |
Foraġġ ipprojbit
— |
Insilaġġ ta’ għelejjel għall-għalf u insilaġġ ta’ ċereali u għalf ieħor għall-annimali. |
— |
Kull tip ta’ għalf iffermentat. |
— |
Prodotti sekondarji ta’ birreriji, distilleriji, residwi tat-tagħsir ta’ meraq jew ta’ nbid (karfa) u residwi oħra tal-industrija tal-ikel, bħall-polpa tal-pitravi friski jew insilati, residwi friski jew insilati tal-birreriji, karfa tal-frott friska jew insilata ... |
— |
Foraġġ u għalf, u inkluż il-prodotti sekondarji fi stat umdu (umidifikazzjoni). |
— |
Għalf ta’ oriġini mill-annimali (ħalib, xorrox, laħam jew għadam mitħun, eċċ.), bl-eċċezzjoni tal-ħalib tal-omm sal-ftim. L-ikkomplementar tat-treddigħ huwa awtorizzat għall-annimali żgħar sal-ftim jew sal-età massima ta’ 90 jum għall-bovini, 45 jum għar-ruminanti żgħar u 150 jum għall-ekwidi. |
— |
Urea. L-għalf għall-annimali mhux definit f’din l-Ispeċifikazzjoni tal-Prodott huwa soġġett għar-regoli tal-Unjoni li jirregolaw il-katalgu tal-materja prima għall-għalf tal-annimali. |
Jekk il-perċentwal reali mkejjel ta’ materja prima ma jkunx disponibbli għal għalf partikolari, jitqiesu l-valuri li jidhru fit-Tabella 2 għall-kalkolu tal-kontenut ta’ materja niexfa ta’ dak l-għalf. Għall-għalf awtorizzat li ma jidhirx fit-Tabella, il-valuri applikabbli huma meħuda mil-letteratura xjentifika disponibbli.
Tabella 2
Proporzjon ta’ materja niexfa tal-għalf għall-annimali meta ma jkunx stabbilit b’analiżi
Għalf |
% ta’ materja niexfa |
ħuxlief, tiben, nifel |
86 |
melassa niexfa |
77 |
xnien differenti mnixxef |
89 |
foraġġ aħdar frisk (ħaxix, nifel) |
20 |
foraġġ kompost (medju) |
88 |
ful, piżelli (imnixxfin) |
87 |
ċereali (ħbub) |
88 |
pasta differenti |
88 |
ħmira tal-birra (niexfa) |
90 |
polpa tal-pitravi (niexfa) |
88 |
pitravi tal-foraġġ (friski) |
15 |
Għall-għan li jiġi kkalkolat il-bżonn ta’ konsum minimu ta’ kuljum, sabiex jiġi ddeterminat il-perċentwal ta’ materja niexfa li tiġi minn foraġġ oħxon għal kull azjenda, il-valuri indikati fit-Tabella 3 huma kkunsidrati bħala l-ammont ta’ materja niexfa ta’ kuljum għal kull speċi u kategorija ta’ annimali.
Tabella 3
Konsum minimu ta’ kuljum (kg materja niexfa/jum)
Speċi, età tal-annimal jew produzzjoni ta’ ħalib |
Piż tal-ġisem (kg) |
Konsum ta’ kuljum (kg materja niexfa/jum) |
BOVINI |
|
|
għoġġiela tal-età ta’ bejn 5 u 6 xhur |
150 |
3 -4 |
bovini żgħar għat-trobbija |
200 -300 |
4 |
|
300 -400 |
6 |
|
400 -500 |
8 |
|
500 -650 |
9 |
bovini żgħar għas-simna |
200 -300 |
7 |
|
300 -400 |
8,5 |
|
400 -500 |
10 |
|
500 -650 |
10,5 |
BAQAR (produzzjoni ta’ ħalib) |
|
|
sa 2 000 kg/sena |
650 |
11,4 |
sa 4 000 kg/sena ekwivalenti għal baqar li jreddgħu |
650 |
14,9 |
sa 6 000 kg/sena |
650 |
17,6 |
sa 8 000 kg/sena |
650 |
19,7 |
iktar minn 8 000 kg/sena |
650 |
>20,6 |
ŻWIEMEL |
|
|
xogħol ħafif |
500 |
7 -9 |
xogħol ta’ diffikultà medja |
500 |
8 -9 |
xogħol tqil |
500 |
10 |
OVINI |
|
|
nagħaġ tal-ħalib |
70 |
3 |
nagħaġ li jreddgħu (1-2 ħrief) |
70 |
1,8 |
ovini żgħar |
40 -70 |
1,2 |
ħrief għas-simna |
20 -45 |
0,8 -1,6 |
KAPRINI |
|
|
mogħoż tal-ħalib |
70 |
massimu 3,5 |
mogħoż li jreddgħu li għandhom gidien |
70 |
1,8 |
Il-produtturi tas-“seneno meso” għandhom iżommu r-reġistri u d-dokumenti kollha mitluba f’għamla li tippermetti lill-korp ta’ spezzjoni li jivverifika, fi kwalunkwe waqt meta tkun qed issir spezzjoni, li r-rekwiżiti kollha li din l-Ispeċifikazzjoni tal-Prodott ikunu rrispettati.
Fertilizzanti
— |
Huwa pprojbit li jintuża diġestat li jkun ġej mill-impjanti ta’ trattament tal-ilma urban mormi ta’ kapaċità akbar minn 50 EA (ekwivalenti għall-abitant, unità ta’ kejl tal-ilma li tikkorrispondi għat-tniġġis ikkawżat minn adult għal kull jum). |
— |
Is-superfiċi fertilizzati b’diġestat li jkun ġej minn impjanti ta’ trattament tal-ilma urban mormi ta’ kapaċità inferjuri għal 50 EA jkunu adatti għar-ragħa 3 ġimgħat wara l-aħħar tifrix. |
Sustanzi kimiċi awżiljarji
L-isprejjar kontra l-insetti li jtiru fl-istabbilimenti tat-trobbija ma jistax isir fil-preżenza tal-annimali.
Projbizzjonijiet marbuta mal-bejgħ tal-annimali
— |
Sabiex jinkiseb ċertifikat li jagħti l-istatus ta’ “seneno meso”, fejn għandhom x’jaqsmu annimali li ma trabbewx skont din l-Ispeċifikazzjoni tal-Prodott mit-twelid tagħhom, jeħtieġ li jiġi rrispettat perjodu ta’ konverżjoni, jiġifieri perjodu ta’ konverżjoni tal-azjenda jew tal-annimali, għal trobbija bbażata fuq il-ħuxlief. Il-perjodu ta’ konverżjoni għall-kummerċjalizzazzjoni ta’ annimali ħajjin jew tal-laħam jikkorrispondi għal żewġ terzi tal-ħajja għall-annimali sal-età ta’ 9 xhur u ta’ 6 xhur għall-annimali ikbar fl-età. Il-bejgħ ta’ annimali ħajjin u t-tikkettar tal-laħam bl-isem ta’ “seneno meso” huma pprojbiti qabel tmiem il-perjodu ta’ konverżjoni. |
— |
Jekk il-kontroll jiżvela nuqqas ta’ konformità li jaffettwa l-istatus tas-“seneno meso” (tagħlif b’għalf iffermentat, eċċ.), irid jiġi osservat perjodu ta’ konverżjoni ġdid għall-annimali. |
Ipproċessar
— |
Il-laħam frisk, imkessaħ, iffriżat u pproċessat jista’ jirċievi d-denominazzjoni “seneno meso”. L-addittivi li ma humiex ikklassifikati bħala “ġenetikament modifikati” skont il-leġiżlazzjoni applikabbli biss jistgħu jintużaw fl-ipproċessar tal-laħam. |
— |
Fil-prodotti u fil-preparati abbażi tal-laħam, il-parti tas-“seneno meso” trid tirrappreżenta mill-inqas 60 % tal-ingredjenti li jinsabu fil-prodott finali. |
— |
Il-laħam tal-kaċċa selvaġġa jista’ jiżdied mal-prodotti abbażi tal-laħam u għall-preparati abbażi tal-laħam, bil-kundizzjoni li l-kaċċa maqtula tkun ġejja miż-żoni fejn ma jkunx awtorizzat it-tiżrigħ ta’ pjanti “ġenetikament modifikati”. |
Id-denominazzjoni “seneno meso” jew “abbażi tas-‘seneno meso’ ” ma tistax tintuża ħlief jekk il-kompożizzjoni tal-prodott tkun konformi mar-rekwiżiti tal-Ispeċifikazzjoni tal-Prodott tas-“seneno meso”.
Meta prodott ikun magħmul minn tipi differenti ta’ laħam, la mhux kollha jkunu tat-tip “seneno meso”, id-dikjarazzjoni tal-prodott għandha tindika b’mod ċar li l-laħam ikun rilevanti għad-denominazzjoni “seneno meso”, u jiġi speċifikat is-sehem ta’ kull laħam fil-prodott.
4.3. Deskrizzjoni tal-elementi essenzjali li jistabbilixxu l-karattru tradizzjonali tal-prodott
Sal-1827, il-muntanji Sloveni kienu ddominati mill-foresta. Imbagħad ġew il-mergħat (27,5 %), li jixhdu l-importanza tal-agrikoltura jew tal-mergħa f’dak iż-żmien. L-art bil-ħaxix kienet tirrappreżenta 12,6 %, ir-raba’ li jinħadem 4,8 % u l-kategoriji l-oħra 9 % (Petek, 2005). Fl-1929, l-agrikoltura għall-foraġġ kienet tiddomina fin-naħa tal-Punent tal-muntanji Sloveni filwaqt li, fil-parti tal-Lvant, diġà kienet qiegħda tonqos (sehem ogħla ta’ ċereali u ta’ pjanti tat-tuberu u sehem ftit inqas ta’ għelejjel għall-għalf). Dan kien għadu l-każ fl-1960 (Petek, 2005).
Mill-madwar 4 440 azjenda tal-muntanji Sloveni elenkati fiċ-ċensiment tal-azjendi li sar fl-2000, 88 % kienu ddedikati għall-produzzjoni tal-annimali, li minnhom għat-trobbija għall-mergħa (59 %) jew għall-politrobbija (29 %) (Petek, 2005).
Il-produzzjoni tas-“seneno meso” hija l-forma l-iktar antika ta’ produzzjoni tal-laħam, billi l-ewwel metodu ta’ trobbija tal-erbivori (bovini, ovini, kaprini u ekwini) kien jibbaża fuq ir-ragħa u t-tagħlif abbażi tal-ħuxlief fix-xitwa. Foraġġ ta’ kwalità tajba kien u għadu essenzjali għall-produzzjoni tas-“seneno meso”. Fl-azjendi, il-bovini, l-ovini, il-kaprini u l-ekwini spiss kienu jitħallew jirgħu fil-mergħat tal-muntanji li jinsabu fuq art imħarbta u fuq il-muntanji ’l bogħod mill-azjendi. Fix-xitwa, dawn jiġu mitmugħa ħuxlief li jkun tnixxef fuq art bil-ħaxix permanenti u kkultivata, iżda dan seta’ wkoll jitnixxef f’nixxiefa sabiex ikun ta’ kwalità aħjar jew jitnaqqas l-esponiment għall-perikli meteoroloġiċi. Il-“kozolec” jista’ jitqies bħala l-eqdem tagħmir tat-tnixxif. Dan jissemma sa mill-1558 mill-Professur Oskar Moser (Juvanec, 2007, Kozolec, p. 24). Waħda mir-referenzi l-iktar importanti għall-“kozolec”, dovuta għal Joseph Pseiner fl-1822, tagħmel enfasi fuq il-funzjoni tiegħu ta’ tnixxif tal-ħuxlief għat-tagħlif tal-annimali domestiċi (Juvanec, 2007, Kozolec, p. 26). Dawn l-indikazzjonijiet jikkonfermaw l-użu tal-ħuxlief bħala foraġġ tradizzjonali u l-preżenza abbundanti ta’ dan it-tip ta’ teknoloġija f’parti kbira tal-Ewropa.
Il-laħam tal-annimali tar-ragħa jippreżenta kontenut ta’ xaħam ta’ inqas minn nofs u fih inqas kaloriji minn dak ta’ annimali mitmugħin insilaġġ ta’ qamħirrum u sehem ogħla ta’ għalf ikkonċentrat. Skont ir-riċerka xjentifika, il-laħam tal-bovini tar-ragħa fih 10 darbiet iktar betakaroten u jista’ jkun fih kontenut ta’ vitamina C ogħla minn 30 % u alfatokoferol (vitamina E) ta’ 54 % (Kmečki glas, 20.5.2021). Il-laħam tal-ovini li jkun ġej minn ovini tar-ragħa fih darbtejn iktar luteina minn dak tal-ovini mrobbija bil-foraġġ. Il-laħam tal-annimali tar-ragħa huwa ta’ kwalità simili għal-laħam tal-kaċċa u bejn wieħed u ieħor fih l-istess kontenut ta’ xaħam. Il-proporzjon bejn l-aċidi xaħmin omega-6 u omega-3 huwa ħafna iktar ibbilanċjat minn dak tal-laħam tal-annimali mitmugħa l-qamħirrum (Robinson, 2000).
It-tagħlif tal-annimali abbażi tar-ragħa u tal-foraġġ tal-ħaxix huwa ta’ benefiċċju għat-tnaqqis tax-xaħam totali, iżid il-kontenut ta’ betakaroten, ta’ vitamina E (alfatokoferol), ta’ vitamina B, tat-tijamina u tar-riboflavina, tal-minerali tal-kalċju, tal-manjeżju u tal-potassju u tal-aċidi xaħmin omega-3 totali, u jiffavorixxi proprozjon iktar san bejn l-aċidi xaħmin omega-6 u omega-3 kif ukoll kontenut ogħla ta’ ALC (cis-9 trans-11), kontenut ogħla ta’ aċidu vaċċeniku (li jista’ jiġi konvertit f’ALC) u kontenut aktar baxx ta’ xaħam saturat (S.K. Duckett et al., 2009).
Il-baqar tar-ragħa huma iktar reżistenti għall-mard u għall-istress. L-effetti benefiċi ta’ din ir-reżistenza jistgħu wkoll ikollhom effett fuq il-persuni li jikkunsmaw il-ħalib u l-laħam ta’ dawn l-annimali (Robinson, 2000). Il-preżenza tal-qamħirrum u ta’ għalf ikkonċentrat ieħor fl-għalf tal-annimali destinati għall-produzzjoni tas-“seneno meso” hija kwantitattivament limitata minħabba li l-eċċess ta’ qamħirrum fl-għalf tar-ruminanti jiffavorixxi r-reżistenza tal-Escherichia coli għar-reazzjoni tal-aċidu, li jimplika riskju akbar tat-tixrid ta’ dan il-batterju.
Il-produzzjoni tas-“seneno meso” hija fokus lokali u tikkostitwixxi forma sostenibbli ta’ trobbija, b’perċentwal għoli ta’ foraġġ tal-ħaxix (mergħat u ħuxlief). Il-mergħa hija l-aqwa metodu ta’ trobbija tal-annimali b’mod sostenibbli u tikkostitwixxi wkoll, flimkien mal-għalf abbażi tal-ħuxlief, metodu tradizzjonali ta’ trobbija. It-taħlit ta’ użi estensivi u tradizzjonali jikkontribwixxi għall-preżervazzjoni tal-bijodivesità (Večer, 2021). Apparti dan, sabiex tiġi ppreżervata l-bijodiversità fin-natura, is-sistema ta’ ragħa tal-ħuxlief huwa l-aktar mod effikaċi tal-użu tal-art bil-ħaxix.
Il-produzzjoni tas-“seneno meso” hija partikolarment sostenibbli, peress li tipproteġi l-klima u l-ħamrija u tiffavorixxi l-bijodiversità. Il-manutenzjoni tal-art bil-ħaxix hija ferm importanti biex tkun possibbli l-produzzjoni tas-“seneno meso”, billi l-art bil-ħaxix u l-art tal-mergħa jaħżnu madwar terz iktar ta’ karbonju għal kull ettaru mir-raba’ li jinħadem (149 t C/ha), minħabba l-kontenut għoli ta’ humus tas-saffi superjuri tal-ħamrija. Fis-saffi l-iktar fondi tal-ħamrija, l-art bil-ħaxix (196 t C/ha) taħżen kwantità ta’ karbonju simili għall-ħamrija tal-foresta medja (191 t C/ha) (ARGE Heumilch, 2021). Il-ħżin tal-karbonju fil-ħamrija jtejjeb l-istruttura u l-kwantità tagħha, filwaqt li jikkontribwixxi għas-sostenibbiltà tal-agrikoltura u għall-ġestjoni tar-riżorsi naturali.
(1) Ir-Regolament (UE) 2024/1143 tal-Parlament Ewropew u tal-Kunsill tal-11 ta’ April 2024 dwar indikazzjonijiet ġeografiċi għall-inbid, ix-xorb spirituż u l-prodotti agrikoli, kif ukoll l-ispeċjalitajiet tradizzjonali garantiti u t-termini tal-kwalità mhux obbligatorji għall-prodotti agrikoli, li jemenda r-Regolamenti (UE) Nru 1308/2013, (UE) 2019/787 u (UE) 2019/1753 u li jħassar ir-Regolament (UE) Nru 1151/2012 (ĠU L, 2024/1143, 23.4.2024, ELI: http://data.europa.eu/eli/reg/2024/1143/oj).
ELI: http://data.europa.eu/eli/C/2024/3977/oj
ISSN 1977-0987 (electronic edition)