This document is an excerpt from the EUR-Lex website
Document 52024XC02964
Publication of an application for registration of a name pursuant to Article 50(2)(a) of Regulation (EU) No 1151/2012 of the European Parliament and of the Council on quality schemes for agricultural products and foodstuffs
Pubblikazzjoni ta’ applikazzjoni għar-reġistrazzjoni ta’ isem skont l-Artikolu 50(2)(a) tar-Regolament (UE) Nru 1151/2012 tal-Parlament Ewropew u tal-Kunsill dwar skemi tal-kwalità għal prodotti agrikoli u oġġetti tal-ikel
Pubblikazzjoni ta’ applikazzjoni għar-reġistrazzjoni ta’ isem skont l-Artikolu 50(2)(a) tar-Regolament (UE) Nru 1151/2012 tal-Parlament Ewropew u tal-Kunsill dwar skemi tal-kwalità għal prodotti agrikoli u oġġetti tal-ikel
C/2024/1555
ĠU C, C/2024/2964, 25.4.2024, ELI: http://data.europa.eu/eli/C/2024/2964/oj (BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
![]() |
Il-Ġurnal Uffiċjali |
MT Is-serje C |
C/2024/2964 |
25.4.2024 |
Pubblikazzjoni ta’ applikazzjoni għar-reġistrazzjoni ta’ isem skont l-Artikolu 50(2)(a) tar-Regolament (UE) Nru 1151/2012 tal-Parlament Ewropew u tal-Kunsill dwar skemi tal-kwalità għal prodotti agrikoli u oġġetti tal-ikel
(C/2024/2964)
Din il-pubblikazzjoni tikkonferixxi d-dritt ta’ oppożizzjoni għall-applikazzjoni skont l-Artikolu 51 tar-Regolament (UE) Nru 1151/2012 tal-Parlament Ewropew u tal-Kunsill (1) fi żmien 3 xhur mid-data ta’ din il-pubblikazzjoni.
DOKUMENT UNIKU
“HÜYÜK ÇİLEĞİ”
Nru tal-UE: PDO-TR-02891 — 5.1.2023
DOP (X) IĠP ( )
1. Isem/Ismijiet [tad-DOP jew tal-IĠP]
“Hüyük Çileği”
2. Stat Membru jew pajjiż terz
It-Turkija
3. Deskrizzjoni tal-prodott agrikolu jew tal-oġġett tal-ikel
3.1. Tip ta’ prodott [bħal fl-Anness XI]
Klassi 1.6: Frott, ħaxix u ċereali, friski jew ipproċessati
3.2. Deskrizzjoni tal-prodott li għalih japplika l-isem f’(1)
Id-denominazzjoni ta’ oriġini protetta “Hüyük Çileği” tista’ tintuża għall-frott tal-varjetajiet ta’ frawli Albion, San Andreas, Sweet Ann u Portola u l-varjanti tagħhom.
“Hüyük Çileği” għandha l-karatteristiċi ewlenin li ġejjin:
1. |
Karatteristiċi fiżiċi:
|
2. |
Karatteristiċi organolettiċi:
|
3. |
Karatteristiċi kimiċi:
|
3.3. Għalf (għall-prodotti li joriġinaw mill-annimali biss) u materja prima (għall-prodotti pproċessati biss)
—
3.4. Passi speċifiċi tal-produzzjoni li jridu jsiru fiż-żona ġeografika ddefinita
Il-“Hüyük Çileği” trid titkabbar u tinħasad esklussivament fiż-żona ġeografika speċifikata fit-Taqsima 4.
3.5. Regoli speċifiċi dwar it-tqattigħ, it-taħkik, l-imballaġġ, eċċ.
Il-frawli jrid jitkessaħ malajr f’temperatura ta’ +2 °C għal 20 minuta u mbagħad jinħażen f’temperatura ta’ +4 °C biex tinżamm il-kwalità.
3.6. Regoli speċifiċi dwar it-tikkettar
Il-logo ta’ identifikazzjoni tal-“Hüyük Çileği”, li huwa disponibbli għall-produtturi kollha li jirrispettaw ir-regoli msemmija fl-Ispeċifikazzjoni, irid jitwaħħal mal-imballaġġi kollha.
4. Definizzjoni fil-qosor taż-żona ġeografika
Iż-żona ġeografika hija d-Distrett ta’ Hüyük tal-Provinċja ta’ Konya fil-parti ċentrali tan-Nofsinhar tat-Turkija.
5. Rabta maż-żona ġeografika
Ir-rabta maż-żona ġeografika hija bbażata fuq il-fatturi naturali (il-ħamrija u l-klima) u fuq il-fatturi umani (l-għarfien lokali) li huma karatteristiki taż-żona ġeografika.
L-ispeċifiċità taż-żona ġeografika
Għalkemm id-distrett għandu klima tranżitorja bejn il-Mediterran u l-klimi kontinentali, huwa wkoll taħt l-influwenza tal-kundizzjonijiet mikroklimatiċi maħluqa mil-Lag Beyşehir fin-Nofsinhar u l-Punent, u mill-Muntanji Sultan fit-Tramuntana u fil-Lvant u l-estensjonijiet tiegħu.
Minħabba l-fatt li d-distrett huwa mdawwar mil-Lag Beyşehir, li huwa waħda miż-żoni importanti tal-ilma ħelu tat-Turkija, u hemm nixxigħat żgħar li jġorru l-ilma tax-xita tal-art muntanjuża fit-Tramuntana u fil-Lvant sal-Lag Beyşehir, il-livell ta’ umdità fis-sajf ma jinżilx taħt is-60 %.
Fid-distrett ta’ Hüyük, il-ħamrija hija bejn 6,5–7,5 pH, b’salinità baxxa u b’konsistenza ramlija u taflija. L-istruttura tal-ħamrija għandha konsistenza medja u hija faċli biex taħdem. Fiha bejn wieħed u ieħor proporzjonijiet ugwali ta’ ramel, tafal u xaħx. Il-kapaċità taż-żamma tal-ilma u tal-arja huma tajbin, id-drenaġġ u l-permeabbiltà tal-ilma huma biżżejjed.
Fatturi umani
Bl-użu regolari tad-demel tal-bhejjem f’kull perjodu ta’ tħawwil, il-ħamrija tiġi arrikkita f’termini ta’ materja organika.
Speċifiċità tal-prodott
L-ispeċifiċità tal-frawli tirriżulta b’mod partikolari mit-togħma u r-riħa qawwija ħafna tagħhom. Barra minn hekk, il-“Hüyük Çileği” hija karatteristikament aktar ħelwa meta mqabbla ma’ frott minn reġjuni oħra.
Rabta kawżali
Ir-rabta bejn iż-żona ġeografika u l-kwalità speċifika tal-prodott ġejja direttament mill-kundizzjonijiet li fihom jiġu prodotti l-frawli.
Il-mikroklima kkawżata mil-Lag Beyşehir, fuq ix-xatt tad-distrett, u l-muntanji ta’ madwaru, tissodisfa r-rekwiżiti tat-temperatura, tal-umdità, tal-preċipitazzjoni, tax-xemx u tat-tkessiħ tal-“Hüyük Çileği” u tipproteġi l-frawli minn ħsara mill-ġlata.
L-umdità ma taqax taħt is-60 % fis-sajf. L-ambjent umdu jiżgura li t-telf tal-ilma jinżamm f’livelli minimi fit-temperaturi matul il-perjodu ta’ maturazzjoni tal-frawli u jnaqqas ir-riskju ta’ maturazzjoni f’daqqa. Il-livell baxx ta’ dan ir-riskju jiżgura li l-proporzjon tal-glukożju, tas-sukrożju u tal-fruttożju tal-frawli jkun ibbilanċjat u l-aċidità tibqa’ fil-livell normali. B’riżultat ta’ dan, il-laħam tal-frott isir aktar sod, immerraq u b’togħma kemxejn qarsa.
It-temp sħun bejn Ġunju u Settembru jikkawża ż-żieda ta’ sustanzi fenoliċi li jiżviluppaw il-kulur aħmar tal-frott. Bejn dawn ix-xhur, it-temperatura tkun bejn 30–40 °C u dan jippromwovi l-produzzjoni taz-zokkor tal-frott u jagħtih togħma ħelwa.
Bl-użu regolari tad-demel (tal-bhejjem) f’kull perjodu ta’ tħawwil, il-ħamrija tiġi arrikkita f’termini ta’ materja organika. Dan jaffettwa d-daqs tal-“Hüyük Çileği”.
Il-“Hüyük Çileği” ma fihx metalli tqal minħabba li l-ħamrija hija fqira f’termini ta’ metalli tqal u s-sustanzi niġġiesa ambjentali huma baxxi.
Referenza għall-pubblikazzjoni tal-Ispeċifikazzjoni tal-Prodott
—
(1) ĠU L 343, 14.12.2012, p. 1, ELI: http://data.europa.eu/eli/reg/2012/1151/oj.
ELI: http://data.europa.eu/eli/C/2024/2964/oj
ISSN 1977-0987 (electronic edition)