Back to EUR-Lex homepage

EUR-Lex Access to European Union law

Back to EUR-Lex homepage

This document is an excerpt from the EUR-Lex website

Use quotation marks to search for an "exact phrase". Append an asterisk (*) to a search term to find variations of it (transp*, 32019R*). Use a question mark (?) instead of a single character in your search term to find variations of it (ca?e finds case, cane, care).
Search tips
Need more search options? Use the Advanced search
You are here

Document 52024XC01755

Tħabbira skont l-Artikolu 13 tad-Direttiva 2001/24/KE tal-Parlament Ewropew u tal-Kunsill fuq ir-riorganizzazzjoni u l-istralċ ta’ istituzzjonijiet ta’ kreditu dwar proċedimenti ta’ insolvenza kontra Baltic International Bank SE [istituzzjoni ta’ kreditu Latvjana insolventi]

PUB/2024/72

ĠU C, C/2024/1755, 23.2.2024, ELI: http://data.europa.eu/eli/C/2024/1755/oj (BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)

ELI: http://data.europa.eu/eli/C/2024/1755/oj

European flag

Il-Ġurnal Uffiċjali
ta'l-Unjoni Ewropea

MT

Serje C

C/2024/1755

23.2.2024

Tħabbira skont l-Artikolu 13 tad-Direttiva 2001/24/KE tal-Parlament Ewropew u tal-Kunsill fuq ir-riorganizzazzjoni u l-istralċ ta’ istituzzjonijiet ta’ kreditu dwar proċedimenti ta’ insolvenza kontra Baltic International Bank SE [istituzzjoni ta’ kreditu Latvjana insolventi]

(C/2024/1755)

Bid-deċiżjoni tal-Qorti tal-Affarijiet Ekonomiċi ddatata l-24 ta’ Jannar 2024 fil-kawża ċivili Nru C75007524, Baltic International Bank SE, Nru tar-reġistrazzjoni 40003127883, ġie ddikjarat insolventi b’effett mill-24 ta’ Jannar 2024.

Linda Sniega-Svilāne ġiet approvata bħala l-amministratur tal-proċedimenti ta’ insolvenza kontra Baltic International Bank SE, indirizz tan-negozju: Grēcinieku iela 6, Riga, LV-1050, tel.: +371 67000444 (matul il-ġimgħa mid–09,00 sal–17,00), indirizz tal-posta elettronika: info@bib.eu.

Pretensjonijiet tal-kredituri u pretensjonijiet ta’ persuni oħra, kif ukoll pretensjonijiet oħra kontra Baltic International Bank SE insolventi, iridu jiġu ppreżentati lill-amministratur fi żmien tliet xhur mid-data tal-pubblikazzjoni ta’ din it-tħabbira fil-Gazzetta Uffiċjali “‘Latvijas Vēstnesis’”.

F’konformità mal-Artikolu 1396 tal-Liġi Latvjana dwar l-istituzzjonijiet ta’ kreditu, meta, matul il-proċedimenti ta’ insolvenza kontra istituzzjoni ta’ kreditu, il-kredituri jkunu ppreżentaw il-pretensjonijiet tal-kredituri tagħhom, ladarba jkunu tħabbru proċedimenti ta’ insolvenza kontra l-istituzzjonijiet ta’ kreditu, il-kredituri jeħtieġ li ma jippreżentawx mill-ġdid il-pretensjonijiet tal-kredituri għall-ammont li tkun saret l-applikazzjoni għalih fil-proċedimenti ta’ likwidazzjoni kontra dik l-istituzzjoni.

Biex pretensjoni tal-kredituri tiġi rikonoxxuta u tiddaħħal fil-lista ta’ kredituri tal-Baltic International Bank SE insolventi li lilhom ikunu dovuti fondi monetarji, kreditur li huwa persuna fiżika jrid jippreżenta d-dokumenti li ġejjin:

1)

pretensjoni tal-kredituri mfassla u fformattjata (huwa rakkomandat li jintuża l-mudell disponibbli fis-sit web www.bib.eu) bħala dokument legalment vinkolanti f’konformità mar-rekwiżiti tal-leġiżlazzjoni esterna tar-Repubblika Latvjana u li fiha dan li ġej:

—

dikjarazzjoni taċ-ċirkostanzi fattwali;

—

in-numri tal-kontijiet tal-kreditur fil-Baltic International Bank SE u l-ammont ta’ fondi li għandhom jitħallsu lura, ikkalkolat mill-ġdid f’euro bir-rata tal-kambju stabbilita mill-Bank Ċentrali Ewropew fl-24 ta’ Jannar 2024;

—

deskrizzjoni dettaljata tal-oriġini tal-fondi;

—

in-numru tal-kont tal-bank li lilu għandhom jiġu ttrasferiti l-fondi, inklużi n-numru IBAN u l-isem u l-kodiċi SWIFT tal-bank;

—

informazzjoni dwar jekk il-kreditur huwiex meqjus parti interessata skont it-tifsira tal-Artikolu 1(1)(36) tal-Liġi dwar l-istituzzjonijiet ta’ kreditu;

—

informazzjoni dwar jekk il-kreditur huwiex persuna esposta politikament, membru tal-familja ta’ persuna esposta politikament jew persuna assoċjata mill-qrib ma’ persuna esposta politikament skont it-tifsira tal-Artikoli 1(18), (181) u (182) tal-Liġi dwar il-prevenzjoni tal-ħasil tal-flus u l-finanzjament tat-terroriżmu u tal-proliferazzjoni;

—

l-indirizz tal-posta elettronika tal-kreditur u konferma li l-kreditur jaqbel li jikkomunika b’mod elettroniku mal-Baltic International Bank SE insolventi u jaqbel li jirċievi l-informazzjoni/d-dokumenti b’mod elettroniku fil-proċedimenti ta’ insolvenza kontra Baltic International Bank SE;

—

dikjarazzjoni li tgħid li l-kreditur u r-rappreżentant tal-kreditur ikunu ġew infurmati bil-fatt li l-Baltic International Bank SE insolventi jista’ jipproċessa d-data personali tagħhom għall-finijiet ta’ riżoluzzjoni tal-pretensjoni tal-kreditur u għal finijiet ġustifikati oħra fil-proċedimenti ta’ insolvenza tal-Baltic International Bank SE, u li jkunu qablu li jagħmlu l-istess;

2)

dokumenti li jagħtu prova tal-oriġini tal-fondi;

3)

dokumenti li jagħtu prova tas-sjieda tal-kont tal-bank tal-kreditur (kif muri fl-applikazzjoni ta’ pretensjoni tal-kreditur) li lilu għandhom jiġi ttrasferiti l-fondi;

4)

kopja ta’ dokument tal-identità li huwa validu fil-Latvja;

5)

prokura, meta l-pretensjoni tal-kreditur issir minn persuna oħra f’isem il-kreditur.

Biex pretensjoni tal-kredituri tiġi rikonoxxuta u tiddaħħal fil-lista ta’ kredituri tal-Baltic International Bank SE insolventi li lilhom ikunu dovuti fondi monetarji, kreditur li huwa persuna ġuridika jrid jippreżenta d-dokumenti li ġejjin:

1)

pretensjoni tal-kredituri mfassla u fformattjata (huwa rakkomandat li jintuża l-mudell disponibbli fis-sit web www.bib.eu) bħala dokument legalment vinkolanti f’konformità mar-rekwiżiti tal-leġiżlazzjoni esterna tar-Repubblika Latvjana u li fiha dan li ġej:

—

dikjarazzjoni taċ-ċirkostanzi fattwali;

—

in-numri tal-kontijiet tal-kreditur fil-Baltic International Bank SE u l-ammont ta’ fondi li għandhom jitħallsu lura, ikkalkolat mill-ġdid f’euro bir-rata tal-kambju stabbilita mill-Bank Ċentrali Ewropew fl-24 ta’ Jannar 2024;

—

deskrizzjoni dettaljata tal-oriġini tal-fondi;

—

in-numru tal-kont tal-bank li lilu għandhom jiġu ttrasferiti l-fondi, inklużi n-numru IBAN u l-isem u l-kodiċi SWIFT tal-bank;

—

informazzjoni dwar jekk il-kreditur huwiex meqjus parti interessata skont it-tifsira tal-Artikolu 1(1)(36) tal-Liġi dwar l-istituzzjonijiet ta’ kreditu;

—

informazzjoni dwar il-kompożizzjoni tal-membri/azzjonisti u s-sidien benefiċjarji attwali, inkluża informazzjoni dwar jekk is-sid benefiċjarju għandux jitqies bħala parti interessata skont it-tifsira tal-Artikolu 1(1)(36) tal-Liġi dwar l-istituzzjonijiet ta’ kreditu u jekk is-sid benefiċjarju huwiex persuna esposta politikament, membru tal-familja ta’ persuna esposta politikament jew persuna assoċjata mill-qrib ta’ persuna esposta politikament skont it-tifsira tal-Artikoli 1(1)(18), (181) u (182) tal-Liġi dwar il-prevenzjoni tal-ħasil tal-flus u l-finanzjament tat-terroriżmu u tal-proliferazzjoni;

—

l-indirizzi tal-posta elettronika tal-kreditur u konferma li l-kreditur jaqbel li jikkomunika b’mod elettroniku mal-Baltic International Bank SE insolventi u jaqbel li jirċievi informazzjoni/dokumenti b’mod elettroniku fil-proċedimenti ta’ insolvenza kontra Baltic International Bank SE;

—

dikjarazzjoni li tgħid li l-kreditur u r-rappreżentant tal-kreditur ikunu ġew infurmati bil-fatt li l-Baltic International Bank SE insolventi jista’ jipproċessa d-data personali tagħhom għall-finijiet ta’ riżoluzzjoni tal-pretensjoni tal-kreditur u għal finijiet ġustifikati oħra fil-proċedimenti ta’ insolvenza kontra l-Baltic International Bank SE, u li jkunu qablu li jagħmlu l-istess;

2)

dokumenti li jagħtu prova tal-oriġini tal-fondi;

3)

dokumenti li jikkonfermaw il-kompożizzjoni tal-membri/azzjonisti u s-sidien benefiċjarji attwali;

4)

dokumenti li jagħtu prova tas-sjieda tal-kont tal-bank tal-kreditur (kif muri fl-applikazzjoni ta’ pretensjoni tal-kreditur) li lilu għandhom jiġi ttrasferiti l-fondi;

5)

kopja tad-dokument tal-identità validu fil-Latvja tal-persuna li tagħmel il-pretensjoni tal-kreditur f’isem il-kreditur u d-dokumenti li jagħtu prova tad-dritt ta’ rappreżentazzjoni/awtorità;

6)

meta l-kreditur huwa persuna mhux residenti, kopja taċ-ċertifikat ta’ reputazzjoni tajba maħruġa mhux aktar tard minn 30 jum qabel il-preżentazzjoni tagħha;

7)

meta l-kreditur huwa persuna mhux residenti, kopja taċ-ċertifikat ta’ titolarità (certificate of incumbency) maħruġa mhux aktar tard minn 30 jum qabel il-preżentazzjoni tagħha;

8)

meta l-kreditur jikkwalifika għall-istatus ta’ intrapriża mikro, żgħira u ta’ daqs medju skont it-tifsira tal-Artikolu 1(1)(32) tal-Liġi dwar ir-restawr u r-riżoluzzjoni ta’ istituzzjonijiet ta’ kreditu u ditta ta’ investiment, id-dokumenti li jagħtu prova ta’ konformità ma’ dak l-istatus;

9)

meta l-kreditur jikkwalifika għall-istatus ta’ arranġament legali skont it-tifsira tal-Artikolu 1(1)(8) tal-Liġi dwar il-prevenzjoni tal-ħasil tal-flus u l-finanzjament tat-terroriżmu u tal-proliferazzjoni, id-dokumenti li jagħtu prova tal-konformità ma’ dak l-istatus kif ukoll l-għan, l-istruttura u l-arranġamenti ta’ governanza tal-istabbiliment, inkluż is-sid benefiċjarju jew il-persuna li fl-interess tagħha jkun inħoloq jew jopera l-arranġament legali.

Id-dokumenti kollha li għandhom jiġu ppreżentati jridu jiġu abbozzati bil-Latvjan jew, jekk jiġu abbozzati b’lingwa oħra, ikunu akkumpanjati minn traduzzjoni notarili għal-Latvjan. Id-dokumenti oriġinali jew il-kopji notarili tad-dokumenti jridu jiġu mehmuża mal-applikazzjoni ta’ pretensjoni tal-kreditur, soġġetti għar-rekwiżiti tal-Konvenzjoni ta’ The Hague 1961 dwar l-abolizzjoni tar-rekwiżit għal-legalizzazzjoni ta’ dokumenti pubbliċi barranin.

Meta derivattivi tad-dokumenti jkunu mehmuża mal-applikazzjoni ta’ pretensjoni tal-kreditur, l-amministratur huwa intitolat jirrikjedi d-dokumenti oriġinali li għandhom jiġu prodotti u l-kreditur għandu jkun obbligat li jipproduċihom. L-amministratur huwa intitolat ukoll jitlob dokumenti jew derivattivi oħra tagħhom meta dan ikun meħtieġ għal deċiżjoni dwar il-pretensjoni tal-kreditur.

Kull wieħed mill-mezzi li ġejjin jista’ jintuża biex jiġu ppreżentati dokumenti lill-amministratur:

—

fil-forma ta’ dokument elettroniku ffirmat b’firma elettronika sikura u li jkun fih kronogramma, f’konformità mal-Liġi dwar id-dokumenti elettroniċi, lill-indirizz tal-posta elettronika: maksatnespeja@bib.eu;

—

permezz tal-posta rreġistrata lil: Grēcinieku iela 6, Riga, LV-1050, tel.:

—

b’mod fiżiku fi Grēcinieku ielā 6, Riga kull nhar ta’ Tlieta u nhar ta’ Ħamis bejn l-10:00 u 12:00 u mis-13:00 sal-16:00.

ELI: http://data.europa.eu/eli/C/2024/1755/oj

ISSN 1977-0987 (electronic edition)

Top