IL-KUMMISSJONI EWROPEA

Brussell, 28.4.2023

COM(2023) 217 final

2023/0124(COD)

Proposta għal

REGOLAMENT TAL-PARLAMENT EWROPEW U TAL-KUNSILL

dwar deterġenti u aġenti tensjoattivi, li jemenda r-Regolament (UE) 2019/1020 u li jħassar ir-Regolament (KE) Nru 648/2004

(Test b’rilevanza għaż-ŻEE)

{SEC(2023) 170 final} - {SWD(2023) 113 final} - {SWD(2023) 114 final} - {SWD(2023) 115 final}

MEMORANDUM TA’ SPJEGAZZJONI

1.KUNTEST TAL-PROPOSTA

•Raġunijiet u objettivi tal-proposta

Fid-dawl tan-nuqqasijiet identifikati fl-evalwazzjoni tar-Regolament 8 u fil-kontroll tal-idoneità tas-sustanzi kimiċi 9 , u li ġew żviluppati bir-reqqa fir-rapport dwar il-valutazzjoni tal-impatt dwar ir-reviżjoni tar-Regolament dwar id-Deterġenti 10 , din il-proposta għandha l-għan li taġġorna r-regoli dwar id-deterġenti, issaħħaħ l-infurzar sabiex aktar deterġenti u aġenti tensjoattivi konformi jidħlu fis-suq tal-Unjoni u tindirizza l-kwistjonijiet li ġejjin:

(1)Ir-Regolament dwar id-Deterġenti ma jqisx l-iżviluppi ġodda fis-suq: Mill-adozzjoni tar-Regolament fl-2004 ġew żviluppati prodotti innovattivi u prattiki ġodda sostenibbli, li r-regoli attwali jew ma jakkomodawx (prodotti tat-tindif mikrobiċi) jew ma huwiex ċar jekk u kif jakkomodawhom (bejgħ tar-rikariki).

(2)Nuqqas ta’ rekwiżiti effiċjenti ta’ informazzjoni għad-deterġenti: It-trikkib leġiżlattiv bejn ir-Regolament dwar id-Deterġenti u r-Regolament dwar il-Klassifikazzjoni, l-Ittikkettar u l-Imballaġġ (CLP) 11 spiss iwassal biex l-istess sustanza tidher darbtejn jew tliet darbiet fuq l-istess tikketta u xi drabi taħt ismijiet kompletament differenti. Trikkib ieħor bejn dawn il-biċċiet ta’ leġiżlazzjoni tal-UE hija d-duplikazzjoni tal-informazzjoni dwar ir-reazzjoni ta’ emerġenza relatata mas-saħħa għad-deterġenti kklassifikati bħala perikolużi skont ir-Regolament CLP (skedi tad-data dwar l-ingredjenti skont ir-Regolament dwar id-Deterġenti u informazzjoni għaċ-ċentri tal-avvelenament skont is-CLP).

•Konsistenza mad-dispożizzjonijiet eżistenti fil-qasam ta’ politika

•Konsistenza ma’ politiki oħra tal-Unjoni

2.BAŻI ĠURIDIKA, SUSSIDJARJETÀ U PROPORZJONALITÀ

•Bażi ġuridika

•Sussidjarjetà (għal kompetenza mhux esklużiva)

L-evalwazzjoni tar-Regolament dwar id-Deterġenti kkonkludiet li l-valur miżjud li jkun hemm regoli ta’ armonizzazzjoni għat-tqegħid u għall-introduzzjoni fis-suq tad-deterġenti ma kienx ikkontestat. Ir-Regolament dwar id-Deterġenti għen biex jinħolqu kundizzjonijiet ekwi għall-manifatturi tad-deterġenti, u b’hekk sar aktar faċli għall-kumpaniji li jagħmlu kummerċ transfruntier u jiksbu riżultati pożittivi għas-saħħa tal-bniedem u għall-ambjent.

Barra minn hekk, matul l-attivitajiet ta’ konsultazzjoni għall-evalwazzjoni, kien hemm kunsens wiesa’ fost il-partijiet ikkonċernati li l-kwistjonijiet indirizzati mir-Regolament għadhom jeħtieġu azzjoni fil-livell tal-UE. Dan għaliex, l-aspetti ttrattati mir-Regolament dwar id-Deterġenti, kemm f’termini ta’ protezzjoni tas-saħħa tal-bniedem kif ukoll tal-ambjent, għandhom dimensjoni tal-UE kollha. L-istess japplika għall-problemi identifikati li ma jippreżentaw l-ebda karatteristika nazzjonali jew subnazzjonali speċifika iżda pjuttost għandhom impatt fl-UE kollha (eż. il-bejgħ tar-rikariki, il-prodotti tat-tindif mikrobiċi, in-nuqqas ta’ fehim u sensibilizzazzjoni dwar it-tikketti tas-sustanzi kimiċi mill-konsumaturi). Għalhekk, dawn il-kwistjonijiet jeħtieġ li jiġu indirizzati fil-livell tal-UE biex jiġi żgurat il-funzjonament tajjeb tas-suq uniku u livell ugwali ta’ saħħa tal-bniedem u protezzjoni ambjentali fl-UE.

Azzjoni regolatorja fil-livell tal-UE tiżgura kuntest regolatorju li jippermetti l-innovazzjoni għal tipi ġodda ta’ prodotti, tekniki ġodda ta’ kummerċjalizzazzjoni u teknoloġiji ġodda tat-tikkettar fis-suq uniku kollu filwaqt li tipprovdi l-istess livell ta’ protezzjoni tas-saħħa tal-bniedem u tal-ambjent fl-UE. Hija taġġorna l-leġiżlazzjoni billi tinkludi prodotti innovattivi u prattiki ġodda sostenibbli fil-kamp ta’ applikazzjoni tar-Regolament; tnaqqas il-piż regolatorju għall-manifatturi tad-deterġenti permezz ta’ rekwiżiti (ta’ informazzjoni) simplifikati u aktar effiċjenti; u tadatta l-leġiżlazzjoni għall-era diġitali permezz tal-introduzzjoni ta’ tikkettar diġitali. Azzjoni regolatorja ta’ dan it-tip: (i) tgħin biex is-suq uniku jiġi żviluppat aktar; (ii) tipprovdi ċertezza legali u kundizzjonijiet ekwi għall-industrija; u (iii) tiżgura protezzjoni ottimizzata tas-saħħa tal-bniedem u tal-ambjent.

•Proporzjonalità

L-introduzzjoni ta’ passaport tal-prodotti li jkun fih informazzjoni dwar il-konformità se tkun effettiva fit-tnaqqis tal-ammont ta’ deterġenti u aġenti tensjoattivi mhux konformi fis-suq tal-Unjoni, inkluż permezz tal-bejgħ online. Ir-Regolament se jiżgura li deterġent jew aġent tensjoattiv li jiġi ppreżentat fid-dwana jiġi rilaxxat għaċ-ċirkolazzjoni libera u jiġi introdott fis-suq tal-Unjoni biss jekk ikollu passaport tal-prodott korrispondenti. Dan se jwassal għal titjib sinifikanti fl-effiċjenza kemm għall-awtoritajiet tas-sorveljanza tas-suq kif ukoll għall-awtoritajiet doganali mingħajr ma jiġu imposti kostijiet sproporzjonati fuq l-industrija. Huwa se jkun soġġett għall-istess rekwiżiti tekniċi bħall-passaport tal-prodotti propost fil-proposta dwar l-ekodisinn għal prodotti sostenibbli sabiex tiġi evitata d-duplikazzjoni tal-isforzi ta’ diġitalizzazzjoni tal-industrija u tiġi żgurata l-interoperabbiltà mal-passaporti tal-prodotti maħluqa skont leġiżlazzjoni oħra tal-Unjoni.

3.RIŻULTATI TAL-EVALWAZZJONIJIET EX POST, TAL-KONSULTAZZJONIJIET MAL-PARTIJIET IKKONĊERNATI U TAL-VALUTAZZJONIJIET TAL-IMPATT

•Evalwazzjonijiet ex-post/kontrolli tal-idoneità tal-leġiżlazzjoni eżistenti

•Konsultazzjonijiet mal-partijiet ikkonċernati

•Valutazzjoni tal-impatt

Il-Kummissjoni wettqet valutazzjoni tal-impatt dwar ir-reviżjoni tar-Regolament dwar id-Deterġenti. Il-Bord tal-Iskrutinju Regolatorju ta opinjoni pożittiva dwar l-abbozz tal-valutazzjoni tal-impatt fis-16 ta’ Settembru 2022. L-opinjoni tal-Bord kif ukoll il-valutazzjoni finali tal-impatt u s-sommarju eżekuttiv tagħha jiġu ppubblikati flimkien ma’ din il-proposta.

Minbarra x-xenarju bażi ta’ ebda azzjoni, din il-valutazzjoni tal-impatt tidentifika żewġ għażliet (1a u 1b) biex tiġi indirizzata l-problema 1 (dwar żviluppi ġodda fis-suq li ma jiġux ikkunsidrati), u żewġ għażliet (2a u 2b) biex tiġi indirizzata l-problema 2 (nuqqas ta’ rekwiżiti effiċjenti ta’ informazzjoni).

L-għażla ta’ politika 1a tiżgura li l-konsumaturi jirċievu l-informazzjoni meħtieġa meta jixtru deterġenti rikarikati u li r-regoli jiġu livellati għall-manifatturi tad-deterġenti. Il-prodotti tat-tindif mikrobiċi jiddaħħlu fil-kamp ta’ applikazzjoni tar-Regolament dwar id-Deterġenti u jiġu imposti rekwiżiti minimi ta’ informazzjoni (tikkettar) sabiex l-utenti finali jkunu jistgħu jiġu infurmati dwar il-preżenza ta’ mikrobi fil-prodott li permezz tagħhom tinkiseb il-funzjoni tat-tindif.

L-għażla ta’ politika 1b tibni fuq l-għażla 1a fir-rigward tal-bejgħ tar-rikariki billi tipproponi, barra minn hekk, l-introduzzjoni ta’ tikkettar diġitali għad-deterġenti rikarikati. Biex tiġi ffaċilitata aktar din il-prattika sostenibbli u jiġi sfruttat il-potenzjal sħiħ tagħha, l-informazzjoni kollha tat-tikkettar meħtieġa skont ir-Regolament dwar id-Deterġenti minbarra l-istruzzjonijiet dwar id-dożaġġ tista’ tiġi pprovduta permezz ta’ tikketta diġitali. Fir-rigward tal-prodotti tat-tindif mikrobiċi, l-għażla 1b tipproponi l-introduzzjoni ta’ rekwiżiti ta’ ġestjoni tar-riskju għal dawn il-prodotti. Dawn jinkludu kriterji ġeneriċi għall-użu ta’ mikrobi fid-deterġenti, rekwiżiti ta’ tikkettar, ċerti restrizzjonijiet fuq l-użu tal-mikrobi u klawżola ta’ rieżami.

Bl-għażla ta’ politika 2a, l-iskeda tad-data dwar l-ingredjenti tiġi abolita kemm għad-deterġenti perikolużi kif ukoll għal dawk mhux perikolużi. L-għażla tissuġġerixxi wkoll li jiġu simplifikati r-rekwiżiti tat-tikkettar u li tiġi introdotta l-possibbiltà ta’ tikkettar diġitali. Is-simplifikazzjoni tista’ tinkiseb jew permezz ta’ tikkettar darba biss f’konformità mar-regoli aktar stretti (is-subgħażla 1); jew billi jitneħħew id-dispożizzjonijiet duplikati mir-Regolament dwar id-Deterġenti (is-subgħażla 2). Billi jagħżlu t-tikkettar diġitali, il-manifatturi jibbenefikaw ukoll mill-possibbiltà li jipprovdu ċerta informazzjoni permezz tat-tikketta diġitali biss. Il-manifatturi jistgħu jqiegħdu biss tikketti diġitali fuq il-prodotti tagħhom meta jiġu applikati prinċipji obbligatorji għat-tikkettar diġitali.

L-għażla ta’ politika 2b tipproponi li jitneħħa biss ir-rekwiżit duplikat, li tiġi pprovduta skeda tad-data dwar l-ingredjenti għad-deterġenti perikolużi u li tinżamm għad-deterġenti mhux perikolużi skont ir-Regolament dwar id-Deterġenti. F’termini ta’ tikkettar, l-għażla 2b hija l-istess bħall-għażla 2a hawn fuq.

Il-kombinazzjoni ppreferuta ta’ għażliet ta’ politika tikkonsisti fl-Għażla ta’ Politika 1b (PO1b) u l-Għażla ta’ Politika 2b (PO2b). Dawn l-għażliet ġabu punteġġ komplessiv aħjar meta mqabbla mal-alternattivi tagħhom f’firxa ta’ kriterji (impatti ekonomiċi, soċjali, ambjentali u tas-saħħa pożittivi, effettività, effiċjenza u koerenza). B’mod partikolari, l-għażliet 1b u 2b huma mistennija li jġibu benefiċċji f’termini ta’ tnaqqis tal-piżijiet u ffrankar fil-kostijiet għall-industrija, kif ukoll leġġibbiltà mtejba tat-tikketti tad-deterġenti. Huma mistennija wkoll li jnaqqsu l-piżijiet għan-negozji billi jindirizzaw ir-rekwiżiti estensivi u duplikati tat-tikkettar skont il-qafas regolatorju aktar wiesa’ tal-UE applikabbli għad-deterġenti. Dan se jinkiseb b’mod partikolari billi jiġu eliminati d-duplikazzjonijiet kollha fir-rekwiżiti ta’ informazzjoni u billi tiġi offruta l-flessibbiltà li tiġi pprovduta xi informazzjoni permezz ta’ tikketta diġitali. Ikun hemm ukoll ekonomiji ta’ skala minħabba li l-ispazju fiżiku tat-tikketta jista’ jippermetti aktar lingwi, jiġifieri ffrankar tal-kostijiet f’termini ta’ distribuzzjoni tal-bejgħ, u jinkiseb il-potenzjal sħiħ tas-suq uniku għad-deterġenti.

L-istabbiliment ta’ kriterji armonizzati u l-kjarifika tar-rekwiżiti għal prodotti aktar sostenibbli (prodotti tat-tindif mikrobiċi) u prattiki ġodda (bejgħ tar-rikariki), se jiffaċilitaw it-tranżizzjoni ekoloġika filwaqt li jiżguraw li l-innovazzjoni ma tiġix imxekkla. Minħabba li dawn is-segmenti tas-suq bħalissa huma ddominati mill-SMEs, dan se jżid l-aċċess u l-integrazzjoni tal-SMEs fil-ktajjen tal-valur u s-suq b’mod ġenerali, u b’hekk jikkontribwixxi għall-kisba tal-Għan ta’ Żvilupp Sostenibbli 24 (SDG) #9 tan-Nazzjonijiet Uniti “Industrija, innovazzjoni u infrastruttura”.

Il-kombinazzjoni tal-għażliet ta’ politika 1b u 2b tiżgura livell ogħla ta’ protezzjoni tas-saħħa tal-bniedem, tas-sikurezza, u tal-ambjent u tikkontribwixxi għall-kisba tal-SDG #3 “Saħħa tajba u benesseri” u tal-SDG #12 “Jiġu żgurati xejriet sostenibbli ta’ konsum u ta’ produzzjoni”. B’mod partikolari, l-introduzzjoni ta’ miżuri ta’ ġestjoni tar-riskju għall-prodotti tat-tindif mikrobiċi se tiżgura li l-mikrobi użati fid-deterġenti jkunu sikuri kemm minn perspettiva tas-saħħa tal-bniedem kif ukoll ambjentali u se tippermetti lill-utenti finali jagħmlu għażliet infurmati u jipproteġu lilhom infushom aħjar f’każ ta’ sensitizzazzjoni jew vulnerabbiltà minn qabel. Struzzjonijiet dwar l-użu mmirati u simplifikati fuq it-tikketta jgħinu lill-utenti tal-prodotti jużaw dawn il-prodotti b’mod korrett, u b’hekk jipprovdu protezzjoni ambjentali ottimizzata. Barra minn hekk, l-introduzzjoni ta’ rekwiżiti speċifiċi għall-bejgħ tar-rikariki se tiżgura li l-konsumaturi jirċievu l-informazzjoni kollha dwar is-sikurezza u l-użu meta jixtru deterġenti rikarikati u tippromwovi prattika sostenibbli b’benefiċċji ambjentali sinifikanti f’termini ta’ skart mill-imballaġġ. Jekk xi informazzjoni tat-tikkettar tkun tista’ tiġi pprovduta biss b’mod diġitali, dan ikompli jnaqqas l-iskart li jirriżulta mir-rimi ta’ stokk ta’ tikketti mhux użati.

Is-simplifikazzjoni u ż-żieda fl-effiċjenza tar-rekwiżiti tat-tikkettar se tagħmel it-tikketti tad-deterġenti aktar leġġibbli u aktar faċli biex jinftiehmu. Dan jgħin lill-utenti finali jsibu l-informazzjoni rilevanti aktar faċilment u malajr, li huwa kruċjali speċjalment f’każ ta’ inċident.

Is-subgħażla 1 tal-għażla ta’ politika 2a, li skontha l-ingredjenti jiġu ttikkettati darba biss abbażi tar-regoli applikabbli aktar stretti hija ppreferuta peress li se toffri livell ogħla ta’ protezzjoni tas-saħħa tal-bniedem. Barra minn hekk, l-introduzzjoni ta’ tikkettar diġitali fakultattiv minn naħa se tipprovdi faċilità addizzjonali ta’ użu u għarfien peress li l-informazzjoni essenzjali li jifdal fuq it-tikketta fiżika ssir aktar ċara u min-naħa l-oħra tagħti benefiċċji addizzjonali għall-utenti vulnerabbli u b’indeboliment tal-vista. Il-prinċipji diġitali, li se japplikaw meta l-operaturi ekonomiċi jiddeċiedu li jittikkettaw b’mod diġitali, se jkomplu jissalvagwardjaw il-livell għoli ta’ protezzjoni tas-saħħa tal-bniedem. Fl-aħħar nett, iż-żamma tal-iskeda tad-data dwar l-ingredjenti għad-deterġenti mhux perikolużi skont ir-Regolament se tiżgura li l-livell ta’ protezzjoni jibqa’ għoli ħafna.

Bl-għażla ppreferuta, il-funzjonament tas-suq uniku jibbenefika mill-introduzzjoni ta’ regoli armonizzati għall-prodotti tat-tindif mikrobiċi u għall-bejgħ tar-rikariki, li se jiżguraw kundizzjonijiet ekwi għalihom. L-għażla ppreferuta mhi se tinvolvi l-ebda kost jew se tinvolvi biss kostijiet negliġibbli għall-kumpaniji u ffrankar kbir fil-kostijiet. L-akbar impatt – fil-forma ta’ ffrankar fil-kostijiet – jirriżulta mill-abolizzjoni tal-iskeda tad-data dwar l-ingredjenti għad-deterġenti perikolużi, b’iffrankar annwali stmat ta’ EUR 7 miljun fis-sena. Il-format attwali tal-iskeda tad-data dwar l-ingredjenti se jinżamm biex jiġu evitati kostijiet u kumplessità addizzjonali mhux meħtieġa għall-industrija, speċjalment għall-SMEs.

Huma mistennija piżijiet żgħar annwali addizzjonali għall-SMEs minħabba r-rekwiżiti ta’ ġestjoni tar-riskju għall-prodotti tat-tindif mikrobiċi, li jammontaw għal madwar EUR 200 000 għal kull kumpanija. Ta’ min jinnota, madankollu, li din hija stima superjuri, u kkalkolata abbażi tal-kostijiet medji għall-ittestjar u l-ogħla għadd ta’ lottijiet irrapportati mill-manifatturi. Dan l-għadd huwa wkoll probabbli ħafna li jvarja skont diversi fatturi (eż. id-daqs tal-kumpanija jew tal-portafoll; il-livell attwali ta’ konformità, eċċ.) iżda, fi kwalunkwe każ, mhux se jkollu impatt negattiv fuq il-manifatturi (l-aktar SMEs), li matul l-intervisti rrappurtaw li dawn il-kostijiet huma fil-medda aċċettabbli. Għall-kumpaniji li bħalissa qed jaħdmu fuq “mikrobi magħrufa”, il-kostijiet tar-rekwiżiti l-ġodda huma mistennija li jkunu negliġibbli peress li ħafna mir-rekwiżiti proposti diġà huma ssodisfati jew jistgħu jintlaħqu b’kost negliġibbli. Dawn id-ditti, għalhekk, se jkunu jistgħu jaħdmu u jespandu l-produzzjoni tagħhom mingħajr kostijiet żejda.

L-għażla ppreferuta tikkonforma mal-prinċipju tal-proporzjonalità. Hija ma taqbiżx dak li huwa meħtieġ biex jintlaħqu l-objettivi segwiti. L-eliminazzjoni tat-trikkib regolatorju se tiżgura konsistenza akbar mal-qafas regolatorju aktar wiesa’ tal-UE applikabbli għad-deterġenti. L-iffaċilitar tal-bejgħ tar-rikariki huwa konformi mal-inizjattivi ġenerali tal-UE li għandhom l-għan li jnaqqsu l-impatt ambjentali u mal-SDG #12 “Jiġu żgurati xejriet sostenibbli ta’ konsum u ta’ produzzjoni”. L-introduzzjoni ta’ tikkettar diġitali (fakultattiv) kemm għad-deterġenti ta’ rikarika kif ukoll b’mod ġenerali hija konsistenti mat-tranżizzjoni għall-era diġitali kif ukoll ma’ inizjattivi paralleli ta’ diġitalizzazzjoni fil-qasam tas-sustanzi kimiċi bħas-CLP u r-Regolament dwar il-Prodotti Fertilizzanti. Hekk kif jinkisbu l-esperjenza u l-fiduċja fit-tikkettar diġitali, fil-futur jista’ jkun possibbli li jiżdied l-ammont ta’ informazzjoni disponibbli b’mod diġitali, li jista’ jkompli jżid il-potenzjal ta’ simplifikazzjoni għall-industrija.

•Idoneità regolatorja u simplifikazzjoni

·Is-simplifikazzjoni u ż-żieda fl-effiċjenza tar-rekwiżiti ta’ tikkettar se jnaqqsu l-piż regolatorju għall-operaturi ekonomiċi peress li se jkun aktar faċli għalihom li jikkonformaw mar-regoli.

·It-tneħħija tal-iskeda tad-data dwar l-ingredjenti għad-deterġenti perikolużi se tiġġenera ffrankar fil-kostijiet ta’ EUR 7 miljun fis-sena.

·Il-proposta tabolixxi wkoll l-involviment obbligatorju ta’ laboratorji approvati li kellhom iwettqu testijiet skont ir-Regolament.

·Il-proposta telimina l-obbligu li l-manifatturi tad-deterġenti u tal-aġenti tensjoattivi jkunu stabbiliti fl-UE. Madankollu, l-introduzzjoni tal-passaport tal-prodotti u dispożizzjonijiet ġodda għas-sorveljanza tas-suq tad-deterġenti se jiżguraw li d-deterġenti u l-aġenti tensjoattivi kollha li jiġu introdotti fis-suq tal-UE jikkonformaw mar-rekwiżiti, irrispettivament mill-post ta’ stabbiliment tal-manifattur.

·L-iffaċilitar tal-bejgħ tar-rikariki huwa stmat li jiġġenera ffrankar annwali fil-kostijiet għall-industrija tad-deterġenti minħabba anqas rimi ta’ skart tal-plastik. Filwaqt li ma kienx possibbli li jiġi kkwantifikat dan l-iffrankar, taħt il-linja bażi dan huwa stmat li jammonta għal EUR 3,3 miljun. B’mod komplessiv, l-għażla ppreferuta hija stmata li tiġġenera ffrankar annwali fil-kostijiet ta’ aktar minn EUR 10 miljun għall-industrija tad-deterġenti fis-sena.

4.IMPLIKAZZJONIJIET BAĠITARJI

5.ELEMENTI OĦRAJN

•Pjanijiet ta’ implimentazzjoni u arranġamenti dwar il-monitoraġġ, l-evalwazzjoni u r-rapportar

•Spjegazzjoni fid-dettall tad-dispożizzjonijiet speċifiċi tal-proposta 

Kapitolu I – Dispożizzjonijiet ġenerali

Ir-Regolament propost ikopri d-deterġenti u l-aġenti tensjoattivi li jiġu introdotti fis-suq waħedhom jew li jkunu jinsabu fid-deterġenti. Barra minn hekk, ir-Regolament propost ikompli jistabbilixxi rekwiżiti stretti ta’ bijodegradabbiltà għall-aġenti tensjoattivi. Madankollu, meta mqabbel mar-Regolament (KE) Nru 648/2004, ġiet introdotta l-possibbiltà li l-kamp ta’ applikazzjoni jiġi estiż fil-futur biex ikopri l-bijodegradabbiltà tas-sustanzi u t-taħlitiet fid-deterġenti. Il-kamp ta’ applikazzjoni estiż ikopri wkoll id-diġitalizzazzjoni tat-tikketti tad-deterġenti u s-sikurezza tal-mikroorganiżmi fid-deterġenti.

Il-proposta żżomm għadd ta’ definizzjonijiet eżistenti iżda tintroduċi wkoll definizzjoni ġdida ta’ deterġent. Din id-definizzjoni hija bbażata fil-biċċa l-kbira fuq dik inkluża fir-Regolament (KE) Nru 648/2004 iżda, minn naħa, ġiet iċċarata u, min-naħa l-oħra, ġiet aġġornata biex tkopri wkoll prodotti ġodda li magħhom jiżdiedu intenzjonalment il-mikroorganiżmi.

Il-proposta tuża wkoll id-definizzjonijiet ġenerali tad-Deċiżjoni 768/2008/KE 25 u tinkludi definizzjonijiet addizzjonali fir-rigward tal-passaport tal-prodotti, f’konformità mad-definizzjonijiet stabbiliti fil-proposta Ewropea għal prodotti sostenibbli. Definizzjoni ta’ rikarika hija allinjata mad-definizzjoni użata fil-proposta dwar l-imballaġġ u l-iskart mill-imballaġġ.

Kapitolu II – Rekwiżiti tal-Prodotti

Bħal fir-Regolament (KE) Nru 648/2004, l-aġenti tensjoattivi jeħtieġ li jissodisfaw il-kriterji ta’ bijodegradabbiltà finali sabiex jiġu introdotti fis-suq kemm jekk waħedhom kif ukoll jekk ikunu jinsabu fid-deterġenti. Din il-proposta tintroduċi għall-ewwel darba rekwiżiti ta’ sikurezza li l-mikroorganiżmi fid-deterġenti jeħtieġ li jikkonformaw magħhom.

Inżammu l-limitazzjonijiet fuq il-kontenut tal-fosfati u ta’ komposti oħra tal-fosforu fid-deterġenti tal-ħasil tal-ħwejjeġ għall-konsumatur u fid-deterġenti tal-magni tal-ħasil tal-platti awtomatiċi għall-konsumatur.

Kapitolu III - Obbligi tal-operaturi ekonomiċi

Kapitolu IV – Markatura u tikkettar CE

Mat-tlestija tal-valutazzjoni tal-konformità, il-manifatturi jridu jwaħħlu l-markatura CE fuq id-deterġenti u l-aġenti tensjoattivi skont il-prinċipji ġenerali u r-regoli applikabbli għall-markatura CE.

Il-proposta żżomm il-biċċa l-kbira tar-regoli eżistenti dwar it-tikkettar stabbiliti fir-Regolament (KE) Nru 648/2004, filwaqt li tintroduċi l-possibbiltà ta’ tikketta diġitali, kif deskritt hawn fuq.

Kapitolu V – Passaport tal-prodotti

Huwa importanti għal kundizzjonijiet ekwi fis-suq uniku li tiġi żgurata, minn naħa, aktar trasparenza fil-katina tal-valur dwar il-karatteristiċi ewlenin tad-deterġenti u tal-aġenti tensjoattivi u, min-naħa l-oħra, li jissaħħaħ l-infurzar tar-regoli biex jitnaqqas in-nuqqas ta’ konformità. Minflok ma tibbaża fuq id-dikjarazzjoni ta’ konformità tal-UE prevista fid-Deċiżjoni 768/2008/KE, din il-proposta tmur għal mod innovattiv biex jinkiseb dan l-objettiv doppju. L-evalwazzjoni tal-Qafas Leġiżlattiv il-Ġdid 26 indikat li reviżjoni futura possibbli tal-Qafas tista’ tkun trid tikkunsidra l-introduzzjoni tal-possibbiltà tal-passaport tal-prodotti. Skont l-evalwazzjoni, il-passaport tal-prodotti jista’ jinkludi dikjarazzjoni elettronika tal-konformità u deskrizzjoni tal-proċedura ta’ valutazzjoni tal-konformità. L-evalwazzjoni tissottolinja li d-diġitalizzazzjoni tal-informazzjoni dwar il-prodott tista’ tagħmel il-ħidma tal-awtoritajiet tas-sorveljanza tas-suq u tad-dwana aktar effettiva.

Biex dan ir-Regolament jibqa’ validu fil-futur, din il-proposta tissostitwixxi d-dikjarazzjoni ta’ konformità tal-UE stabbilita fid-Deċiżjoni 768/2008/KE bl-obbligu li d-deterġenti u l-aġenti tensjoattivi jkollhom passaport tal-prodott li juri l-konformità mar-rekwiżiti ta’ dan ir-Regolament. Il-passaport tal-prodott se jkun konness permezz ta’ mezz ta’ data ma’ identifikatur uniku tal-prodott, u jissodisfa l-istess rekwiżiti tekniċi għal passaport tal-prodott skont ir-Regolament dwar l-ekodisinn għall-prodotti sostenibbli 27 . Ir-referenza tal-passaport tal-prodott trid tiġi inkluża f’reġistru ċentrali tal-Kummissjoni li se jiġi stabbilit skont ir-Regolament dwar l-ekodisinn għal prodotti sostenibbli, u din l-informazzjoni trid tiġi ppreżentata fid-dwana.

Kapitolu VI - Sorveljanza tas-suq

Minbarra l-passaport tal-prodotti, din il-proposta toħloq qafas aktar ċar għal infurzar aħjar tar-regoli. Hija tikkonferma li r-Regolament (UE) 2019/1020 se jkompli japplika għad-deterġenti u għall-aġenti tensjoattivi. Barra minn hekk, il-proposta tistabbilixxi dispożizzjonijiet aktar dettaljati dwar is-sorveljanza tas-suq ibbażati fuq id-Deċiżjoni 768/2008/KE. Barra minn hekk, dispożizzjoni speċifika bbażata fuq id-Deċiżjoni 768/2008 tagħti raġunijiet speċifiċi biex tittieħed azzjoni kontra deterġenti jew aġenti tensjoattivi li jikkonformaw mar-rekwiżiti iżda li jkunu ta’ riskju għas-saħħa jew għall-ambjent. Id-dispożizzjoni finalment tagħti lill-Kummissjoni s-setgħa li tadotta miżuri kontra deterġenti jew aġenti tensjoattivi speċifiċi f’ċerti ċirkostanzi.

Kapitolu VII – Setgħat delegati u Proċedura ta’ Kumitat

Il-proposta tagħti s-setgħa lill-Kummissjoni li tadotta atti delegati sabiex tqis il-progress tekniku u xjentifiku, evidenza xjentifika ġdida, u l-livell ta’ prontezza/litteriżmu diġitali. Din is-setgħa għandha tiġi ddelegata lill-Kummissjoni, b’mod partikolari, biex (i) tissupplimenta r-rekwiżiti ġenerali dwar it-tikkettar diġitali; (ii) temenda l-lista tal-informazzjoni tat-tikkettar li tista’ tiġi pprovduta f’format diġitali biss; (iii) tadatta l-limitu tal-fwejjaħ allerġeniċi meta jiġu stabbiliti limiti ta’ konċentrazzjoni individwali bbażati fuq ir-riskju għall-allerġeni tal-fwieħa skont ir-Regolament (KE) Nru 1223/2009; (iv) tistabbilixxi rekwiżiti ta’ bijodegradabbiltà għas-sustanzi u t-taħlitiet għajr l-aġenti tensjoattivi fid-deterġenti (inklużi kapsuli ta’ deterġenti) meta evidenza xjentifika ġdida tkun teħtieġ dan; (v) temenda l-informazzjoni speċifika li għandha tiġi inkluża fil-passaport, kif ukoll l-informazzjoni li għandha tiġi inkluża fir-reġistru tal-Kummissjoni; (vi) tiddetermina l-informazzjoni addizzjonali maħżuna fir-reġistru li għandha tiġi kkontrollata mill-awtoritajiet doganali; (vii) tipprovdi Anness ta’ dan ir-Regolament li jkun fih lista ta’ kodiċijiet tan-Nomenklatura Magħquda, kif stabbilit fl-Anness I tar-Regolament (KEE) Nru 2658/87, u deskrizzjonijiet tal-prodott ta’ deterġenti u aġenti tensjoattivi u taġġorna tali Anness; u (viii) temenda l-Annessi I sa VII.

Il-proposta tagħti s-setgħa lill-Kummissjoni li tadotta, fejn ikun xieraq, atti ta’ implimentazzjoni biex tiżgura l-applikazzjoni uniformi ta’ dan ir-Regolament. B’mod partikolari, il-Kummissjoni għandha tingħata setgħat ta’ implimentazzjoni biex tistabbilixxi r-rekwiżiti tekniċi dettaljati għall-passaport tal-prodotti għad-deterġenti u għall-aġenti tensjoattivi. Dawk is-setgħat għandhom jiġu eżerċitati f’konformità mar-Regolament (UE) Nru 182/2011 tal-Parlament Ewropew u tal-Kunsill tas-16 ta’ Frar 2011 li jistabbilixxi r-regoli u l-prinċipji ġenerali dwar il-modalitajiet ta’ kontroll mill-Istati Membri tal-eżerċizzju mill-Kummissjoni tas-setgħat ta’ implimentazzjoni.

Il-Kummissjoni għandha tingħata wkoll setgħat ta’ implimentazzjoni biex tistabbilixxi jekk miżura nazzjonali fir-rigward ta’ deterġent jew aġent tensjoattiv li jippreżenta riskju għas-saħħa u s-sikurezza tal-persuni jew tal-ambjent tkunx ġustifikata. Il-Kummissjoni għandha tingħata wkoll setgħat ta’ implimentazzjoni biex tistabbilixxi jekk miżura nazzjonali fir-rigward ta’ deterġenti jew aġenti tensjoattivi konformi li Stat Membru jsib li jippreżentaw riskju għas-saħħa u s-sikurezza tal-persuni jew tal-ambjent tkunx ġustifikata. Minħabba n-natura speċjali u teknika tagħhom, dawk l-atti ta’ implimentazzjoni mhux se jiġu adottati f’konformità mad-dispożizzjonijiet dwar l-atti ta’ implimentazzjoni stabbiliti fir-Regolament (UE) Nru 182/2011.

Kapitolu VIII – Dispożizzjonijiet tranżitorji u finali

Biex tivvaluta l-effettività tagħhom, il-Kummissjoni se timmonitorja l-implimentazzjoni u l-applikazzjoni ta’ dawn id-dispożizzjonijiet il-ġodda kif ukoll il-konformità magħhom. Il-Kummissjoni se tissottometti rapport lill-Parlament Ewropew u lill-Kunsill li jivvaluta l-effettività tar-Regolament wara 5 snin ta’ applikazzjoni. Il-proposta tipprevedi wkoll ir-rieżami tar-rekwiżiti tas-sikurezza għall-mikroorganiżmi fid-deterġenti u l-possibbiltà li jkunu jistgħu jintużaw aktar razez ta’ mikroorganiżmi fid-deterġenti.

Ir-Regolament propost se jsir applikabbli sentejn u nofs wara d-dħul fis-seħħ tiegħu biex minn naħa jippermetti lill-Kummissjoni tħejji l-implimentazzjoni tar-rekwiżiti tekniċi tal-passaport tal-prodotti u min-naħa l-oħra biex il-manifatturi u l-Istati Membri jingħataw żmien biex jadattaw għar-rekwiżiti l-ġodda stabbiliti f’dan ir-Regolament. Huma previsti dispożizzjonijiet tranżitorji għal deterġenti u aġenti tensjoattivi li ġew mmanifatturati f’konformità mar-Regolament (KE) Nru 648/2004 sabiex l-istokk li jkun fil-katina tad-distribuzzjoni jew maħżun fis-sit tal-manifattur jew tal-importatur fil-mument meta jibda japplika dan ir-Regolament ikun jista’ jinbiegħ. Ir-Regolament (KE) Nru 648/2004 se jitħassar u jiġi sostitwit bir-Regolament propost.

2023/0124 (COD)

Proposta għal

REGOLAMENT TAL-PARLAMENT EWROPEW U TAL-KUNSILL

dwar deterġenti u aġenti tensjoattivi, li jemenda r-Regolament (UE) 2019/1020 u li jħassar ir-Regolament (KE) Nru 648/2004

(Test b’rilevanza għaż-ŻEE)

IL-PARLAMENT EWROPEW U L-KUNSILL TAL-UNJONI EWROPEA,

Wara li kkunsidraw it-Trattat dwar il-Funzjonament tal-Unjoni Ewropea u, b’mod partikolari, l-Artikolu 114 tiegħu,

Wara li kkunsidraw il-proposta tal-Kummissjoni Ewropea,

Wara li l-abbozz tal-att leġiżlattiv intbagħat lill-parlamenti nazzjonali,

Wara li kkunsidraw l-opinjoni tal-Kumitat Ekonomiku u Soċjali Ewropew 28 ,

Filwaqt li jaġixxu skont il-proċedura leġiżlattiva ordinarja,

Billi:

(1)Il-kundizzjonijiet għall-introduzzjoni fis-suq u għat-tqegħid fis-suq ta’ deterġenti u aġenti tensjoattivi għad-deterġenti ġew armonizzati permezz tar-Regolament (KE) Nru 648/2004 tal-Parlament Ewropew u tal-Kunsill 29 .

(2)L-evalwazzjoni tal-Kummissjoni tar-Regolament (KE) Nru 648/2004 30 ikkonkludiet li b’mod ġenerali dak ir-Regolament laħaq fil-biċċa l-kbira l-objettivi tiegħu. Madankollu, l-evalwazzjoni identifikat ukoll għadd ta’ dgħufijiet u oqsma għal aktar titjib. F’dawn l-aħħar snin, il-qafas regolatorju għas-sustanzi kimiċi nbidel radikalment u ħoloq nuqqas ta’ koerenza u duplikazzjonijiet fir-regoli applikabbli għad-deterġenti u b’mod partikolari r-rekwiżiti ta’ informazzjoni tagħhom. Għalhekk hemm bżonn li tiġi żgurata l-konsistenza u li jiġu eliminati r-rekwiżiti ta’ informazzjoni duplikati.

(3)Tfaċċaw żviluppi ġodda fis-suq, b’mod partikolari l-iżvilupp ta’ deterġenti li fihom il-mikroorganiżmi u l-bejgħ tar-rikariki ta’ deterġenti li jew huma kompletament jew parzjalment mhux koperti mir-Regolament (KE) Nru 648/2004. Min-naħa l-oħra, id-diġitalizzazzjoni toffri opportunitajiet għas-simplifikazzjoni, għat-tnaqqis tal-piżijiet u għaż-żieda fil-faċilità tal-użu u l-fehim tal-informazzjoni dwar is-sikurezza u l-użu li bħalissa qed jintilfu. Għalhekk huwa meħtieġ li jitqiesu l-prodotti u l-prattiki ġodda li tfaċċaw u jiżdiedu l-isforzi ta’ diġitalizzazzjoni f’konformità mal-objettivi ġenerali tal-Unjoni speċjalment f’termini ta’ sostenibbiltà u t-tranżizzjoni doppja ekoloġika u diġitali.

(4)Il-Kontroll tal-Idoneità tal-aktar leġiżlazzjoni rilevanti dwar is-sustanzi kimiċi 31 (minbarra r-Regolament (KE) Nru 1907/2006 tal-Parlament Ewropew u tal-Kunsill 32 ) issottolinja l-kumplessità tal-qafas regolatorju tal-Unjoni għas-sustanzi kimiċi u attribwieha għall-għadd kbir ta’ biċċiet ta’ leġiżlazzjoni speċifiċi għall-prodott u għas-settur b’rabtiet inkorporati ma’ xulxin. Huwa ssottolinja wkoll li hemm lok għal simplifikazzjoni fil-komunikazzjoni tal-informazzjoni ta’ tikketti ffullati żżejjed lill-utenti tal-prodotti, u sab li l-użu ta’ għodod innovattivi għall-komunikazzjoni tal-informazzjoni dwar il-prodott bħalissa mhux qed jiġi sfruttat. Għalhekk, hemm bżonn li r-regoli attwali jiġu ssimplifikati biex jitnaqqas il-piż għall-operaturi ekonomiċi, jitjieb il-fehim tal-konsumatur u tiġi ffaċilitata s-sorveljanza tas-suq. Għalhekk, jenħtieġ li ir-Regolament (KE) Nru 648/2004 jiġi sostitwit.

(5)Id-Deċiżjoni Nru 768/2008/KE tal-Parlament Ewropew u tal-Kunsill 33  tistabbilixxi prinċipji komuni u dispożizzjonijiet ta’ referenza maħsuba biex japplikaw fil-leġiżlazzjoni settorjali kollha sabiex jipprovdu bażi koerenti għal reviżjoni ta’ dik il-leġiżlazzjoni. Il-qafas legali l-ġdid għad-deterġenti u għall-aġenti tensjoattivi jenħtieġ li jiġi allinjat sa fejn ikun possibbli ma’ dawk il-prinċipji komuni u d-dispożizzjonijiet ta’ referenza.

(6)Sabiex jiġu żgurati ċ-ċertezza legali u kundizzjonijiet ekwi għall-operaturi ekonomiċi, jenħtieġ li d-definizzjoni ta’ deterġent tkopri l-prodotti kollha li jaqgħu fl-ambitu tal-armonizzazzjoni, inklużi d-deterġenti żviluppati ġodda li fihom mikroorganiżmi miżjuda intenzjonalment. Id-definizzjoni jenħtieġ li tkopri wkoll il-prodotti għat-tindif tas-superfiċe tal-frott u tal-ħxejjex.

(7)Peress li l-aġenti tensjoattivi jinbiegħu primarjament fi tranżazzjonijiet minn negozju għal negozju sabiex jintużaw fil-manifattura tad-deterġenti, dawn ma hemmx bżonn li jkunu soġġetti għall-istess rekwiżiti bħad-deterġenti. Għalhekk, jenħtieġ li jiġu stabbiliti regoli minimi għall-aġenti tensjoattivi, jiġifieri regoli dwar il-bijodegradabbiltà finali, sett minimu ta’ informazzjoni tat-tikkettar u l-obbligu tal-operaturi ekonomiċi li jfasslu dokumentazzjoni teknika u li joħolqu passaport tal-prodotti.

(8)Dan ir-Regolament jenħtieġ li jikkomplementa r-regoli eżistenti stabbiliti fi strumenti leġiżlattivi oħra u jenħtieġ li ma jaffettwax l-applikazzjoni tal-leġiżlazzjoni eżistenti tal-Unjoni relatata mal-aspetti tal-protezzjoni tas-saħħa, tas-sikurezza u tal-ambjent mhux koperti minn dan ir-Regolament. B’mod partikolari, jenħtieġ li dan ir-Regolament japplika mingħajr preġudizzju għar-Regolament (KE) Nru 1907/2006, ir-Regolament (UE) Nru 528/2012 tal-Parlament Ewropew u tal-Kunsill 34 u għar-Regolament (KE) Nru 1272/2008 tal-Parlament Ewropew u tal-Kunsill 35 .

(9)L-aġenti tensjoattivi huma aġenti li jaħdmu fuq is-superfiċe li jgħinu biex ikissru l-interfaċċja bejn l-ilma u ż-żjut jew il-ħmieġ. Huma wieħed mill-ingredjenti ewlenin użati fid-deterġenti. L-aġenti tensjoattivi jistgħu, madankollu, joħolqu riskju għall-ambjent peress li jiġu skarikati f’sistemi tad-drenaġġ jew direttament fl-ilmijiet tas-superfiċe. Biex jiġi evitat kwalunkwe effett negattiv li l-aġenti tensjoattivi jista’ jkollhom fuq l-ambjent, huwa meħtieġ li jiġu stabbiliti rekwiżiti li jiżguraw li l-aġenti tensjoattivi jkunu kompletament bijodegradabbli jew meta jiġu introdotti fis-suq waħedhom u jkunu maħsuba għall-użu fid-deterġenti jew meta jkunu jinsabu fid-deterġenti.

(10)Il-fosforu huwa ingredjent ewlieni użat fid-deterġenti. Madankollu, il-fosforu u l-komposti tiegħu jistgħu jikkawżaw ħsara lill-ekosistemi u lill-ambjenti akkwatiċi peress li jikkontribwixxu għall-ewtrofikazzjoni. Biex jiġi żgurat aktar livell għoli ta’ protezzjoni tal-ambjent, u jitnaqqas il-kontribut tad-deterġenti għal dak il-fenomenu, jeħtieġ li jiġu stabbiliti limiti armonizzati fuq il-kontenut tal-fosfati u ta’ komposti tal-fosforu fid-deterġenti tal-ħasil tal-ħwejjeġ għall-konsumatur u fid-deterġenti tal-magni tal-ħasil tal-platti awtomatiċi għall-konsumatur. Limitazzjonijiet simili ma humiex meħtieġa għal tipi oħra ta’ deterġenti jew minħabba li l-kontribut tagħhom ma huwiex sinifikanti jew minħabba li bħalissa ma humiex disponibbli alternattivi xierqa.

(11)F’dawn l-aħħar snin, ġew żviluppati prodotti ġodda tat-tindif li fihom mikroorganiżmi ħajjin bħala ingredjenti attivi. Il-mikroorganiżmi għandhom il-bijoloġija u r-rispons proprji tagħhom għall-ambjent. Minħabba l-kapaċità tagħhom li jipproliferaw, hemm differenza ċara bejn id-deterġenti konvenzjonali u dawk mikrobiċi. Għalhekk, il-perikli inerenti u r-riskji li jinħolqu ma humiex neċessarjament tal-istess natura bħal dawk ippreżentati mis-sustanzi kimiċi, speċjalment fir-rigward tal-kapaċità tal-mikroorganiżmi li jippersistu u jimmultiplikaw f’ambjenti differenti u li jipproduċu firxa ta’ metaboliti u tossini differenti ta’ sinifikat tossikoloġiku potenzjali.

(12)Peress li l-mikroorganiżmi ma humiex soġġetti għal reġistrazzjoni skont ir-Regolament (KE) Nru 1907/2006 jew kwalunkwe leġiżlazzjoni oħra tal-Unjoni li tirrikjedi li l-manifatturi juru li l-użu maħsub huwa sikur, jenħtieġ li dawn ikunu eliġibbli għall-użu fid-deterġenti biss sal-punt li jkunu ġew identifikati b’mod ċar u appoġġati minn data li turi li l-użu tagħhom huwa sikur, u soġġett għal rekwiżiti speċifiċi li jirregolaw is-sikurezza tagħhom. Għalhekk, jenħtieġ li jiġu stabbiliti regoli armonizzati li jirregolaw is-sikurezza tal-mikroorganiżmi fid-deterġenti kif ukoll metodi ta’ ttestjar rilevanti għall-operaturi ekonomiċi biex juru l-konformità ma’ dawk ir-regoli. Huma meħtieġa restrizzjonijiet fuq il-format li fih jiġu introdotti fis-suq id-deterġenti li fihom il-mikroorganiżmi meta l-ingredjenti sensitizzanti jkunu inklużi fil-kompożizzjoni tagħhom. Biex jiġi żgurat livell għoli ta’ protezzjoni tas-saħħa tal-bniedem anke għall-persuni sensitizzati, id-deterġenti li jkun fihom il-mikroorganiżmi u li jiġu introdotti fis-suq f’format ta’ sprej jenħtieġ, għalhekk, li jinstabu sikuri għall-użu f’dan il-format.

(13)Biex jiġi żgurat livell għoli ta’ protezzjoni tal-aspetti ta’ interess pubbliku, u biex tiġi ggarantita kompetizzjoni ġusta fis-suq intern, jenħtieġ li l-operaturi ekonomiċi jkunu responsabbli għall-konformità tad-deterġenti jew tal-aġenti tensjoattivi ma’ dan ir-Regolament, fir-rigward tar-rwoli rispettivi tagħhom fil-katina tal-provvista. Kull meta jkun xieraq, jenħtieġ li l-manifatturi u l-importaturi jwettqu testijiet ta’ kampjun tad-deterġenti u tal-aġenti tensjoattivi li jkunu qiegħdu fis-suq, sabiex jipproteġu s-saħħa u s-sikurezza tal-konsumaturi u tal-ambjent.

(14)Jenħtieġ li l-operaturi ekonomiċi kollha li jintervjenu fil-katina tal-provvista u tad-distribuzzjoni jieħdu miżuri xierqa biex jiżguraw li jqiegħdu fis-suq tal-Unjoni biss deterġenti u aġenti tensjoattivi li jkunu konformi ma’ dan ir-Regolament. Jeħtieġ li tiġi prevista distribuzzjoni ċara u proporzjonata tal-obbligi li jikkorrispondu għar-rwol ta’ kull operatur ekonomiku fil-katina tal-provvista u tad-distribuzzjoni.

(15)Sabiex l-operaturi ekonomiċi jkunu jistgħu juru u l-awtoritajiet kompetenti jkunu jistgħu jivverifikaw li d-deterġenti u l-aġenti tensjoattivi mqiegħda fis-suq jikkonformaw mar-rekwiżiti ta’ dan ir-Regolament, huwa meħtieġ li tiġi prevista proċedura ta’ valutazzjoni tal-konformità. Id-Deċiżjoni Nru 768/2008/KE tistabbilixxi moduli għall-proċeduri ta’ valutazzjoni tal-konformità, mill-anqas stretti sal-aktar stretti, fi proporzjon mal-livell ta’ riskju involut u l-livell ta’ sikurezza meħtieġ. Sabiex tiġi żgurata l-koerenza intersettorjali u biex jiġu evitati varjanti ad hoc, id-Deċiżjoni Nru 768/2008/KE tispeċifika li l-proċeduri ta’ valutazzjoni tal-konformità jenħtieġ li jintgħażlu minn fost dawk il-moduli.

(16)Il-manifattur, li għandu għarfien dettaljat tad-disinn u tal-proċess tal-produzzjoni, huwa fl-aħjar pożizzjoni biex jiżgura l-konformità tad-deterġent jew tal-aġent tensjoattiv mar-rekwiżiti ta’ dan ir-Regolament. Għalhekk jenħtieġ li l-manifatturi jkunu l-uniċi responsabbli għat-twettiq tal-proċedura ta’ valutazzjoni tal-konformità għad-deterġenti u għall-aġenti tensjoattivi. Il-Modulu A jenħtieġ li jkun applikabbli għall-valutazzjoni tal-konformità tad-deterġenti u tal-aġenti tensjoattivi. Il-manifatturi jenħtieġ li jiġbru wkoll fajl tekniku li juri l-konformità tad-deterġent jew tal-aġent tensjoattiv mar-regoli u l-metodi ta’ ttestjar rilevanti.

(17)Biex tiġi ffaċilitata l-konformità tal-manifatturi mal-obbligi tagħhom skont dan ir-Regolament, jenħtieġ li l-manifatturi stabbiliti fl-Unjoni jkunu jistgħu jaħtru rappreżentant awtorizzat biex iwettaq kompiti speċifiċi f’isimhom. Barra minn hekk, biex tiġi żgurata distribuzzjoni ċara u proporzjonata tar-responsabbiltajiet bejn il-manifattur u r-rappreżentant awtorizzat, jeħtieġ li tiġi stabbilita l-lista tal-kompiti li l-manifatturi jenħtieġ li jkunu jistgħu jafdaw lir-rappreżentant awtorizzat. Barra dan, biex jiġu żgurati l-infurzabbiltà u l-effettività tar-rekwiżiti ta’ sorveljanza tas-suq u li deterġenti u aġenti tensjoattivi konformi biss jiġu introdotti fis-suq tal-Unjoni, il-ħatra ta’ rappreżentant awtorizzat jenħtieġ li tkun obbligatorja meta l-manifattur ikun stabbilit barra mill-Unjoni.

(18)Bil-għan li tiġi ffaċilitata l-komunikazzjoni bejn l-operaturi ekonomiċi, l-awtoritajiet ta’ sorveljanza tas-suq u l-konsumaturi, jenħtieġ li l-operaturi ekonomiċi, bħala parti mid-dettalji ta’ kuntatt tagħhom, jindikaw indirizz ta’ sit web minbarra l-indirizz postali.

(19)Sabiex jiġi ssalvagwardjat il-funzjonament tas-suq intern u biex jiġi żgurat li jintlaħaq l-objettiv li jiġi pprovdut livell għoli ta’ protezzjoni tas-saħħa u tal-ambjent, jeħtieġ li jiġi stabbilit li d-deterġenti u l-aġenti tensjoattivi minn pajjiżi terzi li jidħlu fis-suq tal-Unjoni jikkonformaw ukoll ma’ dan ir-Regolament. B’mod partikolari, jeħtieġ li jkun żgurat li l-manifatturi jkunu wettqu proċeduri xierqa ta’ valutazzjoni tal-konformità fir-rigward ta’ dawk il-prodotti. Huwa meħtieġ ukoll li jiġu stabbiliti regoli għall-importaturi biex jiġi żgurat li d-deterġenti u l-aġenti tensjoattivi li jintroduċu fis-suq jikkonformaw ma’ dawk ir-rekwiżiti u li d-dokumentazzjoni mfassla mill-manifatturi u, fejn ikun rilevanti, il-markatura CE jkunu disponibbli għall-ispezzjoni mill-awtoritajiet nazzjonali kompetenti. Jenħtieġ li jsir provvediment ukoll għall-importaturi biex jiżguraw li jkun disponibbli passaport tal-prodotti għal dawk il-prodotti.

(20)Peress li l-importaturi għandhom rwol ewlieni biex jiggarantixxu l-konformità tad-deterġenti u tal-aġenti tensjoattivi importati fis-suq tal-Unjoni, meta jintroduċu fis-suq deterġent jew aġent tensjoattiv, l-importaturi jenħtieġ li jindikaw fuq il-prodott isimhom, l-isem kummerċjali rreġistrat jew it-trademark irreġistrata tagħhom kif ukoll l-indirizz postali tagħhom u, jekk ikunu disponibbli, il-mezzi elettroniċi ta’ komunikazzjoni li permezz tagħhom jistgħu jiġu kkuntattjati.

(21)Peress li d-distributur iqiegħed deterġent jew aġent tensjoattiv fis-suq wara li dan ikun ġie introdott hemm mill-manifattur jew mill-importatur, jenħtieġ li d-distributur jaġixxi bl-attenzjoni dovuta fir-rigward tar-rekwiżiti applikabbli. Jenħtieġ li d-distributur jiżgura wkoll li l-immaniġġar tiegħu tad-deterġent jew tal-aġent tensjoattiv ma jaffettwax b’mod negattiv il-konformità tiegħu mar-rekwiżiti ta’ dan ir-Regolament.

(22)Peress li d-distributuri u l-importaturi huma qrib is-suq u għandhom rwol importanti biex jiżguraw il-konformità tal-prodott, jenħtieġ li jkunu involuti fil-kompiti ta’ sorveljanza tas-suq imwettqa mill-awtoritajiet nazzjonali kompetenti, u jenħtieġ li jkunu lesti li jipparteċipaw b’mod attiv, billi jagħtu l-informazzjoni kollha meħtieġa lil dawk l-awtoritajiet fir-rigward tad-deterġent jew tal-aġent tensjoattiv ikkonċernat.

(23)L-operaturi ekonomiċi li jew jintroduċu deterġent jew aġent tensjoattiv fis-suq taħt isimhom jew bit-trademark tagħhom jew jimmodifikaw deterġent jew aġent tensjoattiv b’tali mod li l-konformità ma’ dan ir-Regolament tista’ tiġi affettwata, jenħtieġ li jitqiesu bħala manifatturi u jenħtieġ li jassumu l-obbligi tal-manifatturi. F’każijiet oħra, operaturi ekonomiċi li jimballaw jew jimballaw mill-ġdid biss deterġent jew aġent tensjoattiv li diġà jkun ġie introdott fis-suq minn operaturi ekonomiċi oħra jenħtieġ li jkunu kapaċi jagħtu prova li l-konformità mar-rekwiżiti ta’ dan ir-Regolament ma ġietx affettwata, billi jindikaw l-identità tagħhom fuq il-pakkett u billi jżommu kopja tal-informazzjoni tat-tikkettar oriġinali.

(24)Il-markatura CE, li tindika l-konformità ta’ deterġent ma’ dan ir-Regolament, hija l-konsegwenza viżibbli ta’ proċess sħiħ li jinkludi valutazzjoni tal-konformità f’sens wiesa’. Ir-Regolament (KE) Nru 765/2008 tal-Parlament Ewropew u tal-Kunsill 36 jistabbilixxi l-prinċipji ġenerali tal-markatura CE. Jenħtieġ li dak ir-Regolament ikun applikabbli għad-deterġenti koperti minn dan ir-Regolament sabiex jiġi żgurat li l-prodotti li jibbenefikaw mill-moviment liberu tal-merkanzija fl-Unjoni jissodisfaw ir-rekwiżiti li jipprovdu livell għoli ta’ protezzjoni ta’ interessi pubbliċi bħalma huma s-saħħa u l-ambjent. F’konformità mar-Regolament (KE) Nru 765/2008, il-markatura CE jenħtieġ li tkun l-unika markatura ta’ konformità li tindika li d-deterġent huwa konformi mal-leġiżlazzjoni tal-Unjoni dwar l-armonizzazzjoni.

(25)Biex jiġi żgurat livell għoli ta’ protezzjoni tas-saħħa tal-bniedem, jenħtieġ li l-manifatturi jkunu meħtieġa jipprovdu skeda tad-data dwar l-ingredjenti għal deterġenti mhux perikolużi. Sabiex tiġi ottimizzata l-effiċjenza tar-rekwiżiti rilevanti u fid-dawl tas-sistema relatata mar-reazzjoni ta’ emerġenza relatata mas-saħħa diġà stabbilita skont ir-Regolament (KE) Nru 1272/2008, jenħtieġ li l-manifatturi jżommu din l-informazzjoni għad-dispożizzjoni taċ-ċentri tal-avvelenament, fuq talba.

(26)It-tikketti jikkomunikaw informazzjoni importanti dwar l-użu u s-sikurezza lill-utenti, bħall-preżenza ta’ sensitizzaturi tal-ġilda jew respiratorji (eż. fwejjaħ allerġeniċi, preservattivi jew enzimi) fid-deterġenti u fl-aġenti tensjoattivi. Billi tiġi pprovduta informazzjoni dwar il-kontenut ta’ dawk is-sustanzi fuq it-tikketti tad-deterġenti u tal-aġenti tensjoattivi, huwa possibbli għall-utenti b’allerġiji jew bi predispożizzjonijiet allerġiċi li jagħmlu għażliet infurmati, u b’hekk jitnaqqsu r-reazzjonijiet potenzjali relatati mal-użu tad-deterġenti u tal-aġenti tensjoattivi. Għalhekk huwa meħtieġ li jiġu stabbiliti rekwiżiti ta’ tikkettar għad-deterġenti u għall-aġenti tensjoattivi.

(27)Peress li t-tikkettar tad-deterġenti u tal-aġenti tensjoattivi jista’ jaqa’ taħt diversi biċċiet tal-leġiżlazzjoni tal-Unjoni, l-informazzjoni dwar it-tikketti tad-deterġenti u tal-aġenti tensjoattivi jeħtieġ li tiġi simplifikata sabiex meta tkun meħtieġa informazzjoni simili li tirriżulta minn biċċiet differenti tal-leġiżlazzjoni tal-Unjoni fuq it-tikketti tad-deterġenti u tal-aġenti tensjoattivi, din l-informazzjoni tingħata darba biss f’konformità mar-regoli aktar stretti. Dan, minn naħa, se jtejjeb il-leġġibbiltà u l-fehim tat-tikketti tad-deterġenti u tal-aġenti tensjoattivi mill-utenti finali u, min-naħa l-oħra, inaqqas il-piż regolatorju għall-manifatturi tad-deterġenti u tal-aġenti tensjoattivi.

(28)Is-sustanzi tal-fwieħa huma komposti organiċi bi rwejjaħ karatteristiċi, ġeneralment pjaċevoli, li jintużaw ħafna fid-deterġenti iżda wkoll f’ħafna prodotti oħra bħall-fwejjaħ u kożmetiċi oħra bil-fwieħa. Dawk is-sustanzi jistgħu jikkawżaw reazzjoni allerġika mal-kuntatt, speċjalment għal persuni sensitizzati, anki meta jkunu f’konċentrazzjonijiet baxxi. Għalhekk, huwa importanti li tiġi pprovduta informazzjoni dwar il-preżenza ta’ fwejjaħ allerġeniċi individwali fid-deterġenti sabiex il-persuni sensitizzati jkunu jistgħu jevitaw il-kuntatt mas-sustanza li għaliha jkunu allerġiċi. Għalhekk huwa meħtieġ li jiġu stabbiliti rekwiżiti stretti għat-tikkettar tal-fwejjaħ allerġeniċi. Madankollu, dawk is-sustanzi jistgħu jiskattaw ukoll rekwiżit ta’ tikkettar skont ir-Regolament (KE) Nru 1272/2008. Għalhekk jenħtieġ li jiġu stabbiliti rekwiżiti speċifiċi ta’ tikkettar li japplikaw biss meta ma jintlaħqux il-limiti tat-tikkettar skont ir-Regolament (KE) Nru 1272/2008. Dan mhux biss jipprevjeni l-piż bla bżonn għall-operaturi ekonomiċi iżda jiżgura wkoll li l-utenti finali jirċievu din l-informazzjoni ppreżentata b’mod ċar u b’hekk jiġi pprovdut livell għoli ta’ protezzjoni tas-saħħa tal-bniedem anke għall-persuni sensitizzati.

(29)Huma meħtieġa rekwiżiti addizzjonali ta’ tikkettar għal ċerti sustanzi bħall-preservattivi sabiex jiġi żgurat livell għoli ta’ protezzjoni tas-saħħa. Għalhekk, jenħtieġ li r-rekwiżiti tat-tikkettar għall-preservattivi jkopru mhux biss dawk il-preservattivi miżjuda intenzjonalment mill-manifattur fid-deterġent iżda wkoll dawk li jirriżultaw mit-taħlitiet kostitwenti tiegħu u li spiss jissejħu “preservattivi ta’ trasferiment”.

(30)L-informazzjoni dwar l-ammont korrett ta’ deterġent li l-konsumaturi jeħtieġ jużaw meta jwettqu attivitajiet ta’ tindif, jiġifieri, l-informazzjoni dwar id-dożaġġ, jenħtieġ li tiġi inkluża fuq it-tikketta tad-deterġenti tal-ħasil tal-ħwejjeġ għall-konsumatur u tad-deterġenti tal-magni tal-ħasil tal-platti awtomatiċi għall-konsumatur sabiex jiġi evitat l-użu żejjed potenzjali tad-deterġenti u b’hekk jitnaqqas l-ammont totali ta’ deterġent u ta’ aġent tensjoattiv li jidħol fl-ambjent.

(31)It-tikkettar diġitali jista’ jtejjeb il-komunikazzjoni tal-informazzjoni tat-tikkettar kemm billi jevita tikketti fiżiċi ffullati żżejjed kif ukoll billi jippermetti lill-utenti jibbażaw fuq diversi għażliet ta’ qari disponibbli biss għal formati diġitali, bħal tipa akbar, tiftix awtomatiku, loud speakers jew traduzzjoni f’lingwi oħra. Il-forniment ta’ tikketti diġitali jista’ jwassal ukoll għal ġestjoni aktar effiċjenti tal-obbligi ta’ tikkettar mill-operaturi ekonomiċi, billi jiffaċilita l-aġġornament tal-informazzjoni tat-tikkettar, inaqqas il-kostijiet tat-tikkettar u jippermetti informazzjoni aktar immirata lill-utenti. Għalhekk, l-operaturi ekonomiċi jenħtieġ li jkunu jistgħu jipprovdu ċerta informazzjoni tat-tikkettar biss permezz tat-tikketta diġitali soġġett għal ċerti kundizzjonijiet biex jiġi żgurat livell għoli ta’ protezzjoni tal-utenti tad-deterġenti.

(32)Biex jiġi evitat li jiġi impost piż amministrattiv bla bżonn għall-operaturi ekonomiċi u peress li, fil-biċċa l-kbira tal-każijiet, it-tikketta diġitali hija biss komplementari għal dik fiżika, jenħtieġ li l-operaturi ekonomiċi jkunu jistgħu jiddeċiedu jekk jużawx tikketti diġitali jew jipprovdux l-informazzjoni kollha fuq tikketta fiżika biss. L-għażla li tiġi pprovduta tikketta diġitali jenħtieġ li tkun f’idejn il-manifatturi u l-importaturi, li huma responsabbli biex jipprovdu s-sett preċiż ta’ informazzjoni tat-tikkettar.

(33)It-tikkettar diġitali jista’ joħloq ukoll sfidi għall-gruppi vulnerabbli tal-popolazzjoni mingħajr ħiliet diġitali jew b’ħiliet diġitali insuffiċjenti u jwassal għal żieda fid-distakk diġitali. Għal din ir-raġuni, l-informazzjoni speċifika li għandha tiġi pprovduta biss f’tikketta diġitali jenħtieġ li tirrifletti l-istat attwali tad-diġitalizzazzjoni tas-soċjetà u s-sitwazzjoni partikolari tal-utenti tad-deterġenti. Barra minn hekk, l-informazzjoni kollha tat-tikkettar dwar il-protezzjoni tas-saħħa u tal-ambjent, kif ukoll l-istruzzjonijiet minimi dwar l-użu tad-deterġenti, jenħtieġ li jibqgħu fuq it-tikketta fiżika, biex l-utenti finali kollha jkunu jistgħu jagħmlu għażliet infurmati qabel ma jixtru d-deterġent u biex jiġi żgurat l-immaniġġar sikur tiegħu.

(34)Madankollu, jenħtieġ li ssir eċċezzjoni għad-deterġenti mibjugħa lill-utenti finali f’format ta’ rikarika. Sabiex jiġu sfruttati b’mod sħiħ mhux biss il-benefiċċji offruti mid-diġitalizzazzjoni iżda wkoll il-benefiċċji ambjentali kbar f’termini ta’ tnaqqis tal-imballaġġ u tal-iskart relatat mill-imballaġġ li toffri l-prattika tal-bejgħ tar-rikariki, jenħtieġ li jkun permess li l-informazzjoni kollha tat-tikkettar tiġi pprovduta b’mod diġitali bl-eċċezzjoni tal-istruzzjonijiet dwar id-dożaġġ għad-deterġenti tal-ħasil tal-ħwejjeġ għall-konsumatur.

(35)Biex jiġu żgurati kundizzjonijiet ekwi fost l-operaturi ekonomiċi li jqiegħdu d-deterġenti fis-suq, u biex jiġu protetti l-utenti finali, jenħtieġ li jiġu stabbiliti rekwiżiti ġenerali għat-tikkettar diġitali. Pereżempju, l-operaturi ekonomiċi jenħtieġ li jiżguraw aċċess liberu u faċli għat-tikketti diġitali u li l-informazzjoni obbligatorja tat-tikkettar mitluba skont dan ir-Regolament tkun separata minn informazzjoni oħra.

(36)Minħabba l-iżvilupp attwali tal-ħiliet diġitali, l-operaturi ekonomiċi jenħtieġ li jipprovdu wkoll l-informazzjoni tat-tikkettar b’mezzi alternattivi lill-utenti finali meta dawn ma jkunux jistgħu jaċċessaw it-tikketta diġitali. Dan l-obbligu jenħtieġ li jiġi impost bħala miżura ta’ sikurezza biex jitnaqqas kwalunkwe riskju potenzjali minħabba n-nuqqas ta’ disponibbiltà tal-informazzjoni tat-tikkettar, b’mod partikolari fir-rigward tad-deterġenti rikarikati, meta l-informazzjoni kollha tista’ tiġi pprovduta f’tikketta diġitali.

(37)Peress li d-deterġenti għandhom l-istess użu u jippreżentaw l-istess riskji irrispettivament mill-format li fih jitqiegħdu fis-suq, l-operaturi ekonomiċi li jqiegħdu fis-suq id-deterġenti f’format ta’ rikarika jenħtieġ li jiżguraw li dawn jikkonformaw mal-istess rekwiżiti bħal dawk imballati minn qabel. Barra minn hekk, il-konsumaturi jenħtieġ li jirċievu l-informazzjoni meħtieġa tat-tikkettar ukoll meta jagħżlu deterġenti rikarikati. Għalhekk, il-bejgħ tar-rikariki tad-deterġenti jenħtieġ li jkun kopert b’mod espliċitu minn dan ir-Regolament sabiex jiġi żgurat livell għoli ta’ protezzjoni tas-saħħa u tal-ambjent u kundizzjonijiet ekwi għall-operaturi ekonomiċi.

(38)L-iżgurar tat-traċċabbiltà ta’ deterġent jew ta’ aġent tensjoattiv tul il-katina kollha tal-provvista jgħin biex is-sorveljanza tas-suq issir aktar sempliċi u effiċjenti. Sistema effiċjenti ta’ traċċabbiltà tiffaċilita l-kompitu tal-awtoritajiet tas-sorveljanza tas-suq li jittraċċaw operaturi ekonomiċi li jkunu qiegħdu fis-suq deterġenti jew aġenti tensjoattivi mhux konformi.

(39)Jenħtieġ li l-manifatturi joħolqu passaport tal-prodotti biex jipprovdu informazzjoni dwar il-konformità tad-deterġenti u tal-aġenti tensjoattivi ma’ dan ir-Regolament, kif ukoll ma’ kwalunkwe leġiżlazzjoni oħra li d-deterġent jew l-aġent tensjoattiv irid jikkonforma magħha. Sabiex jiġu ffaċilitati l-kontrolli fuq id-deterġenti jew l-aġenti tensjoattivi u biex l-atturi fil-katina tal-provvista u l-utenti finali jkunu jistgħu jaċċessaw l-informazzjoni meħtieġa bħall-ingredjenti u l-istruzzjonijiet dwar l-użu, l-informazzjoni fuq il-passaport tal-prodotti jenħtieġ li tiġi pprovduta b’mod diġitali u b’mod direttament aċċessibbli, permezz ta’ mezz ta’ data mwaħħal mat-tikketta tad-deterġent jew tal-aġent tensjoattiv, l-imballaġġ tiegħu jew id-dokumentazzjoni li takkumpanjah. Għalhekk, jenħtieġ li l-awtoritajiet tas-sorveljanza tas-suq, l-operaturi ekonomiċi u l-utenti finali jkollhom aċċess immedjat għall-informazzjoni dwar il-konformità jew informazzjoni oħra dwar id-deterġent jew l-aġent tensjoattiv permezz tal-mezz ta’ data.

(40)Biex tiġi evitata d-duplikazzjoni tal-investiment fid-diġitalizzazzjoni mill-atturi kollha involuti, inklużi l-manifatturi, l-awtoritajiet tas-sorveljanza tas-suq u l-awtoritajiet doganali, il-passaport tal-prodotti stabbilit skont dan ir-Regolament jenħtieġ li jkun kompletament interoperabbli mal-passaport tal-prodotti meħtieġ skont leġiżlazzjoni oħra tal-Unjoni.

(41)B’mod partikolari, ir-Regolament (UE) …/… [tal-Parlament Ewropew u tal-Kunsill li jistabbilixxi qafas għall-iffissar ta’ rekwiżiti għall-ekodisinn għal prodotti sostenibbli u li jħassar id-Direttiva 2009/125/KE] jistabbilixxi wkoll rekwiżiti u speċifikazzjonijiet tekniċi għal passaport diġitali tal-prodotti, l-istabbiliment ta’ reġistru ċentrali tal-Kummissjoni fejn tinħażen l-informazzjoni dwar il-passaporti u l-interkonnessjoni ta’ dak ir-reġistru mas-sistemi tal-IT doganali. Dak ir-Regolament jista’ jinkludi d-deterġenti jew l-aġenti tensjoattivi fil-kamp ta’ applikazzjoni tiegħu fuq terminu medju, u b’hekk jirrikjedi li jkun hemm disponibbli għalihom passaport diġitali tal-prodotti.

(42)Il-passaport tal-prodotti għad-deterġenti u l-aġenti tensjoattivi maħluq skont dan ir-Regolament jenħtieġ għalhekk li jikkonforma mal-istess rekwiżiti u elementi tekniċi bħal dawk stabbiliti fir-Regolament (UE) …/… dwar ir-rekwiżiti tal-ekodisinn għal prodotti sostenibbli, inklużi l-aspetti tekniċi, semantiċi u organizzattivi tiegħu tal-komunikazzjoni minn tarf sa tarf u tat-trasferiment tad-data.

(43)Meta leġiżlazzjoni oħra tal-Unjoni applikabbli għad-deterġenti jew għall-aġenti tensjoattivi tirrikjedi passaport tal-prodotti, jenħtieġ li jkun disponibbli passaport tal-prodotti wieħed għad-deterġenti u għall-aġenti tensjoattivi li jkun fih l-informazzjoni meħtieġa skont dan ir-Regolament u l-leġiżlazzjoni l-oħra tal-Unjoni.

(44)Huwa kruċjali li jiġi ċċarat kemm lill-manifatturi kif ukoll lill-utenti li billi joħloq il-passaport tal-prodotti għad-deterġent jew għall-aġent tensjoattiv u, fejn ikun rilevanti, billi jwaħħal il-markatura CE, il-manifattur jiddikjara li d-deterġent jew l-aġent tensjoattiv ikun konformi mar-rekwiżiti applikabbli kollha u li l-manifattur jieħu r-responsabbiltà sħiħa tiegħu.

(45)Meta ċerta informazzjoni tiġi pprovduta biss b’mod diġitali, huwa meħtieġ li jiġi ċċarat li din l-informazzjoni jeħtieġ li tiġi pprovduta separatament u distinta b’mod ċar minn xulxin iżda permezz ta’ mezz ta’ data wieħed. Dan se jiffaċilita l-ħidma tal-awtoritajiet tas-sorveljanza tas-suq iżda jipprovdi wkoll ċarezza lill-utenti finali fir-rigward tal-biċċiet differenti ta’ informazzjoni li huma disponibbli għalihom f’format diġitali.

(46)Il-Kapitolu VII tar-Regolament (UE) 2019/1020 tal-Parlament Ewropew u tal-Kunsill 37 , li jistabbilixxi r-regoli tal-kontrolli fuq il-prodotti li jidħlu fis-suq tal-Unjoni, japplika għad-deterġenti u għall-aġenti tensjoattivi. L-awtoritajiet responsabbli minn dawk il-kontrolli, li fi kważi l-Istati Membri kollha huma l-awtoritajiet doganali, għandhom iwettquhom abbażi tal-analiżi tar-riskju kif imsemmi fl-Artikoli 46 u 47 tar-Regolament (UE) Nru 952/2013 tal-Parlament Ewropew u tal-Kunsill 38 , il-leġiżlazzjoni ta’ implimentazzjoni tiegħu u l-gwida korrispondenti. Għalhekk, jenħtieġ li dan ir-Regolament ma jimmodifika bl-ebda mod il-Kapitolu VII tar-Regolament (UE) 2019/1020 u l-mod kif l-awtoritajiet responsabbli mill-kontrolli fuq il-prodotti li jidħlu fis-suq tal-Unjoni jorganizzaw lilhom infushom u jwettqu l-attivitajiet tagħhom.

(47)Minbarra l-qafas ta’ kontrolli stabbilit mill-Kapitolu VII tar-Regolament (UE) 2019/1020, jenħtieġ li l-awtoritajiet doganali jkunu jistgħu jivverifikaw awtomatikament li jeżisti passaport tal-prodotti għad-deterġenti u l-aġenti tensjoattivi importati soġġetti għal dan ir-Regolament sabiex jissaħħu l-kontrolli fil-fruntieri esterni tal-Unjoni u jiġi evitat li deterġenti u aġenti tensjoattivi mhux konformi jidħlu fis-suq tal-Unjoni.

(48)Meta deterġenti u aġenti tensjoattivi li jkunu ġejjin minn pajjiżi terzi jiġu ppreżentati għar-rilaxx għaċ-ċirkolazzjoni libera, id-dwana jenħtieġ li tiżgura li r-referenza ta’ passaport tal-prodotti ssir disponibbli għall-awtoritajiet doganali mill-operatur ekonomiku u li din ir-referenza tikkorrispondi għal identifikatur uniku tal-prodott li jkun maħżun fir-reġistru tal-passaporti tal-prodotti stabbilit mill-Kummissjoni skont [l-Artikolu 12 tar-Regolament (UE) …/… dwar l-Ekodisinn għal Prodotti Sostenibbli]. L-interkonnessjoni bejn dan ir-reġistru u s-sistema tal-IT doganali kif previst fl-[Artikolu 13 tar-Regolament (UE) …/… dwar ir-rekwiżiti tal-ekodisinn għal prodotti sostenibbli] jenħtieġ li tippermetti verifika awtomatika tal-passaport tal-prodotti ppreżentat lid-dwana għal dak id-deterġent jew aġent tensjoattiv, sabiex jiġi żgurat li deterġenti u aġenti tensjoattivi b’referenza valida għal identifikatur uniku tal-prodott kif inkluż fir-reġistru biss jiġu rilaxxati għaċ-ċirkolazzjoni libera.

(49)Meta informazzjoni oħra minbarra l-identifikatur uniku tal-prodott u l-identifikatur uniku tal-operatur tiġi maħżuna fir-reġistru tal-passaporti tal-prodott stabbilit skont [l-Artikolu 12 tar-Regolament (UE) …/… dwar l-Ekodisinn għal Prodotti Sostenibbli], il-Kummissjoni jenħtieġ li tkun tista’ tistipula f’att delegat, li l-awtoritajiet doganali jkunu jistgħu jivverifikaw il-konsistenza bejn din l-informazzjoni addizzjonali u l-informazzjoni magħmula disponibbli mill-operatur ekonomiku lid-dwana, sabiex tittejjeb il-konformità tad-deterġenti u tal-aġenti tensjoattivi mqiegħda taħt il-proċedura doganali tar-rilaxx għaċ-ċirkolazzjoni libera ma’ dan ir-Regolament.

(50)L-informazzjoni inkluża fil-passaport tal-prodotti tista’ tippermetti lill-awtoritajiet doganali jarrikkixxu u jiffaċilitaw il-ġestjoni tar-riskju u jippermettu l-immirar aħjar tal-kontrolli fil-fruntieri esterni tal-Unjoni. Għalhekk, jenħtieġ li l-awtoritajiet doganali jkunu jistgħu jirkupraw u jużaw l-informazzjoni inkluża fil-passaport tal-prodotti u fir-reġistru relatat biex iwettqu l-kompiti tagħhom f’konformità mal-leġiżlazzjoni tal-Unjoni inkluż għall-ġestjoni tar-riskju f’konformità mar-Regolament (UE) Nru 952/2013.

(51)Huwa xieraq li tiġi prevista l-pubblikazzjoni ta’ avviż f’Il-Ġurnal Uffiċjali tal-Unjoni Ewropea li jindika d-data meta l-interkonnessjoni bejn ir-reġistru u s-Sistema ta’ Tieqa Unika Doganali għall-Iskambju taċ-Ċertifikati tal-UE msemmija fl-[Artikolu 13 tar-Regolament (UE) …/… dwar l-Ekodisinn għal Prodotti Sostenibbli] issir operattiva sabiex jiġi ffaċilitat l-aċċess pubbliku għal dik l-informazzjoni.

(52)Jenħtieġ li l-verifika awtomatika mid-dwana tar-referenza tal-passaport tal-prodotti għad-deterġenti u l-aġenti tensjoattivi li jidħlu fis-suq tal-Unjoni ma tissostitwixxix jew ma timmodifikax ir-responsabbiltajiet tal-awtoritajiet tas-sorveljanza tas-suq iżda tikkomplementa biss il-qafas ġenerali għall-kontrolli fuq il-prodotti li jidħlu fis-suq tal-Unjoni. Jenħtieġ li l-awtoritajiet tas-sorveljanza tas-suq, f’konformità mar-Regolament (UE) 2019/1020, iwettqu kontrolli tal-informazzjoni li tinsab fil-passaporti tal-prodotti, verifiki fuq il-prodotti fis-suq u, f’każ ta’ sospensjoni tar-rilaxx għaċ-ċirkolazzjoni libera mill-awtoritajiet maħtura għall-kontrolli fil-fruntieri esterni tal-Unjoni, jiddeterminaw il-konformità u r-riskji serji tal-prodotti skont il-Kapitolu VII tar-Regolament (UE) 2019/1020.

(53)Is-sorveljanza tas-suq hija strument essenzjali minħabba li tiżgura l-applikazzjoni xierqa u uniformi tal-leġiżlazzjoni tal-Unjoni. Ir-Regolament (UE) 2019/1020 jistabbilixxi l-qafas għas-sorveljanza tas-suq ta’ prodotti soġġetti għal-leġiżlazzjoni ta’ armonizzazzjoni tal-Unjoni. Għalhekk, jenħtieġ li l-Istati Membri jorganizzaw u jwettqu sorveljanza tas-suq tad-deterġenti u tal-aġenti tensjoattivi f’konformità ma’ dak ir-Regolament.

(54)Ir-Regolament (UE) 2019/1020 diġà japplika għad-deterġenti u għall-aġenti tensjoattivi, peress li r-Regolament (KE) Nru 648/2004 huwa elenkat fl-Anness I tiegħu. Madankollu, sabiex tiġi żgurata ċ-ċertezza legali, jeħtieġ li jiġi ċċarat li dawk ir-regoli dwar is-sorveljanza tas-suq intern u l-kontroll tal-prodotti li jidħlu fis-suq intern previsti fir-Regolament (UE) 2019/1020 japplikaw ukoll għad-deterġenti u għall-aġenti tensjoattivi koperti b’dan ir-Regolament. Jenħtieġ li dan ir-Regolament ma jipprevjenix lill-Istati Membri milli jagħżlu l-awtoritajiet kompetenti biex iwettqu dawk il-kompiti. Għalhekk, jenħtieġ li r-Regolament (UE) 2019/1020 jiġi emendat biex jinkludi referenza għal dan ir-Regolament.

(55)Ir-Regolament (KE) Nru 648/2004 kien jipprevedi proċedura ta’ salvagwardja li kienet tippermetti lill-Kummissjoni teżamina l-ġustifikazzjoni għal miżura meħuda minn Stat Membru kontra deterġenti u aġenti tensjoattivi meqjusa li jikkostitwixxu riskju. Sabiex tiżdied it-trasparenza u jitnaqqas iż-żmien tal-ipproċessar, jeħtieġ li tittejjeb il-proċedura ta’ salvagwardja preċedenti, bil-ħsieb li din issir aktar effiċjenti u tkun ibbażata fuq l-għarfien espert disponibbli fl-Istati Membri. Is-sistema preċedenti jenħtieġ li tiġi ssostitwita bi proċedura li biha l-partijiet interessati jiġu infurmati bil-miżuri li jkunu maħsuba li jittieħdu fir-rigward ta’ deterġenti u aġenti tensjoattivi li jippreżentaw riskju għas-saħħa jew għall-ambjent. L-awtoritajiet tas-sorveljanza tas-suq jenħtieġ li jkunu jistgħu, f’kooperazzjoni mal-operaturi ekonomiċi rilevanti, jaġixxu fi stadju bikri fir-rigward ta’ tali deterġenti u aġenti tensjoattivi. Jenħtieġ li l-Kummissjoni, permezz ta’ atti ta’ implimentazzjoni u, minħabba n-natura speċjali u teknika tagħhom, filwaqt li taġixxi mingħajr l-applikazzjoni tar-Regolament (UE) Nru 182/2011, tiddetermina jekk miżura nazzjonali fir-rigward ta’ deterġent jew aġent tensjoattiv li jippreżenta riskju, tkunx ġustifikata.

(56)L-esperjenza bir-Regolament (KE) Nru 648/2004 uriet li deterġenti u aġenti tensjoattivi li kienu konformi mar-rekwiżiti applikabbli, f’każijiet speċifiċi kienu ta’ riskju għas-saħħa jew għall-ambjent. Jenħtieġ li jsiru dispożizzjonijiet biex jiġi żgurat li l-awtoritajiet tas-sorveljanza tas-suq jieħdu azzjoni kontra kwalunkwe deterġent jew aġent tensjoattiv li jippreżenta riskju għas-saħħa jew għall-ambjent, anki meta jkun konformi mar-rekwiżiti legali. Jenħtieġ li l-Kummissjoni, permezz ta’ atti ta’ implimentazzjoni u, minħabba n-natura speċjali u teknika tagħhom, filwaqt li taġixxi mingħajr l-applikazzjoni tar-Regolament (UE) Nru 182/2011, tiddetermina jekk miżura nazzjonali fir-rigward ta’ deterġenti jew aġenti tensjoattivi konformi li Stat Membru jsib li jippreżentaw riskju għas-saħħa u għas-sikurezza tal-persuni jew tal-ambjent tkunx ġustifikata.

(57)Sabiex jittieħed kont tal-progress tekniku u xjentifiku jew ta’ evidenza xjentifika ġdida, u tal-livell ta’ prontezza diġitali, jenħtieġ li l-Kummissjoni tiġi ddelegata s-setgħa ta’ adozzjoni ta’ atti skont l-Artikolu 290 tat-Trattat dwar il-Funzjonament tal-Unjoni Ewropea fir-rigward tas-supplimentazzjoni ulterjuri tar-rekwiżiti ġenerali dwar it-tikkettar diġitali; l-emendar tal-informazzjoni tat-tikkettar li tista’ tiġi pprovduta f’format diġitali biss; l-emendar tal-limitu tal-fwejjaħ allerġeniċi meta jiġu stabbiliti limiti ta’ konċentrazzjoni individwali bbażati fuq ir-riskju għall-allerġeni tal-fwieħa skont ir-Regolament (KE) Nru 1223/2009; l-emendar tar-rekwiżiti eżistenti ta’ bijodegradabbiltà biex jiġu introdotti rekwiżiti ta’ bijodegradabbiltà għal sustanzi u taħlitiet għajr aġenti tensjoattivi fid-deterġenti (inklużi kapsuli ta’ deterġenti) meta evidenza xjentifika ġdida tkun teħtieġ dan; u l-emendar tal-Annessi I sa VII. Jenħtieġ li l-Kummissjoni tingħata s-setgħa wkoll li temenda l-informazzjoni speċifika li jenħtieġ li tiġi inkluża fil-passaport tal-prodotti, kif ukoll l-informazzjoni li għandha tiġi inkluża fir-reġistru tal-Kummissjoni. Barra minn hekk, jenħtieġ li l-Kummissjoni tingħata s-setgħa li tissupplimenta dan ir-Regolament billi tiddetermina l-informazzjoni addizzjonali maħżuna fir-reġistru li għandha tiġi kkontrollata mill-awtoritajiet doganali. Barra minn hekk, sabiex tiġi ffaċilitata l-ħidma tal-awtoritajiet doganali fir-rigward tad-deterġenti u tal-aġenti tensjoattivi u tar-rekwiżiti stabbiliti f’dan ir-Regolament, jenħtieġ li l-Kummissjoni tingħata s-setgħa li tadotta atti delegati li jemendaw dan ir-Regolament billi tipprovdi Anness li jkun fih lista ta’ kodiċijiet tan-Nomenklatura Magħquda, kif stabbilit fl-Anness I tar-Regolament (KEE) Nru 2658/87, u deskrizzjonijiet tal-prodott tad-deterġenti u tal-aġenti tensjoattivi u billi taġġorna dan l-Anness.

(58)Meta tadotta atti delegati skont dan ir-Regolament, huwa ta’ importanza partikolari li l-Kummissjoni twettaq konsultazzjonijiet xierqa matul il-ħidma preparatorja tagħha, inkluż fil-livell tal-esperti, u li dawk il-konsultazzjonijiet jitwettqu f’konformità mal-prinċipji stabbiliti fil-Ftehim Interistituzzjonali tat-13 ta’ April 2016 dwar it-Tfassil Aħjar tal-Liġijiet 39 . B’mod partikolari, biex tiġi żgurata parteċipazzjoni ugwali fit-tħejjija ta’ atti delegati, il-Parlament Ewropew u l-Kunsill jirċievu d-dokumenti kollha fl-istess ħin li jirċevuhom l-esperti tal-Istati Membri, u l-esperti tagħhom ikollhom aċċess sistematiku għal-laqgħat tal-gruppi tal-esperti tal-Kummissjoni li jittrattaw it-tħejjija ta’ atti delegati.

(59)Sabiex jiġu żgurati kundizzjonijiet uniformi għall-implimentazzjoni ta’ dan ir-Regolament, jenħtieġ li l-Kummissjoni tingħata setgħat ta’ implimentazzjoni biex tistabbilixxi r-rekwiżiti tekniċi dettaljati għall-passaport tal-prodotti għad-deterġenti u għall-aġenti tensjoattivi. Jenħtieġ li dawk is-setgħat jiġu eżerċitati f’konformità mar-Regolament (UE) Nru 182/2011 tal-Parlament Ewropew u tal-Kunsill 40 .

(60)Fid-dawl tal-ħtieġa li jiġi żgurat livell għoli ta’ protezzjoni tas-saħħa tal-bniedem u tal-ambjent u tal-ħtieġa li jittieħed kont ta’ żviluppi ġodda bbażati fuq fatti xjentifiċi, jenħtieġ li l-Kummissjoni tissottometti lill-Parlament Ewropew u lill-Kunsill rapport dwar l-applikazzjoni ta’ dan ir-Regolament. Fir-rapport tagħha, il-Kummissjoni jenħtieġ li tivvaluta inter alia jekk dan ir-Regolament ikunx qed jilħaq l-objettivi tiegħu, b’kont meħud tal-impatti fuq l-intrapriżi żgħar u ta’ daqs medju.

(61)Sabiex jiġi żgurat livell għoli ta’ protezzjoni tas-saħħa u tal-ambjent, titrawwem l-innovazzjoni u tingħata spinta lill-kompetittività, il-Kummissjoni jenħtieġ li tivvaluta r-rekwiżiti tas-sikurezza għad-deterġenti li fihom il-mikroorganiżmi u l-possibbiltà li jiġi permess l-użu ta’ mikroorganiżmi jew ta’ razez ta’ mikroorganiżmi ġodda fid-deterġenti.

(62)Dan ir-Regolament jintroduċi l-possibbiltà li r-rekwiżiti obbligatorji kollha tat-tikkettar jew parti minnhom jiġu pprovduti biss f’tikketti diġitali f’ċerti sitwazzjonijiet u jirrikjedi l-ħolqien ta’ passaport diġitali tal-prodotti għad-deterġenti u għall-aġenti tensjoattivi. Għalhekk, huwa meħtieġ li jiġi previst żmien suffiċjenti għall-operaturi ekonomiċi biex jikkonformaw mal-obbligi tagħhom skont dan ir-Regolament, għall-Istati Membri biex jistabbilixxu l-infrastruttura amministrattiva meħtieġa għall-applikazzjoni tiegħu u għall-Kummissjoni biex tħejji l-implimentazzjoni tar-rekwiżiti tekniċi tal-passaport tal-prodotti. Konsegwentement, jenħtieġ li l-applikazzjoni ta’ dan ir-Regolament tiġi differita għal data meta dawk it-tħejjijiet ikunu jistgħu jiġu ffinalizzati b’mod raġonevoli.

(63)Sabiex tiġi żgurata ċ-ċertezza legali u biex jiġi evitat l-iskart, l-operaturi ekonomiċi jeħtieġ li jkunu jistgħu jbigħu l-istokk li jkun jew fil-katina tad-distribuzzjoni jew maħżun fid-data tal-applikazzjoni ta’ dan ir-Regolament. Għalhekk, huwa meħtieġ li jiġu previsti arranġamenti tranżizzjonali li jippermettu t-tqegħid fis-suq ta’ deterġenti u aġenti tensjoattivi li jkunu ġew introdotti fis-suq f’konformità mar-Regolament (KE) Nru 648/2004 qabel id-data tal-applikazzjoni ta’ dan ir-Regolament mingħajr ma dawk il-prodotti jkollhom jikkonformaw mar-rekwiżiti tal-prodott stabbiliti b’dan ir-Regolament. Id-distributuri jenħtieġ għalhekk li jkunu jistgħu jfornu deterġenti u aġenti tensjoattivi li jkunu ġew introdotti fis-suq, jiġifieri stokk li diġà jkun jinsab fil-katina tad-distribuzzjoni, qabel id-data tal-applikazzjoni ta’ dan ir-Regolament.

(64)Jenħtieġ li jsiru wkoll arranġamenti tranżizzjonali li jippermettu l-introduzzjoni fis-suq ta’ deterġenti u aġenti tensjoattivi li fid-data tal-applikazzjoni ta’ dan ir-Regolament ikunu għadhom ma humiex fil-katina tad-distribuzzjoni mingħajr ma dawk il-prodotti jkollhom jikkonformaw mar-rekwiżiti stabbiliti minn dan ir-Regolament, dment li fiż-żmien tal-introduzzjoni tagħhom fis-suq ikunu għadhom konformi mar-Regolament (KE) Nru 648/2004. Il-manifatturi u l-importaturi għalhekk jenħtieġ li jkunu jistgħu jintroduċu fis-suq deterġenti u aġenti tensjoattivi, jiġifieri stokk li għadu mhux fil-katina tad-distribuzzjoni, wara d-data tal-applikazzjoni ta’ dan ir-Regolament.

(65)Peress li l-objettiv ta’ dan ir-Regolament, jiġifieri li jiggarantixxi l-funzjonament tas-suq intern filwaqt li jiżgura li d-deterġenti u l-aġenti tensjoattivi fis-suq jissodisfaw ir-rekwiżiti li jipprevedu livell għoli ta’ protezzjoni tas-saħħa u tal-ambjent, ma jistax jintlaħaq b’mod suffiċjenti mill-Istati Membri iżda jista’, minħabba l-iskala u l-effetti tiegħu, jintlaħaq aħjar fil-livell tal-Unjoni, l-Unjoni tista’ tadotta miżuri, f’konformità mal-prinċipju tas-sussidjarjetà kif stabbilit fl-Artikolu 5 tat-Trattat dwar l-Unjoni Ewropea. F’konformità mal-prinċipju tal-proporzjonalità, kif stabbilit f’dak l-Artikolu, dan ir-Regolament ma jmurx lil hinn minn dak li huwa meħtieġ sabiex jintlaħaq dak l-objettiv,

ADOTTAW DAN IR-REGOLAMENT:

KAPITOLU I

DISPOŻIZZJONIJIET ĠENERALI

Artikolu 1

Suġġett

1.Dan ir-Regolament jistabbilixxi regoli għall-moviment liberu ta’ deterġenti u aġenti tensjoattivi fis-suq intern filwaqt li, fl-istess ħin, jiżgura livell għoli ta’ protezzjoni tas-saħħa u tal-ambjent.

2.Dan ir-Regolament ma jaffettwax l-applikazzjoni tal-atti legali li ġejjin:

(a)ir-Regolament (KE) Nru 1907/2006 tal-Parlament Ewropew u tal-Kunsill 41 ;

(b)ir-Regolament (KE) Nru 1272/2008 tal-Parlament Ewropew u tal-Kunsill 42 ;

(c)ir-Regolament (UE) Nru 528/2012 tal-Parlament Ewropew u tal-Kunsill 43 .

Artikolu 2

Definizzjonijiet

Għall-finijiet ta’ dan ir-Regolament, japplikaw id-definizzjonijiet li ġejjin:

(1)“deterġent” tfisser kwalunkwe waħda minn dawn li ġejjin:

–sustanza, taħlita jew mikroorganiżmu, jew żewġ materjali jew aktar minn dawn flimkien, li huma maħsuba għat-tindif ta’ drappijiet, platti jew superfiċi;

–taħlita maħsuba għat-tgħaddis (qabel il-ħasla), it-tlaħliħ jew l-ibbliċjar ta’ drappijiet jew platti;

–taħlita maħsuba biex timmodifika kif jinħass id-drapp fi proċessi li għandhom jikkomplementaw il-ħasil tad-drapp;

(2)“deterġent tal-ħasil tal-ħwejjeġ għall-konsumatur” tfisser deterġent għall-ħwejjeġ li jiġi introdott fis-suq għall-użu minn persuni mhux professjonisti, inkluż fil-laundrettes pubbliċi;

(3)“deterġent tal-magni tal-ħasil tal-platti awtomatiċi għall-konsumatur” tfisser deterġent introdott fis-suq għall-użu f’magni tal-ħasil tal-platti awtomatiċi minn persuni mhux professjonisti;

(4)“deterġent li fih il-mikroorganiżmi” tfisser deterġent li fih mikroorganiżmu wieħed jew aktar ikun ġie miżjud intenzjonalment, waħdu jew permezz ta’ wieħed mill-komponenti tad-deterġent;

(5)“deterġent professjonali” tfisser deterġent għat-tindif barra mill-isfera domestika, imwettaq minn persunal speċjalizzat bl-użu ta’ prodotti speċifiċi;

(6)“tindif” tfisser il-proċess li bih depożitu mhux mixtieq jitneħħa minn substrat jew minn ġo substrat u jinġieb fi stat ta’ soluzzjoni jew dispersjoni;

(7)“sustanza” tfisser sustanza kif definita fl-Artikolu 3, il-punt (1) tar-Regolament (KE) Nru 1907/2006;

(8)“taħlita” tfisser taħlita kif definita fl-Artikolu 3, il-punt (2) tar-Regolament (KE) Nru 1907/2006;

(9)“mikroorganiżmu” tfisser mikroorganiżmu kif definit fl-Artikolu 3(1), il-punt (b) tar-Regolament (UE) Nru 528/2012;

(10)“mikroorganiżmi ġenetikament modifikati” tfisser mikroorganiżmi li fihom il-materjal ġenetiku jkun inbidel bl-użu ta’ teknoloġija taċ-ċelloli jew tal-inġinerija ġenetika jew bi kwalunkwe mod ieħor li ma jseħħx b’mod naturali permezz ta’ tgħammir jew rikombinazzjoni naturali.

(11)“aġent tensjoattiv” tfisser kwalunkwe sustanza organika jew taħlita użata fid-deterġenti, li għandha proprjetajiet tensjoattivi u li tikkonsisti minn grupp idrofiliku wieħed jew aktar u minn grupp idrofobiku wieħed jew aktar ta’ tali natura u daqs li kapaċi twettaq l-azzjonijiet kollha li ġejjin:

–tnaqqas it-tensjoni tas-superfiċe tal-ilma taħt 45 mN/m;

–tifforma monosaffi ta’ tixrid jew ta’ adsorbiment fl-interfaċċja ilma-arja;

–tifforma emulsjonijiet u/jew mikroemulsjonijiet u/jew miċelli;

–tadsorbi fl-interfaċċji ilma-solidi;

(12)“bijodegradazzjoni aerobika finali” tfisser il-livell ta’ bijodegradazzjoni miksub meta s-sustanza jew it-taħlita tintuża totalment minn mikroorganiżmi fil-preżenza ta’ ossiġenu li jirriżulta fid-dekompożizzjoni tagħha f’diossidu tal-karbonju, ilma u imlieħ minerali ta’ kwalunkwe element ieħor preżenti, kif imkejjel bil-metodi ta’ ttestjar elenkati fl-Anness I, u kostitwenti ċellulari mikrobiċi ġodda;

(13)“tqegħid fis-suq” tfisser kwalunkwe provvista għad-distribuzzjoni, il-konsum jew l-użu fis-suq tal-Unjoni matul attività kummerċjali, kemm jekk bi ħlas kif ukoll jekk bla ħlas;

(14)“introduzzjoni fis-suq” tfisser l-ewwel tqegħid fis-suq tal-Unjoni;

(15)“manifattur” tfisser kwalunkwe persuna fiżika jew ġuridika li timmanifattura jew li jkollha deterġent jew aġent tensjoattiv iddisinjat jew immanifatturat, u li tintroduċi dak id-deterġent jew aġent tensjoattiv fis-suq taħt isimha jew it-trademark tagħha;

(16)“rappreżentant awtorizzat” tfisser kwalunkwe persuna fiżika jew ġuridika stabbilita fl-Unjoni li tkun irċeviet mandat bil-miktub mingħand manifattur biex taġixxi f’ismu fir-rigward ta’ kompiti speċifikati;

(17)“importatur” tfisser kwalunkwe persuna fiżika jew ġuridika stabbilita fl-Unjoni li tintroduċi deterġent jew aġent tensjoattiv minn pajjiż terz fis-suq tal-Unjoni;

(18)“distributur” tfisser kwalunkwe persuna fiżika jew ġuridika fil-katina tal-provvista, għajr il-manifattur jew l-importatur, li tqiegħed deterġent jew aġent tensjoattiv fis-suq;

(19)“operatur ekonomiku” tfisser il-manifattur, ir-rappreżentant awtorizzat, l-importatur jew id-distributur;

(20)“sorveljanza tas-suq” tfisser l-attivitajiet imwettqa u l-miżuri meħuda mill-awtoritajiet tas-sorveljanza tas-suq biex jiżguraw li l-prodotti jikkonformaw mar-rekwiżiti stabbiliti f’dan ir-Regolament;

(21)“awtorità tas-sorveljanza tas-suq” tfisser awtorità tas-sorveljanza tas-suq kif definita fl-Artikolu 3, il-punt 4 tar-Regolament (UE) 2019/1020;

(22)“sejħa lura” tfisser sejħa lura kif definita fl-Artikolu 3, il-punt 22 tar-Regolament (UE) 2019/1020;

(23)“irtirar” tfisser irtirar kif definit fl-Artikolu 3, il-punt 23 tar-Regolament (UE) 2019/1020;

(24)“markatura CE” tfisser markatura li permezz tagħha l-manifattur jindika li d-deterġent huwa konformi mar-rekwiżiti applikabbli stabbiliti fil-leġiżlazzjoni tal-Unjoni dwar l-armonizzazzjoni li tipprevedi t-twaħħil tagħha;

(25)“miżura korrettiva” tfisser miżura kif definita fl-Artikolu 3, il-punt 16 tar-Regolament (UE) 2019/1020;

(26)“rilaxx għaċ-ċirkolazzjoni libera” tfisser il-proċedura stabbilita fl-Artikolu 201 tar-Regolament (UE) Nru 952/2013;

(27)“mezz ta’ data” tfisser simbolu tal-barcode lineari, simbolu bidimensjonali jew mezz ieħor ta’ ġbir awtomatiku tad-data ta’ identifikazzjoni li jista’ jinqara minn apparat;

(28)“identifikatur uniku tal-prodott” tfisser sekwenza unika ta’ karattri li tippermetti l-identifikazzjoni ta’ prodott u li tippermetti link web għall-passaport tal-prodotti;

(29)“identifikatur uniku tal-operatur” tfisser sekwenza unika ta’ karattri għall-identifikazzjoni tal-operaturi ekonomiċi involuti fil-katina tal-valur tal-prodotti;

(30)“awtoritajiet doganali” tfisser l-awtoritajiet doganali kif definiti fl-Artikolu 5, il-punt 1 tar-Regolament (UE) Nru 952/2013;

(31)“Sistema ta’ Tieqa Unika Doganali għall-Iskambju taċ-Ċertifikati tal-UE” tfisser is-sistema msemmija fl-Artikolu 4 tar-Regolament (UE) 2022/2399 tal-Parlament Ewropew u tal-Kunsill 44 ;

(32)“imballaġġ individwali” tfisser imballaġġ li fih id-deterġent jew l-aġent tensjoattiv jitqiegħed fis-suq u li jkun maħsub biex jakkumpanja l-kontenut fil-post tal-użu;

(33)“rikarika” tfisser l-operazzjoni li biha d-deterġent jimtela fil-ħanut minn kontenitur kbir fil-pakkett tal-utenti finali stess manwalment jew permezz ta’ tagħmir awtomatiku jew semiawtomatiku;

(34)“lott” tfisser kwantità definita ta’ prodotti lesti li tissodisfa l-kundizzjonijiet li ġejjin:

–tiġi prodotta fi proċess ta’ manifattura wieħed jew f’serje ta’ proċessi matul l-istess ċiklu ta’ manifattura;

–tkun maħsuba biex ikollha kompożizzjoni uniformi meta tiġi ttestjata f’konformità mal-istess metodi ta’ ttestjar; u

–tkun iddefinita b’mod ċar minn numru tat-tip, numru tal-lott jew element ieħor li jippermetti l-identifikazzjoni tagħha.

(35)“utent finali” tfisser kwalunkwe persuna fiżika jew ġuridika residenti jew stabbilita fl-Unjoni, li deterġent jew aġent tensjoattiv ikun tqiegħed għad-dispożizzjoni tagħha jew bħala konsumatur barra minn kwalunkwe kummerċ, negozju, sengħa jew professjoni jew bħala utent finali professjonali matul l-attivitajiet industrijali jew professjonali tagħha.

KAPITOLU II

REKWIŻITI TAL-PRODOTTI

Artikolu 3

Moviment liberu

1.Id-deterġenti u l-aġenti tensjoattivi jistgħu jiġu introdotti fis-suq jekk jikkonformaw ma’ dan ir-Regolament biss.

2.L-Istati Membri ma għandhomx jipprojbixxu, jirrestrinġu jew jimpedixxu l-introduzzjoni fis-suq ta’ deterġenti jew aġenti tensjoattivi li jikkonformaw ma’ dan ir-Regolament.

Artikolu 4

Bijodegradabbiltà

1.Id-deterġenti u l-aġenti tensjoattivi għandhom jikkonformaw mar-rekwiżiti ta’ bijodegradabbiltà stabbiliti fl-Anness I.

2.Il-paragrafu 1 ma għandux japplika għal dawn li ġejjin:

(a)aġenti tensjoattivi li huma sustanzi attivi skont it-tifsira tal-Artikolu 3(1), il-punt (c) tar-Regolament (UE) Nru 528/2012 u li jintużaw bħala diżinfettanti meta jissodisfaw kwalunkwe waħda mill-kundizzjonijiet li ġejjin:

(i)l-aġenti tensjoattivi huma inklużi fil-lista tal-Unjoni ta’ sustanzi attivi approvati kif stabbilit fl-Artikolu 9(2) tar-Regolament (UE) Nru 528/2012;

(ii)l-aġenti tensjoattivi huma inklużi fil-programm ta’ rieżami kif stabbilit fir-Regolament ta’ Delega tal-Kummissjoni (UE) Nru 1062/2014 45 ;

(b)aġenti tensjoattivi li huma kostitwenti ta’ prodotti bijoċidali awtorizzati f’konformità mar-Regolament (UE) Nru 528/2012;

(c)aġenti tensjoattivi li huma kostitwenti ta’ prodotti bijoċidali u li jistgħu jitqiegħdu fis-suq jew jintużaw f’konformità mal-Artikolu 89(2) tar-Regolament (UE) Nru 528/2012.

Artikolu 5 
Deterġenti li fihom il-mikro-organiżmi

Id-deterġenti li jkun fihom il-mikroorganiżmi għandhom jikkonformaw mar-rekwiżiti stabbiliti fl-Anness II.

Artikolu 6

Limitazzjonijiet fuq il-kontenut tal-fosfati u ta’ komposti oħra tal-fosforu

Id-deterġenti elenkati fl-Anness III għandhom jikkonformaw mal-limitazzjonijiet fuq il-kontenut tal-fosfati u ta’ komposti oħra tal-fosforu stabbiliti f’dak l-Anness.

KAPITOLU III

OBBLIGI TAL-OPERATURI EKONOMIĊI

Artikolu 7
Obbligi tal-manifatturi

1.Meta jintroduċu deterġenti jew aġenti tensjoattivi fis-suq, il-manifatturi għandhom jiżguraw li dawk id-deterġenti jew l-aġenti tensjoattivi jkunu ġew iddisinjati u mmanifatturati f’konformità ma’ dan ir-Regolament.

2.Il-manifatturi għandhom ifasslu d-dokumentazzjoni teknika msemmija fl-Anness IV u jwettqu l-proċedura ta’ valutazzjoni tal-konformità msemmija f’dak l-Anness.

Meta l-konformità ta’ deterġent jew ta’ aġent tensjoattiv mar-rekwiżiti applikabbli tkun intweriet permezz tal-proċedura msemmija fl-ewwel subparagrafu, il-manifatturi għandhom:

(a)joħolqu passaport tal-prodotti f’konformità mal-Artikolu 18,

(b)jiżguraw li l-mezz ta’ data jkun stampat jew inkella mqiegħed fuq it-tikketta jew fuq l-imballaġġ tad-deterġent jew tal-aġent tensjoattiv b’mod viżibbli u li jinqara f’konformità mal-Artikolu 18(3),

(c)fejn rilevanti, iwaħħlu l-markatura CE f’konformità mal-Artikolu 14,

(d)qabel ma jintroduċu deterġenti jew aġenti tensjoattivi fis-suq, il-manifatturi għandhom jinkludu referenza tal-passaport tal-prodotti fir-reġistru msemmi fl-Artikolu 20(1).

3.Il-manifatturi għandhom iżommu d-dokumentazzjoni teknika u l-passaport tal-prodotti għal 10 snin wara li d-deterġent jew l-aġent tensjoattiv kopert minn dik id-dokumentazzjoni jew mill-passaport tal-prodotti jkun ġie introdott fis-suq.

4.Il-manifatturi għandhom jiżguraw li jkunu ġew stabbiliti proċeduri biex il-produzzjoni tas-serje tibqa’ konformi. Il-bidliet fid-disinn jew fil-karatteristiċi tal-prodott u l-bidliet fil-metodi ta’ ttestjar li b’referenza għalihom tiġi ddikjarata l-konformità ta’ prodott għandhom jitqiesu b’mod adegwat.

Meta jitqies xieraq fir-rigward tal-prestazzjoni ta’, jew tar-riskji ppreżentati minn, deterġent jew aġent tensjoattiv, il-manifatturi għandhom iwettqu testijiet ta’ kampjuni ta’ tali deterġenti jew aġenti tensjoattivi, jinvestigaw, u, jekk ikun meħtieġ, iżommu reġistru tal-ilmenti, ta’ deterġenti jew aġenti tensjoattivi mhux konformi u tas-sejħiet lura ta’ tali deterġenti jew aġenti tensjoattivi, u għandhom iżommu lid-distributuri informati dwar kwalunkwe monitoraġġ bħal dan.

5.Il-manifatturi li jintroduċu fis-suq deterġenti jew aġenti tensjoattivi għandhom jiżguraw li jikkonformaw mar-rekwiżiti ta’ tikkettar stabbiliti fl-Artikoli 15, 16 u 17.

6.Il-manifatturi li jintroduċu fis-suq deterġenti li ma jissodisfawx il-kriterji għall-klassifikazzjoni bħala perikolużi skont it-tifsira tar-Regolament (KE) Nru 1272/2008, għandhom jipprovdu lill-korpi maħtura tal-Istati Membri msemmija fl-Artikolu 45 ta’ dak ir-Regolament, l-iskeda tad-data dwar l-ingredjenti imsemmija fil-punt 2.2(e) tal-Anness IV.

Il-manifatturi għandhom jipprovdu l-iskeda tad-data dwar l-ingredjenti lill-korpi maħtura tal-Istati Membri msemmija fl-ewwel subparagrafu fil-każijiet li ġejjin:

(a) fuq talba mill-korpi maħtura tal-Istati Membri;

(b) meta d-deterġent li għalih tkun diġà ntalbet skeda tad-data ma jibqax jikkorrispondi mal-informazzjoni inkluża f’dik l-iskeda tad-data.

Il-korp maħtur imsemmi fl-ewwel subparagrafu u l-persunal mediku li lilu tkun ġiet ipprovduta l-informazzjoni li tinsab fl-iskeda tad-data għandhom iżommuha kunfidenzjali u jużawha għal skopijiet mediċi biss.

7.Il-manifatturi li jqisu jew li jkollhom raġuni biex jemmnu li deterġent jew aġent tensjoattiv li jkunu introduċew fis-suq ma jkunx konformi ma’ dan ir-Regolament għandhom jieħdu immedjatament il-miżuri korrettivi meħtieġa biex dak id-deterġent jew aġent tensjoattiv jinġieb konformi, jiġi rtirat jew jissejjaħ lura, kif ikun xieraq. Barra minn hekk, meta l-manifatturi jqisu jew ikollhom raġuni biex jemmnu li deterġent jew aġent tensjoattiv li jkunu introduċew fis-suq jippreżenta riskju għas-saħħa jew għall-ambjent, huma għandhom jinfurmaw immedjatament dwar dan lill-awtoritajiet nazzjonali kompetenti tal-Istati Membri li fihom ikunu qiegħdu d-deterġent jew l-aġent tensjoattiv fis-suq, u jagħtu dettalji, b’mod partikolari, ta’ kwalunkwe nuqqas ta’ konformità u ta’ kwalunkwe miżura korrettiva meħuda.

8.Il-manifatturi għandhom, fuq talba motivata minn awtorità nazzjonali kompetenti, jipprovdulha l-informazzjoni u d-dokumentazzjoni kollha, fuq karta jew f’forma elettronika, meħtieġa biex juru l-konformità tad-deterġent jew tal-aġent tensjoattiv ma’ dan ir-Regolament, b’lingwa li tista’ tinftiehem faċilment minn dik l-awtorità. Huma għandhom jikkooperaw ma’ dik l-awtorità, fuq talba tagħha, dwar kwalunkwe azzjoni meħuda biex jiġu eliminati r-riskji maħluqa minn deterġent jew aġent tensjoattiv li huma jkunu introduċew fis-suq.

Artikolu 8

Rappreżentant awtorizzat

1.Il-manifatturi jistgħu, b’mandat bil-miktub, jaħtru rappreżentant awtorizzat.

2.Meta l-manifattur ma jkunx stabbilit fl-Unjoni, id-deterġent jew l-aġent tensjoattiv jista’ jiġi introdott fis-suq tal-Unjoni biss jekk il-manifattur jaħtar, b’mandat bil-miktub, rappreżentant awtorizzat.

3.Rappreżentant awtorizzat għandu jwettaq il-kompiti speċifikati fil-mandat li jirċievi mingħand il-manifattur. Ir-rappreżentant awtorizzat għandu jipprovdi kopja tal-mandat lill-awtorità kompetenti, fuq talba.

Il-mandat għandu jippermetti lir-rappreżentant awtorizzat jagħmel tal-anqas dawn li ġejjin:

(a)jivverifika li l-passaport tal-prodotti jkun inħoloq f’konformità mal-Artikolu 7(2), il-punt (a), li d-dokumentazzjoni teknika tkun tfasslet u l-proċedura ta’ valutazzjoni tal-konformità tkun twettqet mill-manifattur f’konformità mal-Artikolu 7(2);

(b)iżomm il-passaport tal-prodotti u d-dokumentazzjoni teknika għad-dispożizzjoni tal-awtoritajiet nazzjonali tas-sorveljanza tas-suq għal 10 snin wara li d-deterġent jew l-aġent tensjoattiv kopert minn dawk id-dokumenti jkun ġie introdott fis-suq;

(c)wara talba motivata minn awtorità nazzjonali kompetenti, jipprovdi lil dik l-awtorità l-informazzjoni u d-dokumentazzjoni kollha meħtieġa biex juri l-konformità tad-deterġent jew tal-aġent tensjoattiv mar-rekwiżiti stabbiliti f’dan ir-Regolament;

(d)jikkoopera mal-awtoritajiet nazzjonali kompetenti, fuq talba tagħhom, dwar kwalunkwe azzjoni meħuda biex jiġu eliminati r-riskji maħluqa minn deterġent jew aġent tensjoattiv kopert mill-mandat tar-rappreżentant awtorizzat.

(e)itemm il-mandat jekk il-manifattur ma jikkonformax mal-obbligi tal-manifattur skont dan ir-Regolament.

4.L-obbligi stabbiliti fl-Artikolu 7(1) u l-obbligu li titfassal id-dokumentazzjoni teknika msemmija fl-Artikolu 7(2) ma għandhomx jiffurmaw parti mill-mandat tar-rappreżentant awtorizzat.

Artikolu 9

Obbligi tal-importaturi

1.L-importaturi għandhom jintroduċu fis-suq biss deterġenti jew aġenti tensjoattivi konformi.

2.Qabel ma jintroduċu deterġent jew aġent tensjoattiv fis-suq, l-importaturi għandhom jiżguraw dan li ġej:

(a)il-manifattur ikun wettaq il-proċedura ta’ valutazzjoni tal-konformità u fassal id-dokumentazzjoni teknika msemmija fl-Artikolu 7(2);

(b)id-deterġent ikollu l-markatura CE msemmija fl-Artikolu 14;

(c)il-manifattur ikun ħoloq il-passaport tal-prodotti msemmi fl-Artikolu 7(2);

(d)l-informazzjoni rilevanti fuq il-passaport tal-prodotti tkun ġiet inkluża fir-reġistru msemmi fl-Artikolu 20(1);

3.Meta importatur iqis jew ikollu raġuni biex jemmen li deterġent jew aġent tensjoattiv ma jkunx konformi ma’ dan ir-Regolament, l-importatur ma għandux jintroduċi d-deterġent jew l-aġent tensjoattiv fis-suq qabel ma dan jinġieb konformi. Barra minn hekk, meta d-deterġent jew l-aġent tensjoattiv jippreżenta riskju għas-saħħa jew għall-ambjent, l-importatur għandu jinforma b’dan lill-manifattur u lill-awtoritajiet tas-sorveljanza tas-suq.

4.L-importaturi għandhom jindikaw isimhom, l-isem kummerċjali rreġistrat jew it-trademark irreġistrata tagħhom u l-indirizz postali u tal-posta elettronika li fih ikunu jistgħu jiġu kkuntattjati fuq it-tikketta tad-deterġent jew tal-aġent tensjoattiv. Id-dettalji ta’ kuntatt għandhom ikunu b’lingwa li tinftiehem faċilment mill-utenti finali u mill-awtoritajiet tas-sorveljanza tas-suq.

5.L-importaturi għandhom jiżguraw li d-deterġenti u l-aġenti tensjoattivi li jintroduċu fis-suq jikkonformaw mar-rekwiżiti ta’ tikkettar stabbiliti fl-Artikoli 15, 16 u 17.

6.L-importaturi għandhom jiżguraw li, waqt li deterġent jew aġent tensjoattiv ikun taħt ir-responsabbiltà tagħhom, il-kundizzjonijiet tal-ħżin jew tat-trasport tiegħu ma jipperikolawx il-konformità tiegħu ma’ dan ir-Regolament.

7.Meta jitqies xieraq fir-rigward tal-prestazzjoni ta’ deterġent jew ta’ aġent tensjoattiv jew tar-riskji ppreżentati minnhom, l-importaturi għandhom iwettqu testijiet ta’ kampjuni ta’ tali deterġenti jew aġenti tensjoattivi, jinvestigaw, u, jekk ikun meħtieġ, iżommu reġistru tal-ilmenti, ta’ deterġenti u aġenti tensjoattivi mhux konformi u tas-sejħiet lura ta’ tali deterġenti jew aġenti tensjoattivi, u għandhom iżommu lid-distributuri informati dwar kwalunkwe monitoraġġ bħal dan.

8.L-importaturi li jqisu jew li jkollhom raġuni biex jemmnu li deterġent jew aġent tensjoattiv li jkunu introduċew fis-suq ma jkunx konformi ma’ dan ir-Regolament għandhom jieħdu immedjatament il-miżuri korrettivi meħtieġa biex dak id-deterġent jew aġent tensjoattiv jinġieb konformi, jiġi rtirat jew jissejjaħ lura, kif ikun xieraq. Barra minn hekk, meta l-importaturi jqisu jew ikollhom raġuni biex jemmnu li deterġent jew aġent tensjoattiv li jkunu introduċew fis-suq jippreżenta riskju għas-saħħa jew għall-ambjent, huma għandhom jinfurmaw immedjatament b’dan lill-awtoritajiet nazzjonali kompetenti tal-Istati Membri li fihom ikunu qiegħdu d-deterġent jew l-aġent tensjoattiv fis-suq, u jagħtu dettalji, b’mod partikolari, ta’ kwalunkwe nuqqas ta’ konformità u ta’ kwalunkwe miżura korrettiva meħuda.

9.L-importaturi għandhom iżommu r-referenza għall-identifikatur uniku tal-prodott għad-dispożizzjoni tal-awtoritajiet tas-sorveljanza tas-suq għal perjodu ta’ 10 snin wara li d-deterġent jew l-aġent tensjoattiv ikun ġie introdott fis-suq u għandhom jiżguraw li fuq talba, id-dokumentazzjoni teknika tkun tista’ ssir disponibbli għal dawk l-awtoritajiet.

10.L-importaturi għandhom, wara talba motivata minn awtorità nazzjonali kompetenti, jipprovdulha l-informazzjoni u d-dokumentazzjoni kollha, f’forma stampata jew elettronika, meħtieġa biex juru l-konformità tad-deterġent jew tal-aġent tensjoattiv ma’ dan ir-Regolament, b’lingwa li tista’ tinftiehem faċilment minn dik l-awtorità. Huma għandhom jikkooperaw ma’ dik l-awtorità, fuq talba tagħha, dwar kwalunkwe azzjoni meħuda biex jiġu eliminati r-riskji maħluqa minn deterġent jew aġent tensjoattiv li huma jkunu introduċew fis-suq.

Artikolu 10

Obbligi tad-distributuri

1.Meta jqiegħdu deterġent jew aġent tensjoattiv fis-suq, id-distributuri għandhom jaġixxu bl-attenzjoni dovuta fir-rigward tar-rekwiżiti ta’ dan ir-Regolament.

2.Qabel ma jqiegħdu deterġent jew aġent tensjoattiv fis-suq, id-distributuri għandhom jivverifikaw li jkunu ġew issodisfati l-kundizzjonijiet li ġejjin:

(a)id-deterġent jew l-aġent tensjoattiv ikun akkumpanjat mid-dokumenti meħtieġa u minn tikketta li tissodisfa r-rekwiżiti stabbiliti fl-Artikoli 15, 16 u 17;

(b)id-deterġent ikollu l-markatura CE msemmija fl-Artikolu 14;

(c)il-manifattur ikun ikkonforma mar-rekwiżiti stabbiliti fl-Artikolu 7(2) u (3) jew, kif applikabbli, l-importatur ikun ikkonforma mar-rekwiżiti stabbiliti fl-Artikolu 9(2).

3.Meta distributur iqis jew ikollu raġuni biex jemmen li deterġent jew aġent tensjoattiv ma jkunx konformi ma’ dan ir-Regolament, id-distributur ma għandux iqiegħed id-deterġent jew l-aġent tensjoattiv fis-suq qabel ma dan jinġieb konformi. Barra minn hekk, meta d-deterġent jew l-aġent tensjoattiv jippreżenta riskju għas-saħħa jew għall-ambjent, id-distributur għandu jinforma b’dan lill-manifattur u, fejn ikun rilevanti, lir-rappreżentant awtorizzat jew lill-importatur kif ukoll lill-awtoritajiet tas-sorveljanza tas-suq.

4.Id-distributuri għandhom jiżguraw li, waqt li deterġent jew aġent tensjoattiv ikun taħt ir-responsabbiltà tagħhom, il-kundizzjonijiet tal-ħżin jew tat-trasport tiegħu ma jipperikolawx il-konformità tiegħu ma’ dan ir-Regolament.

5.Id-distributuri li jqisu jew li jkollhom raġuni biex jemmnu li deterġent jew aġent tensjoattiv li jkunu qiegħdu fis-suq ma jkunx konformi ma’ dan ir-Regolament għandhom jiżguraw li jittieħdu l-miżuri korrettivi meħtieġa biex dak id-deterġent jew aġent tensjoattiv jinġieb konformi, jiġi rtirat jew jissejjaħ lura, kif ikun xieraq. Barra minn hekk, meta d-distributuri jqisu jew ikollhom raġuni biex jemmnu li deterġent jew aġent tensjoattiv li jkunu qiegħdu fis-suq jippreżenta riskju għas-saħħa jew għall-ambjent, huma għandhom jinfurmaw immedjatament dwar dan lill-awtoritajiet nazzjonali kompetenti tal-Istati Membri li fihom ikunu qiegħdu d-deterġent jew l-aġent tensjoattiv fis-suq, u jagħtu dettalji, b’mod partikolari, ta’ kwalunkwe nuqqas ta’ konformità u ta’ kwalunkwe miżura korrettiva meħuda.

6.Id-distributuri għandhom, fuq talba motivata minn awtorità nazzjonali kompetenti, jipprovduha bl-informazzjoni u d-dokumentazzjoni kollha, fuq karta jew f’forma elettronika, meħtieġa biex juru l-konformità tad-deterġent jew tal-aġent tensjoattiv ma’ dan ir-Regolament. Huma għandhom jikkooperaw ma’ dik l-awtorità, fuq talba tagħha, dwar kwalunkwe azzjoni meħuda biex jiġu eliminati r-riskji maħluqa minn deterġenti u aġenti tensjoattivi li huma jkunu qiegħdu fis-suq.

Artikolu 11

Każijiet li fihom l-obbligi tal-manifatturi japplikaw għall-importaturi u għad-distributuri

Importatur jew distributur għandu jitqies bħala manifattur għall-finijiet ta’ dan ir-Regolament u għandu jkun soġġett għall-obbligi tal-manifattur skont l-Artikolu 7 meta dak l-importatur jew distributur jintroduċi deterġent jew aġent tensjoattiv fis-suq taħt ismu jew it-trademark tiegħu jew jimmodifika deterġent jew aġent tensjoattiv li diġà jkun ġie introdott fis-suq b’tali mod li l-konformità ma’ dan ir-Regolament tista’ tiġi affettwata.

Artikolu 12

Imballaġġ u imballaġġ mill-ġdid minn importaturi u distributuri

Meta importatur jew distributur jimballa jew jimballa mill-ġdid deterġent jew aġent tensjoattiv u ma jkunx soġġett għall-obbligi tal-manifattur skont l-Artikolu 11, dak l-importatur jew distributur, kif applikabbli, għandu jkollu l-obbligi li ġejjin:

(a)li jiżgura li l-imballaġġ ikollu fuqu ismu, l-isem kummerċjali rreġistrat jew it-trademark irreġistrata u l-indirizz postali tiegħu preċeduti mill-kliem “imballat minn” jew “imballat mill-ġdid minn”;

(b)li jiżgura l-konformità mal-Artikoli 14 sa 17;

(c)li jżomm ir-referenza għall-identifikatur uniku tal-prodott għad-dispożizzjoni tal-awtoritajiet tas-sorveljanza tas-suq għal 10 snin wara li jkun qiegħed id-deterġent jew l-aġent tensjoattiv fis-suq.

Artikolu 13

Identifikazzjoni tal-operaturi ekonomiċi

1.L-operaturi ekonomiċi għandhom, fuq talba, jidentifikaw dawn li ġejjin lill-awtoritajiet tas-sorveljanza tas-suq:

(a)kwalunkwe operatur ekonomiku li jkun forniehom b’deterġent jew aġent tensjoattiv;

(b)kwalunkwe operatur ekonomiku li lilu jkunu fornew deterġent jew aġent tensjoattiv.

2.L-operaturi ekonomiċi għandhom ikunu jistgħu jipprovdu l-informazzjoni msemmija fil-paragrafu 1 għal 10 snin wara li jkunu ġew fornuti bid-deterġent jew l-aġent tensjoattiv u għal 10 snin wara li jkunu fornew id-deterġent jew l-aġent tensjoattiv.

KAPITOLU IV

MARKATURA U TIKKETTAR CE

Artikolu 14

Regoli u kundizzjonijiet għat-twaħħil tal-markatura CE

1.Il-markatura CE għandha tkun soġġetta għall-prinċipji ġenerali stabbiliti fl-Artikolu 30 tar-Regolament (KE) Nru 765/2008.

2.Il-markatura CE għandha titwaħħal b’mod viżibbli, leġġibbli u li ma titħassarx qabel ma deterġent jiġi introdott fis-suq.

Il-markatura CE għandha titwaħħal mat-tikketta jew mal-imballaġġ ta’ deterġent jew, meta d-deterġent jiġi fornut bl-ingrossa, ma’ dokument li jakkumpanja d-deterġent.

Meta, f’konformità mal-Artikolu 16(2), l-operaturi ekonomiċi jistgħu jipprovdu tikketta diġitali biss, il-markatura CE għandha tiġi pprovduta fuq it-tikketta diġitali.

3.L-Istati Membri għandhom jibnu fuq il-mekkaniżmi eżistenti biex jiżguraw l-applikazzjoni korretta tar-reġim li jirregola l-markatura CE u għandhom jieħdu azzjoni xierqa fil-każ ta’ użu mhux xieraq ta’ dik il-markatura.

Artikolu 15

Rekwiżiti ġenerali tat-tikkettar

1.Id-deterġenti u l-aġenti tensjoattivi li jitqiegħdu fis-suq f’imballaġġ individwali jew f’format ta’ rikarika għandhom ikunu akkumpanjati minn tikketta.

2.Operatur ekonomiku li jqiegħed deterġent fis-suq direttament lil utent finali f’format ta’ rikarika għandu jipprovdi t-tikketta fiżika jew il-mezz ta’ data li permezz tiegħu t-tikketta diġitali tkun aċċessibbli għall-utent finali.

3.It-tikketta tad-deterġenti u tal-aġenti tensjoattivi għandu jkun fiha l-informazzjoni li ġejja:

(a)numru tat-tip, numru tal-lott jew element ieħor li jippermetti l-identifikazzjoni tagħhom;

(b)l-isem, l-isem kummerċjali rreġistrat jew it-trademark irreġistrata tal-manifattur u l-indirizz postali u tal-posta elettronika li fih jistgħu jiġu kkuntattjati. L-indirizz postali għandu jindika punt uniku li fih jista’ jiġi kkuntattjat il-manifattur;

(c)l-isem u l-isem kummerċjali tal-prodott;

(d)il-kontenut tad-deterġent jew tal-aġent tensjoattiv f’konformità mal-parti A tal-Anness V;

(e)l-istruzzjonijiet għall-użu u prekawzjonijiet speċjali, fejn ikun meħtieġ u rilevanti.

L-informazzjoni msemmija fil-punti (a), (b) u (c) tal-ewwel subparagrafu għandha tidher fuq id-dokumenti kollha li jakkumpanjaw id-deterġenti u l-aġenti tensjoattivi ttrasportati bl-ingrossa.

4.Minbarra l-informazzjoni msemmija fil-paragrafu 3, it-tikketta tad-deterġenti tal-ħasil tal-ħwejjeġ għall-konsumatur u tad-deterġenti tal-magni tal-ħasil tal-platti awtomatiċi għall-konsumatur għandu jkun fiha informazzjoni dwar id-dożaġġ f’konformità mal-parti B tal-Anness V.

5.L-informazzjoni msemmija fil-paragrafi 3 u 4 għandha tkun f’lingwa li tista’ tinftiehem faċilment mill-utenti finali, kif iddeterminat mill-Istat Membru kkonċernat, u għandha tkun ċara, tinftiehem u intelliġibbli. It-tikketta għandha tkun aċċessibbli għal skopijiet ta’ spezzjoni meta d-deterġent jew l-aġent tensjoattiv ikunu mqiegħda fis-suq.

Artikolu 16

Forom ta’ tikkettar

1.Meta d-deterġenti jew l-aġenti tensjoattivi jitqiegħdu fis-suq, dawn għandhom ikunu akkumpanjati mill-elementi tat-tikketta stabbiliti fl-Artikolu 15(3) u, fejn applikabbli, fl-Artikolu 15(4) fil-forma li ġejja:

(a)fuq tikketta fiżika;

(b)fuq tikketta diġitali u duplikati fuq tikketta fiżika.

B’deroga mill-punt (b) tal-ewwel subparagrafu, l-elementi tat-tikkettar stabbiliti fil-Parti C tal-Anness V ma għandhomx għalfejn jiġu duplikati fuq it-tikketta fiżika. Barra minn hekk, meta l-informazzjoni dwar id-dożaġġ għad-deterġenti tal-ħasil tal-ħwejjeġ għall-konsumatur f’konformità mal-punti 1 u 2 tal-parti B tal-Anness V tiġi pprovduta fuq it-tikketta diġitali, tista’ tiġi pprovduta grilja tad-dożaġġ simplifikata kif stabbilit fil-parti D tal-Anness V fuq it-tikketta fiżika.

2.B’deroga mill-paragrafu 1, meta d-deterġenti jitqiegħdu fis-suq direttament lil utent finali f’format ta’ rikarika, l-elementi tat-tikketta stabbiliti fl-Artikolu 15(3) u (4) jistgħu jiġu pprovduti f’tikketta diġitali biss, bl-eċċezzjoni tal-informazzjoni dwar id-dożaġġ għad-deterġenti tal-ħasil tal-ħwejjeġ għall-konsumatur kif stabbilit fil-punti 1 u 2 tal-parti B tal-Anness V, li jeħtieġ li tiġi pprovduta wkoll fuq tikketta fiżika.

Artikolu 17

Rekwiżiti għat-tikkettar diġitali

1.Meta d-deterġenti u l-aġenti tensjoattivi jkollhom tikketta diġitali f’konformità mal-Artikolu 16, ir-regoli li ġejjin għandhom japplikaw għal dik it-tikketta:

(a)l-elementi kollha tat-tikketta msemmija fl-Artikolu 15(3) u, fejn applikabbli, fl-Artikolu 15(4) għandhom jiġu pprovduti f’post wieħed u separati minn informazzjoni oħra;

(b)l-informazzjoni fuq it-tikketta diġitali għandha tkun tista’ tiġi mfittxija;

(c)l-informazzjoni fuq it-tikketta diġitali għandha tkun aċċessibbli għall-utenti kollha fl-Unjoni;

(d)it-tikketta diġitali għandha tkun aċċessibbli mingħajr ħlas, mingħajr il-ħtieġa ta’ reġistrazzjoni minn qabel, tniżżil jew installazzjoni ta’ applikazzjonijiet, jew li tipprovdi password;

(e)l-informazzjoni fuq it-tikketta diġitali għandha tiġi ppreżentata b’mod li jindirizza l-ħtiġijiet ta’ gruppi vulnerabbli u jappoġġa, kif rilevanti, l-adattamenti meħtieġa biex jiġi ffaċilitat l-aċċess għall-informazzjoni minn dawk il-gruppi;

(f)it-tikketta diġitali għandha tkun aċċessibbli permezz ta’ teknoloġiji diġitali użati b’mod wiesa’ u għandha tkun kompatibbli mas-sistemi operattivi u l-browsers ewlenin kollha;

(g)meta t-tikketta diġitali tkun disponibbli f’aktar minn lingwa waħda, l-għażla tal-lingwa ma għandhiex tkun ikkundizzjonata mill-pożizzjoni ġeografika tal-utent finali;

(h)it-tikketta diġitali għandha tibqa’ disponibbli għal perjodu ta’ 10 snin mill-mument li d-deterġent jew l-aġent tensjoattiv jiġi introdott fis-suq, anki f’każijiet ta’ insolvenza, likwidazzjoni jew waqfien tal-attività fl-Unjoni tal-operatur ekonomiku li jkun ħoloqha, jew għal perjodu itwal kif meħtieġ skont leġiżlazzjoni oħra tal-Unjoni li tkopri l-informazzjoni li jkun fiha;

(i)l-informazzjoni fuq it-tikketta diġitali għandha tkun aċċessibbli permezz tal-mezz ta’ data.

2.Il-mezz ta’ data għandu jkun fiżikament preżenti fuq id-deterġent jew fuq l-aġent tensjoattiv, l-imballaġġ tagħhom jew id-dokumentazzjoni li takkumpanjahom.

Minbarra r-rekwiżit fl-ewwel subparagrafu, meta d-deterġenti u l-aġenti tensjoattivi jitqiegħdu fis-suq f’format ta’ rikarika, il-mezz ta’ data għandu jkun preżenti fuq l-istazzjon ta’ rikarika.

Il-mezz ta’ data għandu jkun viżibbli b’mod ċar għall-utent finali qabel kwalunkwe xiri u għall-awtoritajiet tas-sorveljanza tas-suq, inkluż, fejn applikabbli, f’każijiet fejn id-deterġent jew l-aġent tensjoattiv ikun disponibbli permezz ta’ bejgħ mill-bogħod.

3.Meta l-operaturi ekonomiċi jipprovdu tikketta diġitali, il-mezz ta’ data għandu jkun akkumpanjat mid-dikjarazzjoni “Informazzjoni aktar komprensiva dwar il-prodott hija disponibbli online” jew minn dikjarazzjoni simili.

4.L-operaturi ekonomiċi li jipprovdu tikketta diġitali ma għandhomx jittraċċaw, janalizzaw jew jużaw kwalunkwe informazzjoni dwar l-użu għal finijiet oħra għajr dak li jkun assolutament meħtieġ għall-għoti tal-informazzjoni fuq it-tikketta diġitali online.

5.L-operaturi ekonomiċi li jipprovdu tikketta diġitali għandhom jipprovdu l-informazzjoni preżenti fit-tikketta diġitali b’mezzi oħra fi kwalunkwe wieħed mill-każijiet li ġejjin:

(a)fuq talba orali jew bil-miktub mill-utent finali;

(b)meta t-tikketta diġitali ma tkunx disponibbli b’mod temporanju, inkluż fil-ħin tax-xiri.

L-operaturi ekonomiċi għandhom jipprovdu l-informazzjoni msemmija fl-ewwel subparagrafu indipendentement minn xiri ta’ deterġent jew ta’ aġent tensjoattiv u mingħajr ħlas.

KAPITOLU V

PASSAPORT TAL-PRODOTTI

Artikolu 18

Passaport tal-prodotti

1.Qabel ma jintroduċu deterġent jew aġent tensjoattiv fis-suq, il-manifatturi għandhom joħolqu passaport tal-prodotti għal dawk il-prodotti. Il-passaport tal-prodotti għandu jissodisfa r-rekwiżiti stabbiliti f’dan l-Artikolu u fl-Artikolu 19.

2.Il-passaport tal-prodotti għandu jissodisfa r-rekwiżiti li ġejjin:

(a)huwa għandu jikkorrispondi għal lott speċifiku tad-deterġent jew tal-aġent tensjoattiv;

(b)huwa għandu jiddikjara li tkun intweriet il-konformità tad-deterġent jew tal-aġent tensjoattiv mar-rekwiżiti stabbiliti f’dan ir-Regolament, u, fejn rilevanti, jindika l-metodi ta’ ttestjar użati;

(c)huwa għandu jkun fih tal-anqas l-informazzjoni inkluża fl-Anness VI;

(d)għandu jkun aġġornat;

(e)huwa għandu jkun disponibbli fil-lingwa jew lingwi meħtieġa mill-Istat Membru meta d-deterġent jew l-aġent tensjoattiv jiġi introdott jew jitqiegħed fis-suq;

(f)huwa għandu jkun aċċessibbli għall-utenti finali, għall-awtoritajiet tas-sorveljanza tas-suq, għall-awtoritajiet doganali, għall-Kummissjoni u għal operaturi ekonomiċi oħra;

(g)huwa għandu jkun disponibbli għal perjodu ta’ 10 snin wara li d-deterġent jew l-aġent tensjoattiv jiġi introdott fis-suq, anki f’każijiet ta’ insolvenza, likwidazzjoni jew waqfien tal-attività fl-Unjoni tal-operatur ekonomiku li jkun ħoloq il-passaport tal-prodott;

(h)huwa għandu jkun aċċessibbli permezz ta’ mezz ta’ data;

(i)huwa għandu jissodisfa r-rekwiżiti speċifiċi u tekniċi stabbiliti skont il-paragrafu 8.

3.Il-mezz ta’ data għandu jkun fiżikament preżenti fuq id-deterġent jew fuq l-aġent tensjoattiv, l-imballaġġ tagħhom jew id-dokumentazzjoni li takkumpanjahom, f’konformità mal-att ta’ implimentazzjoni msemmi fil-paragrafu 8.

Minbarra r-rekwiżit fl-ewwel subparagrafu, meta d-deterġenti u l-aġenti tensjoattivi jitqiegħdu fis-suq f’format ta’ rikarika, il-mezz ta’ data għandu jkun preżenti fuq l-istazzjon ta’ rikarika.

Il-mezz ta’ data għandu jkun viżibbli b’mod ċar għall-utent finali qabel kwalunkwe xiri u għall-awtoritajiet tas-sorveljanza tas-suq, inkluż, fejn applikabbli, f’każijiet fejn id-deterġent jew l-aġent tensjoattiv ikun disponibbli permezz ta’ bejgħ mill-bogħod.

4.Meta l-operaturi ekonomiċi jipprovdu tikketta diġitali, għandu jintuża mezz ta’ data wieħed biex jiġu aċċessati l-passaport tal-prodotti u t-tikketta diġitali.

5.Meta leġiżlazzjoni oħra tal-Unjoni tirrikjedi li l-informazzjoni dwar id-deterġent jew l-aġent tensjoattiv tkun disponibbli permezz ta’ mezz ta’data, għandu jintuża mezz ta’ data wieħed biex jipprovdi l-informazzjoni meħtieġa skont dan ir-Regolament u l-leġiżlazzjoni l-oħra tal-Unjoni.

6.Meta leġiżlazzjoni oħra tal-Unjoni li tapplika għad-deterġenti u għall-aġenti tensjoattivi tirrikjedi passaport tal-prodotti, għandu jinħoloq passaport tal-prodotti uniku għad-deterġenti u l-aġenti tensjoattivi, li jkun fih l-informazzjoni stabbilita fil-paragrafu 2 kif ukoll kwalunkwe informazzjoni oħra meħtieġa għall-passaport tal-prodotti minn dik il-leġiżlazzjoni l-oħra tal-Unjoni.

7.L-operaturi ekonomiċi jistgħu, minbarra l-informazzjoni msemmija fil-paragrafi 5 u 6, jagħmlu informazzjoni oħra aċċessibbli permezz tal-mezz ta’ data msemmi fil-paragrafu 6. Meta dan ikun il-każ, dik l-informazzjoni għandha tiġi separata b’mod ċar mill-informazzjoni meħtieġa skont dan ir-Regolament u, fejn rilevanti, skont leġiżlazzjoni oħra tal-Unjoni.

8.Billi joħloq il-passaport tal-prodotti, il-manifattur għandu jassumi r-responsabbiltà għall-konformità tad-deterġent jew tal-aġent tensjoattiv ma’ dan ir-Regolament.

9.Il-Kummissjoni għandha tadotta att ta’ implimentazzjoni li jiddetermina r-rekwiżiti speċifiċi u tekniċi relatati mal-passaport tal-prodotti għad-deterġenti u l-aġenti tensjoattivi. Dawk ir-rekwiżiti għandhom jistabbilixxu tal-anqas dawn li ġejjin:

(a)it-tipi ta’ mezzi ta’ data li għandhom jintużaw;

(b)it-tqassim li bih għandu jiġi ppreżentat il-mezz ta’ data u l-pożizzjonament tiegħu;

(c)l-elementi tekniċi tal-passaport li għalihom għandhom jintużaw standards Ewropej jew internazzjonali definiti;

(d)l-atturi li jistgħu jintroduċu jew jaġġornaw l-informazzjoni fil-passaport tal-prodotti, inkluż fejn meħtieġ il-ħolqien ta’ passaport ġdid tal-prodotti, inklużi l-manifatturi, l-awtoritajiet nazzjonali kompetenti, u l-Kummissjoni, jew kwalunkwe organizzazzjoni li taġixxi f’isimhom, u t-tipi ta’ informazzjoni li jistgħu jintroduċu jew jaġġornaw;

Dawk l-atti ta’ implimentazzjoni għandhom jiġu adottati f’konformità mal-proċedura ta’ eżami msemmija fl-Artikolu 28(2).

Artikolu 19

Disinn tekniku u tħaddim tal-passaport tal-prodotti

Id-disinn tekniku u t-tħaddim tal-passaport tal-prodotti għandhom jikkonformaw mar-rekwiżiti li ġejjin:

(a)il-passaporti tal-prodotti maħluqa skont dan ir-Regolament għandhom ikunu kompletament interoperabbli mal-passaporti tal-prodotti meħtieġa minn leġiżlazzjoni oħra tal-Unjoni fir-rigward tal-aspetti tekniċi, semantiċi u organizzattivi tal-komunikazzjoni minn tarf sa tarf u tat-trasferiment tad-data;

(b)l-informazzjoni kollha inkluża fil-passaport tal-prodott għandha tkun ibbażata fuq standards trasparenti żviluppati b’format interoperabbli u jenħtieġ li din tkun tista’ tinqara mill-magni, tkun strutturata u jkun jista’ jsir tiftix għaliha;

(c)l-utenti finali, l-operaturi ekonomiċi u atturi rilevanti oħra għandu jkollhom aċċess għall-passaport tal-prodotti mingħajr ħlas;

(d)id-data inkluża fil-passaport tal-prodotti għandha tinħażen mill-operatur ekonomiku responsabbli għall-ħolqien tiegħu jew minn operaturi awtorizzati li jaġixxu f’ismu;

(e)jekk id-data inkluża fil-passaport tal-prodotti tinħażen jew tiġi pproċessata b’mod ieħor minn operaturi awtorizzati li jaġixxu f’isem operaturi ekonomiċi li jintroduċu d-deterġent jew l-aġent tensjoattiv fis-suq, dawk l-operaturi ma għandhomx ikunu jistgħu jbigħu, jużaw mill-ġdid jew jipproċessaw tali data, b’mod sħiħ jew parzjali, lil hinn minn dak li jkun meħtieġ għall-forniment tas-servizzi rilevanti ta’ ħżin jew ta’ pproċessar;

(f)l-operaturi ekonomiċi ma jistgħux jittraċċaw, janalizzaw jew jużaw kwalunkwe informazzjoni dwar l-użu għal finijiet oħra għajr dak li jkun assolutament meħtieġ għall-għoti tal-informazzjoni dwar il-passaport tal-prodotti online.

Artikolu 20

Reġistru tal-passaporti tal-prodotti

1.Qabel ma jintroduċu fis-suq deterġent jew aġent tensjoattiv, l-operaturi ekonomiċi għandhom itellgħu, fir-reġistru stabbilit skont l-Artikolu 12(1) tar-Regolament (UE) …/… dwar l-Ekodisinn għal Prodotti Sostenibbli l-identifikatur uniku tal-prodott u l-identifikatur uniku tal-operatur għad-deterġent jew għall-aġent tensjoattiv.

2.Il-Kummissjoni, l-awtoritajiet tas-sorveljanza tas-suq u l-awtoritajiet doganali għandu jkollhom aċċess għar-reġistru msemmi fil-paragrafu 1 biex iwettqu d-dmirijiet tagħhom skont dan ir-Regolament.

Artikolu 21

Kontrolli doganali relatati mal-passaport tal-prodotti

1.Id-deterġenti u l-aġenti tensjoattivi li jidħlu fis-suq tal-Unjoni għandhom ikunu soġġetti għal verifiki u miżuri oħra stabbiliti f’dan l-Artikolu.

2.Id-dikjaranti kif iddefiniti fl-Artikolu 5, il-punt (15) tar-Regolament (UE) 952/2013 għandhom jinkludu l-identifikatur uniku tal-prodott fid-dikjarazzjoni doganali għar-rilaxx għaċ-ċirkolazzjoni libera ta’ kwalunkwe deterġent jew aġent tensjoattiv.

3.L-awtoritajiet doganali għandhom jivverifikaw jekk l-identifikatur uniku tal-prodott indikat mid-dikjarant f’konformità mal-paragrafu 2 ta’ dan l-Artikolu jaqbilx ma’ identifikatur uniku tal-prodott inkluż fir-reġistru f’konformità mal-Artikolu 20(1).

4.Minbarra l-verifika msemmija fil-paragrafu 3, l-awtoritajiet doganali għandhom jivverifikaw il-konsistenza tal-informazzjoni magħmula disponibbli għad-dwana mid-dikjaranti ma’ informazzjoni oħra maħżuna fir-reġistru msemmi fl-Artikolu 20(1) elenkat fl-att delegat imsemmi fl-Artikolu 26(3).

5.Il-verifiki msemmija fil-paragrafi 3 u 4 għandhom isiru b’mod elettroniku u awtomatiku qabel ir-rilaxx għaċ-ċirkolazzjoni libera.

6.Għall-finijiet tal-paragrafi 3 sa 5, għandha tintuża l-interkonnessjoni bejn ir-reġistru msemmi fl-Artikolu 20(1) u s-Sistema ta’ Tieqa Unika Doganali għall-Iskambju taċ-Ċertifikati tal-UE msemmija fl-[Artikolu 13 tar-Regolament (UE) …/… dwar l-Ekodisinn għal Prodotti Sostenibbli].

7.Il-paragrafi 3, 4 u 5 għandhom japplikaw mill-jum meta l-interkonnessjoni bejn ir-reġistru u s-Sistema ta’ Tieqa Unika Doganali għall-Iskambju taċ-Ċertifikati tal-UE msemmija fl-[Artikolu 13 tar-Regolament (UE) …/… dwar l-Ekodisinn għal Prodotti Sostenibbli] issir operattiva.

Il-Kummissjoni għandha tippubblika avviż f’Il-Ġurnal Uffiċjali tal-Unjoni Ewropea għal dak il-għan li jindika d-data meta l-interkonnessjoni ssir operattiva.

8.L-awtoritajiet doganali jistgħu jirkupraw u jużaw l-informazzjoni inkluża fil-passaport tal-prodotti u fir-reġistru msemmi fl-Artikolu 20(1) għat-twettiq tad-dmirijiet tagħhom skont il-leġiżlazzjoni tal-Unjoni, inkluż għall-ġestjoni tar-riskju f’konformità mal-Artikoli 46 u 47 tar-Regolament (UE) Nru 952/2013.

9.Il-verifiki u miżuri oħra stabbiliti f’dan l-Artikolu għandhom jitwettqu abbażi ta’ lista ta’ kodiċijiet tan-Nomenklatura Magħquda, kif stabbilit fl-Anness I tar-Regolament (KEE) Nru 2658/87, li taħthom huma kklassifikati d-deterġenti u l-aġenti tensjoattivi kif ukoll id-deskrizzjonijiet tal-prodott ta’ dawk id-deterġenti u l-aġenti tensjoattivi.

10.Il-verifiki u l-miżuri stabbiliti f’dan l-Artikolu ma għandhomx jaffettwaw l-applikazzjoni ta’ atti legali oħra tal-Unjoni li jirregolaw ir-rilaxx għaċ-ċirkolazzjoni libera tal-prodotti, inklużi l-Artikoli 46, 47 u 134 tar-Regolament (UE) Nru 952/2013, kif ukoll il-kontrolli msemmija fil-Kapitolu VII tar-Regolament (UE) 2019/1020.

KAPITOLU VI

SORVELJANZA TAS-SUQ

Artikolu 22
Proċedura fil-livell nazzjonali biex jiġu ttrattati deterġenti u aġenti tensjoattivi li jippreżentaw riskju

1.Meta l-awtoritajiet tas-sorveljanza tas-suq ta’ Stat Membru jkollhom raġuni suffiċjenti biex jemmnu li deterġent jew aġent tensjoattiv jippreżenta riskju għas-saħħa jew għall-ambjent, huma għandhom iwettqu evalwazzjoni fir-rigward tad-deterġent jew tal-aġent tensjoattiv ikkonċernat li tkopri r-rekwiżiti rilevanti kollha stabbiliti f’dan ir-Regolament. L-operaturi ekonomiċi rilevanti għandhom jikkooperaw kif meħtieġ mal-awtoritajiet tas-sorveljanza tas-suq għal dak l-iskop.

2.Meta l-awtoritajiet tas-sorveljanza tas-suq ta’ Stat Membru jkollhom raġuni suffiċjenti biex jemmnu li test imwettaq f’konformità mal-metodi elenkati fl-Anness I jew fl-Anness II ikun ipproduċa riżultati foloz, huma għandhom iwettqu kontrolli biex jivverifikaw il-konformità tad-deterġent jew tal-aġent tensjoattiv ma’ dan ir-Regolament f’konformità mal-metodi ta’ referenza stabbiliti fl-Annessi I, II u VII. L-operaturi ekonomiċi ma għandhomx ikunu obbligati jħallsu għal xi test ripetut jew addizzjonali, dment li t-test inizjali jkun wera l-konformità tad-deterġenti, jew tal-aġenti tensjoattivi, ma’ dan ir-Regolament.

3.Meta, matul il-kontrolli msemmija fil-paragrafu 1 jew fil-paragrafu 2, l-awtoritajiet tas-sorveljanza tas-suq isibu li d-deterġent jew l-aġent tensjoattiv ma jikkonformax mar-rekwiżiti stabbiliti f’dan ir-Regolament, huma għandhom jitolbu, mingħajr dewmien, li l-operaturi ekonomiċi rilevanti jieħdu l-azzjoni korrettiva xierqa kollha biex id-deterġent jew l-aġent tensjoattiv jinġieb konformi ma’ dawk ir-rekwiżiti, jiġi rtirat mis-suq, jew jissejjaħ lura f’perjodu raġonevoli li jkun proporzjonat man-natura tar-riskju msemmi fil-paragrafu 1.

4.Meta l-awtoritajiet tas-sorveljanza tas-suq iqisu li n-nuqqas ta’ konformità ma jkunx limitat għat-territorju nazzjonali tagħhom, huma għandhom jinfurmaw lill-Kummissjoni u lill-awtoritajiet tas-sorveljanza tas-suq ta’ Stati Membri oħra bir-riżultati tal-evalwazzjoni u bl-azzjonijiet li jkunu talbu jieħu lill-operatur ekonomiku.

5.L-operatur ekonomiku għandu jiżgura li tittieħed l-azzjoni korrettiva xierqa kollha fir-rigward tad-deterġenti jew tal-aġenti tensjoattivi kollha kkonċernati li l-operatur ekonomiku jkun qiegħed fis-suq fl-Unjoni kollha.

6.Meta l-operatur ekonomiku rilevanti ma jiħux azzjoni korrettiva adegwata fil-perjodu msemmi fil-paragrafu 3, l-awtoritajiet tas-sorveljanza tas-suq għandhom jieħdu l-miżuri provviżorji xierqa kollha biex jipprojbixxu jew jirrestrinġu t-tqegħid fis-suq nazzjonali tagħhom tad-deterġent jew tal-aġent tensjoattiv, biex jirtiraw id-deterġent jew l-aġent tensjoattiv minn dak is-suq jew biex jordnaw is-sejħa lura tiegħu.

L-awtoritajiet tas-sorveljanza tas-suq għandhom jinfurmaw lill-Kummissjoni u lill-awtoritajiet tas-sorveljanza tas-suq ta’ Stati Membri oħra, mingħajr dewmien, b’dawk il-miżuri.

L-informazzjoni msemmija fit-tieni subparagrafu għandha tinkludi d-dettalji kollha disponibbli, b’mod partikolari d-data meħtieġa għall-identifikazzjoni tad-deterġent jew tal-aġent tensjoattiv mhux konformi, l-oriġini ta’ dak id-deterġent jew aġent tensjoattiv, in-natura tal-allegat nuqqas ta’ konformità u r-riskju involut, in-natura u d-durata tal-miżuri nazzjonali meħuda u l-argumenti mressqa mill-operatur ekonomiku rilevanti.

7.L-awtoritajiet tas-sorveljanza tas-suq tal-Istati Membri għajr l-Istat Membru li jibda l-proċedura skont dan l-Artikolu għandhom jinfurmaw mingħajr dewmien lill-Kummissjoni u lill-awtoritajiet tas-sorveljanza tas-suq ta’ Stati Membri oħra bi kwalunkwe miżura adottata u bi kwalunkwe informazzjoni addizzjonali għad-dispożizzjoni tagħhom relatata man-nuqqas ta’ konformità tad-deterġent jew tal-aġent tensjoattiv ikkonċernat, u, fil-każ ta’ nuqqas ta’ qbil mal-miżura nazzjonali adottata, bl-oġġezzjonijiet tagħhom.

8.Meta, fi żmien tliet xhur minn meta tasal l-informazzjoni msemmija fil-paragrafu 6, it-tieni subparagrafu, ma tkun tqajmet l-ebda oġġezzjoni la minn awtorità tas-sorveljanza tas-suq u lanqas mill-Kummissjoni fir-rigward ta’ miżura provviżorja meħuda minn Stat Membru, dik il-miżura għandha titqies bħala ġustifikata.

9.L-awtoritajiet tas-sorveljanza tas-suq għandhom jiżguraw li jittieħdu mingħajr dewmien miżuri restrittivi xierqa, bħall-irtirar mis-suq tad-deterġent jew tal-aġent tensjoattiv, fir-rigward tad-deterġent jew tal-aġent tensjoattiv ikkonċernat.

10.Meta, għall-finijiet tal-paragrafi 4, 6, 7 u 8, tiġi kkomunikata informazzjoni lill-Kummissjoni jew lil awtoritajiet oħra tas-sorveljanza tas-suq, dik l-informazzjoni għandha tiġi kkomunikata permezz tas-sistema ta’ informazzjoni u komunikazzjoni msemmija fl-Artikolu 34(1) tar-Regolament (UE) 2019/1020.

Artikolu 23
Proċedura ta’ salvagwardja tal-Unjoni

1.Meta, mat-tlestija tal-proċedura stabbilita fl-Artikolu 22(3), (4) u (5), jitqajmu oġġezzjonijiet kontra miżura meħuda minn awtorità tas-sorveljanza tas-suq, jew meta l-Kummissjoni tqis li miżura nazzjonali tmur kontra l-leġiżlazzjoni tal-Unjoni, il-Kummissjoni għandha, mingħajr dewmien, tidħol f’konsultazzjoni mal-awtoritajiet tas-sorveljanza tas-suq u mal-operatur ekonomiku jew mal-operaturi ekonomiċi rilevanti u għandha tevalwa l-miżura nazzjonali. Abbażi tar-riżultati ta’ dik l-evalwazzjoni, il-Kummissjoni għandha tadotta att ta’ implimentazzjoni li jiddetermina jekk il-miżura nazzjonali tkunx ġustifikata jew le.

Il-Kummissjoni għandha tindirizza d-deċiżjoni tagħha lill-Istati Membri kollha u għandha tikkomunikaha lilhom u lill-operatur ekonomiku jew lill-operaturi ekonomiċi rilevanti mingħajr dewmien.

2.Jekk il-miżura nazzjonali titqies li hija ġustifikata, l-Istati Membri kollha għandhom jieħdu l-miżuri meħtieġa biex jiżguraw li d-deterġent jew l-aġent tensjoattiv mhux konformi jiġi rtirat mis-suq tagħhom, u għandhom jinfurmaw b’dan lill-Kummissjoni.

3.Jekk il-miżura nazzjonali titqies li ma hijiex ġustifikata, l-Istat Membru kkonċernat għandu jirtira dik il-miżura.

Artikolu 24
Deterġenti u aġenti tensjoattivi konformi li jippreżentaw riskju għas-saħħa jew għall-ambjent

1.Meta, wara li tkun wettqet evalwazzjoni skont l-Artikolu 22(1), awtorità tas-sorveljanza tas-suq issib li għalkemm deterġent jew aġent tensjoattiv ikun konformi ma’ dan ir-Regolament, huwa jippreżenta riskju għas-saħħa jew għall-ambjent, hija għandha tesiġi li l-operatur ekonomiku rilevanti jieħu l-miżuri xierqa kollha biex jiżgura li d-deterġent jew l-aġent tensjoattiv ikkonċernat, meta jiġi introdott fis-suq, ma jkunx għadu jippreżenta dak ir-riskju, biex jirtira d-deterġent jew l-aġent tensjoattiv mis-suq jew biex jordna s-sejħa tiegħu lura, f’perjodu raġonevoli li jkun proporzjonat man-natura ta’ dak ir-riskju.

2.L-operatur ekonomiku għandu jiżgura li tittieħed azzjoni korrettiva fir-rigward tad-deterġenti jew tal-aġenti tensjoattivi kkonċernati kollha li l-operatur ekonomiku jkun qiegħed fis-suq fl-Unjoni kollha.

3.L-awtorità tas-sorveljanza tas-suq għandha tinforma immedjatament lill-Kummissjoni u lill-awtoritajiet tas-sorveljanza tas-suq tal-Istati Membri l-oħra. Dik l-informazzjoni għandha tinkludi d-dettalji kollha disponibbli, b’mod partikolari d-data meħtieġa għall-identifikazzjoni tad-deterġenti jew tal-aġenti tensjoattivi kkonċernati, l-oriġini u l-katina tal-provvista tad-deterġent jew tal-aġent tensjoattiv, in-natura tar-riskju involut u n-natura u d-durata tal-miżuri nazzjonali meħuda.

4.Il-Kummissjoni għandha mingħajr dewmien tidħol f’konsultazzjoni mal-awtoritajiet tas-sorveljanza tas-suq u mal-operatur jew mal-operaturi ekonomiċi rilevanti u għandha tevalwa l-miżuri nazzjonali meħuda. Abbażi tar-riżultati ta’ dik l-evalwazzjoni, il-Kummissjoni għandha tadotta att ta’ implimentazzjoni li jiddetermina jekk il-miżura nazzjonali tkunx ġustifikata jew le u, meta jkun meħtieġ, tipproponi miżuri xierqa.

Il-Kummissjoni għandha tindirizza d-deċiżjoni tagħha lill-Istati Membri kollha u għandha tikkomunikaha minnufih lilhom u lill-operatur jew lill-operaturi ekonomiċi rilevanti.

Artikolu 25
Nuqqas ta’ konformità formali

1.Mingħajr preġudizzju għall-Artikolu 22, meta awtorità tas-sorveljanza tas-suq tagħmel waħda mis-sejbiet li ġejjin, hija għandha tesiġi li l-operatur ekonomiku rilevanti jtemm in-nuqqas ta’ konformità kkonċernat:

(a)il-markatura CE tkun twaħħlet bi ksur tal-Artikolu 14 jew ma tkun twaħħlet xejn;

(b)il-passaport tal-prodotti ma jkunx tfassal f’konformità mal-Artikoli 18 u 19;

(c)id-dokumentazzjoni teknika msemmija fl-Artikolu 7(2) ma tkunx disponibbli jew ma tkunx kompluta;

(d)il-mezz ta’ data li permezz tiegħu jkun aċċessibbli l-passaport tal-prodotti u, fejn rilevanti, it-tikketta diġitali, ma jkunx preżenti fuq id-deterġent jew fuq l-aġent tensjoattiv, l-imballaġġ tagħhom, id-dokumentazzjoni li takkumpanjahom jew fuq l-istazzjon ta’ rikarika, kif applikabbli;

(e)it-tikketta ma tkunx ġiet ipprovduta jew l-informazzjoni tat-tikkettar imsemmija fl-Artikoli 15 u fl-Anness V tkun falza jew mhux kompluta;

2.Meta n-nuqqas ta’ konformità msemmi fil-paragrafu 1 jippersisti, l-Istat Membru kkonċernat għandu jieħu l-miżuri kollha xierqa biex jirrestrinġi jew jipprojbixxi li d-deterġent jew l-aġent tensjoattiv jitqiegħed fis-suq jew jiżgura li dan jissejjaħ lura jew jiġi rtirat mis-suq.

KAPITOLU VII

SETGĦAT DELEGATI U PROĊEDURA TA’ KUMITAT

Artikolu 26
Setgħat delegati

1.Il-Kummissjoni għandha s-setgħa li tadotta atti delegati f’konformità mal-Artikolu 27 biex temenda l-Anness VI, fir-rigward tal-informazzjoni li għandha tiġi pprovduta fil-passaport tal-prodotti, għall-finijiet tal-adattament tagħha għall-progress tekniku u xjentifiku u għal-livell ta’ prontezza diġitali tal-awtoritajiet tas-sorveljanza tas-suq u tal-utenti finali.

2.Il-Kummissjoni għandha s-setgħa li tadotta atti delegati f’konformità mal-Artikolu 27, biex temenda l-Artikolu 20(1) billi tirrikjedi li informazzjoni addizzjonali fost l-informazzjoni elenkata fl-Anness VI tiġi maħżuna fir-reġistru.

Meta tadotta l-atti delegati f’konformità mal-ewwel subparagrafu, il-Kummissjoni għandha tqis il-kriterji li ġejjin:

(a)il-koerenza ma’ atti rilevanti oħra tal-Unjoni fejn rilevanti;

(b)il-ħtieġa li tkun tista’ ssir il-verifika tal-awtentiċità tal-passaport tal-prodotti;

(c)ir-rilevanza tal-informazzjoni għat-titjib tal-effiċjenza u tal-effettività tal-verifiki tas-sorveljanza tas-suq u tal-kontrolli doganali għad-deterġenti u l-aġenti tensjoattivi;

(d)il-ħtieġa li jiġi evitat piż amministrattiv sproporzjonat għall-operaturi ekonomiċi.

3.Il-Kummissjoni għandha s-setgħa li tadotta atti delegati f’konformità mal-Artikolu 27 biex tissupplimenta dan ir-Regolament billi tiddetermina informazzjoni addizzjonali maħżuna fir-reġistru msemmi fl-Artikolu 20(1) li għandha tiġi kkontrollata mill-awtoritajiet doganali.

4.Il-Kummissjoni għandha s-setgħa li tadotta atti delegati f’konformità mal-Artikolu 27 biex temenda dan ir-Regolament billi tipprovdi Anness li jkun fih lista ta’ kodiċijiet tan-Nomenklatura Magħquda, kif stabbilit fl-Anness I tar-Regolament (KEE) Nru 2658/87, u deskrizzjonijiet tal-prodott ta’ deterġenti u aġenti tensjoattivi u billi taġġorna tali Anness.

5.Il-Kummissjoni għandha s-setgħa li tadotta atti delegati f’konformità mal-Artikolu 27 biex temenda l-Annessi I sa VII biex jittieħed kont tal-progress xjentifiku u tekniku.

6.Meta evidenza xjentifika ġdida tindika l-ħtieġa li jiġu introdotti rekwiżiti ta’ bijodegradabbiltà għal sustanzi u taħlitiet għajr aġenti tensjoattivi fid-deterġenti, inkluż kapsuli ta’ deterġenti, il-Kummissjoni għandha s-setgħa li tadotta atti delegati f’konformità mal-Artikolu 27 biex temenda l-Anness I biex tistabbilixxi kriterji ta’ bijodegradabbiltà għal dawk is-sustanzi u taħlitiet u metodi ta’ ttestjar biex tiġi vverifikata l-konformità magħhom.

Meta tadotta atti delegati f’konformità mal-ewwel subparagrafu, il-Kummissjoni għandha tqis il-prattiki attwali tal-manifattura, id-disponibbiltà ta’ alternattivi teknikament u ekonomikament fattibbli u l-impatti għall-intrapriżi żgħar u ta’ daqs medju.

7.Meta jkunu stabbiliti limiti ta’ konċentrazzjoni individwali bbażati fuq ir-riskju għall-allerġeni tal-fwieħa fir-Regolament (KE) Nru 1223/2009 tal-Parlament Ewropew u tal-Kunsill 46 , il-Kummissjoni għandha tadotta atti delegati f’konformità mal-Artikolu 27 biex temenda l-Anness V sabiex tadatta l-limiti tal-fwejjaħ allerġeniċi elenkati fl-Anness III ta’ dak ir-Regolament skont dan.

8.Sa [Uffiċċju tal-Pubblikazzjonijiet jekk jogħġbok daħħal id-data = l-ewwel jum tax-xahar wara 30 xahar wara d-data tad-dħul fis-seħħ ta’ dan ir-Regolament], il-Kummissjoni għandha tadotta atti delegati f’konformità mal-Artikolu 27 biex tissupplimenta dan ir-Regolament, billi tiddetermina r-rekwiżiti speċifiċi għat-tikkettar diġitali tad-deterġenti. Dawk ir-rekwiżiti għandhom tal-anqas jistabbilixxu t-tipi ta’ soluzzjonijiet tal-IT, li l-operaturi ekonomiċi jistgħu jużaw, u l-mezzi alternattivi għall-għoti tal-informazzjoni dwar it-tikketta diġitali, imsemmija fl-Artikolu 17.

Meta tadotta l-att delegat imsemmi fl-ewwel subparagrafu, il-Kummissjoni għandha tqis il-kriterji li ġejjin:

(a)il-koerenza ma’ atti rilevanti oħra tal-Unjoni fejn rilevanti;

(b)il-ħtieġa li tiġi mħeġġa l-innovazzjoni;

(c)in-newtralità teknoloġika kkaratterizzata min-nuqqas ta’ restrizzjonijiet jew preskrizzjonijiet dwar l-għażla tat-teknoloġija jew tat-tagħmir, fil-limiti tal-kompatibbiltà u l-evitar tal-interferenza;

(d)il-ħtieġa li t-tikkettar diġitali ma jikkompromettix is-sikurezza tal-utenti finali u tal-ambjent.

(e)il-livell ta’ prontezza diġitali fost il-gruppi kollha tal-popolazzjoni fl-Unjoni.

9.Il-Kummissjoni għandha s-setgħa li tadotta atti delegati f’konformità mal-Artikolu 27 biex temenda l-Anness V, fir-rigward tal-informazzjoni tat-tikkettar, li l-operaturi ekonomiċi jistgħu jipprovdu biss b’mod diġitali f’konformità mal-Artikolu 16, għall-finijiet tal-adattament tagħha għall-progress tekniku u xjentifiku u għal-livell ta’ prontezza diġitali fost l-utenti finali tad-deterġenti. Meta tadotta dawk l-atti delegati, il-Kummissjoni għandha tqis il-ħtieġa li jiġi żgurat livell għoli ta’ protezzjoni tas-saħħa u tal-ambjent.

Artikolu 27
Eżerċitar tad-delega

1.Is-setgħa ta’ adozzjoni ta’ atti delegati hija mogħtija lill-Kummissjoni suġġett għall-kundizzjonijiet stabbiliti f’dan l-Artikolu.

2.Il-Kummissjoni għandha tingħata s-setgħa ta’ adozzjoni ta’ atti delegati msemmija fl-Artikolu 26 għal perjodu ta’ żmien indeterminat.

3.Id-delega tas-setgħa msemmija fl-Artikolu 26 tista’ tiġi revokata fi kwalunkwe mument mill-Parlament Ewropew jew mill-Kunsill. Deċiżjoni li tirrevoka għandha ttemm id-delega tas-setgħa speċifikata f’dik id-deċiżjoni. Din għandha ssir effettiva l-għada tal-pubblikazzjoni tad-deċiżjoni f’Il-Ġurnal Uffiċjali tal-Unjoni Ewropea jew f’data aktar tard speċifikata fih. Ma għandhiex taffettwa l-validità ta’ kwalunkwe att delegat li jkun diġà fis-seħħ.

4.Qabel ma tadotta att delegat, il-Kummissjoni għandha tikkonsulta mal-esperti maħtura minn kull Stat Membru f’konformità mal-prinċipji stabbiliti fil-Ftehim Interistituzzjonali dwar it-Tfassil Aħjar tal-Liġijiet tat-13 ta’ April 2016.

5.Hekk kif tadotta att delegat, il-Kummissjoni għandha tinnotifikah simultanjament lill-Parlament Ewropew u lill-Kunsill.

6.Att delegat adottat skont l-Artikolu 26 għandu jidħol fis-seħħ biss jekk la l-Parlament Ewropew u lanqas il-Kunsill ma jkunu oġġezzjonaw għalih fi żmien xahrejn min-notifika ta’ dak l-att lill-Parlament Ewropew u lill-Kunsill jew jekk, qabel ma jiskadi dak il-perjodu, kemm il-Parlament Ewropew kif ukoll il-Kunsill ikunu informaw lill-Kummissjoni li ma jkunux se joġġezzjonaw għalih. Dak il-perjodu għandu jiġi estiż b’xahrejn fuq inizjattiva tal-Parlament Ewropew jew tal-Kunsill.

Artikolu 28
Proċedura ta’ kumitat

1.Il-Kummissjoni għandha tkun assistita mill-Kumitat dwar id-deterġenti. Dak il-kumitat għandu jkun kumitat skont it-tifsira tar-Regolament (UE) Nru 182/2011.

2.Meta ssir referenza għal dan il-paragrafu, għandu japplika l-Artikolu 5 tar-Regolament (UE) Nru 182/2011.

KAPITOLU VIII

DISPOŻIZZJONIJIET TRANŻIZZJONALI U FINALI

Artikolu 29
Penali

L-Istati Membri għandhom jistabbilixxu r-regoli dwar il-penali applikabbli għal ksur ta’ dan ir-Regolament u għandhom jieħdu l-miżuri kollha meħtieġa biex jiżguraw li dawn jiġu implimentati. Il-penali previsti għandhom ikunu effettivi, proporzjonati u dissważivi. L-Istati Membri għandhom, mingħajr dewmien, jinnotifikaw lill-Kummissjoni dwar dawk il-miżuri u bi kwalunkwe emenda sussegwenti li taffettwahom.

Artikolu 30

Emenda tar-Regolament (UE) 2019/1020

Fl-Anness I tar-Regolament (UE) 2019/1020, il-punt 15 huwa sostitwit b’dan li ġej:

“15. Ir-Regolament (UE) …/… tal-Parlament Ewropew u tal-Kunsill ta’ ... dwar it-tqegħid fis-suq ta’ deterġenti u aġenti tensjoattivi (ĠU L …)”.

Artikolu 31
Rapport

Sa [Uffiċċju tal-Pubblikazzjonijiet: jekk jogħġbok daħħal id-data = 5 snin mid-data tal-applikazzjoni ta’ dan ir-Regolament], il-Kummissjoni għandha tissottometti lill-Parlament Ewropew u lill-Kunsill rapport dwar l-applikazzjoni ta’ dan ir-Regolament.Ir-rapport għandu jkun fih valutazzjoni ta’ kif dan ir-Regolament ikun qed jilħaq l-objettivi tiegħu, inkluża valutazzjoni dwar l-impatt fuq l-intrapriżi żgħar u ta’ daqs medju.

Artikolu 32

Rieżami tal-mikroorganiżmi

Sa [Uffiċċju tal-Pubblikazzjonijiet: jekk jogħġbok daħħal id-data = 3 snin mid-data tal-applikazzjoni ta’ dan ir-Regolament], il-Kummissjoni għandha tivvaluta l-effettività u r-rilevanza tar-rekwiżiti ta’ dan ir-Regolament għad-deterġenti li fihom il-mikroorganiżmi kif ukoll il-possibbiltà li tinkludi mikroorganiżmi jew razez ta’ mikroorganiżmi ġodda permessi fid-deterġenti fl-Anness II.

Artikolu 33
Tħassir tar-Regolament (KE) Nru 648/2004

Ir-Regolament (KE) Nru 648/2004 jitħassar.

Ir-referenzi għar-Regolament imħassar għandhom jinftiehmu bħala referenzi għal dan ir-Regolament u jinqraw f’konformità mat-tabella ta’ korrelazzjoni fl-Anness VIII.

Artikolu 34

Dispożizzjonijiet tranżizzjonali

L-Istati Membri ma għandhomx jimpedixxu t-tqegħid fis-suq ta’ deterġenti u aġenti tensjoattivi li jiġu introdotti fis-suq qabel [Uffiċċju tal-Pubblikazzjonijiet: jekk jogħġbok daħħal id-data = 30 xahar mid-data tad-dħul fis-seħħ ta’ dan ir-Regolament] f’konformità mar-Regolament (KE) Nru 648/2004 kif applikabbli fi … [Uffiċċju tal-Pubblikazzjonijiet:jekk jogħġbok daħħal id-data = jum qabel 30 xahar mid-data tad-dħul fis-seħħ ta’ dan ir-Regolament]

Deterġenti u aġenti tensjoattivi li, jiġu introdotti fis-suq wara [Uffiċċju tal-Pubblikazzjonijiet: jekk jogħġbok daħħal id-data tal-applikazzjoni = jum qabel 30 xahar mid-data tad-dħul fis-seħħ ta’ dan ir-Regolament] u li fil-mument tal-introduzzjoni tagħhom fis-suq jikkonformaw mar-Regolament (KE) Nru 648/2004 kif applikabbli fi [Uffiċċju tal-Pubblikazzjonijiet:jekk jogħġbok daħħal id-data tal-applikazzjoni = jum qabel 30 xahar mid-data tad-dħul fis-seħħ ta’ dan ir-Regolament], jistgħu jitqiegħdu fis-suq sa [Uffiċċju tal-Pubblikazzjonijiet: jekk jogħġbok daħħal id-data = 36 xahar mid-data tad-dħul fis-seħħ ta’ dan ir-Regolament].

Artikolu 35

Dħul fis-seħħ u applikazzjoni

Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.

Dan ir-Regolament għandu japplika minn [Uffiċċju tal-Pubblikazzjonijiet: jekk jogħġbok daħħal id-data = 30 xahar mid-data tad-dħul fis-seħħ ta’ dan ir-Regolament].

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussell,

(1)    ĠU L 104, 8.4.2004, p. 1.

(2)    L-aġenti tensjoattivi huma aġenti li jaħdmu fuq is-superfiċe li jgħinu biex ikissru l-interfaċċja bejn l-ilma u ż-żjut u/jew il-ħmieġ. Huma wieħed mill-ingredjenti ewlenin użati fid-deterġenti.

(3)    L-Evalwazzjoni tar-Regolament (KE) Nru 648/2004 tal-Parlament Ewropew u tal-Kunsill tal-31 ta’ Marzu 2004 dwar deterġenti, SWD(2019)298

(4)    Il-Kontroll tal-Idoneità tal-aktar leġiżlazzjoni rilevanti dwar is-sustanzi kimiċi (eskluż ir-REACH) SWD(2019)199

(5)    Il-Komunikazzjoni tal-Kummissjoni lill-Parlament Ewropew, lill-Kunsill, lill-Kumitat Ekonomiku u Soċjali Ewropew u lill-Kumitat tar-Reġjuni, Aġġornament tal-Istrateġija Industrijali l-Ġdida tal-2020: Nibnu Suq Uniku aktar b’saħħtu għall-irkupru tal-Ewropa; COM(2021) 350 final

(6)    Il-Komunikazzjoni tal-Kummissjoni lill-Parlament Ewropew, lill-Kunsill, lill-Kumitat Ekonomiku u Soċjali Ewropew u lill-Kumitat tar-Reġjuni, Il-Kompetittività fit-tul tal-UE: inħarsu lil hinn mill-2030; 168 final

(7)    https://ec.europa.eu/info/publications/2022-commission-work-programme-key-documents_mt

(8)    L-Evalwazzjoni tar-Regolament (KE) Nru 648/2004 tal-Parlament Ewropew u tal-Kunsill tal-31 ta’ Marzu 2004 dwar deterġenti, SWD(2019)298

(9)    Il-Kontroll tal-Idoneità tal-aktar leġiżlazzjoni l-aktar rilevanti dwar is-sustanzi kimiċi (eskluż ir-REACH), SWD(2019)199

(10)    Id-Dokument ta’ Ħidma tal-Persunal tal-Kummissjoni - Rapport tal-valutazzjoni tal-impatt li jakkumpanja l-Proposta għal Regolament tal-Parlament Ewropew u tal-Kunsill dwar id-deterġenti u l-aġenti tensjoattivi, li jemenda r-Regolament (UE) 2019/1020 u li jħassar ir-Regolament (KE) Nru 648/2004.

(11)    Ir-Regolament (KE) Nru 1272/2008 tal-Parlament Ewropew u tal-Kunsill tas-16 ta’ Diċembru 2008 dwar il-klassifikazzjoni, l-ittikkettar u l-imballaġġ tas-sustanzi u t-taħlitiet, li jemenda u jħassar id-Direttivi 67/548/KEE u 1999/45/KE, u li jemenda r-Regolament (KE) Nru 1907/2006

(12)    Ir-Regolament (KE) Nru 1907/2006 tal-Parlament Ewropew u tal-Kunsill tat-18 ta’ Diċembru 2006 dwar ir-Reġistrazzjoni, il-Valutazzjoni, l-Awtorizzazzjoni u r-Restrizzjoni ta’ Sustanzi Kimiċi (REACH), li jistabbilixxi Aġenzija Ewropea għas-Sustanzi Kimiċi, li jemenda d-Direttiva 1999/45/KE u li jħassar ir-Regolament (KEE) Nru 793/93 tal-Kunsill u r-Regolament (KE) Nru 1488/94 tal-Kummissjoni kif ukoll id-Direttiva 76/769/KEE tal-Kunsill u d-Direttivi 91/155/KEE, 93/67/KEE, 93/105/KE u 2000/21/KE tal-Kummissjoni

(13)    SWD(2022)364.

(14)    Il-Proposta għal Regolament tal-Parlament Ewropew u tal-Kunsill li jistabbilixxi qafas għall-iffissar ta’ rekwiżiti għall-ekodisinn għal prodotti sostenibbli u li jħassar id-Direttiva 2009/125/KE tat-30 ta’ Marzu 2022, COM(2022) 142 final.

(15)    Il-Proposta għal Regolament tal-Parlament Ewropew u tal-Kunsill dwar l-imballaġġ u l-iskart mill-imballaġġ, li jemenda r-Regolament (UE) 2019/1020 u d-Direttiva (UE) 2019/904, u li jħassar id-Direttiva 94/62/KE, COM(2022)677.

(16)     https://digital-strategy.ec.europa.eu/mt/library/european-declaration-digital-rights-and-principles  

(17)    Il-Komunikazzjoni tal-Kummissjoni lill-Parlament Ewropew, lill-Kunsill, lill-Kumitat Ekonomiku u Soċjali Ewropew u lill-Kumitat tar-Reġjuni, Aġġornament tal-Istrateġija Industrijali l-Ġdida tal-2020: Nibnu Suq Uniku aktar b’saħħtu għall-irkupru tal-Ewropa; COM(2021) 350 final

(18)    Pjan Industrijali tal-Patt Ekoloġiku għall-Era b’Emissjonijiet Żero Netti: https://commission.europa.eu/document/41514677-9598-4d89-a572-abe21cb037f4_mt

(19)    Il-Komunikazzjoni tal-Kummissjoni lill-Parlament Ewropew, lill-Kunsill, lill-Kumitat Ekonomiku u Soċjali Ewropew u lill-Kumitat tar-Reġjuni Strateġija dwar is-Sustanzi Kimiċi għas-Sostenibbiltà Lejn Ambjent Ħieles mit-Tossiċità; COM 667 final

(20)    Ir-Regolament (KE) Nru 66/2010 tal-Parlament Ewropew u tal-Kunsill tal-25 ta’ Novembru 2009 dwar skema ta’ Ekotikketta tal-UE

(21)    Ir-Regolament (UE) 2019/1009 tal-Parlament Ewropew u tal-Kunsill tal-5 ta’ Ġunju 2019 li jistabbilixxi regoli dwar it-tpoġġija għad-dispożizzjoni fis-suq ta’ prodotti fertilizzanti tal-UE u li jemenda r-Regolamenti (KE) Nru 1069/2009 u (KE) Nru 1107/2009 u li jħassar ir-Regolament (KE) Nru 2003/2003

(22)    L-introduzzjoni ta’ rekwiżiti ta’ tikkettar taħt l-għażla 1a kienet l-aktar għażla ppreferuta

(23)    Dan jikkonċerna l-introduzzjoni ta’ rekwiżiti b’mod ġenerali, jiġifieri kemm taħt l-għażla 1a kif ukoll taħt l-għażla 1b.

(24)     https://sdgs.un.org/goals

(25)    Id-Deċiżjoni Nru 768/2008/KE tal-Parlament Ewropew u tal-Kunsill tad-9 ta’ Lulju 2008 dwar qafas komuni għall-kummerċjalizzazzjoni ta’ prodotti u li tħassar id-Deċiżjoni 93/465/KEE; ELI: http://data.europa.eu/eli/dec/2008/768(1)/oj .

(26)    SWD(2022)364.

(27)    Il-Proposta għal Regolament tal-Parlament Ewropew u tal-Kunsill li jistabbilixxi qafas għall-iffissar ta’ rekwiżiti għall-ekodisinn għal prodotti sostenibbli u li jħassar id-Direttiva 2009/125/KE tat-30 ta’ Marzu 2022, COM(2022) 142 final.

(28)    ĠU C , , p. .

(29)    Ir-Regolament (KE) Nru 648/2004 tal-Parlament Ewropew u tal-Kunsill tal-31 ta’ Marzu 2004 dwar deterġenti (ĠU L 104, 8.4.2004, p. 1).

(30)    L-Evalwazzjoni tar-Regolament (KE) Nru 648/2004 tal-Parlament Ewropew u tal-Kunsill tal-31 ta’ Marzu 2004 dwar deterġenti ( SWD(2019)298 ).

(31)    Il-Kontroll tal-Idoneità tal-aktar leġiżlazzjoni rilevanti dwar is-sustanzi kimiċi (eskluż REACH), SWD(2019)199

(32)    Ir-Regolament (KE) Nru 1907/2006 tal-Parlament Ewropew u tal-Kunsill tat-18 ta’ Diċembru 2006dwar ir-Reġistrazzjoni, il-Valutazzjoni, l-Awtorizzazzjoni u r-Restrizzjoni ta’ Sustanzi Kimiċi (REACH),li jistabbilixxi Aġenzija Ewropea għas-Sustanzi Kimiċi, li jemenda d-Direttiva 1999/45/KE u li jħassarir-Regolament (KEE) Nru 793/93 tal-Kunsill u r-Regolament (KE) Nru 1488/94 tal-Kummissjoni kif ukollid-Direttiva 76/769/KEE tal-Kunsill u d-Direttivi 91/155/KEE, 93/67/KEE, 93/105/KE u2000/21/KE tal-Kummissjoni (ĠU L 396, 30.12.2006, p. 1).

(33)    Id-Deċiżjoni Nru 768/2008/KE tal-Parlament Ewropew u tal-Kunsill tad-9 ta’ Lulju 2008 dwar qafas komuni għall-kummerċjalizzazzjoni ta’ prodotti u li tħassar id-Deċiżjoni 93/465/KEE (ĠU L 218, 13.8.2008, p. 82).

(34)    Ir-Regolament (UE) Nru 528/2012 tal-Parlament Ewropew u tal-Kunsill tat-22 ta’ Mejju 2012 dwar it-tqegħid fis-suq u l-użu tal-prodotti bijoċidali (ĠU L 167, 27.6.2012, p. 1).

(35)    Ir-Regolament (KE) Nru 1272/2008 tal-Parlament Ewropew u tal-Kunsill tas-16 ta’ Diċembru 2008 dwar il-klassifikazzjoni, l-ittikkettar u l-imballaġġ tas-sustanzi u t-taħlitiet, li jemenda u jħassar id-Direttivi 67/548/KEE u 1999/45/KE, u li jemenda r-Regolament (KE) Nru 1907/2006 (ĠU L 353, 31.12.2008, p. 1).

(36)    Ir-Regolament (KE) Nru 765/2008 tal-Parlament Ewropew u tal-Kunsill tad-9 ta’ Lulju 2008 li jistabbilixxi r-rekwiżiti għall-akkreditazzjoni u li jħassar ir-Regolament (KEE) Nru 339/93 (ĠU L 218, 13.8.2008, p. 30).

(37)    Ir-Regolament (UE) 2019/1020 tal-Parlament Ewropew u tal-Kunsill tal-20 ta’ Ġunju 2019 dwar is-sorveljanza tas-suq u l-konformità tal-prodotti u li jemenda d-Direttiva 2004/42/KE u r-Regolamenti (KE) Nru 765/2008 u (UE) Nru 305/2011 (ĠU L 169, 25.6.2019, p. 1).

(38)    Ir-Regolament (UE) Nru 952/2013 tal-Parlament Ewropew u tal-Kunsill tad-9 ta’ Ottubru 2013 li jistabbilixxi l-Kodiċi Doganali tal-Unjoni (ĠU L 269, 10.10.2013, p. 1).

(39)    ĠU L 123, 12.5.2016, p. 1.    

(40)    Ir-Regolament (UE) Nru 182/2011 tal-Parlament Ewropew u tal-Kunsill tas-16 ta’ Frar 2011 li jistabbilixxi r-regoli u l-prinċipji ġenerali dwar il-modalitajiet ta’ kontroll mill-Istati Membri tal-eżerċizzju mill-Kummissjoni tas-setgħat ta’ implimentazzjoni (ĠU L 55, 28.2.2011, p. 13)

(41)    Ir-Regolament (KE) Nru 1907/2006 tal-Parlament Ewropew u tal-Kunsill tat-18 ta’ Diċembru 2006 dwar ir-Reġistrazzjoni, il-Valutazzjoni, l-Awtorizzazzjoni u r-Restrizzjoni ta’ Sustanzi Kimiċi (REACH), li jistabbilixxi Aġenzija Ewropea għas-Sustanzi Kimiċi, li jemenda d-Direttiva 1999/45/KE u li jħassar ir-Regolament (KEE) Nru 793/93 tal-Kunsill u r-Regolament (KE) Nru 1488/94 tal-Kummissjoni kif ukoll id-Direttiva 76/769/KEE tal-Kunsill u d-Direttivi 91/155/KEE, 93/67/KEE, 93/105/KE u 2000/21/KE tal-Kummissjoni (ĠU L 396, 30.12.2006, p. 1).

(42)    Ir-Regolament (KE) Nru 1272/2008 tal-Parlament Ewropew u tal-Kunsill tas-16 ta’ Diċembru 2008 dwar il-klassifikazzjoni, l-ittikkettar u l-imballaġġ tas-sustanzi u t-taħlitiet, li jemenda u jħassar id-Direttivi 67/548/KEE u 1999/45/KE, u li jemenda r-Regolament (KE) Nru 1907/2006 (ĠU L 353, 31.12.2008, p. 1).

(43)    Ir-Regolament (UE) Nru 528/2012 tal-Parlament Ewropew u tal-Kunsill tat-22 ta’ Mejju 2012 dwar it-tqegħid fis-suq u l-użu tal-prodotti bijoċidali (ĠU L 167, 27.6.2012, p. 1).

(44)    Ir-Regolament (UE) 2022/2399 tal-Parlament Ewropew u tal-Kunsill tat-23 ta’ Novembru 2022 li jistabbilixxi l-Ambjent ta’ Tieqa Unika tal-Unjoni Ewropea għad-Dwana u li jemenda r-Regolament (UE) Nru 952/2013 (ĠU L 317, 9.12.2022, p. 1).

(45)    Ir-Regolament ta’ Delega tal-Kummissjoni (UE) Nru 1062/2014 tal-4 ta’ Awwissu 2014 dwar il-programm ta’ ħidma għall-evalwazzjoni sistematika tas-sustanzi attivi bijoċidali kollha li jeżistu fil-prodotti bijoċidali msemmijin fir-Regolament (UE) Nru 528/2012 tal-Parlament Ewropew u tal-Kunsill (ĠU L 294, 10.10.2014, p. 1).

(46)    Ir-Regolament (KE) Nru 1223/2009 tal-Parlament Ewropew u tal-Kunsill tat-30 ta’ Novembru 2009 dwar il-prodotti kożmetiċi (ĠU L 342, 22.12.2009, p. 59).

IL-KUMMISSJONI EWROPEA

Brussell, 28.4.2023

COM(2023) 217 final

ANNESSI

tal-

proposta għal Regolament tal-Parlament Ewropew u tal-Kunsill

dwar deterġenti u aġenti tensjoattivi, li jemenda r-Regolament (UE) 2019/1020 u li jħassar ir-Regolament (KE) Nru 648/2004

{SEC(2023) 170 final} - {SWD(2023) 113 final} - {SWD(2023) 114 final} - {SWD(2023) 115 final}

REKWIŻITI TA’ BIJODEGRADABBILTÀ MSEMMIJA FL-ARTIKOLU 4

KRITERJI TA’ BIJODEGRADIBBILTÀ FINALI U METODI TA’ TTESTJAR GĦALL-AĠENTI TENSJOATTIVI U GĦALL-AĠENTI TENSJOATTIVI FID-DETERĠENTI

1.Il-metodu ta’ referenza għall-ittestjar fil-laboratorju tal-bijodegradabbiltà finali tal-aġenti tensjoattivi f’dan ir-Regolament huwa bbażat fuq l-istandard EN ISO 14593: 1999 (test tal-ispazju vojt fuqani tas-CO2).

2.L-aġenti tensjoattivi u l-aġenti tensjoattivi li jinsabu fid-deterġenti għandhom ikunu finalment bijodegradabbli kif iddeterminat f’konformità mal-kriterji stabbiliti fil-punt 3.

3.L-aġenti tensjoattivi u l-aġenti tensjoattivi li jinsabu fid-deterġenti għandhom jitqiesu bħala finalment bijodegradabbli jekk jissodisfaw wieħed mill-kriterji li ġejjin:

(a)il-livell ta’ bijodegradabbiltà (mineralizzazzjoni) ikun mill-anqas 60 % fi żmien 28 jum imkejjel f’konformità ma’ wieħed mill-metodi ta’ ttestjar li ġejjin:

(i)l-Istandard EN ISO 14593: 1999 — Kwalità tal-ilma — Evalwazzjoni tal-bijodegradabbiltà aerobika finali ta’ komposti organiċi f’medium milwiem — Metodu bl-analiżi tal-karbonju inorganiku f’reċipjenti ssiġillati (test tas-CO2 tal-ispazju vojt fuqani);

(ii)il-metodu C.4.-C Test tal-Evoluzzjoni tad-diossidu tal-karbonju (CO2) (Test Sturm Modifikat), deskritt fil-Parti C, il-Parti IV, tal-Anness tar-Regolament tal-Kummissjoni (KE) Nru 440/2008 1 ;

(iii)il-metodu C.4-D, it-test tar-respirometrija manometrika, deskritt fil-Parti C, il-Parti V, tal-Anness tar-Regolament (KE) Nru 440/2008;

(iv)il-metodu C.4-E, it-test tal-flixkun magħluq, deskritt fil-Parti C, il-Parti VI, tal-Anness tar-Regolament (KE) Nru 440/2008;

(v)il-metodu C.4-F Il-Ministeru għall-Kummerċ Internazzjonali u l-Industrija, il-Ġappun (M.I.T.I.) deskritt fil-Parti C, il-Parti VII, tal-Anness tar-Regolament (KE) Nru 440/2008;

(vi)ISO 10708: 1997 — Kwalità tal-ilma — Evalwazzjoni f’medium milwiem tal-bijodegradabbiltà aerobika finali ta’ komposti organiċi — Determinazzjoni tad-domanda bijokimika ta’ ossiġenu f’test tal-flixkun magħluq f’żewġ fażijiet.

(b)il-livell ta’ bijodegradabbiltà (mineralizzazzjoni) ikun mill-anqas 70 % fi żmien 28 jum imkejjel f’konformità ma’ wieħed mill-metodi ta’ ttestjar li ġejjin:

(i)il-metodu C.4-A, it-test tat-tmewwit tal-karbonju organiku dissolt deskritt fil-Parti C, il-Parti II, tal-Anness tar-Regolament (KE) Nru 440/2008;

(ii)il-metodu C.4-B, it-test ta’ skrinjar modifikat tal-OECD deskritt fil-Parti C, il-Parti III, tal-Anness tar-Regolament (KE) Nru 440/2008.

Ma għandux jintuża adattament minn qabel u l-prinċipju tat-tieqa ta’ 10 ijiem ma għandu jiġi applikat fl-ebda metodu ta’ ttestjar imsemmi fil-punti (a) u (b).

4.It-testijiet imsemmija fil-punt 3 għandhom jitwettqu minn laboratorji li jissodisfaw kwalunkwe waħda mill-kundizzjonijiet li ġejjin:

(a)il-laboratorji jikkonformaw mal-prinċipji ta’ prattika tajba tal-laboratorju previsti fid-Direttiva 2004/10/KE tal-Parlament Ewropew u tal-Kunsill 2 jew standards internazzjonali rikonoxxuti bħala ekwivalenti;

(b)il-laboratorji jkunu akkreditati f’konformità mal-istandard għal-laboratorji msemmi fir-Regolament (KE) Nru 765/2008.

ANNESS II

REKWIŻITI GĦAD-DETERĠENTI LI FIHOM IL-MIKROORGANIŻMI MSEMMIJA FL-ARTIKOLU 5

1.Il-mikroorganiżmi miżjuda intenzjonalment mad-deterġenti għandhom jikkonformaw mal-kundizzjonijiet li ġejjin:

(a)għandu jkollhom numru tal-American Type Culture Collection (ATCC), jappartjenu għal ġabra ta’ Awtorità Depożitarja Internazzjonali (IDA) jew kellhom id-DNA tagħhom identifikat f’konformità ma’ “Protokoll ta’ identifikazzjoni tar-razza” (bl-użu ta’ sekwenzjar tad-DNA ribożomali 16S jew metodu ekwivalenti);

(b)għandhom jappartjenu għat-tnejn li ġejjin:

(i)Il-Grupp ta’ Riskju I kif definit mid-Direttiva 2000/54/KE – aġenti bijoloġiċi fuq il-post tax-xogħol;

(ii)Il-lista tal-Preżunzjoni ta’ Sikurezza Kwalifikata (QPS) maħruġa mill-Awtorità Ewropea dwar is-Sigurtà fl-Ikel (EFSA).

Dan il-punt ma għandux japplika għall-mikroorganiżmi miżjuda intenzjonalment ma’ deterġenti introdotti fis-suq għal skopijiet ta’ riċerka u żvilupp.

2.Il-mikroorganiżmi patoġeniċi li ġejjin ma għandhom ikunu preżenti fl-ebda waħda mir-razez inklużi fil-prodott lest meta jiġu skrinjati bl-użu tal-metodi ta’ ttestjar indikati jew ekwivalenti:

(a)E. coli, metodu ta’ ttestjar ISO 16649-3:2005;

(b)Streptococcus (Enterococcus), metodu ta’ ttestjar ISO 21528-1:2004;

(c)Staphylococcus aureus, metodu ta’ ttestjar ISO 6888-1;

(d)Bacillus cereus, metodu ta’ ttestjar ISO 7932:2004 jew ISO 21871;

(e)Salmonella, metodu ta’ ttestjar ISO 6579:2002 jew ISO 19250.

3.Il-mikroorganiżmi miżjuda intenzjonalment ma għandhomx ikunu mikroorganiżmi ġenetikament modifikati.

4.Il-mikroorganiżmi miżjuda intenzjonalment għandhom ikunu, bl-eċċezzjoni tar-reżistenza intrinsika, suxxettibbli għal kull waħda mill-klassijiet ta’ antibijotiċi ewlenin, jiġifieri amminoglikosidi, makrolidi, betalattamiċi, tetraċiklini u fluworokinoloni, f’konformità mal-metodu ta’ diffużjoni madwar id-disk tal-Kumitat Ewropew dwar it-Testijiet tas-Suxxettibbiltà (EUCAST) jew ekwivalenti.

5.Meta jiġu introdotti fis-suq, id-deterġenti li jkun fihom il-mikroorganiżmi għandu jkollhom għadd tal-kolonji standard ta’ 1x105 unità li jiffurmaw kolonji (CFUs) jew aktar għal kull ml f’konformità mal-ISO 4833-1:2014.

6.Il-ħajja minima fuq l-ixkaffa ta’ deterġent li jkun fih il-mikroorganiżmi ma għandhiex tkun anqas minn 24 xahar u l-għadd mikrobiku ma għandux jonqos b’aktar minn 10 % kull 12-il xahar f’konformità mal-ISO 4833-1:2014.

7.Il-mikroorganiżmi fid-deterġenti li jiġu introdotti fis-suq f’format ta’ sprej għandhom jgħaddu mit-test tat-tossiċità akuta mill-inalazzjoni f’konformità mal-metodu ta’ ttestjar B.2., deskritt fil-Parti B tal-Anness tar-Regolament (KE) Nru 440/2008.

8.Id-deterġenti li jkun fihom il-mikroorganiżmi ma għandhomx jiġu introdotti fis-suq f’format ta’ rikarika.

9.L-asserzjonijiet kollha magħmula mill-manifattur rigward l-azzjonijiet tal-mikroorganiżmi li jkunu jinsabu fil-prodott għandhom jiġu appoġġati permezz ta’ ttestjar minn partijiet terzi.

10.Huwa pprojbit li jiġi ddikjarat jew issuġġerit fuq it-tikketta jew bi kwalunkwe komunikazzjoni oħra li d-deterġent ikollu effett antimikrobiku jew ta’ diżinfettar, sakemm id-deterġent ma jikkonformax mar-Regolament (UE) Nru 528/2012.

11.It-testijiet imsemmija fil-punti 2, 5, 6, 7 u 9 għandhom jitwettqu minn laboratorji li jissodisfaw kwalunkwe waħda mill-kundizzjonijiet li ġejjin:

(a)il-laboratorji jikkonformaw mal-prinċipji ta’ prattika tajba tal-laboratorju previsti fid-Direttiva 2004/10/KE tal-Parlament Ewropew u tal-Kunsill 3 jew standards internazzjonali rikonoxxuti bħala ekwivalenti;

(b)il-laboratorji jkunu akkreditati f’konformità mal-istandard għal-laboratorji msemmi fir-Regolament (KE) Nru 765/2008.

ANNESS III

LIMITAZZJONIJIET FUQ IL-KONTENUT TAL-FOSFATI U TA’ KOMPOSTI OĦRA TAL-FOSFORU MSEMMIJA FL-ARTIKOLU 6

ANNESS IV

PROĊEDURA TA’ VALUTAZZJONI TAL-KONFORMITÀ MSEMMIJA FL-ARTIKOLU 7(2)

Modulu A - Protokoll intern tal-produzzjoni

1.Deskrizzjoni tal-modulu

Il-kontroll intern tal-produzzjoni huwa l-proċedura ta’ valutazzjoni tal-konformità li biha l-manifattur jissodisfa l-obbligi stabbiliti fil-punti 2, 3 u 4, u jiżgura u jiddikjara fuq ir-responsabbiltà unika tiegħu li d-deterġent jew l-aġent tensjoattiv ikkonċernat jissodisfa r-rekwiżiti ta’ dan ir-Regolament li japplikaw għalih.

2.Dokumentazzjoni teknika

2.1.Il-manifattur għandu jistabbilixxi d-dokumentazzjoni teknika. Id-dokumentazzjoni għandha tagħmilha possibbli li tiġi vvalutata l-konformità tad-deterġent jew tal-aġent tensjoattiv mar-rekwiżiti rilevanti, u għandha tinkludi analiżi u valutazzjoni adegwati tar-riskji.

2.2.Id-dokumentazzjoni teknika għandha tispeċifika r-rekwiżiti applikabbli u tkopri, sa fejn ikun rilevanti għall-valutazzjoni, id-disinn, il-manifattura u l-użu maħsub tad-deterġent jew tal-aġent tensjoattiv. Fejn applikabbli, id-dokumentazzjoni teknika għandha tinkludi tal-anqas l-elementi li ġejjin:

(a)deskrizzjoni ġenerali tad-deterġent jew tal-aġent tensjoattiv u deskrizzjoni tal-użu maħsub;

(b)ir-rapporti tat-testijiet li juru l-konformità mal-Anness I u, fejn applikabbli, mal-Annessi II u III;

(c)lista ta’ metodi ta’ ttestjar użati biex tintwera l-konformità mar-rekwiżiti ta’ dan ir-Regolament;

(d)ir-riżultati tal-kalkoli magħmula u l-eżamijiet imwettqa;

(e)skeda tad-data dwar l-ingredjenti li tissodisfa r-rekwiżiti li ġejjin:

(i)telenka s-sustanzi u l-preservattivi kollha miżjuda intenzjonalment imsemmija fil-Parti A tal-Anness V;

(ii)l-isem kimiku komuni jew l-isem IUPAC u, fejn disponibbli, l-isem INCI, in-numru CAS, u l-isem tal-Farmakopea Ewropea, jingħata għal kull ingredjent;

(iii) is-sustanzi kollha jiġu elenkati fl-ordni ta’ tnaqqis fl-abbundanza skont il-piż, u l-lista tiġi suddiviża fil-meded ta’ perċentwali tal-piż li ġejjin:

(1)10 % jew aktar,

(2)1 % jew aktar, iżda anqas minn 10 %,

(3)0,1 % jew aktar, iżda anqas minn 1 %,

(4)anqas minn 0,1 %.

Għall-finijiet tal-punt (e), fwieħa, żejt essenzjali, jew aġent koloranti għandhom jitqiesu bħala komponent wieħed.

3.Manifattura

Il-manifattur għandu jieħu l-miżuri kollha meħtieġa sabiex il-proċess tal-manifattura u l-monitoraġġ tiegħu jiżguraw il-konformità tad-deterġent jew tal-aġent tensjoattiv mad-dokumentazzjoni teknika msemmija fil-punt 2 u mar-rekwiżiti ta’ dan ir-Regolament li japplikaw għalihom.

ANNESS V

REKWIŻITI TA’ TIKKETTAR

PARTI A – TIKKETTAR TAL-KONTENUT

L-informazzjoni li għandha tiġi inkluża fuq it-tikketti tad-deterġenti u tal-aġenti tensjoattivi li jitqiegħdu fis-suq

1.Il-meded tal-perċentwali tal-piż “anqas minn 5 %”, “5 % jew aktar iżda anqas minn 15 %”, “15 % jew aktar iżda anqas minn 30 %”, “30 % u aktar”, għandhom jintużaw biex jindikaw il-kontenut tal-kostitwenti elenkati hawn taħt meta jiżdiedu f’konċentrazzjoni ta’ aktar minn 0,2 % skont il-piż:

(a)fosfati,

(b)fosfonati,

(c)aġenti tensjoattivi anjoniċi,

(d)aġenti tensjoattivi katjoniċi,

(e)aġenti tensjoattivi amfoteriċi,

(f)aġenti tensjoattivi mhux joniċi,

(g)aġenti tal-ibbliċjar ibbażati fuq l-ossiġenu,

(h)aġenti tal-ibbliċjar ibbażati fuq il-kloru,

(i)EDTA u l-imlieħ tiegħu,

(j)NTA (aċidu nitrilotrijaċetiku) u l-imlieħ tiegħu,

(k)fenoli u fenoli aloġenati,

(l)paradiklorobenżen,

(m)idrokarburi aromatiċi,

(n)idrokarburi alifatiċi,

(o)idrokarburi aloġenati,

(p)sapun,

(q)żeoliti,

(r)polikarbossilati.

2.Il-klassijiet tal-kostitwenti li ġejjin, jekk jiżdiedu, għandhom jiġu elenkati irrispettivament mill-konċentrazzjoni tagħhom:

(a)enzimi,

(b)mikroorganiżmi,

(c)illuminanti ottiċi,

(d)fwejjaħ.

3.Il-preservattivi għandhom jiġu elenkati, bl-użu, meta jkun possibbli, tas-sistema msemmija fl-Artikolu 33 tar-Regolament (KE) Nru 1223/2009, irrispettivament mill-konċentrazzjoni tagħhom, dment li jissodisfaw il-kundizzjonijiet li ġejjin:

(a)jikkontribwixxu għall-kwalifika tad-deterġent bħala oġġett ittrattat skont it-tifsira tal-Artikolu 3(1), il-punt (l) tar-Regolament (UE) Nru 528/2012;

(b)ikunu ttikkettati fuq kostitwent tad-deterġent.

Il-kundizzjoni elenkata fil-punt (b) tal-ewwel subparagrafu ma għandhiex għalfejn tiġi ssodisfata meta l-preservattivi ma jaqbżux il-limiti ta’ eliċitazzjoni msemmija fil-punt 3.4.3.3. / it-Tabella 3.4.6. tal-Anness I tar-Regolament (KE) Nru 1272/2008 jew ma jkunx għad għandhom funzjoni ta’ preservazzjoni fil-prodott finali anki f’sinerġiji ma’ preservattivi oħra.

4.Jekk jiżdiedu f’konċentrazzjonijiet li jaqbżu 0,01 % skont il-piż, il-fwejjaħ allerġeniċi li huma elenkati fl-entrati 45, 67-92 u [X] sa [X] tal-Anness III tar-Regolament (KE) Nru 1223/2009, għandhom jiġu ttikkettati bl-użu tas-sistema msemmija fl-Artikolu 33 ta’ dak ir-Regolament. L-ewwel sentenza ma għandhiex tapplika għal fwejjaħ allerġeniċi li jissodisfaw il-limiti tat-tikkettar skont ir-Regolament (KE) Nru 1272/2008.

5.Ir-rekwiżiti msemmija fil-punti 1 sa 4 ma għandhomx japplikaw għal deterġenti u aġenti tensjoattivi professjonali, dment li l-informazzjoni ekwivalenti għal dik meħtieġa f’dawk il-punti tkun ipprovduta fit-taqsima 15 tal-iskeda tad-data dwar is-sigurtà mfassla skont l-Artikolu 31 tar-Regolament (KE) Nru 1907/2006.

6.Minbarra l-informazzjoni elenkata fil-punti 1 sa 5, kif applikabbli, it-tikketta tad-deterġenti li jkun fihom il-mikroorganiżmi għandu jkollha l-informazzjoni li ġejja:

(a)indikazzjoni jew dikjarazzjoni ta’ prekawzjoni li l-prodott ma għandux jintuża fuq superfiċi f’kuntatt mal-ikel;

(b)indikazzjoni tal-ħajja fuq l-ixkaffa tal-prodott;

(c)istruzzjonijiet dwar l-użu jew prekawzjonijiet speċjali, fejn rilevanti.

PARTI B – TIKKETTAR TAL-INFORMAZZJONI DWAR ID-DOŻAĠĠ

L-informazzjoni li għandha tiġi inkluża fuq it-tikketta tad-deterġenti tal-ħasil tal-ħwejjeġ għall-konsumatur u tad-deterġenti għall-magni tal-ħasil tal-platti awtomatiċi

1.It-tikketta tad-deterġenti tal-ħasil tal-ħwejjeġ għall-konsumatur għandu jkun fiha l-informazzjoni li ġejja:

(a)il-kwantitajiet rakkomandati u/jew l-istruzzjonijiet dwar id-dożaġġ espressi f’millilitri jew grammi xierqa għal ħasla waħda b’magna tal-ħasil standard, għal-livelli ta’ ebusija tal-ilma artab, medju u iebes u li jipprovdu għal proċessi ta’ ħasliet f’ċiklu wieħed jew tnejn,

(b)għal deterġenti magħmula għal xogħol iebes, in-numru ta’ ħasliet b’magna tal-ħasil standard ta’ drapp “bi ħmieġ normali”, u għal deterġenti għal drapp delikat, in-numru ta’ ħasliet b’magna tal-ħasil standard ta’ ħasla ta’ drapp “ftit maħmuġ”, li jistgħu jinħaslu bil-kontenut tal-pakkett bl-użu ta’ ilma ta’ ebusija medja, li jikkorrispondi għal 2,5 millimoli CaCO3/l,

(c)il-kapaċità ta’ kwalunkwe tazza tal-kejl, jekk tkun ipprovduta, għandha tiġi indikata f’millilitri jew fi grammi, u għandhom jiġu pprovduti marki biex jindikaw id-doża ta’ deterġent adattata għal ħasla b’magna tal-ħasil standard għal-livelli ta’ ebusija tal-ilma artab, medju u iebes,

2.Għall-finijiet tal-punt 1, it-tagħbijiet għal magna tal-ħasil standard għandhom ikunu ta’ 4,5 kg ta’ drapp niexef għal deterġenti magħmula għal xogħol iebes u 2,5 kg ta’ drapp niexef għal deterġenti ħfief. Deterġent għandu jitqies bħala deterġent għal xogħol iebes sakemm id-dikjarazzjonijiet tal-manifattur ma jippromwovux b’mod predominanti l-kura tad-drapp, jiġifieri l-ħasil b’temperatura baxxa, il-fibri delikati u l-kuluri.

3.It-tikketta tad-deterġenti tal-magni tal-ħasil tal-platti awtomatiċi għall-konsumatur għandha tindika d-dożaġġ standard espress fi grammi jew f’millilitri jew l-għadd ta’ pilloli għaċ-ċiklu tal-ħasil ewlieni għal oġġetti ta’ fuq il-mejda maħmuġa b’mod normali f’magna tal-ħasil tal-platti b’tagħbija sħiħa ta’ 12-il post, u taġġusta d-dożaġġ standard, fejn ikun rilevanti, għall-ebusija tal-ilma artab, medju u iebes.

PARTI C – TIKKETTAR DIĠITALI

L-informazzjoni li ġejja dwar il-kontenut imsemmija fil-Parti A, tista’ tiġi pprovduta fuq it-tikketta diġitali biss, f’konformità mal-Artikolu 16(1), it-tieni subparagrafu, bil-mod speċifikat f’dik il-parti:

(a)aġenti tensjoattivi anjoniċi;

(b)aġenti tensjoattivi katjoniċi;

(c)aġenti tensjoattivi amfoteriċi;

(d)aġenti tensjoattivi mhux joniċi;

(e)fosfati;

(f)fosfonati;

(g)sapun.

PARTI D – INFORMAZZJONI SIMPLIFIKATA DWAR ID-DOŻAĠĠ GĦAD-DITERĠENTI TAL-ĦASIL TAL-ĦWEJJEĠ GĦALL-KONSUMATUR

Il-grilja tad-dożaġġ simplifikata għandu jkun fiha l-informazzjoni li ġejja:

(a)struzzjonijiet bażiċi għall-użu, fejn rilevanti;

(b)il-kwantitajiet rakkomandati bbażati fuq ebusija medja/normali tal-ilma u gradi differenti ta’ ħmieġ tad-drapp; u

(c)indikazzjoni tat-tagħbija tal-magna tal-ħasil.

ANNESS VI

PASSAPORT TAL-PRODOTTI

Il-passaport tal-prodotti għandu jinkludi l-informazzjoni li ġejja:

(a)l-identifikatur uniku tal-prodott tad-deterġent jew tal-aġent tensjoattiv;

(b)l-isem, l-indirizz tal-manifattur jew tar-rappreżentant awtorizzat tal-manifattur kif ukoll l-identifikatur uniku tal-operatur tal-manifattur;

(c)l-identifikazzjoni tad-deterġent jew tal-aġent tensjoattiv li tippermetti t-traċċabbiltà, inkluża immaġni bil-kulur ta’ ċarezza suffiċjenti biex tippermetti l-identifikazzjoni tad-deterġent jew tal-aġent tensjoattiv;

(d)il-kodiċi tal-komodità li taħtu jiġi kklassifikat id-deterġent jew l-aġent tensjoattiv fil-mument li jinħoloq il-passaport tal-prodott, kif stabbilit fir-Regolament tal-Kunsill (KEE) Nru 2658/87 4 ;

(e)referenzi għall-atti legali tal-Unjoni li d-deterġent jew l-aġent tensjoattiv jikkonforma magħhom;

(f)lista sħiħa tas-sustanzi miżjuda intenzjonalment fid-deterġent jew fl-aġent tensjoattiv u tal-preservattivi ttikkettati f’konformità mal-Parti A, il-punt 3, l-ewwel subparagrafu, il-punt (b), tal-Anness V, bl-użu tan-Nomenklatura Internazzjonali tal-Ingredjenti Kożmetiċi, jew meta din ma tkunx disponibbli, l-isem tal-Farmakopea Ewropea u, meta anke din tal-aħħar ma tkunx disponibbli, l-isem kimiku komuni jew l-isem tal-Unjoni Internazzjonali tal-Kimika Pura u Applikata.

L-obbligu msemmi fil-punt (f) ma għandux japplika għad-deterġenti professjonali, jew għall-aġenti tensjoattivi għad-deterġenti professjonali, li għalihom hija disponibbli skeda tad-data dwar is-sikurezza msemmija fl-Artikolu 31 tar-Regolament (KE) Nru 1907/2006.

ANNESS VII

METODI TA’ TTESTJAR IMSEMMIJA FL-ARTIKOLU 22(2)

1.Metodu ta’ referenza (test ta’ konferma)

1.1.Definizzjoni

Dan il-metodu jiddeskrivi mudell tal-laboratorju tal-ħama attivat u separatur sekondarju li huwa maħsub biex jissimula t-trattament tad-drenaġġ muniċipali. Kundizzjonijiet operattivi mtejba tal-ogħla livell ta’ żvilupp tekniku jistgħu jiġu applikati għal dan il-metodu ta’ ttestjar kif deskritt fl-EN ISO 11733.

1.2.Tagħmir meħtieġ għall-kejl

Il-metodu ta’ kejl juża l-impjant tal-ħama attivat żgħir muri fl-Illustrazzjoni 1, u f’aktar dettall fl-Illustrazzjoni 2. It-tagħmir jikkonsisti f’reċipjent tad-drenaġġ A għad-drenaġġ sintetiku, pompa tad-dożaġġ B, reċipjent tal-arjazzjoni C, sedimentatur D, pompa tal-arja kompressata E għar-riċiklaġġ tal-ħama attivat, u reċipjent F għall-ġbir tal-effluwent ittrattat.

Ir-reċipjenti A u F iridu jkunu tal-ħġieġ jew ta’ plastik adattat u jesgħu mill-anqas erbgħa u għoxrin litru. Il-pompa B trid tipprovdi fluss kostanti ta’ drenaġġ sintetiku lejn ir-reċipjent tal-arjazzjoni; dan ir-reċipjent, waqt tħaddim normali, ikun fih 3 litri ta’ likur imħallat. Kubu tal-arjazzjoni sinterizzat G ikun sospiż fir-reċipjent C fil-quċċata tal-kon. Il-kwantità ta’ arja li tgħaddi mill-arjatur għandha tiġi mmonitorjata permezz ta’ flussimetru H.

1.3.Drenaġġ sintetiku

Għat-test jintuża drenaġġ sintetiku. F’kull litru ta’ ilma tal-vit ħoll:

–160 mg pepton;

–110 mg estratt tal-laħam;

–30 mg urea, CO(NH2)2;

–7 mg klorur tas-sodju, NaCl;

–4 mg klorur tal-kalċju, CaCl2.2H2O;

–2 mg sulfat tal-manjeżju, MgSO4.7H2O;

–28 mg ta’ idroġenufosfat dipotassiku, K2HPO4;

–u 10 ± 1 mg tal-aġent tensjoattiv.

Id-drenaġġ sintetiku jitħejja frisk kuljum.

1.4.Preparazzjoni tal-kampjuni

L-aġenti tensjoattivi mhux komposti jiġu eżaminati fl-istat oriġinali. Il-kontenut attiv ta’ kampjuni tal-aġenti tensjoattivi jrid jiġi ddeterminat biex jitħejja d-drenaġġ sintetiku (il-punt 1.3).

1.5.Tħaddim tat-tagħmir

Fil-bidu, imla r-reċipjent tal-arjazzjoni C u s-sedimentatur D bi drenaġġ sintetiku. L-għoli tar-reċipjent D għandu jkun iffissat b’mod li l-volum li jkun hemm fir-reċipjent tal-arjazzjoni C ikun ta’ tliet litri. L-inokulazzjoni ssir bl-introduzzjoni ta’ 3 ml ta’ effluwent sekondarju ta’ kwalità tajba, miġbur frisk minn impjant tat-trattament li jittratta drenaġġ prinċipalment domestiku. L-effluwent irid jinżamm f’kundizzjonijiet aerobiċi fil-perjodu bejn it-teħid tal-kampjuni u l-applikazzjoni. Imbagħad ibda ħaddem l-arjatur G, il-pompa tal-arja kompressata E u l-istrument ta’ dożaġġ B. Id-drenaġġ sintetiku jrid jgħaddi mir-reċipjent tal-arjazzjoni C bir-rata ta’ litru kull siegħa; dan jippermetti retenzjoni medja ta’ 3 sigħat.

Ir-rata tal-arjazzjoni għandha tkun regolata b’mod li l-kontenut tar-reċipjent C jinżamm kontinwament sospiż u l-kontenut ta’ ossiġenu dissolt ikun mill-anqas 2 mg/l. Il-formazzjoni tar-ragħwa trid tiġi evitata b’mezzi xierqa. Ma jridux jintużaw aġenti kontra r-ragħwa li jimpedixxu l-ħama attivat jew li jkun fihom aġenti tensjoattivi. Il-pompa tal-arja kompressata E trid tkun issettjata b’mod li l-ħama attivat mis-sedimentatur jiġi kontinwament u regolarment riċiklat għar-reċipjent tal-arjazzjoni C. Ħama li jkun inġabar fin-naħa ta’ fuq tar-reċipjent tal-arjazzjoni C, fil-bażi tas-sedimentatur D, jew fiċ-ċirkwit taċ-ċirkolazzjoni irid jitpoġġa lura fiċ-ċirkolazzjoni mill-anqas darba kuljum bl-użu ta’ xkupilja jew xi mezz xieraq ieħor. Meta l-ħama jonqos milli joqgħod, il-kapaċità tiegħu li joqgħod tista’ tikber biż-żieda ta’ porzjonijiet ta’ 2 ml ta’ soluzzjoni ta’ 5 % ta’ klorur tal-ħadid, ripetut kif meħtieġ.

L-effluwent mis-sedimentatur D jinġema’ fir-reċipjent F għal 24 siegħa, imbagħad jittieħed kampjun wara li jkun tħallat sew. Ir-reċipjent F imbagħad irid jitnaddaf sew.

1.6.Eżaminar tat-tagħmir tal-kejl

Il-kontenut ta’ aġent tensjoattiv (f’mg/l) tad-drenaġġ sintetiku jiġi ddeterminat immedjatament qabel l-użu.

Il-kontenut ta’ aġent tensjoattiv (f’mg/l) tal-effluwent miġbur matul 24 siegħa fir-reċipjent F għandu jiġi ddeterminat analitikament bl-istess metodu, immedjatament wara li jinġabar: inkella l-kampjuni jridu jiġu ppreservati, preferibbilment permezz ta’ ffriżar. Il-konċentrazzjonijiet iridu jiġu ddeterminati sal-eqreb 0,1 mg/l ta’ aġent tensjoattiv

Bħala verifika dwar l-effiċjenza tal-proċess, id-domanda kimika ta’ ossiġenu (COD) jew il-karbonju organiku dissolt (DOC) tal-effluwent iffiltrat b’fibri tal-ħġieġ akkumulat fir-reċipjent F u tad-drenaġġ sintetiku ffiltrat fir-reċipjent A jitkejlu mill-anqas darbtejn fil-ġimgħa.

It-tnaqqis fis-COD jew fid-DOC għandu jillivella ruħu meta tinkiseb degradazzjoni bejn wieħed u ieħor regolari ta’ kuljum tal-aġent tensjoattiv fi tmiem il-perjodu ta’ tħaddim tal-bidu muri fil-Figura 3.

Il-kontenut ta’ materja niexfa fil-ħama attivat li jkun hemm fir-reċipjent tal-arjazzjoni għandu jiġi ddeterminat darbtejn fil-ġimgħa fi g/l. Jekk ikun aktar minn 2,5 g/l, il-ħama attivat żejjed irid jintrema.

It-test tad-degradazzjoni jsir f’temperatura ambjentali; din għandha tkun stabbli u tinżamm bejn 19-24 °C.

1.7.Kalkolu tal-bijodegradabbiltà

Id-degradazzjoni perċentwali ta’ aġent tensjoattiv trid tiġi kkalkulata kuljum abbażi tal-kontenut ta’ aġent tensjoattiv f’mg/l tad-drenaġġ sintetiku u tal-effluwent korrispondenti akkumulat fir-reċipjent F.

Il-valuri tad-degradabbiltà miksuba b’dan il-mod għandhom jiġu ppreżentati grafikament bħal fl-Illustrazzjoni 3.

Id-degradabbiltà tal-aġent tensjoattiv għandha tiġi kkalkulata bħala l-medja aritmetika tal-valuri miksuba matul il-21 jum li jsegwu l-perjodu ta’ tħaddim tal-bidu u ta’ akklimatizzazzjoni, li matulu d-degradazzjoni kienet regolari u t-tħaddim tal-impjant mingħajr problemi. Fi kwalunkwe każ, id-durata tal-perjodu ta’ tħaddim tal-bidu ma għandhiex taqbeż is-sitt ġimgħat.

Il-valuri tad-degradazzjoni ta’ kuljum jiġu kkalkulati sal-eqreb 0,1 % iżda r-riżultat finali jingħata sal-eqreb numru sħiħ.

F’xi każijiet jista’ jkun permissibbli li titnaqqas il-frekwenza tat-teħid tal-kampjuni iżda fil-kalkolu tal-medja għandhom jintużaw mill-anqas 14-il riżultat miġbura matul il-21 jum li jsegwu l-perjodu ta’ tħaddim tal-bidu.

2.Determinazzjoni tal-aġenti tensjoattivi anjoniċi fit-testijiet tal-bijodegradabbiltà

2.1.Prinċipju

Il-metodu huwa bbażat fuq il-fatt li ż-żebgħa katjonika blu tal-metilen tifforma mlieħ blu b’aġenti tensjoattivi anjoniċi (MBAS), li jistgħu jiġu estratti bil-kloroform. Biex tiġi eliminata l-interferenza, l-estrazzjoni l-ewwel issir minn soluzzjoni alkalina u l-estratt imbagħad jiġi mħawwad b’soluzzjoni aċiduża ta’ blu tal-metilen. L-adsorbiment tal-fażi organika separata jitkejjel fotometrikament fit-tul ta’ mewġa ta’ adsorbiment massimu ta’ 650 nm.

2.2.Reaġenti u tagħmir

2.2.1.Soluzzjoni mewwieta pH 10

Ħoll 24 g bikarbonat tas-sodju, NaHCO3 AR, u 27 g karbonat tas-sodju anidru (Na2CO3) AR f’ilma dejonizzat u ddilwixxi sa 1 000 ml.

2.2.2.Soluzzjoni ta’ blu tal-metilen newtrali

Ħoll 0,35 g blu tal-metilen AR f’ilma dejonizzat u ddilwixxi sa 1 000 ml. Ipprepara s-soluzzjoni mill-anqas 24 siegħa qabel l-użu. L-adsorbiment tal-fażi tal-kloroform inbjank, imkejjel mal-kloroform ma għandux jaqbeż 0,015 għal kull 1 cm ta’ ħxuna tas-saff f’650 nm.

2.2.3.Soluzzjoni ta’ blu tal-metilen aċiduża

Ħoll 0,35 g blu tal-metilen AR f’500 ml ilma dejonizzat u ħallat ma’ 6,5 ml H2SO4 (d = 1,84 g/ml). Iddilwixxi għal 1000 ml b’ilma dejonizzat. Ipprepara s-soluzzjoni mill-anqas 24 siegħa qabel l-użu. L-adsorbiment tal-fażi tal-kloroform inbjank, imkejjel mal-kloroform ma għandux jaqbeż 0,015 għal kull 1 cm ta’ ħxuna tas-saff f’650 nm.

2.2.4.Kloroform (triklorometan) AR distillat frisk

2.2.5.Ester tal-metil tal-aċidu sulfoniku benżen dodeċil

2.2.6.Soluzzjoni ta’ idrossidu tal-potassju etanoliku, KOH 0,1 M

2.2.7.Etanol pur, C2H5OH

2.2.8.Aċidu sulfuriku, H2SO4 0,5 M

2.2.9.Soluzzjoni ta’ fenolftaleina

Ħoll 1 g fenolftaleina f’50 ml etanol u żid 50 ml ilma dejonizzat waqt li tħawwad kontinwament. Iffiltra kwalunkwe preċipitat miksub.

2.2.10.Aċidu idrokloriku metanoliku: 250 ml aċidu idrokloriku AR u 750 ml metanol

2.2.11.Lembut ta’ separazzjoni, 250 ml

2.2.12.Flask volumetriku, 50 ml

2.2.13.Flask volumetriku, 500 ml

2.2.14.Flask volumetriku, 1000 ml

2.2.15.Flask bil-qiegħ tond b’tapp tal-ħġieġ żmeriljat u kondensatur tar-rifluss, 250 ml; bċejjeċ żgħar jagħlu

2.2.16.Miter tal-pH

2.2.17.Fotometru għall-kejl f’650 nm, b’ċelloli ta’ 1 sa 5 cm

2.2.18.Karta filtru ta’ grad kwalitattiv

2.3.Proċedura

Il-kampjuni għall-analiżi ma jridux jittieħdu minn saff ta’ ragħwa.

Wara li jitnaddaf sewwa bl-ilma, it-tagħmir użat għall-analiżi jrid jitlaħlaħ sewwa bl-aċidu idrokloriku metanoliku (il-punt 2.2.10) u mbagħad b’ilma dejonizzat qabel ma jintuża.

Iffiltra l-affluwent u l-effluwent tal-impjant tal-ħama attivat li għandu jiġi eżaminat immedjatament malli jittieħdu l-kampjuni. Armi l-ewwel 100 ml tal-filtrati.

Qiegħed volum imkejjel tal-kampjun, newtralizzat jekk meħtieġ, f’lembut ta’ separazzjoni ta’ 250 ml (il-punt 2.2.11). Il-volum tal-kampjun għandu jkun fih bejn 20 u 150 g ta’ MBAS. Fil-livell aktar baxx ta’ kontenut tal-MBAS, jistgħu jintużaw sa 100 ml mill-kampjun. Meta jintużaw anqas minn 100 ml, iddilwixxi sa 100 ml b’ilma dejonizzat. Mal-kampjun żid 10 ml ta’ soluzzjoni mewwieta (il-punt 2.2.1), 5 ml ta’ soluzzjoni ta’ blu tal-metilen newtrali (il-punt 2.2.2) u 15 ml ta’ kloroform (il-punt 2.2.4). Ħawwad it-taħlita b’mod uniformi u mhux bis-saħħa wisq għal minuta. Wara s-separazzjoni tal-fażijiet, itfa’ s-saff tal-kloroform fit-tieni lembut ta’ separazzjoni, li jkun fih 110 ml ta’ ilma dejonizzat u 5 ml ta’ soluzzjoni ta’ blu tal-metilen aċiduża (il-punt 2.2.3). Ħawwad it-taħlita għal minuta. Għaddi s-saff tal-kloroform minn ġo filtru tat-tajjar imnaddaf minn qabel u mxarrab bil-kloroform fi flask volumetriku (il-punt 2.2.12).

Oħroġ is-soluzzjonijiet alkalini u aċidużi tliet darbiet, bl-użu ta’ 10 ml ta’ kloroform għat-tieni u t-tielet estrazzjonijiet. Iffiltra l-estratti tal-kloroform ikkombinati mill-istess filtru tat-tajjar u ddilwixxi sal-marka fil-flask ta’ 50 ml (il-punt 2.2.12) bil-kloroform użat għall-ħasil mill-ġdid tat-tajjar. Kejjel l-adsorbiment tas-soluzzjoni tal-kloroform b’fotometru f’650 nm f’ċelloli ta’ 1 sa 5 cm kontra l-kloroform. Agħmel test inbjank matul il-proċedura kollha.

2.4.Kurva ta’ kalibrazzjoni

Ipprepara soluzzjoni ta’ kalibrazzjoni mis-sustanza standard ta’ ester tal-metil tal-aċidu sulfoniku benżen dodeċil (tip tetrapropilen mol. wt. 340) wara saponifikazzjoni fil-melħ tal-potassju. L-MBAS hu kkalkolat bħala sulfonat tas-sodju dodeċil benżen (mol. wt. 348).

Minn pipetta tal-użin, iżen 400 sa 450 mg ta’ dodeċil-benżen-aċidu-sulfoniku-metil-ester (il-punt 2.2.5) sal-eqreb 0,1 mg fi flask bil-qiegħ tond u żid 50 ml ta’ soluzzjoni ta’ idrossidu tal-potassju etanoliku (il-punt 2.2.6) u xi bċejjeċ żgħar jagħlu. Wara li timmonta l-kondensatur tar-rifluss, għalli għal siegħa. Wara li jiksħu, aħsel il-kondensatur u l-ġonta tal-ħġieġ mitħun b’madwar 30 ml ta’ etanol, u żid dawn il-ħasliet mal-kontenut tal-flask. Ittitra s-soluzzjoni bl-aċidu sulfuriku kontra l-fenolftaleina sakemm issir bla kulur. Ittrasferixxi din is-soluzzjoni għal ġo flask volumetriku ta’ 1 000 ml (il-punt 2.2.14), iddilwixxi sal-marka b’ilma dejonizzat u ħallat.

Parti minn din is-soluzzjoni ewlenija ta’ aġenti tensjoattivi mbagħad tiġi dilwita aktar. Iġbed 25 ml, ittrasferixxi għal ġo flask volumetriku ta’ 500 ml (il-punt 2.2.13), iddilwixxi sal-marka b’ilma dejonizzat u ħallat.

Din is-soluzzjoni standard fiha:

fejn E huwa l-piż tal-kampjun f’mg.

Biex tistabbilixxi l-kurva ta’ kalibrazzjoni, iġbed porzjonijiet ta’ 1, 2, 4, 6, 8 ml tas-soluzzjoni standard u ddilwixxi kull wieħed sa 100 ml b’ilma dejonizzat. Imbagħad ipproċedi kif indikat taħt il-punt 2.3 inkluż test inbjank.

2.5.Kalkolu tar-riżultati

L-ammont ta’ aġent tensjoattiv anjoniku (MBAS) fil-kampjun jinqara mill-kurva ta’ kalibrazzjoni (il-punt 2.4). Il-kontenut ta’ MBAS tal-kampjun jingħata permezz ta’:

fejn: V = volum f’ml tal-kampjun użat.

Esprimi r-riżultati bħala sulfonat tad-dodeċilbenżen tas-sodju (MW 348).

2.6.Espressjoni tar-riżultati

Esprimi r-riżultati bħala MBAS mg/l sal-eqreb 0,1.

3.Determinazzjoni tal-aġenti tensjoattivi mhux joniċi f’likuri tat-test tal-bijodegradazzjoni

3.1.Prinċipju

L-aġenti tensjoattivi huma kkonċentrati u iżolati permezz ta’ strippaġġ bil-gass. Fil-kampjun użat, il-kwantità ta’ aġent tensjoattiv mhux joniku għandha tkun fil-medda ta’ 250-800 g.

L-aġent tensjoattiv strippjat jiġi maħlul f’aċitat etiliku.

Wara s-separazzjoni tal-fażijiet u l-evaporazzjoni tas-solvent, l-aġent tensjoattiv mhux joniku jiġi preċipitat f’soluzzjoni milwiema b’reaġent Dragendorff modifikat (KBiI4 + BaCl2 + aċidu aċetiku glaċjali).

Il-preċipitat jiġi ffiltrat, maħsul bl-aċidu aċetiku glaċjali u maħlul f’soluzzjoni ta’ tartrat tal-ammonju. Il-bismut fis-soluzzjoni jiġi ttitrat potenzjometrikament b’soluzzjoni ta’ pirrolidineditijokarbamat f’pH 4-5 bl-użu ta’ elettrodu indikatur tal-platinu luminuż u elettrodu ta’ referenza tal-kalomel jew tal-fidda/klorur tal-fidda. Il-metodu huwa applikabbli għal reaġenti tensjoattivi mhux joniċi li jkun fihom 6-30 grupp ta’ ossidu tal-alkilen.

Ir-riżultat tat-titrazzjoni jiġi mmultiplikat bil-fattur empiriku ta’ 54 għall-konverżjoni għas-sustanza ta’ referenza nonilfenol ikkondensata b’10 mols ta’ ossidu tal-etilen (NP 10).

3.2.Reaġenti u Tagħmir

Ir-reaġenti għandhom isiru f’ilma dejonizzat.

3.2.1.    Aċitat etiliku pur, distillat frisk.

3.2.2.    Bikarbonat tas-sodju, NaHCO3 AR.

3.2.3.    Iddilwixxi l-aċidu idrokloriku [20 ml aċidu konċentrat (HCI) dilwit sa 1 000 ml bl-ilma]

3.2.4.    Metanol AR, distillat frisk, maħżun fi flixkun tal-ħġieġ.

3.2.5.    Bromokresol vjola, 0,1 g f’100 ml metanol.

3.2.6.    Preċipitant: il-preċipitant hu taħlita ta’ żewġ volumi tas-soluzzjoni A u volum wieħed tas-soluzzjoni B. It-taħlita tinħażen fi flixkun kannella u tista’ tintuża sa ġimgħa wara li tkun tħalltet.

3.2.6.1.    Soluzzjoni A

Ħoll 1,7 g nitrat tal-bismut, BiONO3.H2O AR, f’20 ml aċidu aċetiku glaċjali, u żid sa 100 ml bl-ilma. Imbagħad ħoll 65 g jodur tal-potassju AR f’200 ml ilma. Ħallat dawn iż-żewġ soluzzjonijiet fi flask volumetriku ta’ 1 000 ml, żid 200 ml aċidu aċetiku glaċjali (il-punt 3.2.7) u żid sa 1 000 ml bl-ilma.

3.2.6.2.    Soluzzjoni B

Ħoll 290 g klorur tal-barju, BaCl2.2H2O AR, f’1 000 ml ilma.

3.2.7.    Aċidu aċetiku glaċjali 99-100 % (konċentrazzjonijiet aktar baxxi ma humiex adattati).

3.2.8.    Soluzzjoni ta’ tartrat tal-ammonju: ħallat 12,4 g aċidu tartariku AR u 12,4 ml soluzzjoni tal-ammonijaka AR (d = 0,910 g/ml) u żid sa 1 000 ml bl-ilma (jew uża l-ammont ekwivalenti ta’ tartrat tal-ammonju AR).

3.2.9.    Iddilwixxi s-soluzzjoni tal-ammonijaka: 40 ml soluzzjoni tal-ammonijaka AR (d = 0,910 g/ml) iddilwita sa 1 000 ml bl-ilma.

3.2.10.    Buffer standard tal-aċitat: ħoll 40 g idrossidu tas-sodju solidu AR, f’500 ml ilma f’bekk u ħallih jiksaħ. Żid 120 ml aċidu aċetiku glaċjali (il-punt 3.2.7). Ħallat sewwa, kessaħ u ttrasferixxi għal ġo flask volumetriku ta’ 1 000 ml. Żidu bl-ilma sal-marka.

3.2.11.    Soluzzjoni ta’ pirrolidineditijokarbamat (magħrufa bħala “soluzzjoni ta’ karbat”): ħoll 103 mg pirrolidineditijokarbamat tas-sodju, C5H8NNaS2.2H2O, f’madwar 500 ml ilma, żid 10 ml ta’ alkoħol n-amil AR u 0,5 g NaHCO3 AR, u żid sa 1000 ml bl-ilma.

3.2.12.    Soluzzjoni ta’ sulfat tar-ram (għall-istandardizzazzjoni tal-punt 3.2.11).

SOLUZZJONI EWLENIJA

Ħallat 1,249 g sulfat tar-ram, CuSO4.5H2O AR, ma’ 50 ml 0,5 M aċidu sulfuriku u żid sa 1 000 ml bl-ilma.

SOLUZZJONI STANDARD

Ħallat 50 ml soluzzjoni ewlenija ma’ 10 ml 0,5 M H2SO4 u żid sa 1000 ml bl-ilma.

3.2.13.    Klorur tas-sodju AR.

3.2.14.    Apparat għall-istrippaġġ bil-gass (ara l-Figura 5). Id-dijametru tad-disk sinterizzat għandu jkun l-istess bħad-dijametru intern taċ-ċilindru.

3.2.15.    Lembut ta’ separazzjoni, 250 ml.

3.2.16.    Ħawwad manjetiku b’kalamita ta’ 25-30 mm.

3.2.17.    Griġjol Gooch, dijametru tal-bażi perforata = 25 mm, Tip G4.

3.2.18.    Karti filtru ċirkolari tal-fibra tal-ħġieġ, b’dijametru ta’ 27 mm b’dijametru tal-fibra ta’ 0,3-1,5 m.

3.2.19.    Żewġ flasks filtru b’adattaturi u għenuq tal-lastiku, 500 u 250 ml rispettivament.

3.2.20.    Potenzjometru reġistratur mgħammar b’elettrodu indikatur tal-platinu luminuż u elettrodu ta’ referenza tal-kalomel jew tal-fidda/klorur tal-fidda b’medda ta’ 250 mV, b’buretta awtomatika tesa’ 20-25 ml, jew tagħmir manwali alternattiv.

3.3.Metodu

3.3.1.Konċentrazzjoni u separazzjoni tal-aġent tensjoattiv

Iffiltra l-kampjun milwiem minn karta filtru kwalitattiva. Armi l-ewwel 100 ml tal-filtrat.

Fl-apparat tal-istrippaġġ, imlaħlaħ minn qabel bl-aċitat etiliku, qiegħed kwantità mkejla tal-kampjun, b’tali mod li jkun fih bejn 250-800 g ta’ aġent tensjoattiv mhux joniku.

Biex ittejjeb is-separazzjoni, żid 100 g klorur tas-sodju u 5 g bikarbonat tas-sodju.

Jekk il-volum tal-kampjun ikun aktar minn 500 ml, żid dawn l-imlieħ mal-apparat tal-istrippaġġ f’għamla solida, u ħoll billi tgħaddi minnu n-nitroġenu jew l-arja.

Jekk jintuża kampjun ta’ daqs iżgħar, ħoll l-imlieħ f’400 ml ilma u mbagħad żidu mal-apparat tal-istrippaġġ.

Żid l-ilma biex iġġib il-livell sar-rubinett tal-għeluq ta’ fuq.

B’attenzjoni żid 100 ml aċitat etiliku fuq l-ilma.

Imla l-flixkun tal-ħasil fil-linja tal-gass (nitroġenu jew arja) żewġ terzi mimli bl-aċitat etiliku.

Għaddi fluss ta’ gass ta’ 30-60 l/h minn ġol-apparat; huwa rakkomandat l-użu ta’ flussimetru. Ir-rata tal-arjazzjoni trid tiżdied gradwalment fil-bidu. Ir-rata tal-gass trid tiġi aġġustata b’mod li l-fażijiet jibqgħu separati b’mod notevoli biex jiġi minimizzat it-taħlit tal-fażijiet u s-soluzzjoni tal-aċitat etiliku fl-ilma. Waqqaf il-fluss tal-gass wara ħames minuti.

Jekk ikun hemm tnaqqis ta’ aktar minn 20 % fil-volum tal-fażi organika permezz tas-soluzzjoni fl-ilma, is-sublazzjoni trid tiġi ripetuta b’attenzjoni speċjali għar-rata tal-fluss tal-gass.

Għaddi l-fażi organika f’lembut ta’ separazzjoni. Erġa’ poġġi kwalunkwe ilma fil-lembut ta’ separazzjoni mill-fażi milwiema — għandu jkun biss ftit ml — fl-apparat tal-istrippaġġ. Iffiltra l-fażi tal-aċitat etiliku minn karta filtru kwalitattiva xotta f’bekk ta’ 250 ml.

Itfa’ 100 ml ieħor ta’ aċitat etiliku fl-apparat tal-istrippaġġ u erġa’ għaddi n-nitroġenu jew l-arja għal ħames minuti. Oħroġ il-fażi organika għal ġol-lembut ta’ separazzjoni użat għall-ewwel separazzjoni, neħħi l-fażi milwiema u għaddi l-fażi organika mill-istess filtru bħall-ewwel porzjon ta’ aċitat etiliku. Laħlaħ kemm il-lembut ta’ separazzjoni kif ukoll il-filtru b’madwar 20 ml ta’ aċitat etiliku.

Evapora l-estratt tal-aċitat etiliku sakemm jinxef bl-użu ta’ banjumarija (kabinett għad-dħaħen). Idderiġi fluss ħafif ta’ arja fuq is-superfiċe tas-soluzzjoni biex tħaffef l-evaporazzjoni.

3.3.2.Preċipitazzjoni u filtrazzjoni

Ħoll ir-residwu xott minn 3.3.1 f’5 ml metanol, żid 40 ml ilma u 0,5 ml HCl dilwit (il-punt 3.2.3) u ħawwad it-taħlita b’ħawwad manjetiku.

Ma’ din is-soluzzjoni żid 30 ml ta’ preċipitant (il-punt 3.2.6) minn ċilindru tal-kejl. Il-preċipitat jifforma wara taħwid ripetut. Wara li tħawwad għal għaxar minuti, ħalli t-taħlita toqgħod għal mill-anqas ħames minuti.

Iffiltra t-taħlita minn griġjol Gooch, li l-bażi tiegħu tkun mgħottija b’karta filtru tal-fibra tal-ħġieġ. L-ewwel aħsel il-filtru taħt ġbid bl-arja b’madwar 2 ml aċidu aċetiku glaċjali. Imbagħad aħsel sew il-bekk, il-kalamita, u l-griġjol bl-aċidu aċetiku glaċjali, li minnu huwa meħtieġ madwar 40-50 ml. M’hemmx bżonn li l-preċipitat imwaħħal mal-ġnub tal-bekk jiġi ttrasferit kwantitattivament fil-filtru, minħabba li s-soluzzjoni tal-preċipitat għat-titrazzjoni titpoġġa lura fil-bekk ta’ preċipitazzjoni, u l-preċipitat li jifdal imbagħad jinħall.

3.3.3.Taħlil tal-preċipitat

Ħoll il-preċipitat fil-griġjol filtru biż-żieda ta’ soluzzjoni ta’ tartrat tal-ammonju sħun (madwar 80 °C) (il-punt 3.2.8) fi tliet porzjonijiet ta’ 10 ml kull wieħed. Ħalli kull porzjon joqgħod fil-griġjol għal xi minuti qabel ma jinġibed mill-filtru għal ġol-flask.

Qiegħed il-kontenut tal-flask filtru fil-bekk użat għall-preċipitazzjoni. Laħlaħ il-ġnub tal-bekk b’20 ml oħra ta’ soluzzjoni tat-tartrat biex tħoll il-bqija tal-preċipitat.

Aħsel il-griġjol, l-adattatur u l-flask filtru b’150-200 ml ilma bir-reqqa, u erġa’ poġġi l-ilma tat-tlaħliħ fil-bekk użat għall-preċipitazzjoni.

3.3.4.It-titrazzjoni

Ħawwad is-soluzzjoni bl-użu ta’ ħawwad manjetiku (il-punt 3.2.16), żid ftit qtar ta’ bromokresol vjola (il-punt 3.2.5) u żid is-soluzzjoni tal-ammonijaka dilwita (il-punt 3.2.9) sakemm il-kulur isir vjola (is-soluzzjoni fil-bidu tkun aċidu dgħajjef mir-residwu tal-aċidu aċetiku użat għat-tlaħliħ).

Imbagħad żid 10 ml buffer standard tal-aċitat (il-punt 3.2.10), għaddas l-elettrodi fis-soluzzjoni, u ittitra potenzjometrikament b’“soluzzjoni ta’ karbat” standard (il-punt 3.2.11), bil-ponta tal-buretta mgħaddsa fis-soluzzjoni.

Ir-rata tat-titrazzjoni ma għandhiex taqbeż 2 ml/min.

Il-punt tat-tmiem huwa l-intersezzjoni tat-tanġenti maż-żewġ fergħat tal-kurva potenzjali.

Okkażjonalment jiġi osservat li l-inflessjoni fil-kurva potenzjali ssir ċatta; dan jista’ jiġi eliminat billi l-elettrodu tal-platinu jitnaddaf b’attenzjoni (billi jiġi llustrat b’karta miksija bl-iżmerill).

3.3.5.Testijiet inbjank

Fl-istess ħin agħmel test inbjank matul il-proċedura kollha b’5 ml metanol u 40 ml ilma, skont l-istruzzjonijiet fil-punt 3.3.2. It-titrazzjoni inbjank għandha tkun anqas minn 1 ml, inkella l-purità tar-reaġenti (il-punti 3.2.3, 3.2.7, 3.2.8, 3.2.9, 3.2.10) tkun f’suspett, speċjalment il-kontenut tagħhom ta’ metalli tqal, u jridu jiġu sostitwiti. L-inbjank irid jiġi kkunsidrat fil-kalkolu tar-riżultati.

3.3.6.Kontroll tal-fattur tas-“soluzzjoni ta’ karbat”

Iddetermina l-fattur għas-soluzzjoni ta’ karbat fil-jum tal-użu. Biex tagħmel dan, ittitra 10 ml tas-soluzzjoni ta’ sulfat tar-ram (il-punt 3.2.12) b’“soluzzjoni ta’ karbat” wara ż-żieda ta’ 100 ml ilma u 10 ml buffer standard tal-aċitat (il-punt 3.2.10). Jekk l-ammont użat ikun ml, il-fattur f ikun:

u r-riżultati kollha tat-titrazzjoni jiġu mmultiplikati b’dan il-fattur.

3.4.Kalkolu tar-riżultati

Kull aġent tensjoattiv mhux joniku għandu l-fattur proprju tiegħu, skont il-kompożizzjoni tiegħu, b’mod partikolari t-tul tal-katina tal-ossidu tal-alken. Il-konċentrazzjoni ta’ aġent tensjoattiv mhux joniku tiġi espressa f’relazzjoni ma’ sustanza standard — nonilfenol b’għaxar unitajiet ta’ ossidu tal-etilen (NP 10) — li għalihom il-fattur ta’ konverżjoni huwa 0,054.

Bl-użu ta’ dan il-fattur, l-ammont ta’ aġent tensjoattiv preżenti fil-kampjun jinstab espress bħala mg tal-ekwivalenti NP 10, kif ġej:

(b — c) xfx 0,054 = mg aġent tensjoattiv mhux joniku bħala NP 10

fejn:

3.5.Espressjoni tar-riżultati

Esprimi r-riżultati f’mg/l bħala NP 10 sal-eqreb 0,1.

Illustrazzjoni 1 Impjant tal-ħama attivat: ħarsiet ġenerali

Illustrazzjoni 2 Impjant tal-ħama attivat: dettall (dimensjonijiet f’millimetri)

Illustrazzjoni 3 Kalkolu tal-bijodegradabbiltà - Test ta’ konferma

ANNESS VIII

TABELLA TA’ KORRELAZZJONI

(1)    Ir-Regolament tal-Kummissjoni (KE) Nru 440/2008 tat-30 ta’ Mejju 2008 li jistabbilixxi metodi ta’ ttestjar skont ir-Regolament (KE) Nru 1907/2006 tal-Parlament Ewropew u tal-Kunsill dwar ir-Reġistrazzjoni, il-Valutazzjoni, l-Awtorizzazzjoni u r-Restrizzjoni ta’ Sustanzi Kimiċi (REACH) (ĠU L 142, 31.5.2008, p. 1).

(2)    Id-Direttiva 2004/10/KE tal-Parlament Ewropew u tal-Kunsill tal-11 ta’ Frar 2004 dwar l-armonizzazzjoni tal-liġijiet, regolamenti u dispożizzjonijiet amministrattivi li għandhom x’jaqsmu mal-applikazzjoni tal-prinċipji ta’ prattika tajba tal-laboratorju u l-verifikazzjoni tal-applikazzjonijiet tagħhom għal provi fuq sustanzi kimiċi (ĠU L 50, 20.2.2004, p. 44).

(3)    Id-Direttiva 2004/10/KE tal-Parlament Ewropew u tal-Kunsill tal-11 ta’ Frar 2004 dwar l-armonizzazzjoni tal-liġijiet, regolamenti u dispożizzjonijiet amministrattivi li għandhom x’jaqsmu mal-applikazzjoni tal-prinċipji ta’ prattika tajba tal-laboratorju u l-verifikazzjoni tal-applikazzjonijiet tagħhom għal provi fuq sustanzi kimiċi (ĠU L 50, 20.2.2004, p. 44).

(4)    Ir-Regolament tal-Kunsill (KEE) Nru 2658/87 tat-23 ta’ Lulju 1987 dwar in-nomenklatura tat-tariffa u l-istatistika u dwar it-Tariffa Doganali Komuni ta’ Dwana (ĠU L 256, 7.9.1987, p. 1).