This document is an excerpt from the EUR-Lex website
Document 52023M11104
Prior notification of a concentration (Case M.11104 – HUTCHISON PORTS SOKHNA / GOLDEN CHANCE INVESTMENT ENTERPRISE / CMA TERMINALS / JV) Candidate case for simplified procedure (Text with EEA relevance) 2023/C 220/09
Avviż minn qabel ta’ konċentrazzjoni (Il-Każ M.11104 — HUTCHISON PORTS SOKHNA / GOLDEN CHANCE INVESTMENT ENTERPRISE / CMA TERMINALS / JV) Każ li jista’ jiġi kkunsidrat għal proċedura ssimplifikata (Test b'rilevanza għaż-ŻEE) 2023/C 220/09
Avviż minn qabel ta’ konċentrazzjoni (Il-Każ M.11104 — HUTCHISON PORTS SOKHNA / GOLDEN CHANCE INVESTMENT ENTERPRISE / CMA TERMINALS / JV) Każ li jista’ jiġi kkunsidrat għal proċedura ssimplifikata (Test b'rilevanza għaż-ŻEE) 2023/C 220/09
PUB/2023/754
ĠU C 220, 22.6.2023, p. 29–30
(BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
22.6.2023 |
MT |
Il-Ġurnal Uffiċjali tal-Unjoni Ewropea |
C 220/29 |
Avviż minn qabel ta’ konċentrazzjoni
(Il-Każ M.11104 — HUTCHISON PORTS SOKHNA / GOLDEN CHANCE INVESTMENT ENTERPRISE / CMA TERMINALS / JV)
Każ li jista’ jiġi kkunsidrat għal proċedura ssimplifikata
(Test b'rilevanza għaż-ŻEE)
(2023/C 220/09)
1.
Fil-15 ta’ Ġunju 2023, il-Kummissjoni rċeviet avviż ta’ konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1).Dan l-avviż jikkonċerna l-impriżi li ġejjin:
— |
Hutchison Port Sokhna Limited (“HPSL, ir-Renju Unit), ikkontrollata minn CK Hutchison Holdings Limited (“CKHH”, il-Gżejjer Cayman), |
— |
Golden Chance Investment Enterprise Limited (“Golden Chance”, Hong Kong), ikkontrollata minn China COSCO Shipping Corporation Limited (“COSCO”, Hong Kong), |
— |
CMA Terminals SAS (“CMAT”, Franza), ikkontrollata minn CMA CGM S.A. (“CMA CGM”, Franza), |
— |
Kumpanija ġdida (“Target JV”, ir-Renju Unit). |
HPSL, Golden Chance u CMAT se jakkwistaw, fis-sens tal-Artikolu 3(1)(b) u l-Artikolu 3(4) tar-Regolament dwar l-Għaqdiet, il-kontroll bi sħab indirett tat-Target JV.
Il-konċentrazzjoni qed issir permezz ta’ xiri ta’ ishma f’kumpanija maħluqa ġdida li tikkostitwixxi impriża bi sħab (joint venture, JV).
2.
L-attivitajiet kummerċjali tal-impriżi kkonċernati huma dawn li ġejjin:
— |
HPSL hija diviżjoni operattiva ta’ CKHH, żviluppatur globali ewlieni u operatur ta’ terminals tal-containers u fornitur ta’ servizzi loġistiċi assoċjati. CKHH għandu erba’ negozji ċentrali: portijiet u servizzi relatati, il-bejgħ lil konsumaturi, l-infrastruttura u t-telekomunikazzjonijiet, |
— |
Golden Chance hija sussidjarja ta’ COSCO, attiva bħala operatur tal-portijiet. L-attivitajiet ta’ COSCO jinkludu t-tbaħħir tal-merkanzija, il-loġistika, il-bini u t-tiswija tal-bastimenti, is-servizzi tal-ġestjoni tal-bastimenti, l-inġinerija tal-baħar, l-operazzjonijiet tat-terminal, u s-servizzi finanzjarji u tal-IT relatati, |
— |
CMAT hija sussidjarja ta’ CMA CGM, li toffri firxa ta’ servizzi relatati mat-trasport bil-baħar, inklużi t-tbaħħir bil-containers u s-servizzi tat-terminal tal-port. CMA CGM hija attiva wkoll fis-servizzi ta’ spedizzjoni tal-merkanzija u ta’ loġistika kuntrattwali permezz tas-sussidjarja proprjetà kollha kemm hi tagħha, CEVA Logistics, u tipprovdi, permezz tas-sussidjarja kollha kemm hi tagħha, CMA CGM Inland Services (CCIS), firxa limitata ta’ servizzi anċillari ta’ ġestjoni tal-katina tal-provvista. Finalment, CMA CGM nediet ukoll dan l-aħħar CMA CGM Air Cargo u bdiet tipprovdi servizzi ta’ trasport tal-merkanzija bl-ajru, |
3.
It-Target JV se tibni, tiżviluppa u tħaddem terminal tal-containers fil-port ta’ Ain Sokhna fl-Eġittu.
4.
Wara eżami preliminari, il-Kummissjoni tqis li t-tranżazzjoni notifikata tista’ taqa’ fil-kamp ta’ applikazzjoni tar-Regolament dwar l-Għaqdiet. Madankollu, id-deċiżjoni finali dwar dan il-punt hija riżervata.Skont l-Avviż tal-Kummissjoni dwar proċedura ssimplifikata għat-trattament ta’ ċerti konċentrazzjonijiet skont ir-Regolament tal-Kunsill (KE) Nru 139/2004 (2) jinħtieġ li jiġi nnutat li dan il-każ jista’ jiġi kkunsidrat għal trattament skont il-proċedura stabbilita fl-Avviż.
5.
Il-Kummissjoni tistieden lil terzi persuni interessati biex jibagħtulha l-kummenti li jista’ jkollhom dwar l-operazzjoni proposta.Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta’ din il-pubblikazzjoni. Jenħtieġ li r-referenza li ġejja dejjem tiġi speċifikata:
M.11104 — HUTCHISON PORTS SOKHNA / GOLDEN CHANCE INVESTMENT ENTERPRISE / CMA TERMINALS / JV
Il-kummenti jistgħu jintbagħtu lill-Kummissjoni permezz tal-email jew permezz tal-posta. Uża d-dettalji ta’ kuntatt ta’ hawn taħt:
Email: COMP-MERGER-REGISTRY@ec.europa.eu
Indirizz Postali:
European Commission |
Directorate-General for Competition |
Merger Registry |
1049 Bruxelles/Brussel |
BELGIQUE/BELGIË |
(1) ĠU L 24, 29.1.2004, p. 1 (ir-“Regolament dwar l-Għaqdiet”).