1.   Dan ir-Regolament jistabbilixxi l-Faċilità tal-Ukrajna (il-“Faċilità”).

Huwa jistabbilixxi l-objettivi tal-Faċilità, il-finanzjament tagħha, il-baġit għall-perjodu 2024-2027, il-forom ta’ finanzjament tal-Unjoni taħtha u r-regoli għall-għoti ta’ tali finanzjament.

2.   Il-Faċilità għandha tipprovdi assistenza lill-Ukrajna taħt it-tliet pilastri li ġejjin:

1.   L-objettivi ġenerali tal-Faċilità għandhom ikunu li jappoġġaw lill-Ukrajna biex:

2.   L-objettivi speċifiċi tal-Faċilità għandhom jinkludu:

1.   Il-kooperazzjoni taħt il-Faċilità għandha tkun ibbażata fuq u għandha tippromwovi l-prinċipji tal-effettività tal-iżvilupp, fejn applikabbli, fil-modalitajiet kollha, jiġifieri s-sjieda tal-prijoritajiet tal-iżvilupp mill-Ukrajna, enfasi fuq ir-riżultati, sħubijiet inklużivi għall-iżvilupp, it-trasparenza u r-responsabbiltà reċiproka. Il-kooperazzjoni għandha tkun ibbażata fuq l-allokazzjoni u l-użu effettiv u effiċjenti ta’ dawk ir-riżorsi, u bbażata fuq il-ħtiġijiet . Il-Faċilità għandha tevita l-konċentrazzjoni settorjali jew ġeografika eċċessiva tal-allokazzjoni tar-riżorsi u l-użu tar-riżorsi u tiżgura bilanċ ġeografiku xieraq tal-proġetti.

2.   L-appoġġ mill-Faċilità għandu jkun addizzjonali għall-appoġġ ipprovdut taħt programmi u strumenti oħra tal-Unjoni. L-attivitajiet eliġibbli għall-finanzjament skont dan ir-Regolament jistgħu jirċievu appoġġ minn programmi u strumenti oħra tal-Unjoni dment li tali appoġġ ma jkoprix l-istess kost.

3.   Sabiex jippromwovu l-komplementarjetà u l-effiċjenza tal-azzjoni u l-inizjattiva tagħhom, il-Kummissjoni u l-Istati Membri għandhom jikkooperaw u għandhom jagħmlu ħilithom biex jevitaw id-duplikazzjoni bejn l-assistenza taħt dan ir-Regolament u assistenza oħra pprovduta mill-Unjoni, l-Istati Membri, pajjiżi terzi, organizzazzjonijiet u entitajiet multilaterali u reġjonali, bħal organizzazzjonijiet internazzjonali u l-Istituzzjonijiet Finanzjarji Internazzjonali, aġenziji u donaturi mhux tal-Unjoni rilevanti, f’konformità mal-prinċipji stabbiliti għat-tisħiħ tal-koordinazzjoni operazzjonali fil-qasam tal-assistenza esterna, inkluż permezz ta’ koordinazzjoni msaħħa mal-Istati Membri fil-livell lokali u permezz tal-armonizzazzjoni tal-politiki u l-proċeduri, b’mod partikolari l-prinċipji internazzjonali dwar l-effettività tal-iżvilupp.

4.   L-attivitajiet taħt il-Faċilità għandhom jikkonformaw, sa fejn ikun possibbli f’pajjiż mifni bil-gwerra, mal-istandards klimatiċi u ambjentali tal-Unjoni. Dawk l-attivitajiet għandhom jintegraw il-mitigazzjoni tat-tibdil fil-klima u l-adattament għalih, il-protezzjoni ambjentali , u l-konservazzjoni , id-drittijiet tal-bniedem, id-demokrazija, l-ugwaljanza bejn il-ġeneri u, fejn rilevanti, it-tnaqqis tar-riskju ta’ diżastri u s-sikurezza tal-infrastruttura tal-enerġija , u għandhom jappoġġaw il-progress lejn l-Għanijiet ta’ Żvilupp Sostenibbli, filwaqt li jippromwovu azzjonijiet integrati li jistgħu joħolqu kobenefiċċji u jilħqu objettivi multipli b’mod koerenti. Huma għandhom jevitaw assi mhux rekuperabbli, ikunu kompatibbli mal-prinċipji ta’ “la tagħmilx ħsara”, sa fejn ikun possibbli , kif ukoll mal-approċċ ta’ integrazzjoni tas-sostenibbiltà li jirfed il-Patt Ekoloġiku Ewropew u għandhom ikunu wkoll iggwidati mill-prinċipju li “ħadd ma jitħalla jibqa’ lura” . Il-Kummissjoni għandha tingħata s-setgħa biex tadotta att delegat li jiżviluppa gwida għal kull wieħed minn dawk il-prinċipji u metodolġija biex tappoġġa lill-Ukrajna fit-tħejjija tal-Pjan għall-Ukrajna.

5.   Il-Faċilità ma għandhiex tappoġġa attivitajiet jew miżuri li huma inkompatibbli mal-Pjan Nazzjonali għall-Enerġija u l-Klima tal-Ukrajna, jekk disponibbli, mal-Kontribut Determinat fil-Livell Nazzjonali tal-Ukrajna skont il-Ftehim ta’ Pariġi, jew li jippromwovu investimenti fil-fjuwils fossili, jew li jikkawżaw effetti negattivi sinifikanti fuq l-ambjent jew il-klima jew il-bijodiversità , filwaqt li titqies il-ħtieġa li tinbena mill-ġdid u tiġi mmodernizzata l-infrastruttura u tiġi riabilitata natura li saritilha ħsara mill-gwerra b’mod reżiljenti, u jkunu akkumpanjati, fejn rilevanti, minn miżuri xierqa biex jiġu evitati, prevenuti jew imnaqqsa u, jekk possibbli, jiġu kkumpensati dawn l-effetti.

6.   F’konformità mal-Prinċipju tas-Sħubija tal-UE u l-Kodiċi ta’ Kondotta tal-UE, il-Kummissjoni għandha tiggarantixxi li l-partijiet ikkonċernati rilevanti, inklużi l-Verkhovna Rada, l-awtoritajiet lokali u reġjonali, is-sħab soċjali u l-organizzazzjonijiet tas-soċjetà ċivili, jiġu kkonsultati kif xieraq u b’mod ġust u jkollhom aċċess f’waqtu għall-informazzjoni rilevanti biex ikunu jistgħu jipparteċipaw b’mod sinifikattiv fit-tfassil, l-implimentazzjoni tal-attivitajiet eliġibbli għall-finanzjament taħt din il-Faċilità, u fil-proċessi relatati ta’ monitoraġġ , ta’ skrutinju u ta’ evalwazzjoni . Tali involviment għandu jfittex li jirrappreżenta l-pluraliżmu tas-soċjetà u tal-komunità tan-negozju Ukreni u jiżgura l-inklużività ta’ komunitajiet differenti fl-Ukrajna.

Il-Kummissjoni għandha tagħti attenzjoni speċifika lill-parteċipazzjoni tan-nisa fil-konsultazzjonijiet, kif ukoll l-inklużjoni ta’ gruppi vulnerabbli, bħal veterani tal-gwerra u persuni b’diżabilità, f’tali konsultazzjonijiet . Il-Kummissjoni għandha b’mod partikolari tippromwovi l-involviment tal-Verkhovna Rada, kif ukoll korpi rappreżentattivi reġjonali jew lokali u awtoritajiet pubbliċi, f’konformità mal-prinċipju tal-governanza f’diversi livelli u b’kunsiderazzjoni ta’ approċċ minn isfel għal fuq. Il-Kummissjoni għandha tiżgura li l-Verkhovna Rada tiġi kkonsultata b’mod sinifikattiv dwar il-Pjan għall-Ukrajna kollu kemm hu qabel il-preżentazzjoni tal-Pjan lill-Kummissjoni u tkun tista’ tissodisfa bis-sħiħ id-dmirijiet suffiċjenti ta’ inkjesta u monitoraġġ sakemm iddum il-Faċilità u wara .

Il-Kummissjoni għandha tivvaluta kontinwament il-grad sa fejn l-involviment tal-partijiet ikkonċernati jkun ġust u rappreżentattiv tal-pluraliżmu tal-interessi fis-soċjetà u fil-komunitajiet tan-negozju Ukreni, b’mod partikolari billi tivvaluta jekk il-partijiet ikkonċernati ta’ daqsijiet differenti u b’interessi differenti jew opposti ġewx ikkonsultati kif xieraq. Il-Kummissjoni għandha tinkoraġġixxi l-koordinazzjoni fost il-partijiet ikkonċernati rilevanti. Il-Kummissjoni għandha tiżgura li s-soċjetà ċivili fl-Ukrajna tkun tista’ tirrapporta direttament kwalunkwe irregolarità li tista’ tidentifika lill-Kummissjoni permezz ta’ kanali u pjattaformi permanenti xierqa.

7.   Il-Kummissjoni, f’kooperazzjoni mal-Istati Membri u l-Ukrajna, għandha tiżgura l-implimentazzjoni tal-impenji tal-Unjoni għal aktar trasparenza u responsabbiltà fl-għoti tal-assistenza, inkluż billi tippromwovi l-implimentazzjoni sħiħa tal-Konvenzjoni ta’ Aarhus u l-implimentazzjoni u t-tisħiħ tas-sistemi ta’ kontroll intern u l-politiki kontra l-frodi. Il-Kummissjoni għandha tagħmel l-informazzjoni dwar il-volum u l-allokazzjoni tal-assistenza disponibbli pubblikament permezz ta’ portal web uniku , u għandha tiżgura li d-data tkun aġġornata, aċċessibbli faċilment, disponibbli f’format li jinqara mill-magni u komparabbli. L-ismijiet jew l-identitajiet legali tal-akbar 2 000 benefiċjarju finali u l-benefiċjarji finali kollha li rċevew ammonti kumulattivi ogħla minn EUR 100 000 għandhom jiġu ppubblikati.

1.     Il-Faċilità għandha tissostitwixxi progressivament, malajr kemm jista’ jkun, l-allokazzjoni bilaterali provduta lill-Ukrajna taħt l-Istrument ta’ Viċinat, ta’ Kooperazzjoni għall-Iżvilupp u ta’ Kooperazzjoni Internazzjonali (NDICI-GE) u l-appoġġ provdut fil-forma ta’ assistenza makrofinanzjarja.

2.     L-Ukrajna għandha tibqa’ eliġibbli għall-appoġġ taħt il-programmi reġjonali, transfruntiera, tematiċi, u ta’ rispons għall-kriżijiet tal-NDICI kif ukoll għal strumenti oħra tal-Unjoni. L-appoġġ provdut taħt il-Faċilità ma għandux jipprekludi l-Ukrajna milli ssir eliġibbli għall-finanzjament taħt ir-Regolamenti tal-IPA fil-futur. Il-Kummissjoni għandha tiżgura l-koerenza bejn l-assistenza pprovduta fl-ambitu tal-Faċilità u l-qafas ta’ politika tat-tkabbir.

3.     L-azzjonijiet li jaqgħu fi ħdan il-kamp ta’ applikazzjoni tar-Regolament (KE) Nru 1257/96 kif ukoll fi ħdan il-kamp ta’ applikazzjoni tal-Faċilità Ewropea għall-Paċi ma għandhomx ikunu ffinanzjati taħt il-Faċilità.

4.     Il-Kummissjoni għandha tiżgura komplementaritajiet u sinerġiji bejn il-Faċilità u programmi oħra tal-Unjoni, bil-ħsieb li jiġi evitat il-finanzjament doppju.

1.   Prekundizzjoni għall-appoġġ lill-Ukrajna permezz tal-Faċilità għandha tkun li l-Ukrajna tkompli żżomm , tiżviluppa u tirrispetta l-mekkaniżmi demokratiċi effettivi, inkluż sistema parlamentari fil-livelli kollha tal-gvern, li tissalvagwardja d-drittijiet u l-prerogattivi ta’ oppożizzjoni demokratika, kontrolli u bilanċi xierqa, bħal-libertà tal-media, l-allokazzjoni tal-baġit trasparenti u istituzzjonali, il-mekkaniżmi u l-istituzzjonijiet li jiżguraw il-prevenzjoni, id-detezzjoni u l-pieni tal-frodi, il-korruzzjoni u l-kunflitti ta’ interessi, l-istat tad-dritt, kif ukoll elezzjonijiet ħielsa u ġusti f’konformità mal-kostituzzjoni tal-Ukrajna. Barra minn hekk, l-Ukrajna għandha tkompli tiggarantixxi r-rispett għad-drittijiet tal-bniedem, inklużi d-drittijiet ta’ persuni li jagħmlu parti minn minoranzi , u taħdem lejn parteċipazzjoni akbar tan-nisa fit-teħid ta’ deċiżjonijiet .

2.   Il-Kummissjoni għandha timmonitorja t-twettiq tal-prekundizzjoni stabbilita fil-paragrafu 1 qabel ma jsiru l-iżborżi lill-Ukrajna fl-ambitu tal-Faċilità u matul il-perjodu tal-appoġġ ipprovdut mill-Faċilità filwaqt li tqis kif xieraq ir-rapport regolari tal-Kummissjoni dwar it-tkabbir. Il-Kummissjoni għandha tqis ir-rakkomandazzjonijiet rilevanti tal-korpi internazzjonali, bħall-Kunsill tal-Ewropa u l-Kummissjoni ta’ Venezja tagħha f’dan il-proċess. Il-Kummissjoni tista’ tadotta deċiżjoni li tikkonkludi li din il-prekundizzjoni ma ġietx issodisfata, u b’mod partikolari, tissospendi l-pagamenti msemmija fl-Artikolu 25, irrispettivament mill-issodisfar tal-kundizzjonijiet imsemmija fl-Artikolu 15(2). Fil-valutazzjoni tagħha, il-Kummissjoni għandha tqis ukoll il-kuntest fl-Ukrajna, u l-konsegwenzi tal-applikazzjoni tal-liġi marzjali hemmhekk. Il-valutazzjoni tal-Kummissjoni għandha tiġi trażmessa simultanjament lill-Parlament Ewropew u lill-Kunsill.

1.   Ir-riżorsi għall-implimentazzjoni tal-Faċilità tal-Ukrajna għandhom ikunu disponibbli f’konformità mal-Artikolu 10b tar-Regolament tal-Kunsill (UE, Euratom) 2020/2093, bid-distribuzzjoni indikattiva li ġejja:

2.   L-appoġġ finanzjarju skont il-Kapitolu III fil-forma ta’ self għandu jkun disponibbli għal ammont sa EUR 50 000 000 000 għall-perjodu mill-1 ta’ Jannar 2024 sal-31 ta’ Diċembru 2027.

L-ammont globali ta’ żborżamenti tas-self għandu jqis l-ammonti disponibbli skont il-paragrafu 1 u l-ammont imsemmi fil-paragrafu 3.

3.   Is-somma tar-riżorsi magħmula disponibbli skont il-paragrafi 1 u 2 ma għandhiex taqbeż il-EUR 50 000 000 000 għall-perjodu mill-2024 sal-2027. L-ammonti għandhom jiġu mobilizzati annwalment mir-Riżerva għall-Ukrajna fil-baġit tal-Unjoni lil hinn mil-limiti massimi tal-Qafas Finanzjarju Pluriennali mill-awtorità baġitarja. In-nomenklatura tar-Riżerva tal-Ukrajna għandha tkun magħmula minn linji baġitarji addizzjonali, li jikkorrispondu għal kull wieħed mill-pilastri li fihom huwa strutturata dan ir-Regolament.

4.   Jistgħu jiġu pprovduti kontribuzzjonijiet addizzjonali għall-finanzjament tal-appoġġ imsemmi fil-paragrafu 1 f’konformità mal-Artikolu 7.

5.   Ir-riżorsi msemmija fil-paragrafi 1(d) u 4 jistgħu jintużaw għal assistenza teknika u amministrattiva għall-implimentazzjoni tal-Faċilità, bħal azzjonijiet preparatorji, attivitajiet ta’ monitoraġġ, kontroll, awditjar u evalwazzjoni, li jkunu meħtieġa għall-ġestjoni tal-Faċilità u biex jinkisbu l-objettivi tagħha, b’mod partikolari studji, laqgħat ta’ esperti, konsultazzjonijiet mal-awtoritajiet Ukreni, konferenzi, konsultazzjoni mal-partijiet ikkonċernati, inklużi awtoritajiet lokali u reġjonali u organizzazzjonijiet tas-soċjetà ċivili, azzjonijiet ta’ informazzjoni u komunikazzjoni, inkluż azzjonijiet ta’ sensibilizzazzjoni inklużivi, u komunikazzjoni korporattiva tal-prijoritajiet politiċi tal-Unjoni, sa fejn dawn ikunu strettament relatati mal-objettivi ta’ dan ir-Regolament, l-ispejjeż marbuta man-netwerks tal-IT li jiffukaw fuq l-ipproċessar u l-iskambju ta’ informazzjoni, l-għodod korporattivi tat-teknoloġija tal-informazzjoni, u l-ispejjeż l-oħra kollha ta’ assistenza teknika u amministrattiva mġarrba mill-Kummissjoni għall-ġestjoni u l-kostijiet tal-Faċilità fil-kwartieri ġenerali u fid-delegazzjonijiet tal-Unjoni. L-ispejjeż jistgħu jkopru wkoll il-kostijiet ta’ attivitajiet oħra ta’ appoġġ bħall-kontroll tal-kwalità u l-monitoraġġ indipendenti ta’ proġetti fuq il-post u l-ispejjeż tal-konsulenza bejn il-pari u l-esperti għall-valutazzjoni u l-implimentazzjoni ta’ riformi u investimenti.

1.   L-Istati Membri, il-pajjiżi terzi, l-organizzazzjonijiet internazzjonali, l-istituzzjonijiet finanzjarji internazzjonali jew sorsi oħra jistgħu jipprovdu kontribuzzjonijiet finanzjarji addizzjonali lil pilastru wieħed jew aktar msemmija fl-Artikolu 1(2) mingħajr ma jkunu marbuta bid-distribuzzjoni indikattiva msemmija fl-Artikolu 6(1). Tali kontribuzzjonijiet għandhom jikkostitwixxu dħul assenjat estern skont it-tifsira tal-Artikolu 21(2), il-punti (a)(ii), (d), u (e) tar-Regolament (UE, Euratom) 2018/1046.

Ammonti addizzjonali riċevuti bħala dħul assenjat estern skont it-tifsira tal-Artikolu 21(5) tar-Regolament (UE, Euratom) 2018/1046 skont l-atti legali rilevanti tal-Unjoni fir-rigward ta’ miżuri restrittivi fid-dawl tal-azzjonijiet tar-Russja li jiddestabbilizzaw is-sitwazzjoni fl-Ukrajna jew skont kwalunkwe att legali ieħor tal-Unjoni dwar ir-responsabbiltà tar-Russja għall-ħsara kkawżata lill-Ukrajna, għandhom jiżdiedu mar-riżorsi msemmija fl-Artikolu 6. B’mod partikolari, u soġġett għar-rispett tar-regoli applikabbli tad-dritt internazzjonali konswetudinarju, kwalunkwe assi, flimkien mar-rikavati tiegħu, ikkonfiskat mill-Federazzjoni Russa u stati, entitajiet jew individwi oħra direttament f’konnessjoni mal-gwerra ta’ aggressjoni tar-Russja jew kwalunkwe rikavat miksub mill-ġestjoni ta’ dawk l-assi tal-Federazzjoni Russa friżati skont il-miżuri restrittivi tal-UE, jistgħu jiġu riċevuti wkoll bħala ammonti addizzjonali bħala dħul assenjat estern fi ħdan it-tifsira tar-Regolament (UE, Euratom) 2018/1046, taħt kwalunkwe att legali tal-Unjoni rilevanti li għandu jiġi adottat fil-futur, u għandu jintuża fil-forma ta’ għotjiet.

2.   Il-kontribuzzjonijiet imsemmija fil-paragrafu 1 għandhom jiġu implimentati f’konformità mal-istess regoli u kundizzjonijiet bħall-ammont imsemmi fl-Artikolu 6(1).

3.   Il-kontribuzzjonijiet għall-Garanzija tal-Ukrajna u għall-istrumenti finanzjarji fl-ambitu ta-Kapitolu IV għandhom isiru f’konformità mal-Artikolu 28.

1.   Il-Faċilità għandha tiġi implimentata f’konformità mar-Regolament (UE, Euratom) 2018/1046, jew b’ġestjoni diretta jew b’ġestjoni indiretta ma’ kwalunkwe waħda mill-entitajiet imsemmija fl-Artikolu 62, l-ewwel subparagrafu, il-punt (c), tar-Regolament (UE, Euratom) 2018/1046.

2.   Il-finanzjament tal-Unjoni jista’ jiġi pprovdut fi kwalunkwe waħda mill-forom stabbiliti fir-Regolament (UE, Euratom) 2018/1046, b’mod partikolari għotjiet, premjijiet, akkwist, appoġġ baġitarju, strumenti finanzjarji, garanziji baġitarji, operazzjonijiet ta’ taħlit u assistenza finanzjarja.

3.   L-istrumenti finanzjarji, il-garanziji baġitarji u l-operazzjonijiet ta’ taħlit li jikkombinaw appoġġ minn strumenti finanzjarji jew garanziji baġitarji fl-ambitu tal-Faċilità għandhom jiġu implimentati f’konformità mal-prinċipji stabbiliti fit-Titolu X, u b’mod partikolari l-Artikoli 208 u 209(1), (2) u (4), tar-Regolament (UE, Euratom) 2018/1046. Skont il-kapaċità operattiva u finanzjarja meħtieġa, il-kontroparti tal-garanzija baġitarja, jew l-entità fdata li timplimenta l-istrumenti finanzjarji, tista’ tkun il-Bank Ewropew tal-Investiment jew il-Fond Ewropew tal-Investiment, istituzzjoni finanzjarja Ewropea multilaterali, bħall-Bank Ewropew għar-Rikostruzzjoni u l-Iżvilupp, jew istituzzjoni finanzjarja Ewropea bilaterali, bħall-banek tal-iżvilupp. Kull meta jkun possibbli, l-implimentazzjoni ta’ strumenti finanzjarji, garanziji baġitarji u operazzjonijiet ta’ taħlit fl-ambitu tal-Faċilità għandha tiġi kkomplementata minn forom addizzjonali ta’ appoġġ finanzjarju, mill-Istati Membri jew minn partijiet terzi.

1.   Il-Kummissjoni għandha tikkonkludi ftehim qafas mal-Ukrajna għall-implimentazzjoni tal-Faċilità li jistabbilixxi arranġamenti speċifiċi għall-ġestjoni, il-kontroll, is-superviżjoni, il-monitoraġġ, l-evalwazzjoni, ir-rapportar u l-awditjar tal-fondi fl-ambitu tal-Faċilità, kif ukoll għall-prevenzjoni, id-detezzjoni, l-investigazzjoni u l-korrezzjoni ta’ irregolaritajiet, frodi, korruzzjoni u kunflitti ta’ interess. Il-ftehim qafas għandu jiġi kkomplementat minn ftehimiet ta’ finanzjament f’konformità mal-Artikolu 10 u ftehimiet ta’ self f’konformità mal-Artikolu 21, li jistabbilixxu dispożizzjonijiet speċifiċi għall-ġestjoni u l-implimentazzjoni tal-finanzjament fl-ambitu tal-Faċilità. Dak il-ftehim qafas, inkluża kwalunkwe dokumentazzjoni relatata, għandu jiġi trażmess simultanjament u mingħajr dewmien lill-Parlament Ewropew u lill-Kunsill u għandu jsir pubbliku.

2.   Bl-eċċezzjoni tal-finanzjament tranżitorju msemmi fl-Artikolu 24, il-finanzjament għandu jingħata biss lill-Ukrajna wara li l-ftehim qafas u l-ftehimiet ta’ finanzjament u self applikabbli jkunu daħlu fis-seħħ.

3.   Il-ftehim qafas, il-ftehimiet ta’ finanzjament u l-ftehim ta’ self konklużi mal-Ukrajna, meħuda globalment, u l-kuntratti u l-ftehimiet iffirmati ma’ persuna jew entitajiet li jirċievu fondi tal-Unjoni, għandhom jiżguraw li l-obbligi stabbiliti fl-Artikolu 129 tar-Regolament (UE, Euratom) 2018/1046 ikunu jistgħu jiġu ssodisfati.

4.   Il-ftehim qafas għandu jistabbilixxi dispożizzjonijiet dettaljati dwar, b’mod partikolari:

1.   Għandhom jiġu konklużi ftehimiet ta’ finanzjament għall-Kapitoli III u V , u jiġu stabbiliti passi kwalitattivi u kwantitattivi li jistgħu jitkejlu marbuta mal-iżborż ta’ fondi skont dan ir-Regolament . Dawn għandhom jistabbilixxu r-responsabbiltajiet u l-obbligi tal-Ukrajna fl-implimentazzjoni tal-fondi tal-Unjoni, inklużi l-obbligi stabbiliti fl-Artikolu 129 tar-Regolament (UE, Euratom) 2018/1046. Għandhom jistabbilixxu wkoll il-kundizzjonijiet għall-pagament tal-appoġġ finanzjarju mhux ripagabbli, inkluż fir-rigward tal-implimentazzjoni tal-ftehim qafas imsemmi fl-Artikolu 9, inklużi s-sistemi ta’ kontroll intern kif imsemmi fl-Artikolu 9(4), il-punti (a) u (c). Il-ftehimiet ta’ finanzjament għandhom jistabbilixxu wkoll id-drittijiet u l-obbligi tal-Unjoni. Huma għandhom jiġu trażmessi simultanjament lill-Parlament Ewropew u lill-Kunsill.

2.   Il-ftehimiet ta’ finanzjament għandhom jinkludu regoli dwar ir-rapportar lill-Kummissjoni dwar kif jitwettqu l-attivitajiet, u dwar jekk il-kundizzjonijiet imsemmija fl-Artikolu 15(2) ikunux issodisfati.

1.   Il-parteċipazzjoni fi proċeduri ta’ akkwist, ta’ għotjiet u ta’ għoti ta’ premjijiet għal azzjonijiet iffinanzjati fl-ambitu tal-Faċilità għandha tkun miftuħa għal organizzazzjonijiet internazzjonali u reġjonali u għall-persuni fiżiċi l-oħra kollha li huma ċittadini ta’, u għall-persuni ġuridiċi li huma stabbiliti b’mod effettiv fi:

2.   L-aċċess reċiproku msemmi fil-paragrafu 1, il-punt (b), jista’ jingħata, għal perjodu limitat ta’ mhux inqas minn sena, kull meta pajjiż jagħti eliġibbiltà fuq termini ugwali lil entitajiet mill-Unjoni u minn pajjiżi eliġibbli fl-ambitu tal-Faċilità.

Il-Kummissjoni għandha tiddeċiedi dwar l-aċċess reċiproku wara li tikkonsulta lill-Ukrajna.

3.   Il-provvisti u l-materjali kollha ffinanzjati u akkwistati fl-ambitu ta’ din il-Faċilità għandhom joriġinaw minn kwalunkwe pajjiż imsemmi fil-paragrafu 1(a) u (b), sakemm il-provvisti u l-materjali ma jkunux jistgħu jinkisbu b’kundizzjonijiet raġonevoli fi kwalunkwe wieħed minn dawk il-pajjiżi. Barra minn hekk, japplikaw ir-regoli dwar ir-restrizzjonijiet fil-paragrafu 7.

4.   Ir-regoli ta’ eliġibbiltà skont dan l-Artikolu ma għandhomx japplikaw għal persuni fiżiċi impjegati jew ikkuntrattati legalment b’xi mod ieħor minn kuntrattur eliġibbli jew, fejn applikabbli, sottokuntrattur, u ma għandhomx joħolqu restrizzjonijiet ta’ nazzjonalità għalihom, ħlief fejn ir-restrizzjonijiet ta’ nazzjonalità huma bbażati fuq ir-regoli previsti fil-paragrafu 7.

5.   Għal azzjonijiet kofinanzjati b’mod konġunt minn entità jew implimentati b’ġestjoni diretta jew indiretta ma’ entitajiet kif imsemmi fl-Artikolu 62(1), il-punt (c), tar-Regolament (UE, Euratom) 2018/1046 jew għal azzjonijiet implimentati minn entitajiet Ukreni skont il-Kapitolu III ta’ dan ir-Regolament, ir-regoli ta’ eliġibbiltà ta’ dawk l-entitajiet jew l-Ukrajna għandhom japplikaw ukoll flimkien mar-regoli stabbiliti skont dan l-Artikolu, inkluż, fejn applikabbli, ir-restrizzjonijiet previsti fil-paragrafu 7 ta’ dan l-Artikolu u debitament riflessi fil-ftehimiet ta’ finanzjament u fid-dokumenti kuntrattwali ffirmati ma’ dawk l-entitajiet.

6.   Fejn jiġu pprovduti kontribuzzjonijiet addizzjonali f’konformità mal-Artikolu 7 permezz ta’ dħul assenjat estern, ir-regoli ta’ eliġibbiltà fil-ftehim mal-persuna li tipprovdi l-kontribuzzjoni addizzjonali għandhom japplikaw bir-regoli dwar ir-restrizzjonijiet previsti fil-paragrafu 7 ta’ dan l-Artikolu.

7.   Ir-regoli ta’ eliġibbiltà u l-oriġini tal-provvisti u l-materjali fil-paragrafi 1 u 3 u n-nazzjonalità tal-persuni fiżiċi msemmija fil-paragrafu 4 jistgħu jiġu ristretti fir-rigward tan-nazzjonalità, il-post ġeografiku jew in-natura tal-entitajiet ġuridiċi li jipparteċipaw fi proċeduri ta’ akkwist kif ukoll fir-rigward tal-oriġini ġeografika tal-provvisti u l-materjali, fil-każijiet li ġejjin:

8.   Applikanti u kandidati għall-offerti minn pajjiżi mhux eliġibbli jistgħu jiġu aċċettati bħala eliġibbli f’każ ta’ urġenza jew fejn is-servizzi ma jkunux disponibbli fis-swieq tal-pajjiżi jew it-territorji kkonċernati, jew f’każijiet debitament sostanzjati oħra fejn l-applikazzjoni tar-regoli ta’ eliġibbiltà tirrendi t-twettiq ta’ azzjoni impossibbli jew eċċessivament diffiċli.

1.   B’deroga mill-Artikolu 12(4) tar-Regolament (UE, Euratom) 2018/1046, l-approprjazzjonijiet ta’ impenn u ta’ pagament li ma jintużawx fl-ambitu tal-Faċilità għandhom jiġu riportati b’mod awtomatiku u jistgħu jiġu impenjati u użati, rispettivament, sal-31 ta’ Diċembru tas-sena finanzjarja ta’ wara. L-ammont riportat għandu jkun l-ewwel li jintuża fis-sena finanzjarja ta’ wara.

2.   Il-Kummissjoni għandha tippreżenta lill-Parlament Ewropew u lill-Kunsill informazzjoni dwar l-approprjazzjonijiet ta’ impenn riportati , inklużi l-ammonti involuti, skont l-Artikolu 12(6) tar-Regolament (UE, Euratom) 2018/1046.

3.   B’deroga mill-Artikolu 15 tar-Regolament (UE, Euratom) 2018/1046 dwar li l-approprjazzjonijiet jerġgħu jsiru disponibbli, l-approprjazzjonijiet ta’ impenn li jikkorrispondu għall-ammont ta’ diżimpenji magħmula b’riżultat tan-nuqqas ta’ implimentazzjoni totali jew parzjali ta’ azzjoni fl-ambitu tal-Faċilità, għandhom jerġgħu jsiru disponibbli għall-benefiċċju tal-linja baġitarja tal-oriġini.

4.   B’deroga mill-ewwel, it-tieni u r-raba’ subparagrafi tal-Artikolu 209(3) tar-Regolament (UE, Euratom) 2018/1046, kwalunkwe dħul u ħlas lura minn strumenti finanzjarji stabbiliti skont dan ir-Regolament għandhom jikkostitwixxu dħul assenjat intern skont it-tifsira tal-Artikolu 21(5) tar-Regolament (UE, Euratom) 2018/1046, lill-Faċilità jew il-programm suċċessur tagħha.

5.   B’deroga mill-Artikolu 213(4), il-punt (a), tar-Regolament (UE, Euratom) 2018/1046, kwalunkwe surplus tad-dispożizzjonijiet għall-Garanzija tal-Ukrajna għandu jikkostitwixxi dħul assenjat intern skont it-tifsira tal-Artikolu 21(5) tar-Regolament (UE, Euratom) 2018/1046 għall-Faċilità jew għall-programm suċċessur tagħha.

6.   L-impenji baġitarji għall-azzjonijiet li jkunu ta’ aktar minn sena finanzjarja waħda jistgħu jinqasmu fuq diversi snin f’pagamenti parzjali annwali, f’konformità mal-Artikolu 112(2) tar-Regolament (UE, Euratom) 2018/1046.

L-Artikolu 114(2), it-tielet subparagrafu, tar-Regolament (UE, Euratom) 2018/1046 ma għandux japplika għall-azzjonijiet imsemmija fl-ewwel subparagrafu ta’ dan il-paragrafu.

1.   F’ċirkostanzi eċċezzjonali debitament ġustifikati, b’mod partikolari fejn deterjorament sinifikanti tal-gwerra jagħmilha impossibbli għall-Ukrajna li tissodisfa l-kundizzjonijiet marbuta mal-forom ta’ appoġġ skont dan ir-Regolament, il-Faċilità tista’ tipprovdi finanzjament eċċezzjonali lill-Ukrajna sabiex iżżomm l-istabbiltà makrofinanzjarja tagħha u trawwem il-kisba tal-objettivi msemmija fl-Artikolu 3. Tali finanzjament eċċezzjonali għandu jieqaf hekk kif jerġa’ jsir possibbli li jiġu ssodisfati l-kundizzjonijiet.

2.   Għall-fini tal-paragrafu 1, fejn il-Kummissjoni ssib li huwa impossibbli li l-Ukrajna tissodisfa l-kundizzjonijiet marbuta mal-forom ta’ appoġġ skont dan ir-Regolament minħabba tali ċirkostanzi eċċezzjonali debitament ġustifikati, il-Kummissjoni tingħata s-setgħa li tadotta att delegat f’konformità mal-Artikolu 38 biex tissupplementa dan ir-Regolament b’dispożizzjonijiet li jistabbilixxu finanzjament eċċezzjonali lill-Ukrajna fl-ambitu tal-Faċilità.

3.   Il-finanzjament eċċezzjonali għandu fi kwalunkwe każ ikun soġġett għall-prekundizzjoni msemmija fl-Artikolu 5 u għandu jkun iffinanzjat mir-riżorsi msemmija fl-Artikolu 6(1), il-punt (a), u 6(2).

1.   Il-Pjan għall-Ukrajna (il-“Pjan”) għandu jipprevedi qafas ġenerali biex jintlaħqu l-objettivi stabbiliti fl-Artikolu 3.

2.   Il-Pjan għall-Ukrajna għandu jikkostitwixxi l-bażi għall-appoġġ ipprovdut fl-ambitu tal-Pilastru I tal-Faċilità kif stabbilit fl-Artikolu 1(2)(a) u kif imsemmi f’dan il-Kapitolu. Għandu jservi wkoll bħala referenza biex jiggwida l-appoġġ li għandu jingħata skont il-Pilastri II u III tal-Faċilità msemmija fil-Kapitoli IV u V.

1.   Il-Pjan għall-Ukrajna għandu jistabbilixxi l-aġenda ta’ riforma u ta’ investiment tal-Ukrajna, integrata f’qafas ta’ politika ekonomika u fiskali, biex jinkisbu l-objettivi ġenerali u speċifiċi msemmija fl-Artikolu 3. Il-Pjan għandu jinkludi miżuri għall-implimentazzjoni tar-riformi u tal-investiment pubbliku permezz ta’ pakkett komprensiv u koerenti, li jista’ jinkludi wkoll skemi pubbliċi li għandhom l-għan li jinċentivaw l-investimenti privati. Il-Pjan għall-Ukrajna għandu jidentifika l-ammont ta’ appoġġ finanzjarju li jikkontribwixxi għall-appoġġ għall-istabbiltà makrofinanzjarja kif definit fl-Artikolu 3(2), il-punt (a), kif ukoll l-ammont ta’ appoġġ finanzjarju li jikkontribwixxi għall-appoġġ għar-riformi u l-investimenti kif definit fil-paragrafi l-oħra tal-Artikolu 3.

2.   Il-Faċilità għandha tipprovdi finanzjament skont dan il-Kapitolu malli jiġu ssodisfati b’mod sodisfaċenti l-kundizzjonijiet li jirriżultaw mill-Pjan, billi tieħu l-forma ta’ passi kwalitattivi jew kwantitattivi li jistgħu jitkejlu, maqbula fil-ftehimiet ta’ finanzjament . Tali kundizzjonijiet għandhom jirriflettu l-objettivi differenti tal-Faċilità, kif definit fl-Artikolu 3, u l-prinċipji ġenerali, kif stabbiliti fl-Artikolu 4, u għandhom jinkludu kundizzjonijiet relatati mar-rekwiżiti essenzjali, bħaż-żamma tal-istabbiltà ekonomika u finanzjarja, is-sorveljanza tal-baġit u l-ġestjoni finanzjarja pubblika, u l-kundizzjonijiet relatati mal-implimentazzjoni tar-riformi u l-investimenti stabbiliti fil-Pjan.

3.   Il-kundizzjonijiet imsemmija f’dan l-Artikolu għandhom japplikaw għall-ammonti msemmija fl-Artikolu 6(1)(a) u (2) u l-kontribuzzjonijiet rilevanti skont il-paragrafu 4 ta’ dak l-Artikolu.

4.   Il-miżuri li nbdew mill-1 ta’ Jannar 2023 ’il quddiem għandhom ikunu eliġibbli dment li jikkonformaw mar-rekwiżiti mogħtija f’dan ir-Regolament.

5.   Il-Pjan għall-Ukrajna għandu jikkontribwixxi għall-prijoritajiet kollha jew għal subsett sinifikanti tal-prijoritajiet identifikati fil-kuntest tal-perkors tal-adeżjoni tal-Ukrajna, kif deskritt fl-Opinjoni tal-Kummissjoni u r-Rapport Analitiku, u l-Ftehim ta’ Assoċjazzjoni inkluż Ftehim ta’ Kummerċ Ħieles Approfondit u Komprensiv u għandu jkun konsistenti ma’ dawk il-prijoritajiet . Għandu jkun ukoll konsistenti mal-Kontribut Determinat fil-Livell Nazzjonali tal-Ukrajna u jikkontribwixxi fih skont il-Ftehim ta’ Pariġi u, jekk disponibbli, il-Pjan Nazzjonali għall-Enerġija u l-Klima.

▌-

1.   Sabiex tirċievi appoġġ fl-ambitu tal-Faċilità, l-Ukrajna għandha tippreżenta Pjan għall-Ukrajna lill-Kummissjoni.

2.   Il-Pjan għall-Ukrajna għandu b’mod partikolari jistabbilixxi l-elementi li ġejjin, li għandhom ikunu debitament motivati u sostanzjati:

3.   Il-Pjan għall-Ukrajna għandu jkun ibbażat fuq ir-riżultati u jinkludi indikaturi li jistgħu jitkejlu bħal indikaturi ewlenin tal-prestazzjoni, fejn applikabbli għall-valutazzjoni tal-progress lejn il-kisba tal-objettivi ġenerali u speċifiċi msemmija fl-Artikolu 3.

1.   Il-Pjan għall-Ukrajna għandu jitħejja mill-Gvern Ukren u jiġi approvat mill-Verkhovna Rada, li għandha tingħata żmien xieraq biex tivvaluta l-abbozz ta’ liġi . L-Ukrajna għandha tagħmel ħilitha biex tippreżenta l-Pjan lill-Kummissjoni sa tliet xhur wara d-dħul fis-seħħ ta’ dan ir-Regolament. L-Ukrajna tista’ tippreżenta abbozz ta’ Pjan lill-Kummissjoni. Il-Kummissjoni għandha tikkondividi dak l-abbozz ta’ Pjan mal-Parlament Ewropew u l-Kunsill .

2.   Fit-tħejjija tal-Pjan f’konformità mal-Artikolu 16, l-Ukrajna għandha tqis b’mod partikolari r-riżoluzzjonijiet rilevanti tal-Verkhovna Rada u s-sitwazzjoni fiż-żoni reġjonali, lokali u urbani tal-Ukrajna, filwaqt li tqis il-ħtiġijiet speċifiċi tagħhom għall-irkupru u r-rikostruzzjoni, ir-riforma, il-modernizzazzjoni u d-deċentralizzazzjoni.

3.   It-tħejjija u l-implimentazzjoni tal-Pjan għall-Ukrajna għandhom isiru f’konsultazzjoni mal-awtoritajiet reġjonali, lokali, urbani u awtoritajiet pubbliċi oħra, inklużi l-ministeri kompetenti rilevanti, is-soċjetà ċivili u l-komunità tal-esperti f’konformità mal-prinċipju tal-governanza f’diversi livelli u filwaqt li jitqies approċċ minn isfel għal fuq. F’konformità mal-Prinċipju tas-Sħubija tal-UE u l-Kodiċi ta’ Kondotta Ewropew, l-Ukrajna u l-Kummissjoni għandhom jiżguraw li l-organizzazzjonijiet tas-soċjetà ċivili jiġu debitament ikkonsultati u involuti fil-proċess u jkollhom aċċess f’waqtu għal informazzjoni rilevanti biex ikun possibbli li jkollhom rwol sinifikanti fit-tfassil u l-implimentazzjoni tal-Pjan għall-Ukrajna.

1.     Wara l-preżentazzjoni tal-Pjan għall-Ukrajna, il-Gvern Ukren għandu jipprovdi regolarment sommarji tal-informazzjoni rilevanti kollha rigward l-implimentazzjoni tal-Pjan għall-Ukrajna lill-Verkhovna Rada u lill-pubbliku, b’mod partikolari fil-kuntest tal-emendi għall-Pjan għall-Ukrajna, kif imsemmi fl-Artikolu 20, b’mod komprensiv u f’waqtu. Il-Gvern Ukren għandu jirrapporta personalment, fuq bażi trimestrali, fil-laqgħat plenarji tal-Verkhovna Rada.

2.     Il-Gvern Ukren għandu jistabbilixxi Kumitati ta’ Monitoraġġ li jinvolvu firxa varjata ta’ partijiet ikkonċernati, inklużi organizzazzjonijiet mhux governattivi, appoġġati minn ftehim qafas speċifiku għall-kooperazzjoni ma’ dawk l-organizzazzjonijiet mhux governattivi, f’konformità mal-Prinċipju tas-Sħubija tal-UE u l-Kodiċi ta’ Kondotta Ewropew. Il-Kumitati ta’ Monitoraġġ għandhom jiġu aġġornati regolarment dwar l-istat ta’ implimentazzjoni tal-Pjan għall-Ukrajna u l-evalwazzjoni tal-miżuri tiegħu. Għandhom jiġu pprovduti b’informazzjoni komprensiva, f’waqtha u rilevanti għal dan l-għan u jingħataw żmien xieraq biex jipproċessaw tali informazzjoni. L-opinjonijiet tal-Kumitati ta’ Monitoraġġ għandhom jintbagħtu lill-Kummissjoni Ewropea, li għandha tagħmilhom disponibbli lill-Parlament Ewropew u lill-Kunsill Ewropew mingħajr dewmien.

3.     Fuq talba motivata sew mill-Kumitati ta’ Monitoraġġ, il-Gvern Ukren jew, fejn rilevanti, il-Kummissjoni, għandhom jitolbu awditi jew evalwazzjonijiet esterni ta’ miżura waħda jew aktar fil-Pjan għall-Ukrajna, iffinanzjati mill-fondi disponibbli skont l-Artikolu 6(1), il-punt (d).

1.   Il-Kummissjoni għandha tivvaluta r-rilevanza, il-komprensività u l-adegwatezza tal-Pjan għall-Ukrajna jew, fejn applikabbli, l-emenda għal dak il-Pjan imsemmi fl-Artikolu 20, mingħajr dewmien żejjed, u , fejn xieraq, tista’ tadotta att delegat f’konformità mal-Artikolu 19. Meta twettaq din il-valutazzjoni, il-Kummissjoni għandha taġixxi f’kooperazzjoni mill-qrib mal-Ukrajna, u tista’ tagħmel osservazzjonijiet jew tfittex informazzjoni addizzjonali.

2.   Meta tivvaluta l-Pjan għall-Ukrajna, u fid-determinazzjoni tal-ammont li għandu jiġi allokat lill-Ukrajna, il-Kummissjoni għandha tqis l-informazzjoni analitika rilevanti disponibbli dwar l-Ukrajna, il-ġustifikazzjoni u l-elementi pprovduti mill-Ukrajna kif imsemmi fl-Artikolu 16(2), kif ukoll kwalunkwe informazzjoni rilevanti oħra bħal, b’mod partikolari, l-informazzjoni elenkata fl-Artikolu 15(5).

3.   Fil-valutazzjoni tagħha, il-Kummissjoni għandha tqis il-kriterji li ġejjin:

4.   Għall-fini tal-valutazzjoni tal-Pjan għall-Ukrajna ppreżentat mill-Ukrajna, il-Kummissjoni tista’ tiġi assistita minn esperti.

1.   Fil-każ ta’ valutazzjoni pożittiva ▌tal-Pjan għall-Ukrajna ppreżentata mill-Ukrajna ▌jew, fejn applikabbli, tal-emenda tiegħu ppreżentata f’konformità mal-Artikolu 20(1) jew (2), il-Kummissjoni għandha s-setgħa li tadotta att delegat skont l-Artikolu 38 biex jiġi supplimentat dan ir-Regolament b’dispożizzjonijiet li jistabbilixxu l-kwistjonijiet imsemmija fil-paragrafi 2 u 3 ta’ dan l-Artikolu .

2.    L-att delegat għandu jistabbilixxi, għall-parti li għandha tiġi ffinanzjata mill-Faċilità, ir-riformi u l-investimenti li jridu jiġu implimentati mill-Ukrajna, il-kundizzjonijiet li jirriżultaw mill-Pjan kif deskritt fl-Artikolu 15(2), inklużi l-iskeda ta’ żmien indikattiva, l-istadji importanti u l-miri meħtieġa għall-iżborż tal-ammonti msemmija fl-Artikolu 6(1), il-punt (a) u (2) u l-kontribuzzjonijiet rilevanti skont il-paragrafu 4 ta’ dak l-Artikolu.

3.    L-att delegat imsemmi fil-paragrafu 2 għandu jistabbilixxi wkoll:

3a.     Fejn il-Kummissjoni tivvaluta b’mod negattiv il-Pjan għall-Ukrajna, hija għandha tikkomunika valutazzjoni debitament ġustifikata fi żmien xahrejn wara li l-Ukrajna tkun ippreżentat il-proposta. Wara stedina mill-Parlament Ewropew, il-Kummissjoni għandha tidher quddiem il-kumitati kompetenti biex tispjega r-raġunijiet għall-valutazzjoni negattiva tal-Pjan għall-Ukrajna. Il-Kummissjoni għandha tittrażmetti informazzjoni rilevanti u sostanzjali lill-Parlament Ewropew u lill-Kunsill b’mod simultanju u fuq termini ugwali mill-inqas ħamest ijiem tax-xogħol qabel din il-laqgħa.

1.    Il-Gvern Ukren, wara konsultazzjoni mal-Verkhovna Rada u mal-Kumitati ta’ Monitoraġġ imsemmija fl-Artikolu 17a, jista’ jipproponi emendi għall-Pjan għall-Ukrajna. F’dak il-każ, l-Ukrajna tista’ tagħmel talba motivata lill-Kummissjoni biex tipproponi li temenda l-att delegat kollu jew parti minnu msemmi fl-Artikolu 19(1).

2.   Il-Kummissjoni tista’, wara li tinforma lill-Parlament Ewropew u lill-Kunsill , bi qbil mal-Ukrajna, temenda l-att delegat imsemmi fl-Artikolu 19(1), b’mod partikolari biex tqis bidla fl-ammonti disponibbli, b’mod partikolari minħabba kontribuzzjonijiet addizzjonali mill-Istati Membri jew minn sorsi oħra kif imsemmi fl-Artikolu 6(4).

3.   Meta l-Kummissjoni tqis li r-raġunijiet imressqa mill-Ukrajna jiġġustifikaw li jiġi emendat il-Pjan għall-Ukrajna, il-Kummissjoni għandha tivvaluta l-Pjan għall-Ukrajna emendat f’konformità mal-Artikolu 18 u għandha tagħmel proposta għal emenda tal-att delegat imsemmi fl-Artikolu 19(1).

1.     Il-Kummissjoni għandha tistabbilixxi tabella ta’ valutazzjoni tal-Pjan għall-Ukrajna (it-“Tabella ta’ valutazzjoni”), li għandha turi l-progress tal-implimentazzjoni tal-Pjan għall-Ukrajna f’kull wieħed mill-objettivi msemmija fl-Artikolu 3, is-sitwazzjoni soċjali, ekonomika u ambjentali fl-Ukrajna u l-progress tal-konverġenza lejn l-istandards tal-Unjoni.

2.     Il-Kummissjoni għandha tingħata s-setgħa li tadotta att delegat skont l-Artikolu 38 biex tissupplimenta dan ir-Regolament billi tistabbilixxi l-elementi dettaljati tat-Tabella ta’ valutazzjoni bil-ħsieb li turi l-progress tal-implimentazzjoni tal-Pjan għall-Ukrajna kif imsemmi fil-paragrafu 1, is-sitwazzjoni soċjali, ekonomika u ambjentali fl-Ukrajna u l-progress tal-konverġenza lejn l-istandards tal-Unjoni.

3.     It-Tabella ta’ valutazzjoni għandha tkun operazzjonali sa Lulju 2024 u għandha tiġi aġġornata mill-Kummissjoni darbtejn fis-sena. It-Tabella ta’ valutazzjoni għandha tkun disponibbli għall-pubbliku online.

1.   Sabiex tiffinanzja l-appoġġ fl-ambitu tal-Faċilità fil-forma ta’ self, il-Kummissjoni għandha tingħata s-setgħa, f’isem l-Unjoni, li tissellef il-fondi meħtieġa mis-swieq kapitali jew minn istituzzjonijiet finanzjarji f’konformità mal-Artikolu 220a tar-Regolament (UE, Euratom) 2018/1046.

2.   Mal-adozzjoni tal-att delegat imsemmi fl-Artikolu 19(1), il-Kummissjoni għandha tidħol fi ftehim ta’ self mal-Ukrajna fir-rigward tal-ammont imsemmi fl-Artikolu 6(2). Il-Ftehim ta’ self għandu jistabbilixxi l-perjodu ta’ disponibbiltà u t-termini dettaljati tal-appoġġ fl-ambitu tal-Faċilità fil-forma ta’ self, inkluż fir-rigward tas-sistemi ta’ kontroll intern kif imsemmi fl-Artikolu 9(4), il-punti (a) u (c). Is-self għandu jkollu durata massima ta’ 35 sena. Minbarra l-elementi stabbiliti fl-Artikolu 220(5) tar-Regolament (UE, Euratom) 2018/1046, il-ftehim ta’ self għandu jkun fih l-ammont ta’ prefinanzjament u r-regoli dwar l-ikklerjar tal-prefinanzjament. Il-Kummissjoni għandha tittrażmetti simultanjament lill-Parlament Ewropew u lill-Kunsill, l-elementi li ġejjin:

3.   B’deroga mill-Artikolu 31(3), it-tieni sentenza, tar-Regolament (UE) 2021/947, l-assistenza finanzjarja pprovduta lill-Ukrajna fil-forma ta’ self fl-ambitu tal-Faċilità ma għandhiex tiġi appoġġata mill-Garanzija għall-Azzjoni Esterna.

4.   L-ebda proviżjonament għas-self skont dan ir-Regolament ma għandu jkun kostitwit, u, b’deroga mill-Artikolu 211(1) tar-Regolament (UE, Euratom) 2018/1046, ma għandha tiġi stabbilita l-ebda rata ta’ proviżjonament bħala perċentwal tal-ammont imsemmi fl-Artikolu 6(2) ta’ dan ir-Regolament.

4a .    Il-ftehim tas-self għandu jiġi trażmess simultanjament lill-Parlament Ewropew u lill-Kunsill , kif ukoll lill-Verkhovna Rada.

1.   B’deroga mill-Artikolu 220(5) tar-Regolament (UE, Euratom) 2018/1046 u soġġetta għar-riżorsi disponibbli , il-Faċilità tista’ ġġarrab il-kost ta’ finanzjament, il-kost tal-ġestjoni tal-likwidità, u l-kost tas-servizz għall-ispejjeż ġenerali amministrattivi relatati mas-self (“is-sussidju għall-kostijiet tas-self”), ħlief għall-kostijiet relatati mar-ripagament bikri tas-self. Għall-perjodu mill-1 ta’ Jannar 2024 sal-31 ta’ Diċembru 2027, is-sussidju għall-kostijiet tas-self għandu jkun kopert taħt il-Kapitolu V. Il-Faċilità tista’ ġġarrab ukoll il-kost tas-sussidji tar-rati tal-imgħax mogħtija qabel fir-Regolament (UE) 2022/2463, id-Deċiżjoni (UE) 2022/1628, id-Deċiżjoni (UE) 2022/1201, u d-Deċiżjoni (UE) 2022/313, għall-perjodu 2024-2027.

2.   L-Ukrajna tista’ titlob kull sena s-sussidju għall-kostijiet tas-self imsemmi fil-paragrafu 1. Il-Kummissjoni tista’ tagħti sussidju għall-kostijiet tas-self għal ammont li ma jaqbiżx il-limiti tal-approprjazzjonijiet disponibbli fil-baġit annwali.

1.   L-Ukrajna tista’ titlob, flimkien mal-preżentazzjoni tal-Pjan għall-Ukrajna, pagament ta’ prefinanzjament ta’ ammont sa 7 % tal-appoġġ finanzjarju u s-self mhux ripagabbli li għandu jiġi pprovdut skont il-Kapitolu III.

2.   Fir-rigward tal-appoġġ finanzjarju li ma jitħallasx lura, il-Kummissjoni tista’ tagħmel il-pagament ta’ prefinanzjament wara l-adozzjoni tal-Pjan imsemmi fl-Artikolu 19 u d-dħul fis-seħħ tal-ftehim ta’ finanzjament imsemmi fl-Artikolu 10, soġġett għall-finanzjament disponibbli u għar-rispett tal-prekundizzjoni msemmija fl-Artikolu 5.

3.   Fir-rigward tal-appoġġ fil-forma ta’ self, il-Kummissjoni tista’ tagħmel il-pagament ta’ prefinanzjament wara l-approvazzjoni tal-Pjan imsemmi fl-Artikolu 19 u d-dħul fis-seħħ tal-ftehim ta’ self imsemmi fl-Artikolu 21. Il-pagamenti għandhom ikunu soġġetti għall-finanzjament disponibbli fis-swieq kapitali msemmija fl-Artikolu 21(1) u għar-rispett tal-prekundizzjoni stabbilita fl-Artikolu 5.

4.   Il-Kummissjoni għandha tiddeċiedi dwar l-iskeda ta’ żmien għall-iżborż tal-prefinanzjament, li jista’ jiġi żborżat f’segment wieħed jew aktar.

1.   Mingħajr preġudizzju għall-Artikolu 23, jekk il-Ftehim Qafas imsemmi fl-Artikolu 9 ma jiġix iffirmat jew il-Pjan għall-Ukrajna msemmi fil-Kapitolu III ma jiġix adottat sal-31 ta’ Diċembru 2023, il-Kummissjoni tista’ tiddeċiedi li tipprovdi appoġġ limitat eċċezzjonali lill-Ukrajna għal perjodu ta’ mhux aktar minn tliet xhur wara dak li jiġi l-aħħar – jew id-dħul fis-seħħ ta’ dan ir-Regolament jew l-1 ta’ Jannar 2024 – bil-kundizzjoni li jkun sar progress sodisfaċenti fit-tħejjija tal-Pjan għall-Ukrajna, sabiex jingħata appoġġ lill-istabbiltà makrofinanzjarja tal-pajjiż, skont kundizzjonijiet maqbula f’Memorandum ta’ Ftehim bejn il-Kummissjoni u l-Ukrajna, għar-rispett tal-prekundizzjoni msemmija fl-Artikolu 5, għall-konformità mal-Artikolu 6 u għall-finanzjament disponibbli.

2.   L-ammont ta’ dan l-appoġġ ma għandux jaqbeż il-EUR 1 500 000 000 kull xahar. Il-Kummissjoni għandha tidħol fi ftehim ta’ finanzjament jew self mal-Ukrajna, li għandu jikkonforma kif xieraq mal-Artikoli 10 u 21, rispettivament.

1.   Il-pagamenti tal-appoġġ finanzjarju li ma jitħallasx lura u tas-self lill-Ukrajna skont dan l-Artikolu għandhom isiru f’konformità mal-proċedura baġitarja annwali u soġġetti għall-finanzjament disponibbli. Il-ħlas għandu jsir f’żewġ pagamenti parzjali. Pagament parzjali jista’ jiġi żborżat f’parti waħda jew iktar.

2.   Kull tliet xhur, l-Ukrajna tista’ tippreżenta talba debitament ġustifikata għall-ħlas tal-appoġġ finanzjarju li ma jitħallasx lura u tas-self, u l-Kummissjoni għandha tħallas l-appoġġ finanzjarju u s-self rilevanti mhux ripagabbli, abbażi tal-valutazzjoni deskritta fil-paragrafu 3. Din it-talba għandha tiġi ttrasferita lill-kumitat rilevanti tal-Parlament Ewropew kif ukoll lill-formazzjoni rilevanti tal-Kunsill.

3.   Il-Kummissjoni għandha tivvaluta mingħajr dewmien żejjed jekk l-Ukrajna tkunx laħqet b’mod sodisfaċenti l-passi kwalitattivi u kwantitattivi stabbiliti fl-att delegat imsemmi fl-Artikolu 19(1). L-ilħuq sodisfaċenti tal-passi kwalitattivi u kwantitattivi għandu jippresupponi li l-miżuri relatati mal-passi li għalihom l-Ukrajna tkun laħqet livell sodisfaċenti ma jkunux treġġgħu lura mill-Ukrajna. Il-Kummissjoni tista’ tkun assistita minn esperti.

4.   Meta l-Kummissjoni tagħmel valutazzjoni pożittiva tal-ilħuq sodisfaċenti tal-passi kwalitattivi u kwantitattivi, hija għandha tadotta mingħajr dewmien żejjed deċiżjoni li tawtorizza l-iżborż tal-parti tal-appoġġ finanzjarju li ma jitħallasx lura u tas-self li jikkorrispondi għal tali passi. Il-valutazzjoni tal-Kummissjoni għandha tiġi trażmessa simultanjament lill-Parlament Ewropew u lill-Kunsill.

5.   Meta l-Kummissjoni tagħmel valutazzjoni negattiva tal-issodisfar tal-passi kwalitattivi u kwantitattivi skont l-iskeda ta’ żmien indikattiva, il-pagament tal-appoġġ finanzjarju li ma jitħallasx lura u tas-self li jikkorrispondi għal tali passi għandu jinżamm lura. Il-pagament miżmum lura għandu jitħallas biss meta l-Ukrajna tkun debitament iġġustifikat, bħala parti minn talba għal pagament sussegwenti, li tkun ħadet il-miżuri meħtieġa biex tiżgura t-twettiq sodisfaċenti tal-passi kwalitattivi u kwantitattivi. Il-Kummissjoni għandha tippubblika metodoloġija għat-trattament tal-issodisfar parzjali tal-passi bħala gwida. Il-valutazzjoni tal-Kummissjoni għandha tiġi trażmessa simultanjament lill-Parlament Ewropew u lill-Kunsill.

6.   Meta l-Kummissjoni tikkonkludi li l-Ukrajna ma tkunx ħadet il-miżuri meħtieġa fi żmien perjodu ta’ tnax-il xahar mill-valutazzjoni negattiva inizjali msemmija fil-paragrafu 5, il-Kummissjoni għandha tnaqqas l-ammont tal-appoġġ finanzjarju li ma jitħallasx lura u tas-self b’mod proporzjonali għall-parti li tikkorrispondi għall-passi kwalitattivi u kwantitattivi rilevanti. L-Ukrajna tista’ tippreżenta l-osservazzjonijiet tagħha fi żmien xahrejn mill-komunikazzjoni tal-konklużjonijiet tal-Kummissjoni.

7.   Il-Kummissjoni tista’ tnaqqas l-ammont tal-appoġġ finanzjarju li ma jitħallasx lura, inkluż billi tikkumpensa f’konformità mal-Artikolu 102 tar-Regolament (UE, Euratom) 2018/1046, jew tas-self li jrid jiġi żburżat lill-Ukrajna kif imsemmi fil-paragrafu 4, jekk jiġu identifikati każi, jew ikun hemm tħassib serju fir-rigward ta’ irregolaritajiet, frodi, korruzzjoni u kunflitti ta’ interess li jaffettwaw l-interessi finanzjarji tal-Unjoni li ma jkunux ġew rettifikati mill-Ukrajna, jew ksur serju ta’ obbligu li jirriżulta minn tali ftehimiet, inkluż abbażi ta’ rapporti tal-Bord tal-Awdituri msemmi fl-Artikolu 34 jew informazzjoni mill-OLAF. L-informazzjoni dwar tali deċiżjonijiet għandha tiġi trażmessa lill-Parlament Ewropew u lill-Kunsill.

8.   B’deroga mill-Artikolu 116(2) tar-Regolament (UE, Euratom) 2018/1046, l-iskadenza tal-pagament kif imsemmi fl-Artikolu 116(1), il-punt (a), tar-Regolament (UE, Euratom) 2018/1046 għandha tibda tgħodd mid-data tal-komunikazzjoni tad-deċiżjoni li tawtorizza l-iżborż lill-Ukrajna skont il-paragrafu 4 ta’ dan l-Artikolu.

9.   L-Artikolu 116(5) tar-Regolament (UE, Euratom) 2018/1046 ma għandux japplika għall-pagamenti li jsiru skont dan l-Artikolu u l-Artikolu 23 ta’ dan ir-Regolament.

1.   L-Ukrajna għandha tippubblika data aġġornata dwar il-persuni , l-entitajiet u l-benefiċjarji finali li jirċievu ammonti ta’ finanzjament li jaqbżu l-ekwivalenti ta’ EUR 100 000 , kumulattivi fuq perjodu ta’ erba’ snin, għall-implimentazzjoni tar-riformi u l-investimenti speċifikati fil-Pjan għall-Ukrajna msemmi f’dan il-Kapitolu. Ir-regoli rilevanti stabbiliti fir-Regolament (UE, Euratom) 2018/1046 għandhom japplikaw .

2.   Għall-persuni , l-entitajiet u l-benefiċjarji finali msemmija fil-paragrafu 1, l-informazzjoni li ġejja għandha tiġi ppubblikata f’format li jinqara mill-magni fuq paġna web, fl-ordni tal-fondi totali riċevuti , filwaqt li jitqiesu kif xieraq ir-rekwiżiti tal-kunfidenzjalità u tas-sigurtà, b’mod partikolari l-protezzjoni tad-data personali:

3.    Fuq bażi eċċezzjonali u fejn debitament ġustifikat mill-Gvern Ukren, l-informazzjoni msemmija fil-paragrafu 2 ma tistax tiġi ppubblikata, fejn id-divulgazzjoni tirriskja li thedded indebitament id-drittijiet u l-libertajiet tal-persuni jew l-entitajiet ikkonċernati. Tali informazzjoni għandha tiġi ttrasferita lill-Kummissjoni Ewropea u lill-Bord ta’ Verifika, li għandhom ikunu jistgħu jbiddlu d-deċiżjoni li ma tiġix ippubblikata tali informazzjoni .

4.   L-Ukrajna għandha tittrażmetti b’mod elettroniku u f’format li jinqara mill-magni mill-inqas darba fis-sena lill-Kummissjoni, id-data dwar il-persuni u l-entitajiet imsemmija fil-paragrafu 1, f’format li jinqara mill-magni , li għandu jiġi definit fil-Ftehim Qafas imsemmi fl-Artikolu 9(4), il-punt (i).

Il-Kummissjoni għandha tħejji, f’kooperazzjoni mill-qrib mal-awtoritajiet Ukreni, reġistru ta’ kumpaniji taħt influwenza oligarkika identifikati bħala li potenzjalment ifixklu l-kompetizzjoni libera u ġusta fis-suq. L-entitajiet identifikati f’dan ir-reġistru ma għandhomx ikunu eliġibbli biex jirċievu fondi fl-ambitu tal-Faċilità, soġġetti għad-dispożizzjonijiet meħtieġa dwar is-salvagwardji legali. Dan ir-reġistru għandu jitħejja fi żmien [sitt xhur wara d-dħul fis-seħħ ta’ dan ir-Regolament] u jiġi aġġornat kull tliet xhur.

1.   Skont il-Qafas ta’ Investiment għall-Ukrajna, il-Kummissjoni għandha tipprovdi l-appoġġ tal-Unjoni lill-Ukrajna fil-forma ta’ garanzija baġitarja, strumenti finanzjarji jew operazzjonijiet ta’ taħlit.

2.   Il-Kummissjoni għandha tkun appoġġata minn bord operazzjonali biex jimplimentaw il-Qafas ta’ Investiment għall-Ukrajna. Il-Kummissjoni għandha tipproponi r-regoli ta’ proċedura għall-bord operazzjonali.

3.   Il-bord operazzjonali tal-Qafas ta’ Investiment għall-Ukrajna għandu jinkludi rappreżentanti tal-Kummissjoni, ta’ kull Stat Membru, tal-Parlament Ewropew u rappreżentanti tal-Gvern Ukren u tal-Verkhovna Rada . Il-kontropartijiet li jimplimentaw il-Garanzija tal-Ukrajna u l-istrumenti finanzjarji appoġġati mill-Qafas ta’ Investiment għall-Ukrajna jistgħu jingħataw status ta’ osservatur. Il-Kummissjoni għandha tippresjedi l-bord operazzjonali.

4.   Il-bord operazzjonali għandu jipprovdi pariri lill-Kummissjoni dwar l-għażla ta’ modalitajiet ta’ appoġġ, id-disinn ta’ prodotti finanzjarji li għandhom jiġu applikati, u dwar setturi mhux eliġibbli. Għandu jifformula opinjonijiet dwar l-użu tal-appoġġ tal-Unjoni permezz tal-Garanzija tal-Ukrajna, l-istrumenti finanzjarji u l-operazzjonijiet ta’ taħlit.

5.   Il-Kummissjoni għandha tiżgura li l-appoġġ tal-Unjoni pprovdut skont il-Qafas ta’ Investiment tal-Ukrajna jkun konsistenti mal-Pjan għall-Ukrajna u jikkontribwixxi għall-implimentazzjoni tiegħu, u komplementari għall-appoġġ tal-Unjoni lill-Ukrajna maqbul skont programmi u strumenti oħra tal-Unjoni, u tqis il-promozzjoni tar-responsabbiltà soċjali korporattiva u l-imġiba responsabbli fin-negozju, inkluż b’mod partikolari permezz tar-rispett ta’ linji gwida, prinċipji u konvenzjonijiet maqbula internazzjonalment dwar l-investiment .

5a.     Mill-inqas 35 % tal-garanziji pprovduti taħt il-Pilastru II għandhom jintużaw biex jipprovdu appoġġ lill-Intrapriżi Mikro, Żgħar u ta’ Daqs Medju, kif definit fl-Artikolu 2 tal-Anness tar-Rakkomandazzjoni 2003/361/KE, inklużi negozji ġodda, inkluż permezz ta’ għodod finanzjarji li għandhom l-objettiv li jnaqqsu r-riskju involut fl-operazzjonijiet ta’ self tal-banek lokali Ukreni.

5b.     Għall-finijiet tal-Pilastru II, il-Kummissjoni, appoġġata mill-bord operazzjonali, għandha tiżviluppa metodoloġija u proċessi għar-rapportar annwali tal-appoġġ għall-investiment li jiddeskrivu mill-inqas l-elementi li ġejjin:

▌

7.   L-appoġġ fl-ambitu tal-Qafas ta’ Investiment tal-Ukrajna għandu b’mod partikolari jservi l-implimentazzjoni tal-Pjan għall-Ukrajna msemmi fil-Kapitolu III, filwaqt li jikkomplementa s-sorsi ta’ finanzjament stabbiliti f’dan ir-Regolament.

8.   Il-Kummissjoni għandha tirrapporta kull sena dwar l-implimentazzjoni tal-appoġġ fl-ambitu tal-Qafas ta’ Investiment tal-Ukrajna f’konformità mal-Artikoli 41(4) u (5) tar-Regolament (UE, Euratom) 2018/1046. Għal dan l-għan, kull kontroparti tal-Garanzija tal-Ukrajna u kull entità fdata li timplimenta l-istrumenti finanzjarji għandhom jipprovdu fuq bażi annwali l-informazzjoni meħtieġa biex il-Kummissjoni tkun tista’ tikkonforma mal-obbligi ta’ rapportar tagħha.

1.   L-Istati Membri, il-pajjiżi terzi, u partijiet terzi jistgħu jikkontribwixxu għall-Garanzija tal-Ukrajna, u għall-istrumenti finanzjarji stabbiliti fil-Qafas ta’ Investiment tal-Ukrajna. Il-kontribuzzjonijiet għall-Garanzija tal-Ukrajna għandhom isiru f’konformità mal-Artikolu 218(2) tar-Regolament (UE, Euratom) 2018/1046.

2.   Il-kontribuzzjonijiet għall-Garanzija tal-Ukrajna għandhom iżidu l-ammont tal-Garanzija tal-Ukrajna mingħajr ma jwasslu għal obbligazzjonijiet kontinġenti addizzjonali għall-Unjoni.

3.   Għall-kontribuzzjonijiet kollha msemmija fil-paragrafu 1, għandu jiġi konkluż ftehim ta’ kontribuzzjoni bejn il-Kummissjoni, f’isem l-Unjoni, u l-kontributur. Għandu jkun fih, b’mod partikolari, dispożizzjonijiet li jikkonċernaw il-kundizzjonijiet ta’ pagament. Il-Kummissjoni għandha tinforma simultanjament u mingħajr dewmien lill-Parlament Ewropew u lill-Kunsill dwar il-kontribuzzjonijiet approvati.

1.   Il-Garanzija tal-Ukrajna u l-istrumenti finanzjarji appoġġati fl-ambitu tal-Qafas ta’ Investiment tal-Ukrajna għandhom jiġu implimentati b’ġestjoni indiretta skont l-Artikolu 62(1), l-ewwel subparagrafu, il-punt (c), tar-Regolament (UE, Euratom) 2018/1046.

2.   Il-kontropartijiet eliġibbli għall-finijiet tal-Garanzija tal-Ukrajna u l-entitajiet fdati eliġibbli għall-fini tal-istrumenti finanzjarji għandhom ikunu dawk identifikati fl-Artikolu 208(4) tar-Regolament (UE, Euratom) 2018/1046, inklużi dawk minn pajjiżi terzi li jikkontribwixxu għall-Garanzija tal-Ukrajna f’konformità mal-Artikolu 28 ta’ dan ir-Regolament. Barra minn hekk, b’deroga mill-Artikolu 62(1), il-punt (c), tar-Regolament (UE, Euratom) 2018/1046, korpi rregolati minn dritt privat ta’ Stat Membru, pajjiż sieħeb jew pajjiż terz li jkun ikkontribwixxa għall-Garanzija tal-Ukrajna f’konformità mal-Artikolu 28 ta’ dan ir-Regolament, u li jipprovdu assigurazzjoni adegwata tal-kapaċità finanzjarja u operazzjonali tagħhom għandhom ikunu eliġibbli għall-fini tal-Garanzija tal-Ukrajna. Għandha tingħata preferenza lil dawk il-korpi li jiddivulgaw informazzjoni relatata mal-kriterji ambjentali, soċjali, fiskali u ta’ governanza korporattiva. Għal dan l-għan, il-Kummissjoni għandha toħloq webportal bi gwida adegwata u faċli għall-utent dwar id-divulgazzjoni, u tinkludi eżempji ta’ tali divulgazzjoni.

3.   Il-Kummissjoni għandha tiżgura l-użu effettiv, effiċjenti , ibbażat fuq il-bżonnijiet u ġust tar-riżorsi disponibbli fost il-kontropartijiet eliġibbli u, fejn rilevanti, entitajiet fdati eliġibbli, f’approċċ inklużiv, filwaqt li tippromwovi l-kooperazzjoni bejniethom u tieħu kont debitu tal-kapaċitajiet, il-valur miżjud, l-esperjenza u l-kapaċità tat-teħid tar-riskju tagħhom.

3a.     Il-Kummissjoni għandha teħtieġ li l-kontropartijiet eliġibbli u l-entitajiet fdati eliġibbli kollha jieħdu l-akbar ħsieb biex jevitaw, jirrapportaw u jiġġieldu kwalunkwe prattika korrotta, favoritiżmu jew konċentrazzjoni reġjonali jew settorjali indebita tal-allokazzjoni jew tal-użu tar-riżorsi u teħtieġ rapportar u awditjar iddedikati dwar dawn l-aspetti, fejn rilevanti.

4.   Il-Kummissjoni għandha tiggarantixxi trattament ġust lill-kontropartijiet eliġibbli kollha u lill-entitajiet fdati eliġibbli kollha u għandha tiżgura li l-kunflitti ta’ interess jiġu evitati matul il-perjodu ta’ implimentazzjoni tal-Qafas ta’ Investiment għall-Ukrajna. Sabiex tiġi żgurata l-komplementarjetà, il-Kummissjoni tista’ titlob kwalunkwe informazzjoni rilevanti minn kontropartijiet eliġibbli għall-fini tal-garanzija tal-Ukrajna jew minn entitajiet fdati eliġibbli għall-fini ta’ strumenti finanzjarji dwar l-operazzjonijiet tagħhom li mhumiex appoġġati mill-UE.

1.   Il-Garanzija tal-Ukrajna ta’ EUR 8 914 000 000 fi prezzijiet attwali għandha tiġi stabbilita biex tiggarantixxi operazzjonijiet li jappoġġaw l-objettivi tal-Faċilità. Il-Garanzija tal-Ukrajna għandha tkun indipendenti u awtonoma mill-Garanzija tal-Azzjoni Esterna stabbilita bir-Regolament (UE) 2021/947 u għandha tingħata bħala garanzija irrevokabbli, mingħajr kundizzjonijiet u fuq talba f’konformità mal-Artikolu 219(1) tar-Regolament (UE, Euratom) 2018/1046.

1a.     Il-Garanzija tal-Ukrajna għandha tappoġġa operazzjonijiet ta’ finanzjament u ta’ investiment li jikkonformaw mal-kundizzjonijiet stabbiliti fl-Artikolu 209(2), il-punti (a) sa (e) tar-Regolament (UE, Euratom) 2018/1046.

2.   Il-Garanzija tal-Ukrajna għandha tintuża biex tkopri r-riskji għat-tipi ta’ operazzjonijiet li ġejjin , f’konformità mad-dispożizzjonijiet tal-Artikolu 27 :

3.   F’isem l-Unjoni, il-Kummissjoni għandha tikkonkludi mal-kontropartijiet eliġibbli ftehimiet ta’ Garanzija tal-Ukrajna sal-31 ta’ Diċembru 2027. Il-Garanzija tal-Ukrajna tista’ tingħata gradwalment.

Il-Kummissjoni għandha tipprovdi informazzjoni dwar l-iffirmar ta’ kull ftehim ta’ Garanzija tal-Ukrajna fir-rapporti msemmija fl-Artikolu 27(8). Il-Parlament Ewropew u l-Kunsill għandhom jiġu infurmati simultanjament dwar l-iffirmar tal-ftehimiet ta’ Garanzija kollha konklużi taħt il-Garanzija tal-Ukrajna. Il-ftehimiet kollha tal-Garanzija tal-Ukrajna għandhom jiġu trażmessi simultanjament lill-Parlament Ewropew u lill-Kunsill, filwaqt li jittieħed kont tal-protezzjoni tal-informazzjoni kunfidenzjali u kummerċjalment sensittiva.

4.   Il-ftehimiet tal-Garanzija tal-Ukrajna għandhom jinkludu, b’mod partikolari:

5.   Il-Kummissjoni tista’ tuża sa 30 % tal-ammont imsemmi fil-paragrafu 1 ta’ dan l-Artikolu biex iżżid l-ammonti tal-garanzija pprovduta permezz ta’ ftehimiet tal-Garanzija għall-Azzjoni Esterna konklużi skont l-Artikolu 38 tar-Regolament (UE) 2021/947 soġġett għal dan li ġej:

6.   Il-kontroparti eliġibbli għandha tapprova l-operazzjonijiet ta’ finanzjament u ta’ investiment skont ir-regoli u l-proċeduri tagħha stess u f’konformità mal-ftehim tal-Garanzija tal-Ukrajna.

7.   Il-perjodu massimu permess għall-kontropartijiet eliġibbli biex jiffirmaw kuntratti ma’ intermedjarji finanzjarji jew riċevituri finali għandu jkun ta’ tliet snin wara l-konklużjoni tal-ftehim rilevanti tal-Garanzija tal-Ukrajna, b’estensjonijiet possibbli meta jingħata ammont addizzjonali ta’ garanzija u jiġi emendat il-ftehim ta’ garanzija.

8.   Il-Garanzija tal-Ukrajna tista’ tkopri:

9.   Għall-finijiet tal-kontabbiltà tal-Kummissjoni u tar-rapportar tagħha dwar ir-riskji koperti mill-Garanzija tal-Ukrajna, u skont l-Artikolu 209(4) tar-Regolament (UE, Euratom) 2018/1046, il-kontropartijiet eliġibbli li magħhom ikun ġie konkluż ftehim tal-Garanzija tal-Ukrajna għandhom jipprovdu lill-Kummissjoni u lill-Qorti tal-Awdituri kull sena r-rapporti finanzjarji dwar l-operazzjonijiet ta’ finanzjament u ta’ investiment koperti minn dan ir-Regolament, awditjati minn awditur estern indipendenti, li fihom, fost l-oħrajn, informazzjoni dwar:

9a.     Il-kontropartijiet eliġibbli għandhom ukoll, fuq talba, jipprovdu lill-Kummissjoni bi kwalunkwe informazzjoni addizzjonali meħtieġa biex jitwettqu l-obbligi tal-Kummissjoni skont dan ir-Regolament, flimkien ma’ informazzjoni rigward il-konformità mad-drittijiet tal-bniedem, u l-istandards soċjali, tax-xogħol u ambjentali.

10.   Il-kundizzjoni stabbilita fl-Artikolu 219(4) tar-Regolament (UE, Euratom) 2018/1046 dwar il-kontribuzzjonijiet bir-riżorsi proprji għandha tapplika għal kull kontroparti eliġibbli allokata b’garanzija baġitarja skont il-Qafas ta’ Investiment għall-Ukrajna fuq bażi ta’ portafoll.

11.   Il-qafas tal-ġestjoni tar-riskju tal-Fond Ewropew għall-Iżvilupp Sostenibbli Plus+ imsemmi fl-Artikoli 33(7) u (8) tar-Regolament (UE) 2021/947 għandu japplika għall-Garanzija tal-Ukrajna. Il-profil tar-riskju ġenerali tal-operazzjonijiet koperti mill-Garanzija tal-Ukrajna jista’ jkun differenti mill-profil tar-riskju ġenerali tal-Garanzija għall-Azzjoni Esterna. Il-Kummissjoni għandha tiżgura li r-riskju involut mill-operazzjonijiet garantiti ma jaqbiżx il-kapaċità tal-baġit tal-Unjoni li jerfa’ dawk ir-riskji kif determinat mir-riżorsi baġitarji disponibbli u r-rata ta’ proviżjonament imsemmija fl-Artikolu 31(1) ta’ dan ir-Regolament.

1.   Ir-rata ta’ proviżjonament għall-Garanzija tal-Ukrajna inizjalment għandha tkun ta’ 70 % , li għandha tiġi fornuta mill-baġit tal-Unjoni permezz ta’ linja baġitarja speċifika .

B’deroga mill-Artikolu 211(2), it-tieni subparagrafu, it-tieni sentenza, tar-Regolament (UE, Euratom) 2018/1046, il-proviżjonament għandu jkun kostitwit sal-31 ta’ Diċembru 2027 u jkun ugwali għall-ammont ta’ proviżjonament li jikkorrispondi għall-Garanzija tal-Ukrajna mogħtija u jista’ jiġi kostitwit gradwalment biex jirrifletti l-progress fl-għażla u l-implimentazzjoni tal-operazzjonijiet ta’ finanzjament u investiment li jappoġġaw l-objettivi tal-Faċilità.

2.   Ir-rata ta’ proviżjonament għandha tiġi rieżaminata mill-inqas darba fis-sena wara d-dħul fis-seħħ ta’ dan ir-Regolament.

3.   Il-Kummissjoni għandha s-setgħa tadotta att delegat f’konformità mal-Artikolu 38 biex temenda r-rata ta’ proviżjonament filwaqt li tapplika l-kriterji stabbiliti fl-Artikolu 211(2) tar-Regolament (UE, Euratom) 2018/1046, u, fejn rilevanti, iżżid jew tnaqqas l-ammont massimu ta’ garanzija msemmi fl-Artikolu 30(1) ta’ dan ir-Regolament ▌. Il-Kummissjoni tista’ żżid l-ammont massimu tal-garanzija biss jekk titnaqqas ir-rata ta’ proviżjonament. Mingħajr preġudizzju għall-Artikolu 30(3), il-Kummissjoni tista’ tipprevedi li l-ammont miżjud tal-garanzija għandu jkun disponibbli għall-iffirmar tal-ftehimiet ta’ garanzija gradwalment fuq tliet snin.

4.   B’deroga mill-Artikolu 213 tar-Regolament (UE, Euratom) 2018/1046, ir-rata ta’ proviżjonament effettiva ma għandhiex tapplika għall-proviżjonament imwarrab fil-proviżjonament komuni fir-rigward tal-Garanzija tal-Ukrajna.

1.   L-assistenza skont dan il-Kapitolu għandha tappoġġa lill-Ukrajna biex tikseb l-objettivi stabbiliti fl-Artikolu 3. B’mod partikolari, l-assistenza pprovduta skont dan il-Kapitolu għandu jkollha l-għan li tappoġġa l-allinjament progressiv tal-Ukrajna mal-acquis tal-Unjoni bil-ħsieb ta’ sħubija futura fl-Unjoni, u b’hekk tikkontribwixxi għall-istabbiltà, is-sigurtà, il-paċi u l-prosperità reċiproċi. Tali appoġġ għandu jinkludi t-tisħiħ tal-istat tad-dritt, id-demokrazija, ir-rispett tad-drittijiet tal-bniedem u l-libertajiet fundamentali, it-tisħiħ tal-effikaċja tal-amministrazzjoni pubblika u l-kapaċitajiet istituzzjonali, id-deċentralizzazzjoni, u l-appoġġ għat-trasparenza, ir-riformi strutturali u l-governanza tajba fil-livelli kollha. Tali appoġġ għandu jikkontribwixxi wkoll għall-implimentazzjoni tal-Pjan.

2.   L-assistenza skont dan il-Kapitolu għandha tiġi pprovduta wkoll biex jiġi żgurat li jissaħħu l-kapaċitajiet tal-partijiet ikkonċernati, inklużi s-sħab soċjali, l-organizzazzjonijiet tas-soċjetà ċivili u l-awtoritajiet lokali u reġjonali , inkluż permezz tal-ġemellaġġi u ġemellaġġi bejn il-bliet, kif ukoll permezz tal-promozzjoni ta’ kooperazzjoni bejn il-pari u programmi integrati fi sħubijiet bejn il-bliet u r-reġjuni tal-Unjoni u tal-Ukrajna .

3.   L-assistenza skont dan il-Kapitolu għandha tappoġġa wkoll miżuri u proċessi li jibnu l-fiduċja li jippromwovu l-ġustizzja, it-tiftix tal-verità, il-pagamenti mill-Federazzjoni Russa għad-danni kkawżati kif ukoll il-ġbir ta’ evidenza ta’ delitti mwettqa mir-Russja, l-alleati u l-prokuri tagħha matul il-gwerra għall-fini tal-prosekuzzjoni tad-delitti mwettqa mir-Russja matul il-gwerra ta’ aggressjoni tagħha kontra l-Ukrajna . Il-finanzjament għal inizjattivi u korpi involuti fl-appoġġ u l-infurzar tal-ġustizzja internazzjonali fl-Ukrajna jista’ jiġi pprovdut fl-ambitu ta’ dan il-Kapitolu. Is-sejbiet miġbura bħala riżultat ta’ tali miżuri għandhom jinġiebu għall-għarfien tal-Parlament Ewropew, tal-Kunsill u tal-Kummissjoni.

4.   L-assistenza skont dan il-Kapitolu għandha tappoġġa l-ħolqien u t-tisħiħ ta’ awtoritajiet Ukreni li jkunu responsabbli biex jiżguraw l-użu xieraq tal-fondi , l-awditjar u l-ġlieda effettiva kontra l-ġestjoni ħażina tal-finanzjament pubbliku, b’mod partikolari l-frodi, il-korruzzjoni, il-korruzzjoni ta’ livell għoli , l-istrutturi oligarkiċi il-kunflitt ta’ interess u l-irregolaritajiet imġarrba fir-rigward ta’ kwalunkwe ammont li jintefaq biex jintlaħqu l-objettivi tal-Faċilità.

5.   Il-funzjonament tal-Bord ta’ Verifika kif imsemmi fl-Artikolu 34 għandu jiġi ffinanzjat skont dan il-Kapitolu.

6.   Is-sussidju għall-kostijiet tas-self kif imsemmi fl-Artikolu 22 għandu jiġi ffinanzjat skont dan il-Kapitolu.

1.   Fl-implimentazzjoni tal-Faċilità, il-Kummissjoni u l-Ukrajna għandhom jieħdu l-miżuri xierqa kollha biex jipproteġu l-interessi finanzjarji tal-Unjoni, filwaqt li jqisu l-prinċipju tal-proporzjonalità u l-kundizzjonijiet speċifiċi li skonthom se topera l-Faċilità, il-prekundizzjoni stabbilita fl-Artikolu 5(1) u l-kundizzjonijiet stabbiliti fil-ftehim qafas u fil-ftehimiet speċifiċi ta’ finanzjament jew self, b’mod partikolari fir-rigward tal-prevenzjoni, id-detezzjoni u l-korrezzjoni ta’ frodi, korruzzjoni, kunflitti ta’ interess u irregolaritajiet , kif ukoll l-investigazzjoni u l-prosekuzzjoni tar-reati kriminali li jaffettwaw il-fondi previsti fl-ambitu tal-Faċilità . L-Ukrajna għandha timpenja ruħha li tagħmel progress lejn qafas legali robust għall-ġlieda kontra l-frodi permezz tal-liġi kriminali, sistemi effettivi u effiċjenti ta’ ġestjoni u kontroll u tiżgura li l-ammonti mħallsa bi żball jew użati ħażin ikunu jistgħu jiġu rkuprati. L-Ukrajna għandha timpenja ruħha wkoll li tiżgura li l-awtoritajiet kompetenti Ukreni jittrattaw, mingħajr dewmien, talbiet għal assistenza legali reċiproka u talbiet għal estradizzjoni mill-UPPE u mill-awtoritajiet kompetenti tal-Istati Membri rigward reati kriminali li jaffettwaw il-fondi fl-ambitu tal-Faċilità.

2.   Il-ftehimiet imsemmija fl-Artikoli 9, 10 u 21 għandhom jipprevedu l-obbligi tal-Ukrajna li:

3.   Il-Kummissjoni għandha ▌tagħmel disponibbli għall-Ukrajna sistema integrata u interoperabbli ta’ informazzjoni u monitoraġġ li tinkludi għodda unika għall-estrazzjoni tad-data u għall-valutazzjoni tar-riskju biex taċċessa u tanalizza d-data rilevanti, inkluża d-data elenkata fil-paragrafu 2(d). Fejn tali sistema tkun disponibbli, l-Ukrajna għandha tuża u ddaħħal id-data rilevanti fis-sistema, inkluż bl-appoġġ imsemmi fil-Kapitolu V. Id-data għandha tippermetti li l-Kummissjoni u l-awtoritajiet tal-awditjar l-oħra jwettqu dmirijiethom mingħajr dewmien żejjed. Is-sistema għandha tippermetti downloads f’format li jinqara mill-magni.

4.   Il-ftehimiet imsemmija fl-Artikolu 9, 10 u 21 għandhom jipprevedu wkoll id-dritt tal-Kummissjoni li tnaqqas b’mod proporzjonat l-appoġġ ipprovdut fl-ambitu tal-Faċilità u li tirkupra kwalunkwe ammont minfuq biex jintlaħqu l-objettivi tal-Faċilità jew li titlob ripagament bikri tas-self, f’każijiet ta’ deterjorament serju tal-istat tad-dritt jew f’każijiet ta’ irregolaritajiet, frodi, korruzzjoni, u kunflitti ta’ interess li jaffettwaw l-interessi finanzjarji tal-Unjoni li ma jkunux ġew rettifikati mill-Ukrajna, jew ksur serju ta’ obbligu li jirriżulta minn tali ftehimiet. Meta tkun qed tiddeċiedi dwar l-ammont tal-irkupru u t-tnaqqis, jew dwar l-ammont li għandu jitħallas lura kmieni, il-Kummissjoni għandha tirrispetta l-prinċipju tal-proporzjonalità u għandha tqis is-serjetà tal-irregolarità, tal-frodi, tal-korruzzjoni u l-kunflitt ta’ interess li jaffettwaw l-interessi finanzjarji tal-Unjoni, jew tal-ksur ta’ obbligu. L-Ukrajna għandha tingħata l-opportunità li tippreżenta l-osservazzjonijiet tagħha qabel ma jsir it-tnaqqis jew qabel ma jintalab ir-ripagament bikri.

5.   Il-persuni u l-entitajiet li jimplimentaw il-fondi fl-ambitu tal-Faċilità għandhom jirrapportaw kwalunkwe każ suspettat jew reali ta’ frodi, korruzzjoni, kunflitt ta’ interessi u irregolaritajiet jew attivitajiet illegali oħra li jaffettwaw l-interessi finanzjarji tal-Unjoni mingħajr dewmien, lill-Bord ta’ Verifika msemmi fl-Artikolu 34, lill-Kummissjoni , lill-OLAF , u, fejn applikabbli, lill-UPPE .

5a.     Il-persuni u l-entitajiet li jimplimentaw il-fondi fl-ambitu tal-Faċilità, kif ukoll il-persuni li jkollhom l-għarfien dwar il-proċess ta’ implimentazzjoni, għandhom ikunu jistgħu jirrapportaw il-każijiet allegati ta’ korruzzjoni, frodi, irregolaritajiet u amministrazzjoni ħażina permezz ta’ għodda diġitali ddedikata, bid-dispożizzjonijiet rilevanti dwar il-protezzjoni tal-informaturi.

1.     Il-ftehimiet imsemmija fl-Artikoli 9, 10 u 21 għandhom jipprevedu l-obbligu tal-Ukrajna li tidentifika miżuri ta’ protezzjoni fiżika u ċibernetika għal kull wieħed mill-investimenti li jsiru bl-appoġġ finanzjarju tal-Unjoni. Ammont xieraq tal-appoġġ finanzjarju tal-Unjoni jista’ jitwarrab għal finijiet ta’ protezzjoni fiżika u ċibernetika, u għandhom japplikaw ir-restrizzjonijiet meħtieġa f’konformità mal-Artikolu 11(7), il-punt (b).

2.     Sa meta jitwaqqfu l-ostilitajiet, il-protezzjoni fiżika tista’ tinkludi miżuri li jipproteġu kontra l-munizzjon u l-missili u l-effetti tagħhom, inkluż permezz ta’ mezzi li jwasslu effetti kinetiċi. Tali mezzi għandhom jitħaddmu taħt l-awspiċi tal-awtoritajiet tal-istat tal-Ukrajna u ma jistgħux jintużaw għall-fini li ssir ħsara lill-persuni.

1.   Il-Kummissjoni għandha tistabbilixxi Bord ta’ Verifika qabel ma l-Ukrajna tippreżenta l-ewwel talba għal pagament.

2.   Il-Bord ta’ Verifika għandu jkun magħmul minn membri indipendenti maħtura mill-Kummissjoni. Rappreżentanti tal-Istati Membri u donaturi oħra jistgħu jiġu mistiedna mill-Kummissjoni biex jipparteċipaw fl-attivitajiet tal-Bord ta’ Verifika.

2a.     Mill-inqas wieħed minn kull ħames membri tal-Bord ta’ Verifika għandhom ikunu ċittadini Ukreni, peress li wrew li għandhom kompetenza u integrità professjonali għolja u ma għandhom l-ebda affiljazzjoni personali jew professjonali ma’ awtoritajiet jew uffiċjali Ukreni kif ukoll esperti internazzjonali indipendenti b’mod dimostrabbli b’rekord ippruvat li jifhmu fl-ekonomija u s-sistema politika tal-Ukrajna.

3.   Il-Bord ta’ Verifika għandu jeżerċita l-funzjonijiet tiegħu f’oġġettività sħiħa u jopera f’konformità mal-aħjar prattiki u standards internazzjonali applikabbli. Għandu jaġixxi mingħajr preġudizzju għas-setgħat tal-Kummissjoni, l-OLAF, il-Qorti tal-Awdituri u ▌l-UPPE.

3a.     Il-Bord ta’ Verifika għandu jaħtar awditur estern indipendenti li jipprovdi dikjarazzjoni ta’ assigurazzjoni annwali dwar id-dikjarazzjonijiet mill-awtoritajiet Ukreni li jakkumpanjaw talba għal pagament. Għandu japprova wkoll il-pjan ta’ ħidma annwali tal-awditur estern indipendenti.

3b.     Il-Bord ta’ Verifika għandu jiddeċiedi dwar rakkomandazzjonijiet lill-Kummissjoni u lill-awtoritajiet Ukreni dwar l-ammonti li għandhom jiġu rkuprati wara s-sejbiet tal-awditur estern indipendenti, u jinforma lill-Kummissjoni u lill-awtoritajiet Ukreni dwar dawk ir-rakkomandazzjonijiet.

4.   Il-Bord ta’ Verifika għandu jiżgura djalogu u kooperazzjoni regolari mal-Qorti Ewropea tal-Awdituri , kif ukoll mal-Kamra tal-Awditjar tal-Verkhovna Rada .

5.   Fit-twettiq tal-kompiti tagħhom, il-Bord ta’ Verifika, il-membri tiegħu u l-persunal tiegħu la għandhom ifittxu u lanqas jieħdu struzzjonijiet mingħand xi gvern jew xi istituzzjoni, korp, uffiċċju jew aġenzija. Għandhom japplikaw garanziji b’saħħithom ta’ indipendenza għall-għażla tal-persunal, il-ġestjoni u l-baġit tiegħu.

6.   Il-Bord ta’ Verifika għandu jassisti lill-Kummissjoni fil-ġlieda kontra l-ġestjoni ħażina tal-finanzjament tal-Unjoni fl-ambitu tal-Faċilità u, b’mod partikolari l-frodi, il-korruzzjoni, il-kunflitt ta’ interessi u l-irregolaritajiet li jitwettqu fir-rigward ta’ kwalunkwe ammont li jintefaq biex jintlaħqu l-objettivi tal-Faċilità.

7.   Għal dan l-għan, il-Bord ta’ Verifika għandu jirrapporta regolarment lill-Kummissjoni u lill-kumitati rilevanti tal-Parlament Ewropew u lill-Kunsill , u jibgħat lill-Kummissjoni mingħajr dewmien kull informazzjoni li jikseb jew li jiġi mgħarraf biha, dwar kull każ identifikat, jew tħassib serju fir-rigward ta’ ġestjoni ħażina tal-finanzjament pubbliku mwettaq fir-rigward ta’ kwalunkwe ammont li jintefaq biex jintlaħqu l-objettivi tal-Faċilità , inkluża l-prestazzjoni tagħha .

F’konformità mal-Artikolu 24(1) tar-Regolament (UE) 2017/1939, il-Bord ta’ Verifika għandu jirrapporta lill-UPPE kwalunkwe mġiba kriminali li fir-rigward tagħha dan tal-aħħar ikun jista’ jeżerċita l-kompetenza tiegħu.

Barra minn hekk, il-Bord ta’ Verifika għandu jadotta rakkomandazzjonijiet lill-Ukrajna dwar il-każijiet kollha fejn, fil-fehma tiegħu, l-awtoritajiet kompetenti tal-Ukrajna ma jkunux ħadu l-passi meħtieġa biex jipprevjenu, jidentifikaw u jikkoreġu l-frodi, il-korruzzjoni, il-kunflitt ta’ interessi u l-irregolaritajiet li affettwaw jew li jirriskjaw serjament li jaffettwaw il-ġestjoni finanzjarja tajba tan-nefqa ffinanzjata fl-ambitu tal-Faċilità u fil-każijiet kollha fejn jidentifika dgħufijiet li jaffettwaw it-tfassil u l-funzjonament tas-sistema ta’ kontroll stabbilita mill-awtoritajiet Ukreni. Il-Bord ta’ Verifika għandu jippubblika sommarju tar-rakkomandazzjoni. L-Ukrajna għandha timplimenta tali rakkomandazzjonijiet fil-ħin . F’każijiet eċċezzjonali, tista’ ssir talba għal estensjoni taż-żmien li fih jiġu implimentati r-rakkomandazzjonijiet, iżda fil-każijiet kollha din ma għandhiex taqbeż sitt xhur wara li tkun saret ir-rakkomandazzjoni inizjali. L-informazzjoni pprovduta mill-awtoritajiet Ukreni dwar ir-rakkomandazzjonijiet għandha tiġi ppubblikata wkoll mill-Bord ta’ Verifika.

Ir-rapporti tal-Bord ta’ Verifika u l-informazzjoni mingħandu għandhom jintbagħtu wkoll lill-OLAF u, fejn applikabbli, lill-UPPE, u jistgħu jiġu kondiviżi mal-awtoritajiet Ukreni rilevanti, speċjalment f’każ li jkollhom bżonn jieħdu passi biex jipprevjenu, jidentifikaw u jikkoreġu l-frodi, il-korruzzjoni, il-kunflitt ta’ interessi u l-irregolaritajiet , kif ukoll biex jinvestigaw u jipproċessaw reati kriminali li jaffettwaw l-interessi finanzjarji tal-Unjoni .

8.   Il-Bord ta’ Verifika għandu jkollu aċċess għal informazzjoni, bażijiet ta’ data u reġistri meħtieġa biex iwettaq il-kompiti tiegħu. Il-Ftehim qafas imsemmi fl-Artikolu 9 għandu jiddefinixxi r-regoli u d-dettalji għall-aċċess għal informazzjoni rilevanti mill-Bord ta’ Verifika u l-għoti ta’ informazzjoni rilevanti mill-Ukrajna lill-Bord ta’ Verifika.

9.   Il-Bord ta’ Verifika jista’ jassisti lill-Kummissjoni biex tappoġġa lill-Ukrajna b’attivitajiet ta’ bini tal-kapaċità fil-qasam tal-ġlieda kontra l-ġestjoni ħażina tal-finanzjament pubbliku.

10.   Il-Funzjonament tal-Bord ta’ Verifika għandu jiġi ffinanzjat taħt il-Kapitolu V , inkluż il-finanzjament għall-awditur estern indipendenti maħtur .

1.     Il-Kummissjoni għandha tittrażmetti l-ftehim qafas, konkluż bejn il-Kummissjoni u l-Ukrajna, il-Pjan għall-Ukrajna, ippreżentat mill-Ukrajna, simultanjament u b’termini ugwali lill-Parlament Ewropew u lill-Kunsill mingħajr dewmien żejjed.

2.     L-informazzjoni mibgħuta mill-Kummissjoni lill-Kunsill fil-kuntest ta’ dan ir-Regolament jew tal-implimentazzjoni tiegħu għandha tiġi trażmessa simultanjament lill-Parlament Ewropew, soġġetta għal arranġamenti ta’ kunfidenzjalità jekk ikun meħtieġ. L-eżiti rilevanti tad-diskussjonijiet li jsiru fil-Kunsill għandhom jiġu kondiviżi mal-kumitati kompetenti tal-Parlament Ewropew.

3.     Il-Kummissjoni għandha tipprovdi lill-kumitati kompetenti tal-Parlament Ewropew b’ħarsa ġenerali tas-sejbiet preliminari tagħha li jikkonċernaw it-twettiq sodisfaċenti tal-kundizzjonijiet rilevanti msemmija fl-Artikolu 15.

4.     Il-kumitati kompetenti tal-Parlament Ewropew jistgħu jistiednu lill-Kummissjoni u lill-kap tal-Bord ta’ Verifika stabbilit, imsemmi fl-Artikolu 34, biex jipprovdu informazzjoni dwar is-sitwazzjoni attwali tal-valutazzjoni tal-Faċilità fil-kuntest tad-Djalogu dwar ir-Rikostruzzjoni u l-Fażi ta’ Qabel l-Adeżjoni msemmija fl-Artikolu 34b.

1.     Sabiex jittejjeb id-djalogu bejn l-istituzzjonijiet tal-Unjoni, b’mod partikolari l-Parlament Ewropew, il-Kunsill u l-Kummissjoni, u biex jiġi żgurat li jkun hemm trasparenza u responsabbiltà akbar, il-kumitat(i) kompetenti tal-Parlament Ewropew jista’/jistgħu jistieden/jistiednu lill-Kummissjoni u lil partijiet ikkonċernati rilevanti oħra, b’mod partikolari bħall-Bord ta’ Verifika, imsemmi fl-Artikolu 34a, mill-inqas darba kull erba’ xhur, biex jiġu diskussi l-kwistjonijiet li ġejjin:

2.     Il-Parlament Ewropew jista’ jesprimi l-fehmiet tiegħu f’riżoluzzjonijiet fir-rigward tal-kwistjonijiet imsemmija fil-paragrafu 1.

3.     Il-Kummissjoni għandha tqis kwalunkwe element li jirriżulta mill-fehmiet espressi permezz tad-Djalogu dwar ir-Rikostruzzjoni u l-Fażi ta’ Qabel l-Adeżjoni, inklużi r-riżoluzzjonijiet tal-Parlament Ewropew, fejn rilevanti.

1.   L-assistenza fl-ambitu tal-Faċilità għandha tiġi implimentata permezz tal-programmi ta’ ħidma msemmija fl-Artikolu 110 tar-Regolament (UE, Euratom) 2018/1046. Dawn l-atti ta’ implimentazzjoni li jadottaw il-programmi ta’ ħidma għandhom jiġu adottati f’konformità mal-proċedura ta’ eżami msemmija fl-Artikolu 39.

2.   L-assistenza skont il-Kapitolu V tal-Faċilità tista’ tiġi implimentata wkoll permezz ta’ programmi ta’ ħidma speċifiċi meta l-implimentazzjoni ta’ din l-assistenza ma tkunx teħtieġ il-konklużjoni tal-ftehimiet imsemmija fl-Artikoli 9 u 10.

1.   Il-Kummissjoni għandha timmonitorja l-implimentazzjoni tal-Faċilità u tivvaluta jekk intlaħqux l-objettivi stabbiliti fl-Artikolu 3. Il-monitoraġġ tal-implimentazzjoni għandu jkun immirat u proporzjonat għall-attivitajiet imwettqa fl-ambitu tal-Faċilità.

2.   Il-ftehimiet ta’ finanzjament u l-ftehim ta’ self imsemmija fl-Artikoli 10 u 21 għandhom jistabbilixxu regoli u modalitajiet biex l-Ukrajna tirrapporta lill-Kummissjoni għall-fini tal-paragrafu 1 ta’ dan l-Artikolu.

3.   L-appoġġ tal-Unjoni pprovdut fl-ambitu tal-Qafas ta’ Investiment tal-Ukrajna għandu jiġi rrapportat f’konformità mal-Artikolu 27(8).

4.   Il-Kummissjoni għandha tipprovdi rapport annwali lill-Parlament Ewropew u lill-Kunsill dwar il-progress biex jinkisbu l-objettivi ta’ dan ir-Regolament.

5.   Il-Kummissjoni għandha tipprovdi r-rapport imsemmi fil-paragrafu 4 lill-Kumitat imsemmi fl-Artikolu 39.

1.   Wara l-31 ta’ Diċembru 2027, iżda sa mhux aktar tard mill-31 ta’ Diċembru 2031, il-Kummissjoni għandha twettaq evalwazzjoni ex post tar-Regolament permezz ta’ evalwazzjoni esterna indipendenti . Din l-evalwazzjoni ex post għandha tivvaluta l-kontribut tal-Unjoni biex jinkisbu l-objettivi ta’ dan ir-Regolament. Il-Kummissjoni għandha tqis kif xieraq il-proposti tal-Parlament Ewropew jew tal-Kunsill għal din l-evalwazzjoni esterna indipendenti.

2.   Din l-evalwazzjonijiet ex post għandha tuża l-prinċipji ta’ prattika tajba tal-Kumitat ta’ Għajnuna għall-Iżvilupp tal-OECD, u tfittex li taċċerta jekk ikunux intlaħqu l-objettivi speċifiċi u tifformula rakkomandazzjonijiet bil-ħsieb li jittejbu l-azzjonijiet futuri.

Il-Kummissjoni għandha tikkomunika s-sejbiet u l-konklużjonijiet ta’ din l-evalwazzjoni ex post flimkien mal-osservazzjonijiet u s-segwitu tagħha, lill-Parlament Ewropew, lill-Kunsill u lill-Istati Membri. Din l-evalwazzjoni ex post tista’ tiġi diskussa fuq talba tal-Istati Membri jew tal-Parlament Ewropew . Ir-riżultati għandhom jikkontribwixxu għat-tħejjija ta’ programmi u azzjonijiet u allokazzjoni ta’ riżorsi. Dawn l-evalwazzjonijiet u s-segwitu għandhom ikunu disponibbli għall-pubbliku.

Il-Kummissjoni għandha, sa fejn ikun xieraq, tassoċja lill-partijiet ikkonċernati rilevanti kollha, inkluż il-benefiċċjarji, is-sħab soċjali, l-organizzazzjonijiet tas-soċjetà ċivili u l-awtoritajiet lokali fil-proċess ta’ evalwazzjoni tal-finanzjament tal-Unjoni pprovdut fl-ambitu ta’ dan ir-Regolament, u tista’, fejn xieraq, tfittex li twettaq evalwazzjonijiet konġunti mal-Istati Membri u ma’ sħab oħra b’involviment mill-qrib tal-Ukrajna.

1.   Is-setgħa ta’ adozzjoni ta’ atti delegati msemmija fl-Artikoli 4, 13, 19, 20, 20a u 31 hija mogħtija lill-Kummissjoni suġġett għall-kondizzjonijiet stabbiliti f’dan l-Artikolu.

2.   Is-setgħa ta’ adozzjoni ta’ atti delegati msemmija fl-Artikoli 4, 13, 19, 20, 20a u 31 għandha tingħata lill-Kummissjoni għal perjodu ta’ erba’ snin minn sebat ijiem wara d-data tad-dħul fis-seħħ ta’ dan ir-Regolament. Il-Kummissjoni għandha tfassal rapport fir-rigward tad-delega ta’ setgħa mhux iktar tard minn disa’ xhur qabel it-tmiem tal-perjodu ta’ erba’ snin. Id-delega ta’ setgħa għandha tiġi estiża awtomatikament għal perjodi ta’ żmien identiċi, ħlief jekk il-Parlament Ewropew jew il-Kunsill joġġezzjonaw għal tali estensjoni mhux iktar tard minn tliet xhur qabel it-tmiem ta’ kull perjodu.

3.   Id-delega ta’ setgħa msemmija fl-Artikoli 4, 13, 19, 20, 20a u 31 tista’ tiġi revokata fi kwalunkwe mument mill-Parlament Ewropew jew mill-Kunsill. Deċiżjoni li tirrevoka għandha ttemm id-delega ta’ setgħa speċifikata f’dik id-deċiżjoni. Għandha ssir effettiva fil-jum wara l-pubblikazzjoni tad-deċiżjoni f’Il-Ġurnal Uffiċjali tal-Unjoni Ewropea jew f’data aktar tard speċifikata fih. Ma għandha taffettwa l-validità tal-ebda att delegat li jkun diġà fis-seħħ.

4.   Qabel ma tadotta att delegat, il-Kummissjoni għandha tikkonsulta esperti nnominati minn kull Stat Membru skont il-prinċipji stipulati fil-Ftehim Interistituzzjonali tat-13 ta’ April 2016 dwar it-Tfassil Aħjar tal-Liġijiet.

5.   Hekk kif tadotta att delegat, il-Kummissjoni għandha tinnotifikah simultanjament lill-Parlament Ewropew u lill-Kunsill.

6.   Att delegat adottat skont l-Artikoli 4, 13, 19, 20, 20a u 31 għandu jidħol fis-seħħ biss jekk ma tiġix espressa oġġezzjoni mill-Parlament Ewropew jew mill-Kunsill fi żmien xahrejn min-notifika ta’ dak l-att lill-Parlament Ewropew u lill-Kunsill jew jekk, qabel ma jiskadi dak il-perjodu, il-Parlament Ewropew u l-Kunsill ikunu t-tnejn infurmaw lill-Kummissjoni li mhumiex sejrin joġġezzjonaw. Dak il-perjodu għandu jiġi estiż b’xahrejn fuq inizjattiva tal-Parlament Ewropew jew tal-Kunsill.

1.   Il-Kummissjoni għandha tkun megħjuna minn kumitat. Dak il-kumitat għandu jkun kumitat fis-sens tar-Regolament (UE) Nru 182/2011.

2.   Fejn issir referenza għal dan il-paragrafu, għandu japplika l-Artikolu 5 tar-Regolament (UE) Nru 182/2011.

1.   Il-Kummissjoni tista’ tinvolvi ruħha f’attivitajiet ta’ komunikazzjoni biex tiżgura l-viżibbiltà tal-finanzjament tal-Unjoni għall-appoġġ finanzjarju previst fil-Pjan għall-Ukrajna, inkluż permezz ta’ attivitajiet konġunti ta’ komunikazzjoni mal-Ukrajna. Il-Kummissjoni tista’, kif xieraq, tiżgura li l-appoġġ fl-ambitu tal-Faċilità jiġi kkomunikat u rikonoxxut permezz ta’ dikjarazzjoni ta’ finanzjament.

2.   Ir-riċevituri tal-finanzjament tal-Unjoni għandhom jirrikonoxxu l-oriġini u jiżguraw il-viżibbiltà tal-finanzjament tal-Unjoni, inkluż, fejn applikabbli, billi jesponu l-emblema tal-Unjoni u dikjarazzjoni xierqa dwar il-finanzjament li tkun tgħid “iffinanzjat mill-Unjoni Ewropea – il-Faċilità tal-Ukrajna”, b’mod partikolari meta jkunu qed jippromwovu l-azzjonijiet u r-riżultati tagħhom, billi jipprovdu informazzjoni mmirata koerenti, effettiva u proporzjonata lil diversi udjenzi inklużi lill-media u lill-pubbliku.

3.   Il-Kummissjoni għandha timplimenta azzjonijiet ta’ informazzjoni u ta’ komunikazzjoni relatati mal-Faċilità, mal-azzjonijiet meħuda fl-ambitu tal-Faċilità u mar-riżultati miksuba. Ir-riżorsi finanzjarji allokati għall-Faċilità għandhom jikkontribwixxu wkoll għall-komunikazzjoni korporattiva dwar il-prijoritajiet politiċi tal-Unjoni, sakemm dawn ikunu relatati mal-objettivi msemmija fl-Artikolu 3.

3a.     L-informazzjoni, il-komunikazzjoni u l-pubbliċità għandhom jiġu pprovduti f’format aċċessibbli, f’konformità mal-Artikolu 9 tal-UNCRPD, u l-leġiżlazzjoni armonizzata tal-UE, b’mod partikolari d-Direttiva (UE) 2019/882 tal-Parlament Ewropew u tal-Kunsill tas-17 ta’ April 2019 dwar ir-rekwiżiti ta’ aċċessibbiltà għall-prodotti u għas-servizzi.