This document is an excerpt from the EUR-Lex website
Document 52022AR2951
Opinion of the European Committee of the Regions — Industrial Emissions Directive
Opinjoni tal-Kumitat Ewropew tar-Reġjuni — Direttiva dwar l-Emissjonijiet Industrijali
Opinjoni tal-Kumitat Ewropew tar-Reġjuni — Direttiva dwar l-Emissjonijiet Industrijali
COR 2022/02951
ĠU C 498, 30.12.2022, p. 154–162
(BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
30.12.2022 |
MT |
Il-Ġurnal Uffiċjali tal-Unjoni Ewropea |
C 498/154 |
Opinjoni tal-Kumitat Ewropew tar-Reġjuni — Direttiva dwar l-Emissjonijiet Industrijali
(2022/C 498/16)
|
I. RAKKOMANDAZZJONIJIET SABIEX JITRESSQU EMENDI
Proposta għal Direttiva tal-Parlament Ewropew u tal-Kunsill li temenda d-Direttiva 2010/75/UE tal-Parlament Ewropew u tal-Kunsill tal-24 ta’ Novembru 2010 dwar l-emissjonijiet industrijali (il-prevenzjoni u l-kontroll integrati tat-tniġġis) u d-Direttiva tal-Kunsill 1999/31/KE tas-26 ta’ April 1999 dwar ir-rimi ta’ skart f’landfill
COM (2022) 156
Emenda 1
Premessa 16
Test propost mill-Kummissjoni Ewropea |
Emenda |
||||
|
|
Raġuni
Emenda teknika biex il-premessa tiġi allinjata mal-bidliet proposti għall-artikolu rilevanti.
Emenda 2
Premessa 25
Test propost mill-Kummissjoni Ewropea |
Emenda |
||||
|
|
Raġuni
Emenda teknika biex il-premessa tiġi allinjata mal-bidliet proposti għall-emenda rilevanti.
Emenda 3
Artikolu 1, il-punt (5)
Test propost mill-Kummissjoni Ewropea |
Emenda tal-KtR |
||||
|
|
||||
“4. L-Istati Membri għandhom jiżguraw li l-permessi mogħtija skont dan l-Artikolu jsiru disponibbli fuq l-Internet, mingħajr ħlas u mingħajr ma jillimitaw l-aċċess għall-utenti rreġistrati. Barra minn hekk, għandu jkun disponibbli għall-pubbliku sommarju ta’ kull permess taħt l-istess kundizzjonijiet. Dak is-sommarju għandu jinkludi mill-inqas dan li ġej: |
“4. L-Istati Membri għandhom jiżguraw li l-permessi mogħtija skont dan l-Artikolu jsiru disponibbli fuq l-Internet, mingħajr ħlas u mingħajr ma jillimitaw l-aċċess għall-utenti rreġistrati. Barra minn hekk, għandu jkun disponibbli għall-pubbliku sommarju ta’ kull permess taħt l-istess kundizzjonijiet. Dak is-sommarju għandu jinkludi mill-inqas dan li ġej: |
||||
|
|
||||
|
|
||||
|
|
||||
|
|
||||
|
|
||||
|
|
||||
Il-Kummissjoni għandha tadotta att ta’ implimentazzjoni biex tistabbilixxi l-format li għandu jintuża għas-sommarju msemmi fit-tieni subparagrafu. Dak l-att ta’ implimentazzjoni għandu jiġi adottat f’konformità mal-proċedura ta’ eżami msemmija fl-Artikolu 75(2).”. |
Il-Kummissjoni għandha tadotta att ta’ implimentazzjoni biex tistabbilixxi l-format li għandu jintuża għas-sommarju msemmi fit-tieni subparagrafu. Dak l-att ta’ implimentazzjoni għandu jiġi adottat f’konformità mal-proċedura ta’ eżami msemmija fl-Artikolu 75(2).”. |
Raġuni
Il-pubbliku għandu jiġi infurmat dwar il-livell speċifiku responsabbli għat-talbiet għal informazzjoni u għall-ilmenti sabiex jiġu evitati kuntatti mal-korp jew l-awtorità żbaljati, li joħloq piż amministrattiv għall-amministrazzjoni pubblika u jagħmilha aktar diffiċli li wieħed jirċievi l-informazzjoni.
Emenda 4
Artikolu 1, il-punt (12)
Test propost mill-Kummissjoni Ewropea |
Emenda tal-KtR |
||||
|
|
||||
“Artikolu 15 |
“Artikolu 15 |
||||
Valuri limitu tal-emissjonijiet, valuri limitu tal-prestazzjoni ambjentali, parametri ekwivalenti u miżuri tekniċi |
Valuri limitu tal-emissjonijiet, valuri limitu tal-prestazzjoni ambjentali, parametri ekwivalenti u miżuri tekniċi |
||||
[…] |
[…] |
||||
3a. L-awtorità kompetenti għandha tistabbilixxi valuri limitu tal-prestazzjoni ambjentali li jiżguraw li, f’kundizzjonijiet normali ta’ tħaddim, tali valuri limitu tal-prestazzjoni ma jaqbżux il-livelli ta’ prestazzjoni ambjentali assoċjati mal-BATs kif stabbilit fid-deċiżjonijiet dwar il-konklużjonijiet tal-BAT imsemmija fl-Artikolu 13(5). |
3a. L-awtorità kompetenti tista’ tistabbilixxi valuri limitu tal-prestazzjoni ambjentali li jiżguraw li, f’kundizzjonijiet normali ta’ tħaddim, tali valuri limitu tal-prestazzjoni ma jaqbżux il-livelli ta’ prestazzjoni ambjentali assoċjati mal-BATs kif stabbilit fid-deċiżjonijiet dwar il-konklużjonijiet tal-BAT imsemmija fl-Artikolu 13(5). |
||||
[…]” |
[…]” |
Raġuni
L-obbligu li jiġu stabbiliti valuri vinkolanti tal-prestazzjoni jwassal għal regolamenti inkonsistenti u jikkomprometti t-trasformazzjoni industrijali. Dan ir-rekwiżit għandu jitħalla għad-diskrezzjoni tal-awtoritajiet kompetenti wara li valutazzjoni bir-reqqa tkun uriet li rekwiżit bħal dan ma jwassalx għal inkonsistenza bejn il-kundizzjonijiet għal permess stabbiliti xi mkien ieħor.
Emenda 5
Artikolu 1, il-punt (18)(a)
(Punt ġdid)
Test fis-seħħ |
Emenda tal-KtR |
||
|
|
||
3. Dak li jikkostitwixxi interess suffiċjenti u indeboliment ta’ dritt għandu jiġi stabbiliti mill-Istati Membri, b’mod konsistenti mal-għan li jingħata aċċess għall-ġustizzja mifrux lill-pubbliku kkonċernat. |
3. Dak li jikkostitwixxi interess suffiċjenti u indeboliment ta’ dritt għandu jiġi stabbiliti mill-Istati Membri, b’mod konsistenti mal-għan li jingħata aċċess għall-ġustizzja mifrux lill-pubbliku kkonċernat. |
||
Għal dan il-fini, l-interess ta’ kull organizzazzjoni mhux governattiva li tippromwovi l-il-ħarsien ambjentali u li tissodisfa kwalunkwe rekwiżit skont il-liġi nazzjonali għandu jitqies biżżejjed għall-għan tal-punt (a) tal-paragrafu 1. |
Għal dan il-fini, l-interess ta’ kull organizzazzjoni mhux governattiva li tippromwovi l-il-ħarsien ambjentali u li tissodisfa kwalunkwe rekwiżit skont il-liġi nazzjonali għandu jitqies biżżejjed għall-għan tal-punt (a) tal-paragrafu 1. |
||
|
Għal dan il-fini, l-interess ta’ kull awtorità pubblika sottonazzjonali li t-territorju jew il-popolazzjoni tagħha jistgħu jiġu affettwati ħażin u l-konformità ma’ kull rekwiżit tal-liġi nazzjonali għandhom jitqiesu suffiċjenti għall-finijiet tal-paragrafu 1(a). |
||
Dawn l-organizzazzjonijiet għandhom jitqiesu wkoll li għandhom drittijiet li huma kapaċi li jiġu mnaqqra għall-finijiet tal-punt (b) tal-paragrafu 1. |
Dawn l-organizzazzjonijiet jew awtoritajiet għandhom jitqiesu wkoll li għandhom drittijiet li huma kapaċi li jiġu mnaqqra għall-finijiet tal-punt (b) tal-paragrafu 1. |
Raġuni
Il-KtR jappoġġja l-parteċipazzjoni pubblika u li l-awtoritajiet lokali jkollhom aċċess għall-ġustizzja. Jilqa’ r-reviżjonijiet li saru għal dan l-aspett, filwaqt li jissuġġerixxi li jiġi żgurat li l-awtoritajiet lokali u reġjonali wkoll ikollhom aċċess għall-ġustizzja fl-Istati Membri kollha u jitlob informazzjoni sħiħa u f’waqtha u parteċipazzjoni pubblika fil-proċeduri kollha.
Emenda 6
Artikolu 1, il-punt (22)
Test propost mill-Kummissjoni Ewropea |
Emenda tal-KtR |
||||
|
|
||||
“[…] |
“[…] |
||||
Artikolu 27d |
Artikolu 27d |
||||
Trasformazzjoni lejn industrija nadifa, ċirkolari u newtrali għall-klima |
Trasformazzjoni lejn industrija nadifa, ċirkolari u newtrali għall-klima |
||||
1. L-Istati Membri għandhom jirrikjedu li sat-30 ta’ Ġunju 2030 l-operatur jinkludi fis-sistema ta’ ġestjoni ambjentali tiegħu li hemm referenza għaliha fl-Artikolu 14a , pjan ta’ trasformazzjoni għal kull installazzjoni li twettaq kwalunkwe attività elenkata fil- punti 1, 2, 3, 4, 6.1a, u 6.1b tal- Anness I. Il-pjan ta’ trasformazzjoni għandu jkun fih informazzjoni dwar kif l-installazzjoni se tittrasforma ruħha matul il-perjodu 2030-2050 sabiex tikkontribwixxi għall-ħolqien ta’ ekonomija sostenibbli, nadifa, ċirkolari u newtrali għall-klima sal-2050, bl-użu tal-format imsemmi fil-paragrafu 4. L-Istati Membri għandhom jieħdu l-miżuri meħtieġa biex jiżguraw li sal-31 ta’ Diċembru 2031, l-organizzazzjoni tal-awditu kkuntrattata mill-operatur bħala parti mis-sistema ta’ ġestjoni ambjentali tiegħu, tivvaluta l-konformità tal-pjanijiet ta’ trasformazzjoni msemmija fl-ewwel subparagrafu tal-paragrafu 1 mar-rekwiżiti stabbiliti fl-att ta’ implimentazzjoni msemmi fil-paragrafu 4. |
1. L-Istati Membri għandhom jirrikjedu li sat-30 ta’ Ġunju 2030, u fil-kuntest tal-analiżi mill-ġdid tal-kondizzjonijiet ta’ awtorizzazzjoni b’konformità mal-Artikolu 21(3), wara li tiġi ppubblikata d-deċiżjoni dwar il-konklużjonijiet relatati mal-BAT wara l-1 ta’ Jannar 2030, l-operatur għandu jinkludi pjan indikattiv ta’ trasformazzjoni għal kull installazzjoni li twettaq attività elenkata fl-Anness I. Il-pjan indikattiv ta’ trasformazzjoni għandu jkun fih informazzjoni dwar kif l-installazzjoni ser titrasforma ruħha matul il-perjodu 2030-2050 sabiex tikkontribwixxi għall-ħolqien ta’ ekonomija sostenibbli, nadifa, ċirkolari u newtrali għall-klima sal-2050, bl-użu tal-format imsemmi fil-paragrafu 4. |
||||
2. L-Istati Membri għandhom jirrikjedu li, bħala parti mir-rieżami tal-kundizzjonijiet għal permess skont l-Artikolu 21(3) wara l-pubblikazzjoni tad-deċiżjonijiet dwar il-konklużjonijiet tal-BAT wara l-1 ta’ Jannar 2030, l-operatur jinkludi fis-sistema ta’ ġestjoni ambjentali tiegħu msemmija fl-Artikolu 14a, pjan ta’ trasformazzjoni għal kull installazzjoni li twettaq kwalunkwe attività elenkata fl-Anness I li mhijiex imsemmija fil-paragrafu 1. Il-pjan ta’ trasformazzjoni għandu jkun fih informazzjoni dwar kif l-installazzjoni se tittrasforma ruħha matul il-perjodu 2030-2050 sabiex tikkontribwixxi għall-ħolqien ta’ ekonomija sostenibbli, nadifa, ċirkolari u newtrali għall-klima sal-2050, bl-użu tal-format imsemmi fil-paragrafu 4. L-Istati Membri għandhom jieħdu l-miżuri meħtieġa biex jiżguraw li l-organizzazzjoni tal-awditu kkuntrattata mill-operatur bħala parti mis-sistema ta’ ġestjoni ambjentali tivvaluta l-konformità tal-pjanijiet ta’ trasformazzjoni msemmija fl-ewwel subparagrafu tal-paragrafu 2 mar-rekwiżiti stabbiliti fl-att ta’ implimentazzjoni msemmi fil-paragrafu 4. |
2. L-operatur għandu jagħmel is-sommarju tal- pjan indikattiv ta’ trasformazzjoni tiegħu pubbliku. |
||||
3 . L-operatur għandu jagħmel il-pjan ta’ trasformazzjoni tiegħu kif ukoll ir-riżultati tal-valutazzjoni msemmija fil-paragrafi 1 u 2 pubbliċi, bħala parti mill-pubblikazzjoni tas-sistema ta’ ġestjoni ambjentali tiegħu . |
3. Il-Kummissjoni għandha sat-30 ta’ Ġunju 2028, tadotta att ta’ implimentazzjoni li jistabbilixxi l-format għall-pjanijiet ta’ trasformazzjoni. Dak l-att ta’ implimentazzjoni għandu jiġi adottat f’konformità mal-proċedura ta’ eżami msemmija fl-Artikolu 75(2).”. |
||||
4 . Il-Kummissjoni għandha sat-30 ta’ Ġunju 2028, tadotta att ta’ implimentazzjoni li jistabbilixxi l-format għall-pjanijiet ta’ trasformazzjoni. Dak l-att ta’ implimentazzjoni għandu jiġi adottat f’konformità mal-proċedura ta’ eżami msemmija fl-Artikolu 75(2).”. |
|
Raġuni
In-natura indikattiva tal-pjan ta’ trasformazzjoni tidher xierqa peress li l-objettivi segwiti jħarsu ’l quddiem u jiddependu mill-esternalitajiet (eż. id-disponibbiltà ta’ mezzi rinnovabbli u effiċjenti fl-enerġija) u sabiex jiġu evitati proċeduri kkumplikati biex jinkisbu l-permessi.
Emenda 7
Artikolu 1, il-punt (31)
Test propost mill-Kummissjoni Ewropea |
Emenda tal-KtR |
||||||||||||
|
|
||||||||||||
“Artikolu 79 |
“Artikolu 79 |
||||||||||||
Penali |
Penali |
||||||||||||
1. Mingħajr preġudizzju għall-obbligi tal-Istati Membri skont id-Direttiva 2008/99/KE tal-Parlament Ewropew u tal-Kunsill tad-19 ta’ Novembru 2008 dwar il-protezzjoni tal-ambjent permezz tal-liġi kriminali, l-Istati Membri għandhom jistabbilixxu regoli dwar il-penali applikabbli għall-ksur tad-dispożizzjonijiet nazzjonali adottati skont din id-Direttiva u għandhom jieħdu l-miżuri kollha meħtieġa biex jiżguraw li jiġu applikati. Il-penali previsti għandhom ikunu effettivi, proporzjonati u dissważivi. L-Istati Membri għandhom mingħajr dewmien jinnotifikaw lill-Kummissjoni b’dawk ir-regoli u b’dawk id-dispożizzjonijiet, u għandhom jinnotifikawha mingħajr dewmien dwar kwalunkwe emenda sussegwenti li taffettwahom. |
1. Mingħajr preġudizzju għall-obbligi tal-Istati Membri skont id-Direttiva 2008/99/KE tal-Parlament Ewropew u tal-Kunsill tad-19 ta’ Novembru 2008 dwar il-protezzjoni tal-ambjent permezz tal-liġi kriminali, l-Istati Membri għandhom jistabbilixxu regoli dwar il-penali applikabbli għall-ksur tad-dispożizzjonijiet nazzjonali adottati skont din id-Direttiva u għandhom jieħdu l-miżuri kollha meħtieġa biex jiżguraw li jiġu applikati. Il-penali previsti għandhom ikunu effettivi, proporzjonati u dissważivi. L-Istati Membri għandhom mingħajr dewmien jinnotifikaw lill-Kummissjoni b’dawk ir-regoli u b’dawk id-dispożizzjonijiet, u għandhom jinnotifikawha mingħajr dewmien dwar kwalunkwe emenda sussegwenti li taffettwahom. |
||||||||||||
2. Il-penali msemmija fil-paragrafu 1 għandhom jinkludu multi proporzjonati għall-fatturat tal-persuna ġuridika jew għall-introjtu tal-persuna fiżika li tkun wettqet il-ksur. Il-livell tal-multi għandu jiġi kkalkolat b’tali mod li jiġi żgurat li effettivament iċaħħad lill-persuna responsabbli għall-ksur mill-benefiċċji ekonomiċi derivati minn dak il-ksur. Il-livell tal-multi għandu jiżdied gradwalment għal ksur ripetut. Fil-każ ta’ ksur imwettaq minn persuna ġuridika, l-ammont massimu ta’ tali multi għandu jkun mill-inqas 8 % tal-fatturat annwali tal-operatur fl-Istat Membru kkonċernat . |
2. Il-penali msemmija fil-paragrafu 1 għandhom jinkludu multi proporzjonati għall-fatturat tal-persuna ġuridika jew għall-introjtu tal-persuna fiżika li tkun wettqet il-ksur. Il-livell tal-multi għandu jiġi kkalkolat b’tali mod li jiġi żgurat li effettivament iċaħħad lill-persuna responsabbli għall-ksur mill-benefiċċji ekonomiċi derivati minn dak il-ksur. Il-livell tal-multi għandu jiżdied gradwalment għal ksur ripetut. Fil-każ ta’ ksur imwettaq minn persuna ġuridika, l-ammont massimu ta’ tali multi għandu jkun mill-inqas 8 % tal-fatturat annwali tal-operatur waqt li jitqiesu l-kumpaniji omm u s-sussidjarji . |
||||||||||||
3. L-Istati Membri għandhom jiżguraw li l-penali msemmija fil-paragrafu 1 iqisu kif xieraq dan li ġej, kif applikabbli: |
3. L-Istati Membri għandhom jiżguraw li l-penali msemmija fil-paragrafu 1 iqisu kif xieraq dan li ġej, kif applikabbli: |
||||||||||||
|
|
||||||||||||
|
4. L-Istati Membri għandhom jiżguraw li l-fondi li ġejjin mil-penali jintużaw bi prijorità biex tissewwa jew tiġi kkumpensata l-ħsara kkawżata lill-awtoritajiet lokali. Fejn l-applikazzjoni tad-Direttiva tinvolvi t-trażżin jew l-għeluq ta’ attivitajiet ekonomiċi, il-konsegwenzi soċjali għall-awtoritajiet lokali għandhom jitqiesu fid-definizzjoni tal-penali u l-Istati Membri għandhom jiżguraw li l-fondi li ġejjin mil-penali jintużaw biex jikkumpensaw it-telf soċjali u ekonomiku għall-awtoritajiet lokali, f’konsultazzjoni mal-awtoritajiet lokali u reġjonali. ”. |
Raġuni
L-impatt tat-tniġġis fuq l-awtoritajiet lokali jista’ jikkawża ħsara ambjentali, tas-saħħa, soċjali u ekonomika li tista’ tkun estremament problematika, speċjalment għal awtorità żgħira u/jew fqira. Il-penali għandhom iqisu dan.
II. RAKKOMANDAZZJONIJIET TA’ POLITIKA
IL-KUMITAT EWROPEW TAR-REĠJUNI (KtR),
Kummenti ġenerali
1. |
ifakkar fl-impenn tiegħu sabiex titħaffef tranżizzjoni ġusta u nadifa lejn ekonomija newtrali għall-klima u ċirkolari sal-2050, u li tkun favorevoli għar-reġjuni tal-Unjoni Ewropea li ma tħalli warajha l-ebda persuna u l-ebda territorju madwar l-Unjoni Ewropea; f’dan ir-rigward, jappoġġja r-reviżjoni tad-Direttiva dwar l-Emissjonijiet Industrijali maħsuba mhux biss biex tgħin fil-prevenzjoni u l-kontroll tat-tniġġis għal protezzjoni aħjar tal-ambjent u tas-saħħa tal-bniedem, iżda wkoll biex tistimula l-innovazzjoni, tippremja lil dawk li huma minn ta’ quddiem u tgħin biex ikun hemm kundizzjonijiet ekwivalenti ta’ kompetizzjoni fis-suq tal-UE; |
2. |
iqis li d-Direttiva dwar l-Emissjonijiet Industrijali hija qafas leġiżlattiv li diġà wera li huwa effettiv fit-tnaqqis tal-emissjonijiet industrijali ta’ sustanzi niġġiesa u, bħala tali, jibqa’ adattat għat-trasformazzjoni li l-industrija Ewropea teħtieġ biex tissodisfa l-objettivi tal-Patt Ekoloġiku Ewropew; jenfasizza li s-sinerġiji bejn l-approċċ ta’ prevenzjoni tad-Direttiva dwar l-Emissjonijiet Industrijali u l-approċċ ibbażat fuq is-suq tas-sistema għall-iskambju ta’ kwoti tal-emissjonijiet (ETS) jistgħu jwasslu għal sitwazzjoni ta’ gwadann għall-operaturi, il-klima u l-ambjent; |
3. |
jappoġġja approċċ ibbażat fuq id-data xjentifika b’mod partikolari biex jiġi vvalutat l-impatt reali tal-attivitajiet industrijali fuq it-tniġġis ġenerali; |
4. |
jirrimarka li wieħed min-nuqqasijiet residwi attwali huwa n-nuqqas ta’ konsistenza fl-applikazzjoni tad-Direttiva dwar l-Emissjonijiet Industrijali fl-Istati Membri; |
5. |
jiġbed l-attenzjoni għall-kuntest li fih qed issir ir-reviżjoni proposta tad-Direttiva dwar l-Emissjonijiet Industrijali (prezzijiet tal-enerġija, inflazzjoni rampanti, tfixkil fil-ktajjen tal-provvista) u jwissi dwar l-impatt negattiv li riforma kkalibrata ħażin tad-Direttiva dwar l-Emissjonijiet Industrijali jkollha fuq il-kompetittività industrijali tal-Ewropa; |
6. |
jieħu nota, f’dan ir-rigward, tat-tħassib espress mill-Kumitat tal-Evalwazzjoni tal-Leġiżlazzjoni fir-rapport tiegħu dwar il-valutazzjoni tal-impatt tar-reviżjoni tad-Direttiva dwar l-Emissjonijiet Industrijali (1) b’mod partikolari n-nuqqas ta’ ċarezza f’dan it-test dwar ċerti impatti tar-reviżjoni fuq il-kompetittività industrijali (riskju ta’ rilokazzjoni u sostituzzjoni bi prodotti minn pajjiżi terzi li japplikaw regoli inqas rigorużi, b’mod partikolari dawk dwar attivitajiet li għadhom kif ġew inklużi), kif ukoll l-impatt tal-inklużjoni tal-bhejjem fuq iż-żoni rurali u l-prezzijiet għall-konsumaturi; |
7. |
jistieden lill-koleġiżlaturi jagħmlu l-implimentazzjoni tad-Direttiva dwar l-Emissjonijiet Industrijali aktar konsistenti u jqisu l-ispejjeż u l-isfidi tat-tranżizzjoni fil-kuntest tal-politika kummerċjali tal-UE, sabiex tiġi evitata l-kompetizzjoni inġusta minn pajjiżi terzi; |
8. |
ifakkar, f’dan ir-rigward, li s-siti industrijali soġġetti għad-Direttiva dwar l-Emissjonijiet Industrijali huma wkoll fil-biċċa l-kbira koperti minn regolamenti u skemi ta’ dekarbonizzazzjoni; għalhekk jappella biex id-Direttiva dwar l-Emissjonijiet Industrijali ma tirfisx fuq dawn l-għodda industrijali diġà applikati u partikolarment effiċjenti sabiex jiġu evitati l-inkonsistenzi u jiġu promossi l-isforzi ta’ dekarbonizzazzjoni bl-aktar mod kosteffettiv; |
Tiġi żgurata l-effettività tad-Direttiva dwar l-Emissjonijiet Industrijali
9. |
iqis li l-prinċipju ġenerali li l-pubbliku jiġi infurmat u l-ħtieġa li ma jiġix ristrett it-tixrid ta’ informazzjoni rilevanti jridu jkunu konformi mas-sigurtà u s-sikurezza tas-siti, is-sigrieti kummerċjali u l-prevenzjoni ta’ atti malizzjużi; |
10. |
jafferma li ż-żamma tal-prinċipji ewlenin u tal-approċċ integrat tad-Direttiva dwar l-Emissjonijiet Industrijali tikkontribwixxi għas-suċċess tat-trasformazzjoni industrijali; |
11. |
jappoġġja, għalhekk, li jinżammu d-definizzjonijiet tal-Aħjar Metodi Tekniċi Disponibbli (BAT) u l-proċess ta’ Sevilla (l-istabbiliment ta’ Dokumenti ta’ Referenza tal-Aħjar Metodi Tekniċi Disponibbli jew BREFs); |
12. |
għandu tħassib dwar il-formulazzjoni attwali tal-Artikolu 15(3), jiġifieri li jiġu stabbiliti l-valuri limitu tal-emissjonijiet (VLE) fl-aktar livelli stretti, kif imsemmi fil-konklużjonijiet tal-BAT; |
13. |
jiddubita l-kliem tal-Artikolu 15(3)(a) dwar il-livelli ta’ prestazzjoni ambjentali assoċjati mal-BAT. Dan ir-rekwiżit għandu jitħalla għad-diskrezzjoni tal-awtoritajiet kompetenti wara li valutazzjoni bir-reqqa tkun uriet li tali rekwiżit ma jwassalx għal inkonsistenza bejn il-kundizzjonijiet għal permess stabbiliti xi mkien ieħor; |
14. |
jappoġġja bil-qawwa l-prinċipju ta’ “min iniġġes iħallas”, jaqbel mal-Qorti Ewropea tal-Awdituri li l-prinċipju ta’ “min iniġġes iħallas” għandu jingħata tifsira ċara u li jissaħħu d-dispożizzjonijiet dwar il-penali u l-kumpens; iqis li l-penali jeħtieġ li jkunu effettivi, proporzjonati u dissważivi u li jqisu l-istruttura tas-sjieda sħiħa tal-kumpaniji biex jiġi żgurat li dawn jiġu imposti fuq il-partijiet responsabbli; |
15. |
jenfasizza li l-awtoritajiet lokali u reġjonali għandhom jindirizzaw l-impatti ambjentali, tas-saħħa, soċjali u ekonomiċi tat-tniġġis. Il-fondi minn penali u minn pagamenti kumpensatorji għandhom jintużaw ukoll biex jgħinu lill-awtoritajiet lokali u reġjonali jiffaċċjaw il-konsegwenzi ta’ dawn l-impatti; |
16. |
jappoġġja l-ħolqien tal-Portal dwar l-Emissjonijiet Industrijali. Jitlob, madankollu, li jsiru sforzi biex jiġi limitat il-piż amministrattiv addizzjonali għall-awtoritajiet lokali u reġjonali; |
Kamp ta’ applikazzjoni
17. |
huwa tal-fehma li kwalunkwe estensjoni għal setturi ġodda għandha tiġi analizzata bir-reqqa, partikolarment pemezz ta’ analiżi tal-kost-benefiċċju li tqis, fost affarijiet oħra, il-miżuri u l-oqfsa ta’ politika fis-seħħ biex jindirizzawhom; |
18. |
jappoġġja li d-Direttiva dwar l-Emissjonijiet Industrijali tiġi estiża għas-setturi l-oħra, bħas-settur taċ-ċanga; jinsab imħasseb, madankollu, dwar il-piż u l-ispejjeż amministrattivi u jissuġġerixxi li jitqiesu miżuri biex jingħata appoġġ finanzjarju lin-negozji u lill-awtoritajiet lokali u reġjonali f’din it-tranżizzjoni, filwaqt li jitqies b’mod partikolari l-impatt soċjali fuq l-installazzjonijiet iż-żgħar; jistieden lill-koleġiżlaturi biex ma jillimitawx ruħhom għall-uniku kriterju tal-limitu tat-trobbija tal-annimali; |
19. |
jitlob li ssir valutazzjoni aktar fil-fond tal-inklużjoni potenzjali tal-akkwakultura fid-Direttiva, filwaqt li jitqiesu l-ispejjeż u l-benefiċċji ambjentali u klimatiċi, jiġu vvalutati l-piż amministrattiv u l-ispejjeż għan-negozji, u jitqies b’mod partikolari l-impatt soċjali fil-komunitajiet lokali fejn l-akkwakultura tirrappreżenta parti sinifikanti tal-ekonomija lokali; |
20. |
iwissi li estensjoni eċċessiva permezz tal-Artikolu 74, li tippermetti kamp ta’ applikazzjoni usa’ permezz ta’ att delegat, tista’ tipperikola l-proċess kollu tal-ġbir ta’ data fil-fond, taffettwa l-funzjonament tal-proċess ta’ Sevilla u żżid il-burokrazija madwar il-ħruġ ta’ permessi; |
Appoġġ għall-innovazzjoni
21. |
jikkondividi l-ambizzjoni li jiġu stimulati r-riċerka u l-innovazzjoni dwar teknoloġiji aktar effiċjenti mil-lat ambjentali sabiex jintlaħqu l-ambizzjonijiet tal-Patt Ekoloġiku; |
22. |
jilqa’ l-istabbiliment taċ-ċentru tal-innovazzjoni għat-trasformazzjoni u l-emissjonijiet industrijali (INCITE) li jista’ jsir ass għall-innovazzjoni tal-UE; madankollu jappella sabiex l-INCITE ma jirdoppjax il-proċess ta’ reviżjoni tal-BREFs; |
23. |
ifakkar li l-innovazzjoni sseħħ ukoll fil-livell lokali u reġjonali u li l-awtoritajiet lokali u reġjonali għandhom jiġu inklużi fost l-istituzzjonijiet pubbliċi involuti fl-attivitajiet tal-INCITE l-ġdid; |
24. |
jieħu nota tar-rieda li l-livelli ta’ prestazzjoni jiġu kkombinati mat-tekniki emerġenti; iqis li hemm riskju li tinżamm lura l-implimentazzjoni effettiva ta’ dawn it-tekniki emerġenti titwaqqaf jekk il-valuri limitu tal-emissjonijiet inklużi fil-permessi ma jistgħux jintlaħqu b’ċertezza ta’ 100 %; |
25. |
jilqa’ l-pjani ta’ trasformazzjoni fuq perjodu fit-tul; madankollu jiġbed l-attenzjoni għall-fatt li dawn il-pjani jridu jkunu indikattivi u magħmulin fil-livell tal-intrapriża u mhux fil-livell tas-sit operatorju, u li l-pubblikazzjoni tagħhom ma tikkompromettix is-sigrieti industrijali. |
26. |
jirrikonoxxi li l-azzjonijiet proposti kif inhuma ma jidhru li jqajmu l-ebda kwistjoni dwar il-konformità tagħhom mal-prinċipju tas-sussidjarjetà, minħabba n-natura transfruntiera tat-tniġġis minn installazzjonijiet agroindustrijali u l-ħtieġa ta’ kundizzjonijiet ekwivalenti ta’ kompetizzjoni fis-suq uniku. L-azzjonijiet proposti ma jidhrux li jqajmu xi kwistjoni ġenerali rigward il-konformità tagħhom mal-prinċipju tal-proporzjonalità minħabba l-urġenza tal-kriżijiet ambjentali u klimatiċi. |
Brussell, it-12 ta’ Ottubru 2022.
Vasco ALVES CORDEIRO
Il-President tal-Kumitat Ewropew tar-Reġjuni
(1) Id-Direttiva 2013/34/UE tal-Parlament Ewropew u tal-Kunsill tas-26 ta’ Ġunju 2013 dwar id-dikjarazzjonijiet finanzjarji annwali, id-dikjarazzjonijiet finanzjarji kkonsolidati u r-rapporti relatati ta’ ċerti tipi ta’ intrapriżi, u li temenda d-Direttiva 2006/43/KE tal-Parlament Ewropew u tal-Kunsill u li tħassar id-Direttivi tal-Kunsill 78/660/KEE u 83/349/KEE (ĠU L 182, 29.6.2013, p. 19).
(1) Id-Direttiva 2013/34/UE tal-Parlament Ewropew u tal-Kunsill tas-26 ta’ Ġunju 2013 dwar id-dikjarazzjonijiet finanzjarji annwali, id-dikjarazzjonijiet finanzjarji kkonsolidati u r-rapporti relatati ta’ ċerti tipi ta’ intrapriżi, u li temenda d-Direttiva 2006/43/KE tal-Parlament Ewropew u tal-Kunsill u li tħassar id-Direttivi tal-Kunsill 78/660/KEE u 83/349/KEE (ĠU L 182, 29.6.2013, p. 19).
(1) SEC(2022) 169.