EUR-Lex Access to European Union law
This document is an excerpt from the EUR-Lex website
Document 52021M10294
Prior notification of a concentration (Case M.10294 – MUFG/SMFG/MHFG/Resona HD/JV) Candidate case for simplified procedure (Text with EEA relevance) 2021/C 205/08
Avviż minn qabel ta’ konċentrazzjoni (Il-Każ M.10294 — MUFG/SMFG/MHFG/RESONA HD/JV) Każ li jista’ jiġi kkunsidrat għal proċedura ssimplifikata (Test b’rilevanza għaż-ŻEE) 2021/C 205/08
Avviż minn qabel ta’ konċentrazzjoni (Il-Każ M.10294 — MUFG/SMFG/MHFG/RESONA HD/JV) Każ li jista’ jiġi kkunsidrat għal proċedura ssimplifikata (Test b’rilevanza għaż-ŻEE) 2021/C 205/08
PUB/2021/410
ĠU C 205, 31.5.2021, p. 11–12
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
|
31.5.2021 |
MT |
Il-Ġurnal Uffiċjali tal-Unjoni Ewropea |
C 205/11 |
Avviż minn qabel ta’ konċentrazzjoni
(Il-Każ M.10294 — MUFG/SMFG/MHFG/RESONA HD/JV)
Każ li jista’ jiġi kkunsidrat għal proċedura ssimplifikata
(Test b’rilevanza għaż-ŻEE)
(2021/C 205/08)
1.
Fl-20 ta’ Mejju 2021, il-Kummissjoni rċeviet avviż ta’ konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1).Dan l-avviż jikkonċerna l-impriżi li ġejjin:
|
— |
Mitsubishi UFJ Financial Group, Inc. (“MUFG”, il-Ġappun); |
|
— |
Sumitomo Mitsui Financial Group, Inc. (“SMFG”, il-Ġappun); |
|
— |
Mizuho Financial Group, Inc. (“MHFG”, il-Ġappun); kif ukoll |
|
— |
Resona Holdings, Inc. (“Resona HD”, il-Ġappun). |
MUFG, SMFG, MHFG u Resona HD jakkwistaw, fis-sens tal-Artikolu 3(1)(b) u 3(4) tar-Regolament dwar l-Għaqdiet, il-kontroll bi sħab ta’ Cotra Co., Ltd (il-Ġappun), impriża bi sħab ġdida (il-join venture, “JV”).
Il-konċentrazzjoni hija mwettqa permezz ta’ xiri ta’ ishma.
2.
L-attivitajiet kummerċjali tal-impriżi kkonċernati huma:|
— |
MUFG, SMFG, MHFG u Resona HD huma gruppi bankarji bbażati fil-Ġappun; |
|
— |
il-JV se tiżviluppa u twaqqaf infrastruttura alternattiva ġdida għall-pagamenti elettroniċi esklussivament fil-Ġappun, immirata prinċipalment lejn tranżazzjonijiet ta’ flus żgħar fost u bejn l-individwi. |
3.
Wara eżami preliminari, il-Kummissjoni tqis li t-tranżazzjoni notifikata tista’ taqa’ fil-kamp ta’ applikazzjoni tar-Regolament dwar l-Għaqdiet. Madankollu, id-deċiżjoni finali dwar dan il-punt hija riżervata.Skont l-Avviż tal-Kummissjoni dwar proċedura ssimplifikata għat-trattament ta’ ċerti konċentrazzjonijiet skont ir-Regolament tal-Kunsill (KE) Nru 139/2004 (2) jinħtieġ li jiġi nnutat li dan il-każ jista’ jiġi kkunsidrat għal trattament skont il-proċedura stabbilita fl-Avviż.
4.
Il-Kummissjoni tistieden lil terzi persuni interessati biex jibagħtulha l-kummenti li jista’ jkollhom dwar l-operazzjoni proposta.Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta’ din il-pubblikazzjoni. Jinħtieġ li r-referenza li ġejja dejjem tiġi speċifikata:
M.10294 – MUFG/SMFG/MHFG/RESONA HD/JV
Il-kummenti jistgħu jintbagħtu lill-Kummissjoni permezz tal-email, permezz tal-faks jew permezz tal-posta. Uża d-dettalji ta’ kuntatt ta’ hawn taħt:
Email: COMP-MERGER-REGISTRY@ec.europa.eu
Faks +32 22964301
Indirizz postali:
|
European Commission |
|
Directorate-General for Competition |
|
Merger Registry |
|
1049 Bruxelles / Brussel |
|
BELGIQUE / BELGIË |
(1) ĠU L 24, 29.1.2004, p. 1 (ir-“Regolament dwar l-Għaqdiet”).