This document is an excerpt from the EUR-Lex website
Document 52021M10262
Prior notification of a concentration (Case M.10262 — Facebook/Kustomer) (Text with EEA relevance) 2021/C 258/09
Avviż minn qabel ta’ konċentrazzjoni (Il-Każ M.10262 — Facebook/Kustomer) (Test b’rilevanza għaż-ŻEE) 2021/C 258/09
Avviż minn qabel ta’ konċentrazzjoni (Il-Każ M.10262 — Facebook/Kustomer) (Test b’rilevanza għaż-ŻEE) 2021/C 258/09
PUB/2021/532
ĠU C 258, 2.7.2021, p. 19–20
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
2.7.2021 |
MT |
Il-Ġurnal Uffiċjali tal-Unjoni Ewropea |
C 258/19 |
Avviż minn qabel ta’ konċentrazzjoni
(Il-Każ M.10262 — Facebook/Kustomer)
(Test b’rilevanza għaż-ŻEE)
(2021/C 258/09)
1.
Fil-25 ta’ Ġunju 2021, il-Kummissjoni rċeviet avviż ta’ konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1).Dan l-avviż jikkonċerna l-impriżi li ġejjin:
— |
Facebook, Inc. (“Facebook”, l-Istati Uniti tal-Amerka), |
— |
Kustomer, Inc. (“Kustomer”, l-Istati Uniti tal-Amerka). |
Facebook takkwista, fis-sens tal-Artikolu 3(1)(b) tar-Regolament dwar l-Għaqdiet, il-kontroll esklużiv ta’ Kustomer kollha kemm hi.
Il-konċentrazzjoni hija mwettqa permezz ta’ xiri ta’ ishma.
Il-konċentrazzjoni ġiet riferuta lill-Kummissjoni mill-Bundeswettbewerbsbehörde, l-Awtorità Awstrijaka tal-Kompetizzjoni, skont l-Artikolu 22(3) tar-Regolament dwar l-Għaqdiet. Sussegwentement, il-Belġju, il-Bulgarija, Franza, l-Iżlanda, l-Irlanda, l-Italja, in-Netherlands, il-Portugall u r-Rumanija ngħaqdu mar-riferiment.
2.
L-attivitajiet kummerċjali tal-impriżi kkonċernati huma:
— |
Facebook: il-forniment ta’ websites u applikazzjonijiet għal apparati mobbli li joffru networking soċjali, komunikazzjonijiet tal-konsumatur u funzjonalitajiet ta’ kondiviżjoni ta’ ritratti u videos, inklużi tliet kanali ta’ messaġġi: Messenger, WhatsApp u Messaġġi Instagram, |
— |
Kustomer: toffri software għall-ġestjoni tar-relazzjonijiet mal-klijenti (customer relationship management, CRM) bħala servizz li jispeċjalizza fl-assistenza lill-aġenti tas-servizzi għall-klijenti tan-negozju biex jiġġestixxu l-komunikazzjonijiet mal-konsumaturi. |
3.
Wara eżami preliminari, il-Kummissjoni tqis li t-tranżazzjoni notifikata tista’ taqa’ fil-kamp ta’ applikazzjoni tar-Regolament dwar l-Għaqdiet. Madankollu, id-deċiżjoni finali dwar dan il-punt hija riżervata.
4.
Il-Kummissjoni tistieden lil terzi persuni interessati biex jibagħtulha l-kummenti li jista’ jkollhom dwar l-operazzjoni proposta.Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta’ din il-pubblikazzjoni. Jinħtieġ li r-referenza li ġejja dejjem tiġi speċifikata:
M.10262 – Facebook/Kustomer
Il-kummenti jistgħu jintbagħtu lill-Kummissjoni permezz tal-email, permezz tal-faks jew permezz tal-posta. Uża d-dettalji ta’ kuntatt ta’ hawn taħt:
Email: COMP-MERGER-REGISTRY@ec.europa.eu
Faks +32 22964301
Indirizz postali:
European Commission |
Directorate-General for Competition |
Merger Registry |
1049 Bruxelles / Brussel |
BELGIQUE / BELGIË |
(1) ĠU L 24, 29.1.2004, p. 1 (ir-“Regolament dwar l-Għaqdiet”).