This document is an excerpt from the EUR-Lex website
Document 52020M9410
Prior notification of a concentration (Case M.9410 — Saudi Aramco/SABIC) (Text with EEA relevance) 2020/C 35/07
Avviż minn qabel ta’ konċentrazzjoni (Il-Każ M.9410 — Saudi Aramco/SABIC) (Test b’rilevanza għaż-ŻEE) 2020/C 35/07
Avviż minn qabel ta’ konċentrazzjoni (Il-Każ M.9410 — Saudi Aramco/SABIC) (Test b’rilevanza għaż-ŻEE) 2020/C 35/07
PUB/2020/54
ĠU C 35, 3.2.2020, p. 10–10
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
3.2.2020 |
MT |
Il-Ġurnal Uffiċjali tal-Unjoni Ewropea |
C 35/10 |
Avviż minn qabel ta’ konċentrazzjoni
(Il-Każ M.9410 — Saudi Aramco/SABIC)
(Test b’rilevanza għaż-ŻEE)
(2020/C 35/07)
1.
Fit-23 ta’ Jannar 2020, il-Kummissjoni rċeviet avviż ta’ konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1).Dan l-avviż jikkonċerna l-impriżi li ġejjin:
— |
Saudi Arabian Oil Company (“Saudi Aramco”, l-Arabja Sawdija), |
— |
Saudi Basic Industries Corporation (“SABIC”, l-Arabja Sawdija). |
Saudi Aramco takkwista, fis-sens tal-Artikolu 3(1)(b) tar-Regolament dwar l-Għaqdiet, il-kontroll waħdani ta’ SABIC kollha kemm hi.
Il-konċentrazzjoni hija mwettqa permezz ta’ xiri ta’ ishma.
2.
L-attivitajiet kummerċjali tal-impriżi kkonċernati huma:
— |
Saudi Aramco hija primarjament impenjata fl-esplorazzjoni, il-produzzjoni u l-kummerċjalizzazzjoni ta’ żejt mhux maħdum, gass naturali u karburanti bbażati fuq iż-żejt għat-trasport kif ukoll fil-produzzjoni u l-kummerċjalizzazzjoni ta’ prodotti raffinati u petrokimiċi. |
— |
SABIC hija primarjament attiva fil-produzzjoni u l-bejgħ ta’ kimċi tal-kommodità (inklużi petrokimiċi), intermedjati, polimeri, fertilizzanti u metalli. |
3.
Wara eżami preliminari, il-Kummissjoni tqis li t-tranżazzjoni notifikata tista’ taqa’ fil-kamp ta’ applikazzjoni tar-Regolament dwar l-Għaqdiet. Madankollu, id-deċiżjoni finali dwar dan il-punt hija riżervata.
4.
Il-Kummissjoni tistieden lil terzi persuni interessati biex jibagħtulha l-kummenti li jista’ jkollhom dwar l-operazzjoni proposta.Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta’ din il-pubblikazzjoni. Jinħtieġ li r-referenza li ġejja dejjem tiġi speċifikata:
M.9410 — Saudi Aramco/SABIC
Il-kummenti jistgħu jintbagħtu lill-Kummissjoni permezz tal-email, permezz tal-faks u jew permezz tal-posta. Uża d-dettalji ta’ kuntatt ta’ hawn taħt:
Email: COMP-MERGER-REGISTRY@ec.europa.eu
Faks +32 22964301
Indirizz postali:
European Commission |
Directorate-General for Competition |
Merger Registry |
1049 Bruxelles / Brussel |
BELGIQUE / BELGIË |
(1) ĠU L 24, 29.1.2004, p. 1 (ir-“Regolament dwar l-Għaqdiet”).