This document is an excerpt from the EUR-Lex website
Document 52020AT40411
Opinion of the Advisory Committee on restrictive practices and dominant positions at its meeting on 15 March 2019 concerning a draft decision in case AT.40411 Google Search (AdSense) Rapporteur: Croatia 2020/C 369/01
Opinjoni tal-Kumitat Konsultattiv dwar prattiki restrittivi u pożizzjonijiet dominanti fil-laqgħa tiegħu tal-15 ta’ Marzu 2019 rigward abbozz ta’ deċiżjoni fil-Każ AT.40411 Google Search (AdSense) Relatur: Il-Kroazja 2020/C 369/01
Opinjoni tal-Kumitat Konsultattiv dwar prattiki restrittivi u pożizzjonijiet dominanti fil-laqgħa tiegħu tal-15 ta’ Marzu 2019 rigward abbozz ta’ deċiżjoni fil-Każ AT.40411 Google Search (AdSense) Relatur: Il-Kroazja 2020/C 369/01
C/2019/2173
ĠU C 369, 3.11.2020, p. 1–1
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
|
3.11.2020 |
MT |
Il-Ġurnal Uffiċjali tal-Unjoni Ewropea |
C 369/1 |
Opinjoni tal-Kumitat Konsultattiv dwar prattiki restrittivi u pożizzjonijiet dominanti fil-laqgħa tiegħu tal-15 ta’ Marzu 2019 rigward abbozz ta’ deċiżjoni fil-Każ AT.40411 Google Search (AdSense)
Relatur: Il-Kroazja
(2020/C 369/01)
1.
Il-Kumitat Konsultattiv jaqbel mal-Kummissjoni li, għall-finijiet ta’ dan il-każ, is-swieq tal-prodotti rilevanti huma s-suq għar-reklamar fil-kuntest ta’ tiftix online u s-suq għall-intermedjazzjoni fir-rigward ta’ reklamar fil-kuntest ta’ tiftix online.
2.
Il-Kumitat Konsultattiv jaqbel mal-Kummissjoni li, għall-finijiet ta’ dan il-każ, is-suq ġeografiku rilevanti għar-reklamar fil-kuntest ta’ tiftix online għandu ambitu nazzjonali.
3.
Il-Kumitat Konsultattiv jaqbel mal-Kummissjoni li, għall-finijiet ta’ dan il-każ, is-suq ġeografiku rilevanti għall-intermedjazzjoni fir-rigward ta’ reklamar fil-kuntest ta’ tiftix online għandu ambitu mifrux maż-ŻEE kollha.
4.
Il-Kumitat Konsultattiv jaqbel mal-Kummissjoni li Google kellha pożizzjoni dominanti fis-suq fil-każ tal-intermedjazzjoni fir-rigward tar-reklamar fil-kuntest ta’ tiftix online bejn mill-inqas l-2006 u l-2016.
5.
Il-Kumitat Konsultattiv jaqbel mal-Kummissjoni li l-Klawsola ta’ Esklużività f’kuntratti fir-rigward tas-siti kollha tas-Sħab Diretti tikkostitwixxi abbuż tal-pożizzjoni dominanti ta’ Google fis-suq taż-ŻEE fil-każ tal-intermedjazzjoni fir-rigward ta’ reklamar fil-kuntest ta’ tiftix online fi ħdan it-tifsira tal-Artikolu 102 tat-TFUE u l-Artikolu 54 tal-Ftehim taż-ŻEE.
6.
Il-Kumitat Konsultattiv jaqbel mal-Kummissjoni li l-Klawżola dwar Tqegħid Vantaġġjuż u Minimu ta’ Reklami ta’ Google tikkostitwixxi abbuż tal-pożizzjoni dominanti ta’ Google fis-suq taż-ŻEE għal intermedjazzjoni fir-rigward ta’ reklamar fil-kuntest ta’ tiftix online fi ħdan it-tifsira tal-Artikolu 102 tat-TFUE u l-Artikolu 54 tal-Ftehim taż-ŻEE.
7.
Il-Kumitat Konsultattiv jaqbel mal-Kummissjoni li l-Klawsola ta’ Awtorizzazzjoni ta’ Reklami Ekwivalenti tikkostitwixxi abbuż mill-pożizzjoni dominanti ta’ Google fis-suq taż-ŻEE fejn tidħol l-intermedjazzjoni fir-rigward ta’ reklamar fil-kuntest ta’ tiftix online fi ħdan it-tifsira tal-Artikolu 102 tat-TFUE u l-Artikolu 54 tal-Ftehim taż-ŻEE.
8.
Il-Kumitat Konsultattiv jaqbel mal-valutazzjoni tal-Kummissjoni li l-imġiba kollha msemmija hawn fuq tikkostitwixxi ksur uniku u kontinwu kif deskritt fl-abbozz ta’ deċiżjoni.
9.
Il-Kumitat Konsultattiv jaqbel mal-valutazzjoni tal-Kummissjoni rigward id-durata tal-ksur deskritt fl-abbozz ta' deċiżjoni.
10.
Il-Kumitat Konsultattiv jitlob lill-Kummissjoni biex tqis l-osservazzjonijiet li saru matul il-laqgħa.
11.
Il-Kumitat Konsultattiv jirrakkomanda l-pubblikazzjoni tal-opinjoni tiegħu f’Il-Ġurnal Uffiċjali tal-Unjoni Ewropea.