This document is an excerpt from the EUR-Lex website
Document 52020AE4492
Opinion of the European Economic and Social Committee on ‘Proposal for a Regulation of the European Parliament and of the Council laying down management, conservation and control measures applicable in the Inter-American Tropical Tuna Convention area and amending Council Regulation (EU) No 520/2007’ (COM(2020) 308 final — 2020/0139 (COD))
Opinjoni tal-Kumitat Ekonomiku u Soċjali Ewropew dwar “Proposta għal Regolament tal-Parlament Ewropew u tal-Kunsill li jistabbilixxi miżuri ta’ ġestjoni, ta’ konservazzjoni u ta’ kontroll applikabbli fiż-żona tal-Konvenzjoni Inter-Amerikana għat-Tonn Tropikali u li jemenda r-Regolament tal-Kunsill (UE) Nru 520/2007” [COM(2020) 308 final — 2020/0139 (COD)]
Opinjoni tal-Kumitat Ekonomiku u Soċjali Ewropew dwar “Proposta għal Regolament tal-Parlament Ewropew u tal-Kunsill li jistabbilixxi miżuri ta’ ġestjoni, ta’ konservazzjoni u ta’ kontroll applikabbli fiż-żona tal-Konvenzjoni Inter-Amerikana għat-Tonn Tropikali u li jemenda r-Regolament tal-Kunsill (UE) Nru 520/2007” [COM(2020) 308 final — 2020/0139 (COD)]
EESC 2020/04492
ĠU C 56, 16.2.2021, p. 59–60
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
|
16.2.2021 |
MT |
Il-Ġurnal Uffiċjali tal-Unjoni Ewropea |
C 56/59 |
Opinjoni tal-Kumitat Ekonomiku u Soċjali Ewropew dwar “Proposta għal Regolament tal-Parlament Ewropew u tal-Kunsill li jistabbilixxi miżuri ta’ ġestjoni, ta’ konservazzjoni u ta’ kontroll applikabbli fiż-żona tal-Konvenzjoni Inter-Amerikana għat-Tonn Tropikali u li jemenda r-Regolament tal-Kunsill (UE) Nru 520/2007”
[COM(2020) 308 final — 2020/0139 (COD)]
(2021/C 56/08)
Relatur uniku:
Javier GARAT PÉREZ|
Konsultazzjoni |
Parlament Ewropew, 23.7.2020 Kunsill, 20.7.2020 |
|
Bażi legali |
Artikoli 43(2) u Artikolu 304 tat-Trattat dwar il-Funzjonament tal-Unjoni Ewropea |
|
Sezzjoni kompetenti |
Sezzjoni għall-Agrikoltura, l-Iżvilupp Rurali u l-Ambjent |
|
Adottata fis-sezzjoni |
12.11.2020 |
|
Adottata fil-plenarja |
2.12.2020 |
|
Sessjoni plenarja Nru |
556 |
|
Riżultat tal-votazzjoni (favur/kontra/astensjonijiet) |
228/0/9 |
1. Konklużjonijiet u rakkomandazzjonijiet
|
1.1. |
Il-KESE jqis li hemm bżonn li l-miżuri ta’ kontroll, ta’ konservazzjoni u ta’ ġestjoni adottati mill-Kummissjoni Inter-Amerikana għat-Tonn Tropikali (IATTC) jiġu trasposti fid-dritt tal-Unjoni bil-għan li jiġu applikati b’mod uniformi u effettiv fi ħdan l-UE. Din it-traspożizzjoni għandha tkun konformi ma’ dak li ġie miftiehem fl-IATTC, mingħajr ma toħloq obbligi ġodda għall-bastimenti Ewropej. Il-Kumitat għalhekk jappoġġja l-Proposta għal Regolament. |
|
1.2. |
Madankollu, il-Kumitat jirrakkomanda li jitqiesu l-kunsiderazzjonijiet stabbiliti fl-Opinjoni tiegħu dwar Miżuri ta’ konservazzjoni u ta’ infurzar li japplikaw fiż-Żona Regolatorja tal-Organizzazzjoni tas-Sajd fl-Atlantiku tal-Majjistral (NAFO) (1). |
|
1.3. |
Għaldaqstant, il-KESE jqis li l-proposta mressqa ma tistabbilixxix mekkaniżmu effiċjenti għat-traspożizzjoni tar-regoli adottati mill-IATTC u ma tindirizzax il-ħtieġa li dawn jiġu aġġornati kull sena. |
|
1.4. |
Il-Kumitat huwa favur mekkaniżmu aktar effiċjenti u sempliċi u għaldaqstant jipproponi regolament b’artikolu wieħed biss li jistabbilixxi li, fir-rigward tal-flotta tagħha, l-Unjoni Ewropea għandha assolutament tapplika r-regoli adottati mill-IATTC. |
|
1.5. |
Il-KESE jenfasizza r-riskju li ġġib magħha l-introduzzjoni tas-sistema tal-atti delegati li permezz tagħha l-Kummissjoni tingħata s-setgħa li tilleġiżla mingħajr ma tkun soġġetta għal proċeduri ordinarji. |
2. Sommarju tal-proposta tal-Kummissjoni
|
2.1. |
L-għan ta’ din il-proposta (2) huwa li l-miżuri ta’ kontroll, ta’ konservazzjoni u ta’ ġestjoni adottati mill-Kummissjoni Inter-Amerikana għat-Tonn Tropikali (IATTC), li l-Unjoni Ewropea ilha parti kontraenti tagħha sa mill-2006, jiġu trasposti fid-dritt tal-Unjoni. |
|
2.2. |
Il-Konvenzjoni tal-IATTC tipprevedi li r-riżoluzzjonijiet tagħha huma vinkolanti u li l-partijiet kontraenti għandhom jieħdu l-miżuri meħtieġa biex jiżguraw l-implimentazzjoni tal-Konvenzjoni u l-konformità magħha, u kwalunkwe miżura ta’ konservazzjoni u ġestjoni adottata skontha. |
|
2.3. |
Għalhekk hija l-Unjoni Ewropea li għandha tiżgura l-konformità mal-miżuri kollha approvati mill-IATTC, u li l-miżuri stabbiliti f’din il-proposta jkopru dawk adottati mill-IATTC mill-2008 ’l quddiem. Il-Proposta għal Regolament tinkludi wkoll mekkaniżmu biex jiffaċilita l-implimentazzjoni tal-miżuri tal-IATTC fil-futur. |
|
2.4. |
Il-proposta li qed tiġi kkunsidrata tipprevedi li l-Kummissjoni tingħata setgħat delegati, skont l-Artikolu 290 tat-Trattat dwar il-Funzjonament tal-Unjoni Ewropea, biex tkun tista’ timplimenta kwalunkwe emenda għal dawn il-miżuri, liema emendi jiġu approvati fil-laqgħat annwali tal-IATTC, u biex tiżgura kundizzjonijiet ekwivalenti ta’ kompetizzjoni bejn il-bastimenti tas-sajd Ewropej u dawk ta’ partijiet kontraenti oħra tal-IATTC. |
|
2.5. |
Il-miżuri previsti fil-proposta jikkonċernaw l-ispeċifikazzjonijiet tekniċi għal-lenez tal-klieb il-baħar u, b’mod ġenerali, il-protezzjoni ta’ ċerti speċijiet ta’ klieb il-baħar, il-perjodi ta’ waqfien mis-sajd, id-dispożizzjonijiet dwar it-tfassil u l-użu tat-tagħmir biex jinġabar il-ħut (FAD), ir-reġistrazzjoni tad-data, il-protezzjoni tat-tjur tal-baħar, il-kopertura tal-osservaturi xjentifiċi, ir-reġistru reġjonali tal-bastimenti, il-programmi ta’ data u statistika u l-linji gwida dwar il-mortalità tal-fkieren. |
3. Kummenti ġenerali
|
3.1. |
Il-KESE jqis li hemm bżonn li l-miżuri ta’ kontroll, ta’ konservazzjoni u ta’ ġestjoni adottati mill-Kummissjoni Inter-Amerikana għat-Tonn Tropikali (IATTC) jiġu trasposti fid-dritt tal-Unjoni bil-għan li jiġu applikati b’mod uniformi u effettiv fi ħdan l-UE. Din it-traspożizzjoni għandha tkun konformi ma’ dak li ġie miftiehem fl-IATTC, mingħajr ma toħloq obbligi ġodda għall-bastimenti Ewropej. |
|
3.2. |
Madankollu, peress li l-IATTC ta’ spiss temenda l-miżuri ta’ konservazzjoni u ta’ kontroll tagħha fil-laqgħat annwali tagħha, il-Kumitat iqis li l-proposta mressqa ma tipprevedix mekkaniżmu effiċjenti għat-traspożizzjoni tal-miżuri adottati mill-IATTC jew għall-aġġornamenti tagħhom. |
|
3.3. |
Il-KESE jemmen li l-iżjed mekkaniżmu effiċjenti biex jiġu indirizzati dawn l-aġġornamenti regolari tar-regoli adottati mill-IATTC jkun li jitfassal regolament sempliċi li jiġġustifika l-ħtieġa li jsiru aġġornamenti regolari tal-miżuri rilevanti, tal-inqas għall-kompetenzi allokati, u li jinkludi artikolu wieħed biss li fih jiġi stabbilit l-impenn tal-Unjoni Ewropea favur l-applikazzjoni assoluta, fir-rigward tal-flotta tagħha, tar-regoli adottati mill-IATTC kull sena. |
|
3.4. |
Inkella, il-KESE jwissi dwar ir-riskju ta’ diskrepanza permanenti li tista’ tinħoloq bejn ir-regoli adottati mill-IATTC u l-leġiżlazzjoni ppubblikata mill-UE, u l-inċertezza tad-dritt li dan jista’ joħloq. |
Brussell, it-2 ta’ Diċembru 2020.
Christa SCHWENG
Il-President tal-Kumitat Ekonomiku u Soċjali Ewropew
(1) Ara l-Opinjoni tal-KESE dwar “Miżuri ta’ konservazzjoni u ta’ infurzar – NAFO” (ĠU C 429, 11.12.2020, p. 279).
(2) Proposta għal Regolament tal-Parlament Ewropew u tal-Kunsill li jistabbilixxi miżuri ta’ ġestjoni, ta’ konservazzjoni u ta’ kontroll applikabbli fiż-żona tal-Konvenzjoni Inter-Amerikana għat-Tonn Tropikali u li jemenda r-Regolament tal-Kunsill (UE) Nru 520/2007 (COM/2020/308 final): https://eur-lex.europa.eu/legal-content/mt/TXT/?uri=CELEX%3A52020PC0308&qid=1603701098515