This document is an excerpt from the EUR-Lex website
Document 52019M9258
Prior notification of a concentration (Case M.9258 — ANTA Sports Products/FountainVest China Capital Partners GP3/Amer Sports) — Candidate case for simplified procedure (Text with EEA relevance.)
Notifika minn qabel ta' konċentrazzjoni (Il-Każ M.9258 — Prodotti tal-Isports ANTA/FountainVest China Capital Partners GP3/Amer Sports) — Każ li jista' jiġi kkunsidrat għal proċedura ssimplifikata (Test b'rilevanza għaż-ŻEE.)
Notifika minn qabel ta' konċentrazzjoni (Il-Każ M.9258 — Prodotti tal-Isports ANTA/FountainVest China Capital Partners GP3/Amer Sports) — Każ li jista' jiġi kkunsidrat għal proċedura ssimplifikata (Test b'rilevanza għaż-ŻEE.)
ĠU C 31, 25.1.2019, p. 9–9
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
|
25.1.2019 |
MT |
Il-Ġurnal Uffiċjali tal-Unjoni Ewropea |
C 31/9 |
Notifika minn qabel ta' konċentrazzjoni
(Il-Każ M.9258 — Prodotti tal-Isports ANTA/FountainVest China Capital Partners GP3/Amer Sports)
Każ li jista' jiġi kkunsidrat għal proċedura ssimplifikata
(Test b'rilevanza għaż-ŻEE)
(2019/C 31/09)
1.
Fis-17 ta' Jannar 2019, il-Kummissjoni rċeviet notifika ta’ konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1).Din in-notifika tikkonċerna l-impriżi li ġejjin:
|
— |
Prodotti tal-Isports ANTA (“ANTA”, Ħong Kong), |
|
— |
FountainVest China Capital Partners GP3 (“FountainVest”, il-Gżejjer Cayman), |
|
— |
Amer Sports (“Amer Sports”, il-Finlandja). |
ANTA u FountainVest jakkwistaw, fis-sens tal-Artikolu 3(1)(b) u 3(4) tar-Regolament dwar l-Għaqdiet il-kontroll konġunt ta’ Amer Sports.
Il-konċentrazzjoni titwettaq permezz tax-xiri ta’ ishma permezz ta’ offerta pubblika mnedija fl-20 ta’ Diċembru 2018.
2.
L-attivitajiet kummerċjali tal-impriżi kkonċernati huma:— ANTA: l-iżvilupp, il-manifattura u l-kummerċjalizzazzjoni tas-serje tal-ħwejjeġ tal-isports ANTA għas-suq tal-massa fiċ-Ċina ta’ prodotti sportivi professjonali inklużi żraben, ilbies u aċċessorji,
— FountainVest: ditta ta’ ekwità privata b’enfasi fuq l-investiment f’impriżi ewlenin fl-industrija b’potenzjal ta’ tkabbir sinifikanti. FountainVest għandha investimenti fin-negozji tal-ħwienet tal-konsumaturi, il-media u t-teknoloġija, il-kura tas-saħħa u l-industrijali,
— Amer Sports: l-iżvilupp, il-manifattura u l-kummerċjalizzazzjoni ta’ kumpanija ta’ prodotti sportivi ta’ marki tad-ditta rikonoxxuti internazzjonalment inklużi Salomon, Wilson, Atomic, Arc’teryx, Mavic, Suunto u Precor.
3.
Wara eżami preliminari, il-Kummissjoni tqis li t-tranżazzjoni notifikata tista’ taqa’ fil-kamp ta’ applikazzjoni tar-Regolament dwar l-Għaqdiet. Madankollu, id-deċiżjoni finali dwar dan il-punt hija riżervata.Skont l-Avviż tal-Kummissjoni dwar proċedura simplifikata għat-trattament ta’ ċerti konċentrazzjonijiet skont ir-Regolament tal-Kunsill (KE) Nru 139/2004 (2) jinħtieġ li jiġi nnutat li dan il-każ jista’ jiġi kkunsidrat għal trattament skont il-proċedura stabbilita fl-Avviż.
4.
Il-Kummissjoni tistieden lil terzi persuni interessati biex jibagħtulha l-kummenti li jista' jkollhom dwar l-operazzjoni proposta.Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta' din il-pubblikazzjoni. Jinħtieġ li r-referenza li ġejja dejjem tiġi speċifikata:
M.9258 — Il-Prodotti tal-Isports ANTA/FountainVest China Capital Partners GP3/Amer Sports.
Il-kummenti jistgħu jintbagħtu lill-Kummissjoni permezz tal-email, permezz tal-faks jew permezz tal-posta. Uża d-dettalji ta’ kuntatt ta’ hawn taħt:
|
Email: COMP-MERGER-REGISTRY@ec.europa.eu |
|
Faks +32 22964301 |
|
Indirizz tal-posta: |
|
European Commission |
|
Directorate-General for Competition |
|
Merger Registry |
|
1049 Bruxelles/Brussel |
|
BELGIQUE/BELGIË |
(1) ĠU L 24, 29.1.2004, p. 1 (ir-“Regolament dwar l-Għaqdiet”).