This document is an excerpt from the EUR-Lex website
Document 52019M8792
Opinion of the Advisory Committee on mergers given at its meeting of 14 November 2018 regarding a draft decision relating to Case M.8792 — T-Mobile NL/Tele2 NL — Rapporteur: Belgium
Opinjoni tal-Kumitat Konsultattiv dwar il-Fużjonijiet li ngħatat waqt il-laqgħa tal-14 ta’ Novembru 2018 dwar abbozz ta’ deċiżjoni marbut mal-KAŻ M.8792 — T-Mobile NL/Tele2 NL — Relatur: Il-Belġju
Opinjoni tal-Kumitat Konsultattiv dwar il-Fużjonijiet li ngħatat waqt il-laqgħa tal-14 ta’ Novembru 2018 dwar abbozz ta’ deċiżjoni marbut mal-KAŻ M.8792 — T-Mobile NL/Tele2 NL — Relatur: Il-Belġju
C/2018/7768
ĠU C 150, 2.5.2019, p. 2–2
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
2.5.2019 |
MT |
Il-Ġurnal Uffiċjali tal-Unjoni Ewropea |
C 150/2 |
Opinjoni tal-Kumitat Konsultattiv dwar il-Fużjonijiet li ngħatat waqt il-laqgħa tal-14 ta’ Novembru 2018 dwar abbozz ta’ deċiżjoni marbut mal-KAŻ M.8792 — T-Mobile NL/Tele2 NL
Relatur: Il-Belġju
(2019/C 150/02)
Konċentrazzjoni
1. |
Il-Kumitat Konsultattiv (disa’ Stati Membri) jaqbel mal-Kummissjoni li t-tranżazzjoni notifikata tikkostitwixxi konċentrazzjoni skont it-tifsira tal-Artikolu 3(1)(b) tar-Regolament tal-Kunsill (KE) Nru 139/2004 tal-20 ta’ Jannar 2004 dwar il-kontroll tal-konċentrazzjonijiet bejn l-impriżi (“ir-Regolament dwar l-Għaqdiet”) (1). |
2. |
Il-Kumitat Konsultattiv (disa’ Stati Membri) jaqbel mal-Kummissjoni li t-tranżazzjoni notifikata taqa’ taħt id-dimensjoni UE skont l-Artikolu 1(2) tar-Regolament dwar l-Għaqdiet. |
Definizzjoni tas-swieq
3. |
Il-Kumitat Konsultattiv (disa’ Stati Membri) jaqbel mal-konklużjonijiet li ntlaħqu mill-Kummissjoni fl-abbozz tad-Deċiżjoni fir-rigward tad-definizzjoni tas-suq ġeografiku u tal-prodotti relevanti għall-provvista ta’ servizzi tat-telekomunikazzjoni mobbli għall-konsumatur fin-Netherlands. |
Valutazzjoni kompetittiva
4. |
Il-Kumitat Konsultattiv jaqbel mal-valutazzjoni tal-Kummissjoni li l-konċentrazzjoni notifikata ma tfixkilx b’mod sinifikanti l-kompetizzjoni effettiva bħala riżultat tal-effetti orizzontali mhux ikkoordinati fis-suq għall-provvista ta’ servizzi tat-telekomunikazzjoni mobbli għall-konsumatur fin-Netherlands. Tmien Stati Membri vvutaw favur. Stat Membru vvota kontra. |
5. |
Il-Kumitat Konsultattiv (disa’ Stati Membri) jaqblu mal-valutazzjoni tal-Kummissjoni li l-konċentrazzjoni notifikata ma tfixkilx b’mod sinifikanti l-kompetizzjoni effettiva bħala riżultat tal-effetti orizzontali kkoordinati fis-suq għall-provvista ta’ servizzi tat-telekomunikazzjoni mobbli għall-konsumatur fin-Netherlands. |
Kompatibbiltà mas-suq intern u l-Ftehim dwar iż-Żona Ekonomika Ewropea
6. |
Il-Kumitat Konsultattiv jaqbel mal-Kummissjoni li l-konċentrazzjoni notifikata trid għaldaqstant tiġi ddikjarata kompatibbli mas-suq intern u mal-Ftehim dwar iż-Żona Ekonomika Ewropea (2) f’konformità mal-Artikolu 2(2) u 8(1) tar-Regolament dwar l-Għaqdiet u l-Artikolu 57 tal-Ftehim dwar iż-Żona Ekonomika Ewropea. Tmien Stati Membri vvutaw favur. Stat Membru vvota kontra. |