EUR-Lex Access to European Union law
This document is an excerpt from the EUR-Lex website
Document 52019AP0302
P8_TA(2019)0302 Markets in financial instruments: crowdfunding service providers ***I European Parliament legislative resolution of 27 March 2019 on the proposal for a directive of the European Parliament and of the Council amending Directive 2014/65/EU on markets in financial instruments (COM(2018)0099 — C8-0102/2018 — 2018/0047(COD)) P8_TC1-COD(2018)0047 Position of the European Parliament adopted at first reading on 27 March 2019 with a view to the adoption of Directive (EU) 2019/… of the European Parliament and of the Council amending Directive 2014/65/EU on markets in financial instruments (Text with EEA relevance)
P8_TA(2019)0302 Is-swieq fl-istrumenti finanzjarji: fornituri ta' servizzi ta' finanzjament kollettiv ***I Riżoluzzjoni leġiżlattiva tal-Parlament Ewropew tas-27 ta' Marzu 2019 dwar il-proposta għal direttiva tal-Parlament Ewropew u tal-Kunsill li temenda d-Direttiva 2014/65/UE dwar is-swieq fl-istrumenti finanzjarji (COM(2018)0099 – C8-0102/2018 – 2018/0047(COD)) P8_TC1-COD(2018)0047 Pożizzjoni tal-Parlament Ewropew adottata fl-ewwel qari fis-27 ta' Marzu 2019 bil-ħsieb tal-adozzjoni tar-Regolament (UE) 2019/… tal-Parlament Ewropew u tal-Kunsill li temenda d-Direttiva 2014/65/UE dwar is-swieq fl-istrumenti finanzjarji (Test b'rilevanza għaż-ŻEE)
P8_TA(2019)0302 Is-swieq fl-istrumenti finanzjarji: fornituri ta' servizzi ta' finanzjament kollettiv ***I Riżoluzzjoni leġiżlattiva tal-Parlament Ewropew tas-27 ta' Marzu 2019 dwar il-proposta għal direttiva tal-Parlament Ewropew u tal-Kunsill li temenda d-Direttiva 2014/65/UE dwar is-swieq fl-istrumenti finanzjarji (COM(2018)0099 – C8-0102/2018 – 2018/0047(COD)) P8_TC1-COD(2018)0047 Pożizzjoni tal-Parlament Ewropew adottata fl-ewwel qari fis-27 ta' Marzu 2019 bil-ħsieb tal-adozzjoni tar-Regolament (UE) 2019/… tal-Parlament Ewropew u tal-Kunsill li temenda d-Direttiva 2014/65/UE dwar is-swieq fl-istrumenti finanzjarji (Test b'rilevanza għaż-ŻEE)
ĠU C 108, 26.3.2021, p. 563–565
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
|
26.3.2021 |
MT |
Il-Ġurnal Uffiċjali tal-Unjoni Ewropea |
C 108/563 |
P8_TA(2019)0302
Is-swieq fl-istrumenti finanzjarji: fornituri ta' servizzi ta' finanzjament kollettiv ***I
Riżoluzzjoni leġiżlattiva tal-Parlament Ewropew tas-27 ta' Marzu 2019 dwar il-proposta għal direttiva tal-Parlament Ewropew u tal-Kunsill li temenda d-Direttiva 2014/65/UE dwar is-swieq fl-istrumenti finanzjarji (COM(2018)0099 – C8-0102/2018 – 2018/0047(COD))
(Proċedura leġiżlattiva ordinarja: l-ewwel qari)
(2021/C 108/39)
Il-Parlament Ewropew,
|
— |
wara li kkunsidra l-proposta tal-Kummissjoni lill-Parlament Ewropew u lill-Kunsill (COM(2018)0099), |
|
— |
wara li kkunsidra l-Artikolu 294(2), u l-Artikolu 53(1) tat-Trattat dwar il-Funzjonament tal-Unjoni Ewropea, skont liema artikoli l-Kummissjoni ppreżentat il-proposta lill-Parlament (C8-0102/2018), |
|
— |
wara li kkunsidra l-Artikolu 294(3) tat-Trattat dwar il-Funzjonament tal-Unjoni Ewropea, |
|
— |
wara li kkunsidra l-opinjoni tal-Kumitat Ekonomiku u Soċjali Ewropew tal-11 ta' Lulju 2018 (1), |
|
— |
wara li kkunsidra l-Artikolu 59 tar-Regoli ta' Proċedura tiegħu, |
|
— |
wara li kkunsidra r-rapport tal-Kumitat għall-Affarijiet Ekonomiċi u Monetarji (A8-0362/2018), |
|
1. |
Jadotta l-pożizzjoni fl-ewwel qari li tidher hawn taħt; |
|
2. |
Jitlob lill-Kummissjoni biex terġa' tirreferi l-kwistjoni lill-Parlament jekk tibdel il-proposta tagħha, temendaha b'mod sustanzjali jew ikollha l-ħsieb li temendaha b'mod sustanzjali; |
|
3. |
Jagħti istruzzjonijiet lill-President tiegħu sabiex jgħaddi l-pożizzjoni tal-Parlament lill-Kunsill u lill-Kummissjoni kif ukoll lill-parlamenti nazzjonali. |
P8_TC1-COD(2018)0047
Pożizzjoni tal-Parlament Ewropew adottata fl-ewwel qari fis-27 ta' Marzu 2019 bil-ħsieb tal-adozzjoni tar-Regolament (UE) 2019/… tal-Parlament Ewropew u tal-Kunsill li temenda d-Direttiva 2014/65/UE dwar is-swieq fl-istrumenti finanzjarji
(Test b'rilevanza għaż-ŻEE)
IL-PARLAMENT EWROPEW U L-KUNSILL TAL-UNJONI EWROPEA,
Wara li kkunsidraw it-Trattat dwar il-Funzjonament tal-Unjoni Ewropea, u b'mod partikolari l-Artikolu 53(1) tiegħu,
Wara li kkunsidraw il-proposta mill-Kummissjoni Ewropea,
Wara li l-abbozz tal-att leġiżlattiv intbagħat lill-parlamenti nazzjonali,
Wara li kkunsidraw l-opinjoni tal-Bank Ċentrali Ewropew (1),
Wara li kkunsidraw l-opinjoni tal-Kumitat Ekonomiku u Soċjali Ewropew (2),
Filwaqt li jaġixxu skont il-proċedura leġiżlattiva ordinarja,
Billi:
|
(1) |
Il-finanzjament kollettiv huwa soluzzjoni tat-teknoloġija finanzjarja li tipprovdi lill-SMEs, u, b'mod partikolari, lin-negozji l-ġodda u n-negozju li qed jespandu, aċċess alternattiv għall-finanzjament , sabiex titrawwem intraprenditorija innovattiva fl-Unjoni , biex b'hekk tissaħħaħ l-Unjoni tas-Swieq Kapitali. Dan imbagħad jikkontribwixxi għal sistema finanzjarja aktar diversifikata li tkun inqas dipendenti fuq il-finanzjament bankarju, u b'hekk ir-riskji sistemiċi u ta' konċentrazzjoni jiġu limitati. Benefiċċji oħra tal-promozzjoni tal-intraprenditorija innovattiva permezz tal-finanzjament kollettiv huma l-iżblukkar ta' kapital iffriżat għal investimenti fi proġetti ġodda u innovattivi, l-aċċellerazzjoni tal-allokazzjoni effiċjenti tar-riżorsi u d-diversifikazzjoni tal-assi. |
|
(2) |
Skont ir-Regolament (UE) XXX/XXX tal-Parlament Ewropew u tal-Kunsill (3) il-persuni ġuridiċi jistgħu jagħżlu li jippreżentaw applikazzjoni lill-awtorità nazzjonali kompetenti għal awtorizzazzjoni bħala fornituri ta' servizzi ta' finanzjament kollettiv. |
|
(3) |
Ir-Regolament (UE) XXX/XXXX [ir-Regolament dwar il-fornituri tas-servizzi ta' finanzjament kollettiv Ewropej] jipprevedi rekwiżiti uniformi, proporzjonati u applikabbli direttament għall-awtorizzazzjoni u s-superviżjoni tal-fornituri tas-servizzi ta' finanzjament kollettiv▌. |
|
(4) |
Biex tingħata ċertezza tad-dritt fir-rigward tal-ambitu ta' persuni u ta' attivitajiet li jaqgħu taħt il-kamp ta' applikazzjoni rispettiv tar-Regolament (UE) XXX/XXXX u tad-Direttiva 2014/65/UE tal-Parlament Ewropew u tal-Kunsill (4), u sabiex jiġi evitat li l-istess attività tkun soġġetta għal awtorizzazzjonijiet differenti fi ħdan l-Unjoni, jenħtieġ li persuni ġuridiċi awtorizzati bħala fornituri tas-servizzi ta' finanzjament kollettiv skont ir-Regolament (UE) XXX/XXXX [ir-Regolament dwar il-fornituri tas-servizzi ta' finanzjament kollettiv Ewropej] jiġu esklużi mill-kamp ta' applikazzjoni tad-Direttiva 2014/65/UE. |
|
(5) |
Billi l-emenda prevista f'din id-Direttiva hija direttament marbuta mar-Regolament (UE) XXX/XXXX [ir-Regolament dwar is-servizzi ta' finanzjament kollettiv fl-Unjoni Ewropea], jenħtieġ li d-data li fiha l-Istati Membri jridu japplikaw il-miżuri nazzjonali li jittrasponu dik l-emenda, tiġi differita biex tikkoinċidi mad-data tal-applikazzjoni stabbilita f'dak ir-Regolament. |
|
(5a) |
Il-muniti virtwali qed jintużaw mill-investituri fil-livell tal-konsumatur bħala sostituti għal assi oħra. B'differenza minn strumenti finanzjarji oħra, attwalment il-muniti virtwali, fil-biċċa l-kbira tagħhom, mhumiex regolati. B'konsegwenza ta' dan, is-swieq għall-muniti virtwali għandhom nuqqas ta' trasparenza, jistgħu jkunu suxxettibbli għal abbuż tas-suq u jbatu minn nuqqas ta' protezzjoni bażika tal-investitur. Il-Kummissjoni jenħtieġ li żżomm il-muniti virtwali taħt rieżami u tipproponi gwida ċara li tistabbilixxi l-kundizzjonijiet li skonthom il-muniti virtwali jistgħu jiġu kklassifikati bħala strumenti finanzjarji u, jekk ikun neċessarju, iżżid il-muniti virtwali mal-lista ta' strumenti finanzjarji, bħala kategorija ġdida. Jekk il-Kummissjoni tikkonkludi li huwa xieraq li l-muniti virtwali jiġu rregolati, jenħtieġ li tissottometti proposta f'dan ir-rigward lill-Parlament Ewropew u lill-Kunsill, |
ADOTTAW DIN ID-DIRETTIVA:
Artikolu 1
Fl-Artikolu 2(1) tad-Direttiva 2014/65/UE, jiżdied il-punt (p) li ġej:
|
“(p) |
il-fornituri tas-servizzi ta' finanzjament kollettiv kif definiti fl-Artikolu 3(1)(c) tar-Regolament (UE) XXX/XXX tal-Parlament Ewropew u tal-Kunsill (*1) u l-persuni li jipprovdu servizzi ta' finanzjament kollettiv f'konformità mad-dritt nazzjonali, dment li jkunu taħt is-soll tal-Artikolu 2(d) tar-Regolament (UE) XXX/XXX tal-Parlament Ewropew u tal-Kunsill. |
Artikolu 2
1. L-Istati Membri għandhom jadottaw u jippubblikaw, sa mhux aktar tard minn … [Uffiċċju tal-Pubblikazzjonijiet: 6 xhur mid-dħul fis-seħħ tar-Regolament dwar il-Finanzjament Kollettiv], il-liġijiet, ir-regolamenti u d-dispożizzjonijiet amministrattivi meħtieġa biex jikkonformaw ma' din id-Direttiva.
L-Istati Membri għandhom japplikaw dawk il-miżuri minn … [Uffiċċju tal-Pubblikazzjonijiet: id-data tad-dħul fis-seħħ tar-Regolament dwar il-Finanzjament Kollettiv].
2. L-Istati Membri għandhom jikkomunikaw lill-Kummissjoni u lill-ESMA t-test tad-dispożizzjonijiet ewlenin tad-dritt nazzjonali li jadottaw fil-qasam kopert minn din id-Direttiva.
Artikolu 3
Din id-Direttiva għandha tidħol fis-seħħ fl-għoxrin jum wara dak tal-pubblikazzjoni tagħha f'Il-Ġurnal Uffiċjali tal-Unjoni Ewropea.
Artikolu 4
Din id-Direttiva hija indirizzata lill-Istati Membri.
Magħmul fi Brussell,
Għall-Parlament Ewropew
Il-President
Għall-Kunsill
Il-President
(1) ĠU C […], […], p. […].
(2) ĠU C […], […], p. […].
(3) Ir-Regolament (UE) XXX/XXX tal-Parlament Ewropew u tal-Kunsill dwar il-fornituri tas-servizzi ta' finanzjament kollettiv Ewropej (ĠU L […], […], p. […]).
(4) Id-Direttiva 2014/65/UE tal-Parlament Ewropew u tal-Kunsill tal-15 ta' Mejju 2014 dwar is-swieq fl-istrumenti finanzjarji u li temenda d-Direttiva 2002/92/KE u d-Direttiva 2011/61/UE (ĠU L 173, 12.6.2014, p. 349).