IL-KUMMISSJONI EWROPEA

Brussell, 12.12.2018

COM(2018) 832 final

2018/0422(NLE)

Proposta għal

DEĊIŻJONI TAL-KUNSILL

dwar il-pożizzjoni li għandha tittieħed f'isem l-Unjoni Ewropea fil-Kumitat Konġunt stabbilit skont l-Artikolu 41(1) tal-Ftehim bejn l-Unjoni Ewropea u r-Renju tan-Norveġja dwar il-kooperazzjoni amministrattiva, il-ġlieda kontra l-frodi u l-irkupru tat-talbiet fil-qasam tat-taxxa fuq il-valur miżjud

MEMORANDUM TA’ SPJEGAZZJONI

1.Suġġett tal-proposta

Din il-proposta tikkonċerna d-deċiżjoni li tistabbilixxi l-pożizzjoni li għandha tittieħed f'isem l-Unjoni fil-Kumitat Konġunt stabbilit skont l-Artikolu 41 tal-Ftehim bejn l-Unjoni Ewropea u r-Renju tan-Norveġja dwar il-kooperazzjoni amministrattiva, il-ġlieda kontra l-frodi u l-irkupru tat-talbiet fil-qasam tat-taxxa fuq il-valur miżjud (minn hawn 'il quddiem imsejjaħ “il-Ftehim”), skont l-Artikolu 5, l-Artikolu 41(2)(d), (e), (f), (g) u (h) u l-Artikolu 41(3) tal-Ftehim.

2.Kuntest tal-proposta

2.1.Il-Ftehim bejn l-Unjoni Ewropea u r-Renju tan-Norveġja dwar il-kooperazzjoni amministrattiva, il-ġlieda kontra l-frodi u l-irkupru tat-talbiet fil-qasam tat-taxxa fuq il-valur miżjud

Il-Ftehim għandu l-għan li jiżgura l-istabbiliment, il-valutazzjoni u l-ġbir korretti tat-taxxa fuq il-valur miżjud (VAT) u l-irkupru tat-talbiet relatati mal-VAT, biex tkun evitata t-tassazzjoni doppja jew in-nontassazzjoni u biex tkun miġġielda l-frodi tal-VAT. Id-data tad-dħul fis-seħħ tal-Ftehim hija l-1 ta’ Settembru 2018.

2.2.Il-Kumitat Konġunt

Il-Kumitat Konġunt huwa magħmul minn rappreżentanti tal-Unjoni Ewropea u tar-Renju tan-Norveġja (minn hawn 'il quddiem imsejħa “l-Partijiet”) u għandu jiżgura l-funzjonament u l-implimentazzjoni xierqa tal-Ftehim. Dan għandu jagħmel rakkomandazzjonijiet biex jippromwovi l-għanijiet tal-Ftehim u jadotta deċiżjonijiet b’mod unanimu. Kull Parti għandha tippresjedi l-Kumitat Konġunt b’mod alternat. L-Unjoni Ewropea għandha tkun irrappreżentata mill-Kummissjoni skont l-Artikolu 17(1) tat-Trattat dwar l-Unjoni Ewropea (TUE) u l-pożizzjoni tagħha għandha tkun soġġetta għal Deċiżjoni tal-Kunsill minn qabel, wara proposta mill-Kummissjoni. Rappreżentanti tal-Istati Membri tal-Unjoni Ewropea jistgħu jipparteċipaw ukoll fil-laqgħat bħala osservaturi.

2.3.L-atti previsti tal-Kumitat Konġunt

Matul l-ewwel laqgħa tiegħu, il-Kumitat Konġunt jenħtieġ li:

–jadotta r-Regoli ta’ proċedura tal-Kumitat Konġunt skont l-Artikolu 41(3) - Deċiżjoni tal-Kumitat Konġunt 1;

–jadotta l-formoli standard, li huma l-mezzi għat-trażmissjoni tal-komunikazzjoni u l-implimentazzjoni tal-arranġamenti prattiċi għall-organizzazzjoni tal-kuntatti bejn l-uffiċċji ċentrali ta’ kollegament skont l-Artikolu 41(2)(d), (e), (g) u (h) - Deċiżjoni tal-Kumitat Konġunt 2;

–jadotta l-proċedura għall-konklużjoni tal-Ftehim dwar il-Livell ta’ Servizz skont l-Artikolu 41(2)(j) tal-Ftehim - Deċiżjoni tal-Kumitat Konġunt 3;

–jadotta l-Ftehim dwar il-Livell ta’ Servizz skont l-Artikolu 5 tal-Ftehim - Deċiżjonijiet tal-Kumitat Konġunt 4 u 5;

–jistabbilixxi l-ammont u l-modalitajiet tal-kontribuzzjoni finanzjarja li n-Norveġja għandha tagħti lill-Baġit Ġenerali tal-Unjoni Ewropea għall-kostijiet iġġenerati mill-parteċipazzjoni tagħha fis-sistemi ta’ informazzjoni Ewropej skont l-Artikolu 41(2)(f) tal-Ftehim - Deċiżjoni tal-Kumitat Konġunt 6.

L-għan tal-atti previsti huwa li jipprevedu l-implimentazzjoni xierqa tal-Ftehim.

3.Il-pożizzjoni li għandha tittieħed f’isem l-Unjoni

L-ewwel deċiżjoni tal-Kumitat Konġunt se tkun dwar ir-regoli tal-proċeduri. Dawn jistabbilixxu regoli dwar il-kompożizzjoni u l-presidenza, l-osservaturi u l-esperti, is-sejħa ta' laqgħat, l-aġenda, l-appoġġ segretarjali, l-abbozzar u l-adozzjoni tal-minuti, il-proċedura għall-adozzjoni tad-deċiżjonijiet u r-rakkomandazzjonijiet u l-ispejjeż.

B’mod partikolari, il-proposta taqa’ taħt il-kompetenza esklussiva tal-Unjoni. Għalhekk, l-Unjoni għandha tkun irrappreżentata mill-Kummissjoni. Madankollu, l-Istati Membri jistgħu jiddeċiedu li jipparteċipaw bħala osservaturi.

It-tieni deċiżjoni tal-Kumitat Konġunt hija dwar l-adozzjoni tal-formoli standard, li tistabbilixxi l-mezzi għat-trażmissjoni tal-komunikazzjoni u l-implimentazzjoni tal-arranġamenti prattiċi għall-organizzazzjoni tal-kuntatti bejn l-uffiċċji ċentrali ta’ kollegament. Il-qafas legali tal-Unjoni diġà jipprevedi sistema ta’ implimentazzjoni soda fil-qafas tar-Regolament tal-Kunsill (UE) 904/2010 dwar il-kooperazzjoni amministrattiva u l-ġlieda kontra l-frodi fil-qasam tal-VAT u d-Direttiva tal-Kunsill 2010/24/UE dwar l-assistenza reċiproka għall-irkupru ta’ talbiet relatati ma’ taxxi, dazji u miżuri oħra. Id-deċiżjoni tal-Kumitat Konġunt jenħtieġ li tipprevedi li għall-kooperazzjoni man-Norveġja japplikaw l-għodod implimentati għal-leġiżlazzjoni tal-Unjoni msemmija hawn fuq.

It-tielet deċiżjoni tal-Kumitat Konġunt se tistabbilixxi l-proċedura għall-konklużjoni tal-Ftehim dwar il-Livell ta’ Servizz, kif ukoll għal kwalunkwe emenda futura. Ir-raba’ deċiżjoni se tittratta l-konklużjoni tal-Ftehim dwar il-Livell ta’ Servizz bħala tali.

Fl-aħħar nett, il-ħames deċiżjoni tal-Kumitat Konġunt se tkun dwar il-kontribuzzjoni finanzjarja li għandha titħallas min-Norveġja lill-Baġit Ġenerali tal-Unjoni fir-rigward tal-kostijiet iġġenerati mill-parteċipazzjoni tagħha fis-sistemi ta' informazzjoni Ewropej. L-ammonti li għandhom jitħallsu min-Norveġja ġew ikkalkulati bħala somma f’daqqa li tkopri l-parteċipazzjoni/il-konnessjoni tan-Norveġja fis-sistema CCN/CSI fil-konfigurazzjoni proposta, kif ukoll in-nefqa relatata mal-iżvilupp, il-manutenzjoni u t-titjib tas-soluzzjonijiet tal-IT.

–F’dan l-istadju, ma hemmx bżonn ta’ deċiżjonijiet tal-Kumitat Konġunt skont:

–l-Artikolu 41(2)(a), (b) u (c), dwar l-iskambju awtomatiku tal-informazzjoni; il-Partijiet se jiddeċiedu jekk hemmx din il-ħtieġa wara d-dħul fis-seħħ tal-Ftehim u wara li tkun ġiet ivvalutata l-effiċjenza tal-mezzi l-oħra ta’ kooperazzjoni previsti mill-Ftehim;

–L-Artikolu 41(2)(i) dwar ir-regoli ta’ implimentazzjoni dwar il-konverżjoni tal-ammonti li jridu jiġu rkuprati u t-trasferiment tal-ammonti koperti peress li skont l-Artikolu 40(5) tal-Ftehim “sakemm il-Kumitat Konġunt ma jadotta l-ebda regola ddettaljata dwar l-implimentazzjoni ta’ dan it-Titolu, l-awtoritajiet kompetenti għandhom jużaw ir-regoli li huma adottati dal-ħin għall-implimentazzjoni tad-Direttiva tal-Kunsill 2010/24/UE, inklużi l-formoli standard, fejn it-terminu “Stat Membru” se jiġi interpretat bħala terminu li jinkludi lin-Norveġja wkoll”;

–L-Artikolu 41(2)(k) dwar l-emendar tar-referenzi legali għall-atti legali tal-Unjoni jew tan-Norveġja inklużi fil-Ftehim minħabba li din il-ħtieġa għadha ma seħħitx s’issa.

4.Bażi ġuridika

Skont l-Artikolu 218(9) tat-Trattat dwar il-Funzjonament tal-Unjoni Ewropea (TFUE), il-Kunsill, fuq proposta mill-Kummissjoni, għandu jadotta deċiżjoni li tistabbilixxi l-pożizzjoni li għandha tiġi adottata f’isem l-Unjoni fil-Kumitat Konġunt.

Is-suġġett tal-ftehimiet internazzjonali (inkluż dwar kooperazzjoni amministrattiva bejn l-Unjoni u n-Norveġja fil-qasam tal-VAT) jaqa’ taħt il-kompetenza esklussiva tal-Unjoni skont l-Artikolu 3(2) tat-TFUE 1 . Fil-Kumitat Konġunt, l-Unjoni trid tiġi rappreżentata mill-Kummissjoni b’konformità mal-Artikolu 17(1) tat-TUE.

Barra minn hekk, il-kooperazzjoni amministrattiva fil-qasam tal-VAT hija qasam li għalih hija meħtieġa l-unanimità għall-adozzjoni ta’ att tal-Unjoni skont l-Artikolu 113 tat-TFUE. Għalhekk, il-pożizzjoni tal-Unjoni rrappreżentata mill-Kummissjoni għall-adozzjoni tar-rakkomandazzjonijiet u d-deċiżjonijiet tal-Kumitat Konġunt, għandha tiġi adottata minn qabel mill-Kunsill li jaġixxi b'mod unanimu.

Il-Kumitat Konġunt se jkollu wkoll jiftiehem dwar arranġamenti prattiċi, bħall-abbozzar tal-aġenda provviżorja u l-qbil dwar il-minuti tal-laqgħat. Dawn il-kompiti huma meħtieġa għall-amministrazzjoni normali tal-Kumitat Konġunt u mhumiex deċiżjonijiet jew rakkomandazzjonijiet tal-Kumitat Konġunt skont l-Artikolu 41 tal-Ftehim. Madankollu, min-naħa tal-Unjoni, il-kompiti kollha msemmija hawn fuq se jkunu soġġetti għal konsultazzjoni minn qabel tal-Kummissjoni Ewropea mal-Grupp ta’ Ħidma tal-Kunsill dwar Kwistjonijiet ta’ Taxxa.

Id-deċiżjonijiet tal-Kumitat Konġunt skont l-Artikoli 5 u 41 tal-Ftehim jikkostitwixxu atti li għandhom effetti legali u se jorbtu lill-Partijiet skont il-liġi internazzjonali u skont l-Artikolu 46 tal-Ftehim.

2018/0422 (NLE)

Proposta għal

DEĊIŻJONI TAL-KUNSILL

dwar il-pożizzjoni li għandha tittieħed f'isem l-Unjoni Ewropea fil-Kumitat Konġunt stabbilit skont l-Artikolu 41(1) tal-Ftehim bejn l-Unjoni Ewropea u r-Renju tan-Norveġja dwar il-kooperazzjoni amministrattiva, il-ġlieda kontra l-frodi u l-irkupru tat-talbiet fil-qasam tat-taxxa fuq il-valur miżjud

IL-KUNSILL TAL-UNJONI EWROPEA,

Wara li kkunsidra t-Trattat dwar il-Funzjonament tal-Unjoni Ewropea, u b'mod partikolari l-Artikolu 113, flimkien mal-Artikolu 218(9) tiegħu,

Wara li kkunsidra l-proposta mill-Kummissjoni Ewropea,

Billi:

(1)Il-Ftehim bejn l-Unjoni Ewropea u r-Renju tan-Norveġja dwar il-kooperazzjoni amministrattiva, il-ġlieda kontra l-frodi u l-irkupru tat-talbiet fil-qasam tat-taxxa fuq il-valur miżjud (“il-Ftehim”) ġie konkluż mill-Unjoni bid-Deċiżjoni tal-Kunsill (UE) 2018/1089 2 1u daħal fis-seħħ fl-1 ta’ Settembru 2018.

(2)Il-Kumitat Konġunt stabbilit b'dak il-Ftehim għandu jagħmel rakkomandazzjonijiet u jadotta deċiżjonijiet, sabiex jiżgura l-funzjonament u l-implimentazzjoni xierqa tal-Ftehim.

(3)Il-Kumitat Konġunt, waqt l-ewwel laqgħa tiegħu fi [date], għandu jadotta r-regoli ta’ proċedura tiegħu, il-Ftehim dwar il-Livell ta’ Servizz u deċiżjonijiet oħra li jikkonċernaw l-implimentazzjoni u l-funzjonament xierqa tal-Ftehim

(4)Jixraq li tiġi stabbilita l-pożizzjoni li trid tiġi adottata f'isem l-Unjoni fil-Kumitat Konġunt, peress li l-Ftehim dwar il-Livell ta’ Servizz u deċiżjonijiet oħra se jkunu vinkolanti għall-Unjoni.

(5)Il-Ftehim bilaterali bejn l-Unjoni u n-Norveġja jipprevedi qafas legali sod għall-kooperazzjoni fil-ġlieda kontra l-frodi u l-irkupru tat-talbiet fil-qasam tat-taxxa fuq il-valur miżjud (VAT). Din il-kooperazzjoni se tibbenefika mill-istess għodda li bħalissa qed jintużaw mill-Istati Membri għall-kooperazzjoni amministrattiva u l-irkupru tat-talbiet, bħall-pjattaformi elettroniċi u l-formoli elettroniċi.

(6)Fil-Kumitat Konġunt, l-Unjoni trid tiġi rappreżentata mill-Kummissjoni b’konformità mal-Artikolu 17(1) tat-Trattat dwar l-Unjoni Ewropea,

ADOTTA DIN ID-DEĊIŻJONI:

Artikolu 1

Il-pożizzjoni li għandha tittieħed mill-Kummissjoni, f'isem l-Unjoni fl-ewwel laqgħa tal-Kumitat Konġunt li kien stabbilit bil-Ftehim bejn l-Unjoni Ewropea u r-Renju tan-Norveġja dwar il-kooperazzjoni amministrattiva, il-ġlieda kontra l-frodi u l-irkupru tat-talbiet fil-qasam tat-taxxa fuq il-valur miżjud, għandha tkun ibbażata fuq l-abbozz ta’ deċiżjonijiet mehmuż li għandu jiġi adottat skont l-Artikolu 5, l-Artikolu 41(2)(d), (e), (f), (g) u (h), u l-Artikolu 41(3) tal-Ftehim.

Artikolu 2

Din id-Deċiżjoni hija indirizzata lill-Kummissjoni.

Magħmul fi Brussell,

(1)    Kawża 22/70 Il-Kummissjoni vs Il-Kunsill [1971] ECR 263, dwar Ftehim Ewropew dwar Trasport fuq it-Toroq (ERTA).

(2) 1     Id-Deċiżjoni tal-Kunsill (UE) 2018/1089 tat-22 ta’ Ġunju 2018 dwar il-konklużjoni, f'isem l-Unjoni, tal-Ftehim bejn l-Unjoni Ewropea u r-Renju tan-Norveġja dwar il-kooperazzjoni amministrattiva, il-ġlieda kontra l-frodi u l-irkupru tat-talbiet fil-qasam tat-taxxa fuq il-valur miżjud (ĠU L 195, 1.8.2018, p. 1).

IL-KUMMISSJONI EWROPEA

Brussell, 12.12.2018

COM(2018) 832 final

ANNESSI

tal-Proposta għal

Deċiżjoni tal-Kunsill

dwar il-pożizzjoni li għandha tittieħed f'isem l-Unjoni Ewropea fil-Kumitat Konġunt stabbilit skont l-Artikolu 41(1) tal-Ftehim bejn l-Unjoni Ewropea u r-Renju tan-Norveġja dwar il-kooperazzjoni amministrattiva, il-ġlieda kontra l-frodi u l-irkupru tat-talbiet fil-qasam tat-taxxa fuq il-valur miżjud

HEMŻA 1

Abbozz

DEĊIŻJONI Nru 1/[data] tal-Kumitat Konġunt ta’ [data]
li tadotta r-Regoli ta’ Proċedura tal-Kumitat Konġunt

IL-KUMITAT KONĠUNT,

Wara li kkunsidra l-Ftehim bejn l-Unjoni Ewropea u r-Renju tan-Norveġja dwar il-kooperazzjoni amministrattiva, il-ġlieda kontra l-frodi u l-irkupru tat-talbiet fil-qasam tat-taxxa fuq il-valur miżjud (minn hawn ’il quddiem imsejjaħ il-“Ftehim”) u b’mod partikolari l-Artikolu 41(1) tiegħu,

Billi:

(a)Jeħtieġ li jiġu stabbiliti regoli dwar il-kompożizzjoni u l-presidenza, l-osservaturi u l-esperti, is-sejħa ta' laqgħat, l-aġenda, l-appoġġ segretarjali, l-abbozzar u l-adozzjoni tal-minuti, il-proċedura għall-adozzjoni tad-deċiżjonijiet u r-rakkomandazzjonijiet u l-ispejjeż.

(b)Jeħtieġ li jiġu adottati arranġamenti prattiċi għall-implimentazzjoni tal-Artikolu 41(3) tal-Ftehim,

ADOTTA R-REGOLI TA’ PROĊEDURA LI ĠEJJIN:

Artikolu 1

Il-kompożizzjoni u l-presidenza

(1)Il-Kumitat Konġunt għandu jkun magħmul minn rappreżentanti tal-Unjoni Ewropea u minn rappreżentanti tar-Renju tan-Norveġja (il-Partijiet).

(2)L-Unjoni Ewropea għandha tkun irrappreżentata mill-Kummissjoni Ewropea. Ir-Renju tan-Norveġja għandu jkun irrappreżentat minn [……].

(3)Kull Parti għandha tippresjedi l-Kumitat Konġunt b’mod alternat għal sentejn kalendarji. L-ewwel perjodu jispiċċa fil-31 ta’ Diċembru tas-sena ta' wara s-sena tad-dħul fis-seħħ tal-Ftehim. L-Unjoni Ewropea se tkun l-ewwel parti li tippresiedi.

Artikolu 2

L-osservaturi u l-esperti

(1)Ir-rappreżentanti tal-Istati Membri tal-Unjoni Ewropea jistgħu jipparteċipaw bħala osservaturi.

(2)Il-Kumitat Konġunt jista’ wkoll idaħħal persuni oħra bħala osservaturi għal-laqgħat tiegħu.

(3)Il-president jista’ jħalli lill-osservaturi jieħdu sehem fid-diskussjonijiet u jipprovdu għarfien espert. Madankollu, ma għandhomx ikollhom id-dritt tal-vot u ma għandhomx jipparteċipaw fit-tfassil tad-deċiżjonijiet u r-rakkomandazzjonijiet tal-Kumitat Konġunt.

(4)Jistgħu jkunu mistiedna wkoll esperti b’għarfien espert speċifiku dwar punti speċifiċi tal-aġenda.

Artikolu 3

Is-sejħa ta' laqgħat

(1)Il-laqgħat tal-Kumitat Konġunt għandhom jissejħu mill-president mill-inqas darba kull sentejn. Kull Parti tista’ titlob li tissejjaħ laqgħa.

(2)Id-data u l-post ta’ kull laqgħa għandhom jiġu determinati u miftiehma bejn il-Partijiet.

(3)Il-laqgħat jistgħu jsiru wkoll permezz ta’ telekonferenzi / vidjokonferenzi.

(4)Il-president għandu jikkomunika l-istedina lill-Parti l-oħra, lill-osservaturi msemmija fl-Artikolu 2(2) u lill-esperti mill-inqas 15-il jum tax-xogħol qabel il-laqgħa. Il-Kummissjoni Ewropea għandha tistieden lir-rappreżentanti tal-Istati Membri tal-Unjoni Ewropea msemmija fl-Artikolu 2(1).

(5)Il-laqgħat ma għandhomx ikunu pubbliċi sakemm ma jintlaħaqx ftehim mod ieħor. Id-deliberazzjonijiet tal-Kumitat Konġunt għandhom ikunu kunfidenzjali.

Artikolu 4

L-Aġenda

(1)Il-president għandu jfassal l-aġenda provviżorja għal kull laqgħa u jibgħatha lill-Partijiet sa mhux aktar tard minn 6 xhur qabel il-laqgħa. L-aġenda finali għandha tkun miftiehma bejn il-Partijiet sa mhux aktar tard minn 15-il jum tax-xogħol qabel il-laqgħa u ċċirkolata mill-president.

(2)Id-dokumenti ta’ referenza u d-dokumentazzjoni ta’ sostenn għandhom jintbagħtu lill-Partijiet sa mhux aktar tard mid-data li fiha tintbagħat l-aġenda provviżorja.

(3)Għall-punti fuq l-aġenda li jirreferu għal deċiżjonijiet tal-Kumitat Konġunt, it-talba għall-inklużjoni fl-aġenda u kwalunkwe dokument relatat għandhom jintbagħtu lill-Kumitat Konġunt mill-inqas seba’ xhur qabel il-laqgħa.

Artikolu 5

Appoġġ segretarjali

(1)Ix-xogħol tas-segretarjat tal-Kumitat Konġunt għandu jsir mill-president. Il-korrispondenza kollha destinata għall-Kumitat Konġunt, inklużi t-talbiet biex jiddaħħlu punti fl-aġenda jew biex jitneħħew punti mill-aġenda, għandhom jiġu indirizzati lill-president.

(2)Minkejja dan ta’ hawn fuq, il-Kummissjoni għandha taġixxi bħala segretarju għall-komunikazzjoni tal-istatistika, prevista skont l-Artikolu 20 u l-Artikolu 39 tal-Ftehim.

Artikolu 6

Il-minuti tal-laqgħa

(1)Il-president għandu jabbozza l-minuti ta’ kull laqgħa. Il-president għandu jiċċirkola l-minuti mingħajr dewmien u sa mhux aktar tard minn xahar wara l-laqgħa. Il-minuti għandhom ikunu soġġetti għal ftehim reċiproku bejn il-Partijiet.

(2)Il-president għandu jibgħat il-minuti adottati lill-Partijiet.

Artikolu 7

L-adozzjoni ta’ deċiżjonijiet u rakkomandazzjonijiet

(1)Kull deċiżjoni u rakkomandazzjoni tal-Kumitat Konġunt għandha tkun soġġetta għal diskussjoni minn qabel bejn il-Partijiet.

(2)Id-deċiżjonijiet u r-rakkomandazzjonijiet tal-Kumitat Konġunt għandhom jiġu adottati waqt il-laqgħat tiegħu b’vot unanimu.

(3)Jistgħu jiġu adottati deċiżjonijiet jew rakkomandazzjonijiet bi proċedura bil-miktub sakemm iż-żewġ Partijiet jaqblu.

(4)Skont il-proċedura bil-miktub, il-president għandu jibgħat l-abbozzi tad-deċiżjonijiet u r-rakkomandazzjonijiet lill-Partijiet u għandu jistabbilixxi limitu ta' żmien biex jesprimu l-pożizzjoni tagħhom. Kwalunkwe Parti li ma tikkontestax l-abbozz tal-atti qabel jiskadi dak il-limitu taż-żmien għandha titqies li tkun qablet b’mod taċitu mal-abbozz tal-atti.

(5)Il-president għandu jinforma minnufih lill-Partijiet dwar l-eżitu tal-proċedura bil-miktub, u sa mhux aktar tard minn 14-il jum kalendarju wara li jiskadi l-limitu taż-żmien.

Artikolu 8

Spejjeż

Kull Parti, u meta applikabbli kull osservatur, għandhom iħallsu l-ispejjeż li jġarrbu meta jieħdu sehem fil-laqgħat tal-Kumitat Konġunt.

Data

HEMŻA 2

Abbozz

DEĊIŻJONI Nru 2/[data] tal-Kumitat Konġunt ta’ [data]
li tadotta l-formoli standard, it-trażmissjoni tal-komunikazzjoni u l-arranġamenti prattiċi għall-organizzazzjoni tal-kuntatti bejn l-uffiċċji ċentrali ta’ kollegament

IL-KUMITAT KONĠUNT, stabbilit skont l-Artikolu 41(1) tal-Ftehim bejn l-Unjoni Ewropea u r-Renju tan-Norveġja dwar il-kooperazzjoni amministrattiva, il-ġlieda kontra l-frodi u l-irkupru tat-talbiet fil-qasam tat-taxxa fuq il-valur miżjud, minn hawn ’il quddiem imsejjaħ il-“Ftehim”,

Billi:

(1)(a)    L-għodod għat-trażmissjoni tal-komunikazzjoni, bħall-formoli standard u s-sistemi ta’ komunikazzjoni elettroniċi diġà huma implimentati fil-qafas tar-Regolament tal-Kunsill (UE) Nru 904/2010 dwar il-kooperazzjoni amministrattiva u l-ġlieda kontra l-frodi fil-qasam tat-taxxa fuq il-valur miżjud 1 u d-Direttiva tal-Kunsill 2010/24/UE dwar l-assistenza reċiproka għall-irkupru ta’ talbiet relatati ma' taxxi, dazji u miżuri oħra 2 u huma kompletament kompatibbli mal-qafas ta’ kooperazzjoni amministrattiva tal-Ftehim.

(2)(b)    Jeħtieġ li jiġu adottati arranġamenti prattiċi għall-implimentazzjoni tal-punti (d), (e), (g) u (h) tal-Artikolu 41(2) tal-Ftehim,

ADOTTA DIN ID-DEĊIŻJONI:

Artikolu 1

Il-formoli standard

Skont l-Artikoli 21(1) u 40(1) tal-Ftehim, għall-komunikazzjoni tal-informazzjoni skont it-Titoli II u III tal-Ftehim, l-awtoritajiet kompetenti għandhom jużaw il-formoli standard adottati għall-implimentazzjoni tar-Regolament tal-Kunsill (UE) Nru 904/2010 u d-Direttiva tal-Kunsill 2010/24/UE.

L-istruttura u t-tqassim tal-formoli standard jistgħu jiġu adattati għal kwalunkwe rekwiżit u kapaċità ġdida tas-sistemi ta’ komunikazzjoni u tal-iskambju ta’ informazzjoni, sakemm id-data u l-informazzjoni li hemm fihom ma jkunux mibdula sostanzjalment.

Artikolu 2

It-trażmissjoni tal-komunikazzjoni

L-informazzjoni kollha kkomunikata skont it-Titoli II u III tal-Ftehim għandha tiġi trażmessa biss b’mezzi elettroniċi permezz tan-netwerk NKK/ISK, sakemm dan ma jkunx impossibli minħabba raġunijiet tekniċi.

Artikolu 3

L-organizzazzjoni tal-kuntatti

(1)Sabiex jiġu organizzati l-kuntatti bejn l-uffiċċji ċentrali ta’ kollegament u d-dipartimenti ta’ kollegament imsemmija fl-Artikolu 4(2)(b) u l-Artikolu 4(3)(b) tal-Ftehim, l-awtoritajiet kompetenti għandhom jużaw ir-regoli adottati għall-implimentazzjoni tad-Direttiva tal-Kunsill 2010/24/UE.

(2)L-uffiċċji ċentrali ta’ kollegament maħtura skont l-Artikolu 4(2) tal-Ftehim, għandhom jaġġornaw il-lista tad-dipartimenti ta’ kollegament u tal-uffiċjali kompetenti maħtura skont l-Artikolu 4(3) u l-Artikolu 4(4) u jagħmluha disponibbli għall-uffiċċji ċentrali l-oħra ta’ kollegament permezz ta’ mezzi elettroniċi.

Data

HEMŻA 3

Abbozz

DEĊIŻJONI Nru 3/[data] tal-Kumitat Konġunt ta’ [data]
li tadotta l-proċedura għall-konklużjoni tal-Ftehim dwar il-Livell ta’ Servizz

IL-KUMITAT KONĠUNT, stabbilit skont l-Artikolu 41(1) tal-Ftehim bejn l-Unjoni Ewropea u r-Renju tan-Norveġja dwar il-kooperazzjoni amministrattiva, il-ġlieda kontra l-frodi u l-irkupru tat-talbiet fil-qasam tat-taxxa fuq il-valur miżjud, minn hawn ’il quddiem imsejjaħ il-“Ftehim”,

Billi:

(3)(a)    Għandu jiġi konkluż ftehim dwar il-livell ta’ servizz li jiżgura l-kwalità teknika u l-kwantità tas-servizzi għall-funzjonament tas-sistemi ta’ komunikazzjoni u tal-iskambju ta’ informazzjoni skont il-proċedura stabbilita mill-Kumitat Konġunt.

(4)(b)    Jeħtieġ li jiġu adottati arranġamenti prattiċi għall-implimentazzjoni tal-Artikolu 5 tal-Ftehim,

ADOTTA DIN ID-DEĊIŻJONI:

Artikolu uniku

(1)Il-Ftehim dwar il-Livell ta’ Servizz, imsemmi fl-Artikolu 5 tal-Ftehim, għandu jiġi konkluż mill-Kumitat Konġunt u għandu jkun vinkolanti fuq il-Partijiet mill-jum wara dak tal-approvazzjoni tiegħu mill-Kumitat Konġunt.

(2)Kull Parti tista’ titlob reviżjoni tal-Ftehim dwar il-Livell ta’ Servizz billi tibgħat talba lill-president tal-Kumitat Konġunt. Sakemm il-Kumitat Konġunt jiddeċiedi dwar il-bidliet proposti, id-dispożizzjonijiet tal-aħħar Ftehim dwar il-Livell ta’ Servizz konkluż jibqgħu fis-seħħ.

Data

HEMŻA 4

Abbozz

DEĊIŻJONI Nru 4/[data] tal-Kumitat Konġunt ta’ [data]
li tadotta l-Ftehim dwar il-Livell ta’ Servizz għas-sistemi u l-applikazzjonijiet għall-kooperazzjoni amministrattiva u l-irkupru tat-talbiet fil-qasam tat-taxxa fuq il-valur miżjud

1.DOKUMENTI TA’ REFERENZA U ATTI APPLIKABBLI

1.1.ATTI APPLIKABBLI

Dan il-Ftehim dwar il-Livell ta’ Servizz ("FLS") jieħu in konsiderazzjoni l-lista tal-ftehimiet u d-deċiżjonijiet applikabbli elenkati hawn taħt.

Tabella 1: Atti applikabli

1.2.DOKUMENTI TA’ REFERENZA

Dan l-FLS iqis l-informazzjoni provduta fid-dokumenti ta’ referenza li ġejjin. Il-verżjonijiet applikabbli tad-dokumenti huma ppubblikati fuq is-CIRCABC jew fuq il-Portal Web ITSM.

Tabella 2: Dokumenti ta’ Referenza

2.TERMINOLOĠIJA

2.1.AKRONIMI 

Tabella 3: Akronimi

2.2.DEFINIZZJONIJIET

Tabella 4: Definizzjonijiet

3.INTRODUZZJONI

Dan id-dokument jikkonsisti minn FLS bejn ir-Renju tan-Norveġja (“in-Norveġja”) u l-Kummissjoni Ewropea (“il-Kummissjoni”), kollettivament imsejħa “il-Partijiet tal-FLS”.

3.1.KAMP TA’ APPLIKAZZJONI TAL-FLS

L-Artikolu 5 tal-Ftehim jispeċifika li “Għandu jiġi konkluż ftehim dwar il-livell ta’ servizz li jiżgura l-kwalità teknika u l-kwantità tas-servizzi għall-funzjonament tas-sistemi ta’ komunikazzjoni u ta’ skambju tal-informazzjoni.”

Dan l-FLS jistabbilixxi r-relazzjoni bejn ir-Renju tan-Norveġja u l-Kummissjoni dwar l-użu tas-sistemi u l-applikazzjonijiet għall-kooperazzjoni amministrattiva u għall-irkupru tat-talbiet fil-qasam tal-VAT, u bejn ir-Renju tan-Norveġja u l-Istati Membri fir-rigward tal-iskambju ta’ formoli.

Is-sistemi li ġejjin huma operattivi u huma soġġetti għat-termini tal-FLS:

·L-Iskambju ta’ Formoli (EoF);

·Il-monitoraġġ, l-istatistika u l-ittestjar.

Il-Kummissjoni tiddetermina l-proċess biex jintlaħaq ftehim għall-kooperazzjoni amministrattiva permezz tat-teknoloġija tal-informazzjoni. Dan jinvolvi standards, proċeduri, għodod, teknoloġija u infrastruttura. L-assistenza lin-Norveġja hija pprovduta biex tiżgura li s-sistemi ta’ skambju tad-data jkunu disponibbli u jiġu implimentati kif xieraq. Il-monitoraġġ, is-superviżjoni u l-evalwazzjoni tas-sistema ġenerali huma pprovduti wkoll mill-Kummissjoni. Barra minn hekk, il-Kummissjoni tipprovdi lin-Norveġja b’linji gwida li għandhom jitħarsu fir-rigward ta’ dan l-iskambju ta’ informazzjoni.

Il-miri kollha msemmija fl-FLS se jkunu applikabbli biss f’kundizzjonijiet tax-xogħol normali.

Fil-każ ta’ avvenimenti ta’ Forza Maġġuri, l-applikabilità tal-FLS għan-Norveġja tkun sospiża għat-tul ta’ dawn il-kundizzjonijiet ta’ Forza Maġġuri.

Il-Forza Maġġuri tirrappreżenta avveniment jew okkorrenza imprevedibbli barra l-kontroll tan-Norveġja jew tal-Kummissjoni, u li mhumiex attribwibbli għal kwalunkwe att jew nuqqas li tittieħed azzjoni preventiva mill-parti responsabbli. Dawn l-avvenimenti għandhom jirreferu għal azzjonijiet mill-gvern, gwerer, nirien, splużjonijiet, għargħar, regolamenti dwar l-importazzjoni jew l-esportazzjoni jew embargoes u tilwim industrijali.

Il-parti li tinvoka l-Forza Maġġuri għandha tinforma lill-parti l-oħra mingħajr dewmien dwar l-impossibbiltà li tipprovdi servizzi jew li tissodisfa l-miri tal-FLS minħabba raġunijietta’ Forza Maġġuri, u tippreċiża s-servizzi u l-miri affettwati. Meta l-inċidenza ta’ Forza Maġġuri tiġi fi tmiemha, il-parti milquta, għandha bl-istess mod tinforma lill-parti l-oħra mingħajr dewmien.

3.2.PERJODU TAL-FTEHIM

Kif stabbilit mill-Artikolu 41 tal-Ftehim ("il-Kumitat Konġunt"), l-FLS huwa vinkolanti fuq il-Partijiet mill-jum wara dak tal-approvazzjoni tiegħu mill-Kumitat Konġunt.

4.RESPONSABBILTAJIET

L-għan ta’ dan l-FLS huwa li jiżgura l-kwalità u l-kwantità tas-servizzi li għandhom jitwasslu mill-Kummissjoni u min-Norveġja sabiex is-sistemi u l-applikazzjonijiet speċifikati għall-kooperazzjoni amministrattiva u għall-irkupru tat-talbiet fil-qasam tat-taxxa fuq il-valur miżjud ikunu disponibbli għan-Norveġja u għall-Kummissjoni.

4.1.SERVIZZI PPROVDUTI MILL-KUMMISSJONI LIN-NORVEĠJA

Il-Kummissjoni għandha tagħmel is-servizzi li ġejjin disponibbli:

·Is-Servizzi operattivi li ġejjin:

–il-Helpdesk u l-operat:

(a)l-Appoġġ tal-Helpdesk;

(b)il-Ġestjoni tal-każijiet;

(c)il-Monitoraġġ u n-notifika;

(d)it-Taħriġ;

(e)il-Ġestjoni tas-sigurtà;

(f)ir-Rapportar u l-istatistika;

(g)il-Konsulenza.

–Iċ-Ċentru ta’ Referenza:

(a)Il-Ġestjoni tal-informazzjoni;

(b)Iċ-Ċentru ta’ dokumentazzjoni (CIRCABC);

Sabiex tipprovdi dawn is-servizzi, il-Kummissjoni għandha żżomm l-applikazzjonijiet li ġejjin:

·Applikazzjonijiet tal-istatistika;

·CIRCABC;

·Għodda ta' servizz ta’ għajnuna.

4.2.SERVIZZI PPROVDUTI MIN-NORVEĠJA LILL-KUMMISSJONI

In-Norveġja għandha tagħmel is-servizzi li ġejjin disponibbli:

·In-Norveġja għandha tikkomunika lill-Kummissjoni kull informazzjoni disponibbli rilevanti għall-applikazzjoni tagħhom tal-Ftehim.

·In-Norveġja għandha tikkomunika lill-Kummissjoni kwalunkwe kundizzjoni eċċezzjonali;

·In-Norveġja għandha tipprovdi kull sena l-istatistika rigward il-komunikazzjoni tal-informazzjoni stabbilita fl-Artikolu 20 tal-Ftehim.    

5.REVIŻJONI TAL-LIVELL TA’ SERVIZZ

Dan il-kapitolu jipprovdi deskrizzjoni dettaljata tal-aspetti kwantitattivi u kwalitattivi tas-servizzi li għandhom jiġu pprovduti mill-Kummissjoni u min-Norveġja kif deskritti hawn fuq.

5.1.LIVELLI TA’ SERVIZZ TAL-KUMMISSJONI 

5.1.1.Servizz ta’ Għajnuna

5.1.1.1.Ftehim

Il-Kummissjoni għandha tagħmel disponibbli Servizz ta’ Għajnuna sabiex iwieġeb għal kwalunkwe mistoqsija u jirrapporta kwalunkwe problema li n-Norveġja tesperjenza bis-sistemi u bl-applikazzjonijiet għall-kooperazzjoni amministrattiva u għall-irkupru tat-talbiet fil-qasam tal-VAT jew kwalunkwe komponent li jista’ jaffettwahom. Dan is-Servizz ta’ Għajnuna se jitħaddem mill-ITSM u l-ħinijiet operattivi tiegħu għandhom ikunu l-istess bħall-ħinijiet tax-xogħol tal-ITSM.

Id-disponibbiltà tas-Servizz ta’ Għajnuna tal-ITSM għandha tkun żgurata għal mill-inqas 95 % tal-ħinijiet operattivi. Il-mistoqsijiet jew il-problemi kollha jistgħu jiġu kkomunikati lis-Servizz ta’ Għajnuna matul il-ħinijiet tax-xogħol tal-ITSM permezz tat-telefon, tal-fax jew tal-posta elettronika, u barra dawk il-ħinijiet tax-xogħol, b’messaġġ permezz tal-posta elettronika jew tal-fax. Meta dawn il-mistoqsijiet jew il-problemi jintbagħtu barra l-ħinijiet tax-xogħol tal-ITSM, dawn awtomatikament għandhom jitqiesu li jkunu waslu fit-8:00 CET fil-jum tax-xogħol li jmiss.

Is-Servizz ta’ Għajnuna għandu jirreġistra u jikklassifika s-sejħiet ta’ servizz f’Għodda għall-Ġestjoni tas-Servizz u għandu jinforma lill-parti li tkun għamlet ir-rapport bi kwalunkwe bidla fl-istatus rigward is-sejħiet ta’ servizz tagħha.

L-ITSM għandu jagħti appoġġ tal-ewwel linja lill-utenti u jibgħat kull sejħa ta’ servizz, li hija r-responsabbiltà ta’ parti oħra (eż. t-tim tal-iżviluppatur, il-kuntratturi tal-ITSM) fiż-żmien speċifikat. L-ITSM għandu jiżgura l-konformità mal-iskadenzi tar-reġistrazzjoni f’mill-inqas 95 % tal-każijiet li jseħħu matul xahar ta’ rapportar.

L-ITSM għandu jimmonitorja l-proċedura ta’ riżoluzzjoni għas-sejħiet kollha ta’ servizz u jibda proċedura eskalanti billi jinforma lill-Kummissjoni meta l-perjodu ta’ riżoluzzjoni jaqbeż il-limitu stabbilit minn qabel, li jiddependi mit-tip ta’ problema.

Il-livell ta’ prijorità għandu jiddetermina kemm ir-rispons kif ukoll il-ħinijiet ta’ riżoluzzjoni. Dan huwa stabbilit mill-ITSM, iżda l-Istati Membri jew il-Kummissjoni jistgħu jeħtieġu livell ta’ prijorità speċifiku.

Il-ħin tar-reġistrazzjoni huwa l-intervall ta’ ħin massimu li jitħalla jgħaddi bejn il-ħin tal-wasla tal-posta elettronika u l-ħin biex tintbagħat konferma tar-riċevuta bil-posta elettronika.

Il-ħin tar-riżoluzzjoni huwa l-intervall ta’ ħin bejn ir-reġistrazzjoni tal-każ u l-informazzjoni dwar ir-riżoluzzjoni tal-każ li tintbagħat lill-emittent. Dan jinkludi wkoll il-ħin involut biex jingħalaq il-każ.

Dawn ma għandhomx ikunu skadenzi assoluti għaliex iqisu biss iż-żmien meta l-ITSM taġixxi fuq is-sejħa ta’ servizz. Meta tintbagħat sejħa ta’ servizz lin-Norveġja, il-Kummissjoni jew parti oħra (pereżempju, it-tim tal-iżviluppatur, il-kuntratturi tal-ITSM), din id-darba ma jkunux jagħmlu parti mill-ħin tar-riżoluzzjoni tal-ITSM.

L-ITSM għandu jiżgura l-konformità mal-iskadenzi ta’ reġistrazzjoni u ta’ riżoluzzjoni f'mill-inqas 95 % tal-każijiet li jseħħu matul xahar ta’ rapportar.

Tabella 5: Il-ħinijiet tar-reġistrazzjoni u l-ħinijiet tar-riżoluzzjoni (sigħat / jiem ta’ xogħol)

5.1.1.2.Rapportar

Il-Kummissjoni għandha tirrapporta dwar is-sejħiet ta’ servizz kollha relatati mas-sistemi u l-applikazzjonijiet għall-kooperazzjoni amministrattiva u għall-irkupru tat-talbiet fil-qasam tal-VAT kif ġej:

·Is-sejħiet għal servizz kollha magħluqa matul ix-xahar għan-Norveġja;

·Is-sejħiet għal servizz kollha miftuħa matul ix-xahar għan-Norveġja;

·Is-sejħiet għal servizz kollha pendenti fid-data u l-ħin tar-rappurtar għan-Norveġja.

5.1.2.Servizz ta’ statistika

5.1.2.1.Ftehim

Il-Kummissjoni għandha tiġġenera statistika dwar l-għadd ta’ formoli skambjati fil-qasam tal-VAT u tal-irkupru permezz ta’ NKK/Mail, li huma disponibbli fuq il-Portal Web ITSM.

5.1.2.2.Rapportar

Il-Kummissjoni għandha tipproduċi rapport dwar ir-rapporti tat-testijiet ta’ konformità, fejn applikabbli, u għandha tagħmilhom disponibbli għan-Norveġja.

5.1.3.Skambju ta’ Formoli 

5.1.3.1.Ftehim

It-tabella li ġejja turi l-iskadenza massima tat-trażmissjoni jew tal-ħin tar-risposta għall-iskambju ta’ formoli kif definit fil-leġiżlazzjoni.

Tabella 6: Prestazzjoni EoF

5.1.3.2.Rapportar

Kull sena, in-Norveġja għandha tipprovdi wkoll lill-Kummissjoni, permezz tal-posta elettronika, data statistika rigward il-komunikazzjoni ta’ informazzjoni kif stabbilita fl-Artikoli 20 u 39 tal-Ftehim [RD.3.] . 

5.1.4.Ġestjoni tal-Problemi

5.1.4.1.Ftehim

In-Norveġja għandu jkollha mekkaniżmu adegwat ta' reġistrazzjoni 4 u ta’ segwitu tal-problemi għal kwalunkwe problema li taffettwa lill-host tal-applikazzjoni , is-softwer tas-sistema u s-sofwer tad-data u tal-applikazzjonijiet tagħhom.

Il-problemi ma’ kwalunkwe parti min-netwerk NKK (Gateways u/jew Servers għall-Iskambju tal-Posta (Exchange Mail servers) għandhom jiġu rrappurtati lill-ITSM immedjatament.

5.1.4.2.Rapportar

In-Norveġja għandha tinforma lill-ITSM meta jkollha problema interna bl-infrastruttura teknika relatata mas-sistemi u l-applikazzjonijiet tagħhom stess għall-kooperazzjoni amministrattiva u l-irkupru tat-talbiet fil-qasam tal-VAT.

Meta n-Norveġja tikkunsidra li problema rrappurtata lill-ITSM mhix qed tiġi indirizzata jew solvuta jew ma ġietx indirizzata jew solvuta b’mod sodisfaċenti, għandha tirrapporta dan lill-Kummissjoni kemm jista’ jkun malajr.

5.1.5.Ġestjoni tas-sigurtà

5.1.5.1.Ftehim 5

In-Norveġja għandha tipproteġi s-sistemi u l-applikazzjonijiet tagħha għall-kooperazzjoni amministrattiva u għall-irkupru tat-talbiet fil-qasam tal-VAT kontra l-ksur tas-sigurtà u għandha żżomm rekord ta’ kwalunkwe ksur tas-sigurtà u ta’ kwalunkwe titjib fis-sigurtà li jkun sar.

In-Norveġja għandha tapplika r-rakkomandazzjonijiet u/jew ir-rekwiżiti ta’ sigurtà speċifikati fid-dokumenti li ġejjin:

5.1.5.2.Rapportar

In-Norveġja għandha tirrapporta fuq bażi ad hoc lill-Kummissjoni dwar kwalunkwe ksur tas-sigurtà u dwar kwalunkwe miżura meħuda.

5.2.LIVELL TA’ SERVIZZ TAN-NORVEĠJA

5.2.1.L-Oqsma kollha ta’ Ġestjoni tal-Livell ta’ Servizz

5.2.1.1.Ftehim

In-Norveġja għandha tirreġistra kwalunkwe problema ta’ nuqqas ta’ disponibbiltà jew tibdil 6 rigward l-aspetti tekniċi, funzjonali u organizzattivi tas-sistemi u l-applikazzjonijiet tan-Norveġja għall-kooperazzjoni amministrattiva u għall-irkupru tat-talbiet fil-qasam tal-VAT.

5.2.1.2.Rapportar

In-Norveġja għandha tinforma lill-ITSM fejn meħtieġ b’rabta ma’ kwalunkwe problema ta’ nuqqas ta’ disponibilità jew bidliet rigward l-aspetti tekniċi, funzjonali jew organizzattivi tas-sistema tagħhom. L-ITSM għandu dejjem ikun infurmat bi kwalunkwe bidla fir-rigward tal-persunal operattiv (operaturi, amministraturi tas-sistema).

5.2.2.Servizz ta’ Għajnuna

5.2.2.1.Ftehim

In-Norveġja għandha tagħmel disponibbli servizz ta’ għajnuna biex jirrispondi għal każijiet assenjati lin-Norveġja, biex jagħti għajnuna u biex iwettaq l-ittestjar. Il-ħinijiet tax-xogħol tas-servizz ta’ għajnuna għandhom ikunu l-istess bħall-ħinijiet tax-xogħol tas-Servizz ta’ Għajnuna tal-ITSM matul il-jiem tax-xogħol tal-ITSM. Is-servizz ta’ għajnuna tan-Norveġja għandu jopera bħala minimu bejn l-10:00 u l-16:00 CET matul il-jiem tax-xogħol, ħlief fil-festa nazzjonali tagħha. Huwa rrakkomandat li s-servizz ta’ għajnuna tan-Norveġja jsegwi l-linji gwida ta’ appoġġ tas-servizz tal-ITIL meta jittratta l-mistoqsijiet u l-każijiet.

5.2.2.2.Rapportar

In-Norveġja għandha tinforma lill-ITSM fejn meħtieġ b’rabta ma’ kwalunkwe problema ta’ disponibilità relatata mas-servizz ta’ għajnuna tagħha.

6.MIŻURI TA' KWALITÀ

6.1.FTEHIM

Il-Kummissjoni għandha tevalwa r-rapporti (rapporti ta’ attività ġġenerati mill-ITSM, notifiki, statistika, informazzjoni oħra) riċevuti mill-ITSM u n-Norveġja, għandha tiddetermina l-livelli ta’ aderenza għal dan l-FLS u f’każ ta’ problemi għandha tagħmel kuntatt man-Norveġja sabiex issolvi l-problema u biex tiżgura li l-kwalità tas-servizz tkun konformi ma’ dan il-Ftehim.

6.2.RAPPORTAR

Il-Kummissjoni għandha tirrapporta kull xahar lin-Norveġja dwar il-livell ta’ servizz kif definit fit-Taqsima 5.1.2.

7.APPROVAZZJONI TAL-FLS

Il-Ftehim dwar il-Livell ta’ Servizz għandu jiġi approvat mill-Kumitat Konġunt sabiex ikun applikabbli.

8.BIDLIET FL-FLS

Il-Ftehim dwar il-Livell ta’ Servizz jiġi eżaminat mill-ġdid wara talba bil-miktub mill-Kummissjoni jew min-Norveġja lill-Kumitat Konġunt.

Sakemm il-Kumitat Konġunt jiddeċiedi dwar il-bidliet proposti, id-dispożizzjonijiet tal-FLS attwali jibqgħu fis-seħħ. Il-Kumitat Konġunt jaġixxi bħala l-korp deċiżjonali għal dan il-Ftehim.

9.PUNTI TA’ KUNTATT

Għal kwalunkwe mistoqsa jew kumment dwar dan id-dokument, ikkuntattja lil:

FORNITUR TAS-SERVIZZ - SERVIZZ TA’ GĦAJNUNA

support@itsmtaxud.europa.eu

Data

HEMŻA 5

Abbozz
DEĊIŻJONI Nru 5/[data] tal-Kumitat Konġunt ta’ [data]
li tadotta l-Ftehim dwar il-Livell ta’ Servizz tan-Netwerk Komuni ta’ Komunikazzjoni/tas-servizzi ta’ Interfaċċa Komuni tas-Sistema ("FLS tal-NKK/ISK")

1.DOKUMENTI TA’ REFERENZA U ATTI APPLIKABBLI

1.1.ATTI APPLIKABBLI

Dan l-FLS tal-NKK/ISK jikkunsidra l-lista tal-ftehimiet u d-deċiżjonijiet applikabbli provduti hawn taħt.

Tabella 7: Atti applikabbli

1.2.DOKUMENTI TA’ REFERENZA

Dan l-FLS tal-NKK/ISK jikkunsidra l-informazzjoni pprovduta fid-dokumenti ta’ referenza li ġejjin. Il-verżjonijiet applikabbli tad-dokumenti huma dawk disponibbli fil-mument tal-iffirmar ta’ dan il-Ftehim.

Tabella 8: Dokumenti ta’ Referenza

2.TERMINOLOĠIJA

2.1.AKRONIMI

Tabella 9: Akronimi

2.2.DEFINIZZJONIJIET TAT-TERMINI GĦALL-FINIJIET TAL-FLS TAL-NKK/ISK

Tabella 10: Definizzjonijiet

3.INTRODUZZJONI

Dan id-dokument jikkonsisti minn Ftehim dwar il-Livell ta' Servizz tan-Netwerk Komuni ta’ Komunikazzjoni/tal-Interfaċċa Komuni tas-Sistema (FLS tal-NKK/CSI SLA) bejn il-Kummissjoni Ewropea (“Fornitur tas-Servizz”) u r-Renju tan-Norveġja (“Applikant għal Servizz”), kollettivament imsejħa “l-Partijiet tal-FLS”.

B’mod partikolari, il-“Fornitur tas-Servizz” jinkludi l-unitajiet organizzattivi tad-DĠ TAXUD, kif elenkati hawn taħt:

·l-unità tad-DĠ TAXUD B2 li tikkoordina l-attivitajiet kollha tal-NKK/ISK;

·l-ITSM3 Operations li jipprovdu servizzi operattivi;

·CCN2DEV li jipprovdi s-softwer NKK (servizzi ta’ manutenzjoni evoluzzjonarji u korrettivi);

·il-fornitur tas-servizz tan-netwerk Trans-Ewropew (NKK/WAN, bħalissa OBS).

Skont in-natura tas-servizz mitlub, wieħed mill-Fornituri tas-Servizz se jwettaq il-kompitu.

L-“Applikant għal Servizz” hija l-amministrazzjoni tat-taxxa nazzjonali (NA) tan-Norveġja. L-unitajiet organizzattivi kkonċernati fi ħdan l-NA huma:

·Iċ-Ċentru Nazzjonali ta’ Appoġġ tal-NKK huwa responsabbli mill-appoġġ u l-ġestjoni tat-tagħmir tal-Infrastruttura tal-NKK tad-DĠ TAXUD li jinsab fil-bini tal-NA kif ukoll mill-infrastruttura nazzjonali li tappoġġa l-applikazzjonijietinstallati fl-infrastruttura NKK/ISK;

·Iċ-Ċentru Nazzjonali ta’ Appoġġ għall-Applikazzjonijiet huwa responsabbli mill-appoġġ nazzjonali tal-applikazzjonijiet tal-KE li joperaw fid-Dominju Nazzjonali u li jużaw is-servizzi tal-infrastruttura tal-NKK/ISK;

·It-Timijiet Nazzjonali tal-Iżvilupp tal-Applikazzjonijiet huma responsabbli mill-iżvilupp ta’ applikazzjonijiet li jużaw l-infrastruttura NKK/ISK inkluż is-subkuntratturi tagħhom.

3.1.KAMP TA' APPLIKAZZJONI TAL-FLS tal-NKK/ISK

L-Artikolu 5 tal-Ftehim jispeċifika li “Għandu jiġi konkluż ftehim dwar il-livell tas-servizz li jiżgura l-kwalità teknika u l-kwantità tas-servizzi għall-funzjonament tas-sistemi ta’ komunikazzjoni u ta’ skambju ta’ informazzjoni.”

Il-FLS tal-NKK/ISK jistabbilixxi r-relazzjoni bejn il-Kummissjoni (il-Fornitur tas-Servizz) u r-Renju tan-Norveġja (l-Applikant għal Servizz), dwar il-fażi operattiva tas-sistema tan-Netwerk Komuni ta’ Komunikazzjoni/tal-Interfaċċa Komuni tas-Sistema (sistema "NKK/ISK").

Dan jiddefinixxi l-livell meħtieġ tas-servizz ipprovdut lill-Applikant għal Servizz. Dan jipprovdi wkoll għal fehim reċiproku tal-aspettattivi fil-livell ta’ servizz u r-responsabbiltajiet tal-Partijiet involuti fil-FLS.

Dan id-dokument jiddeskrivi s-servizzi u l-livelli ta’ servizz provduti bħalissa mill-Fornitur tas-Servizz.

Il-miri kollha msemmija fl-FLS tal-NKK/ISK se jkunu applikabbli taħt kundizzjonijiet tax-xogħol normali biss.

Fil-każ ta’ avvenimenti ta’ Forza Maġġuri, l-ebda Parti ma għandha tkun responsabbli minn kwalunkwe nuqqas li twettaq l-obbligi tagħha fejn dan in-nuqqas ikun riżultat ta’ diżastru naturali (inkluż nar, għargħar, terremot, maltempata, uragan jew diżastru naturali ieħor), gwerra, invażjoni, att ta’ għedewwa barranin, ostilitajiet (sew jekk gwerra tkun iddikjarata sew jekk le), gwerra ċivili, ribelljoni, rivoluzzjoni, insurrezzjoni, setgħa militari jew użurpata jew konfiska, attivitajiet terroristiċi, nazzjonalizzazzjoni, sanzjoni tal-gvern, imblukkar, embargo, tilwima industrijali, strajk, lockout jew interruzzjoni jew ħsara fit-tul tal-grilja elettrika kummerċjali.

3.2.DEFINIZZJONI TAS-SERVIZZ U KARATTERISTIĊI TAL-NKK/ISK

In-Netwerk Komuni ta’ Komunikazzjoni/l-Interfaċċa Komuni tas-Sistema hija għodda għall-iskambju ta’ informazzjoni dwar it-taxxa bejn l-Amministrazzjonijiet Nazzjonali fil-qasam tat-Tassazzjoni u l-Ġlieda Kontra l-Frodi. Il-karatteristiċi ewlenin tal-infrastruttura tas-sistema tal-NKK/ISK huma elenkati hawn taħt:

Tabella 5: Karatteristiċi tas-servizzi pprovduti mill-NKK/ISK

3.3.PERJODU TAL-FTEHIM

L-FLS tal-NKK/ISK huwa vinkolanti fuq il-Partijiet mill-jum wara dak tal-approvazzjoni tiegħu mill-Kumitat Konġunt kif stabbilit mill-Artikolu 41 tal-Ftehim ("il-Kumitat Konġunt").

4.RESPONSABBILTAJIET 

4.1OBBLIGI TAL-FORNITUR TAS-SERVIZZ (OSP)

Il-Fornitur tas-Servizz għandu:

Tabella 6: Obbligi tal-Fornitur tas-Servizz (OSP)

4.2.OBBLIGI TAL-APPLIKANT GĦAL SERVIZZ (OSR)

L-Applikant għal Servizz għandu:

Tabella 7: Obbligi tal-Applikant għal Servizz (OSR)

4.3.SERVIZZI PPROVDUTI MILL-FORNITUR TAS-SERVIZZ

4.3.1.Servizz ta' Għajnuna tal-IT 

Il-Fornitur tas-Servizz joffri Servizz ta' Għajnuna tal-IT għall-Ġestjoni tal-Każijiet u l-Problemi. Is-Servizz ta' Għajnuna tal-IT jestendi l-firxa ta’ servizzi klassiċi tal-help desk u joffri approċċ aktar iffokat fuq livell ġenerali, li jippermetti li l-proċessi tan-negozju jiġu integrati fil-ġestjoni tas-servizz tal-NKK/ISK.

Tabilħaqq, is-Servizz ta' Għajnuna tal-IT mhux biss jittratta każijiet, problemi u mistoqsijiet, iżda jipprovdi wkoll interfaċċa għal attivitajiet oħra bħal talbiet għal tibdil, kuntratti ta’ manutenzjoni, liċenzji tas-softwer, ġestjoni tal-livell ta’ servizz, ġestjoni ta’ konfigurazzjoni, ġestjoni ta’ disponibbiltà, ġestjoni tas-sigurtà u ġestjoni tal-kontinwità tas-servizz tal-IT.

Is-Servizz ta' Għajnuna tal-IT ukoll javża spontanjament lill-Applikant għal Servizz b’kull informazzjoni urġenti, u b’hekk jaġixxi bħala ċentru ta’ dispaċċ ta’ informazzjoni tal-Applikant għal Servizz.

Notifika hija definita bħala messaġġ maħruġ mill-Fornitur tas-Servizz li javża lil Applikant għal Servizz meta jinqala' każ li jista’ jaffettwa l-operazzjonijiet tal-NKK/ISK: nuqqas ta’ disponibbiltà ta’ gateway, qtugħ tas-sistema, ħsarat, manutenzjoni tal-infrastruttura jew aġġornament tas-softwer.

L-interfaċċa tas-Servizz ta' Għajnuna tal-IT għal Applikant għal Servizz tintlaħaq permezz tal-punt ta’ kuntatt tal-Fornitur tas-Servizz jew permezz tal-portal web tal-ITSM, li jipprovdi servizzi onlajn lill-Applikant għal Servizz bħalma huwa t-traċċar ta’ sejħiet għal servizz; l-għodda ACT u l-Portal web tal-NKK li jipprovdu żona ta’ tniżżil tal-pakketti tal-ISK, aċċess għall-istatistika u informazzjoni dwar il-monitoraġġ, eċċ.

4.3.1.1.Ġestjoni ta’ każijiet u ta’ problemi

Dan is-servizz jittratta każijiet li joriġinaw mill-utenti tas-Servizz ta' Għajnuna (inkluż l-operazzjonijiet tas-sistema). Każ jista’ jiġi ddefinit bħala talba sempliċi għal informazzjoni jew kjarifika, iżda jista’ wkoll jiġi kategorizzat bħala r-rapportar ta’ imġiba mhux konformi ta’ komponent speċifiku.

Każ huwa definit bħala avveniment mhux mistenni li mhuwiex parti mill-operazzjoni standard tal-infrastruttura jew falliment li jiddegrada s-servizz operattiv tal-NKK/ISK. Każ jitqies solvut meta s-servizz jiġi lura għan-normal.

Il-każ jista’ jkun relatat mal-Elementi ta’ Konfigurazzjoni (CI) li ġejjin:

·Il-ħardwer taħt ir-responsabbiltà tal-Fornitur tas-Servizz: Il-gateways tal-NKK, apparati ta’ sigurtà, Routers fil-Binjiet tal-Klijenti (CPR) u apparat ieħor ta’ konnettività tan-netwerk fuq il-LAN fil-EuroDomain (Infrastruttura tal-NKK tad-DĠ TAXUD);

·Is-softwer li jopera permezz ta’ apparat ta’ kriptaġġ;

·Is-softwer tas-sistema li jopera permezz tal-gateways : Sistema Operattiva, softwer bażiku tal-komunikazzjoni bħal TCP/IP, eċċ.;

·Is-softwer ta’ parti terza li jopera permezz tal-gateways bħal Tuxedo, MQSeries, Sun ONE Directory Server, PostgreSQL, Apache, eċċ.;

·L-NKK Mail III;

·Is-softwer NKK/ISK li jopera permezz tal-gateways ;

·Is-softwer tal-ISK li jopera permezz tal-Pjattaformi tal-Applikazzjoni;

·SIAP (Secure Internet Access Point) – Unified Defence.

Problema tiġi identifikata jew minn każ wieħed li għandu impatt estremament negattiv fuq is-servizz tal-utent u li għalih il-kawża mhix magħrufa, jew minn każijiet multipli li jeżebixxu sintomi komuni. Problema tissolva meta l-kawża tiġi identifikata u mneħħija.

Meta jinqala’ każ, is-sitwazzjoni tiġi investigata sabiex jerġgħu jiġu stabbiliti s-servizzi operattivi tal-NKK/ISK (jekk meħtieġ) u biex tinstab il-problema ewlenija tal-każ. Il-Fornitur tas-Servizz jgħin biex jissolvew każijiet fis-softwer ta’ applikazzjoni NA, fil-livell tal-interfaċċa mal-NKK/ISK , sakemm dan ma jkollu ebda impatt fuq is-servizzi l-oħra li għandhom jiġu pprovduti mill-Fornitur tas-Servizz. L-assistenza tal-Fornitur tas-Servizz tikkonsisti fil-forniment ta’ informazzjoni dwar l-użu korrett tal-NKK/ISK. Ma tikkonsistix fil-parteċipazzjoni tad-debugging tas-softwer ta’ applikazzjoni NA.

4.3.2.Għodod ta’ appoġġ għall-Gestjoni tas-Servizz 

Il-monitoraġġ tal-infrastruttura tal-gateway tal-NKK, l-applikazzjonijiet u l-queues tal-NKK huma appoġġati mill-familja ta’ prodotti IBM® Tivoli Monitoring (Tivoli Monitoring) u IBM Tivoli Composite Application Manager (ITCAM).

Is-servizz ta’ Monitoraġġ u Rappurtar ta’ Tivoli tal-NKK, ibbażat fuq l-IBM Tivoli Monitoring suite, jipprovdi l-funzjonalitajiet li ġejjin:

·Jimmonitorja l-queues tal-applikazzjonijiet li jinsabu fuq il-Gateways tal-NKK (WebSphere MQ);

·Jimmonitorja l-istatus tas-sistema operattiva tal-Gateways tal-NKK;

·Użu tas-CPU, spazju fid-disk, użu tal-memorja, użu tan-netwerk, proċessi;

·Jimmonitorja l-ħardwer barra mill-banda;

·Jimmonitorja l-proċessi operattivi tal-komponenti tal-NKK li jinsabu fuq il-Gateways tal-NKK;

·Jimmitorja l-infrastruttura tal-NKK Mail III;

·Jipprovdi lill-utenti ta’ Tivoli tal-NKK opinjoni dwar l-informazzjoni mmonitorjata preċedentament;

·Jiġġenera twissijiet definiti minn qabel fuq il-komponenti mmonitorjati preċedentament;

·Jipprovdi rapporti bbażati fuq data storika miġbura (CCN Tivoli Data Warehouse);

·Jagħti informazzjoni dwar id-disponibbiltà u l-prestazzjoni tal-infrastruttura NKK/ISK matul iż-żmien, u jirrapporta tendenzi importanti b’mod konsistenti u integrat.

4.3.3.Ġestjoni u Operazzjonijiet tal-Infrastruttura tal-ICT

Il-Fornitur tas-Servizz jintalab biex jinstalla, jopera u jżomm l-infrastruttura operattiva tal-NKK/ISK sabiex jiggarantixxi l-livelli ta’ disponibbiltà miftiehma.

L-infrastruttura operattiva tal-NKK/ISK hija magħmula minn apparat relay EuroDomain (Gateways tal-NKK), apparat tas-sigurtà, router fil-binjiet tal-klijent u telekomunikazzjonijiet.

Dan is-servizz ikopri:

·Ġestjoni tad-Disponibbiltà;

·Ġestjoni tal-Kontinġenza;

·Ġestjoni ta’ Data tal-Konfigurazzjoni tal-Applikazzjoni;

·Ġestjoni tas-Sigurtà,

U jinkludi wkoll:

·Koordinazzjoni tat-trasferiment tat-tagħmir NKK/ISK;

·Koordinazzjoni tal-iskjerament ta’ siti ġodda;

·Ippjanar tal-kapaċità tal-infrastruttura tal-NKK;

·Segwitu tal-attività mitluba hawn fuq matul il-laqgħa ta’ progress ta’ kull xahar. Waqt din il-laqgħa tinżamm sezzjoni ta’ QA u hija magħmula mill-partijiet kontraenti kollha li jagħtu kontribut għas-servizz tal-NKK/ISK;

·Il-faċilitazzjoni ta’ talbiet ta’ sospensjoni. Dawn jistgħu jintalbu biss minn utenti awtorizzati lil uffiċjal speċifiku tad-DĠ TAXUD;

·Disinn, ippjanar, skjerament, operazzjonijiet, appoġġ tekniku u rtirar tal-HW, tal-OS u tal-COTS;

·Servizzi tan-Netwerk;

·Servizzi tal-HW, tal-OS u tal-COTS;

·Riżerva u Rkupru;

·Servizz ta’ Ġestjoni ta’ Kompitu;

·Produzzjoni u Manutenzjoni ta’ Pjanijiet Relatati mal-Ġestjoni tal-Infrastruttura tal-ICT, jiġifieri Pjan tal-Infrastruttura tal-ICT, Pjan ta’ Disponibbiltà, Pjan ta’ Kapaċità, Pjan ta’ Kontinwità;

·Studji tal-Fattibbiltà marbuta mal-Infrastruttura.

4.3.3.1.Ġestjoni tad-Disponibbiltà

Is-servizz ewlieni li l-Fornitur tas-Servizz għandu jipprovdi huwa li jiżgura li s-sistema NKK/ISK tkun qed topera fil-livell meħtieġ ta’ disponibbiltà.

Il-Fornitur tas-Servizz jiżgura li s-siti kollha tal-NKK/ISK huma interkonnessi permezz ta’ Netwerk fuq Żona Wiesgħa (WAN) li joffri r-reżistenza u l-kapaċità meħtieġa biex jiżgura l-funzjonament tajjeb ta’ applikazzjonijiet kummerċjali kritiċi li jużaw l-infrastruttura u s-servizzi tal-NKK/ISK.

Is-servizz ta’ ġestjoni tad-disponibbiltà jkopri l-punti li ġejjin:

·Aċċess globali fl-NAs kollha konnessi;

·Il-provvista tal-linja lokali (+ linja ta' riżerva) bejn il-punt ta’ aċċess lokali tal WAN (PoP) u l-bini tal-Amministrazzjoni Nazzjonali;

·L-installazzjoni, il-konfigurazzjoni u l-manutenzjoni ta’ Router fil-Binjiet tal-Klijent (CPR);

·L-installazzjoni u l-manutenzjoni tal-Apparati ta’ Sigurtà (jiġifieri l-kaxxa ta' kriptaġġ-firewall SSG);

·Gateways tal-komunikazzjoni li jinsabu fuq id-DMZ, f’kull sit lokali (jiġifieri l-Gateways tal-NKK);

·Is-sistema ċentrali tal-NKK Mail III.

Il-Fornitur tas-Servizz jipprovdi wkoll informazzjoni statistika dwar id-disponibbiltà miġbura f'ċirkostanzi operattivi u servizz ta’ monitoraġġ, kemm għat-traċċar tal-problemi b’mod proattiv kif ukoll għal finijiet ta’ statistika.

4.3.3.2.Ġestjoni tal-Kontinġenza

Il-Fornitur tas-Servizz huwa responsabbli mill-komponenti NKK/ISK li jinsabu fl-Infrastruttura tal-NKK tad-DĠ TAXUD f’kull sit tal-NKK/ISK.

Is-servizz ta’ kontinġenza għandu l-għan li jirrestawra l-livelli ta’ servizz maqbula f’perjodu ta’ żmien miftiehem f'każ ta’ disfunzjoni parzjali jew kompluta jew f’każ tad-distruzzjoni tas-sistema tal-NKK/ISK billi jipprovdi lill-Applikant għal Servizz b’għajnuna u elementi bħal:

·Riżerva ta’ softwer tal-gateways tal-NKK (f'kull sit);

·Sit ċentrali ta’ riżerva tal-NKK;

·Apparat ta’ kriptaġġ li ma għadux jintuża;

·Kapaċitajiet li jinqalbu bejn gateways ta’ produzzjoni u ta’ riżerva;

·Partijiet żejda għal apparat ta’ ħardwer;

·Linji ta’ aċċess tat-telekomunikazzjoni doppji lejn in-netwerk tal-NKK (f’kull sit);

·Assistenza fl-istallazzjoni u l-konfigurazzjoni ta’oġġetti NKK/ISK fl-Infrastruttura tal-NKK tad-DĠ TAXUD;

·Proċeduri ta' rkupru.

4.3.3.3.Ġestjoni tad-Data tal-Konfigurazzjoni tal-Applikazzjoni

Dan is-servizz jikkonċerna l-ġestjoni tad-data tal-konfigurazzjoni, meħtieġa mill-applikazzjonijiet tal-NKK/ISK, mill-Fornitur tas-Servizz.

Din id-data tal-konfigurazzjoni hija maħżuna fid-Direttorju ċentrali tal-NKK/ISK. Il-ġestjoni tad-Direttorju ċentrali tal-NKK/ISK hija maqsuma bejn il-Fornitur tas-Servizz u l-Amministrazzjonijiet Nazzjonali. Kull Amministrazzjoni Nazzjonali hija responsabbli mill-ġestjoni tal-utenti lokali tagħha tal-NKK/ISK. Il-bqija huwa ġestit mill-Fornitur tas-Servizz.

Eżempji ta’ konfigurazzjonijiet soġġetti għal Talba ta’ Servizz tal-Amministrazzjoni huma:

·Definizzjoni ta’ profil amministrattiv lokali;

·Reġistrazzjoni ta’ servizz ta’ applikazzjoni;

·Reġistrazzjoni ta’ queue ta’ applikazzjoni;

·Reġistrazzjoni ta’ tip ta’ messaġġ;

·Validazzjoni tad-data tal-konfigurazzjoni tal-applikazzjoni;

·Reġistrazzjoni tar-rwoli tal-amministrazzjoni;

·Ġestjoni tal-lista ta’ kuntatti.

4.3.4.Ġestjoni tas-sigurtà

Dan is-servizz jikkonċerna l-ġestjoni tal-elementi ta’ sigurtà, meħtieġa mill-ambjent tal-NKK/ISK, mill-Fornitur tas-Servizz.

Is-sigurtà hija ġestita wkoll fil-livell tat-tagħmir tas-server (OS) involut, it-tagħmir tan-netwerk u fil-livell operattiv.

·Skambji ta’ informazzjoni fuq in-netwerk NKK/CSI huma protetti biex jiżguraw l-aħjar kunfidenzjalità u l-integrità tad-data.

·Is-servizzi ta’ sigurtà jinkludu:

–Kriptaġġ u protezzjoni minn sit għall-ieħor kontra l-aċċess mhux mixtieq infurzat mill-apparat tal-firewall/kriptaġġ.

–Mekkaniżmi ta’ kontroll tal-aċċess (awtentikazzjoni, awtorizzazzjoni, kontabilità) fil-livell tas-sit infurzati mill-Gateway tal-NKK u appoġġati minn għodod ta’ amministrazzjoni lokali (ADM3G).

–Sigurtà fil-livell tas-sessjoni infurzat permezz ta’ kriptaġġ fil-livell tal-messaġġ (CSI sigur), awtentifikazzjoni reċiproka u kriptaġġ SSL (HTTPS & NJCSI), POP-S u IMAP-S (trasferiment sigur tal-posta elettronika).

–Mekkaniżmu ta’ difiża unifikat SIAP għall-aċċess tal-internet sigur għas-servizzi NKK.

4.3.5.Ġestjoni tad-dokumentazzjoni

Il-Fornitur tas-Servizz iżomm id-dokumentazzjoni teknika kollha NKK/ISK (jiġifieri dokument tekniku, gwidi tal-utenti, mistoqsijiet frekwenti, newsletters, avvenimenti li ġejjin, eċċ.) aġġornata, u jaġixxi bħala Ċentru ta’ Dokumentazzjoni.

Dan jinkludi d-dokumentazzjoni relatata mal-infrastruttura tal-NKK/ISK: Oracle-Tuxedo, IBM-MQ, Gateways tal-NKK, NKK Mail III, softwer ISK, proċeduri, rapporti, storja tal-komunikazzjoni ma’ sħab, eċċ.

Il-Fornitur tas-Servizz jimmaniġġa lista ta’ dokumentazzjoni, relatata mal-NKK/ISK li tista’ tiġi kkomunikata lill-Applikant għal Servizz. Dawn id-dokumenti huma disponibbli fiċ-CIRCABC, u l-Portal ITSM.

Il-Fornitur tas-Servizz jaġġorna awtomatikament il-lista bil-verżjoni li għadha kif ġiet approvata tad-dokumenti.

4.3.6.Rapportar u statistiki

Il-Fornitur tas-Servizz jipprovdi lill-Applikant għal Servizz il-faċilitajiet ta’ rapportar li ġejjin permezz tal-Portal Web tal-NKK u tal-ITSM:

·Ċifri tad-disponibbiltà onlajn tal-Gateways tal-NKK u ta’ NKK Mail III;

·Newsletters onlajn;

·Statistika dwar skambji fuq il-NKK/ISK.

Il-Fornitur tas-Servizz regolarment iżomm laqgħat tal-IT Tech & Infra, fejn jiġu ppreżentati r-rapporti u l-istatistika.

4.3.7.Taħriġ

Il-Fornitur tas-Servizz ifassal korsijiet u jwettaq taħriġ relatat mal-aspetti tekniċi tas-sistema tal-NKK/ISK. Il-korsijiet standard huma organizzati f’pakketti ta’ taħriġ maqsumin f’moduli. Bħala regola ġenerali, kull sena jiġu organizzati sessjonijiet ta’ taħriġ. Il-pakketti tat-taħriġ standard huma mqassma darbtejn fis-sena permezz tad-DĠ TAXUD u huma disponibbli onlajn fuq il-Portal tal-ITSM.

5.KEJL TAL-LIVELL TA’ SERVIZZ

5.2.LIVELL TA’ SERVIZZ

Il-Livell tas-Servizz huwa kejl tal-kwalità tas-servizzi pprovduti mill-Fornitur tas-Servizz. Huwa kkalkulat permezz ta’ Indikatur tal-Kwalità tas-Servizz jew SQI.

Huwa mistenni li l-Applikant għal Servizz jikkonforma mal-obbligi tiegħu (ara §) biex jilħaq il-Livell ta’ Servizz miftiehem. 0  

5.2.INDIKATURI TAL-KWALITÀ TAS-SERVIZZ APPLIKABBLI 

5.2.1.Disponibbiltà tas-sit tal-NKK/ISKindividwali

Dan l-Indikatur tal-Kwalità jipprovdi l-inqas disponibilità mkejla ta’ sit individwali matul il-"Perjodu Sħiħ", jiġifieri 24*7, għal xahar partikolari. Il-limitu tal-FLS tal-NKK/ISK huwa definit kif ġej:

5.2.2.Indikatur tal-Kwalità tal-Perjodu ta’ Servizz

Il-“Perjodu ta’ Servizz” tal-Fornitur tas-Servizz huwa l-ħin ta’ kopertura tal-funzjoni tas-Servizz ta’ Għajnuna. Is-servizz huwa żgurat mis-Servizz ta' Għajnuna tal-Fornitur tas-Servizz, 24 siegħa kuljum, sebat ijiem fil-ġimgħa inkluż il-btajjel pubbliċi.

Skont il-Perjodu ta’ Servizz tal-element ta' konfigurazzjoni, tittieħed azzjoni immedjata (24*7) jew jiġi skedat intervent għall-Perjodu ta’ Servizz li jmiss. Talbiet permezz ta’ ittri, fax, posta elettronika u b’mezzi elettroniċi (permezz tal-Portal ITSM) huma aċċettati f'kull mument. It-talbiet li jidħlu huma rreġistrati bħala “Sejħiet ta’ Servizz” fis-sistema ta’ ġestjoni tas-Servizz ta' Għajnuna tal-Fornitur tas-Servizz.

Il-limitu tal-FLS huwa definit kif ġej:

5.2.3.Indikatur tal-Kwalità tas-Servizz ta’ Notifika

Il-Fornitur tas-Servizz jipprovdi servizzi ta’ notifiki lill-Applikant għal Servizz.

Hemm żewġ tipi ta’ notifiki, Notifiki Urġenti u Notifiki Normali:

·NOTIFIKI URĠENTI (meta ma jkunx hemm biżżejjed żmien biex tkun notifikata l-komunità tal-NKK/ISK mill-inqas sebat ijiem kalendarji bil-quddiem): in-notifiki jinxterdu lill-udjenza kkonċernata sa mhux aktar tard minn sagħtejn wara li tkun waslet it-talba ta’ notifika urġenti.

·NOTIFIKI NORMALI (jew interventi ppjanati): in-notifiki jinxterdu lill-udjenza kkonċernata mill-inqas ġimgħa (sebat ijiem kalendarji) qabel l-interventi u tintbagħat tfakkira mill-inqas 24 siegħa qabel l-avvenimenti.

Dan l-indikatur ikejjel ir-rispett tal-iskadenza għat-tħabbir (permezz ta’ volumi ta’ posta) ta’ nuqqas ta’ disponibbiltà skedata.

5.3.4.Indikatur tal-Kwalità tal-Ġestjoni tal-Kontinġenza

Cold Standby (Proċedura ta' Bdil, Riżerva u Rkupru jew NKK permezz tal-Internet)

It-tip xieraq ta’ bidla li trid titwettaq tiddependi minn analiżi fil-fond tas-sistema ta’ amministrazzjoni nazzjonali speċifika u l-problema li tkun qed tiġi affaċċjata.

Id-dewmien massimu biex issir il-bidla minn kwalunkwe Gateway ta’ Produzzjoni tal-amministrazzjoni nazzjonali għal soluzzjoni xierqa ta’ Gateway ta' Riżerva NKK huwa definit kif ġej:

5.3.5.Indikatur tal-Kwalità tal-Ġestjoni ta’ Data tal-Konfigurazzjoni tal-Applikazzjoni;

Id-dewmien massimu biex tiġi implimentata Talba għall-Konfigurazzjoni tal-Applikazzjoni permezz tal-ACT (Għodda tal-Konfigurazzjoni tal-Applikazzjoni) għal sit wieħed huwa definit kif ġej:

5.3.6.Indikatur tal-Kwalità tad-Dewmien tal-Konferma tar-Riċevuta

Id-dewmien massimu bejn il-ħin tal-wasla ta’ talba għand is-Servizz ta' Għajnuna u l-ħin li tintbagħat il-konferma tar-riċevuta (jiġifieri n-numru tas-Sejħa għal Servizz) lill-Applikant għal Servizz, huwa definit kif ġej:

Il-każijiet huma klassifikati skont il-livelli ta’ prijorità tagħhom.

Il-prijorità ta’ każ hija stabbilita permezz ta' numru bejn 1 u 4:

5.3.7.Indikatur tal-Kwalità tad-Dewmien ta’ Riżoluzzjoni

Id-dewmien tar-riżoluzzjoni huwa ż-żmien li għadda bejn il-mument meta l-każ kien rikonoxxut mill-Fornitur tas-Servizz u l-mument meta l-Fornitur tas-Servizz irranġa l-problema prinċipali tal-każ jew implimenta soluzzjoni.

Skont il-Prijorità, id-dewmien tar-riżoluzzjoni huwa definit kif ġej:

Tabella 8: Dewmien ta’ Riżoluzzjoni

Tabella 9: Limitu tar-Riżoluzzjoni ta’ Dewmien tal-Każijiet

6.APPROVAZZJONI TAL-FLS

Il-Ftehim dwar il-Livell ta’ Servizz għandu jiġi approvat mill-Kumitat Konġunt sabiex ikun applikabbli.

7.BIDLIET FL-FLS

L-FLS tal-NKK/ISK jiġi eżminat mill-ġdid wara talba bil-miktub mill-Kummissjoni jew min-Norveġja lill-Kumitat Konġunt.

Sakemm il-Kumitat Konġunt jiddeċiedi dwar il-bidliet proposti, id-dispożizzjonijiet tal-FLS tal-NKK/ISK fis-seħħ huma applikabbli. Il-Kumitat Konġunt jaġixxi bħala l-korp tat-teħid tad-deċiżjonijiet għall-FLS kurrenti tal-NKK/ISK.

8.PUNTI TA’ KUNTATT

Għas-servizzi operattivi kollha, l-ITSM3 Operations għandha taġixxi bħala punt uniku ta’ kuntatt. Il-koordinati tagħha huma pprovduti hawn taħt:

Data

HEMŻA 6

Abbozz
DEĊIŻJONI Nru 6/[data] tal-Kumitat Konġunt ta’ [data]
li tadotta l-ammont u l-modalitajiet tal-kontribuzzjoni finanzjarja li għandha ssir min-Norveġja għall-baġit ġenerali tal-Unjoni fir-rigward tal-kostijiet iġġenerati mill-parteċipazzjoni tagħha fis-Sistemi ta' Informazzjoni Ewropej

IL-KUMITAT KONĠUNT, stabbilit skont l-Artikolu 41(1) tal-Ftehim bejn l-Unjoni Ewropea u r-Renju tan-Norveġja dwar il-kooperazzjoni amministrattiva, il-ġlieda kontra l-frodi u l-irkupru tat-talbiet fil-qasam tat-taxxa fuq il-valur miżjud, minn hawn ’il quddiem imsejjaħ il-“Ftehim”,

Billi:

(a)Ir-Regolament (UE) Nru 1286/2013 tal-Parlament Ewropew u tal-Kunsill tal-11 ta’ Diċembru 2013 li jistabbilixxi programm ta’ azzjoni biex jittejjeb it-tħaddim tas-sistemi ta’ tassazzjoni fl-Unjoni Ewropea għall-perijodu 2014-2020 (Fiscalis 2020), jistipula r-regoli għall-iżvilupp, l-operat u l-manutenzjoni tas-Sistemi tal-Informazzjoni Ewropej.

(b)In-Netwerk Komuni ta’ Komunikazzjoni/l-Interfaċċa Komuni tas-Sistema u l-formoli elettroniċi li għandhom jiġu adottati skont l-Artikolu 41(2)(d) tal-Ftehim huma komponenti tal-Unjoni tas-Sistemi ta’ Informazzjoni Ewropej imsemmija fil-punt A tal-Anness tar-Regolament (UE) Nru 1286/2013.

(c)Skont l-Artikolu 9(3) tar-Regolament (UE) Nru 1286/2013, l-użu tal-komponenti tal-Unjoni tas-Sistemi ta’ Informazzjoni Ewropej minn pajjiżi mhux parteċipanti għandu jkun soġġett għal ftehimiet ma’ dawk il-pajjiżi li għandhom jiġu konklużi skont l-Artikolu 218 tat-Trattat dwar il-Funzjonament tal-Unjoni Ewropea.

(d)Jeħtieġ li jiġu adottati arranġamenti prattiċi għall-implimentazzjoni tal-Artikolu 41(2)(f) tal-Ftehim;

ADOTTA DIN ID-DEĊIŻJONI:

Artikolu 1

Il-kostijiet tal-installazzjoni

Il-kostijiet inizjali li għandhom jitħallsu mir-Renju tan-Norveġja għall-istabbiliment tal-aċċess għan-Netwerk Privat Virtwali huma ta’ EUR 20 000.

L-ammont għandu jitħallas fi żmien 60 jum wara l-adozzjoni ta’ din id-Deċiżjoni.

Artikolu 2

Il-kontribuzzjoni finanzjarja annwali

Il-kontribuzzjoni finanzjarja annwali li r-Renju tan-Norveġja għandu jħallas lill-Baġit Ġenerali tal-Unjoni għandha tkun ta’ EUR 20 000. L-ammont għandu jitħallas kull sena sal-1 ta’ Settembru.

Il-kontribuzzjoni għandha tkopri n-nefqa relatata mal-iżvilupp, il-manutenzjoni u t-titjib ta’ soluzzjonijiet tal-IT (Netwerk Komuni ta’ Komunikazzjoni/Interfaċċa Komuni tas-Sistema Komuni, Formoli elettroniċi).

Artikolu 3

Il-metodu tal-pagament

Il-kontribuzzjonijiet skont l-Artikoli 1 u 2 għandhom jitħallsu f'euro lill-kont bankarju denominat f'euro tal-Kummissjoni li se jkun indikat fin-nota ta’ debitu.

Data

(1)    Ir-Regolament tal-Kunsill (UE) Nru 904/2010 tas-7 ta’ Ottubru 2010 dwar il-kooperazzjoni amministrattiva u l-ġlieda kontra l-frodi fil-qasam tat-taxxa fuq il-valur miżjud (ĠU L 268, 12.10.2010, p. 1).

(2)    Id-Direttiva tal-Kunsill 2010/24/UE tas-16 ta’ Marzu 2010 dwar l-assistenza reċiproka għall-irkupru ta’ talbiet relatati ma’ taxxi, dazji u miżuri oħra (ĠU L 84, 31.3.2010, p. 1).

(3)    ITIL:

(4)    Marbuta mal-proċessi ta’ ġestjoni tal-Problema u t-Tibdil tal-ITIL.

(5)    Dawn huma l-verżjonijiet tad-dokumenti disponibbli fil-mument tal-kitba dan l-FLS. Il-qarrej huwa mistieden jivverifika kull aġġornament sussegwenti fuq il-Portal NKK/ISK( http://portal.ccntc.ccncsi.int:8080/portal/DesktopDefault.aspx?tabid=1 ).

(6)    L-użu tal-prinċipji deskritti fil-ġestjoni tal-każijiet fl-ITIL huwa rakkomandat.