IL-KUMMISSJONI EWROPEA

Brussell, 17.5.2018

COM(2018) 278 final

2018/0139(COD)

Proposta għal

REGOLAMENT TAL-PARLAMENT EWROPEW U TAL-KUNSILL

li jistabbilixxi ambjent għal Single Window Marittima Ewropea u li jħassar id-Direttiva 2010/65/UE

{SEC(2018) 230 final}
{SWD(2018) 181 final}
{SWD(2018) 182 final}

MEMORANDUM TA’ SPJEGAZZJONI

1.KUNTEST TAL-PROPOSTA

•Raġunijiet għall-proposta u l-għanijiet tagħha

•Konsistenza mad-dispożizzjonijiet eżistenti fil-qasam ta’ politika

•Konsistenza mad-dispożizzjonijiet eżistenti fil-qasam ta’ politika

2.BAŻI ĠURIDIKA, SUSSIDJARJETÀ U PROPORZJONALITÀ

•Bażi ġuridika

•Sussidjarjetà (għall-kompetenza mhux esklużiva)

•Proporzjonalità

•Għażla tal-istrument

3.RIŻULTATI TAL-EVALWAZZJONIJIET EX-POST, TAL-KONSULTAZZJONIJIET MAL-PARTIJIET IKKONĊERNATI U TAL-VALUTAZZJONIJIET TAL-IMPATT

•Evalwazzjonijiet ex-post / kontrolli tal-idoneità tal-leġiżlazzjoni eżistenti

•Konsultazzjonijiet mal-partijiet ikkonċernati

•Ġbir u użu ta’ informazzjoni/għarfien espert

•Valutazzjoni tal-impatt

(a)Speċifikazzjonijiet tekniċi vinkolanti għall-kisba ta’ portals ta’ rapportar armonizzati bħala front-end għas-Single Windows Nazzjonali (ir-responsabbiltà kollha tagħhom taqa’ fuq l-Istati Membri);

(b)Portals ta’ rapportar armonizzati bħala front-end għas-Single Windows Nazzjonali, ibbażati fuq modulu komuni ta’ soluzzjoni tal-IT żviluppat fil-livell tal-UE u mdaħħal f’kull Single Window Nazzjonali (responsabbiltà konġunta tal-UE/Stati Membri); jew

(c)Portal ċentrali ta’ rapportar fil-livell tal-UE (responsabbiltà tal-UE).

•Idoneità regolatorja u simplifikazzjoni

•Drittijiet fundamentali

4.IMPLIKAZZJONIJIET BAĠITARJI

L-ebda spiża jew riżorsi umani addizzjonali mhu se jintalbu mill-baġit tal-UE taħt il-Qafas Finanzjarju Pluriennali preżenti. Din l-inizjattiva mhix maħsuba li tippreġudika l-proposta tal-Kummissjoni dwar il-Qafas Finanzjarju Pluriennali li jmiss.

5.ELEMENTI OĦRAJN

•Pjanijiet ta’ implimentazzjoni u arranġamenti dwar il-monitoraġġ, l-evalwazzjoni u r-rapportar

•Spjegazzjoni fid-dettall tad-dispożizzjonijiet speċifiċi tal-proposta

2018/0139 (COD)

Proposta għal

REGOLAMENT TAL-PARLAMENT EWROPEW U TAL-KUNSILL

li jistabbilixxi ambjent għal Single Window Marittima Ewropea u li jħassar id-Direttiva 2010/65/UE

IL-PARLAMENT EWROPEW U L-KUNSILL TAL-UNJONI EWROPEA,

Wara li kkunsidraw it-Trattat dwar il-Funzjonament tal-Unjoni Ewropea, u b’mod partikolari l-Artikolu 100(2) tiegħu,

Wara li kkunsidraw il-proposta tal-Kummissjoni Ewropea,

Wara li l-abbozz tal-att leġiżlattiv intbagħat lill-parlamenti nazzjonali,

Wara li kkunsidraw l-opinjoni tal-Kumitat Ekonomiku u Soċjali Ewropew 7 ,

Wara li kkunsidraw l-opinjoni tal-Kumitat tar-Reġjuni 8 ,

Filwaqt li jaġixxu skont il-proċedura leġiżlattiva ordinarja,

Billi:

(1)Id-Direttiva 2010/65/UE tal-Parlament Ewropew u tal-Kunsill 9 titlob lill-Istati Membri jaċċettaw li josservaw obbligi ta’ rapportar għall-vapuri li jaslu fi jew jitilqu minn portijiet tal-Unjoni f’format elettroniku, u li jiżguraw it-trażmissjoni tagħhom permezz ta’ single window sabiex jiffaċilitaw it-trasport marittimu.

(2)It-trasport marittimu huwa l-ġebla tax-xewka tal-kummerċ u tal-komunikazzjonijiet fi ħdan u ’l barra mis-suq uniku. Għall-faċilitazzjoni tat-trasport marittimu, u sabiex jitnaqqsu iktar il-piżijiet amministrattivi għall-kumpanniji tat-tbaħħir, il-proċeduri ta’ informazzjoni għall-osservazzjoni tal-obbligi ta’ rapportar imposti fuq kumpaniji tat-tbaħħir permezz ta’ atti legali tal-Unjoni u ta’ leġiżlazzjoni nazzjonali tal-Istati Membri jenħtieġ li jkunu simplifikati u armonizzati iktar.

(3)Dan ir-Regolament huwa intiż sabiex jiffaċilita t-trażmissjoni ta’ informazzjoni. L-applikazzjoni ta’ dan ir-Regolament jenħtieġ li ma tibdilx is-sustanza tal-obbligi ta’ rapportar, u jenħtieġ li ma taffettwax il-ħażna u l-ipproċessar ta’ informazzjoni sussegwenti fil-livell tal-Unjoni jew fil-livell nazzjonali.

(4)Is-Single Windows Nazzjonali eżistenti f’kull Stat Membru jenħtieġ li jinżammu bħala bażi għall-ambjent għas-Single Window Marittima Ewropea (“EMSWe”). Is-Single Windows Nazzjonali jenħtieġ li jikkostitwixxu punt tad-dħul komprensiv ta’ rapportar għall-operaturi tat-trasport marittimu, li jservu għall-ġbir ta’ data mid-dikjaranti, u għad-distribuzzjoni ta’ data lill-awtoritajiet kompetenti rilevanti kollha.

(5)L-interfaċċi front-end ta’ dawn is-Single Windows Nazzjonali, fuq in-naħa tad-dikjaranti, jenħtieġ li jkunu armonizzati fil-livell tal-Unjoni, sabiex ikun iffaċilitat ir-rapportar u jitnaqqas iktar il-piż amministrattiv. Din l-armonizzazzjoni jenħtieġ li tinkiseb bl-applikazzjoni f’kull Single Window Nazzjonali ta’ softwer ta’ interfaċċa komuni għal skambju ta’ informazzjoni minn sistema għal sistema żviluppat fil-livell tal-Unjoni. L-Istati Membri jenħtieġ li jkollhom ir-responsabbiltà biex jintegraw u jiġġestixxu dan il-modulu ta’ interfaċċa u jaġġornaw is-softwer b’mod regolari u f’waqtu. Il-Kummissjoni jenħtieġ li tiżviluppa l-modulu u tipprovdi l-aġġornamenti meta meħtieġa.

(6)Teknoloġiji diġitali ġodda emerġenti jippreżentaw opportunitajiet dejjem iktar biex iżidu l-effiċjenza tas-settur tat-trasferiment marittimu u jitnaqqas il-piż amministrattiv. Sabiex il-benefiċċji ta’ dawn it-teknoloġiji l-ġodda jagħtu l-frott kmieni kemm jista’ jkun, il-Kummissjoni jenħtieġ li jkollha s-setgħa li temenda, permezz ta’ atti ta’ implimentazzjoni, l-ispeċifikazzjonijiet tekniċi, l-istandards u l-proċeduri tal-ambjent tar-rapportar armonizzat. Meta dan ir-Regolament ikun rivedut, jenħtieġ li jkunu kkunsidrati wkoll teknoloġiji ġodda.

(7)Jenħtieġ li jingħataw l-appoġġ u l-informazzjoni adegwata dwar il-proċessi u r-rekwiżiti tekniċi marbuta mal-użu tas-Single Windows Nazzjonali lid-dikjaranti permezz ta’ websajts nazzjonali faċilment aċċessibbli u faċli għall-utent bi standards ta’ “dehra u forma’” komuni.

(8)Il-Konvenzjoni dwar il-Faċilitazzjoni tat-Traffiku Marittimu Internazzjonali (“Il-Konvenzjoni FAL”) 10 tipprevedi li l-awtoritajiet pubbliċi għandhom fil-każijiet kollha jitolbu biss rapportar ta’ informazzjoni essenzjali u jżommu l-għadd ta’ elementi fil-minimu inqas possibbli.

(9)Sabiex ikun jista’ jitħaddem l-EMSWe, huwa neċessarju li jkun stabbilit sett ta’ data EMSWe komprensiv li jkopri l-elementi kollha ta’ informazzjoni li jistgħu jintalbu minn awtoritajiet nazzjonali jew operaturi tal-port għal raġunijiet amministrattivi jew operazzjonali, meta vapur jagħmel waqfa f’port. Peress li l-kamp ta’ applikazzjoni tal-obbligi ta’ rapportar ivarja minn Stat Membru għal ieħor, Single Window Nazzjonali fi Stat Membru partikolari jenħtieġ li tkun imfassla biex taċċetta sett ta’ data EMSWe mingħajr emendi, u biex ma tagħtix kas informazzjoni li mhijiex rilevanti għal dak l-Istat Membru.

(10)L-obbligi ta’ rapportar rilevanti li jinsabu fl-atti legali tal-Unjoni u internazzjonali jenħtieġ li jkunu elenkati fl-Anness ta’ dan ir-Regolament. Dawn l-obbligi ta’ rapportar jenħtieġ li jipprovdu l-bażi biex ikun hemm sett ta’ data EMSWe komprensiv. L-Anness jenħtieġ li jirreferi wkoll għall-kategoriji rilevanti ta’ obbligi ta’ rapportar fil-livell nazzjonali, u l-Istati Membri jenħtieġ li jitolbu lill-Kummissjoni temenda s-sett ta’ data EMSEw abbażi tal-obbligi ta’ rapportar li jinsabu fil-leġiżlazzjoni nazzjonali. L-att legali tal-Unjoni li jemenda s-sett ta’ data EMSWe abbażi ta’ obbligu ta’ rapportar li jinsab fil-leġiżlazzjoni nazzjonali jenħtieġ li jinkludi referenza espliċita għal dik il-leġiżlazzjoni nazzjonali.

(11)Kull meta l-informazzjoni mis-Single Windows Nazzjonali titqassam lill-awtoritajiet kompetenti, it-trażmissjoni jenħtieġ li tkun konformi mar-rekwiżiti komuni ta’ data, formats u kodiċi għall-obbligi ta’ rapportar u formalitajiet ipprovduti fil-leġiżlazzjoni tal-Unjoni elenkati fl-Anness, u jenħtieġ li ssir permezz ta’ sistemi tal-IT stabbiliti fih, bħat-tekniki tal-ipproċessar elettroniku tad-data msemmija fl-Artikolu 6(1) tar-Regolament (UE) Nru 952/2013.

(12)L-implimentazzjoni ta’ dan ir-Regolament jenħtieġ li tikkunsidra s-sistemi SafeSeaNet stabbiliti fil-livell nazzjonali u tal-Unjoni, li jenħtieġ li jkomplu jiffaċilitaw l-iskambju u distribuzzjoni ta’ informazzjoni riċevuta permezz tas-Single Window Nazzjonali bejn l-Istati Membri skont id-Direttiva 2002/59.

(13)Il-portijiet mhumiex id-destinazzjoni finali tal-merkanzija. L-effiċjenza tal-waqfiet tal-vapuri fil-portijiet għandha impatt fuq il-katina loġistika kollha relatata mat-trasport ta’ merkanzija u passiġġieri minn u lejn il-portijiet. Sabiex jiżguraw l-interoperabbiltà, il-multimodalità u l-integrazzjoni effiċjenti tat-trasport marittimu mal-katina loġistika b’mod ġenerali, u sabiex jiffaċilitaw modi oħra tat-trasport, is-Single Windows Nazzjonali jenħtieġ li jħallu l-possibbiltà ta’ skambju ta’ informazzjoni rilevanti, bħal ħinijiet ta’ wasla u tluq, ma’ oqfsa simili żviluppati għal mezzi oħra ta’ trasport.

(14)Sabiex ittejjeb l-effiċjenza tat-trasport marittimu u tillimita d-duplikazzjoni ta’ informazzjoni li għandha tkun pprovduta għal raġunijiet operazzjonali meta vapur jagħmel waqfa f’port, l-informazzjoni pprovduta mid-dikjarant lis-Single Windows Nazzjonali jenħtieġ li tkun ukoll skambjata ma’ ċerti entitajiet oħra, bħal operaturi ta’ port jew ta’ terminal.

(15)Ir-Regolament (UE) Nru 952/2013 jipprovdi li l-merkanzija li tiddaħħal fit-territorju doganali tal-Unjoni għandha tkun koperta b’dikjarazzjoni sommarja tad-dħul li għandha tkun sottomessa lill-awtoritajiet doganali b’mod elettroniku. Fid-dawl tal-importanza tal-informazzjoni tad-dikjarazzjoni sommarja tad-dħul għall-ġestjoni tar-riskji ta’ sigurtà u finanzjarji, bħalissa qed tkun żviluppata sistema elettronika speċifika għas-sottomissjoni u l-ġestjoni tad-dikjarazzjonijiet sommarji tad-dħul fit-territorju doganali tal-Unjoni. Għalhekk, mhux se jkun possibbli li tkun ippreżentata dikjarazzjoni sommarja tad-dħul permezz tas-Single Windows Nazzjonali. Madankollu, peress li wħud mill-elementi tad-data sottomessi fid-dikjarazzjoni sommarja tad-dħul huma mitluba wkoll sabiex ikunu ssodisfati formalitajiet oħra ta’ rapportar doganali u marittimu meta vapur jidħol f’port tal-Unjoni, l-ambjent għas-Single Window Marittima Ewropea għat-trasport marittimu jenħtieġ li jkun jista’ jipproċessa l-elementi tad-data tad-dikjarazzjoni sommarja tad-dħul. Il-possibbiltà li s-Single Windows Nazzjonali jerġgħu jaċċessaw informazzjoni rilevanti diġà sottomessa permezz tad-dikjarazzjoni sommarja tad-dħul jenħtieġ li tkun prevista wkoll.

(16)Sabiex l-informazzjoni pprovduta permezz tas-Single Windows Nazzjonali tkun tista’ terġa’ tintuża u tiffaċilita s-sottomissjoni ta’ informazzjoni mid-dikjarant, huwa neċessarju li jkunu pprovduti bażi ta’ data komuni. Bażi ta’ data ta’ vapur EMSWe jenħtieġ li tinkludi lista ta’ referenza ta’ partikolaritajiet ta’ vapuri u l-eżenzjonijiet ta’ rapportar tagħhom, kif irrapurtati lis-Single Windows Nazzjonali rispettivi. Sabiex tiffaċilita s-sottomissjoni ta’ informazzjoni minn dikjarant, Bażi ta’ Data Komuni ta’ Lokalizzazzjoni (CLD) jenħtieġ li jkollha lista ta’ referenza ta’ kodiċi ta’ lokalizzazzjoni li jinkludu Kodiċi tan-Nazzjonijiet Uniti għal-Lokalizzazzjonijiet tal-Kummerċ u t-Trasport (UN/LOCODE), kodiċijiet SafeSeaNet speċifiċi kif ukoll kodiċijiet ta’ faċilità tal-port kif irreġistrati fis-Sistema ta’ Informazzjoni dwar it-Trasport bil-Baħar Integrat u Globali (GISIS) tal-Organizzazzjoni Marittima Internazzjonali. Barra minn hekk, Bażi ta’ Data Komuni Hazmat jenħtieġ li tinkludi lista ta’ merkanzija perikoluża u ta’ tniġġis li għandhom ikunu nnotifikati lis-Single Windows Nazzjonali skont id-Direttiva 2002/59/KE, kif emendata, u l-Formula 7 tal-IMO FAL, u tikkunsidra l-elementi ta’ data rilevanti mill-Konvenzjonijiet u Kodiċi tal-IMO.

(17)L-ipproċessar ta’ data personali fil-qafas ta’ dan ir-Regolament mill-awtoritajiet kompetenti jenħtieġ li jkun konformi mar-Regolament (UE) 2016/679 tal-Parlament Ewropew u tal-Kunsill. L-ipproċessar ta’ data personali mill-Kummissjoni fil-kuntest ta’ dan ir-Regolament, jenħtieġ li jkun konformi mad-dispożizzjonijiet tar-Regolament [Regolament ġdid li jissostitwixxi r-Regolament 45/2001 dwar l-ipproċessar tad-data personali mill-istituzzjonijiet Komunitarji].

(18)L-EMSWe u s-Single Windows Nazzjonali jenħtieġ li ma jipprovdux xi raġuni oħra għall-ipproċessar tad-data personali minbarra dak li huwa meħtieġ għall-funzjonijiet tagħhom, u jenħtieġ li ma jintużawx sabiex jagħtu xi drittijiet ġodda ta’ aċċess għal data personali.

(19)Is-setgħa li tadotta atti skont l-Artikolu 290 tat-Trattat dwar il-Funzjonament tal-Unjoni Ewropea jenħtieġ li tkun delegata lill-Kummissjoni sabiex tikkumplimenta dan ir-Regolament billi tistabbilixxi sett ta’ data EMSWe u billi tistabbilixxi definizzjonijiet, kategoriji u speċifikazzjonijiet tad-data għall-elementi ta’ data. L-istess setgħa jenħtieġ li tkun delegata lill-Kummissjoni sabiex temenda l-Anness biex jiġu inkorporati l-obbligi ta’ rapportar eżistenti fil-livell nazzjonali, kif ukoll sabiex tikkunsidra kwalunkwe obbligu ta’ rapportar ġodda adottati fl-atti legali tal-Unjoni. Il-Kummissjoni jenħtieġ li tiżgura li r-rekwiżiti komuni ta’ data, formats u kodiċijiet stabbiliti fl-Unjoni u f’atti legali internazzjonali elenkati fl-Anness ikunu osservati. Huwa ta’ importanza partikolari li l-Kummissjoni tagħmel konsultazzjonijiet adattati matul il-ħidma ta’ tħejjija tagħha, inkluż fil-livell tal-esperti, u li dawk il-konsultazzjonijiet isiru skont il-prinċipji stabbiliti fil-Ftehim Interistituzzjonali dwar it-Tfassil Aħjar tal-Liġijiet tat-13 ta’ April 2016. B’mod partikolari, biex tkun żgurata parteċipazzjoni ugwali fit-tħejjija tal-atti delegati, il-Parlament Ewropew u l-Kunsill jirċievu d-dokumenti kollha fl-istess ħin bħall-esperti tal-Istati Membri, u l-esperti tagħhom ikollhom aċċess sistematiku għal-laqgħat tal-gruppi ta’ esperti tal-Kummissjoni li jittrattaw it-tħejjija ta’ atti delegati.

(20)Sabiex ikunu żgurati kundizzjonijiet uniformi għall-implimentazzjoni ta’ dan ir-Regolament, jenħtieġ li l-Kummissjoni tingħata setgħat ta’ implimentazzjoni. Jenħtieġ li dawn is-setgħat ikunu eżerċitati skont ir-Regolament (UE) Nru 182/2011 tal-Parlament Ewropew u tal-Kunsill 11 .

(21)

(22)B’mod partikolari, is-setgħat ta’ implimentazzjoni jenħtieġ li jingħataw lill-Kummissjoni sabiex tadotta u, sussegwentement, temenda s-sett ta’ data EMSWe, kif ukoll sabiex tadotta l-ispeċifikazzjonijiet funzjonali u tekniċi, il-mekkaniżmi ta’ kontroll ta’ kwalità u l-proċeduri sabiex jinbeda, jinżamm u jintuża l-modulu interface armonizzat u l-elementi relatati armonizzati tas-Single Windows Nazzjonali. Setgħat ta’ implimentazzjoni jenħtieġ li jingħataw lill-Kummissjoni sabiex tadotta speċifikazzjonijiet tekniċi, standards u proċeduri għal servizzi komuni tal-EMSWe.

(23)Dan ir-Regolament jenħtieġ li jibni fuq ir-Regolament Nru 910/2014 tal-Parlament Ewropew u tal-Kunsill 12 li jistabbilixxi l-kundizzjonijiet li taħthom l-Istati Membri jirrikonoxxu ċerti mezzi ta’ identifikazzjoni elettronika għal persuni fiżiċi u ġuridiċi li jaqgħu taħt skema ta’ identifikazzjoni elettronika notifikata ta’ Stat Membru ieħor. Ir-Regolament (UE) Nru 910/2014 jipprovdi l-kundizzjonijiet għall-utenti sabiex ikunu jistgħu jużaw il-mezzi ta’ identifikazzjoni u awtentikazzjoni elettroniċi sabiex ikollhom aċċess għal servizzi pubbliki onlajn f’sitwazzjonijiet transfruntiera.

(24)Jenħtieġ li l-Kummissjoni twettaq evalwazzjoni ta’ dan ir-Regolament. Jenħtieġ li tinġabar informazzjoni biex tingħata għal din l-evalwazzjoni, u li ssir evalwazzjoni dwar kemm il-leġiżlazzjoni qed tilħaq l-għanijiet tagħha.

(25)Għaldaqstant, id-Direttiva 2010/65/UE jenħtieġ li titħassar, b’effett mid-data ta’ applikazzjoni ta’ dan ir-Regolament.

(26)Il-Kontrollur Ewropew għall-Protezzjoni tad-Data ġie kkonsultat skont l-Artikolu 28(2) tar-Regolament (KE) Nru 45/2001 tal-Parlament Ewropew u tal-Kunsill 13 ,

ADOTTAW DIN ID-DIRETTIVA:

Kapitolu I
Dispożizzjonijiet ġenerali

Artikolu 1
Suġġett u kamp ta’ applikazzjoni

Dan ir-Regolament jistabbilixxi qafas għal ambjent għal Single Window Marittima Ewropea (“EMSWe”) armonizzat u interoperabbli, ibbażat fuq Single Windows Nazzjonali, sabiex jiffaċilita t-trażmissjoni elettronika ta’ informazzjoni relatata mal-obbligi ta’ rapportar għall-vapuri li jaslu fi jew jitilqu minn port tal-Unjoni.

Artikolu 2
Definizzjonijiet

Għall-finijiet ta’ dan ir-Regolament, għandhom japplikaw id-definizzjonijiet li ġejjin:

(1)“ambjent għas-Single Window Marittima Ewropea” (“EMSWe”) tfisser il-qafas legali u tekniku għat-trażmissjoni elettronika ta’ informazzjoni relatata mal-obbligi ta’ rapportar u proċeduri għall-waqfiet fil-portijiet fl-Unjoni, li jikkonsisti f’netwerk ta’ Single Windows Nazzjonali u jinkludi l-interfaċċa armonizzata kif ukoll servizzi komuni għall-ġestjoni tal-utenti u tal-aċċess, l-identifikazzjoni ta’ vapuri, il-kodiċijiet ta’ lokalizzazzjoni u informazzjoni dwar merkanzija perikoluża u li tniġġes.

(2)“obbligu ta’ rapportar” tfisser l-informazzjoni mitluba mill-Unjoni u atti legali internazzjonali elenkati, kif ukoll mil-leġiżlazzjoni nazzjonali li għaliha ssir referenza, fl-Anness, li għandha tingħata għal raġunijiet amministrattivi u operazzjonali b’rabta mal-wasla, il-waqfa u t-tluq minn port fi Stat Membru (“waqfa f’port”).

(3)“element ta’ data” tfisser l-iċken unità ta’ informazzjoni li għandha definizzjoni unika u karatteristiċi tekniċi preċiżi bħall-format, it-tul u t-tip ta’ karattru;

(4)“sistema tal-komunità tal-port” tfisser sistema elettronika li tiffaċilita l-iskambju ta’ informazzjoni operazzjonali u amministrattiva bejn atturi differenti f’port;

(5)“dikjarant” tfisser operatur ta’ vapur jew kwalunkwe persuna fiżika jew ġuridika suġġetta għall-obbligi ta’ rapportar;

(6)“fornitur ta’ servizz ta’ data” tfisser persuna fiżika jew ġuridika li tipprovdi servizzi ta’ informazzjoni u teknoloġija tal-komunikazzjoni lil dikjarant fir-rigward tal-obbligi ta’ rapportar.

Kapitolu II
Sett ta’ data EMSWe

Artikolu 3
Stabbiliment ta’ sett ta’ data EMSWe

1.Il-Kummissjoni għandha tipprovdi lista sħiħa ta’ elementi ta’ data (is-“sett ta’ data EMSWe”) abbażi tal-obbligi ta’ rapportar stabbiliti fl-atti legali tal-Unjoni u internazzjonali elenkati, u fil-leġiżlazzjoni nazzjonali msemmija, fl-Anness. Il-Kummissjoni għandha tiżgura li r-rekwiżiti komuni ta’ data, format u kodiċi stabbiliti fl-atti legali tal-Unjoni elenkati fl-Anness ikunu osservati.

2.Il-Kummissjoni għandu jkollha s-setgħa li tadotta atti delegati skont il-proċedura msemmija fl-Artikolu 18 sabiex tikkumplimenta dan ir-Regolament biex ikun stabbilit u emendat is-sett ta’ data EMSWe. L-att delegat li jintroduċi jew jemenda element ta’ data fis-sett ta’ data EMSWe, abbażi ta’ obbligu ta’ rapportar li jinsab fil-leġiżlazzjoni nazzjonali, għandu jinkludi referenza espliċita għal dik il-leġiżlazzjoni nazzjonali.

3.Stat Membru jista’ jitlob lill-Kummissjoni tintroduċi elementi ta’ data fis-sett ta’ data EMSWe, abbażi tal-obbligi ta’ rapportar li jinsabu fil-leġiżlazzjoni nazzjonali. Fi żmien mhux iktar minn sitt xhur mid-data tad-dħul ta’ dan ir-Regolament, l-Istati Membri għandhom jinnotifikaw lill-Kummissjoni bid-dispożizzjonijiet ta’ leġiżlazzjoni nazzjonali u obbligi ta’ rapportar korrispondenti, li għandhom elementi ta’ data li jridu jiġu inklużi fis-sett ta’ data EMSWe. Huma għandhom jidentifikaw b’mod preċiż dawk l-elementi ta’ data. Il-Kummissjoni għandha tevalwa l-ħtieġa li tintroduċi jew temenda element ta’ data fis-sett ta’ data EMSWe abbażi ta’ dawk in-notifiki.

4.Il-Kummissjoni għandu jkollha wkoll is-setgħa li tadotta atti delegati skont il-proċedura msemmija fl-Artikolu 18 sabiex temenda l-Anness biex tagħmel jew tadatta referenza għal obbligu ta’ rapportar f’att legali tal-Unjoni jew internazzjonali jew referenza għal-leġiżlazzjoni nazzjonali.

Artikolu 4
Talbiet għal informazzjoni oħra

1.Fejn Stat Membru jkun beħsiebu jintroduċi jew jemenda obbligu ta’ rapportar, taħt il-leġiżlazzjoni nazzjonali tiegħu, li jkun jinvolvi l-forniment ta’ informazzjoni oħra minbarra dik inkluża fis-sett ta’ data EMSWe, dak l-Istat Membru għandu jinnotifika immedjatament lill-Kummissjoni. F’din in-notifika, l-Istat Membru għandu jidentifika b’mod preċiż l-informazzjoni li mhijiex koperta bis-sett ta’ data EMSWe, u għandu jindika l-perjodu ta’ żmien maħsub għall-applikazzjoni tal-obbligu ta’ rapportar inkwistjoni.

2.Il-Kummissjoni għandha tevalwa l-ħtieġa li temenda s-sett ta’ data EMSWe skont l-Artikolu 3(2).

Kapitolu III
Għoti ta’ informazzjoni

Artikolu 5
Single Windows Nazzjonali

1.Kull Stat Membru għandu jistabbilixxi Single Window Nazzjonali, fejn, skont dan ir-Regolament u mingħajr preġudizzju għall-Artikolu 6, l-informazzjoni kollha meħtieġa għat-twettiq tal-obbligi tar-rapportar għandha tingħata darba, permezz ta’ u skont is-sett ta’ data EMSWe, sabiex din l-informazzjoni tkun disponibbli għall-awtoritajiet rilevanti tal-Istati Membri.

L-Istati Membri għandhom ikunu responsabbli għall-iżvilupp, id-disponibbiltà, il-manutenzjoni, is-sigurtà u l-operat tas-Single Windows Nazzjonali tagħhom.

2.Il-Kummissjoni għandha tiżviluppa u taġġorna modulu ta’ interfaċċa ta’ rapportar armonizzat għas-Single Windows Nazzjonali. Dan il-modulu għandu jinkludi l-possibbiltà li tkun skambjata informazzjoni bejn is-sistema ta’ informazzjoni użata mid-dikjarant u s-Single Window Nazzjonali.

3.L-Istati Membri għandhom jiżguraw:

(a)il-kompatibbiltà tas-Single Window Nazzjonali mal-modulu ta’ interfaċċa ta’ rapportar;

(b)l-integrazzjoni f’waqtha tal-modulu ta’ interfaċċa ta’ rapportar u kwalunkwe aġġornamenti sussegwenti skont id-dati tal-implimentazzjoni stabbiliti fl-att ta’ implimentazzjoni msemmi fil-paragrafu (11);

(c)konnessjoni mas-sistemi rilevanti tal-awtoritajiet kompetenti, sabiex ikun hemm it-trasferiment ta’ data, li għandha tkun rappurtata lil dawk l-awtoritajiet, permezz tas-Single Window Nazzjonali u lil dawn is-sistemi skont il-leġiżlazzjoni tal-Unjoni u nazzjonali, u b’konformità mal-ispeċifikazzjonijiet tekniċi ta’ dawn is-sistemi;

(d)il-provvista ta’ sit web ta’ għajnuna onlajn.

4.Is-Single Windows Nazzjonali għandhom jippermettu wkoll lid-dikjaranti jipprovdu informazzjoni permezz ta’ spreadsheets diġitali, armonizzati fil-livell tal-Unjoni, u għandhom jinkludu l-funzjoni li jkunu estratti elementi ta’ data ta’ rapportar minn dawk l-ispreadsheets.

5.L-Istati Membri għandhom jiżguraw li l-informazzjoni mitluba tasal għand l-awtoritajiet inkarigati mill-applikazzjoni tal-leġiżlazzjoni inkwistjoni, u hija limitata għall-ħtiġijiet ta’ kull waħda minn dawk l-awtoritajiet. X’ħin jagħmlu dan, l-Istati Membri għandhom jiżguraw konformità mar-rekwiżiti legali relatati mat-trażmissjoni ta’ informazzjoni, inkluż data personali, ipprovduta fl-atti legali tal-Unjoni elenkati fl-Anness u, fejn applikabbli, għandhom jużaw it-tekniki ta’ pproċessar ta’ data elettronika msemmija fl-Artikolu 6(1) tar-Regolament (UE) Nru 952/2013. Għandhom jiżguraw ukoll l-interoperabbiltà mas-sistemi tal-informazzjoni użati minn dawk l-awtoritajiet.

6.Is-Single Windows Nazzjonali għandhom jipprovdu l-possibbiltà teknika għad-dikjaranti li jagħmlu disponibbli informazzjoni rilevanti, b’mod separat, lil fornituri ta’ servizzi f’portijiet destinatarji.

7.Fejn Stat Membru ma għandux bżonn l-elementi kollha tas-sett ta’ data EMSWe għat-twettiq tal-formalitajiet ta’ rapportar, is-Single Window Nazzjonali għandha taċċetta sottomissjonijiet li huma limitati għall-elementi ta’ data mitluba minn dak l-Istat Membru. Għandha taċċetta wkoll sottomissjonijiet mid-dikjarant inkluż elementi ta’ data addizzjonali tas-sett ta’ data EMSWe.

8.Stat Membru għandu jaħżen l-informazzjoni sottomessa lis-Single Window Nazzjonali tiegħu għall-perjodu ta’ żmien meħtieġ biex jitwettqu r-rekwiżiti stabbiliti f’dan ir-Regolament u, fejn il-konformità mal-att legali tal-Unjoni elenkat fl-Anness tista’ tkun żgurata biss permezz ta’ ħażna fis-Single Window Nazzjonali, għall-perjodu ta’ żmien meħtieġ għall-konformità ma’ dawk l-atti. Huma għandhom iħassruha immedjatament wara.

9.Is-Single Windows Nazzjonali għandhom jagħmlu disponibbli pubblikament il-ħinijiet tal-wasla u tluq tal-vapuri, dawk stmati u reali, fil-format elettroniku armonizzat fil-livell tal-Unjoni.

10.Is-Single Windows Nazzjonali għandu jkollhom indirizz tal-internet u paġni web ta’ għajnuna uniformi, armonizzati fil-livell tal-Unjoni.

11.Il-Kummissjoni għandha tadotta, permezz ta’ atti ta’ implimentazzjoni:

(a)l-ispeċifikazzjonijiet funzjonali u tekniċi, mekkaniżmi ta’ kontroll ta’ kwalità u proċeduri għall-introduzzjoni, iż-żamma u l-użu ta’ modulu ta’ interfaċċa ta’ rapportar msemmi fil-paragrafu 2;

(b)l-ispreadsheet diġitali armonizzata msemmija fil-paragrafu 4;

(c)l-ispeċifikazzjonijiet tekniċi armonizzati sabiex tagħmel disponibbli l-ħinijiet tal-wasla u tluq msemmija fil-paragrafu 9;

(d)format uniformi għal indirizzi tal-internet u struttura armonizzata tal-websajt ta’ għajnuna, imsemmija fil-paragrafu 10.

Dawk l-atti ta’ implimentazzjoni għandhom ikunu adottati skont il-proċedura konsultattiva msemmija fl-Artikolu 19(2).

Il-Kummissjoni għandha temenda, permezz ta’ atti ta’ implimentazzjoni, l-ispeċifikazzjonijiet tekniċi, standards u proċeduri, sabiex tikkunsidra d-disponibbiltà ta’ teknoloġiji ġodda.

Artikolu 6
Mezzi oħra ta’ rapportar

1.Stati Membri jistgħu jippermettu lil dikjaranti jipprovdu l-informazzjoni permezz ta’ mezzi oħra ta’ rapportar, sakemm dawk il-mezzi huma volontarji għad-dikjaranti. F’dan il-każ, l-Istati Membri għandhom jiżguraw li dawk il-mezzi l-oħra jagħmlu disponibbli l-informazzjoni rilevanti għas-Single Window Nazzjonali.

2.L-Istati Membri għandhom jistabbilixxu mezzi alternattivi sabiex jipprovdu l-informazzjoni f’każ li s-sistemi elettroniċi msemmija fl-Artikolu 5, u fl-Artikoli 9 sa 12, ma jibqgħux jaħdmu b’mod temporanju.

3.Dan ir-Regolament ma jipprekludix l-iskambju ta’ informazzjoni bejn awtoritajiet doganali tal-Istati Membri jew bejn awtoritajiet doganali u operaturi ekonomiċi li jużaw tekniċi elettroniċi ta’ pproċessar ta’ data msemmija fl-Artikolu 6(1) tar-Regolament (UE) 952/2013.

Artikolu 7
Prinċipju ta’ darba biss

1.Mingħajr preġudizzju għall-Artikolu 6(3), l-Istati Membri għandhom jiżguraw li d-dikjarant jintalab jipprovdi l-informazzjoni skont dan ir-Regolament darba biss għal kull waqfa f’port u li l-informazzjoni rilevanti ssir disponibbli jew terġa’ tintuża skont il-paragrafu 2.

2.L-Istati Membri għandhom jiżguraw li:

(a)l-informazzjoni ta’ identifikazzjoni u l-partikolaritajiet tal-vapur li tingħata lil Single Window Nazzjonali jkunu rreġistrati fil-bażi ta’ data tal-vapuri EMSWe msemmija fl-Artikolu 10 u ma terġa’ tintalab għal ebda waqfa sussegwenti f’port fl-Unjoni;

(b)kwalunkwe informazzjoni rilevanti riċevuta skont dan ir-Regolament issir disponibbli lil Single Windows Nazzjonali oħra permezz tas-sistema SafeSeaNet skont ir-rekwiżiti tekniċi stabbiliti fid-Direttiva 2002/59/KE;

(c)informazzjoni ta’ rapportar ipprovduta fit-tluq minn port fl-Unjoni ma għandhiex terġa’ tintalab matul il-vjaġġ jew mal-wasla fil-port li jmiss tal-Unjoni, dment li l-vapur ma jkunx daħal f’port barra mill-Unjoni matul il-vjaġġ. Dan il-punt ma għandux japplika għal informazzjoni riċevuta skont ir-Regolament (UE) Nru 952/2013, ħlief jekk din il-possibbiltà hija prevista f’dak ir-Regolament;

(d)l-informazzjoni rilevanti tad-Dikjarazzjoni Sommarja tad-Dħul imsemmija fl-Artikolu 127 tar-Regolament (UE) Nru 952/2013 issir disponibbli għas-Single Windows Nazzjonali bħala referenza u, fejn adattat, tintuża mill-ġdid għal obbligi oħra ta’ rapportar elenkati fl-Anness.

3.Id-dikjarant għandu jkun responsabbli sabiex jiżgura s-sottomissjoni fil-ħin, b’mod korrett u komplet tal-informazzjoni pprovduta skont dan ir-Regolament, u l-konformità tagħha ma’ kwalunkwe rekwiżit tekniku tas-Single Windows Nazzjonali. Id-dikjarant għandu jibqa’ responsabbli sabiex jaġġorna kwalunkwe informazzjoni, jekk tinbidel wara s-sottomissjoni.

4.Il-Kummissjoni għandha tadotta, permezz ta’ atti ta’ implimentazzjoni, il-listi ta’ informazzjoni rilevanti msemmija fil-punti (b), (c) u (d) tal-paragrafu 2. Dawk l-atti ta’ implimentazzjoni għandhom ikunu adottati skont il-proċedura konsultattiva msemmija fl-Artikolu 19(2).

Artikolu 8
Kunfidenzjalità

L-Istati Membri għandhom, skont il-leġiżlazzjoni nazzjonali jew tal-Unjoni applikabbli, jieħdu l-miżuri meħtieġa biex tkun żgurata l-kunfidenzjalità tal-informazzjoni kummerċjali u informazzjoni sensittiva oħra skambjata skont dan ir-Regolament.

Kapitolu IV
Servizzi komuni

Artikolu 9
Sistema ta’ ġestjoni ta’ utent u ta’ aċċess EMSWe

1.Il-Kummissjoni għandha tistabbilixxi sistema komuni ta’ ġestjoni tal-utenti u ta’ aċċess għal dikjaranti u fornituri ta’ servizzi ta’ data li jużaw is-Single Windows Nazzjonali, kif ukoll għall-awtoritajiet li jaċċessaw is-Single Windows Nazzjonali. Is-sistema għandha tipprevedi r-reġistrazzjoni ta’ utent wieħed b’rikonoxximent fil-livell tal-UE, ġestjoni federata tal-utenti u monitoraġġ tal-utenti fil-livell tal-UE.

2.Sabiex jaċċedi għas-Single Windows Nazzjonali fi Stati Membri differenti, dikjarant jew fornitur ta’ servizz ta’ data rreġistrat fis-sistema ta’ ġestjoni tal-utenti u ta’ aċċess EMSWe għandu jitqies bħala rreġistrat fis-Single Windows Nazzjonali fl-Istati Membri kollha.

3.Kull Stat Membru għandu jaħtar lill-awtorità nazzjonali responsabbli mill-ġestjoni tal-utenti ta’ dikjaranti u ta’ fornituri ta’ servizzi ta’ data, inkluż għar-reġistrazzjoni ta’ utenti ġodda, il-bdil jew it-terminazzjoni ta’ kontijiet eżistenti tal-istrument ta’ awtentikazzjoni tal-utenti.

4.Il-Kummissjoni għandha tadotta, permezz ta’ atti ta’ implimentazzjoni, l-ispeċifikazzjonijiet tekniċi, standards u proċeduri sabiex ikun stabbilit l-istrument imsemmi fil-paragrafu 1 għall-ġbir, ħażna u provvista ta’ kredenzjali ta’ utent. Dawk l-atti ta’ implimentazzjoni għandhom ikunu adottati skont il-proċedura konsultattiva msemmija fl-Artikolu 19(2).

Artikolu 10
Bażi ta’ data ta’ vapuri EMSWe

1.Skont il-punt (a) tal-Artikolu 7(2), il-Kummissjoni għandha tistabbilixxi bażi ta’ data ta’ vapuri EMSWe li jkun fiha lista ta’ informazzjoni ta’ identifikazzjoni ta’ vapuri u partikolaritajiet kif ukoll rekords ta’ eżenzjonijiet tal-vapuri minn rapportar.

2.L-Istati Membri għandhom jiżguraw l-għoti ta’ partikolaritajiet ġodda ta’ vapuri lil bażi ta’ data ta’ vapuri EMSWe u d-disponibbiltà ta’ din l-informazzjoni sabiex ikun iffaċilitat ir-rapportar tal-vapuri.

3.Il-Kummissjoni għandha tadotta, permezz ta’ atti ta’ implimentazzjoni, l-ispeċifikazzjonijiet tekniċi, standards u proċeduri għat-twaqqif tal-bażi ta’ data msemmija fil-paragrafu 1 għall-ġbir, ħażna u provvista tal-partikolaritajiet tal-vapuri u eżenzjonijiet. Dawk l-atti ta’ implimentazzjoni għandhom ikunu adottati skont il-proċedura konsultattiva msemmija fl-Artikolu 19(2).

Artikolu 11
Bażi ta’ data Komuni ta’ Lokalizzazzjoni

1.Il-Kummissjoni għandha tistabbilixxi bażi ta’ data komuni ta’ lokalizzazzjoni li jkun fiha lista ta’ referenza ta’ kodiċijiet ta’ lokalizzazzjoni 14 u kodiċijiet ta’ faċilità tal-port kif reġistrati fil-bażi ta’ data tal-IMO GISIS.

2.L-Istati Membri għandhom jagħmlu l-informazzjoni mill-bażi ta’ data ta’ lokalizzazzjoni disponibbli fil-livell nazzjonali permezz tas-Single Windows Nazzjonali.

3.Il-Kummissjoni għandha tadotta, permezz ta’ atti ta’ implimentazzjoni, l-ispeċifikazzjonijiet tekniċi, standards u proċeduri għall-istabbiliment tal-bażi ta’ data komuni ta’ lokalizzazzjoni msemmija fil-paragrafu 1 għall-ġbir, ħażna u provvista tal-kodiċijiet ta’ lokalizzazzjoni u ta’ faċilità tal-port. Dawk l-atti ta’ implimentazzjoni għandhom ikunu adottati skont il-proċedura konsultattiva msemmija fl-Artikolu 19(2).

Artikolu 12
Bażi ta’ data Komuni tal-Hazmat

1.Il-Kummissjoni għandha tistabbilixxi bażi ta’ data komuni tal-hazmat (materjal perikoluż) li jkun fiha lista ta’ merkanzija perikoluża u ta’ tniġġis li għandha tkun innotifikata skont id-Direttiva 2002/59/KE 15 u fil-Formola 7 tal-IMO FAL, filwaqt li tikkunsidra l-elementi ta’ data rilevanti mill-Konvenzjonijiet u Kodiċijiet tal-IMO.

2.Il-bażi ta’ data għandha tkun konnessa mal-entitajiet rilevanti fil-bażi ta’ data MAR-CIS kif żviluppata mill-Aġenzija Ewropea għas-Sigurtà Marittima għal informazzjoni dwar perikoli u riskji assoċjati mal-merkanzija perikoluża u ta’ tniġġis.

3.Il-bażi ta’ data għandha tintuża kemm bħala referenza kif ukoll bħala għodda ta’ verifika, fil-livell nazzjonali u tal-Unjoni, matul il-proċess ta’ rapportar permezz tas-Single Windows Nazzjonali.

4.L-Istati Membri għandhom jagħmlu l-informazzjoni mill-bażi ta’ data komuni tal-hazmat disponibbli fil-livell nazzjonali permezz tas-Single Windows Nazzjonali.

5.Il-Kummissjoni għandha tadotta, permezz ta’ atti ta’ implimentazzjoni, l-ispeċifikazzjonijiet tekniċi, standards u proċeduri għall-istabbiliment tal-bażi ta’ data komuni hazmat imsemmija fil-paragrafu 1 għall-ġbir, ħażna u provvista tal-informazzjoni ta’ referenza hazmat. Dawk l-atti ta’ implimentazzjoni għandhom ikunu adottati skont il-proċedura konsultattiva msemmija fl-Artikolu 19(2).

Kapitolu V
Koordinazzjoni tal-attivitajiet EMSWe

Artikolu 13
Koordinaturi nazzjonali

Kull Stat Membru għandu jaħtar awtorità kompetenti biex taġixxi bħala koordinatur nazzjonali għall-EMSWe. Il-koordinatur nazzjonali għandu:

(a)jaġixxi bħala punt ta’ kuntatt nazzjonali għall-kwistjonijiet kollha relatati mal-implimentazzjoni ta’ dan ir-Regolament;

(b)jikkoordina l-applikazzjoni ta’ dan ir-Regolament mill-awtoritajiet nazzjonali kompetenti fi ħdan Stat Membru;

(c)jikkoordina l-attivitajiet immirati sabiex jiżguraw il-konnessjoni mas-sistemi rilevanti tal-awtoritajiet kompetenti kif imsemmija fl-Artikolu 5(3)(c);

(d)jaġixxi bħala punt ta’ kuntatt wieħed mal-Kummissjoni għall-kwistjonijiet kollha relatati mal-EMSWe.

Artikolu 14
Pjan ta’ Implimentazzjoni Pluriennali

Sabiex tiffaċilita l-implimentazzjoni f’waqtha ta’ dan ir-Regolament, il-Kummissjoni għandha tadotta, wara l-konsultazzjonijiet adattati ma’ esperti, pjan ta’ implimentazzjoni pluriennali (MIP) rivedut kull sena li għandu jipprovdi:

(a)pjan ta’ żvilupp għall-iżvilupp u l-aġġornar tal-modulu ta’ interfaċċa ta’ rapportar previst fit-18-il xahar ta’ wara;

(b)skadenzi indikattivi għall-Istati Membri għall-integrazzjoni sussegwenti tal-modulu ta’ interfaċċa ta’ rapportar mas-Single Windows Nazzjonali;

(c)perjodi ta’ ttestjar għall-Istati Membri u d-dikjaranti sabiex jittestjaw il-konnessjoni tagħhom ma’ kwalunkwe verżjoni ġdida tal-modulu ta’ interfaċċa;

(d)skadenzi indikattivi għall-eliminazzjoni gradwali tal-verżjonijiet iktar antiki tal-modulu ta’ interfaċċa għall-Istati Membri u d-dikjaranti.

Kapitolu VI
Dispożizzjonijiet finali

Artikolu 15
Spejjeż

Il-baġit ġenerali tal-Unjoni Ewropea għandu jkopri l-ispejjeż ta’:

(a)l-iżvilupp u l-manutenzjoni tal-għodod tal-ICT li jappoġġaw l-implimentazzjoni ta’ dan ir-Regolament fil-livell tal-Unjoni;

(b)il-promozzjoni tal-EMSWe fil-livell tal-Unjoni u fl-organizzazzjonijiet internazzjonali rilevanti.

Artikolu 16
Kooperazzjoni ma’ sistemi jew servizzi oħra li jiffaċilitaw il-kummerċ u t-trasport

Fejn ikunu nħolqu sistemi jew servizzi li jiffaċilitaw il-kummerċ u t-trasport permezz ta’ atti legali oħra tal-Unjoni, il-Kummissjoni għandha tikkoordina l-attivitajiet relatati ma’ dawk is-sistemi jew servizzi bil-għan li jkun hemm sinerġiji u tkun evitata duplikazzjoni.

Artikolu 17
Reviżjoni u rapport

1.L-Istati Membri għandhom jiżguraw li huma stabbiliti proċeduri għall-ġbir ta’ data, inkluża statistika, billi jintużaw, fost l-oħrajn, stħarriġ dwar il-funzjonament tal-EMSWe, u għandhom jirrappurtaw il-konstatazzjonijiet tagħhom lill-Kummissjoni. Ir-rapport għandu jinkludi l-indikaturi li ġejjin:

(a)l-implimentazzjoni tas-sett ta’ data armonizzat;

(b)l-installazzjoni tas-softwer tal-portal tar-rapportar armonizzat;

(c)l-użu ta’ sistemi oħra ta’ rapportar kif imsemmija fil-paragrafi 1 u 2 tal-Artikolu 6;

(d)talbiet oħra għal informazzjoni kif imsemmija fl-Artikolu 4.

2.L-Istati Membri għandhom jorganizzaw il-ġbir u l-produzzjoni tad-data meħtieġa sabiex jitkejlu l-indikaturi msemmija fil-paragrafu 1, u għandhom jagħtu l-informazzjoni lill-Kummissjoni darbtejn fis-sena.

Sa mhux aktar tard minn sitt snin wara d-dħul fis-seħħ tar-Regolament, il-Kummissjoni għandha tissottometti lill-Parlament Ewropew u lill-Kunsill rapport ta’ valutazzjoni dwar il-funzjonament tal-EMSWe fuq il-bażi tad-data u tal-istatistika miġbura. Ir-rapport ta’ valutazzjoni għandu jinkludi, fejn meħtieġ, evalwazzjoni ta’ teknoloġiji emerġenti, li jistgħu jwasslu għal bidliet jew sostituzzjoni tal-modulu ta’ interfaċċa ta’ rapportar.

Artikolu 18
Eżerċitar tad-delega

1.Is-setgħa li tadotta atti delegati hija mogħtija lill-Kummissjoni soġġetta għall-kundizzjonijiet stabbiliti f’dan l-Artikolu.

2.Is-setgħa li jkunu adottati atti delegati msemmija fl-Artikolu 3 għandha tingħata lill-Kummissjoni għal perjodu ta’ ħames snin mid-data tad-dħul fis-seħħ ta’ dan ir-Regolament. Il-Kummissjoni għandha tfassal rapport dwar id-delega tas-setgħa sa mhux aktar tard minn disa’ xhur qabel it-tmiem tal-perjodu ta’ ħames snin. Id-delega tas-setgħa għandha tkun estiża b’mod taċitu għal perjodi tal-istess tul, sakemm il-Parlament Ewropew jew il-Kunsill ma jopponux tali estensjoni sa mhux aktar tard minn tliet xhur qabel it-tmiem ta’ kull perjodu.

3.Il-Parlament Ewropew jew il-Kunsill jistgħu jirrevokaw id-delega tas-setgħa msemmija fl-Artikolu 3 f’kull mument. Deċiżjoni ta’ revoka għandha ttemm id-delega tas-setgħa speċifikata f’dik id-deċiżjoni. Għandha tidħol fis-seħħ l-għada tal-pubblikazzjoni tagħha f’Il-Ġurnal Uffiċjali tal-Unjoni Ewropea jew f’data iktar tard speċifikata fiha. M’għandha taffettwa l-validità ta’ ebda att iddelegat diġà fis-seħħ.

4.Qabel ma tadotta att delegat, il-Kummissjoni għandha tikkonsulta lill-esperti nazzjonali maħturin minn kull Stat Membru skont il-prinċipji stabbiliti fil-Ftehim Interistituzzjonali dwar it-Tfassil Aħjar tal-Liġijiet tat-13 ta’ April 2016.

5.Malli tadotta att ta’ delega, il-Kummissjoni għandha tinforma lill-Parlament Ewropew u lill-Kunsill fl-istess ħin.

6.Att delegat adottat skont l-Artikolu 3 għandu jidħol fis-seħħ biss jekk ma tkun saret l-ebda oġġezzjoni la mill-Parlament Ewropew u lanqas mill-Kunsill fi żmien xahrejn wara n-notifika ta’ dak l-att lill-Parlament Ewropew u lill-Kunsill, jew jekk, qabel ma jiskadi dak il-perjodu, il-Parlament Ewropew u l-Kunsill ikunu t-tnejn infurmaw lill-Kummissjoni li ma jkunux se joġġezzjonaw. Dak il-perjodu għandu jkun estiż b’xahrejn fuq l-inizjattiva tal-Parlament Ewropew jew tal-Kunsill.

Artikolu 19
Proċedura ta’ kumitat

1.Il-Kummissjoni għandha tkun assistita mill-Kumitat tat-Trasport Diġitali u Faċilitizzazzjoni tal-Kummerċ. Dak il-Kumitat għandu jkun kumitat skont it-tifsira tar-Regolament (UE) Nru 182/2011 16 .

2.Fejn issir referenza għal dan il-paragrafu, għandu japplika l-Artikolu 4 tar-Regolament (UE) Nru 182/2011.

3.Fejn issir referenza għal dan il-paragrafu, għandu japplika l-Artikolu 5 tar-Regolament (UE) Nru 182/2011.

Artikolu 20
Tħassir tad-Direttiva 2010/65/UE

Id-Direttiva 2010/65/UE għandha titħassar mid-data tal-applikazzjoni ta’ dan ir-Regolament.

Ir-referenzi għad-Direttiva 2010/65/UE għandhom jinftiehmu bħala referenzi għal dan ir-Regolament.

Artikolu 21
Dħul fis-seħħ

1.Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.

2.Għandu japplika minn [OP- insert four years after entry into force of this Regulation].

3.Il-funzjonalitajiet imsemmija fil-punt (d) tal-Artikolu 7(2) u dawk relatati mal-formalitajiet speċifikati fil-punt 7 tal-Parti A tal-Anness għandhom ikunu effettivi meta s-sistemi elettroniċi msemmija fl-Artikolu 6(1) tar-Regolament (UE) Nru 952/2013 li huma meħtieġa għall-applikazzjoni ta’ dawk il-formalitajiet huma operazzjonali, skont il-programm ta’ ħidma stabbilit mill-Kummissjoni skont l-Artikoli 280 u 281 tar-Regolament (UE) Nru 952/2013.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussell,

DIKJARAZZJONI FINANZJARJA LEĠIŻLATTIVA

1.QAFAS TAL-PROPOSTA/INIZJATTIVA

1.1.Titolu tal-proposta/inizjattiva

1.2.Qasam/oqsma tal-politika kkonċernat(i)

1.3.Natura tal-proposta/inizjattiva

1.4.Għan(ijiet)

1.5.Raġunijiet għall-proposta/inizjattiva

1.6.Tul taż-żmien u impatt finanzjarju

1.7.Metodu/i ta’ ġestjoni ppjanat(i)

2.MIŻURI TA’ ĠESTJONI

2.1.Regoli tal-monitoraġġ u tar-rapportar

2.2.Sistema ta’ ġestjoni u kontroll

2.3.Miżuri għall-prevenzjoni ta’ frodi u irregolaritajiet

3.IMPATT FINANZJARJU SMAT TAL-PROPOSTA/INIZJATTIVA

3.1.Intestatura/i tal-qafas finanzjarju pluriennali u tal-linja/i baġitarja/i tan-nefqa affettwati

3.2.Impatt stmat fuq in-nefqa 

3.2.1.Sommarju tal-impatt stmat fuq in-nefqa

3.2.2.Impatt stmat fuq l-approprjazzjonijiet operazzjonali

3.2.3.Impatt stmat fuq l-approprjazzjonijiet ta’ natura amministrattiva

3.2.4.Kompatibbiltà mal-qafas finanzjarju pluriennali attwali

3.2.5.Kontribuzzjonijiet mingħand partijiet terzi

3.3.Impatt stmat fuq id-dħul

DIKJARAZZJONI FINANZJARJA LEĠIŻLATTIVA

1.QAFAS TAL-PROPOSTA/INIZJATTIVA

1.1.Titolu tal-proposta/inizjattiva

1.2.Qasam/oqsma tal-politika kkonċernat(i) 

1.3.Natura tal-proposta/inizjattiva

◻ Il-proposta/inizjattiva hija relatata ma’ azzjoni ġdida 

◻ Il-proposta/inizjattiva hija relatata ma’ azzjoni ġdida li ssegwi proġett pilota/azzjoni preparatorja 17  

X Il-proposta/inizjattiva tirrigwarda l-estensjoni ta’ azzjoni eżistenti 

◻ Il-proposta/inizjattiva għandha x’taqsam ma’ azzjoni diretta mill-ġdid lejn azzjoni ġdida 

1.4.Għan(ijiet)

1.4.1.L-għan(ijiet) strateġiku/strateġiċi pluriennali tal-Kummissjoni fil-mira tal-proposta/inizjattiva

1.4.2.Għan(ijiet) speċifiku/speċifiċi

1.4.3.Riżultat(i) u impatt mistennija

Speċifika l-effetti li l-proposta/inizjattiva jeħtieġ tħalli fuq il-benefiċċjarji/gruppi fil-mira.

1.4.4.Indikaturi tar-riżultati u tal-impatt

Speċifika l-indikaturi għall-monitoraġġ tal-implimentazzjoni tal-proposta/inizjattiva.

1.5.Raġunijiet għall-proposta/inizjattiva

1.5.1.Rekwiżiti li jridu jkunu ssodisfati f’terminu ta’ żmien qasir jew twil

1.5.2.Il-valur miżjud tal-involviment tal-Unjoni (jista’ jirriżulta minn fatturi differenti, eż. gwadann mill-koordinazzjoni, ċertezza legali, effettività akbar jew kumplimentarjetajiet). Għall-finijiet ta’ dan il-punt, “il-valur miżjud tal-involviment tal-Unjoni” huwa l-valur li jirriżulta mill-intervent tal-Unjoni li huwa addizzjonali għall-valur li inkella kien jinħoloq mill-Istati Membri weħidhom.

1.5.3.Tagħlimiet miksuba minn esperjenzi simili fil-passat

1.5.4.Kompatibbiltà u sinerġija possibbli ma’ strumenti adegwati oħra

1.6.Tul taż-żmien u impatt finanzjarju

◻ Proposta/inizjattiva ta’ tul ta’ żmien limitat

–◻    Proposta/inizjattiva fis-seħħ minn [JJ/XX]SSSS sa [JJ/XX]SSSS

–◻    Impatt finanzjarju minn SSSS sa SSSS

X Proposta/inizjattiva ta’ tul ta’ żmien mhux limitat

–Implimentazzjoni b’perjodu ta’ bidu mill-2020 sal-2027,

–u wara dan jibda l-operat sħiħ.

1.7.Metodu/i ta’ ġestjoni ppjanat(i)

X Ġestjoni diretta mill-Kummissjoni

–X mid-dipartimenti tagħha, inkluż mill-persunal tagħha fid-delegazzjonijiet tal-Unjoni;

–◻    mill-aġenziji eżekuttivi

◻ Ġestjoni kondiviża mal-Istati Membri

◻ Ġestjoni indiretta billi jkunu fdati kompiti ta’ implimentazzjoni baġitarja lil:

–◻ pajjiżi terzi jew il-korpi maħtura minnhom;

–◻ organizzazzjonijiet internazzjonali u l-aġenziji tagħhom (li jridu jkunu speċifikati);

–◻ il-BEI u l-Fond Ewropew tal-Investiment;

–◻ il-korpi li jissemmew fl-Artikoli 208 u 209 tar-Regolament Finanzjarju;

–◻ korpi rregolati bil-liġi pubblika;

–◻ korpi rregolati bil-liġi privata b’missjoni ta’ servizz pubbliku sakemm dawn jipprovdu garanziji finanzjarji adegwati;

–◻ korpi rregolati bil-liġi privata ta’ Stat Membru li huma fdati bl-implimentazzjoni ta’ sħubija pubblika privata u li jipprovdu garanziji finanzjarji adegwati;

–◻ persuni fdati bl-implimentazzjoni ta’ azzjonijiet speċifiċi fil-PESK skont it-Titolu V tat-TUE, u identifikati fl-att bażiku rilevanti.

–Jekk ikun indikat iżjed minn mod wieħed ta’ ġestjoni, jekk jogħġbok ipprovdi d-dettalji fit-taqsima “Kummenti”.

Kummenti

2.MIŻURI TA’ ĠESTJONI

2.1.Regoli tal-monitoraġġ u tar-rapportar

Speċifika l-frekwenza u l-kundizzjonijiet

2.2.Sistema/i ta’ ġestjoni u kontroll

2.2.1.Ġustifikazzjoni tal-mod(i) ta’ ġestjoni, il-mekkaniżmi għall-implimentazzjoni tal-finanzjament, il-modalitajiet ta’ ħlas u l-istrateġija ta’ kontroll proposta

2.2.2.Informazzjoni dwar ir-riskji identifikati u s-sistema/i interni ta’ kontroll stabbiliti għall-mitigazzjoni tagħhom

2.2.3.Stima u ġustifikazzjoni tal-kosteffettività tal-kontrolli (proporzjon tal-“kostijiet tal-kontrolli ÷ il-valur tal-fondi relatati ġestiti”), u valutazzjoni tal-livelli mistennija tar-riskju ta’ żball (mal-ħlas u fl-għeluq)

2.3.Miżuri għall-prevenzjoni ta’ frodi u irregolaritajiet

Speċifika l-miżuri ta’ prevenzjoni u ta’ protezzjoni eżistenti jew previsti, eż. mill-Istrateġija Kontra l-Frodi.

-    

.

3.IMPATT FINANZJARJU SMAT TAL-PROPOSTA/INIZJATTIVA

3.1.Intestatura/i tal-qafas finanzjarju pluriennali u tal-linja/i baġitarja/i tan-nefqa affettwati

·Linji baġitarji eżistenti

Fl-ordni tal-intestaturi tal-qafas finanzjarju pluriennali u linji baġitarji.

·Linji baġitarji ġodda mitluba: N/A

Fl-ordni tal-intestaturi tal-qafas finanzjarju pluriennali u linji baġitarji.

3.2.Impatt stmat fuq in-nefqa

3.2.1.Sommarju tal-impatt stmat fuq in-nefqa

L-impenji proposti għall-2020 (EUR 4.339 miljun) se jkunu koperti bl-allokazzjoni diġà prevista fil-Programm Finanzjarju għall-2020.

N.B. L-impatt stmat fuq in-nefqa u l-persunal għas-snin 2021 u dawk sussegwenti f’din id-Dikjarazzjoni Finanzjarja Leġiżlattiva hu miżjud bħala eżempju u ma jippreġudikax il-proposti futuri tal-Kummissjoni dwar il-qafas finanzjarju pluriennali li jmiss, inkluż fir-rigward tas-sors tal-fondi ta’ din l-inizjattiva.

EUR miljun (sa tliet punti deċimali)

Jekk il-proposta/inizjattiva taffettwa iżjed minn intestatura waħda: N/A

EUR miljun (sa tliet punti deċimali)

EUR miljun (sa tliet punti deċimali)

3.2.2.Impatt stmat fuq l-approprjazzjonijiet operazzjonali

–◻    Il-proposta/inizjattiva ma teħtieġx l-użu ta’ approprjazzjonijiet operazzjonali

–X    Il-proposta/inizjattiva teħtieġ l-użu ta’ approprjazzjonijiet operazzjonali, kif spjegat hawn taħt:

Approprjazzjonijiet ta’ impenn f’miljuni ta’ EUR (aġġustati għal tliet pożizzjonijiet deċimali)

3.2.3.Impatt stmat fuq l-approprjazzjonijiet ta’ natura amministrattiva

3.2.3.1.Sommarju

–◻    Il-proposta/inizjattiva ma teħtieġx l-użu ta’ approprjazzjonijiet ta’ natura amministrattiva

–X    Il-proposta/l-inizjattiva teħtieġ l-użu ta’ approprjazzjonijiet ta’ natura amministrattiva, kif spjegat hawn taħt:

EUR miljun (sa tliet punti deċimali)

L-approprjazzjonijiet meħtieġa għar-riżorsi umani u għal infiq ieħor ta’ natura amministrattiva se jkunu koperti b’approprjazzjonijiet mid-DĠ li diġà kienu assenjati għall-ġestjoni tal-azzjoni u/jew kienu ġew riassenjati fid-DĠ, flimkien, jekk dan ikun meħtieġ, ma’ xi allokazzjoni addizzjonali li tista’ tingħata lid-DĠ tal-ġestjoni skont il-proċedura annwali ta’ allokazzjoni u fid-dawl tal-limitazzjonijiet baġitarji.

3.2.3.2.Rekwiżiti stmati tar-riżorsi umani

–◻    Il-proposta/inizjattiva ma teħtieġx l-użu ta’ riżorsi umani.

–X    Il-proposta/inizjattiva teħtieġ l-użu ta’ riżorsi umani, kif spjegat hawn taħt:

Stima li trid tingħata f’unitajiet ekwivalenti għall-fulltime

XX hu l-qasam ta’ politika jew it-titolu baġitarju kkonċernat.

Ir-riżorsi umani meħtieġa se jkunu koperti mill-persunal tad-DĠ li diġà kien assenjat għall-ġestjoni tal-azzjoni u/jew li diġà kien ġie riassenjat fid-DĠ, flimkien, jekk ikun meħtieġ, ma’ xi allokazzjoni addizzjonali li tista’ tingħata lid-DĠ li jiġġestixxi skont il-proċedura annwali ta’ allokazzjoni u fid-dawl tal-limitazzjonijiet baġitarji.

Deskrizzjoni tal-kompiti li għandhom jitwettqu:

3.2.4.Kompatibbiltà mal-qafas finanzjarju pluriennali attwali

–X    Il-proposta/inizjattiva hija kompatibbli mal-qafas finanzjarju pluriennali attwali.

–◻    Il-proposta/inizjattiva se tkun tinvolvi riprogrammazzjoni tal-intestatura rilevanti fil-qafas finanzjarju pluriennali.

–◻    Il-proposta/inizjattiva teħtieġ l-applikazzjoni tal-istrument ta’ flessibbiltà jew ir-reviżjoni tal-qafas finanzjarju pluriennali.

3.2.5.Kontribuzzjonijiet mingħand partijiet terzi

–Il-proposta/inizjattiva ma tipprevedix kofinanzjament minn partijiet terzi.

3.3.Impatt stmat fuq id-dħul

–X    Il-proposta/l-inizjattiva ma għandha l-ebda impatt finanzjarju fuq id-dħul.

–◻    Il-proposta/inizjattiva għandha l-impatt finanzjarju li ġej:

fuq ir-riżorsi proprji

fuq id-dħul mixxellanju

EUR miljun (sa tliet punti deċimali)

Għad-dħul “assenjat” mixxellanju, speċifika l-linja/i baġitarja/i tan-nefqa affettwata/i.

Speċifika l-metodu biex jiġi kkalkolat l-impatt fuq id-dħul.

(1)    Id-Dikjarazzjoni tal-Belt Valletta: Prijoritajiet għall-politika tat-trasport marittimu tal-UE sal-2020: Kompetittività, Dekarbonizzazzjoni, Diġitalizzazzjoni biex jiġu żgurati l-konnettività globali, suq intern effiċjenti u settur marittimu ta’ livell dinji, il-Belt Valletta, id-29 ta’ Marzu 2017, https://www.eu2017.mt/en/Documents/Valletta_Declaration_on_the_EU_maritime_transport_policy.pdf

(2)    Il-Konklużjonijiet tal-Kunsill dwar Prijoritajiet għall-politika tat-trasport marittimu tal-UE sal-2020: Kompetittività, Dekarbonizzazzjoni, Diġitalizzazzjoni biex jiġu żgurati l-konnettività globali, suq intern effiċjenti u settur marittimu ta’ livell dinji, adottati mill-Kunsill fit-3545 laqgħa tiegħu fit-8 ta’ Ġunju 2017, http://data.consilium.europa.eu/doc/document/ST-9976-2017-INIT/mt/pdf

(3)    Il-Konklużjonijiet tal-Kunsill dwar id-diġitalizzazzjoni tat-trasport, adottati mill-Kunsill fit-3581 laqgħa tiegħu fil-5 ta’ Diċembru 2017, http://data.consilium.europa.eu/doc/document/ST-15431-2017-INIT/mt/pdf

(4)    Id-Direttiva 2002/59/KE tal-Parlament Ewropew u tal-Kunsill tas-27 ta’ Ġunju 2002 li tistabbilixxi sistema għall-monitoraġġ u l-informazzjoni dwar it-traffiku tal-bastimenti fil-Komunità (ĠU L 208, 5.8.2002, p. 10).

(5)    http://ec.europa.eu/social/main.jsp?catId=480&langId=en&intPageId=1844

(6)    http://ec.europa.eu/transparency/regdoc/?fuseaction=ia&year=&serviceId=10305&s=Search

(7)    ĠU C , , p. .

(8)    ĠU C , , p. .

(9)    Id-Direttiva tal-Parlament Ewropew u tal-Kunsill 2010/65/UE tal-20 ta’ Ottubru 2010 dwar il-formalitajiet ta’ rappurtar għal bastimenti li jaslu fi u/jew jitilqu minn portijiet tal-Istati Membri u li tħassar id-Direttiva 2002/6/KE (ĠU L 283, 29.10.2010, p. 1).

(10)    Il-Konvenzjoni tal-Organizzazzjoni Marittima Internazzjonali dwar il-Faċilitazzjoni tat-Traffiku Marittimu Internazzjonali (il-“Konvenzjoni FAL”), adottata fid-9 ta’ April 1965 u emendata fit-8 ta’ April 2016, Standard 1.1.

(11)    Ir-Regolament (UE) Nru 182/2011 tal-Parlament Ewropew u tal-Kunsill tas-16 ta’ Frar 2011 li jistabbilixxi r-regoli u l-prinċipji ġenerali dwar il-modalitajiet ta’ kontroll mill-Istati Membri tal-eżerċizzju mill-Kummissjoni tas-setgħat ta’ implimentazzjoni (ĠU L 55, 28.2.2011, p. 13).

(12)    Ir-Regolament (UE) Nru 910/2014 tal-Parlament Ewropew u tal-Kunsill tat-23 ta’ Lulju 2014 dwar l-identifikazzjoni elettronika u s-servizzi fiduċjarji għal tranżazzjonijiet elettroniċi fis-suq intern u li jħassar id-Direttiva 1999/93/KE (ĠU L 257, 28.8.2014, p. 73-114).

(13)    Ir-Regolament (KE) Nru 45/2001 tal-Parlament Ewropew u tal-Kunsill tat-18 ta’ Diċembru 2000 dwar il-protezzjoni tal-individwi fir-rigward tal-ipproċessar ta’ data personali mill-istituzzjonijiet u l-korpi tal-Komunità u dwar il-moviment liberu ta’ dik id-data (ĠU L 8, 12.1.2001, p. 1).

(14)    “Kodiċi tan-Nazzjonijiet Uniti għal-Postijiet tal-Kummerċ u tat-Trasport”.

(15)    ĠU L 208, 5.8.2002, p. 10-27.

(16)    ĠU L 55, 28.2.2011, p 13.

(17)    Kif imsemmi fl-Artikolu 54(2)(a) jew (b) tar-Regolament Finanzjarju.

(18)    Diff. = Approprjazzjonijiet differenzjati / Mhux-diff. = Approprjazzjonijiet mhux differenzjati.

(19)    EFTA: Assoċjazzjoni Ewropea tal-Kummerċ Ħieles.

(20)    Pajjiżi kandidati u, meta applikabbli, pajjiżi potenzjalment kandidati mill-Balkani tal-Punent.

(21)    Assistenza teknika u/jew amministrattiva u nefqa li tappoġġa l-implimentazzjoni ta’ programmi u/jew ta’ azzjonijiet tal-UE (dawk li qabel kienu l-linji “BA”), riċerka indiretta, riċerka diretta.

(22)    L-outputs huma l-prodotti u s-servizzi li jridu jkunu pprovduti (eż. l-għadd ta’ skambji ta’ studenti ffinanzjati, l-għadd ta’ km ta’ toroq mibnija, eċċ.).

(23)    Assistenza teknika u/jew amministrattiva u nefqa li jappoġġaw l-implimentazzjoni ta’ programmi u/jew ta’ azzjonijiet tal-UE (li qabel kienu l-linji “BA”), riċerka indiretta u riċerka diretta.

(24)    AC = Persunal b’kuntratt; AL = Persunal Lokali; END = Espert Nazzjonali Sekondat; INT = persunal tal-aġenzija; JED = Esperti Subalterni f’Delegazzjonijiet.

(25)    Sublimitu għall-persunal estern kopert minn approprjazzjonijiet operazzjonali (li qabel kienu l-linji “BA”).

(26)    Fir-rigward tar-riżorsi proprji tradizzjonali (id-dazji doganali, l-imposti fuq iz-zokkor), l-ammonti indikati jridu jkunu ammonti netti, jiġifieri ammonti grossi wara t-tnaqqis ta’ 25 % għall-ispejjeż tal-ġbir.

IL-KUMMISSJONI EWROPEA

Brussell,17.5.2018

COM(2018) 278 final

ANNESS

ta’

Proposta ta’ Regolament tal-Parlament Ewropew u tal-Kunsill

li jistabbilixxi ambjent għal Single Window Marittima Ewropea u li jħassar id-Direttiva 2010/65/UE

{SEC(2018) 230 final}
{SWD(2018) 181 final}
{SWD(2018) 182 final}

ANNESS
Sett ta’ data EMSWe

A.Obbligi ta’ rapportar li jirriżultaw minn atti legali tal-Unjoni

Din il-kategorija ta’ obbligi ta’ rapportar tinkludi l-informazzjoni li għandha tkun ipprovduta skont id-dispożizzjonijiet li ġejjin:

1.Notifika għall-vapuri li jaslu fi jew jitilqu minn portijiet tal-Istati Membri

L-Artikolu 4 tad-Direttiva 2002/59/KE tal-Parlament Ewropew u tal-Kunsill tas-27 ta’ Ġunju 2002 li tistabbilixxi sistema għall-monitoraġġ u l-informazzjoni dwar it-traffiku tal-bastimenti fil-Komunità (ĠU L 208, 5.8.2002, p. 10).

2.Verifiki fil-fruntiera fuq persuni

L-Artikolu 7 tar-Regolament (KE) Nru 562/2006 tal-Parlament Ewropew u tal-Kunsill tal-15 ta’ Marzu 2006 li jistabbilixxi Kodiċi Komunitarju dwar ir-regoli li jirregolaw il-moviment ta’ persuni minn naħa għal oħra tal-fruntiera (Kodiċi tal-Fruntieri ta’ Schengen) (ĠU L 105, 13.4.2006, p. 1).

3.Notifika ta’ merkanzija perikoluża jew li tniġġes li tinġarr abbord

L-Artikolu 13 tad-Direttiva 2002/59/KE tal-Parlament Ewropew u tal-Kunsill tas-27 ta’ Ġunju 2002 li tistabbilixxi sistema għall-monitoraġġ u l-informazzjoni dwar it-traffiku tal-bastimenti fil-Komunità (ĠU L 208, 5.8.2002, p. 10).

4.Notifika ta’ skart u residwi

L-Artikolu 6 tad-Direttiva 2000/59/KE tal-Parlament Ewropew u tal-Kunsill tas-27 ta’ Novembru 2000 dwar il-faċilitajiet tal-akkoljenza fil-portijiet għall-iskart iġġenerat mill-bastimenti u għall-fdalijiet mill-merkanzija (ĠU L 332, 28.12.2000, p. 81).

[Proposta ġdida li tħassar 2000/59/KE:

4. Notifika ta’ skart mill-bastimenti, inkluż residwi

L-Artikoli 6 u 7 tad-Direttiva 201X/XX/UE tal-Parlament Ewropew u tal-Kunsill]

5.Notifika ta’ informazzjoni relatata mas-sigurtà

L-Artikolu 6 tar-Regolament (KE) Nru 725/2004 tal-Parlament Ewropew u tal-Kunsill tal-31 ta’ Marzu 2004 dwar it-titjib fis-sigurtà fuq il-bastimenti u fil-portijiet (ĠU L 129, 29.4.2004, p. 6).

Sakemm tkun adottata formola armonizzata f’livell internazzjonali, il-formola stipulata fl-Appendiċi ta’ dan l-Anness għandha tintuża għall-identifikazzjoni ta’ informazzjoni meħtieġa skont l-Artikolu 6 tar-Regolament (KE) Nru 725/2004. Il-formola tista’ tkun trażmessa elettronikament.

6.Informazzjoni dwar persuni abbord

L-Artikoli 4(2) u 5(2) tad-Direttiva tal-Kunsill 98/41/KE tat-18 ta’ Ġunju 1998 dwar ir-reġistrazzjoni ta’ persuni li jbaħħru abbord vapuri tal-passiġġieri li joperaw lejn jew minn portijiet tal-Istati Membri tal-Komunità (ĠU L 188, 2.7.1998, p. 35).

7.Formalitajiet doganali

(a)Formalitajiet tal-wasla:

–Notifika tal-wasla (l-Artikolu 133 tar-Regolament (UE) Nru 952/2013 1 );

–Preżentazzjoni tal-merkanzija lid-dwana (l-Artikolu 139 tar-Regolament (UE) Nru 952/2013);

–Dikjarazzjoni ta’ ħażna temporanja ta’ merkanzija (l-Artikolu 145 tar-Regolament (UE) Nru 952/2013);

–Status doganali tal-merkanzija (l-Artikoli 153 sa 155 tar-Regolament (UE) Nru 952/2013);

–Dokumenti ta’ trasport ekonomiku użati għat-tranżitu (l-Artikolu 233(4)(e) tar-Regolament (UE) Nru 952/2013).

(b)Formalitajiet tat-tluq:

–Status doganali tal-merkanzija (l-Artikoli 153 sa 155 tar-Regolament (UE) Nru 952/2013);

–Dokumenti ta’ trasport ekonomiku użati għat-tranżitu (l-Artikolu 233(4)(e) tar-Regolament (UE) Nru 952/2013);

–Notifika tal-ħruġ (l-Artikolu 269(2) tar-Regolament (UE) Nru 952/2013);

–Dikjarazzjoni sommarja tal-ħruġ (l-Artikoli 271 u 272 tar-Regolament (UE) Nru 952/2013);

–Notifika ta’ esportazzjoni mill-ġdid (l-Artikoli 274 u 275 tar-Regolament (UE) Nru 952/2013);

8.Tagħbija u ħatt sikuri ta’ bastimenti ta’ tagħbija bl-ingrossa

L-Artikoli 7 u 8 tad-Direttiva 2001/96/KE tal-Parlament Ewropew u tal-Kunsill tal-4 ta’ Diċembru 2001 li tistabbilixxi l-ħtiġiet u l-proċeduri armonizzati għat-tagħbija u l-ħatt b’sigurtà ta’ bastimenti ta’ tagħbija bl-ingrossa;

9.Kontroll tal-Istat tal-Port

L-Artikolu 9 tad-Direttiva 2009/16/KE tal-Parlament Ewropew u tal-Kunsill tat-23 ta’ April 2009 dwar il-kontroll tal-Istat tal-Port.

10.Statistika tat-Trasport Marittimu

L-Artikolu 5 tad-Direttiva 2009/42/KE tal-Parlament Ewropew u tal-Kunsill dwar il-prospetti statistiċi fir-rigward tat-trasport ta’ merkanzija u passiġġieri bil-baħar.

B.Formoli FAL u obbligi li jirriżultaw minn strumenti legali internazzjonali

Din il-kategorija ta’ obbligi ta’ rapportar tinkludi l-informazzjoni li għandha tkun ipprovduta skont il-Konvenzjoni FAL u strumenti legali internazzjonali rilevanti oħra.

1.Formola FAL Nru 1: Dikjarazzjoni Ġenerali

2.Formola FAL Nru 2: Dikjarazzjoni tal-Merkanzija

3.Formola FAL Nru 3: Dikjarazzjoni tal-Ħażniet tal-Vapur

4.Formola FAL Nru 4: Dikjarazzjoni tal-Effetti Personali tal-Ekwipaġġ

5.Formola FAL Nru 5: Lista tal-Ekwipaġġ

6.Formola FAL Nru 6: Lista tal-Passiġġieri

7.Formola FAL Nru 7: Oġġetti Perikolużi

8.Dikjarazzjoni Marittima tas-Saħħa

C.Dispożizzjonijiet legali nazzjonali

Din il-kategorija ta’ obbligi ta’ rapportar tinkludi elementi ta’ data fil-kategoriji li ġejjin:

1.Trasport marittimu

2.Sikurezza tat-trasport marittimu

3.Ambjent

4.Kontroll tal-fruntiera

5.Sigurtà

6.Dwana

7.Saħħa

8.Armata

9.Servizzi portwarji

10.Statistika

11.Informazzjoni fiskali

APPENDIĊI

FORMOLA TA’ TAGĦRIF TA’ SIGURTÀ DWAR IL-VAPURI QABEL IL-WASLA
GĦALL-VAPURI KOLLHA QABEL ID-DĦUL FIL-PORT TA’ STAT MEMBRU TAL-UE

(Il-Konvenzjoni Internazzjonali tal-1974 għas-Salvagwardja tal-Ħajja Umana fuq il-Baħar (SOLAS) REGOLAMENT 9 tal-Kapitolu XI-2 U L-ARTIKOLU 6(3) TAR-REGOLAMENT (KE) NRU 725/2004)

(1)    Ir-Regolament (UE) Nru 952/2013 tal-Parlament Ewropew u tal-Kunsill tad-9 ta’ Ottubru 2013 li jistabbilixxi l-Kodiċi Doganali tal-Unjoni (ĠU L 269, 10.10.2013, p. 1).