This document is an excerpt from the EUR-Lex website
Document 52017TA1212(05)
Report on the annual accounts of the European Joint Undertaking for ITER and the Development of Fusion Energy for the financial year 2016, together with the Joint Undertaking’s reply
Rapport dwar il-kontijiet annwali tal-Impriża Konġunta Ewropea għall-ITER u għall-Iżvilupp tal-Enerġija mill-Fużjoni għas-sena finanzjarja 2016, flimkien mar-risposta tal-Impriża Konġunta
Rapport dwar il-kontijiet annwali tal-Impriża Konġunta Ewropea għall-ITER u għall-Iżvilupp tal-Enerġija mill-Fużjoni għas-sena finanzjarja 2016, flimkien mar-risposta tal-Impriża Konġunta
ĠU C 426, 12.12.2017, p. 31–41
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
12.12.2017 |
MT |
Il-Ġurnal Uffiċjali tal-Unjoni Ewropea |
C 426/31 |
RAPPORT
dwar il-kontijiet annwali tal-Impriża Konġunta Ewropea għall-ITER u għall-Iżvilupp tal-Enerġija mill-Fużjoni għas-sena finanzjarja 2016, flimkien mar-risposta tal-Impriża Konġunta
(2017/C 426/05)
WERREJ
|
Paragrafu |
Paġna |
||
INTRODUZZJONI |
1-6 |
32 |
||
Stabbiliment tal-Impriża Konġunta F4E |
1-2 |
32 |
||
Governanza |
3-4 |
32 |
||
Objettivi |
5 |
32 |
||
Riżorsi |
6 |
32 |
||
OPINJONI |
7-29 |
32 |
||
Opinjoni dwar l-affidabbiltà tal-kontijiet |
8 |
33 |
||
Opinjoni dwar il-legalità u r-regolarità tad-dħul li fuqu huma bbażati l-kontijiet |
9 |
33 |
||
Opinjoni dwar il-legalità u r-regolarità tal-pagamenti li fuqhom huma bbażati l-kontijiet |
10-20 |
33 |
||
Osservazzjonijiet |
11-20 |
33 |
||
Responsabbiltajiet tal-maniġment u ta’ dawk inkarigati mill-governanza |
21-23 |
34 |
||
Responsabbiltajiet tal-awditur għall-awditjar tal-kontijiet u tat-tranżazzjonijiet ta’ bażi |
24-28 |
34 |
||
ĠESTJONI BAĠITARJA U FINANZJARJA |
30 |
35 |
||
Implimentazzjoni tal-baġit għall-2016 |
30 |
35 |
||
KONTROLLI INTERNI |
31-35 |
35 |
||
Monitoraġġ ta’ kuntratti operazzjonali ta’ akkwist u ta’ għotjiet |
31-34 |
35 |
||
Strateġija kontra l-frodi |
35 |
36 |
||
|
37 |
INTRODUZZJONI
Stabbiliment tal-Impriża Konġunta F4E
1. |
L-Impriża Konġunta Ewropea għall-ITER (1) u għall-Iżvilupp tal-Enerġija mill-Fużjoni (l-“Impriża Konġunta F4E”) twaqqfet f’Marzu 2007 (2) għal perjodu ta’ 35 sena. Filwaqt li l-faċilitajiet prinċipali ta’ fużjoni kellhom jiġu żviluppati f’Cadarache fi Franza, l-Impriża Konġunta tinsab f’Barċellona. |
2. |
Il-membri fundaturi tal-Impriża Konġunta huma l-Euratom, irrappreżentata mill-Kummissjoni, l-Istati Membri tal-Euratom u l-Iżvizzera (li kkonkludiet ftehim ta’ kooperazzjoni mal-Euratom). |
Governanza
3. |
L-istruttura ta’ governanza tal-Impriża Konġunta F4E tinkludi l-Bord Amministrattiv, id-Direttur u korpi oħra. Il-Bord Amministrattiv huwa responsabbli mis-superviżjoni tal-Impriża Konġunta fl-insegwiment tal-objettivi tagħha. Id-Direttur huwa responsabbli mit-tmexxija ta’ kuljum tal-Impriża Konġunta. |
4. |
Il-korpi l-oħra ta’ governanza tal-Impriża Konġunta huma l-Bureau, il-Panel Konsultattiv Tekniku, il-Kumitat dwar l-Akkwisti u l-Kuntratti, il-Kumitat Amministrattiv u ta’ Ġestjoni, il-Kumitat tal-Awditjar u l-Panel għar-Rieżaminar Intern. |
Objettivi
5. |
L-objettivi tal-Impriża Konġunta F4E huma:
|
Riżorsi
6. |
Fl-2016, il-baġit tal-pagamenti għall-Impriża Konġunta F4E kien ta’ EUR 720 miljun (2015: EUR 586 miljun) u l-baġit tal-impenji kien ta’ EUR 459 miljun (2015: EUR 467,9 miljun) (3). Fil-31 ta’ Diċembru 2016, l-Impriża Konġunta kellha 415-il membru tal-persunal impjegati magħha (2015: 383) (4). |
OPINJONI
Opinjoni dwar l-affidabbiltà tal-kontijiet
Opinjoni dwar il-legalità u r-regolarità tad-dħul li fuqu huma bbażati l-kontijiet
Opinjoni dwar il-legalità u r-regolarità tal-pagamenti li fuqhom huma bbażati l-kontijiet
Osservazzjonijiet
Responsabbiltajiet tal-maniġment u ta’ dawk inkarigati mill-governanza
Responsabbiltajiet tal-awditur għall-awditjar tal-kontijiet u tat-tranżazzjonijiet ta’ bażi
|
29. |
Il-kummenti li ġejjin ma jixħtux dubju fuq l-opinjonijiet tal-QEA. |
ĠESTJONI BAĠITARJA U FINANZJARJA
Implimentazzjoni tal-baġit għall-2016
30. |
Il-baġit finali għall-2016 li kien disponibbli għall-implimentazzjoni kien jinkludi approprjazzjonijiet ta’ impenn ta’ EUR 488 miljun (18) u approprjazzjonijiet ta’ pagament ta’ EUR 724 miljun (19). Ir-rati ta’ utilizzazzjoni għall-approprjazzjonijiet ta’ impenn u għall-approprjazzjonijiet ta’ pagament kienu ta’ 99,8 % u 98 %, rispettivament. |
KONTROLLI INTERNI
Monitoraġġ ta’ kuntratti operazzjonali ta’ akkwist u ta’ għotjiet
31. |
L-Impriża Konġunta F4E għandha sistema biex twettaq awditi fil-bini tal-kuntratturi bil-għan li tivveriifka l-konformità mar-rekwiżiti tagħha għall-garanzija tal-kwalità (20). |
32. |
F’Settembru 2016, is-Servizz tal-Awditjar Intern tal-Kummissjoni (IAS) ikkompleta awditu dwar l-implimentazzjoni tal-arranġamenti ta’ akkwist. L-Impriża Konġunta F4E qed timplimenta pjan ta’ azzjoni b’rispons għar-rakkomandazzjonijiet li rriżultaw. L-IAS wettaq ukoll segwitu tal-awditu tiegħu dwar il-ġestjoni tal-kuntratti u kkonkluda li r-rakkomandazzjonijiet relatati kollha tiegħu kienu ġew implimentati b’mod adegwat mill-Impriża Konġunta. |
33. |
Fl-2016, il-Kapaċità tal-Awditjar Intern tal-Impriża Konġunta F4E (IAC) wettqet segwitu tal-awditu tagħha dwar akkwist fil-qasam tal-binjiet tal-ITER. L-IAC irrikonoxxiet ix-xogħol importanti li twettaq mill-Impriża Konġunta fil-formalizzazzjoni u t-tfassil tal-proċess, il-linji gwida, ir-regoli u l-għodod relatati mal-attivitajiet ta’ akkwist. L-IAC għamlet ukoll sitt rakkomandazjonijiet oħra għal titjib fil-proċeduri. |
34. |
Ir-rata tal-iżball residwu għall-pagamenti ta’ għotjiet mhix ikkalkulata, minħabba li dawn il-pagamenti jirrappreżentaw proporzjon żgħir tal-baġit tal-Impriża Konġunta F4E (21) u minħabba l-għadd żgħir ta’ awditi ex post li twettqu (22). Fl-2016, l-Aġenzija Eżekuttiva għar-Riċerka niedet awditu ex post ta’ benefiċjarju f’isem l-Impriża Konġunta F4E. L-Impriża Konġunta ħadet l-azzjoni meħtieġa biex tikkoreġi l-iżbalji li ġew identifikati f’awditi mwettqa fis-snin preċedenti. |
Strateġija kontra l-frodi
35. |
F’Ġunju 2015, il-Bord Amministrattiv tal-Impriża Konġunta F4E adotta strateġija kontra l-frodi u pjan ta’ azzjoni korrispondenti. Il-biċċa l-kbira mill-azzjonijiet ġew implimentati fl-2016. Madankollu, l-Impriża Konġunta ma stabbilietx għodda speċifika biex tiffaċilita l-monitoraġġ tal-azzjonijiet tagħha fir-rigward tal-proċeduri ta’ akkwist, b’mod partikolari dawk relatati mal-valutazzjoni tar-riskju u mal-fażijiet ta’ evalwazzjoni, ta’ negozjar u ta’ għoti, tal-proċeduri. |
Dan ir-Rapport ġie adottat mill-Awla IV, immexxija mis-Sur Baudilio TOMÉ MUGURUZA, Membru tal-Qorti tal-Awdituri, fil-Lussemburgu fil-laqgħa tagħha tat-3 ta’ Ottubru 2017.
Għall-Qorti tal-Awdituri
Klaus-Heiner LEHNE
President
(1) Reattur Termonukleari Sperimentali Internazzjonali.
(2) Id-Deċiżjoni tal-Kunsill 2007/198/Euratom tas-27 ta’ Marzu 2007 li tistabbilixxi l-Impriża Konġunta Ewropea għall-ITER u għall-Iżvilupp tal-Enerġija mill-Fużjoni u li tikkonferixxilha vantaġġi (ĠU L 90, 30.3.2007, p. 58), emendata bid-Deċiżjoni tal-Kunsill 2013/791/Euratom tat-13 ta’ Diċembru 2013 (ĠU L 349, 21.12.2013, p. 100) u bid-Deċiżjoni tal-Kunsill (Euratom) 2015/224 tal-10 ta’ Frar 2015 (ĠU L 37, 13.2.2015, p. 8).
(3) It-tieni emenda għall-Baġit ġiet approvata mill-Bord Amministrattiv f’Diċembru 2016.
(4) Aktar informazzjoni dwar l-Impriża Konġunta F4E u l-attivitajiet tagħha hija disponibbli fuq is-sit web tagħha: http://www.fusionforenergy.europa.eu.
(5) Ir-rapporti finanzjarji jinkludu l-karta tal-bilanċ, ir-rapport tal-prestazzjoni finanzjarja, ir-rapport tal-flussi tal-flus, ir-rapport tal-bidliet fl-assi netti u sommarju tal-politiki kontabilistiċi sinifikanti u noti oħra ta’ spjegazzjoni.
(6) Ir-rapporti dwar l-implimentazzjoni tal-baġit jinkludu r-rapporti li jaggregaw l-operazzjonijiet baġitarji kollha u n-noti ta’ spjegazzjoni.
(7) Il-konklużjonijiet tal-Kunsill tas-7 ta’ Lulju 2010 dwar l-istatus tal-ITER (Ref. 11902/10).
(8) Il-Komunikazzjoni mill-Kummissjoni lill-Parlament Ewropew u lill-Kunsill tal-4 ta’ Mejju 2010 dwar l-istatus tal-ITER u triq possibbli ’l quddiem (KUMM(2010) 226 finali).
(9) Id-19-il Kunsill tal-ITER fis-16-17 ta’ Novembru 2016. Il-Kunsill tal-ITER huwa l-korp governattiv tal-ITER IO.
(10) Il-Kunsill tal-ITER reġa’ eżamina l-iskeda kompleta u aġġornata għall-kostruzzjoni tal-proġett, mill-Ewwel Plażma (2025) sal-operazzjoni Deuterium-Tritium (2035), kif propost mill-ITER IO.
(11) Ir-Repubblika tal-Poplu taċ-Ċina, ir-Repubblika tal-Indja, il-Ġappun, ir-Repubblika tal-Korea, il-Federazzjoni Russa, l-Istati Uniti tal-Amerka u l-Unjoni Ewropea.
(12) Il-fażi operazzjonali tal-proġett ITER hija mistennija li ddum sal-2037.
(13) Kif ġie ddikjarat fil-ħames valutazzjoni annwali mwettqa minn Grupp ta’ Rieżaminar indipendenti (il-31 ta’ Ottubru 2016) u fir-rapport mill-Kap tal-Ġestjoni tal-Proġett tal-Impriża Konġunta F4E lill-Bord Amministrattiv, f’Diċembru 2016.
(14) COM(2017)319 final tal-14.6.2017 (akkumpanjata mid-Dokument ta’ Ħidma tal-Persunal tal-Kummissjoni SWD(2017) 232 final tal-14.6.2017).
(15) Il-kontribuzzjoni tal-Euratom hija mingħajr preġudizzju għall-proposti tal-Kummissjoni, għall-eżitu tan-negozjati dwar il-ħruġ tar-Renju Unit mill-Euratom u għall-Qafas Finanzjarju Pluriennali wara l-2020.
(16) COM(2017)319 final tal-14.6.2017 (akkumpanjata mid-Dokument ta’ Ħidma tal-Persunal tal-Kummissjoni SWD(2017) 232 final tal-14.6.2017), il-Kapitolu V “ITER: it-triq ’il quddiem”.
(17) Ir-Regolament (UE, Euratom) Nru 966/2012 tal-Parlament Ewropew u tal-Kunsill (ĠU L 298, 26.10.2012, p. 1).
(18) Il-bidliet li saru għall-baġit finali li ġie approvat għall-2016 huma prinċipalment relatati ma’ EUR 15-il miljun fi dħul assenjat mill-Fond ta’ Riżerva tal-ITER, EUR 13,5 miljun għal impenji riportati mis-snin preċedenti u EUR 0,5 miljun fi rkupri ta’ pagamenti żejda li saru fuq kuntratti operazzjonali.
(19) Il-bidliet li saru għall-baġit finali li ġie approvat għall-2016 huma prinċipalment relatati ma’ EUR 4 miljun f’pagamenti mill-Fond ta’ Riżerva tal-ITER.
(20) L-awditi jkopru diversi aspetti ta’ implimentazzjoni, inkluż il-pjan tal-kwalità, kwalunkwe sitwazzjoni ta’ nuqqas ta’ konformità ma’ rekwiżit speċifiku, kontroll tax-xiri u ġestjoni tas-sottokuntrattar, ġestjoni tad-dokumentazzjoni u tad-data, ġestjoni tal-bidliet u tad-devjazzjonijiet, il-pjan ta’ kontroll tal-kwalità għax-xogħlijiet ċivili, l-iskeda dettaljata għall-proġett, ġestjoni tar-riskju tal-kuntratti u l-pjan ta’ kontroll tal-kwalità għax-xogħlijiet tekniċi. Id-29 awditu li twettqu fl-2016 identifikaw 47 sitwazzjoni ta’ nuqqas ta’ konformità mar-rekwiżiti għall-garanzija tal-kwalità u 202 oqsma għal titjib.
(21) Minn meta twaqqfet sa tmiem l-2016, l-Impriża Konġunta kienet għamlet 150 għotja għal total ta’ EUR 81 miljun. Fl-2016, l-Impriża Konġunta għamlet sitt għotjiet għal total ta’ EUR 5 miljun.
(22) Mindu twaqqfet l-F4E, sitt benefiċjarji u ammont awditjat ta’ EUR 6 miljun b’kollox, li jirrappreżentaw rispettivament 8 % tal-benefiċjarji kollha u 7 % tat-total tal-ftehimiet ta’ għotja li ġew iffirmati.
ANNESS
Segwitu għall-kummenti mis-snin preċedenti
Sena |
Kumment tal-Qorti |
Status tal-azzjoni korrettiva (Ikkompletata/Għadha għaddejja/Pendenti/M/A) |
|
KUMMENTI DWAR IL-ĠESTJONI BAĠITARJA U FINANZJARJA |
|
|
Preżentazzjoni tal-kontijiet |
|
2015 |
Fin-noti għar-rapporti finanzjarji, it-tabella u l-informazzjoni inklużi taħt l-Intestatura 4.3.1.1. “ITER Procurement Arrangement (ITER IO)” (Arranġament ta’ Akkwist tal-ITER (ITER IO)) jirriflettu l-arranġamenti ta’ akkwist iffirmati (il-kolonna 3) u dawk ikkreditati sa issa (il-kolonna 4). Madankollu, it-tabella ma turix il-grad effettiv ta’ avvanz tax-xogħlijiet li qed isiru. Fil-kontijiet annwali tal-2015, l-F4E ssupplimentat din l-informazzjoni bi stima tax-xogħol fl-idejn filwaqt li ħadet inkunsiderazzjoni l-valur totali tal-infiq fuq kuntratti marbuta mal-Arranġamenti ta’ Akkwist, u ċart li turi l-ilħuq ta’ stadji importanti għal kull arranġament ta’ akkwist iffirmat mal-ITER IO. Minkejja l-istima ppreżentata fil-kontijiet tal-2015, jeħtieġ li jsir xogħol ulterjuri biex tiġi ppreżentata informazzjoni aktar preċiża dwar l-istatus u l-valur tal-attivitajiet imwettqa sa issa mill-Impriża Konġunta. |
Għadha għaddejja |
|
KUMMENTI DWAR IL-KONTROLLI EWLENIN FIS-SISTEMI TA’ SUPERVIŻJONI U KONTROLL TAL-IMPRIŻA KONĠUNTA |
|
2015 |
L-F4E qed tkompli tiżviluppa sistema ċentrali u uniformi għall-integrazzjoni tad-data operazzjonali, finanzjarja u tal-ibbaġitjar kollha, li se tippermetti li jsir monitoraġġ u kontroll regolari tal-istimi, l-ispejjeż u d-devjazzjonijiet. Fil-laqgħa tiegħu tat-8-9 ta’ Ġunju 2015, il-Bord Amministrattiv approva proposta mid-Direttur biex tiġi implimentata sistema ta’ Ppjanar tar-Riżorsi tal-Intrapriża (ERP) fi żmien sentejn. |
Għadha għaddejja |
2015 |
Is-sistema ta’ għoti ta’ informazzjoni dwar il-valur tal-grad tal-implimentazzjoni tal-attivitajiet (Ġestjoni tal-Valur Gwadanjat), qed tiġi diskussa mal-ITER IO, bil-ħsieb li jsir titjib fid-distribuzzjoni tal-istadji importanti ta’ kreditu matul il-ħajja tal-arranġamenti ta’ akkwist. |
Għadha għaddejja |
|
Akkwist u għotjiet operazzjonali |
|
2015 |
Proċeduri nnegozjati kkostitwew 45 % mill-84 proċedura operazzjonali tal-offerti li tnedew fl-2015 (58 % fl-2014). Għalkemm l-Impriża Konġunta naqqset il-perċentwal tal-proċeduri nnegozjati fl-2015, jinħtieġu sforzi biex tiżdied il-kompetittività tal-proċeduri tagħha ta’ akkwist operazzjonali. Għall-għotjiet, l-għadd medju ta’ proposti riċevuti kien ta’ 1,4 għal kull sejħa. |
Għadha għaddejja |
|
KWISTJONIJIET OĦRA |
|
|
Qafas legali |
|
2015 |
Fit-2 ta’ Diċembru 2015, il-Bord Amministrattiv tal-F4E finalment emenda r-Regolament Finanzjarju u r-Regoli ta’ Implimentazzjoni tiegħu biex jallinjahom mal-Qafas Finanzjarju l-ġdid tal-UE. Fi Frar 2016, il-Kummissjoni Ewropea ħarġet opinjoni pożittiva dwar l-emendi introdotti mill-F4E fir-regoli finanzjarji tagħha, iżda talbet lill-Impriża Konġunta biex tqis li tkompli tiżviluppa ċerti dispożizzjonijiet fir-Regoli ta’ Implimentazzjoni tagħha relatati mad-derogi speċifiċi mir-Regolament Finanzjarju tal-UE u mir-regolament finanzjarju qafas applikabbli għall-korpi tal-Artikolu 208. |
Għadha għaddejja |
|
Drittijiet ta’ proprjetà intellettwali u politika industrijali |
|
2015 |
Id-Deċiżjoni dwar l-implimentazzjoni tal-Politika Industrijali tal-Fużjoni għall-Enerġija u l-politika dwar id-drittijiet ta’ proprjetà intellettwali u t-tixrid ta’ informazzjoni ġiet adottata mill-Bord Amministrattiv tal-Impriża Konġunta fis-27 ta’ Ġunju 2013. L-Impriża Konġunta żviluppat dokument ta’ strateġija tal-akkwist għal kull azzjoni ta’ akkwist. Tfasslet lista ta’ kontroll għall-monitoraġġ tal-implimentazzjoni tal-istrateġija ta’ akkwist fir-rigward tas-sjieda tal-għarfien u d-drittijiet miksuba għal kull azzjoni ta’ akkwist. |
Għadha għaddejja |
Fi żmien l-awditu (April 2016), l-F4E kienet implimentat il-biċċa l-kbira mid-dispożizzjonijiet fid-Deċiżjoni tal-Bord Amministrattiv tas-27 ta’ Ġunju 2013, għalkemm ħamsa kienu għadhom ma ġewx implimentati bis-sħiħ, u tlieta kienu għadhom pendenti. |
Ikkompletata |
|
Valutazzjoni tal-impatt dwar l-implimentazzjoni ta’ dawn il-politiki hija ppjanata iżda għadha ma twettqitx. |
Għadha għaddejja |
|
|
Ftehim mal-Istat Ospitanti |
|
2015 |
Skont il-Ftehim mal-Istat Ospitanti li ġie ffirmat mar-Renju ta’ Spanja fit-28 ta’ Ġunju 2007, bini permanenti kien imissu sar disponibbli għall-Impriża Konġunta sa Ġunju 2010. Wara kuntatti bejn l-F4E u l-Gvern Spanjol, ġiet ippreżentata offerta formali lill-Impriża Konġunta fl-10 ta’ Marzu 2015. F’Diċembru 2015, l-Istat Ospitanti informa lill-Bord Amministrattiv tal-F4E li d-diskussjonijiet fil-livell ministerjali biex tiġi fformalizzata l-offerta tal-10 ta’ Marzu 2015 ma kinux ġew konklużi, u minflok offra li jibda negozjati ma’ sid il-bini fejn l-F4E tinsab bħalissa bil-ħsieb li jsir is-sede permanenti tal-Impriża Konġunta. Fi żmien l-awditu (April 2016) din il-proposta l-ġdida kienet qed tiġi eżaminata mill-Impriża Konġunta. |
Ikkompletata |
|
Regoli li jimplimentaw ir-Regolamenti tal-Persunal |
|
2015 |
Matul l-2015, l-Impriża Konġunta kompliet bl-adozzjoni tagħha b’analoġija ta’ bosta regoli tal-UE li jimplimentaw ir-Regolamenti tal-Persunal. Madankollu, ċerti regoli speċifiċi għall-implimentazzjoni tar-Regolamenti tal-Persunal għad iridu jiġu adottati. |
Ikkompletata |
IR-RISPOSTA TAL-IMPRIŻA KONĠUNTA
33. |
Minn Lulju 2017, ġew implimentati ħamsa mis-sitt rakkomandazzjonijiet il-ġodda tal-IAC. Ir-rakkomandazzjoni li tinsab għaddejja hi relatata mad-definizzjoni mill-ġdid tar-rwol tal-Panel għar-Rieżaminazzjoni Interna (IRP, Internal Review Panel). Id-data li fiha hi mistennija li titlesta hi Ottubru 2017 għaliex din l-azzjoni hi parti minn proġett ta’ titjib usa’ li għandu l-għan li jottimizza l-proċeduri miftuħa tal-akkwist. |
35. |
F4E bħalissa qed tiddefinixxi r-rekwiżiti li ser jistabbilixxu l-parametri għall-għodda li ser tippermetti lill-F4E tiġbor b’mod sistematiku l-informazzjoni relatata ma’ indikaturi Kontra l-Frodi fuq proċeduri ta’ akkwist. Din l-għodda ser toffri wkoll il-possibbiltà li l-persunal tal-F4E jdaħħal informazzjoni addizzjonali relatata ma’ allarmi ħomor dwar kwalunkwe proċedura ta’ akkwist. |
Segwitu tal-kummenti tas-snin ta’ qabel
2015 – Preżentazzjoni tal-kontijiet
L-UE tuża l-kreditu tal-ITER bħala s-sistema tal-Ġestjoni tal-Valur Miksub (EVM). Il-valur tal-kreditu miksub kontra l-valur ippjanat jagħti l-progress tal-F4E lejn it-tlestija tas-sehem tal-UE tal-akkwisti. Il-profil tal-kreditu hu maħsub biex jirrappreżenta l-valur tax-xogħol reali li sar permezz tal-fażijiet differenti tal-proġett (jiġifieri t-tfassil, il-manifatturar, il-kunsinna, l-installazzjoni).
L-F4E u l-ITER IO qablu li jaġġustaw mill-ġdid dan il-profil għal kull Arranġament ta’ Akkwist (PA) sabiex jiġi żgurat li jingħata l-piż tal-kreditu x-xieraq matul il-PA kollu u kemm jista’ jkun qrib tar-realtà. Dawn il-bidliet diġà saru għal PAs tal-passat u huma mistennija li jitlestew sal-aħħar t’Ottubru 2017.
2015 – Kummenti dwar kontrolli ewlenin tas-sistemi ta’ sorveljanza u kontroll tal-Impriża Konġunta
L-ewwel paragrafu: F’Marzu 2016, id-Direttur il-ġdid tal-F4E kkummissjona studju ta’ konsulenza indipendenti dwar l-iżvilupp ta’ kunċett għal sistema multifunzjonali integrata u sistema ta’ kontroll kummerċjali u finanzjarja integrata. Ir-rapport ta’ dan l-istudju nħareġ f’nofs Ġunju 2016 u r-rakkomandazzjonijiet li kien hemm fih ġew riveduti u aċċettati.
L-F4E issa qed taħdem fuq l-implimentazzjoni ta’ Sistema ta’ Kontroll ta’ Proġetti tal-Intrapriżi (“Enterprise Project Control System”), li din titqies bħala mezz b’inqas kumplessità u bi spiża iktar baxxa biex jinkiseb grad ogħla ta’ integrazzjoni tal-informazzjoni finanzjarja tal-F4E.
L-F4E għażlet is-sistema Ecosys, u bħalissa qed tiffinalizza n-negozjati tal-kuntratt mal-fornitur. L-F4E mbagħad ser timplimenta fażi pilota, bl-għan li l-implimentazzjoni sħiħa sseħħ fl-ewwel kwart tal-2018.
It-Tieni Paragrafu: L-UE tuża l-kreditu tal-ITER bħala s-sistema tal-Ġestjoni tal-Valur Miksub (EVM). Il-valur tal-kreditu miksub kontra l-valur ippjanat jagħti l-progress tal-F4E lejn it-tlestija tas-sehem tal-UE tal-akkwisti. Il-profil tal-kreditu hu maħsub biex jirrappreżenta l-valur tax-xogħol reali li sar permezz tal-fażijiet differenti tal-proġett (jiġifieri t-tfassil, il-manifatturar, il-kunsinna, l-installazzjoni).
L-F4E u l-ITER IO qablu li jaġġustaw mill-ġdid dan il-profil għal kull Arranġament ta’ Akkwist (PA) sabiex jiġi żgurat li jingħata l-piż tal-kreditu x-xieraq matul il-PA kollu u kemm jista’ jkun qrib tar-realtà. Dawn il-bidliet diġà saru għal PAs tal-passat u huma mistennija li jitlestew sal-aħħar t’Ottubru 2017.
2015 – Akkwist u għotjiet operazzjonali
Minkejja l-isforzi ta’ komunikazzjoni u ta’ disseminazzjoni mġedda, b’mod partikolari fil-kuntest tal-integrazzjoni tar-Regolament Finanzjarju l-ġdid, iċ-ċifri għall-proċeduri nnegozjati fl-2016 baqgħu simili għas-snin preċedenti (49 % tat-total fl-2016, vs 45 % fl-2015 u 58 % fl-2014). Madankollu, għandu jiġi nnotat li l-parti l-kbira ta’ dawn il-proċeduri kienu għal proċeduri nnegozjati ta’ valur baxx li saru taħt il-medda ta’ pubblikazzjoni tad-Direttiva u f’konformità sħiħa mar-regolamenti finanzjarji tal-F4E.
Proċeduri nnegozjati b’valur baxx jirrappreżentaw madwar 40 % tan-numru ta’ kuntratti fis-sena tal-F4E (2016: 41 % fin-numru u 0,8 % fil-valur; 2015 43 % fin-numru u 0,3 % fil-valur) iżda jikkorrispondu biss għal madwar 1 % tal-baġit annwali.
F’dawn il-każijiet, l-użu ta’ proċeduri nnegozjati (fil-limiti imposti mir-Regolamenti Finanzjarji tal-F4E) iwieġeb għal tħassib ta’ ġestjoni finanzjarja tajba, peress li din tippermetti lill-F4E tuża riżorsi interni b’mod aktar effettiv f’akkwisti ta’ valur għoli. Għalhekk, l-F4E tikkunsidra li mhi meħtieġa l-ebda azzjoni biex jitkomplu jitnaqqsu l-proċeduri nnegozjati ta’ valur baxx għaliex qiegħda f’konformità mal-prinċipji u d-dispożizzjonijiet tar-Regolamenti Finanzjarji.
Il-proċeduri nnegozjati li jifdal, normalment kuntratti ta’ valur għoli, (5 % tan-numru totali ta’ proċeduri bħala medja) huma espressjoni tal-kuntest kumpless u innovattiv li fih jopera l-F4E. Il-karatteristiċi tas-suq tat-teknoloġija tal-fużjoni huma tali li f’ħafna każijiet ikun hemm kompetizzjoni limitata ħafna fis-suq. Dan ħafna drabi jirriżulta f’kompetizzjoni baxxa jew (f’każijiet estremi) għal monopolju jew anki nuqqas ta’ parteċipazzjoni għal sejħiet għall-offerti.
Mill-2012, l-F4E żiedet l-isforzi ta’ disseminazzjoni tagħha iżda l-parteċipazzjoni baqgħet baxxa. Fl-opinjoni tal-F4E, il-kawża prinċipali mhijiex in-nuqqas ta’ viżibbiltà iżda n-natura sporadika tax-xiri tal-F4E. L-F4E waslet għall-konklużjoni li n-natura tal-attivitajiet relatati mal-kamp ta’ applikazzjoni ta’ proġetti kbar tax-xjenza u tat-teknoloġija hija tali li kompetizzjoni limitata sfortunatament hija kwistjoni ta’ fatt li għaliha awtorità kontraenti waħda jista’ jkollha biss impatt żgħir.
Bħala konsegwenza, matul l-2016, l-F4E bdiet tfittex għal modi ġodda kif tindirizza l-kwistjoni, f’kollaborazzjoni ma’ awtoritajiet kontraenti oħra li jmexxu proġetti simili fl-Ewropa u li jaffaċċjaw l-istess nuqqas ta’ kompetizzjoni. Sabiex jiżdied l-impatt tal-inizjattivi li għandhom l-għan li jiżguraw aktar kompetizzjoni u impenn industrijali, l-F4E bdiet forum li jinkludi proġetti innovattivi simili tal-ewwel tip b’teknoloġija avvanzata fl-Ewropa (CERN, ESA, ESS, ESRF, ESO, …). Permezz ta’ dan il-forum, organizzazzjonijiet differenti bi sfidi simili tal-proġetti jistgħu jaħdmu flimkien biex jindirizzawhom b’mod aktar effettiv u kkoordinat. Dan kien tentattiv biex jitrawwem suq uniku għal proġetti xjentifiċi kbar, li jkun ikbar u iktar stabbli u għalhekk iktar kapaċi li jiġbed l-interess tal-kumpaniji.
Fi Frar 2018, id-Danimarka ser tospita avventiment li ser ikun l-ewwel opportunità biex il-parteċipanti tal-forum iqiegħdu fil-prattika l-kollaborazzjoni l-ġdida tagħhom.
2015 – Qafas Legali
F’kooperazzjoni mal-Kummissjoni Ewropea (DĠ BUDG u DĠ ENER), l-Impriża Konġunta żviluppat id-dispożizzjonijiet speċifiċi mitluba biex jiżdiedu mar-Regoli ta’ Implimentazzjoni mar-Regolament Finanzjarju tal-Impriża Konġunta relatat mal-erba’ derogi li l-Impriża Konġunta ngħatat fir-Regolament Finanzjarju mir-Regolament Finanzjarju Ġenerali tal-UE u mir-Regolament Finanzjarju li japplika għall-korpi tal-Artikolu 208.
Fl-4 ta’ Lulju 2017, il-Bord Amministrattiv tal-Impriża Konġunta adotta l-emenda għar-Regoli ta’ Implimentazzjoni li issa hija soġġetta għal opinjoni formali pożittiva mill-Kummissjoni Ewropea. Ladarba tinħareġ opinjoni pożittiva, l-erba’ dispożizzjonijiet ta’ implimentazzjoni ser jidħlu fis-seħħ fl-1 ta’ Awwissu 2017.
2015 – Drittijiet ta’ proprjetà intellettwali u politika industrijali
Fir-rigward tal-valutazzjoni tal-impatt tal-Politika Industrijali, l-F4E għandha l-intenzjoni li tuża r-riżultati tal-valutazzjoni tal-attivitajiet tal-F4E (u tal-proġett ITER sħiħ) li ser issir mill-Kummissjoni Ewropea matul l-2017 u l-2018.