30.11.2017   

MT

Il-Ġurnal Uffiċjali tal-Unjoni Ewropea

C 406/5

1.

Fit-23 ta’ Novembru 2017, il-Kummissjoni rċeviet avviż ta’ konċentrazzjoni proposta skont l-Artikolu 4 tar-Regolament tal-Kunsill (KE) Nru 139/2004 (1).

Dan l-avviż jikkonċerna l-impriżi li ġejjin:

Perform Group Limited u WME Entertainment Parent, LLC, jakkwistaw fis-sens tal-Artikolu 3(1)(b) u 3(4) tar-Regolament dwar l-Għaqdiet il-kontroll konġunt ta’ PIMGSA LLP (ir-Renju Unit).

Il-konċentrazzjoni hija mwettqa permezz ta' xiri ta' ishma f'kumpanija maħluqa ġdida li tikkostitwixxi impriża konġunta.

2.

L-attivitajiet kummerċjali tal-impriżi kkonċernati huma:

—   għal Access Industries, Inc.: grupp ta’ kumpaniji azzjonarji b’interessi f’industriji differenti,

—   għal Perform Group Limited: kumpanija azzjonarja b’sussidjarji b’interessi prinċipalment fis-setturi tal-kontenut tal-isports diġitali u l-midja,

—   għas-Silver Lake Group, LLC: grupp ta’ investiment iffukat fuq it-teknoloġija u l-industriji tal-midja

—   għal WME Entertainment Parent, LLC: kumpanija attiva mad-dinja kollha fil-qasam tal-isport, id-divertiment, il-mezzi tax-xandir u l-industriji tal-moda,

—   għal PIMGSA LLP: impriża konġunta (joint venture) bejn Perform u WME li se tkun attiva fil-kummerċjalizzazzjoni ta’ drittijiet sportivi tal-futbol tal-Amerika t’Isfel.

3.

Wara eżami preliminari, il-Kummissjoni tqis li t-tranżazzjoni notifikata tista’ taqa’ fil-kamp ta’ applikazzjoni tar-Regolament dwar l-Għaqdiet. Madankollu, id-deċiżjoni finali dwar dan il-punt hija riżervata.

Skont l-Avviż tal-Kummissjoni dwar proċedura simplifikata għat-trattament ta’ ċerti konċentrazzjonijiet skont ir-Regolament tal-Kunsill (KE) Nru 139/2004 (2) jinħtieġ li jiġi nnutat li dan il-każ jista’ jiġi kkunsidrat għal trattament skont il-proċedura stipulata fl-Avviż.

4.

Il-Kummissjoni tistieden lil terzi persuni interessati biex jibagħtulha l-kummenti li jista' jkollhom dwar l-operazzjoni proposta.

Il-kummenti jridu jaslu għand il-Kummissjoni mhux aktar tard minn għaxart ijiem wara d-data ta' din il-pubblikazzjoni. Jinħtieġ li r-referenza li ġejja dejjem tiġi speċifikata:

M.8664 — WME IMG/Perform/PIMGSA

Il-kummenti jistgħu jintbagħtu lill-Kummissjoni permezz tal-email, permezz tal-faks jew permezz tal-posta. Uża d-dettalji ta’ kuntatt ta’ hawn taħt: