IL-KUMMISSJONI EWROPEA

Brussell, 30.6.2017

COM(2017) 600 final

RAPPORT MILL-KUMMISSJONI

RAPPORT ANNWALI TAL-2016
DWAR IS-SUSSIDJARJETÀ U L-PROPORZJONALITÀ

RAPPORT ANNWALI TAL-2016
DWAR IS-SUSSIDJARJETÀ U L-PROPORZJONALITÀ

1.    introduzzjoni

Dan huwa l-24 rapport annwali dwar l-applikazzjoni tal-prinċipji tas-sussidjarjetà u tal-proporzjonalità fit-tfassil tal-liġijiet tal-Unjoni Ewropea. Ir-rapport qiegħed jiġi ppreżentat skont l-Artikolu 9 tal-Protokoll Nru 2 tat-Trattat dwar l-Unjoni Ewropea u tat-Trattat dwar il-Funzjonament tal-Unjoni Ewropea.

Ir-rapport iħares lejn il-mod kif l-istituzzjonijiet u l-korpi tal-Unjoni Ewropea implimentaw dawn iż-żewġ prinċipji fl-2016 u kif evolviet il-prattika meta mqabbel mas-snin ta’ qabel. Jipprovdi wkoll analiżi tal-proposti tal-Kummissjoni li kienu s-suġġett ta’ opinjonijiet motivati mill-Parlamenti nazzjonali matul is-sena. Minħabba r-rabtiet mill-qrib bejn il-mekkaniżmi ta’ kontroll tas-sussidjarjetà u d-djalogu politiku bejn il-Parlamenti nazzjonali u l-Kummissjoni, dan ir-rapport għandu jitqies bħala kumplimentari għar-rapport annwali tal-Kummissjoni dwar ir-relazzjonijiet mal-Parlamenti nazzjonali għas-sena 2016 1 .

2.    applikazzjoni tal-prinċipji mill-istituzzjonijiet

2.1.     Il-Kummissjoni

Il-verifika tal-konformità tal-inizjattivi tal-Kummissjoni mal-prinċipji tas-sussidjarjetà u tal-proporzjonalità hija parti integrali mill-prattiki regolatorji tal-Kummissjoni. Fl-2016, il-Kummissjoni kompliet timplimenta l-aġenda msaħħa tagħha għal Regolamentazzjoni Aħjar, li tinkludi gwida msaħħa dwar kif għandhom jiġu vvalutati s-sussidjarjetà u l-proporzjonalità fil-proċess tat-tfassil tal-politika u opportunitajiet ġodda għaċ-ċittadini u għall-partijiet interessati biex jipprovdu kummenti. Il-Kummissjoni qiegħda ssegwi wkoll il-prattika tagħha ta’ evalwazzjoni tal-oqfsa politiċi eżistenti, qabel ma tippreżenta reviżjonijiet leġislattivi. Dawn il-evalwazzjonijiet jinkludu valutazzjonijiet dwar jekk il-miżuri politiċi eżistenti għadhomx ‘adattati għall-iskop tagħhom’ u sa liema punt jikkonformaw mal-prinċipji tas-sussidjarjetà u tal-proporzjonalità. Il-prinċipji u l-istrumenti għal regolamentazzjoni aħjar, fosthom il-valutazzjonijiet tas-sussidjarjetà u tal-proporzjonalità, jiġu applikati f’diversi stadji tal-proċess tat-teħid tad-deċiżjonijiet, filwaqt li jitqiesu l-analiżi u l-input rilevanti pprovduti mill-partijiet interessati:

1.Fl-istadju bikri tal-proċess tal-ippjanar tal-politika, il-pjanijiet direzzjonali jew il-valutazzjonijiet tal-impatt tal-bidu jiġu ppubblikati fuq is-sit web Ewropa tal-Kummissjoni 2 għal kull inizjattiva ġdida kbira. Dawn jipprovdu deskrizzjoni preliminari tal-inizjattiva ppjanata u jiddeskrivu l-pjanijiet tal-Kummissjoni għal ħidma ta’ valutazzjoni tal-impatt u ta’ konsultazzjoni. Il-pjanijiet direzzjonali jew il-valutazzjonijiet tal-impatt tal-bidu jinkludu wkoll ġustifikazzjoni inizjali għall-azzjoni fir-rigward tas-sussidjarjetà u tal-proporzjonalità.

2.Matul il-proċess tal-iżvilupp tal-politika, issir analiżi tal-aspetti tas-sussidjarjetà u tal-proporzjonalità fil-valutazzjonijiet tal-impatt, li huma akkumpanjati wkoll minn konsultazzjoni pubblika miftuħa. Il-valutazzjonijiet tal-impatt jindirizzaw il-mod kif il-prinċipji tas-sussidjarjetà u tal-proporzjonalità japplikaw f’kull każ konkret. Il-kwalità ta’ din l-analiżi hija soġġetta għall-iskrutinju indipendenti tal-Bord tal-Iskrutinju Regolatorju.

3.Fl-aħħar nett, il-memorandum ta’ spjegazzjoni li jakkumpanja l-proposta tal-Kummissjoni jippreżenta fil-qosor il-mod kif il-prinċipji tas-sussidjarjetà u tal-proporzjonalità jiġu ssodisfati. Wara l-adozzjoni mill-Kummissjoni, il-partijiet interessati xorta jistgħu jipprovdu kummenti dwar il-proposta u l-valutazzjoni tal-impatt relatata, inkluż dwar kwistjonijiet ta’ sussidjarjetà u ta’ proporzjonalità. Kwalunkwe kumment bħal dan imbagħad jiġi pprovdut bħala input għall-proċess leġiżlattiv 3 .

Is-sit web tal-Kummissjoni "Ħaffef il-piż – Semma’ leħnek" 4 , li tnieda fl-2015, kif ukoll il-Pjattaforma dwar l-Idoneità u l-Prestazzjoni tar-Regolamentazzjoni (REFIT), li bdiet topera fl-2016, jipprovdu wkoll modi kif il-pubbliku u l-partijiet interessati jistgħu jikkomunikaw mal-Kummissjoni dwar piżijiet eċċessivi possibbli jew ineffiċjenzi ta’ miżuri regolatorji eżistenti, fosthom mistoqsijiet dwar is-sussidjarjetà jew il-proporzjonalità. Fl-2016, il-Pjattaforma REFIT ippreżentat l-ewwel sett ta’ rakkomandazzjonijiet lill-Kummissjoni dwar kif jistgħu jiġu ssimplifikati u jitnaqqsu l-piżijiet regolatorji tal-leġiżlazzjoni eżistenti tal-UE, li għalihom il-Kummissjoni qiegħda twieġeb permezz tal-implimentazzjoni tal-Programm ta’ Ħidma tagħha għall-2017. F’April 2016, il-Presidenti tal-Parlament Ewropew, tal-Kunsill u tal-Kummissjoni ffirmaw il-Ftehim Interistituzzjonali ġdid dwar Tfassil Aħjar tal-Liġijiet li juri l-impenn tat-tliet istituzzjonijiet għal Regolamentazzjoni Aħjar. Dan il-ftehim jinkludi impenji mit-tliet istituzzjonijiet biex josservaw u jimplimentaw il-prinċipji tas-sussidjarjetà u tal-proporzjonalità u, b’mod aktar partikolari, għall-Kummissjoni sabiex, fil-memorandum ta’ spjegazzjoni li jakkumpanja l-proposti tagħha, tippreżenta l-valutazzjoni tal-Kummissjoni ta’ dawn l-aspetti.

Analiżi tas-sussidjarjetà

Il-linji gwida dwar Regolamentazzjoni Aħjar u s-‘sett ta’ għodod’ 5 li jakkumpanjahom li ġew adottati f’Mejju 2015, jenħtieġu lill-Kummissjoni twettaq analiżi tas-sussidjarjetà meta tkun qed titqies inizjattiva ġdida f’oqsma fejn l-Unjoni ma għandhiex kompetenza esklużiva, u waqt il-valutazzjoni tar-rilevanza u tal-valur miżjud Ewropew ta’ intervent eżistenti. Il-Kummissjoni tindirizza s-sussidjarjetà kemm fir-rigward ta’ inizjattivi leġiżlattivi u mhux leġiżlattivi. L-objettiv tal-analiżi għandu żewġ għanijiet: l-ewwel nett, biex jiġi vvalutat jekk azzjoni fuq livell nazzjonali, reġjonali jew lokali hijiex biżżejjed sabiex jintlaħaq l-objettiv segwit; it-tieni nett, biex jiġi vvalutat jekk l-azzjoni tal-Unjoni tipprovdix valur miżjud meta mqabbla ma’ azzjoni meħuda mill-Istati Membri.

Skont il-linji gwida u s-sett ta’ għodod għar-Regolamentazzjoni Aħjar, parti prinċipali tal-analiżi hija l-valutazzjoni tar-‘rilevanza tal-Unjoni’ tal-inizjattiva inkwistjoni. Il-kunsiderazzjonijiet prinċipali huma: l-ambitu ġeografiku, l-għadd ta’ partijiet affettwati, l-għadd ta’ Stati Membri kkonċernati u l-impatti ekonomiċi, ambjentali u soċjali prinċipali. Barra minn hekk, l-analiżi tiddetermina f’termini kwalitattivi – u sa fejn ikun possibbli f’termini kwantitattivi – jekk hemmx problema transfruntiera sinifikanti. L-analiżi għandha tkopri wkoll kemm il-vantaġġi kif ukoll l-iżvantaġġi ta’ azzjoni tal-Unjoni meta mqabbla ma’ azzjoni mill-Istati Membri.

Analiżi tal-proporzjonalità

Skont il-prinċipju tal-proporzjonalità, il-kontenut u l-forma tal-azzjoni tal-Unjoni ma għandhomx jeċċedu dak li hu meħtieġ biex jintlaħqu l-objettivi tat-Trattati 6 . Ir-rispett tal-prinċipju tal-proporzjonalità jfisser li jiġi żgurat li l-approċċ u l-livell ta’ intervent regolatorju ta’ politika jkunu jaqblu mal-objettiv tagħha. Fil-valutazzjonijiet tal-impatt 7 , fil-valutazzjonijiet u fil-kontrolli tal-idoneità għandu jkun hemm referenza ċara għall-proporzjonalità.

B’mod partikolari, il-linji gwida u s-sett ta’ għodod għal Regolamentazzjoni Aħjar jeħtieġu li fl-analiżi tagħha tal-proporzjonalità l-Kummissjoni tqis:

·jekk il-miżuri jmorrux lil hinn minn dak li huwa meħtieġ biex tiġi indirizzata l-problema u jintlaħaq l-objettiv b’mod sodisfaċenti;

·jekk l-ambitu tal-inizjattiva huwiex limitat għal dawk l-aspetti li l-Istati Membri ma jistgħux jilħqu b’mod sodisfaċenti weħidhom u fejn l-UE tista’ tagħmel aħjar;

·jekk l-azzjoni jew l-għażla tal-istrument hijiex sempliċi kemm jista’ jkun, u konsistenti mal-kisba sodisfaċenti tal-objettiv u infurzar effettiv;

·jekk il-kostijiet jinżammux baxxi kemm jista’ jkun u humiex proporzjonati tajjeb mal-objettiv li jrid jinkiseb;

·jekk hemmx ġustifikazzjoni soda għall-għażla tal-istrument (Regolament, Direttiva jew metodi regolatorji alternattivi); u

·jekk ikunux rispettati l-arranġamenti nazzjonali stabbiliti sew u ċ-ċirkostanzi partikolari fi Stati Membri individwali.

Valutazzjonijiet tal-impatt

Valutazzjonijiet tal-impatt huma meħtieġa kull darba li inizjattiva tkun mistennija li jkollha impatti ekonomiċi, soċjali jew ambjentali sinifikanti. Dawn jinkludu valutazzjoni tal-problema, l-għażliet politiċi possibbli, u l-impatti probabbli tagħhom u kif dawn jikkonformaw mal-prinċipji tas-sussidjarjetà u tal-proporzjonalità.

F’Lulju 2015 il-Bord tal-Iskrutinju Regolatorju ħa post il-Bord tal-Valutazzjoni tal-Impatt. Fl-2016, il-Bord kien magħmul minn President (livell ta’ Direttur Ġenerali) u ħames membri full-time, li tnejn minnhom kienu minn barra l-Kummissjoni. Fl-2017 inħatar it-tielet u l-aħħar membru estern. Il-membri kollha tal-Bord huma indipendenti u jaħdmu f’kapaċità personali abbażi tal-għarfien espert individwali tagħhom. Il-Bord jirrevedi l-kwalità tal-valutazzjonijiet tal-impatt, ta’ valutazzjonijiet ewlenin u tal-kontrolli tal-idoneità. Is-sussidjarjetà u l-proporzjonalità huma parti minn dan il-kontroll tal-kwalità.

Fl-2016, il-Bord tal-Iskrutinju Regolatorju eżamina 60 valutazzjoni tal-impatt. Disgħa minn dawn il-każijiet (15 %) ġew iġġudikati bħala li jeħtieġu titjib fl-analiżi tagħhom tal-aspetti tas-sussidjarjetà u/jew tal-proporzjonalità. Filwaqt li l-għadd totali ta’ każijiet ivvalutati fl-2015 kien aktar baxx (29) is-sehem ta’ każijiet bi kwistjonijiet ta’ sussidjarjetà u ta’ proporzjonalità kien ogħla (23 %). L-eżempji li ġejjin mill-2016 juru kif il-Bord ivvaluta tas-sussidjarjetà u l-proporzjonalità:

·Fl-opinjoni dwar il-valutazzjoni tal-impatt dwar il-proposta li temenda d-Direttiva dwar l-istazzjonar tal-ħaddiema 8 , il-Bord tal-Iskrutinju Regolatorju saħaq li r-rapport għandu jissostanzja aħjar l-argumentazzjoni dwar il-prinċipji tas-sussidjarjetà u tal-proporzjonalità. Il-Bord talab għal ġustifikazzjoni għaliex l-għażliet alternattivi ma ġewx inklużi fl-analiżi. Dwar il-kwistjoni tal-proporzjonalità, il-Bord talab għal kjarifika dwar il-mod kif ir-rapport indirizza t-tħassib tal-intrapriżi żgħar u ta’ daqs medju fir-rigward tal-piżijiet proċedurali. F’verżjoni li reġgħet ġiet ippreżentata tar-rapport, li kisbet opinjoni pożittiva tal-Bord, iż-żewġ kwistjonijiet kienu indirizzati aħjar, speċjalment f’dak li għandu x’jaqsam mal-ġustifikazzjoni ġenerali tal-proposta. Żdiedet ukoll taqsima dwar l-intrapriżi żgħar u ta’ daqs medju u l-piżijiet probabbli mill-proċeduri amministrattivi. Filwaqt li r-rapport rivedut kien jiġġustifika aħjar it-twarrib ta’ xi għażliet, il-Bord xorta talab sabiex ir-rapport jispjega aħjar għaliex ma ġietx ikkunsidrata eżenzjoni għal stazzjonar fuq żmien qasir. Rapport emendat ġie adottat f’Marzu 2016 9 .

·Fil-valutazzjoni tal-impatt dwar il-proposta għal Direttiva tal-Kunsill dwar mekkaniżmu ġenerali tar-reverse charge għat-taxxa fuq il-valur miżjud 10 , il-Bord tal-Iskrutinju Regolatorju sab li l-proporzjonalità ma kinitx iġġustifikata biżżejjed għall-għażliet politiċi individwali, speċjalment fir-rigward tal-impatti. Ir-rapport irċieva opinjoni negattiva u l-verżjoni li reġgħet ġiet ippreżentata mill-ġdid ġiet imtejba biż-żieda ta’ analiżi tal-proporzjonalità li wasslet għal valutazzjoni aktar b’saħħitha tal-għażliet u tar-riskji. Pereżempju, il-konsegwenzi sekondarji kienu deskritti aħjar fir-rigward tal-impatti fuq il-kostijiet tal-konformità għan-negozji u fuq Stati Membri oħra li ma jużawx il-mekkaniżmu ġenerali tar-reverse charge.

·Fil-valutazzjoni tal-impatt dwar il-proposta għal Regolament tal-Kunsill dwar imblukkar ġeografiku 11 abbażi tal-prinċipju tar-residenza u n-nazzjonalità, il-Bord talab għal ġustifikazzjoni aħjar ta’ kif l-għażla preferuta kienet proporzjonata meta mqabbla mal-problema identifikata. Il-Bord talab għal spjegazzjoni aħjar tad-differenza li l-inizjattiva hija mistennija tagħmel peress li l-kummerċjanti mhumiex ser ikunu meħtieġa jikkonsenjaw fi Stat Membru ieħor u għal evidenza aktar sostantiva dwar ir-raġuni għaż-żieda fil-kummerċ transfruntier anki fejn il-konsumaturi huma meħtieġa jiġbru oġġetti f’pajjiż barrani. Ir-rapport irċieva opinjoni negattiva. Sussegwentement ir-rapport ġie mtejjeb u verżjoni emendata kisbet opinjoni pożittiva mill-Bord.

·Dwar il-proposta għal Regolament tal-Parlament Ewropew u tal-Kunsill dwar il-modernizzazzjoni tar-regoli tal-UE dwar id-drittijiet tal-awtur fis-Suq Uniku Diġitali 12 , il-Bord ta opinjoni pożittiva dwar il-valutazzjoni tal-impatt, bil-kundizzjoni li r-rapport jiġi mtejjeb b’mod speċifiku f’dak li għandu x’jaqsam ma’ evidenza li tappoġġa l-bżonn għal azzjoni tal-UE u l-proporzjonalità tal-miżuri proposti. B’mod partikolari, il-Bord talab lill-Kummissjoni biex tipprovdi aktar evidenza fir-rigward tal-użu tal-kontenut protett, tal-kontenut li jtellgħu l-utenti, tar-remunerazzjoni ġusta tal-awturi u tal-artisti u tal-kontenut awdjoviżiv fuq pjattaformi ta’ Vidjow b’Talba. It-tħassib tal-Bord wassal għal reviżjoni tar-rapport ta’ valutazzjoni tal-impatt li jakkumpanja l-abbozz ta’ proposti leġiżlattivi li ġie adottat mill-Kummissjoni f’Settembru 2016.

·Fil-kuntest tal-proposta għal Direttiva riveduta dwar l-Enerġija Rinnovabbli 13 , il-Bord tal-Iskrutinju Regolatorju qajjem tħassib dwar il-proporzjonalità ta’ wħud mill-għażliet u l-punt safejn kien ġie ssodisfat il-prinċipju tas-sussidjarjetà. Il-Kummissjoni ħadet kont debitu tar-riżervi tal-Bord fil-proposta tagħha. B’mod partikolari, rigward id-dispożizzjonijiet dwar it-tisħin u t-tkessiħ, il-Kummissjoni ma pproponiet ebda obbligi vinkolanti imma minflok introduċiet diversi alternattivi għall-Istati Membri, u b’hekk ipprovdiet flessibilità fl-implimentazzjoni fil-livell nazzjonali. Dawn id-dispożizzjonijiet aktar proporzjonati u anqas tqal saru flimkien ma’ dispożizzjonijiet imsaħħa fil-qafas ta’ governanza biex jissalvagwardaw il-kisba tal-miri tal-2030.

Kif muri minn dawn l-eżempji, fl-2016 il-Bord tal-Iskrutinju Regolatorju għen sabiex titjieb l-analiżi ta’ kif il-proposti jikkonformaw mal-prinċipji tas-sussidjarjetà u tal-proporzjonalità. Permezz ta’ dan, il-Bord ipprovda informazzjoni kritika għall-proċess tal-Kummissjoni tat-teħid ta’ deċiżjonijiet politiċi.

Evalwazzjonijiet u kontrolli tal-idoneità

Is-sussidjarjetà u l-proporzjonalità kienu wkoll essenzjali għall-evalwazzjonijiet retrospettivi u l-kontrolli tal-idoneità mwettqa fl-2016. Dawn l-għodod jivvalutaw jekk l-azzjonijiet Ewropej hux qed jagħtu r-riżultati mistennija f’termini ta’ effiċjenza, effettività, koerenza, rilevanza u valur miżjud Ewropew. Jivvalutaw ukoll jekk għadx hemm il-ħtieġa ta’ azzjonijiet, jew jekk l-objettivi jistgħux jintlaħqu aħjar b’modi oħra. Il-Kummissjoni hija impenjata li tħares il-prinċipju ta’ ‘l-ewwel tivvaluta’ - fi kliem ieħor, li l-ewwel tiġi analizzata l-prestazzjoni fl-imgħoddi ta’ politiki eżistenti qabel ma jiġu kkunsidrati miżuri ġodda. Permezz tal-ġbir ta’ evidenza u l-identifikazzjoni ta’ tagħlimiet li jistgħu jikkontribwixxu għat-teħid tad-deċiżjonijiet, l-UE qed tagħmel il-valutazzjoni parti integrali u permanenti mit-tfassil tal-politika tagħha.

Normalment il-Kummissjoni tipproduċi bejn 100 u 120 valutazzjoni fis-sena. Fl-2016, il-Kummissjoni ppubblikat 43 valutazzjoni u Kontrolli tal-Idoneità 14 . Il-Kummissjoni temmet żewġ kontrolli tal-idoneità (evalwazzjonijiet ta’ oqsma politiċi usa’); wieħed dwar l-Obbligi ta’ Rapportar, ta’ Ppjanar u ta’ Monitoraġġ fl-acquis tal-UE dwar l-Enerġija u ieħor dwar id-Direttivi dwar l-Għasafar u l-Ħabitats. L-eżempji li ġejjin minn 2016 jenfasizzaw l-evalwazzjonijiet fejn tqajmu kwistjonijiet tas-sussidjarjetà, tal-valur miżjud Ewropew u tal-proporzjonalità:

·Evalwazzjoni tad-Direttiva dwar Infurzar Transfruntier tal-Multi tat-Traffiku 15 kkonkludiet li d-Direttiva tiġġenera valur miżjud Ewropew minħabba li tistabbilixxi mekkaniżmu għall-iskambju ta’ informazzjoni tad-dejta dwar ir-reġistrazzjoni tal-vetturi, ħaġa li hija kruċjali biex jiġu segwiti r-reati mwettqa b’vetturi rreġistrati fi Stati Membri oħra. Il-kisba tal-istess riżultati b’mezzi oħra minbarra direttiva kienet tkun kważi impossibbli meta wieħed iqis: a) l-għadd ta’ ftehimiet li l-Istati Membri jkollhom jiffirmaw sabiex jiskambjaw l-istess tip ta’ data; b) il-ħin meħtieġ għar-ratifika ta’ ftehimiet simili fl-Istati Membri kollha; u c) l-eżiti possibbli ta’ tali ftehimiet kif ukoll in-nuqqas ta’ trasparenza li xi ftehimiet bilaterali jew multilaterali jistgħu jinvolvu.

·Evalwazzjoni tal-Pjan ta’ Azzjoni kontra ż-żieda fit-theddid minn reżistenza għall-antimikrobiċi 16 kkonkludiet li l-Pjan ta’ Azzjoni kellu valur miżjud Ewropew ċar. Dan stimula azzjonijiet fl-Istati Membri, kooperazzjoni internazzjonali msaħħa u pprovdew qafas biex l-attivitajiet dwar ir-reżistenza antimikrobika jiġu kkoordinati fil-livell internazzjonali. Kollox ma’ kollox, għalhekk, is-sejbiet tal-evalwazzjoni jappoġġjaw it-tkomplija tal-azzjoni fil-livell tal-UE. L-evalwazzjoni turi li hemm ħtieġa ċara li l-Istati Membri jingħataw appoġġ u għajnuna biex jiżviluppaw u jimplimentaw pjanijiet ta’ azzjoni nazzjonali biex jitnaqqsu d-differenzi bejn l-użu ta’ aġenti antimikrobiċi u l-prevalenza ta’ infezzjonijiet, sabiex titrawwem kollaborazzjoni bejn is-setturi, biex jitjieb l-għarfien taċ-ċittadini u biex jissaħħu s-sistemi tal-monitoraġġ u tas-sorveljanza permezz tal-iżvilupp tal-għarfien espert dwar metodoloġiji, indikaturi u strumenti b’sodi. Il-evalwazzjoni wriet il-ħtieġa għal koordinazzjoni u kollaborazzjoni kontinwa fir-riċerka u dwar l-iżvilupp ta’ aġenti antimikrobiċi, testijiet dijanjostiċi rapidi, vaċċini u trattamenti alternattivi ġodda, u mudelli kummerċjali ġodda biex isostnu l-investiment u jżidu l-għarfien dwar it-trażmissjoni tar-reżistenza għall-antimikrobiċi.

·L-evalwazzjoni ex post tas-seba' Programm Kwadru għar-Riċerka 17 kkonkludiet li l-indirizzar tal-isfidi pan-Ewropej permezz ta’ riċerka Ewropea huwa fost l-aktar oqsma importanti tal-valur miżjud Ewropew meta mqabbel ma’ azzjoni mill-Istati Membri. Il-programmi ta’ Riċerka Ewropej jinkludu sett ta’ premijiet għall-‘isfidi tas-soċjetàli’, li joffru premjijiet fi flus lil dawk li jegħlbu bl-aktar mod effettiv sfida definita. Dawn iservu ta’ inċentiv għall-innovazzjoni. Huma jippreskrivu l-għan iżda mhux il-mod kif għandu jintlaħaq l-għan. Fl-2014, il-kumpanija Ġermaniża tal-bijofarmaċewtika CureVac GmbH rebħet il-Premju għall-Innovazzjoni u ngħatat EUR 2 miljuni għall-progress favur teknoloġija ġdida sabiex tilqim li jista’ jsalva l-ħajjiet jinżamm stabbli fi kwalunkwe temperatura ambjentali, u b’hekk jingħeleb wieħed mill-akbar ostakoli għall-użu tat-tilqim fil-pajjiżi fil-fażi tal-iżvilupp. Fl-2015, il-premju ingrana investiment privat addizzjonali fir-riċerka meta l-Bill and Melinda Gates Foundation ħabbret impenn li tinvesti EUR 46 miljun fi CureVac sabiex jitħaffef l-iżvilupp tat-teknoloġija innovattiva tagħha fil-qasam tat-tilqim u l-produzzjoni ta’ bosta tilqim kontra mard infettiv.

2.2.     Segwitu għal opinjonijiet motivati mill-Parlamenti nazzjonali

Fl-2016, il-Kummissjoni rċeviet 65 18  opinjoni motivata mill-Parlamenti nazzjonali dwar il-prinċipju tas-sussidjarjetà 19 . Dan kien 713 % aktar mit-tmien opinjonijiet motivati li waslu fl-2015. L-għadd ta’ opinjonijiet motivati li waslu fl-2016 huwa t-tielet l-ogħla f’sena kalendarja minn meta l-mekkaniżmu ta’ kontroll tas-sussidjarjetà ġie introdott bit-Trattat ta’ Lisbona fl-2009 (wara 84 fl-2012 u 70 fl-2013). L-opinjonijiet motivati li daħlu fl-2016 kienu jammontaw ukoll għal proporzjon ogħla (10.5 %) tal-għadd totali ta’ opinjonijiet li waslu għand il-Kummissjoni fl-istess sena fil-kuntest tad-djalogu politiku (620). Għandu jiġi nnotat li anke l-għadd totali ta’ opinjonijiet ippreżentati mill-Parlamenti nazzjonali taħt id-djalogu politiku żdied b’mod sinifikanti fl-2016 20 .

Il-65 opinjoni motivata li waslu fl-2016 kienu jinkludu 38 opinjoni relatata ma’ erba’ proposti tal-Kummissjoni. Il-proposta li tat lok għal l-aktra opinjonijiet motivati kienet il-proposta għal rieżami tad-Direttiva dwar l-istazzjonar tal-ħaddiema 21 , li ġġenerat 14-il  opinjoni motivata, u b’hekk skattat il-proċedura skont l-Artikolu 7(2) tal-Protokoll Nru 2 għat-Trattati (l-hekk imsejħa proċedura tal-“karta s-safra”). Il-proposta għal rieżami tar-Regolament ta’ Dublin 22 irċeviet tmien opinjonijiet motivati, filwaqt li ż-żewġ proposti li jistabbilixxu l-Bażi Komuni Konsolidata għat-Taxxa Korporattiva rċeviet tmien opinjonijiet motivati 23 . Proposti oħra rċevew bejn opinjoni motivata waħda u erbgħa. Il-każijiet li dwarhom il-Kummissjoni rċeviet l-ogħla għadd ta’ opinjonijiet motivati huma deskritti f’aktar dettall fil-Kapitolu 3.

Iż-żieda sinifikanti fl-għadd totali ta’ opinjonijiet motivati maħruġa fl-2016 wasslet għal żieda sostanzjali fl-għadd ta’ opinjonijiet motivati maħruġa minn kull kamra. Fl-2016, 26 kamra biss minn 41 ħarġu opinjonijiet motivati (meta mqabbel ma’ 8 fl-2015). L-opinjonijiet motivati nħarġu min-Narodno sabranie Bulgaru (3), mis-Senát Ċek (3), mill-Poslanecká sněmovna Ċeka (4), mill-Folketing Daniż (2), mir-Riigikogu Estonjan (1), mid-Dáil Éireann Irlandiż (2), mis-Seanad Éireann Irlandiż (1), mis-Sénat Franċiż (3), mill-Hrvatski sabor Kroat (1), mis-Senato della Repubblica Taljan (3), mis-Saeima Latvjan (1), mis-Seimas Litwan (1), mix-Chambre des Députés tal-Lussemburgu (2), mill-Országgyűlés Ungeriż (2), mill-Kamra tad-Deputati Maltija (5), mill-Eerste Kamer Olandiż (1), mit-Tweede Kamer Olandiż (3), mill-Bundesrat Awstrijak (4), mis-Senat Pollakk (2), mis-Sejm Pollakk (2), mill-Assembleia da República Portuġiża (1), mill-Camera Deputaților Rumena (2), mis-Senat Rumen (1), mis-Národná rada Slovakka (2), mir-Riksdag Svediż (12) u mill-House of Commons Brittannika (1).

Ir-Riksdag Svediż kien il-Parlament nazzjonali li ħareġ bil-bosta l-akbar għadd ta’ opinjonijiet motivati (12). Il-Kamra tad-Deputati Maltija ħarġet it-tieni l-ogħla għadd ta’ opinjonijiet motivati (5) segwita mill-Poslanecká sněmovna Ċeka u l-Bundesrat Awstrijak (4 kull wieħed).

Barra minn hekk, xi parlamenti reġjonali ħadu l-opportunità biex jinformaw lill-Kummissjoni direttament dwar l-opinjonijiet tagħhom dwar ċerti proposti tal-Kummissjoni, u f’xi każijiet kienu wkoll ġew ippreżentati lill-kmamar parlamentari nazzjonali rispettivi tagħhom bħala parti mill-proċedura ta’ skrutinju tas-sussidjarjetà skont l-Artikolu 6 tal-Protokoll Nru 2 għat-Trattati. Il-Kummissjoni tqis dawn l-opinjonijiet f’kunsiderazzjoni fejn xieraq.

2.3.    Il-Parlament Ewropew u l-Kunsill

a) Il-Parlament Ewropew

Il-Parlament Ewropew ħa serje ta’ miżuri biex jissodisfa l-obbligi tiegħu skont it-Trattati fir-rigward tal-applikazzjoni tal-prinċipji tas-sussidjarjetà u tal-proporzjonalità. B’referenza partikolari għall-opinjonijiet motivati tal-Parlamenti nazzjonali, attwalment hemm il-proċedura segwenti fis-seħħ:

·l-opinjonijiet motivati jiġu trażmessi lill-Kumitat tal-Parlament Ewropew għall-Affarijiet Legali u lill-kumitat parlamentari responsabbli minn dan is-suġġett biex jitqassmu lill-Membri kollha tal-kumitat; jiġu inklużi wkoll fil-fajl tal-laqgħa;

·l-opinjonijiet motivati jiġu sistematikament tradotti fil-lingwi uffiċjali kollha tal-UE (ħlief l-Irlandiż u l-Malti);

·il-preamboli għar-riżoluzzjonijiet leġiżlattivi jagħmlu referenza għall-opinjonijiet motivati li jkunu waslu;

·il-kumitat parlamentari responsabbli mis-suġġett jiżgura li l-Parlament Ewropew ma jgħaddix għall-votazzjoni finali tiegħu qabel jiskadi l-perjodu ta’ tmien ġimgħat għas-sottomissjoni tal-opinjonijiet motivati skont il-Protokoll Nru 2 tat-Trattati 24 .

Fl-2016, il-Parlament Ewropew irċieva formalment 410 sottomissjoni mill-Parlamenti nazzjonali 25 . Minn dawn, 76 26 kienu opinjonijiet motivati ppreżentati skont il-Protokoll Nru 2 tat-Trattati, filwaqt li t-334 l-oħra kienu kontribuzzjonijiet (sottomissjonijiet mhux relatati mal-mekkaniżmu ta’ kontroll tas-sussidjarjetà). Dawn iċ-ċifri żdiedu meta mqabbla mal-2015, meta ġew trażmessi uffiċjalment lill-Parlament Ewropew disa’ opinjonijiet motivati u 242 kontribuzzjoni. Is-sottomissjonijiet kollha mill-Parlamenti nazzjonali lill-Parlament Ewropew huma disponibbli f’bażi tad-dejta interna (CONNECT).

Skont l-Anness V tar-Regoli ta’ Proċedura tal-Parlament Ewropew, il-Kumitat għall-Affarijiet Legali huwa l-kumitat parlamentari b’responsabbiltà orizzontali biex jiġi żgurat ir-rispett tal-prinċipju tas-sussidjarjetà. Kull sitt xhur Membru tal-Kumitat jinħatar bħala rapporteur permanenti għas-sussidjarjetà abbażi ta’ rotazzjoni fost il-gruppi politiċi. Is-Sur Gilles LEBRETON (ENF) inħatar bħala r-rapporteur permanenti għall-ewwel nofs tal-2016. Warajh inħatar is-Sur Kostas CHRYSOGONOS (GUE/NGL). Ir-rapporteur isegwi l-opinjonijiet motivati li jkunu waslu u għandu l-opportunità li jqajjem kwistjonijiet li jkunu tqajmu fl-opinjonijiet motivati għal dibattitu fil-kumitat u għal rakkomandazzjonijiet possibbli lill-kumitat responsabbli mis-suġġett tal-proposta inkwistjoni.

B’mod regolari, il-Kumitat għall-Affarijiet Legali jfassal ukoll rapport dwar ir-rapporti annwali tal-Kummissjoni dwar is-sussidjarjetà u l-proporzjonalità. Is-Sur Sajjad KARIM (ECR) inħatar bħala rapporteur għar-Rapport Annwali tal-2014 dwar is-Sussidjarjetà u l-Proporzjonalità. Is-Sinjura Mady DELVAUX (S&D) inħatret bħala rapporteur għar-Rapport Annwali tal-2015. Il-Kumitat jikkontribwixxi wkoll għar-rapporti biennali mfassla mill-Konferenza tal-Kumitati għall-Affarijiet Ewropej (COSAC) dwar kwistjonijiet relatati mas-sussidjarjetà.

Fl-24 ta’ Mejju 2016, il-Kumitat għall-Affarijiet Legali organizza skambju ta’ fehmiet dwar l-opinjonijiet motivati li waslu skont il-proċedura koperta mill-Artikolu 7(2) tal-Protokoll Nru 2, l-hekk imsejħa proċedura tal-“karta s-safra” dwar il-proposta għal reviżjoni mmirata tad-Direttiva dwar l-Istazzjonar ta’ Ħaddiema (ara wkoll aktar ’l isfel taħt il-kapitolu 3 ta’ dan ir-rapport). Fit-12 ta’ Ottubru 2016, il-Kumitat għall-Impjiegi u l-Affarijiet Soċjali stieden lill-Parlamenti nazzjonali għal skambju ta’ fehmiet dwar il-proposta.

Il-Kumitat għall-Affarijiet Legali huwa responsabbli wkoll għall-iżgurar tar-rispett lejn il-prinċipju tal-proporzjonalità, li jqis waqt it-twettiq tal-kompitu tiegħu tal-verifika tal-bażi ġuridika tal-proposti u fl-eżerċizzju tar-responsabbiltà tiegħu għal tfassil aħjar tal-liġijiet.

Barra minn hekk, is-Servizz ta’ Riċerka tal-Parlament Ewropew kompla jassisti lill-Parlament Ewropew fit-teħid inkunsiderazzjoni tal-prinċipji tas-sussidjarjetà u tal-proporzjonalità fil-ħidma tiegħu:

·billi analizza fil-fond u b'mod sistematiku l-aspetti tas-sussidjarjetà u tal-proporzjonalità tal-valutazzjonijiet tal-impatt tal-Kummissjoni u ġibed l-attenzjoni għal xi tħassib espress f’dan ir-rigward, b’mod partikolari mill-Parlamenti nazzjonali u mill-Kumitat tar-Reġjuni;

·billi żgura li dawn il-prinċipji jiġu rispettati b’mod sħiħ fil-ħidma proprja tal-Parlament Ewropew, pereżempju fit-twettiq ta’ valutazzjonijiet tal-impatt tal-emendi sostantivi proprji jew analizza l-valur miżjud tal-proposti tal-Parlament għal leġiżlazzjoni ġdida, abbażi tal-Artikolu 225 tat-Trattat dwar il-Funzjonament tal-Unjoni Ewropea, u l-kost tan-nuqqas ta’ azzjoni fil-livell tal-UE;

·billi analizza fil-fond l-aspetti tas-sussidjarjetà u tal-proporzjonalità waqt l-abbozzar tal-valutazzjonijiet tal-impatt, b’enfasi fuq il-valur miżjud tal-UE pjuttost milli fuq in-nefqa jew fuq l-azzjonijiet nazzjonali.

Fl-2016, il-Parlament Ewropew ipproduċa 36 Evalwazzjoni Inizjali, Valutazzjoni tal-Impatt waħda ta' emendi parlamentari sostantivi u 14-il Valutazzjoni tal-Impatt Ewropea ex post. Barra minn hekk, tlestew seba’ rapporti dwar il-kost tan-non-Ewropa u erba’ Valutazzjonijiet tal-Valur Miżjud Ewropew. Is-Servizz ta’ Riċerka tal-Parlament Ewropew, li jiskrutinja wkoll l-implimentazzjoni u l-effikaċja tal-leġiżlazzjoni eżistenti tal-UE kull meta l-Kummissjoni Ewropea tħabbar fil-programm ta’ ħidma annwali tagħha li din il-leġiżlazzjoni se tiġi emendata. Fl-2016, ġew prodotti madwar 28 “Evalwazzjoni tal-Implimentazzjoni” bħal dawn.

Kull sena, il-Parlament Ewropew iġedded l-istedina tiegħu lill-Parlamenti nazzjonali biex jgħaddu kwalunkwe informazzjoni li jqisu utli f’dan il-kuntest.

(b) Il-Kunsill

L-obbligi tal-Kunsill f’dak li għandu x’jaqsam mal-monitoraġġ tal-prinċipju tas-sussidjarjetà min-naħa tal-Parlamenti nazzjonali huma stabbiliti fil-Protokolli Nru 1 u 2 tat-Trattati. Ir-responsabbiltajiet tal-Kunsill jikkonsistu prinċipalment fit-trażmissjoni lill-parlamenti nazzjonali tal-abbozz tal-atti leġiżlattivi li ma jkunux ġejjin mill-Kummissjoni.

Skont l-Artikolu 4 tal-Protokoll Nru 2 tat-Trattati, il-Kunsill irid jgħaddi lill-Parlamenti nazzjonali l-abbozzi tal-atti leġiżlattivi kollha li joriġinaw minn grupp ta’ Stati Membri, mill-Qorti tal-Ġustizzja, mill-Bank Ċentrali Ewropew u mill-Bank Ewropew tal-Investiment. Bħala korollarju għall-obbligu ta’ hawn fuq, skont l-Artikolu 6 tal-Protokoll Nru 2, il-Kunsill irid jgħaddi kull opinjoni ta’ Parlament nazzjonali dwar proposta leġiżlattiva li toriġina minn grupp ta’ Stati Membri lill-Istati Membri proponenti. Bl-istess mod, il-Kunsill jgħaddi l-opinjonijiet tal-Parlamenti nazzjonali dwar il-proposti leġiżlattivi mill-Qorti tal-Ġustizzja, mill-Bank Ċentrali Ewropew u mill-Bank Ewropew tal-Investiment lill-istituzzjoni kkonċernata. Fl-2016, ma wasal l-ebda tali abbozz ta’ att leġislattiv jew opinjoni 27 .

Minbarra r-rekwiżiti tiegħu skont it-Trattat, il-Kunsill iżomm ukoll lill-Istati Membri infurmati dwar l-opinjonijiet tal-Parlamenti nazzjonali dwar il-proposti leġiżlattivi tal-Kummissjoni. Fl-2016, is-Segretarjat tal-Kunsill qassam lid-delegazzjonijiet 69 28 opinjoni motivata li kienu waslu fil-qafas tal-Protokoll Nru 2 u 280 opinjoni maħruġa fil-qafas tad-djalogu politiku 29 . 

Fl-aħħar nett, bħala parti mill-ħidma leġiżlattiva tiegħu, il-Kunsill jivverifika l-konformità mal-prinċipji tas-sussidjarjetà u tal-proporzjonalità meta jirrevedi l-valutazzjonijiet tal-impatt li jakkumpanjaw il-proposti tal-Kummissjoni.

2.4.    Il-Kumitat tar-Reġjuni

F’konformità referenza għal-livell lokali u reġjonali fl-Artikolu 5(3) tat-Trattat dwar l-Unjoni Ewropea, il-Kumitat tar-Reġjuni fl-2016 mmonitorjata l-applikazzjoni tal-prinċipju tas-sussidjarjetà permezz tad-diversi strumenti tiegħu. Permezz tal-Programm ta’ Ħidma tas-Sussidjarjetà 30 , erba’ inizjattivi magħżula mill-Programm ta’ Ħidma tal-Kummissjoni tal-2016 li ġew analizzati b’attenzjoni partikolari. Barra minn hekk, permezz tar-regoli interni tiegħu stess 31 , il-Kumitat tar-Reġjuni jkun ivvaluta l-konformità mal-prinċipji tas-sussidjarjetà u l-proporzjonalità tal-proposti leġiżlattivi kollha li fuqhom ikun ħareġ opinjonijiet. Fl-2016, inħarġu 13-il opinjoni dwar proposti leġiżlattivi, fejn disa’ minnhom kienu rilevanti f’termini ta’ monitoraġġ tas-sussidjarjetà u tal-proporzjonalità, b’żieda ma’ dawk inklużi fil-Programm ta’ Ħidma tas-Sussidjarjetà. Fil-maġġoranza tal-proposti, il-Kumitat tar-Reġjuni sab li kienu konformi mal-prinċipji tas-sussidjarjetà u tal-proporzjonalità. F’żewġ każijiet, u fi gradi differenti, il-Kumitat tar-Reġjuni qajjem xi kwistjonijiet, notevolment dwar il-Pakkett dwar l-Ekonomija Ċirkolari 32 u dwar ir-reviżjoni tad-Direttiva dwar is-servizzi tal-midja awdjoviżiva 33 . Dwar l-istabbiliment ta’ Skema Ewropea ta’ Assigurazzjoni tad-Depożiti 34 , il-Kumitat tar-Reġjuni sab li din il-ġustifikazzjoni ma kinitx kompluta, u talab lill-Kummissjoni biex tippreżenta ġustifikazzjoni aktar sostanzjata biex tkun possibbli valutazzjoni infurmata dwar il-konformità tagħha mal-prinċipji tas-sussidjarjetà u tal-proporzjonalità.

Konsultazzjonijiet tal-Grupp ta’ Esperti tas-Sussidjarjetà

Għal kull inizjattiva inkluża fil-Programm ta’ Ħidma dwar is-Sussidjarjetà saret konsultazzjoni mal-Grupp ta’ Esperti tas-Sussidjarjetà 35 . Il-Grupp ta’ Esperti tas-Sussidjarjetà ġie l-ewwel ikkonsultat dwar il-proposti għal Direttivi fil-pakkett ġdid tal-Ekonomija Ċirkolari. Il-maġġoranza tal-esperti qiesu li l-miri dwar l-immaniġġjar tal-iskart ma kinux jagħtu lok għal tħassib f’termini ta’ sussidjarjetà. Madankollu, fir-rigward tal-prinċipju tal-proporzjonalità, uħud kienu tal-fehma li l-miri inklużi fil-proposta leġiżlattiva mill-2014 kienu sproporzjonati. L-opinjoni 36 kkonkludiet li: “l-proposti tal-Kummissjoni Ewropea ma jqajmux tħassib dwar ir-rispett tas-sussidjarjetà iżda jqajmu tħassib dwar ir-rispett tal-proporzjonalità”.

It-tieni konsultazzjoni fl-2016 kienet tittratta r-reviżjoni tad-Direttiva dwar l-Istazzjonar ta’ Ħaddiema. Dawk li wieġbu għall-konsultazzjoni enfasizzaw li l-proposta kienet tinkludi elementi ġodda sinifikanti u l-miżuri proposti ma kinux ġustifikati b’mod adegwat u sostanzjat. F’termini ta’ aspetti materjali tas-sussidjarjetà, l-opinjoni 37 ma qajmet l-ebda kwistjoni u qablet mal-proposta tal-Kummissjoni “li l-għan tar-reviżjoni proposta tad-Direttiva, jiġifieri definizzjoni komuni tar-regoli applikabbli għall-istazzjonar tal-ħaddiema, jista’ jintlaħaq aħjar fil-livell tal-UE”.

Fir-rigward tal-proposta għar-reviżjoni tad-Direttiva dwar is-servizzi tal-midja awdjoviżiva, l-esperti kkonkludew li l-proposta kienet tidher li tikkonforma mal-prinċipju tas-sussidjarjetà iżda li r-regoli estremament dettaljati dwar l-awtoritajiet regolatorji nazzjonali ma jħallux biżżejjed lok għal teħid ta’ deċiżjonijiet nazzjonali, u li minħabba dan il-proposta tqajjem tħassib dwar il-proporzjonalità 38 .

L-aħħar konsultazzjoni mal-Grupp ta’ Esperti dwar is-Sussidjarjetà fl-2016 kienet dwar il-proposta għal Direttiva dwar id-Drittijiet tal-Awtur fis-Suq Uniku Diġitali. Ma tqajmet l-ebda kwistjoni fir-rigward tas-sussidjarjetà jew tal-proporzjonalità. L-opinjoni tal-Kumitat tar-Reġjuni ġiet adottata fit-8 ta’ Frar 2017 39 .

REGPEX — il-pjattaforma għal reġjuni b’setgħat leġiżlattivi

Fl-2016, il-Kumitat tar-Reġjuni kompla jaġġorna u jiżviluppa r-REGPEX - is-sottonetwerk tan-Netwerk għall-Monitoraġġ tas-Sussidjarjetà miftuħ għall-parlamenti u l-gvernijiet tar-reġjuni b’setgħat leġislattivi li fl-aħħar tal-2016 kien jgħodd 76 sieħeb (47 assemblea reġjonali u 29 gvern reġjonali). Il-magna tat-tiftix ta’ REGPEX tiffaċilita għażla ta’ prijoritajiet għall-monitoraġġ tas-sussidjarjetà u skambju ta’ informazzjoni bejn is-sħab billi tipprovdi aċċess dirett għall-informazzjoni għall-analiżi tas-sussidjarjetà. REGPEX jinqa’ għodda importanti għall-monitoraġġ tas-sussidjarjetà. Irawwem l-iskambju tal-aħjar prattiki u approċċ aktar komuni għall-monitoraġġ tas-sussidjarjetà.

Fl-2016 fil-pjattaforma ttellgħu total ta’ 28 kontribuzzjoni ppreżentati mis-sħab tar-REGPEX. Il-Parlament tal-Istat Superjuri tal-Awstrija, l-Assemblea leġiżlattiva Reġjonali tal-Emilia Romagna u l-Parlament tal-Istat tal-Bavarja kienu fost l-aktar sħab attivi. Fl-2016, il-proposta għal Direttiva dwar l-istazzjonar ta’ ħaddiema rċeviet tliet kontribuzzjonijiet minn parlamenti reġjonali. Il-Parlament tal-Istat tal-Bavarja argumenta li minħabba li l-Unjoni ma għandhiex kompetenza fil-qasam tar-remunerazzjoni, kwalunkwe azzjoni fir-rigward tal-armonizzazzjoni tal-istazzjonar tal-ħaddiema kienet inammissibbli. L-assemblea reġjonali tal-Friuli Venezia Giulia laqgħet tajjeb l-applikazzjoni tas-sistema tal-ħlas tal-pajjiż ospitanti għall-ħaddiema stazzjonati. L-assemblea reġjonali tal-Marche kienet tal-fehma li r-relazzjonijiet industrijali (inkluż l-ambitu tal-ftehimiet kollettivi) jistgħu jkunu regolati l-aħjar fil-livell nazzjonali, minħabba l-ispeċifiċitajiet tas-sistemi nazzjonali ta’ negozjar kollettiv. Dawn il-pożizzjonijiet kienu riflessi fir-rapport ta’ konsultazzjoni tal-Kumitat tar-Reġjuni fid-dawl tal-opinjoni tal-Kumitat dwar il-proposta dwar l-istazzjonar tal-ħaddiema.

Konferenza dwar is-Sussidjarjetà, ir-Regolamentazzjoni Aħjar u d-Djalogu Politiku

Il-Konferenza dwar is-Sussidjarjetà, ir-Regolamentazzjoni Aħjar u d-Djalogu Politiku koorganizzata mill-Konferenza tal-Parlamenti Reġjonali Taljani, mis-Senato della Repubblica Taljan u mill-Kumitat tar-Reġjuni, saret f’Ruma fid-19 ta’ Frar 2016. Dan il-proġett pilota ta’ sensibilizzazzjoni dwar is-sussidjarjetà u avveniment ta’ taħriġ kien żviluppat bħala parti minn kunċett ġdid għat-tlaqqigħ tal-ħtiġijiet tal-awtoritajiet lokali u reġjonali fl-isfond tar-riforma maħsuba tas-Senato della Repubblica Taljan. L-avveniment laqqa’ flimkien 150 parteċipant u enfasizza r-rwol tal-parlamenti reġjonali fil-proċess tat-teħid ta’ deċiżjonijiet tal-UE u enfasizza l-monitoraġġ tas-sussidjarjetà bħala eżerċizzju kostruttiv.

Deskrizzjoni aktar dettaljata tal-attivitajiet relatati mas-sussidjarjetà hija pprovduta fir-Rapport Annwali dwar is-Sussidjarjetà tal-2016 maħruġ mill-Kumitat tar-Reġjuni 40 .

2.5.    Il-Qorti tal-Ġustizzja    tal-Unjoni Ewropea

Id-deċiżjonijiet ġudizzjarji ewlenin mogħtija mill-Qorti tal-Ġustizzja fl-2016 fir-rigward tal-prinċipju tas-sussidjarjetà kienu s-sentenzi tal-Qorti tal-4 ta’ Mejju 2016, 41 dwar il-legalità tad-Direttiva dwar il-prodotti tat-tabakk. 42  Il-Qorti qieset li l-leġiżlatur tal-Unjoni kien irrispetta s-sussidjarjetà.

Biex tasal għal dik il-konklużjoni, il-Qorti għamlet distinzjoni bejn ir-reviżjoni ex-ante tal-konformità mal-prinċipju tas-sussidjarjetà “eżerċitat, inizjalment, fil-livell politiku, mill-parlamenti nazzjonali skont il-proċeduri stabbiliti għal dan il-għan minn dan il-protokoll (Nru 2)”, u r-reviżjoni ġudizzjarja ex-post, li fiha l-Qorti tal-Ġustizzja “għandha tivverifika kemm l-osservanza tar-rekwiżiti sostantivi tal-Artikolu 5(3) TUE, kif ukoll l-osservanza tal-garanziji proċedurali previsti minn dan il-protokoll”. 43

Rigward il-kundizzjonijiet sostantivi, il-Qorti applikat test sempliċi: kellha “tivverifika jekk il-leġiżlatur tal-Unjoni kienx intitolat jikkunsidra, fuq il-bażi ta’ elementi dettaljati, li l-għan tal-azzjoni proposta seta’ jintlaħaq aħjar fuq livell tal-Unjoni”. Il-Qorti fakkret li d-Direttiva għandha żewġ objettivi: li jiġi faċilitat “[i]l-funzjonament tajjeb tas-suq intern […], filwaqt li jiġi żgurat livell għoli ta’ protezzjoni tas-saħħa tal-bniedem, b’mod partikolari għaż-żgħażagħ”. Anke kieku kellu jiġu preżunt li t-tieni objettiv jista’ jintlaħaq aħjar mill-Istati Membri, “t-tfittxija ta’ dan l-għan f’tali livell jista’ jikkonsolida, jekk ma jikkawżax, sitwazzjonijiet li fihom ċerti Stati Membri jawtorizzaw it-tqegħid fis-suq ta’ prodotti tat-tabakk li fihom ċerti togħmiet karatterizzanti, fil-waqt li Stati Membri oħra jipprojbixxuhom, biex b’hekk imur l-oppost preċiż tal-għan prinċipali tad-Direttiva 2014/40, jiġifieri t-titjib tal-funzjonament tas-suq intern tal-prodotti tat-tabakk u tal-prodotti relatati.” Għall-Qorti, l-“interdipendenza taż-żewġ għanijiet […] tirriżulta f’li l-leġiżlatur tal-Unjoni seta’ jqis leġittimament li l-azzjoni tiegħu kellha tinkludi wkoll l-introduzzjoni ta’ sistema ta’ tqegħid fuq is-suq tal-Unjoni tal-prodotti tat-tabakk li fihom togħma karatterizzanti u li, minħabba din l-interdipendenza, dan l-għan doppju seta’ jintlaħaq aħjar fil-livell tal-Unjoni”. Barra minn hekk, il-Qorti kkonfermat li [il-prinċipju tas-sussidjarjetà] “ma għandux l-għan li jillimita l-kompetenza tal-Unjoni skont is-sitwazzjoni ta’ xi Stat Membru partikolari meħud individwalment”. 44

Dwar is-salvagwardji proċedurali u, b’mod partikolari, l-obbligu li tiġi ddikjarata x’inhi l-motivazzjoni fir-rigward tas-sussidjarjetà, il-Qorti fakkret li l-osservanza ta’ dak l-obbligu “għandha tiġi evalwata mhux biss b’referenza għall-kliem tal-att ikkontestat, iżda wkoll għall-kuntest tiegħu u għaċ-ċirkustanzi tal-każ”. Il-Qorti sabet li l-proposta tal-Kummissjoni u l-valutazzjoni tal-impatt tagħha kienet tinkludi “biżżejjed elementi li b’mod ċar u inekwivoku juru l-vantaġġi marbuta ma’ azzjoni meħuda fil-livell tal-Unjoni iktar milli fil-livell tal-Istati Membri.” Dan “ippermetta kemm lil-leġiżlatur tal-Unjoni kif ukoll lill-parlamenti nazzjonali jevalwaw jekk din il-proposta kinitx konformi mal-prinċipju ta’ sussidjarjetà, filwaqt li tippermetti lill-individwi jsiru jafu bir-raġunijiet relatati ma’ dak il-prinċipju u lill-Qorti tal-Ġustizzja teżerċita l-istħarriġ tagħha.” 45

Is-sentenzi ċaħdu wkoll il-motivi ta’ ksur tal-prinċipju tal-proporzjonalità minn diversi dispożizzjonijiet tad-Direttiva dwar il-prodotti tat-tabakk. Il-Qorti tal-Ġustizzja kkonfermat il-proporzjonalità tal-għażliet magħmula mil-leġiżlatur, li għandu diskrezzjoni wiesgħa fl-oqsma li fihom għandu jwettaq valutazzjonijiet politiċi, ekonomiċi u soċjali kumplessi, bħar-regolamentazzjoni tas-suq fis-settur tal-prodotti tat-tabakk. Għall-Qorti, il-miżuri adottati ma kinux ta’ natura manifestament inadegwata meta jitqies l-għan tagħhom u miżuri inqas restrittivi ma dehrux li jkunu daqstant adatti biex jintlaħaq dak l-għan. 46

3.    każijiet ewlenin fejn tqajjem tħassib dwar is-sussidjarjetà u l-proporzjonalità

·Proposta għal reviżjoni tad-Direttiva dwar l-istazzjonar ta’ ħaddiema

Fit-twettiq tal-impenn magħmul fil-Linji Gwida Politiċi tal-Kummissjoni għall-promozzjoni tal-prinċipju li l-istess xogħol fl-istess post għandu jiġi remunerat bl-istess mod, fit-8 ta’ Marzu 2016 il-Kummissjoni adottat proposta 47 għal reviżjoni mmirata tad-Direttiva tal-1996 dwar l-istazzjonar ta’ ħaddiema. 48 Essenzjalment, l-għan tar-rieżami huwa li jiġi żgurat li l-implimentazzjoni tal-libertà li jiġu pprovduti servizzi fl-Unjoni sseħħ skont kundizzjonijiet li jiggarantixxu kundizzjonijiet ekwi għan-negozji u r-rispett għad-drittijiet tal-ħaddiema. F’dak ir-rigward, il-proposta tintroduċi tibdil fi tliet oqsma ewlenin: (i) ir-remunerazzjoni tal-ħaddiema stazzjonati, inkluż f’sitwazzjonijiet ta’ subkuntrattar, (ii) ir-regoli dwar il-ħaddiema temporanji permezz ta’ aġenzija, u (iii) l-istazzjonar fit-tul. B’mod partikolari l-proposta tipprovdi li r-regoli mandatorji kollha dwar ir-remunerazzjoni fl-Istat Membru ospitanti japplikaw għall-ħaddiema stazzjonati f’dak l-Istat Membru.

Il-proposta tal-Kummissjoni attirat 14-il opinjoni motivata 49 minn Parlamenti nazzjonali fi 11-il Stat Membru. Dawn l-opinjonijiet motivati jirrappreżentaw 22 minn total ta’ 56 vot, biex b’hekk ingħata bidu għall-proċedura taħt l-Artikolu 7(2) tal-Protokoll Nru 2 għat-Trattati (l-hekk imsejħa proċedura tal- “karta safra”) 50 . Fl-opinjonijiet motivati tagħhom, il-Parlamenti nazzjonali kkonċernati qalu b’mod partikolari (i) li r-regoli eżistenti kienu suffiċjenti u adegwati, (ii) li l-Unjoni ma kinitx il-livell adegwat ta’ azzjoni, (iii) li l-proposta ma tirrikonoxxix b’mod espliċitu l-kompetenzi tal-Istati Membri dwar ir-remunerazzjoni u l-kundizzjonijiet tal-impjieg u (iv) li l-ġustifikazzjoni tal-proposta fir-rigward tal-prinċipju tas-sussidjarjetà kienet konċiża wisq.

F’konformità ma’ dan l-impenn tal-Kummissjoni li titjieb l-interazzjoni mal-Parlamenti nazzjonali, il-Kummissjoni involviet ruħha b’mod dirett mal-Parlamenti nazzjonali. Waqt il-Konferenza tal-Kumitati għall-Affarijiet Ewropej (COSAC) tat-13 ta’ Ġunju 2016, skambju preliminari mal-Ewwel Viċi President tal-Kummissjoni, Frans Timmermans, iffoka fuq l-aspetti proċedurali, u fil-11 ta’ Lulju 2016 saret diskussjoni sostantiva fil-kuntest ta’ dibattitu usa' mal-Kummissarju Marianne Thyssen dwar id-dimensjoni soċjali tal-UE.

Wara analiżi bir-reqqa tal-opinjonijiet motivati, fl-20 ta’ Lulju 2016 il-Kummissjoni adottat Komunikazzjoni li fiha kkonkludiet li l-proposta hija konformi mal-prinċipju tas-sussidjarjetà u li l-proposta għandha tinżamm kif inhi. 51 Fil-Komunikazzjoni tagħha, il-Kummissjoni fakkret li l-proposta hija bbażata fuq bażi ġuridika tas-Suq Intern, u li l-istazzjonar, b’definizzjoni, huwa ta’ natura transfruntiera. Tenfasizza li l-proposta għandha l-għan li tiffaċilita l-libertà li jiġu pprovduti servizzi, filwaqt li jiġu żgurati aktar kundizzjonijiet ekwi bejn il-fornituri nazzjonali u transfruntiera tas-servizzi u filwaqt li jiġi żgurat li l-ħaddiema li jagħmlu xogħol fl-istess post ikunu protetti bl-istess regoli mandatorji, irrispettivament minn jekk humiex ħaddiema lokali jew ħaddiema stazzjonati. Il-Komunikazzjoni tispjega wkoll għaliex ir-regoli fis-seħħ mhumiex biżżejjed u adegwati biex jintlaħaq dak l-objettiv. Il-Komunikazzjoni barra minn hekk tikkonferma li l-proposta tirrispetta bis-sħiħ il-kompetenzi tal-Istati Membri li jistabbilixxu r-remunerazzjoni u termini u kondizzjonijiet oħrajn, f’konformità mal-liġijiet nazzjonali u l-prattika tal-Istati Membri. L-istess jgħodd għall-kompetenza tagħhom biex jiddeterminaw it-termini u kundizzjonijiet li japplikaw għall-ħaddiema temporanji permezz ta’ aġenzija. Fl-aħħar nett, il-Komunikazzjoni indirizzat il-kwistjoni tal-ġustifikazzjoni tal-konformità tal-proposta mal-prinċipju tas-sussidjarjetà, billi fakkret fil-ġurisprudenza tal-Qorti tal-Ġustizzja u rreferiet għall-memorandum ta’ spjegazzjoni u r-Rapport ta’ Valutazzjoni tal-Impatt.

·Proposta għal rieżami tar-Regolament ta’ Dublin

L-ewwel pakkett ta’ miżuri leġiżlattivi 52 li għandhom l-għan li jagħmlu s-Sistema Ewropea Komuni tal-Asil 53 aktar ġusta u sostenibbli tinkludi proposta għal rieżami tar-Regolament ta’ Dublin 54 . Il-proposta, li ġiet adottata fl-4 ta’ Mejju 2016, hija parti mir-rispons komprensiv tal-Kummissjoni għall-wasla diżorganizzata u fuq skala kbira ta’ migranti u ta’ dawk li jfittxu asil fl-2015 li esponiet nuqqasijiet strutturali fit-tfassil u fl-implimentazzjoni tas-Sistema ta’ Dublin eżistenti. Il-proposta għandha l-għan li tintlaħaq kondiviżjoni ġusta tar-responsabbiltajiet bejn l-Istati Membri billi tintroduċi “mekkaniżmu korrettiv ta’ allokazzjoni” ġdid, għall-prevenzjoni ta’ abbużi tas-Sistema Ewropea tal-Asil, kif ukoll movimenti sekondarji.

Il-Parlamenti Nazzjonali ħarġu tmien opinjonijiet motivati 55 dwar il-proposta, u b’mod partikolari sostnew li mhijiex konformi mal-prinċipju tas-sussidjarjetà minħabba li l-mekkaniżmu korrettiv ta’ allokazzjoni huwa wiesgħa wisq u li d-deċiżjonijiet dwar ir-rilokazzjoni għandhom jibqgħu taħt il-kompetenza esklużiva tal-Istati Membri.

Bi tweġiba, il-Kummissjoni qalet li l-proposta kienet neċessarja u proporzjonata biex tiġi żgurata sistema Ewropea Komuni tal-Asil sostenibbli u ġusta. Il-Kummissjoni saħqet ukoll li l-iżgurar tal-applikazzjoni korretta tas-sistema ta’ Dublin fi żminijiet ta’ kriżi u l-indirizzar ta’ movimenti sekondarji ta’ ċittadini ta’ pajjiżi terzi bejn l-Istati Membri kienu kwistjonijiet transfruntieri li ma setgħux jiġu solvuti permezz ta’ azzjonijiet meħuda individwalment jew b’mod bilaterali mill-Istati Membri. Il-Kummissjoni għalhekk ikkunsidrat li l-proposta kienet konformi mal-prinċipju tas-sussidjarjetà. Il-Kummissjoni spjegat ukoll li l-proposta tista’ tipprovdi sistema aktar ġusta, effiċjenti u sostenibbli u sistema li tiddetermina l-Istat Membru responsabbli għall-eżami ta’ applikazzjonijiet għall-asil, filwaqt li jinżamm il-prinċipju li dawk li jkunu qed ifittxu ażil għandhom, sakemm ma jkollhomx il-familja xi mkien ieħor, japplikaw għall-ażil fl-ewwel pajjiż li jidħlu fih. Il-mekkaniżmu l-ġdid għal tqassim ġust se jiżgura solidarjetà, kondiviżjoni ġusta tar-responsabbiltà fl-Unjoni u l-eliminazzjoni ta’ pressjoni sproporzjonata fuq is-sistemi tal-ażil ta’ Stati Membri li qegħdin fuq il-fruntiera.

·Proposta għall-istabbiliment ta’ Bażi Komuni Konsolidata għat-Taxxa Korporattiva

Għall-għan li titwaqqaf Bażi Komuni Konsolidata tat-Taxxa Korporattiva huwa li l-kumpaniji jingħataw ġabra unika ta’ regoli għall-kalkolu tal-profitti taxxabbli tagħhom fl-Unjoni Ewropea kollha. Imressqa fl-2011, l-ewwel proposta għal Direttiva li tistabbilixxi Bażi Komuni Konsolidata tat-Taxxa Korporattiva 56 kien imfassal biex issaħħaħ is-Suq Uniku għan-negozji. Filwaqt li l-Istati Membri għamlu progress fil-Kunsill dwar diversi elementi tal-proposta, huma ma rnexxilhomx jaslu għal ftehim finali. Fil-Programm ta’ Ħidma tagħha għall-2016, il-Kummissjoni ħabbret li kienet ser tirtira l-proposta u terġa’ tniedi l-ħidma b’approċċ f’fażijiet ġdid 57 .

Fil-25 ta’ Ottubru 2016, il-Kummissjoni nediet mill-ġdid l-inizjattiva tagħha għal Bażi Komuni Konsolidata għat-Taxxa Korporattiva, u adottat żewġ proposti leġislattivi ġodda 58 . Permezz tal-proposti l-Kummissjoni biħsiebha ssaħħaħ l-elementi pronegozju tal-proposta mill-2011 sabiex tgħin lill-kumpaniji transfruntiera jnaqqsu l-kostijiet, il-burokrazija u tappoġġja l-innovazzjoni. Fl-istess ħin, il-Kummissjoni tixtieq issaħħaħ il-potenzjal tal-Bażi Komuni Konsolidata għat-Taxxa Korporattiva bħala għodda kontra l-evitar tat-taxxa. Ir-rati tat-taxxa korporattiva mhumiex koperti mill-proposti, minħabba li dawn jibqgħu qasam ta’ sovranità nazzjonali.

Il-Kummissjoni rċeviet tmien opinjonijiet motivati 59 b’risposta għal żewġ proposti ġodda 60 . L-opinjonijiet motivati kienu kkaratterizzati minn tħassib li l-Istati Membri se jitilfu l-kontroll fuq is-sistemi tat-taxxa korporattiva tagħhom. Il-Parlamenti nazzjonali argumentaw li l-proposti kienu bla bżonn, u li saħansitra jistgħu anki jirriżultaw ineffettivi fl-indirizzar tal-evitar tat-taxxa u li d-Direttiva eżistenti Kontra l-Evitar tat-Taxxa 61 , flimkien mal-azzjoni miftiehma fil-qafas tal-Organizzazzjoni għall-Kooperazzjoni u l-Iżvilupp Ekonomiċi (OECD), kienet biżżejjed f’dan ir-rigward.

Fit-tweġibiet tagħha lill-Parlamenti nazzjonali, il-Kummissjoni enfasizzat li l-proposti ma jittrattawx il-livelli li fihom għandhom jiġu stabbiliti r-rati tat-taxxa fil-livell nazzjonali iżda pjuttost jarmonizzaw il-bażi tat-taxxa korporattiva, prerekwiżit għall-korrezzjoni tad-distorsjonijiet identifikati fis-suq intern. F’dak ir-rigward, id-Direttiva Kontra l-Evitar tat-Taxxa tkun azzjoni immedjata biex jiġu trattati ħtiġijiet urġenti. Ir-regoli joffru għażliet, fil-forma ta’ standard minimu, li jimlew il-vojt fir-28 sistema fiskali nazzjonali eżistenti. Il-Bażi Komuni Konsolidata għat-Taxxa Korporattiva se tkun sistema ta’ taxxa korporattiva kompluta b’dimensjoni transfruntiera u b’objettivi li jilħqu lil hinn minn azzjoni kontra l-evitar tat-taxxa. Il-Kummissjoni fakkret ukoll li l-OECD ma tqisx karatteristiċi speċifiċi li huma rilevanti għal suq uniku, bħal dak tal-Unjoni Ewropea. Il-Kummissjoni għamlitha ċara li hija żżomm l-awtorità li tipproponi leġiżlazzjoni – fil-limiti tal-kompetenza tagħha bbażata fuq it-Trattati – sabiex jiġi żgurat funzjonament aħjar tas-suq intern. Madankollu, il-Kummissjoni kkonfermat li l-prinċipji ta’ pprezzar tat-trasferimenti miftiehma fl-OECD ser ikomplu japplikaw għal tranżazzjonijiet ma’ intrapriżi assoċjati barra mill-grupp konsolidat tat-taxxa fl-UE u f’pajjiżi terzi.

4.    konklużjoni

Kif ikkonfermat l-iffirmar tal-Ftehim Interistituzzjonali dwar Tfassil Aħjar tal-Liġijiet fl-2016, il-Parlament Ewropew, il-Kunsill u l-Kummissjoni impenjaw ruħhom b’mod konġunt li jiżguraw li l-prinċipji tas-sussidjarjetà u tal-proporzjonalità jibqgħu fil-qalba tat-teħid tad-deċiżjonijiet Ewropew u li dawn il-prinċipji jiġu osservati bis-sħiħ matul il-proċess leġiżlattiv.

Fl-2016 il-Parlament Ewropew kompla l-iskrutinju tiegħu tal-konformità tal-proposti leġiżlattivi mal-prinċipju tas-sussidjarjetà u tal-proporzjonalità permezz tal-kumitati parlamentari rilevanti kif ukoll mill-Kumitat għall-Affarijiet Legali li għandu responsabbiltà orizzontali biex jiżgura r-rispett tal-prinċipju tas-sussidjarjetà.

Barra minn hekk, il-Kumitat tar-Reġjuni kompla bil-ħidma tiegħu ta’ monitoraġġ tal-prinċipju tas-sussidjarjetà, b’mod partikolari billi adotta u implimenta l-Programm ta’ Ħidma dwar is-Sussidjarjetà tal-2016, inkluż konsultazzjonijiet mal-Grupp ta’ Esperti tas-Sussidjarjetà. Fl-opinjonijiet tiegħu, il-Kumitat tar-Reġjuni qies it-tħassib dwar is-sussidjarjetà espress mill-parlamenti u mill-awtoritajiet tar-reġjuni b’setgħat leġiżlattivi. Fl-2016, il-Kumitat organizza Konferenza f’Ruma dwar is-Sussidjarjetà, ir-Regolamentazzjoni Aħjar u d-Djalogu Politiku, f’kooperazzjoni mal-parlamenti reġjonali u mas-Senato della Repubblica Taljan.

Fl-2016, il-Kummissjoni kompliet timplimenta l-aġenda msaħħa tagħha għal Regolamentazzjoni Aħjar mill-2015, li tinkludi gwida msaħħa dwar kif għandhom jiġu vvalutati s-sussidjarjetà u l-proporzjonalità fil-proċess tat-tfassil tal-politika. Fl-2016, il-Bord tal-Iskrutinju Regolatorju għarbel 60 valutazzjoni tal-impatt u f’għadd ta’ każijiet talab għal titjib tal-argumentazzjoni dwar il-prinċipji tas-sussidjarjetà u tal-proporzjonalità.

Fl-2016 il-Parlamenti nazzjonali esprimew interess akbar fit-teħid ta’ deċiżjonijiet Ewropej, b’mod partikolari fir-rigward tal-mekkaniżmu ta’ kontroll tas-sussidjarjetà, bl-għadd ta’ opinjonijiet motivati jiżdied minn 8 fl-2015 għal total ta’ 65 fl-2016. Minn dawn, 14-il opinjoni motivata kienu relatati mal-proposta għal reviżjoni mmirata tad-Direttiva dwar l-istazzjonar ta’ ħaddiema, u ġiet skattata, għat-tielet darba l-proċedura skont l-Artikolu 7(2) tal-Protokoll Nru 2 tat-Trattati. F’konformità mal-impenn li sar mill-Kummissjoni Juncker sabiex fil-każ tal-proċedura msemmija hawn fuq isiru djalogi mal-Parlamenti nazzjonali, l-argumenti mressqa mill-Parlamenti nazzjonali ġew diskussi b’mod wiesa’ inkluż waqt laqgħat tal-Konferenza tal-Kumitati għall-Affarijiet Ewropej (COSAC) u fil-Kumitat tal-Parlament Ewropew għall-Affarijiet Legali u fil-Kumitat għall-Impjiegi u l-Affarijiet Soċjali. Għalkemm fl-aħħar mill-aħħar wara dawn id-diskussjonijiet u rieżami bir-reqqa tal-opinjonijiet kollha li waslu, il-Kummissjoni ddeċidiet li żżomm il-proposta inizjali tagħha, tirrikonoxxi li għadd ta’ Parlamenti nazzjonali għadhom mhumiex konvinti dwar il-merti tagħha. Din il-proposta għadha qed tiġi diskussa mill-Parlament Ewropew u mill-Kunsill. Iż-żewġ koleġiżlaturi, bħall-Kummissjoni, huma impenjati li jżommu f’moħħhom il-kummenti mill-Parlamenti nazzjonali matul il-proċess leġiżlattiv.

Hekk kif l-Unjoni Ewropea tfittex li tiddefinixxi viżjoni għall-futur tagħha, id-Dikjarazzjoni ta’ Ruma, iffirmata mill-mexxejja ta’ 27 Stat Membru, mill-Parlament Ewropew, mill-Kunsill Ewropew u mill-Kummissjoni fil-25 ta’ Marzu 2017 sabiex jitfakkar is-60 anniversarju tat-Trattati ta’ Ruma, tikkonferma mill-ġdid li l-prinċipji tas-sussidjarjetà u tal-proporzjonalità ser ikomplu jirfdu u jiffurmaw it-teħid ta’ deċiżjonijiet Ewropej fis-snin li ġejjin.

(1)

     COM(2017) 601 final.

(2)

     http://ec.europa.eu/smart-regulation/roadmaps/index_en.htm.

(3)

     Ara wkoll il-Kapitolu 2.2. fir-rigward tas-segwitu tal-Kummissjoni għall-opinjonijiet motivati mill-Parlamenti nazzjonali.

(4)

     http://ec.europa.eu/smart-regulation/refit/simplification/consultation/contributions_mt.htm

(5)

     http://ec.europa.eu/info/better-regulation-guidelines-and-toolbox_mt.

(6)

     L-Artikolu 5(4) tat-Trattat dwar l-Unjoni Ewropea.

(7)

     Fil-kuntest tal-valutazzjonijiet tal-impatt, il-proporzjonalità hija kriterju ewlieni li għandu jiġi kkunsidrat fit-tqabbil tal-għażliet ta’ politika.

(8)

     SWD(2016) 52 final.

(9)

     Ara wkoll il-Kapitolu 3 fir-rigward tas-segwitu tal-Kummissjoni għall-opinjonijiet motivati mill-Parlamenti nazzjonali dwar il-proposta dwar l-istazzjonar tal-ħaddiema.

(10)

     SWD(2016) 457 final.

(11)

     COM(2016) 289 final.

(12)

     Proposta għal Regolament tal-Parlament Ewropew u tal-Kunsill li jistabbilixxi regoli dwar l-eżerċizzju tad-dritt tal-awtur u ta’ drittijiet relatati li japplikaw għal ċerti trażmissjonijiet online tal-organizzazzjonijiet tax-xandir u għal trażmissjonijiet mill-ġdid tal-programmi tat-televiżjoni u tar-radju - COM(2016) 594 final.

(13)

     Proposta għal Direttiva tal-Parlament Ewropew u tal-Kunsill dwar il-promozzjoni tal-użu tal-enerġija minn sorsi rinnovabbli (riformulata) — COM(2016) 767 final.

(14)

     Mal-pakkett dwar Regolamentazzjoni Aħjar ta’ Mejju 2015, ġiet introdotta politika ġdida dwar il-pubblikazzjoni tad-Dokumenti ta’ Ħidma tal-Persunal ma’ kull evalwazzjoni. Madankollu, l-2016 kienet għadha sena tranżizzjonali u għadd ta’ evalwazzjonijiet ġew ippubblikati mingħajr Dokument ta’ Ħidma tal-Persunal. L-għadd totali ta’ evalwazzjonijiet u ta’ kontrolli tal-Idoneità fid-Dokumenti ta’ Ħidma tal-Persunal u studji esterni ta’ evalwazzjoni kien ta’ 111 fl-2016.

(15)

      https://ec.europa.eu/transport/modes/road/news/2016-06-17-evaluation-study-cross-border-enforcement_mt

(16)

     SWD(2016) 347 final. 

(17)

      https://ec.europa.eu/research/evaluations/index_en.cfm?pg=fp7 .

(18)

     Dan l-ammont jirreferi għall-għadd totali ta’ opinjonijiet li waslu mill-kmamar parlamentari skont il-Protokoll Nru 2 tat-Trattati. Għalhekk opinjonijiet motivati li jittrattaw b’mod konġunt aktar minn dokument wieħed tal-Kummissjoni jgħoddu biss bħala opinjoni motivata waħda. Ara l-Anness ta’ dan ir-rapport għal aktar dettalji.

(19)

     Ara l-Anness ta’ dan ir-rapport.

(20)

     fl-2016 waslu 620 opinjoni fil-kuntest tad-djalogu politiku meta mqabbel ma’ 350 opinjoni li waslu fl-2015.

(21)

     Proposta għal Direttiva tal-Parlament Ewropew u tal-Kunsill li temenda d-Direttiva 96/71/KE tal-Parlament Ewropew u tal-Kunsill tas-16 ta' Diċembru 1996 dwar l-impjieg ta' ħaddiema fil-qafas ta' prestazzjoni ta' servizzi — {COM(2016) 128 final}.

(22)

Proposta għal Regolament tal-Parlament Ewropew u tal-Kunsill li jistabbilixxi l-kriterji u l-mekkaniżmi biex ikun iddeterminat liema hu l-Istat Membru responsabbli biex jeżamina applikazzjoni għall-protezzjoni internazzjonali ddepożitata għand wieħed mill-Istati Membri minn ċittadin ta’ pajjiż terz jew persuna apolida (tfassil mill-ġdid){COM(2016) 270 final}.

(23)

   Proposti għal Direttivi tal-Kunsill dwar Bażi Komuni Konsolidata għat-Taxxa Korporattiva u dwar Bażi Komuni għat-Taxxa Korporattiva – {COM(2016) 683 final u COM(2016) 685 final}.

(24)

   Ħlief f’każijiet ta’ urġenza kif imsemmi fit-Titolu I, Artikolu 4 tal-Protokoll Nru 1 tat-Trattati dwar ir-rwol tal-Parlamenti nazzjonali fl-Unjoni Ewropea.

(25)

     Il-Parlament Ewropew irċieva wkoll għadd ta’ sottomissjonijiet mingħand il-Parlamenti nazzjonali dwar il-proposta tal-Parlament Ewropew għal riforma tal-liġi elettorali tal-Unjoni Ewropea. Għal aktar dettalji, jekk jogħġbok ara r-Rapport Annwali tal-Parlament Ewropew 2014–2015 dwar ir-Relazzjonijiet bejn il-Parlament Ewropew u l-Parlamenti nazzjonali skont it-Trattat ta’ Lisbona: http://www.europarl.europa.eu/relnatparl/en/about/annual-reports.html

(26)

     Hemm diskrepanza fl-għadd ta’ opinjonijiet motivati rreġistrati mill-Parlament Ewropew, mill-Kunsill u mill-Kummissjoni, minħabba li mhux l-istituzzjonijiet kollha rċevew l-opinjonijiet motivati kollha jew l-istituzzjonijiet jgħoddu l-għadd ta’ opinjonijiet motivati li jirċievu b’mod differenti.

(27)

     F’dan il-kuntest qiegħed jiġi mfakkar li fl-aħħar tal-2015, il-Kunsill bagħat lill-Parlamenti nazzjonali proposta mill-Qorti tal-Ġustizzja għal Regolament tal-Parlament Ewropew u tal-Kunsill dwar it-trasferiment lill-Qorti Ġenerali tal-Unjoni Ewropea tal-kompetenza sabiex tiddeċiedi, fl-ewwel istanza, f’każ ta’ tilwim bejn l-Unjoni u l-aġenti tagħha (dok. 14306/15).

(28)

     Hemm diskrepanza fl-għadd ta’ opinjonijiet motivati rreġistrati mill-Parlament Ewropew, mill-Kunsill u mill-Kummissjoni, minħabba li mhux l-istituzzjonijiet kollha rċevew l-opinjonijiet motivati kollha jew l-istituzzjonijiet jgħoddu l-għadd ta’ opinjonijiet motivati li jirċievu b’mod differenti.

(29)

     Is-Segretarjat tal-Kunsill ma jirċevix b’mod sistematiku l-opinjonijiet kollha mill-Parlamenti nazzjonali.

(30)

      COR-2016-00911-09-00-NB adottata mill-Bureau tal-Kumitat tar-Reġjuni fl-4 ta’ April 2016.

(31)

     Ir-regola 55.2 tar-Regoli tal-Proċedura ĠU L 65, 5.3.2014, p. 41–64, http://www.toad.cor.europa.eu/pdf/rop_en.pdf .

(32)

     COM(2015) 593 final, COM(2015) 594 final, COM(2015) 595 final u COM(2015) 596 final.

(33)

     COM(2016) 287 final.

(34)

     COM(2015) 586 final.

(35)

     Il-Grupp ta’ Esperti tas-Sussidjarjetà li jagħmel parti min-Netwerk għall-Monitoraġġ tas-Sussidjarjetà tal-Kumitat tar-Reġjuni, attwalment huwa magħmul minn 12-il espert li jipprovdu appoġġ fuq livell tekniku u huma l-punti ta’ kuntatt tal-Kumitat tar-Reġjuni għall-monitoraġġ tas-sussidjarjetà fl-Istati Membri.

(36)

     COR-2016-00585.

(37)

     COR-2016-02881.

(38)

     COR-2016-04093.

(39)

     COR-2016-05114.

(40)

     Disponibbli wara l-adozzjoni mill-Bureau tal-Kumitat tar-Reġjuni fuq http://portal.cor.europa.eu/subsidiarity/Pages/default.aspx.

(41)

     Il-Każijiet C-358/14, Il-Polonja vs Il-Parlament u Il-Kunsill, EU:C:2016:323; C-477/14, Pillbox 38, EU:C:2016:324; u C-547/14, Philip Morris, EU:C:2016:325.

(42)

   Id-Direttiva 2014/40/UE tal-Parlament Ewropew u tal-Kunsill tat-3 ta' April 2014 dwar l-approssimazzjoni tal-liġijiet, ir-regolamenti u d-dispożizzjonijiet amministrattivi tal-Istati Membri rigward il-manifattura, il-preżentazzjoni u l-bejgħ tat-tabakk u prodotti relatati (ĠU L 127, 29.4.2014, p. 1–38).

(43)

     Il-Polonja vs Il-Parlament u Il-Kunsill, il-paragrafi 112 u 113; Pillbox 38, il-paragrafi 145 u 146; u Philip Morris, il-paragrafi 216 u 217.

(44)

     Il-Polonja vs Il-Parlament u Il-Kunsill, il-paragrafi 115 u 121; Philip Morris, il-paragrafi 219 sa 224; b’referenza għall-Kawża C-508/13, L-Estonja vs Il-Parlament u Il-Kunsill, EU:C:2015:403, il-paragrafi 48 u 53.

(45)

     Il-Polonja vs Il-Parlament u Il-Kunsill, il-paragrafi 122 u 125; Philip Morris, il-paragrafi 225 sa 227;

(46)

     Il-Polonja vs Il-Parlament u Il-Kunsill, il-paragrafi 78 u 104; Philip Morris, il-paragrafi 164 sa 212; Pillbox 38, il-paragrafi 48 sa 141;

(47)

     COM(2016) 128 final.

(48)

     Id-Direttiva 96/71/KE tal-Parlament Ewropew u tal-Kunsill tas-16 ta' Diċembru 1996 dwar l-impjieg ta' ħaddiema fil-qafas ta' prestazzjoni ta' servizzi, ĠU L 18, 21.1.1997, p. 1.

(49)

     In-Narodno sabranie Bulgaru, il-Poslanecká sněmovna Ċeka, is-Senát Ċek, il-Folketing Daniż, ir-Riigikogu Estonjan, il-Hrvatski sabor Kroat, is-Saeima Latvjana, is-Seimas Litwan, l-Országgyűlés Ungeriż, is-Sejm Pollakk, is-Senat Pollakk (opinjoni motivata u opinjoni), il-Camera Deputaților Rumena (opinjoni motivata u opinjoni), is-Senat Rumen u n-Národná rada Slovakka. 

(50)

     Il-Kummissjoni rċeviet ukoll disa’ opinjonijiet fil-qafas tad-djalogu politiku. L-opinjonijiet li waslu huma eżaminati fir-Rapport Annwali tal-2016 dwar ir-relazzjonijiet tal-Kummissjoni mal-Parlamenti nazzjonali – COM(2017) 601 final.

(51)

     COM(2016) 505 final. 

(52)

     COM(2016) 270 final, COM(2016) 271 final u COM(2016) 272 final.

(53)

     Komunikazzjoni tal-Kummissjoni lill-Parlament Ewropew u lill-Kunsill għar-riforma tas-Sistema Ewropea Komuni tal-Ażil u għat-tisħiħ ta' rotot legali lejn l-Ewropa COM(2016) 197 final.

(54)

     COM(2016) 270 final.

(55)

     Il-Poslanecká sněmovna, tar-Repubblika Ċeka, is- Senát tar-Repubblika Ċeka, is-Senato della Repubblica tal-Italja,l-Országgyűlés, tal-Ungerija, is-Sejm, tal-Polonja, is- Senat tal-Polonja, il-Camera Deputaților tar-Rumanija u n- Národna rada, tas-Slovakkja.

(56)

     COM(2011) 121 final.

(57)

     L-Anness 4 tal-Programm ta’ Ħidma tal-Kummissjoni 2016 — COM(2015) 610 final.

(58)

     COM(2016) 683 final u COM(2016) 685 final.

(59)

     Il-Folketing tad-Danimarka, il-Dáil Éireann, tal-Irlanda, is-Seanad Éireanntal-Irlanda, ix-Chambre des Députés tal-Lussemburgu, il-Kamra tad-Deputati ta’ Malta, l-Eerste Kamer tan-Netherlands, it-Tweede Kamer tan-Netherlands u r-Riksdag tal-Iżvezja. Barra minn hekk, il-Kummissjoni rċeviet opinjoni mingħand tal-British House of Commons li qajmet kwistjonijiet tas-sussidjarjetà. Madankollu din l-Opinjoni waslet wara li kien skada t-terminu ta’ tmien ġimgħat għas-sottomissjoni ta’ opinjonijiet motivati.

(60)

     Barra minn hekk, il-Kummissjoni rċiviet erba’ opinjonijiet fil-kuntest tad-djalogu politiku, jiġifieri mill-Bundesrat Ġermaniż, mill-Cortes Generales ta’ Spanja, mill-Bundesrat Awstrijak (waslu fl-2017) u mill-Assembleia da República tal-Portugall.

(61)

     Id-Direttiva tal-Kunsill (UE) 2016/1164 tat-12 ta' Lulju 2016 li tistabbilixxi regoli kontra l-prattiki ta' evitar tat-taxxa li jaffettwaw direttament il-funzjonament tas-suq intern, ĠU L 193, 19.7.2016, p. 1.

IL-KUMMISSJONI EWROPEA

Brussell, 30.6.2017

COM(2017) 600 final

ANNESS

tar-

RAPPORT MILL-KUMMISSJONI

Rapport Annwali tal-2016
dwar is-Sussidjarjetà u l-Proporzjonalità

Anness

Lista ta’ dokumenti tal-Kummissjoni li dwarhom il-Kummissjoni rċeviet opinjonijiet motivati 1 dwar il-konformità mal-prinċipju tas-sussidjarjetà mill-Parlamenti nazzjonali fl-2016

(1)

     Biex tikkwalifika bħala opinjoni motivata kif definit fil-Protokoll Nru 2, opinjoni tkun trid tiddikjara għaliex Parlament nazzjonali jkun iqis li proposta leġiżlattiva ma tkunx konformi mal-prinċipju tas-sussidjarjetà u trid tintbagħat lill-Kummissjoni fi żmien tmien ġimgħat mit-trażmissjoni tal-proposta leġiżlattiva lill-Parlamenti nazzjonali.

(2)

     Skont il-Protokoll Nru 2, kull Parlament nazzjonali għandu żewġ voti; fil-każ ta’ sistema bikamerali, kull kamra jkollha vot wieħed. Meta opinjonijiet motivati joriġinaw minn mill-inqas terz (għal proposti skont l-Artikolu 76 tat-TFUE kwart) tal-voti kollha allokati lill-Parlamenti nazzjonali, ikun intlaħaq il-livell limitu tal-karta s-safra u l-abbozz tal-att leġiżlattiv ikollu jiġi rieżaminat. 19 minn 56 vot jirrappreżentaw terz tal-voti kollha allokati.

(3)

     L-opinjonijiet motivati mill-Folketing tad-Danimarka, Dáil Éireann tal-Irlanda u Seanad Éireanntal-Irlanda dwar dan id-dokument tal-Kummissjoni kienu jikkonċernaw b’mod konġunt COM(2016) 685 ukoll. L-opinjoni motivata mill-Eerste Kamer NL kienet tikkonċerna b'mod konġunt COM(2016) 685 u COM(2016) 687 ukoll.

(4)

     Kif irrimarkat aktar 'il fuq, din l-opinjoni motivata mill-Folfeting tad-Danimarka kienet tikkonċerna b'mod konġunt COM(2016) 683 u COM(2016) 685.

(5)

     Kif irrimarkat aktar 'il fuq, din l-opinjoni motivata mill-Dáil Éireann tal-Irlanda kienet tikkonċerna b'mod konġunt COM(2016) 683 u COM(2016) 685.

(6)

     Kif irrimarkat aktar 'il fuq, din l-opinjoni motivata mis-Seanad Éireann tal-Irlanda kienet tikkonċerna b'mod konġunt COM(2016) 683 u COM(2016) 685.

(7)

     Kif irrimarkat aktar 'il fuq, din l-opinjoni motivata mill-Eerste Kamer tan-Netherlands kienet tikkonċerna b'mod konġunt COM(2016) 685 u COM(2016) 687.

(8)

     L-opinjonijiet motivati mill-Folketing tad-Danimarka, Dáil Éireann tal-Irlanda u Seanad Éireanntal-Irlanda dwar dan id-dokument tal-Kummissjoni kienu jikkonċernaw b’mod konġunt COM(2016) 683 ukoll. L-opinjoni motivata mill-Eerste Kamer tan-Netherlands kienet tikkonċerna b'mod konġunt COM(2016) 683 u COM(2016) 687 ukoll.

(9)

     Kif irrimarkat aktar 'il fuq, din l-opinjoni motivata mill-Folfeting tad-Danimarka kienet tikkonċerna b'mod konġunt COM(2016) 683 u COM(2016) 685.

(10)

     Kif irrimarkat aktar 'il fuq, din l-opinjoni motivata mill-Dáil Éireann tal-Irlanda kienet tikkonċerna b'mod konġunt COM(2016) 683 u COM(2016) 685.

(11)

     Kif irrimarkat aktar 'il fuq, din l-opinjoni motivata mis-Seanad Éireann tal-Irlanda kienet tikkonċerna b'mod konġunt COM(2016) 683 u COM(2016) 685.

(12)

     Kif irrimarkat aktar 'il fuq, din l-opinjoni motivata mill-Eerste Kamer tan-Netherlands kienet tikkonċerna b'mod konġunt COM(2016) 685 u COM(2016) 687.

(13)

     L-opinjoni motivata mill-Bundesrat tal-Awstrija dwar dan id-dokument tal-Kummissjoni kienet tikkonċerna b'mod konġunt COM(2016) 52 ukoll.

(14)

     Kif irrimarkat aktar 'il fuq, din l-opinjoni motivata mill-Bundesrat tal-Awstrija kienet tikkonċerna b'mod konġunt COM(2016) 52 u COM(2016) 53.

(15)

   L-opinjoni motivata mill-Eerste Kamer tan-Netherlands kienet tikkonċerna b'mod konġunt COM(2016) 683 u COM(2016) 685 ukoll.

(16)

     Kif irrimarkat aktar 'il fuq, din l-opinjoni motivata mill-Eerste Kamer tan-Netherlands kienet tikkonċerna b'mod konġunt COM(2016) 685 u COM(2016) 687.

(17)

L-opinjoni motivata mis-Sénat ta’ Franza dwar dan id-dokument tal-Kummissjoni kienet tikkonċerna b'mod konġunt COM(2015) 594 u COM(2015) 596 ukoll.

(18)

     Kif irrimarkat aktar 'il fuq, din l-opinjoni motivata mis-Sénat ta’ Franza kienet tikkonċerna b'mod konġunt COM(2015) 595 u COM(2015) 596.

(19)

L-opinjoni motivata mis-Sénat ta’ Franza dwar dan id-dokument tal-Kummissjoni kienet tikkonċerna b'mod konġunt COM(2015) 595 u COM(2015) 596 ukoll.

(20)

     Kif irrimarkat aktar 'il fuq, din l-opinjoni motivata mis-Sénat ta’ Franza kienet tikkonċerna b'mod konġunt COM(2015) 595 u COM(2015) 596.

(21)

L-opinjoni motivata mis-Sénat ta’ Franza dwar dan id-dokument tal-Kummissjoni kienet tikkonċerna b'mod konġunt COM(2015) 594 u COM(2015) 595 ukoll.

(22)

     Kif irrimarkat aktar 'il fuq, din l-opinjoni motivata mis-Sénat ta’ Franza kienet tikkonċerna b'mod konġunt COM(2015) 595 u COM(2015) 596.

(23)

L-opinjoni motivata mis-Sénat ta’ Franza dwar dan id-dokument tal-Kummissjoni kienet tikkonċerna b'mod konġunt COM(2015) 635 ukoll.

(24)

Kif irrimarkat aktar 'il fuq, din l-opinjoni motivata mis-Sénat ta’ Franza kienet tikkonċerna b'mod konġunt COM(2015) 634 u COM(2015) 635.

(25)

L-opinjoni motivata mis-Sénat ta’ Franza dwar dan id-dokument tal-Kummissjoni kienet tikkonċerna b'mod konġunt COM(2015) 634 ukoll.

(26)

Kif irrimarkat aktar 'il fuq, din l-opinjoni motivata mis-Sénat ta’ Franza kienet tikkonċerna b'mod konġunt COM(2015) 634 u COM(2015) 635.

(27)

     L-opinjoni motivata mill-Bundesrat tal-Awstrija dwar dan id-dokument tal-Kummissjoni kienet tikkonċerna b'mod konġunt COM(2016) 53 ukoll.

(28)

     Kif irrimarkat aktar 'il fuq, din l-opinjoni motivata mill-Bundesrat tal-Awstrija kienet tikkonċerna b'mod konġunt COM(2016) 52 u COM(2016) 53.

(29)

     Dan l-għadd fih opinjonijiet motivati li jikkonċernaw b’mod konġunt aktar minn dokument tal-Kummissjoni wieħed: opinjoni motivata minnhom mis-Sénat ta’ Franza kienet tikkonċerna b'mod konġunt COM(2015) 594, COM(2015)595 u COM(2015) 596; opinjoni oħra mis-Sénat ta’ Franza kienet tikkonċerna b’mod konġunt COM(2015) 634 u COM(2015) 635; opinjoni waħda mill-Bundesrat tal-Awstrija kienet tikkonċerna b’mod konġunt COM(2016) 52 u COM(2016) 53; Opinjoni waħda, mill-Eerste Kamer tan-Netherlands kienet tikkonċerna b’mod konġunt COM(2016) 683, COM(2016) 685 u COM(2016) 687; opinjoni waħda mill-Folketing tad-Danimarka kienet tikkonċerna b’mod konġunt COM(2016) 683 u COM(2016) 685; opinjoni motivata waħda mill-Dáil Éireann tal-Irlanda kienet tikkonċerna b’mod konġunt COM(2016) 683 u COM(2016) 685 u opinjoni motivata waħda mis-Seanad Éireann tal-Irlanda kienet tikkonċerna b’mod konġunt COM(2016) 683 u COM(2016) 685.

(30)

Biex tikkalkula l-għadd totali ta’ opinjonijiet motivati, il-Kummissjoni skont l-għadd ta’ opinjonijiet motivati rċevuti. Għalhekk opinjonijiet motivati li jittrattaw b’mod konġunt aktar minn dokument wieħed tal-Kummissjoni jgħoddu biss bħala opinjoni motivata waħda.