IL-KUMMISSJONI EWROPEA
Brussell, 15.3.2017
COM(2017) 195 final
KOMUNIKAZZJONI TAL-KUMMISSJONI LILL-PARLAMENT EWROPEW U LILL-KUNSILL
Evalwazzjoni tal-implimentazzjoni tal-Istrateġija tal-UE dwar id-Drogi 2013-2020 u tal-Pjan ta' Azzjoni tal-UE dwar id-Drogi 2013-2016: ħtieġa kontinwa għal Pjan ta' Azzjoni tal-UE dwar id-Drogi 2017-2020
{SWD(2017) 95 final}
I.L-evalwazzjoni u l-ħtieġa għal Pjan ta’ Azzjoni tal-UE dwar id-drogi mill-2017 sal-2020
L-Istrateġija tal-UE dwar id-Drogi 2013-2020 u l-ewwel Pjan ta’ Azzjoni tagħha dwar id-Drogi 2013-2016 stipulaw il-qafas politiku u l-prijoritajiet tal-politika tal-UE dwar id-drogi. L-Istrateġija tipprovdi qafas uniku u bbażat fuq l-evidenza għall-indirizzar tad-drogi fl-UE u barra mill-UE, u hija bbażata fuq struttura b’ħames pilastri, li jikkonsistu fi:
żewġ oqsma ewlenin tal-politika
it-tnaqqis tad-domanda għad-droga u
it-tnaqqis tal-provvista tad-droga;
u tliet temi orizzontali:
koordinazzjoni,
kooperazzjoni internazzjonali u
riċerka, informazzjoni, monitoraġġ u evalwazzjoni.
L-Istrateġija tirrikjedi lill-Kummissjoni “tibda valutazzjoni esterna tal-Istrateġija ta’ nofs il-mandat, bil-għan li jitħejja t-tieni Pjan ta’ Azzjoni għall-perjodu 2017-2020”. L-Aġenda Ewropea dwar is-Sikurezza tipprevedi li l-Kummissjoni tivvaluta l-progress li sar fl-implimentazzjoni tal-Pjan ta’ Azzjoni tal-UE dwar id-Drogi 2013-2016 u fuq din il-bażi hija tiddeċiedi jekk tipproponix Pjan ta’ Azzjoni ġdid tal-UE mill-2017 sal-2020.
Il-Kummissjoni, bl-appoġġ ta’ kuntrattur estern, wettqet il-valutazzjoni ta’ nofs it-terminu tal-Istrateġija u l-evalwazzjoni finali tal-Pjan ta’ Azzjoni bejn April u Novembru 2016. Minħabba l-kumplimentarjetà u l-interkonnessjoni tagħhom, dawn huma ppreżentati fil-forma ta’ evalwazzjoni konġunta u komprensiva.
Din il-komunikazzjoni tistabbilixxi r-riżultati tal-evalwazzjoni u tipproponi l-pass li jmiss. Fid-dawl tas-sejbiet ġenerali tal-evalwazzjoni, il-Kummissjoni ddeċidiet li tipproponi Pjan ta’ Azzjoni ġdid għall-perjodu mill-2017 sal-2020. Il-Pjan ta’ Azzjoni ġdid propost, b’segwitu għar-riżultati tal-evalwazzjoni, u minħabba li l-qafas strateġiku mhux se jinbidel qabel l-2020, huwa verżjoni aġġornata tal-Pjan ta’ Azzjoni tal-UE dwar id-Drogi 2013-2016 b’għadd ta’ modifiki. Jirrifletti s-sejbiet u r-rakkomandazzjonijiet tal-valutazzjoni li l-Kummissjoni sabet pertinenti kif ukoll għadd ta’ azzjonijiet addizzjonali biex jindirizza prijoritajiet ġodda u emerġenti li għadhom ma ġewx koperti biżżejjed mill-Pjan ta’ Azzjoni preċedenti, iżda li huma rilevanti fid-dawl tal-isfidi li qed jiffaċċjaw bħalissa l-Istati Membri tal-UE. L-abbozz propost tal-Pjan ta’ Azzjoni dwar id-drogi mill-2017 sal-2020 tal-Kummissjoni huwa stabbilit fl-anness hawn taħt.
II.Kuntest
Is-suq għad-drogi illeċiti huwa l-aktar suq kriminali dinamiku, kif ikkonfermat ukoll fl-Aġenda Ewropea dwar is-Sigurtà. Huwa stmat ukoll li ċ-ċittadini tal-UE jonfqu aktar minn EUR 24 biljun kull sena fuq drogi illeċiti. Il-kostijiet umani u soċjali tal-vizzju tad-droga huma għoljin ħafna u jiġġenera kostijiet għas-saħħa pubblika (il-prevenzjoni tad-droga, il-kura tas-saħħa u t-trattament), is-sikurezza pubblika u l-produttività tax-xogħol.
Fir-rigward tad-domanda tad-droga, l-użu tad-drogi illeċiti jibqa’ wieħed mill-żktar theddidiet li ilhom jeżistu għas-soċjetajiet tagħna u, direttament jew indirettament, taffettwa l-ħajjiet ta’ miljuni ta’ persuni. Tal-inqas 83,2 miljun Ewropew irrappurtaw li użaw il-kannabis tal-inqas darba f’ħajjithom, filwaqt li 17,1 u 12-il miljun rispettivament ippruvaw il-kokaina u l-amfetamini. Barra minn hekk, 1.3 miljun adult jinsabu f’riskju kbir li jużaw l-oppjojde. Il-prevalenza tal-użu reġistrat tal-opjojdi ta’ riskju għoli ġiet stabilizzata u f’xi pajjiżi naqset; il-prevalenza tal-mard infettiv bdiet tonqos, b’mod ġenerali, mill-2013. Huwa stmat li fl-2014 mietu tal-inqas 6 800 persuna b’overdose fl-UE. L-użu tad-drogi huwa kkonċentrat l-aktar fost iż-żgħażagħ (bejn il-15 u l-34 sena); huwa stmat li 17,8-il miljun żagħżugħ użaw id-drogi matul l-aħħar sena. Jidher li kien hemm żieda fl-imwiet relatati mad-drogi mill-2013 u ebda tnaqqis reġistrat fl-użu tad-drogi.
Fir-rigward tal-forniment tad-droga, għal dawn l-aħħar erba’ snin, is-sustanzi psikoattivi ġodda (SPĠ) saru dejjem aktar disponibbli fis-suq miftuħ u/jew onlajn, u jippreżentaw riskji serji għas-saħħa. Fl-2015, ġew identifikati 98 sustanza psikoattiva ġdida, u dan tella’ l-għadd ta’ sustanzi ġodda ssorveljati għal aktar minn 560, u 70 % minn dawn ġew identifikati fl-aħħar ħames snin. Is-sekwestri rreġistrati ta’ drogi illeċiti ma nbidlux b’mod sostanzjali fl-2013 u fl-2014 meta mqabbel mas-sena preċedenti, iżda nqabad il-volum totali ta’ drogi akbar.
Fir-rigward tal-koordinazzjoni, il-mekkaniżmi fil-livell tal-UE, li ħafna minnhom ġew qabel l-Istrateġija attwali, huma effettivi. Il-korp ta’ koordinazzjoni l-aktar prominenti tagħha, il-Grupp ta’ Ħidma Orizzontali dwar id-Drogi (GOD), jitqies effettiv biex jagħmel monitoraġġ tal-implimentazzjoni tal-Pjan ta’ Azzjoni u jiffaċilita d-djalogu dwar l-istat tal-fenomenu tad-drogi fl-Ewropa. Hemm evidenza ta’ konsistenza matul iż-żmien u kontinwità minn presidenza għall-oħra. Barra minn hekk, l-Istati Membri kollha rrappurtaw li l-organizzazzjonijiet tas-soċjetà ċivili kienu involuti fl-iżvilupp, fil-monitoraġġ u/jew fl-evalwazzjoni tal-politika tad-droga nazzjonali tagħhom.
Fir-rigward tal-kooperazzjoni internazzjonali,il-prijoritajiet relatati mad-drogi ġew inkorporati fil-politiki esterni, strateġiji u azzjonijiet tal-UE mmirati għall-pajjiżi terzi u għar-reġjuni. Barra minn hekk, dawn l-aħħar snin tejbu l-kooperazzjoni tal-UE sabiex titkellem b’vuċi waħda fil-fora internazzjonali.
Fl-aħħar nett, fir-rigward tal-informazzjoni, ir-riċerka, il-monitoraġġ u l-evalwazzjoni,f’dawn l-aħħar ħames snin l-UE pprovdiet appoġġ għal diversi proġetti ta’ riċerka taħt diversità ta’ mekkaniżmi ta’ finanzjament li jkopru diversi aspetti mill-kwistjoni tad-droga u dixxiplini relatati. Jenħtieġu sforzi sostnuti biex il-prijoritajiet tal-Istrateġija u tal-Pjan ta’ Azzjoni jinbidlu f’riċerka. L-eżistenza u l-operazzjoni tas-Sistema ta’ Twissija Bikrija għal sustanzi psikoattivi ġodda fiċ-Ċentru Ewropew għall-Monitoraġġ tad-Droga u d-Dipendenza fuq id-Droga (European Monitoring Centre for Drugs and Drug Addiction, EMCDDA) huma riflessjoni ta’ kondiviżjoni mtejba ta’ dejta forensika u tossikoloġika fil-livell tal-UE matul dawn l-aħħar snin. L-attività ta’ twissija bikrija jippermettu li l-UE tieħu deċiżjonijiet infurmati u rapidi dwar sustanzi kimiċi.
III.Is-sejbiet tal-valutazzjoni ta’ nofs it-terminu tal-Istrateġija u l-evalwazzjoni finali tal-Pjan ta’ Azzjoni 2013-2016
L-evalwazzjoni kopriet il-perjodu mill-2013 sal-2016 u t-28 Stat Membru kollha. Indirizzat kemm id-dimensjonijiet interni kif ukoll dawk esterni tal-Istrateġija u l-Pjan ta’ Azzjoni. L-evalwazzjoni kienet ibbażata fuq eżami estensiv tad-dejta u d-dokumenti rilevanti tal-UE u tal-Istati Membri relatati mas-swieq tad-droga, ix-xejriet u l-istrateġiji dwar id-drogi. Is-sejbiet tal-evalwazzjoni indirizzat kemm il-valutazzjoni ta’ nofs it-terminu tal-Istrateġija tal-UE dwar id-Drogi 2013-2020 kif ukoll l-evalwazzjoni finali tal-Pjan ta’ Azzjoni dwar id-Drogi tal-UE 2013-2016.
Uħud mill-isfidi ewlenin tal-evalwazzjoni kienu l-fatt li d-dejta miġbura mill-Istati Membri kollha biex tiġi inkluża fiha mhux dejjem kienet paragunabbli, kif ukoll nuqqas ta’ miżuri ta’ linja bażi u statistiki aġġornati għal ċerti oqsma. Dan jagħmel l-attribuzzjoni u l-valutazzjoni ta’ xejriet u żviluppi possibbli għall-Istrateġija u l-Pjan ta’ Azzjoni diffiċli, u dan kellu impatt fuq l-analiżi tal-effettività tal-Istrateġija u tal-Pjan ta’ Azzjoni f’termini ta’ kwantifikazzjoni tal-effetti u l-akkreditar ta’ bidliet li jikkorrispondu għall-objettivi biss tal-Istrateġija u l-Pjan ta’ Azzjoni. Madankollu, il-metodi ta’ riċerka diversi ntużaw għall-evalwazzjoni u s-sejbiet minn kull sors tad-dejta ġew ikkombinati, u dan ikkontribwixxa għall-piż tal-evidenza.
L-evalwazzjoni kkonkludiet li l-Istrateġija u l-Pjan ta’ Azzjoni għadhom adegwati għall-iskop tagħhom f’termini tal-ilħiq tar-rekwiżiti tal-politika dwar id-drogi fil-livelli tal-UE, nazzjonali u internazzjonali. L-oqsma kollha li jindirizzaw jibqgħu rilevanti għall-indirizzar tal-aspetti kollha tal-fenomenu tad-drogi.
L-evalwazzjoni applikat il-ħames kriterji standard: l-effettività, l-effiċjenza, il-koerenza, ir-rilevanza u l-valur miżjud tal-UE.
A.L-effettività
Bħala l-ewwel pass biex tiġi vvalutata l-effettività, l-evalwazzjoni vvalutat il-livell ta’ implimentazzjoni tal-54 azzjoni kollha tal-Pjan ta’ Azzjoni, kif ukoll l-impatt tagħhom. Il-graff ta’ hawn taħt turi l-progress li sar fil-Pjan ta’ Azzjoni għal kull wieħed mill-ħames pilastri:
L-evalwazzjoni sabet li l-implimentazzjoni tal-Istrateġija tal-UE dwar id-Drogi u l-Pjan ta’ Azzjoni kienu effettivi, f’livelli differenti, fil-ħames pilastri kollha.
Il-maġġoranza tal-azzjonijiet ġew implimentati - 53 % tal-azzjonijiet tlestew jew mexjin tajjeb, filwaqt li għal 47 % tal-azzjonijiet sar xi progress iżda l-implimentazzjoni għadha aktar lura milli ppjanat - u sar progress konsiderevoli fil-15-il objettiv tal-Pjan ta’ Azzjoni.
Fil-qasam tat-tnaqqis tad-domanda għad-droga, id-dewmien jirreferi għall-objettivi għall-prevenzjoni tal-użu tad-droga u d-dewmien tal-bidu tal-użu tad-droga, u għat-titjib tal-effettività tat-trattament tad-droga u riabilitazzjoni. L-objettiv ta’ integrazzjoni ta’ approċċi koordinati bl-aħjar prattiki u kwalità fit-tnaqqis tad-domanda għad-drogi tinsab fit-triq it-tajba.
Fil-qasam tat-tnaqqis tal-provvista, l-objettivi biex jittejbu l-koordinazzjoni u l-kooperazzjoni effettivi tal-eżekuzzjoni tal-liġi u jittejbu l-kooperazzjoni ġudizzjarja u l-leġiżlazzjoni effettivi jinsabu aktar lura milli ppjanat, filwaqt li dawk relatati mar-reazzjoni effettiva għax-xejriet attwali u emerġenti fl-attività tad-droga illeċita kienu vvalutati li mexjin kif ippjanat.
Fil-qasam tal-koordinazzjoni, l-objettivi relatati mal-iżgurar tal-koordinazzjoni effettiva fil-politiki relatati mad-droga fil-livell tal-UE u dak nazzjonali u li jiżguraw il-parteċipazzjoni tas-soċjetà ċivili fil-formulazzjoni tal-politika dwar id-droga ġew ivvalutati li mexjin kif ippjanat.
Fil-qasam tar-relazzjonijiet internazzjonali, l-objettiv tal-integrazzjoni tal-Istrateġija fil-qafas ta’ politika barranija ġenerali tal-UE ġie vvalutat li jinsab lura, filwaqt li l-objettivi relatati mat-titjib fil-koeżjoni tal-approċċ u l-viżibilità tal-UE fin-Nazzjonijiet Uniti (NU), u tal-appoġġ lill-proċess għall-pajjiżi ta' adeżjoni, il-pajjiżi kandidati, u l-kandidati potenzjali sabiex jadattaw u jallinjaw ruħhom mal-acquis tal-UE fil-qasam tad-drogi jinsabu fit-triq it-tajba.
Fil-qasam tal-informazzjoni, tar-riċerka, tal-monitoraġġ u tal-evalwazzjoni, jenħtieġ aktar progress biex jiġi żgurat investiment adegwat fir-riċerka, fil-ġbir tad-dejta, fil-monitoraġġ, fl-evalwazzjoni u fl-iskambju tal-informazzjoni u biex jittejjeb it-tixrid tar-riżultati tal-monitoraġġ, tar-riċerka u tal-evalwazzjoni fil-livell tal-UE u dak nazzjonali. Il-progress fiż-żamma ta’ netwerking u kooperazzjoni u fl-iżvilupp tal-kapaċità fi ħdan il-komponenti tal-infrastruttura tal-għarfien tal-UE u bejniethom għall-informazzjoni, ir-riċerka, il-monitoraġġ u l-evalwazzjoni tad-drogi, b’mod partikolari d-drogi illeċiti, kien wieħed tajjeb.
B.L-effiċjenza
Fin-nuqqas ta’ deskrizzjoni komprensiva u aġġornata tal-ispiża relatata mad-drogi, l-evalwazzjoni pprovdiet indikazzjonijiet tal-punt sa fejn kienu ġew allokati biżżejjed riżorsi finanzjarji fil-livell tal-UE u tal-Istati Membri.
L-evalwazzjoni ma setgħetx tasal għal konklużjoni dwar l-effiċjenza tal-intervent billi ma hemmx dejta kwantitattiva armonizzata disponibbli fir-rigward tan-nefqa u benefiċċji relatati ta’ azzjonijiet rilevanti madwar l-Istati Membri tal-UE. Madankollu, l-Istrateġija dwar id-Drogi u l-Pjan ta’ Azzjoni rnexxielu jistabbilixxi qafas komuni mifrux mal-UE kif spjegat fit-taqsima dwar il-”valur miżjud tal-UE” hawn taħt. Fin-nuqqas ta’ deskrizzjoni komprensiva u aġġornata tal-ispiża relatata mad-drogi, l-evalwazzjoni ffukat minflok fuq il-punt sa fejn l-allokazzjoni tar-riżorsi finanzjarji fil-livell tal-UE u tal-Istati Membri kienet meqjusa bħala suffiċjenti. B’mod ġenerali, il-partijiet ikkonċernati qiesu r-riżorsi bħala suffiċjenti għall-Istrateġija tal-UE u l-Pjan ta’ Azzjoni, b’mod partikulari fir-rigward tad-domanda u l-provvista tad-droga.
C.Koerenza
Instab li l-prijoritajiet u l-azzjonijiet fl-Istrateġija u l-Pjan ta’ Azzjoni kienu koerenti mal-maġġoranza tal-politiki u l-istrateġiji l-oħrajn rilevanti tal-UE, bħall-Aġenda Ewropea dwar is-Sigurtà u l-Kunsens Ewropew għall-Iżvilupp, filwaqt li għandhom jinbnew aktar sinerġiji mal-Istrateġija tal-UE dwar is-Saħħa. Pereżempju, l-evalwazzjoni tindika l-fatt li l-isfidi tat-tixjiħ tal-popolazzjoni fl-Ewropa jew l-impatt potenzjali tat-teknoloġiji l-ġodda fil-qasam tal-prevenzjoni kif identifikat fl-Istrateġija tal-UE dwar is-Saħħa mhumiex riflessi.
D.Rilevanza
Skont l-evalwazzjoni, il-partijiet ikkonċernati qiesu li l-Istrateġija u l-Pjan ta’ Azzjoni huma rilevanti daqs meta ġew adottati. L-istruttura tal-ħames pilastri tkompli tindirizza l-aktar rekwiżiti attwali tal-politika dwar id-drogi fil-livell tal-UE u dak nazzjonali. L-oqsma kollha indirizzati fil-Pjan ta’ Strateġija u Azzjoni 2013-2016 jibqgħu rilevanti għall-indirizzar tal-aspetti kollha tal-fenomenu tad-drogi.
E.Valur miżjud tal-UE
L-Istrateġija u l-Pjan ta’ Azzjoni pprovdew valur miżjud lill-istrateġiji tal-Istati Membri individwali (u atturi mhux tal-Istat) billi jistabbilixxu qafas komuni għall-UE kollha u jistituzzjonalizzaw proċess ta’ bini tal-kunsens għall-politika dwar id-drogi.
Ħadd minnhom ma jimponi obbligi ġuridiċi fuq l-Istati Membri tal-UE, iżda l-evalwazzjoni sabet li rnexxielhom jidderieġu b’mod ġenerali azzjoni kollettiva fil-qasam tad-drogi, kemm fil-livell tal-UE kif ukoll dak nazzjonali, u rnexxielhom jippromwovu mudell kondiviż b’kultura ta’ prijoritajiet definittivi, objettivi, azzjonijiet u indikaturi biex titkejjel il-prestazzjoni.
L-evalwazzjoni sabet ukoll li l-valur miżjud tal-UE jinħass aktar evidenti f’termini tal-attivitajiet tat-tnaqqis fid-domanda u sfidi emerġenti. Fil-kooperazzjoni għall-iżvilupp internazzjonali, l-Istati Membri rrikonoxxew il-valur miżjud li jitwaqqaf qafas strateġiku komuni kollettivament għall-azzjonijiet fil-livell tal-UE.
L-UE issa għandha aktar “vuċi” fil-fora internazzjonali u relazzjonijiet internazzjonali. Dan jipprovdi sors importanti ta’ gwida għall-pajjiżi kandidati, u qafas għal kooperazzjoni bilaterali mal-pajjiżi mhux tal-UE.
F.Konklużjoni
B’mod ġenerali, l-evalwazzjoni kkonfermat li l-partijiet ikkonċernati jaċċettaw b’mod ġenerali Pjan ta’ Azzjoni ġdid 2017-2020. Huma kkunsidraw li huwa neċessarju li jibqgħu jiġu stabbiliti prijoritajiet preċiżi u azzjonijiet relatati ma’ kull objettiv, sabiex tiġi assenjata r-responsabbiltà u jiġu fformulati indikaturi speċifiċi u li jistgħu jitkejlu. In-natura komprensiva tal-Istrateġija tippermetti li l-partijiet ikkonċernati jirfinaw il-fokus tal-prijoritajiet tul il-ħajja tagħha filwaqt li jinżamm livell raġjonevoli ta’ koerenza. Barra minn hekk, il-partijiet ikkonċernati ppreferew jaġġornaw il-Pjan ta’ Azzjoni 2013-2016 b’reazzjoni għall-iżviluppi l-ġodda u l-kwistjonijiet emerġenti.
L-evalwazzjoni sabet li jeħtieġ li xi azzjonijiet jissaħħu jew jiżdiedu biex tlaħħaq ma’ kwistjonijiet li jiżviluppaw u joħolqu aktar sinerġiji b’aktar oqsma ta’ politika tal-UE bħall-Istrateġija tal-UE dwar is-Saħħa. Tindika wkoll il-ħtieġa għal livell ogħla ta’ attenzjoni għall-użu ta’ teknoloġiji ġodda ta’ komunikazzjoni fil-produzzjoni u t-traffikar ta’ drogi illeċiti u r-rwol tal-internet fil-prevenzjoni tad-drogi. L-evalwazzjoni turi li l-omissjoni ta’ diskussjoni dwar xejriet riċenti fil-politika tal-kannabis kienet innutata minn firxa wiesgħa ta’ partijiet ikkonċernati u rrappreżentat waħda mill-aktar kwistjonijiet frekwenti mqajma meta ġie esplorat jekk kienx hemm kwistjonijiet mhux koperti mill-Istrateġija.
L-evalwazzjoni tindika wkoll li hemm lok għal titjib fl-implimentazzjoni u fl-aċċess għal miżuri ta’ tnaqqis tar-riskju u tal-ħsara madwar diversi Stati Membri u li partijiet ikkonċernati mis-soċjetà ċivili esprimew tħassib dwar il-limitu u l-kwalità ta’ dawn il-miżuri.
Fl-aħħar nett, l-evalwazzjoni sabet li Pjan ta’ Azzjoni futur għandu jkompli jinkludi azzjonijiet biex jiġu ssorveljati SPĠ, biex titnaqqas id-domanda u l-provvista għalihom, u biex titnaqqas il-ħsara assoċjata mal-użu tagħhom.
IV.L-abbozz ta’ Pjan ta’ Azzjoni ġdid għall-2017-2020 - x’inhuwa ġdid u x’ġie aġġornat?
Abbażi tas-sejbiet u tar-rakkomandazzjonijiet tal-evalwazzjoni, il-Kummissjoni qed tipproponi abbozz ta’ Pjan ta’ Azzjoni dwar id-Drogi 2017-2020, u b’hekk tkopri s-snin li fadal tal-Istrateġija tal-UE dwar id-Drogi, li hija fis-seħħ sal-2020. Abbażi tar-riżultati tal-evalwazzjoni, l-abbozz ta’ Pjan ta’ Azzjoni jżomm u jsaħħaħ azzjonijiet eżistenti biex jindirizza sfidi li jkomplu jheddu s-saħħa u s-sigurtà. Jinkludi wkoll azzjonijiet ġodda biex jirrifletti żviluppi mill-2013 u jindirizza sfidi emerġenti mhux koperti preċedentement. Uħud mill-azzjonijiet ġodda introdotti, bħal dawk li jindirizzaw l-użu ta’ teknoloġiji ġodda għall-prevenzjoni jew l-analiżi komprensiva ta’ żviluppi relatati mal-mudelli tal-politika tal-kannabis, huma bbażati fuq is-sejbiet tal-evalwazzjoni. Oħrajn jirriżultaw minn riflessjonijiet li joħorġu minn sorsi bħar-Rapport tas-Suq tad-Drogi, żviluppi ta’ politika fil-livell tal-UE, speċjalment fil-kuntest tal-Aġenda Ewropea dwar is-Sigurtà u kontribuzzjonijiet mis-soċjetà ċivili. Dawn l-azzjonijiet jinkludu:
Il-ġbir ta’ evidenza tal-konnessjonijiet potenzjali bejn it-traffikanti tad-droga u
il-finanzjament ta’ gruppi u attivitajiet terroristiċi;
il-faċilitazzjoni ta' immigrazzjoni illegali; u
it-traffikar ta' bnedmin
l-inklużjoni espliċita ta’ gruppi vulnerabbli fl-azzjonijiet tad-domanda għad-drogi
L-azzjonijiet il-ġodda u l-aġġornamenti kif jirrelataw għall-ħames pilastri tal-Istrateġija huma miġburin fil-qosor hawn taħt.
A.Tnaqqis fid-domanda għad-drogi
Se jinħolqu sinerġiji aktar b’saħħithom bejn il-Pjan ta’ Azzjoni l-ġdid u l-Istrateġija tal-UE dwar is-Saħħa, b’mod partikolari fir-rigward tal-użu tat-teknoloġiji tal-informazzjoni u l-komunikazzjoni (information and comunications technologies, ICT) għal skopijiet ta’ prevenzjoni. L-użu tal-ICT huwa fundamentali fit-tkabbir tal-għarfien, speċjalment fost it-tfal u ż-żgħażagħ, dwar ir-riskji u l-konsegwenzi tal-użu tad-drogi illeċiti.
Titqies il-ħidma riċenti tal-Grupp ta’ Ħidma Orizzontali dwar id-Drogi (GOD) dwar l-użu ħażin ta’ opjojdi bir-riċetta u mediċini oħra psikoattivi.
Fid-dawl tat-tixjiħ tal-popolazzjoni fl-UE jeħtieġ li tiġi indirizzata l-isfida emerġenti tat-tixjiħ ta’ min jieħu d-droga, kif enfasizzat ukoll fl-Istrateġija tal-UE dwar is-Saħħa.
L-użu tad-droga f’komunitajiet vulnerabbli se tiġi indirizzata billi jiġu rfinuti l-miżuri mmirati fil-Pjan ta’ Azzjoni 2013-2016.
Aktar attenzjoni fuq miżuri ta’ tnaqqis tar-riskju u tal-ħsara, bil-għan li jitnaqqsu l-konsegwenzi avversi ta’ saħħa u dawk soċjali ta’ użu ħażin tad-drogi, għandha rwol ċentrali fil-politika effettiva dwar id-drogi, inkluż f’ambjenti ta’ ħabs.
Implimentazzjoni u monitoraġġ tal-konklużjonijiet tal-Kunsill tal-2015 dwar standards ta’ kwalità minimi fit-tnaqqis tad-domanda għad-droga fl-UE.
B.Tnaqqis fil-provvista tad-droga
Jeħtieġ aktar attenzjoni għall-kooperazzjoni ġudizzjarja f’każijiet relatati mad-drogi fil-livell tal-UE. Sabiex jiksbu stampa aktar komprensiva tal-impatt tal-isforzi għat-tnaqqis tal-provvista, il-Europol, il-Eurojust u l-EMCDDA għandhom ikomplu bl-isforzi tagħhom sabiex jiġbru indikaturi u jikkumplimentaw il-ġbir tad-dejta , fejn possibbli, b’informazzjoni kwalitattiva u kuntestwali.
Għandha tingħata attenzjoni lill-implimentazzjoni kontinwa tal-indikaturi ewlenin adottati mill-konklużjonijiet tal-Kunsill tal-2013 dwar it-titjib tal-monitoraġġ tal-provvista tad-droga fl-UE. Ġew żviluppati seba’ indikaturi flimkien ma’ pjan direzzjonali għall-implimentazzjoni tagħhom. Il-ġbir ta’ dejta sħiħa għall-maġġoranza tagħhom jinsab għaddej jew se jibda fl-2017.
Il-pakkett leġiżlattiv tas-Sustanzi Pikoattivi Ġodda (SPĠ) għandu jiġi adottat u implimentat b’mod rapidu; fis-snin li ġejjin se jkun meħtieġ ukoll il-monitoraġġ tal-effetti tal-miżuri leġiżlattivi ġodda.
L-implimentazzjoni tal-leġiżlazzjoni tal-UE dwar il-prekursuri tad-droga li ssaħħet fl-2013 bl-adozzjoni tal-emendi sinifikanti għaż-żewġ Regolamenti.
Għandha tingħata aktar attenzjoni għal sanzjonijiet alternattivi għal awturi ta’ reati li jikkunsmaw drogi. L-Istati Membri kollha għandhom tal-inqas sanzjoni waħda disponibbli u ħafna minnhom għandhom aktar minn waħda. L-iktar sanzjonijiet disponibbli b'mod komuni huma l-kura għad-drogi u sentenzi sospiżi bl-opzjoni tal-kura.
Għandha tingħata aktar attenzjoni għall-użu tal-ICT fil-produzzjoni u t-traffikar tad-drogi illeċiti kif stabbilit fil-laqgħa esperta ta’ Ġunju 2016 organizzata mill-Kummissjoni fil-kuntest tal-Forum tal-UE dwar l-Internet.
C.Koordinazzjoni
Koerenza u koordinazzjoni akbar mal-gruppi ta’ ħidma l-oħrajn tal-Kunsill ikunu ta’ għajnuna biex il-GOD iwettaq ir-rwol tiegħu ta’ monitoraġġ tal-implimentazzjoni tal-Strateġija u biex jiżgura koerenza bejn l-attivitajiet ta’ tnaqqis tad-domanda u l-provvista u biex jiġu identifikati sinerġiji rilevanti.
Għandu jingħata aktar ħin u attenzjoni għad-diskussjoni tal-implimentazzjoni tal-Pjan ta’ Azzjoni matul il-laqgħat tal-GOD.
Kif mitlub mill-UE fil-forum globali, għandhom jiġu mfittxija opportunitajiet ulterjuri biex tiżdied il-parteċipazzjoni tas-soċjetà ċivili fil-formulazzjoni, l-implimentazzjoni, il-monitoraġġ u l-evalwazzjoni tal-politiki dwar id-drogi fil-livell tal-UE u nazzjonali.
D.Kooperazzjoni internazzjonali
L-evalwazzjoni sabet li hemm lok biex titjieb il-kapaċità tad-delegazzjonijiet tal-UE biex jimpenjaw ruħhom fi kwistjonijiet dwar id-drogi u jseħħ netwerking bejniethom fuq bażi reġjonali .
Għandu jkun hemm aktar attenzjoni biex tiġi miġġielda l-kultivazzjoni tal-għelejjel ta’ drogi illegali u jittejjeb l-iżvilupp alternattiv.
Sabiex jiġi indirizzat b’mod adegwat it-tħassib dwar l-eżekuzzjonijiet extralegali relatati mad-drogi u l-użu tal-piena tal-mewt, l-UE għandha tesplora mezzi kif tinvolvi ruħha ma’ pajjiżi oħra kull meta jitqajmu kwistjonijiet serji relatati mad-droga.
Tqiesu wkoll żviluppi riċenti fil-Grupp ta’ Dublin, li qed iħares lejn mezzi biex jimmodernizza l-metodi ta’ ħidma tiegħu.
L-atturi rilevanti ma ħassux li huwa essenzjali li jinżamm djalogu annwali dwar l-assistenza relatata mad-droga tal-UE u tal-Istati Membri ma’ pajjiżi oħra, b’hekk l-azzjoni twaqqgħet mill-abbozz tal-Pjan ta’ Azzjoni.
Hemm kunsens wiesa’ li qasam ewlieni li fih l-Istrateġija u l-Pjan ta’ Azzjoni jżidu l-valur qed jippermetti li l-UE "titkellem b’vuċi waħda” fil-fora internazzjonali, kif jidher fil-preparazzjoni għall-UNGASS 2016. Issa jenħtieġ aktar attenzjoni għall-implimentazzjoni tal-eżitu tal-UNGASS u għat-tħejjija tal-proċess ta’ eżami tal-2019 tad-Dikjarazzjoni Politika u l-Pjan ta’ Azzjoni dwar il-Kooperazzjoni Internazzjonali tal-2009 lejn strateġija integrata u bbilanċjata għall-ġlieda kontra l-problema dinjija tad-drogi, adottata fl-2009.
E.Ir-Riċerka, l-informazzjoni, il-monitoraġġ u l-evalwazzjoni
Għandu jkun hemm indikaturi ċari biex jitkejjel l-impatt tal-proġetti ffinanzjati mill-UE.
Tqieset il-ħidma biex tiġi promossa l-evalwazzjoni xjentifika ta’ politika u interventi fil-livell nazzjonali, tal-UE u internazzjonali.
Sabiex tindirizza nuqqas ta’ evidenza solida, azzjoni ġdida tiffoka fuq id-dokumentazzjoni ta’ konnessjonijiet potenzjali bejn it-traffikar ta’ droga u:
il-finanzjament tal-gruppi u l-attivitajiet terroristiċi, inkluż kwalunkwe trikkib bejn ir-rotot stabbiliti għall-produzzjoni tad-drogi u ż-żoni tat-traffikar u ż-żoni ta’ kunflitt u sorsi ta’ finanzjament ta’ ċelloli terroristiċi fl-UE;
il-faċilitazzjoni ta’ immigrazzjoni illegali, li toħloq sinerġiji mal-Pjan ta’ Azzjoni tal-UE biex tiġġieled il-faċilitazzjoni ta' immigrazzjoni illegali; u
it-traffikar ta’ bnedmin, li toħloq sinerġiji mal-Istrateġija tal-UE 2012-2016 lejn l-Eradikazzjoni tat-Traffikar ta’ Bnedmin.
Fid-dawl tad-dibattitu attwali f’xi Stati Membri u internazzjonalment, il-mudelli ta’ politika dwar il-kannabis madwar id-dinja u l-impatt tagħhom se jiġu analizzati f’aktar dettall.
Tqieset il-ħidma biex tittejjeb il-kooperazzjoni bejn il-laboratorji doganali u n-netwerks tal-laboratorji forensiċi, u bejn is-servizzi tal-Kummissjoni fil-ġlieda kontra s-Sustanzi Psikoattivi Ġodda (SPĠ).
V.Konklużjonijiet
Il-valutazzjoni ta’ terminu medju tal-Istrateġija tal-UE dwar id-drogi 2013-2020 u l-evalwazzjoni finali tal-Pjan ta’ Azzjoni tal-UE dwar id-Drogi 2013-2016 ikkonfermaw ir-rilevanza kontinwa tal-Istrateġija eżistenti filwaqt li jindikaw ukoll kunsens fost ħafna partijiet ikkonċernati favur Pjan ta’ Azzjoni aġġornat għas-snin li fadal mid-durata tal-Istrateġija.
Għaldaqstant, il-Kummissjoni qed tipproponi Pjan ta’ Azzjoni għall-2017-2020 li jżomm u jsaħħaħ l-azzjonijiet eżistenti biex jindirizza l-isfidi li jkomplu jheddu s-saħħa u s-sigurtà. Jinkludi wkoll azzjonijiet ġodda biex jirrifletti żviluppi mill-2013 u jindirizza sfidi emerġenti mhux koperti preċedentement.
L-evalwazzjoni finali tal-Istrateġija u l-Pjan ta’ Azzjoni 2017-2020, kif meħtieġ mill-Istrateġija stess, se tiġi ppreżentata fl-2020. Fl-2019 se titwettaq evalwazzjoni tal-EMCDDA, inkluż is-sistema Reitox, kif meħtieġ mir-Regolament li waqqaf l-EMCDDA. Billi l-evalwazzjonijiet ta’ hawn fuq se jipprovdu informazzjoni prezzjuża dwar l-implimentazzjoni tal-Pjan ta’ Azzjoni tal- UE 2017-2020, mhux se jkun meħtieġ analiżi ta’ progress ta’ nofs it-terminu.
Issa l-Kummissjoni se tidħol fi djalogu fuq l-abbozz propost tal-Pjan ta’ Azzjoni tal-UE dwar id-Drogi 2017-2020 mal-Parlament Ewropew u mal-Kunsill.
ANNESS
1.Tnaqqis fid-domanda għad-drogi
Kontribut għal tnaqqis li jista’ jitkejjel fl-użu tad-drogi illeċiti, fl-użu problematiku tad-drogi, fid-dipendenza fuq id-drogi u fid-danni soċjali u għas-saħħa marbuta mad-drogi kif ukoll kontribut għal dewmien fil-bidu tal-użu tad-drogi
Objettiv
|
Azzjoni
|
Skeda ta’ żmien
|
Il-parti responsabbli
|
Indikatur(i)
|
Mekkaniżmi għall-ġbir/valutazzjoni tad-data
|
1.Prevenzjoni tal-użu tad-drogi u, it-tieni, dewmien fil-bidu tal-użu tad-drogi
|
1.Jitjiebu d-disponibbiltà u l-effikaċja ta’ miżuri ta’ prevenzjoni bbażati fuq l-evidenza li jqisu:
a.fatturi ta’ riskju tal-popolazzjoni bħall-età; is-sess; fatturi kulturali u soċjali;
b.fatturi ta’ sitwazzjoni ta’ riskju bħal min m’għandux fejn jgħix; il-migrazzjoni u t-tfittxija għall-ażil, użu ta’ drogi f’ambjenti ta’ divertiment u divertiment billejl; il-post tax-xogħol; u sewqan taħt l-influwenza tad-drogi; u
c.fatturi ta’ riskju individwali bħas-saħħa mentali; imġiba u żvilupp psikosoċjali problematiċi; u fatturi oħra magħrufin li jaffettwaw il-vulnerabbiltà individwali għall-użu tad-drogi bħal influwenzi ġenetiċi u ċirkostanzi familjari
|
Għaddejja bħalissa
|
Stati Membri
|
L-indikaturi ġenerali 1, 11, 12
Il-livell ta’ provvediment f’livell ta’ Stati Membri ta’ miżuri ta’ prevenzjoni universali u ambjentali bbażati fuq l-evidenza
Il-livell ta’ provvediment f’livell ta’ Stati Membri ta’ miżuri ta’ prevenzjoni mmirati bbażati fuq l-evidenza, inkluż miżuri abbażi ta’ familja u ta’ komunità
Il-livell ta’ provvediment f’livell ta’ Stati Membri ta’ miżuri ta’ prevenzjoni indikati bbażati fuq l-evidenza
|
Rapporti tal-EMCDDA
Rapporti Nazzjonali tar-Reitox
Rapporti mill-Istati Membri dwar ir-riżultati tal-miżuri
|
1.
|
2.Minbarra l-prevenzjoni tal-użu tad-drogi, jissaħħu u jkunu mmirati aħjar miżuri ta’ prevenzjoni u diversivi biex tiddewwem l-età tal-ewwel użu ta’ drogi illeċiti
|
Għaddejja bħalissa
|
Stati Membri
|
L-indikaturi ġenerali 1, 5, 12
Il-livell ta’ provvediment f’livell ta’ Stati Membri ta’ miżuri ta’ prevenzjoni u diversivi bbażati fuq l-evidenza li jiffokaw fuq żgħażagħ f’ambjenti ta’ familja, komunità u edukazzjoni formali/nonformali
|
Rapporti tal-EMCDDA
Rapporti mill-Istati Membri dwar ir-riżultati tal-miżuri
|
2.
|
3.L-iskambju tal-aħjar prattiki dwar il-mira tat-tfal u taż-żgħażagħ fl-azzjonijiet ta’ prevenzjoni, inkluż:
a.il-programmi u l-kampanji f’ambjenti edukattivi formali u mhux formali;
b.il-programmi u l-kampanji onlajn;
c.il-kooperazzjoni mal-kumpaniji tal-internet għal skopijiet ta’ prevenzjoni; u
d.modi kif il-midja soċjali tintuża biex jinftiehem aħjar l-użu tad-drogi u ttejjeb ir-rispons tat-tnaqqis tad-domanda
|
Għaddejja bħalissa
|
Stati Membri
Is-soċjetà ċivili
EMCDDA
|
Tip ta’ skambji tal-aħjar prattika bejn l-Istati Membri
Evalwazzjonijiet pożittivi ta’ eżiti komportamentali ta’ interventi tal-aħjar prattiki (meta disponibbli)
|
Il-portal tal-aħjar prattika tal-EMCDDA
Ir-rapportar tal-Istati Membri
Ir-rapportar tas-soċjetà ċivili
|
3.
|
4.Titqajjem kuxjenza dwar ir-riskji u l-konsegwenzi marbuta mal-użu ta’ drogi u sustanzi oħra psikoattivi illeċiti, inkluż billi jkun hemm kooperazzjoni mal-kumpaniji tal-internet u l-esperti tal-prevenzjoni biex jiġu mmirati aħjar it-tfal u ż-żgħażagħ
|
Għaddejja bħalissa
|
Stati Membri
KOM
EMCDDA
|
L-indikaturi ġenerali 5, 12
Il-livell ta’ kuxjenza b’mod ġenerali u fost iż-żgħażagħ dwar stili ta’ ħajja tajbin għas-saħħa u dwar ir-riskji u l-konsegwenzi tal-użu ta’ drogi u sustanzi oħra psikoattivi illeċiti
|
Rapporti tal-EMCDDA
Stħarriġ tal-Ewrobarometru
ESPAD
HBSC
|
|
5.Abilitazzjoni ta’ tweġiba aktar informata għall-isfida tal-abbuż ta’ opjojdi bir-riċetta u mingħajr riċetta u ta’ mediċini oħra psikoattivi
|
2017-2020
|
Stati Membri
Grupp ta’ Ħidma tal-Kunsill (GOD)
EMA
EMCDDA
|
Kompilazzjoni ta’ data mill-Istati Membri dwar il-kwantitajiet u x-xejriet ta’ preskrizzjoni ta’ mediċini psikoattivi
sa tmiem l-2014
In-numru ta’ inizjattivi li jiffokaw fuq il-promozzjoni tal-użu xieraq ta’ opjojdi bir-riċetta ta' tabib u mingħajr riċetta ta' tabib u ta’ mediċini psikoattivi oħrajn
Il-ġabra tal-evidenza u ta' eżempji internazzjonali ta’ kif jitnaqqsu r-riskji tad-diverżjoni u l-abbuż tal-mediċini psikoattivi
It-taħriġ tal-prattikanti tal-mediċina u professjonisti oħra fil-kura medika fl-użu tal-medikazzjoni għall-kontroll tal-uġigħ u t-trattament tat-tbatija
|
Rapporti mill-Istati Membri
EMCDDA
Ir-rapport tal-proġett Alice RAP
|
2. Titjib tal-effikaċja tal-kura għad-droga u r-riabilitazzjoni mid-droga, inklużi s-servizzi għan-nies b’komorbożità, biex jonqos l-użu tad-drogi illeċiti; l-użu problematiku tad-drogi; l-inċidenza tad-dipendenza fuq id-drogi u r-riskji u d-danni soċjali u ta’ saħħa marbuta mad-drogi u appoġġ għall-irkupru u ri/integrazzjoni soċjali ta’ konsumaturi tad-drogi problematiċi u dipendenti u tal-komunitajiet vulnerabbli, inkluż ukoll bil-bini ta' sinerġiji mal-Korpi tas-Solidarjetà tal-UE.
|
6.Żvilupp u espansjoni tad-diversità, disponibbiltà, kopertura u aċċessibbiltà ta’ servizzi ta’ trattament komprensivi u integrati bbażati fuq l-evidenza. L-iżgurar li dawn is-servizzi jindirizzaw il-polikonsum ta’ drogi (użu mħallat ta’ sustanzi illeċiti u/jew leċiti inkluż l-alkoħol u t-tabakk) u l-ħtiġijiet emerġenti tal-popolazzjoni anzjana li tagħmel użu mid-droga u kwistjonijiet speċifiċi għas-sessi. Żvilupp ta’ intervent/trattament bikri u programmi ta’ terapija għal konsumaturi tad-drogi tfal u adoloxxenti.
|
Għaddejja bħalissa
|
Stati Membri
|
L-indikaturi ġenerali 1, 6, 11
Il-firxa tad-diversità ta’ servizzi ta’ trattament komprensivi u integrati bbażati fuq l-evidenza fil-livell tal-Istati Membri jinkludu dawk li jindirizzaw l-użu ta’ drogi mħallta u l-ħtiġijiet tal-popolazzjoni anzjana li tagħmel użu mid-droga
Data mill-Istati Membri dwar iż-żamma għal trattament u r-riżultati tiegħu
|
Rapporti tal-EMCDDA
Reitox
Rapporti Nazzjonali
Portal tal-Aħjar Prattika tal-EMCDDA
Evalwazzjoni tal-Istrateġija tal-UE dwar id-Drogi u tal-Pjan ta’ Azzjoni finali
Ir-rapportar tal-Istati Membri
|
|
7.Espansjoni tal-provvediment ta’ servizzi ta’ riabilitazzjoni/irkupru b’enfasi fuq servizzi li:
a.jiffokaw fuq l-għoti ta’ kura kontinwa għall-individwi permezz tal-ġestjoni tal-każijiet u l-kollaborazzjoni bejn l-aġenziji għall-individwi;
b.iffokar fuq l-appoġġ għar-riintegrazzjoni soċjali (inkluż l-impjegabbiltà u l-akkomodazzjoni) tal-konsumaturi tad-drogi problematiċi u dipendenti inklużi ħabsin u persuni anzjani li jużaw id-droga, fejn ikun rilevanti;
c.Jissaħħaħ il-proċess dijanjostiku u t-trattament ta’ komorbożità psikjatrika u fiżika li tinvolvi l-użu tad-drogi, pereżempju b’ittestjar veloċi għall-epatite B u Ċ u l-HIV kif ukoll infezzjonijiet oħra trażmessi sesswalment u t-tuberkulożi, f’konformità mal-istandards ta’ kwalità minimi għat-tnaqqis tad-domanda għad-droga adottata mill-Kunsill fl-2015;
d.jitqiesu l-ħtiġijiet speċifiċi għas-sessi; u
e.isir kuntatt mal-komunitajiet vulnerabbli, inklużi t-tfal u l-adoloxxenti, il-minoritajiet etniċi, il-migranti u dawk li qed ifittxu l-ażil, il-persuni LGBTI, il-ħaddiema tas-sess kummerċjali u l-ħabsin, in-nies li jgħixu bl-HIV u l-AIDS u l-persuni bla dar.
|
Għaddejja bħalissa
|
Stati Membri
|
L-indikatur ġenerali 11
Data tal-Istati Membri dwar:
Il-livell ta’ żieda f’servizzi ta’ riabilitazzjoni/ irkupru li jadottaw approċċi ta’ ġestjoni tal-każ u bejn l-aġenziji
Il-livell ta’ żieda fin-numru ta’ programmi ta’ rijabilitazzjoni/irkupru speċifiċi għas-sessi
Il-livell ta’ żieda fl-għadd ta’ programmi ta’ kura komunitarja komprensiva, speċifikament immirati għall-utenti tad-drogi b’komorbożità, li jinvolvu sħubijiet bejn servizzi tas-saħħa mentali u ta’ riabilitazzjoni/ irkupru b’rabta mad-drogi u l-ħabsijiet
Il-livell u d-dewmien ta’ astinenza mill-konsum ta’ drogi illeċiti u/jew leċiti min-nies li jtemmu t-trattament b’rabta mad-drogi
Id-disponibbiltà ta’ opzjonijiet ta’ trattament li jissodisfaw il-bżonnijiet ta’ min jirkadi għall-konsum tad-drogi u tal-persuni anzjani li jużaw id-droga
|
Rapporti tal-EMCDDA
Ir-rapportar tal-Istati Membri fuq
ir-riżultati tas-servizzi
|
|
8.(a) Jiżdied l-aċċess għas-servizzi ta’ tnaqqis tal-ħsara, pereżempju programmi ta’ skambju tal-labar u s-siringi, terapija ta’ sostituzzjoni bl-opjojdi, programmi ta’ naloxonum għall-konsum fid-dar Jiġi żgurat li s-servizzi ta’ trattament u ta’ tagħrif jinkludu aktar aċċess għal għażliet ta’ tnaqqis tar-riskji u d-danni biex jittaffew il-konsegwenzi negattivi tal-konsum tad-drogi u jonqos sostanzjalment l-għadd tal-imwiet b’rabta diretta jew indiretta mad-drogi u l-mard infettiv li jinġarr fid-demm assoċjat mal-konsum tad-drogi iżda mhux limitat biss għall-HIV u l-epatite virali, kif ukoll il-mard li jittieħed mill-kuntatt sesswali u t-tuberkulożi
(b) Jiġu identifikati u megħluba l-ostakoli fl-aċċess għall-kura għall-epatite Ċ fost il-persuni li jinjettaw id-drogi, inklużi l-priġunieri u gruppi vulnerabbli oħrajn
(c) L-iskambju tal-aħjar prattiki fuq il-miżuri tat-tnaqqis tar-riskju u l-ħsara, pereżempju programmi ta’ skambju tal-labar u s-siringi, trattament ta’ sostituzzjoni tal-opjojdi, kmamar għall-konsum tad-drogi, programmi ta’ naloxonum għall-konsum fid-dar, interventi fuq il-bażi ta' pari, programmi ta’ kura ta' lħuq, trattament għall-epatite Ċ, ittestjar tal-pilloli, awtotestjar għall-HIV/AIDS, eċċ.
|
Għaddejja bħalissa
|
Stati Membri
EMCDDA
COM
Forum tas-Soċjetà Ċivili dwar id-Drogi
Forum tas-Soċjetà Ċivili dwar l-HIV/AIDS, L-Epatite Virali u t-Tuberkolożi
|
L-indikaturi ġenerali 2, 3, 4, 11
Firxa tad-disponibbiltà miżjuda ta’ u l-aċċess għal miżuri ta’ tnaqqis tar-riskju u l-ħsara bbażati fuq il-provi fl-Istati Membri
Tip ta’ skambji tal-aħjar prattiki dwar il-miżuri ta’ tnaqqis tar-riskju u l-ħsara
In-numru ta’ Stati Membri li jissodisfaw ir-rakkomandazzjoni tal-livell limitu minimu tad-WHO ta’ 200 labra u siringa sterili mqassma għal kull persuna li tinjetta d-droga fis-sena
Kopertura tal-programmi ta’ trattament ta’ sostituzzjoni tal-oppjojde fost il-persuni dipendenti fuq l-oppjojde
Il-punt safejn żdiedet id-disponibbiltà tal-programmi tan-naloxone għall-użu mid-dar u l-programmi ta’ tnaqqis tal-ħsara fl-ambjenti tad-divertiment notturn
In-numru ta’ programmi li jiffaċilitaw l-aċċess tal-persuni li jinjettaw id-drogi għall-kura għall-virus tal-epatite C (HCV) u l-persuni koperti
In-numru ta’ programmi għat-tnaqqis tal-ħsara li jimmiraw komunitajiet vulnerabbli, pereżempju minoritajiet etniċi, il-migranti u dawk li qed ifittxu l-ażil, il-persuni LGBTI, il-ħaddiema tas-sess kummerċjali u l-ħabsin
Il-grad ta’ implimentazzjoni tal-gwida ECDC/EMCDDA fuq il-prevenzjoni u l-kontroll tal-mard infettiv fost il-persuni li jinjettaw id-drogi
Il-grad ta’ implimentazzjoni tal-istandard ta’ kwalità minimi fit-tnaqqis tad-domanda għad-drogi fl-UE III (Servizzi ta’ trattament jipprovdu ttestjar voluntarju għall-mard infettiv li jinxtered permezz tad-demm, konsulenza kontra mġiba riskjuża u assistenza għall-ġestjoni tal-mard)
|
Rapporti tal-EMCDDA
Rapporti Nazzjonali tar-Reitox
Rapporti mill-Istati Membri dwar is-servizzi
|
|
9.Tkabbir tal-iżvilupp, id-disponibbiltà u l-kopertura tal-miżuri ta’ kura tas-saħħa għall-utenti tad-drogi fil-ħabs u wara li joħorġu mill-ħabs bil-għan li tinkiseb kwalità ta’ kura ekwivalenti għal dik ipprovduta fil-komunità
|
Għaddejja bħalissa
|
Stati Membri
|
L-indikatur ġenerali 10
Id-disponibbiltà ta’ servizzi għal utenti tad-drogi f’ħabsijiet (inkluż it-trattament tas-sostituzzjoni tal-opjojde u l-programmi ta’ skambju tal-labar u siringi) u l-livell ta’ kemm il-politiki u l-prattiki tal-kura tas-saħħa fil-ħabsijiet jinkorporaw mudelli ta’ kura li jinkludu l-aħjar prattiki fil-valutazzjoni tal-ħtiġijiet u l-kontinwità tal-kura għall-ħabsin waqt il-priġunija
Il-kwantità tat-tnaqqis fi problemi ta’ saħħa fiżika u mentali b’rabta mad-drogi fost il-ħabsin
Il-livell ta’ kemm is-servizzi bbażati fil-ħabsijiet u s-servizzi bbażati fil-komunità jipprovdu kontinwità ta’ kura għall-priġunieri wara li joħorġu mill-ħabs b’enfasi partikolari fuq li jiġu evitati dożi eċċessivi ta’ drogi
|
Rapporti tal-EMCDDA
Rapporti Nazzjonali tar-Reitox
Rapporti mill-Istati Membri dwar is-servizzi
|
3. Integrazzjoni ta’ approċċi koordinati bl-aħjar prattiki u kwalità fit-tnaqqis tad-domanda għad-drogi
|
10.Bidu tal-implimentazzjoni ta’ standards ta’ kwalità minimi tal-UE adottati mill-Kunsill fl-2015 li jgħinu biex jingħalaq id-distakk bejn ix-xjenza u l-prattika, għal:
a.miżuri ta’ prevenzjoni ambjentali, universali, selettivi u indikati;
b.miżuri ta’ kxif u ta’ intervent bikrija;
c.miżuri ta’ tnaqqis ta’ riskju u danni; u
d.miżuri ta’ trattament, riabilitazzjoni, integrazzjoni soċjali u rkupru
u l-monitoraġġ tal-implimentazzjoni tagħhom.
|
2017-2020
|
Kunsill
Grupp ta’ Ħidma tal-Kunsill (GOD)
Stati Membri
COM
EMCDDA
|
Kunsens miksub mill-Istati Membri dwar standards ta’ kwalità minimi bbażati fuq studji preparatorji preċedenti tal-UE
Analiżi tal-evidenza ta’ priogrammi ta’ tnaqqis tad-domanda għad-drogi implimentati f’konformità mal-istandards;
Numru ta’ programmi ta’ taħriġ speċjalizzat disponibbli għall-prattikanti fit-tnaqqis għad-domanda għad-drogi u/jew numru stmat ta’ prattikanti milħuqa minn programmi ta’ taħriġ speċjalizzat;
L-involviment tas-soċjetà ċivili fl-implimentazzjoni tal-istandards, inkluż fl-ippjanar u l-introduzzjoni
In-numru u l-impatt tal-proġetti u l-programmi appoġġjati fil-livell tal-UE li jippromwovu l-iskambju tal-aħjar prattiki fl-implimentazzjoni ta’ dawn l-istandards
L-involviment fil-kooperazzjoni interministerjali biex tiġi appoġġjata l-implimentazzjoni ta’ dawn l-istandards.
|
Portal tal-Aħjar Prattika tal-EMCDDA
Rapport ta’ Progress ta’ Kull Sentejn mill-COM
Ir-rapportar tal-Istati Membri
Evalwazzjoni tal-Istrateġija tal-UE dwar id-Drogi u tal-Pjan ta’ Azzjoni finali
|
2.Tnaqqis fil-provvista tad-droga
Kontribut għal tnaqqis li jitkejjel tad-disponibbiltà u l-provvista ta’ drogi illeċiti fl-UE
Objettiv
|
Azzjoni
|
Skeda ta’ żmien
|
Il-parti responsabbli
|
Indikatur(i)
|
Mekkaniżmi għall-ġbir/valutazzjoni tad-data
|
4. Tisħiħ tal-koordinazzjoni u l-kooperazzjoni effikaċi fl-infurzar tal-liġi fl-UE biex jikkumbattu l-attività b’rabta mad-drogi illeċiti, b’mod koerenti, kif meħtieġ, mal-azzjonijiet rilevanti determinati permezz taċ-ċiklu ta’ politika tal-UE
|
11.L-użu bl-aktar mod effettiv tal-istrumenti, il-kanali u l-għodod ta’ komunikazzjoni disponibbli tal-infurzar tal-liġi għall-qsim tal-intelligence miksuba u tal-informazzjoni użati għall-komplikazzjoni u l-analiżi ta’ informazzjoni marbuta mad-drogi
|
Għaddejja bħalissa
|
Stati Membri
Europol
Eurojust
Grupp ta’ Ħidma tal-Kunsill (COSI)
|
L-indikatur ġenerali 7
Il-kwantità ta’ attivitajiet immirati u mħaddma minn intelligence miksuba ta’ impatt qawwi, ta’ operazzjonijiet konġunti, skwadri ta’ investigazzjoni konġunti u inizjattivi ta’ kooperazzjoni transkonfinali li jiffokaw fuq organizzazzjonijiet kriminali involuti f’attività marbuta ma’ drogi illeċiti
Użu miżjud tas-sistemi tal-Europol ta’ qsim tal-informazzjoni, analiżi u esperti b’rabta mad-drogi
Ir-riżultati miksuba mill-proġetti EMPACT u minn inizjattivi bilaterali u multilaterali
In-numru ta’ każijiet relatati mad-drogi riferuti lill-Eurojust u l-Europol, inkluża l-informazzjoni kwalitattiva u kontestwali dwar il-każijiet
|
Rapporti tal-EMCDDA
L-Aġenziji tal-UE
Rapportar tal-Europol
Rapportar tal-Eurojust
Rapporti tal-Ixprunatur ta' EMPACT
|
(a)
|
12.Jiġu identifikati u prijoritizzati l-perikli l-aktar urġenti assoċjati ma’ kriminalità organizzata b’rabta mad-drogi
|
2017
|
Kunsill
Grupp ta’ Ħidma tal-Kunsill (COSI)
Europol
Stati Membri
COM
|
Il-prijoritajiet għall-2017-2021 taċ-Ċiklu ta’ Politika tal-UE għall-Kriminalità jkunu fis-seħħ
|
Konklużjonijiet tal-Kunsill dwar Ċiklu ta’ Politika tal-UE
EU SOCTA
Pjanijiet Strateġiċi Pluriennali (MASPs)
Evalwazzjoni tal-EMPACT
Rapporti tal-Ixprunatur ta' EMPACT
Rapport tad-Diretturi tal-Europol
|
1.
|
13.Tisħiħ tat-taħriġ tas-CEPOL għal uffiċjali tal-infurzar tal-liġi b’rabta mal-produzzjoni u t-traffikar ta’ drogi illeċiti u l-kriminalità finanzjarja, b’mod partikolari tekniki u metodi ta’ taħriġ
a.biex jiġi miġġieled l-użu ta’ teknoloġiji ġodda ta’ komunikazzjoni fil-produzzjoni u t-traffikar ta’ drogi illeċiti;
b.biex tissaħħaħ il-konfiska tal-assi;
c.biex jiġi miġġieled il-ħasil tal-flus;
d.għall-kxif u l-iżmantellament ta’ laboratorji klandestini illeċiti u siti ta’ kultivazzjoni tal-kannabis.
|
2017-2020
|
Stati Membri
CEPOL
Europol
Grupp ta’ Ħidma tal-Kunsill (COSI)
COM
|
Issir valutazzjoni tal-bżonnijiet ta’ taħriġ regolarment
Disponibbiltà u attendenza ta’ korsijiet rilevanti ta’ taħriġ
In-numru ta’ uffiċjali tal-infurzar tal-liġi mħarrġa u stazzjonati effettivament b’riżultat
|
Rapport ta’ Progress ta’ Kull Sentejn mill-COM
Rapport
Rapport annwali tas-CEPOL
Kurrikuli tas-CEPOL
Evalwazzjoni tal-EMPACT
Rapporti tal-Ixprunatur ta' EMPACT
|
|
14.Titjib tal-attivitajiet kontra n-narkotiċi permezz tat-tisħiħ u l-monitoraġġ tal-effikaċja ta’ pjattaformi ta’ qsim ta’ informazzjoni u pjattaformi reġjonali ta’ qsim tas-sigurtà bl-għan li jitħarbtu u jitrażżnu theddidiet emerġenti minn rotot li jinbidlu tat-traffikar tad-drogi
|
Għaddejja bħalissa
|
COM
Stati Membri
Europol
Grupp ta’ Ħidma tal-Kunsill (COSI)
Pjattaformi Reġjonali ta’
Qsim ta’ Informazzjoni
Pjattaformi Reġjonali ta’ Qsim tas-Sigurtà
|
L-indikatur ġenerali 7
In-numru ta’ attivitajiet imħaddma minn intelligence miksuba li jwasslu għat-tħarbit u t-trażżin ta’ rotot ta’ traffikar tad-drogi
Il-livell ta’ kondiviżjni ta’ informazzjoni permezz ta’ attività effettiva tan-netwerk ta’ uffiċjali ta’ kollegament
|
Rapporti tal-EMCDDA
Pjattaformi ta’ Qsim ta’ Sigurtà/ Informazzjoni u Rapporti ta’ Evalwazzjoni
EU SOCTA
Evalwazzjoni tal-EMPACT
Rapporti tal-Ixprunatur ta' EMPACT
Rapport tad-Diretturi tal-Europol
MAOC(N)
|
35.
|
15.Tisħiħ tal-azzjonijiet li jimpedixxu d-devjazzjoni ta’ prekursuri u pre-prekursuri għall-użu fil-manifattura illeċita ta’ drogi
|
Għaddejja bħalissa
|
Stati Membri
Europol
COM
Grupp ta’ Ħidma tal-Kunsill (Grupp dwar l-Unjoni Doganali)
COSI)
|
In-numru ta’ każijiet u l-kwantità ta’ kunsinni mwaqqfa jew sekwestrati ta’ prekursuri intenzjonati għal użu illeċitu
Riżultati miksuba minn proġetti EMPACT
L-użu tas-Sistema Online ta’ Notifikazzjoni Qabel l-Esportazzjoni (PEN) u ż-żieda fl-użu tas-Sistema ta’ Komunikazzjoni dwar Inċidenti li jinvolvu Prekursuri (PICS)
In-numru ta’ laqgħat konġunti ta’ segwitu u attivitajiet oħrajn marbuta mal-prevenzjoni tad-devjazzjoni ta’ prekursuri u pre-prekursuri
|
Rapporti mill-Aġenziji tal-Infurzar tal-Liġi tal-UE u tal-Istati Membri
Evalwazzjoni tal-EMPACT
EMPACT
Rapporti tad-Driver
Rapport tad-Diretturi tal-Europol
|
36.
|
16.Ħidma kontra t-traffikar transkonfinali tad-drogi inkluż dak li jsir permezz tal-kunsinni tal-kontejners u l-pakketti, u titjib tas-sigurtà fil-fruntieri speċjalment f’portijiet marittimi, ajruporti u punti ta’ qsim tal-fruntiera mill-art tal-UE permezz ta’ sforzi intensifikati, inkluż qsim ta’ informazzjoni u intelligence miksuba, mill-aġenziji rilevanti tal-infurzar tal-liġi
|
Għaddejja bħalissa
|
Stati Membri
Europol
Grupp ta’ Ħidma tal-Kunsill
(CCWP
COSI)
|
Żieda fl-għadd ta’ operazzjonijiet konġunti bejn diversi dixxiplini/aġenziji u ta’ inizjattivi ta’ kooperazzjoni transkonfinali
Għadd ta’ Memoranda ta’ Qbil (MtQ) effettivi miftehmin bejn aġenziji tal-infurzar tal-liġi u korpi rilevanti bħal linji tal-ajru, couriers express bl-ajru, kumpaniji tat-tbaħħir, awtoritajiet ta’ portijiet u kumpaniji tal-kimiċi
Riżultati miksuba minn proġetti EMPACT
Titjib fil-qsim tal-intelligence miksuba u l-informazzjoni dwar traffikar transkonfinali tad-drogi bl-użu, fost oħrajn, ta’ sistemi disponibbli ta’ sorveljanza tal-fruntieri
ajruporti u punti ta’ qsim tal-fruntiera mill-art
|
Rapport ta’ Progress ta’ Kull Sentejn mill-COM
Rapport
Rapport ta’ Evalwazzjoni tal-EMPACT u Driver Reports
Rapport tad-Diretturi tal-Europol
Rapporti tal-Europol
Ir-rapportar tal-Istati Membri
|
37.
|
17.Implimentazzjoni tal-indikaturi ewlenin dwar it-tnaqqis tal-provvista tad-drogi adottati mill-Kunsill fl-2013
|
2017-2020
|
COM
Stati Membri
Kunsill
Grupp ta’ Ħidma tal-Kunsill (GOD)
EMCDDA
Europol
|
Pjan direzzjonali żviluppat u maqbul dwar l-implimentazzjoni tal-indikaturi ewlenin tal-provvista tad-drogi
numru u kwantità tas-sekwestri tad-drogi
purezza u kontenut tad-drogi
prezzijiet tad-drogi
faċilitajiet tal-produzzjoni tad-drogi żmantellati
reati kontra l-liġi dwar id-droga
disponibbiltà tad-drogi fl-istħarriġ fuq il-popolazzjoni
stimi fuq id-daqs tas-suq
|
Perspettiva tal-ġbir ta’ data eżistenti dwar il-provvista fl-Istati Membri
Rapporti tal-EMCDDA
Rapporti tal-Europol
Rapport ta’ Progress ta’ Kull Sentejn mill-COM
|
5. Tisħiħ tal-kooperazzjoni ġudizzjarja effettiva u l-leġislazzjoni fl-UE
|
18.Tisħiħ tal-kooperazzjoni ġudizzjarja tal-UE fl-indirizzar tat-traffikar transkonfinali tad-drogi, il-ħasil tal-flus, u fil-konfiska tar-rikavati ta’ kriminalità organizzata b’rabta mad-drogi
|
2017-2020
|
Kunsill
COM
Stati Membri
Eurojust
|
Adozzjoni u Implimentazzjoni puntwali tal-miżuri u l-leġislazzjoni maqbula tal-UE dwar (a) konfiska u rkupru ta’ assi kriminali; (b) il-ħasil ta’ flus; (c) approssimazzjoni ta’ reati u sanzjonijiet dwar it-traffikar ta’ drogi madwar l-UE
Żieda fl-għadd ta’ investigazzjonijiet finanzjarji u konfiski fir-rigward tar-rikavati ta’ kriminalità organizzata b’rabta mad-drogi permezz ta’ kooperazzjoni ġudizzjarja fl-UE
Tweġibiet puntwali u effettivi għal talbiet ta’ assistenza reċiproka u Mandati ta’ Arrest Ewropej b’rabta mat-traffikar illeċitu ta’ drogi
|
Rapportar tal-Eurojust
Ir-rapportar tal-Istati Membri
Rapport ta’ Progress ta’ Kull Sentejn mill-COM
|
38.
|
19. Adozzjoni u introduzzjoni ta’ miżuri leġislattivi ġodda tal-UE biex jindirizzaw it-tfaċċar, l-użu u t-tifrix rapidu ta’ sustanzi psikoattivi ġodda
|
2017-2020
|
COM
Id-Deċiżjoni
Grupp ta’ Ħidma tal-Kunsill (GOD)
Stati Membri
EMCDDA
Europol
|
Leġislazzjoni tal-UE fis-seħħ
Implimentazzjoni tal-leġislazzjoni tal-UE fl-Istati Membri
Żvilupp tal-linji gwida tal-UE għall-iskambju tal-informazzjoni u l-proċeduri tal-valutazzjoni tar-riskju
Monitoraġġ tal-effetti tal-miżuri leġiżlattivi ġodda b’fokus speċjali fuq l-effett sostituttiv fis-suq tad-drogi illegali
|
Rapport ta’ Progress ta’ Kull Sentejn mill-COM
Ir-rapportar tal-Istati Membri
|
19.
|
20. Implimentazzjoni effettiva tal-leġislazzjoni tal-UE dwar prekursuri ta’ drogi biex timpedixxi d-devjazzjoni tagħhom mingħajr ma tfixkel il-kummerċ legali
|
Għaddejja bħalissa
|
Id-Deċiżjoni
COM
Stati Membri
|
Implimentazzjoni tar-Regolamenti tal-Parlament Ewropew u tal-Kunsill dwar prekursuri ta’ drogi li jemendaw kemm ir-Regolament tal-Kunsill (KE) Nru 111/2005 kif ukoll ir-Regolament (KE) Nru 273/2004
|
Rapport ta’ Progress ta’ Kull Sentejn mill-COM
Rapport Annwali tal-UE dwar Prekursuri ta’ Drogi
|
20.
|
21. Ġlieda kontra l-użu ta’ ċerti sustanzi farmakoloġikament attivi (kif definiti fid-Direttiva 2011/62/UE) bħala aġenti ta’ qtugħ għal drogi illeċiti
|
Għaddejja bħalissa
|
Stati Membri
COM
EMA
EMCDDA
Europol
|
L-għadd ta’ sekwestri ta’ sustanzi attivi użati bħala aġenti ta’ qtugħ għal drogi illeċiti
Implimentazzjoni puntwali ta’ rekwiżiti leġislattivi ġodda tal-UE mmirati għas-sikurizzazzjoni tal-katina tal-provvista għal sustanzi attivi taħt id-Direttiva 2011/62/UE, id-Direttiva dwar Mediċini Falsifikati
|
Rapporti mis-CCWP u l-Grupp dwar l-Unjoni Doganali
Ir-rapportar tal-Istati Membri
|
|
22. L-Istati Membri jipprovdu u japplikaw, fejn ikun adatt u f’konformità mal-oqfsa legali tagħhom, alternattivi għal sanzjonijiet koerċittivi (bħal edukazzjoni, trattament, riabilitazzjoni, kura ta’ segwitu u integrazzjoni soċjali) għall-awturi ta’ reati li jikkunsmaw drogi, inklużi:
a.Edukazzjoni
b.(Sospensjoni tas-sentenza b’) trattament
c.Sospensjoni tal-investigazzjoni jew prosekuzzjoni
d.Riabilitazzjoni
e.Kura ta’ segwitu u integrazzjoni soċjali
u jiżviluppaw id-dimensjoni tad-Drittijiet fundamentali bħala fattur ewlieni li jibbilanċja aħjar it-trażin u jipprmwovi r-riabilitazzjoni.
|
2017-2020
|
Stati Membri
Kunsill (GOD)
|
Żieda fid-disponibbiltà u l-implimentazzjoni ta’ alternattivi għal sanzjonijiet koerċittivi ħabs għall-awturi ta’ reati li jikkunsmaw drogi fl-oqsma tal-edukazzjoni, trattament, riabilitazzjoni, kura ta’ segwitu u integrazzjoni soċjali
Żieda fil-monitoraġġ, l-implimentazzjoni u l-evalwazzjoni tal-alternattivi għal sanzjonijiet koerċittivi
Tip u għadd ta’ alternattivi għas-sanzjonijiet koerċittivi previsti minn u implimentati mill-Istati Membri
Informazzjoni dwar il-benefiċjarji tas-sentenzi alternattivi li jerġgħu jagħmlu reat fi żmien ħames snin
|
Rapporti Nazzjonali tar-Reitox
Ir-rapportar tal-Istati Membri
|
6. Tweġiba effettiva għal xejriet attwali u emerġenti fl-attività b’rabta ma’ drogi illeċiti
|
23. Identifikazzjoni ta’ tweġibiet strateġiċi li jindirizzaw ir-rwol ta’ teknoloġiji ġodda ta’ komunikazzjoni u l-ħolqien ta’ siti web assoċjati, fil-produzzjoni, kummerċjalizzazzjoni, xiri u distribuzzjoni ta’ drogi illeċiti, inkluż sustanzi psikoattivi ġodda kkontrollati fil-livell nazzjonali u tal-UE, billi:
a.Kooperazzjoni mal-industrija
b.Finanzjament mill-UE u nazzjonali għar-riċerka rilevanti u l-iżvilupp ta’ għodod biex tiġi appoġġjata l-ħidma tal-infurzar tal-liġi
c.L-istabbiliment ta’ glossarju tat-termini
d.L-istabbiliment ta’ inventorju tal-għodod ta’ monitoraġġ eżistenti għall-web u d-darknet
e.L-għoti ta’ taħriġ speċjalizzat għall-infurzar tal-liġi, il-gwardji tad-dwana u tal-fruntieri, il-prosekuturi u l-imħallfin
f.Il-monitoraġġ kontinwu u proattiv tas-suq online mill-infurzar tal-liġi
g.L-iskambju tal-aħjar prattiki mas-sħab internazzjonali
h.Is-semplifikazzjoni tal-proċedimenti tal-assistenza legali reċiproka (u fejn huwa applikabbli, ir-rikonoxximent reċiproku), f’konformità mal-Konklużjonijiet tal-Kunsill tad-9 ta’ Ġunju 2016 dwar it-titjib tal-ġustizzja kriminali fiċ-ċiberspazju
|
2017-2020
|
Kunsill
COM
Grupp ta’ Ħidma tal-Kunsill (HDG, COSI)
Stati Membri
Europol
CEPOL
EMCDDA
|
Riżultati miksuba minn azzjonijiet tal-infurzar tal-liġi
indirizzati lejn kriminalità b’rabta mad-drogi permezz tal-internet
Żieda fl-għadd ta’ operazzjonijiet kunġunti u
fl-inizjattivi ta’ kooperazzjoni transkonfinali
In-numru u l-impatt tal-proġetti ta’ riċerka ffinanzjati u l-għodod żviluppati għall-appoġġ tal-infurzar tal-liġi
Numru ta’ ftehimiet/diskussjonijiet mal-imsieħba rilevanti fl-industrija
L-istabbiliment ta’ glossarju tat-termini
L-istabbiliment ta’ inventarju tal-għodod ta’ monitoraġġ
Numru ta’ sessjonijiet ta’ taħriġ għall-partijiet interessati rilevanti
Numru ta’ laqgħat mal-imsieħba internazzjonali li fihom ġiet diskusssa l-azzjoni
|
Eżami tal-Progress Interim tal-Prijoritajiet taċ-Ċiklu ta’ Politika tal-UE
Evalwazzjoni tal-EMPACT u
Rapporti tad-Driver
Rapport tad-Diretturi tal-Europol
Statistiċi/Rapport annwali tas-CEPOL
Ir-rapportar tal-Istati Membri
Rapporti mill-Aġenziji tal-UE
COM
|
3.
Koordinazzjoni
L-Istati Membri u l-UE jikkoordinaw b’mod effettiv il-politika dwar id-drogi
Objettiv
|
Azzjoni
|
Skeda ta’ żmien
|
Il-parti responsabbli
|
Indikatur(i)
|
Mekkaniżmi għall-ġbir/valutazzjoni tad-data
|
7. Koordinazzjoni effettiva tal-UE fil-qasam tad-drogi
|
24. Jitjieb il-qsim tal-informazzjoni bejn il-Grupp Orizzontali dwar id-Drogi u Gruppi ta’ Ħidma oħra rilevanti tal-Kunsill u b’mod partikolari l-COSI biex titjieb il-koordinazzjoni relatata mal-pilastru tat-tnaqqis tal-provvista tad-droga
Titjib tal-qsim tal-informazzjoni bejn il-Grupp Orizzontali dwar id-Drogi u Gruppi ta’ Ħidma ġeografiċi u tematiċi oħrajn rilevanti tal-Kunsill inklużi: COAFR, COASI, COEST, COLAT, COWEB, CONUN and COHOM
|
Għaddejja bħalissa
|
PRES
Kunsill
SEAE
Grupp ta’ Ħidma tal-Kunsill (GOD)
|
Il-livell ta’ konsiderazzjoni li qed tingħata lill-Istrateġija u l-Pjan ta’ Azzjoni tal-UE dwar id-Drogi fil-Programmi ta’ Gruppi ta’ Ħidma oħra tal-Kunsill, inklużi l-COSI, COAFR, COASI, COEST, COLAT, COWEB, CONUN u COHOM.
Punt ta’ informazzjoni regolari dwar l-aġenda tal-GOD (darba f’kull Presidenza) dwar attivitajiet marbutin mal-prijoritajiet relatati mad-droga taċ-Ċiklu tal-Politika tal-UE (abbażi tar-rapporti tal-EMPACT) fil-preżenza tal-presidenza tal-Grupp ta’ Appoġġ tal-COSI, jekk ikun rilevanti.
|
Rapporti tal-Gruppi ta’ Ħidma tal-Kunsill (GOD)
Rapporti tal-Presidenza
|
1.
|
25. Kull Presidenza tista’ ssejjaħ laqgħat tal-Koordinaturi Nazzjonali dwar id-Drogi, u ta’ gruppi oħrajn kif meħtieġ, biex jikkunsidraw xejriet emerġenti, interventi effettivi u żviluppi oħrajn ta’ politika ta’ valur miżjud għall-Istrateġija tal-UE dwar id-Drogi u għall-Istati Membri
|
Darbtejn fis-sena
|
PRES
Stati Membri
|
Il-livell ta’ kemm l-aġenda tal-laqgħa tal-Koordinaturi Nazzjonali dwar id-Drogi tirrifletti l-iżviluppi, ix-xejriet u intuwizzjonijiet ġodda fit-tweġibiet tal-politika u ta’ kemm tipprovdi għal titjib fil-komunikazzjoni u skambju ta’ informazzjoni
|
Rapporti tal-Presidenza
|
2.
|
26. Il-Grupp Orizzontali dwar id-Drogi ser jiffaċilita (a) monitoraġġ tal-implimentazzjoni tal-Pjan ta’ Azzjoni permezz ta’ dibattiti tematiċi; u (b) djalogu annwali dwar l-istat tal-fenomenu tad-drogi fl-Ewropa
|
(a) Darbtejn fis-SenaGħaddejja bħalissa
(b) Darba fis-sena
|
PRES
Grupp ta’ Ħidma tal-Kunsill (GOD)
Stati Membri
COM
EMCDDA
Europol
|
Livell ta’ implimentazzjoni tal-Pjan ta’ Azzjoni
Numru ta’ azzjonijiet mill-Pjan ta’ Azzjoni indirizzati fid-dibattiti tematiċi fil-GOD
Il-puntwalità tad-djalogu fil-Grupp Orizzontali dwar id-Drogi rigward ix-xejriet u d-data l-aktar reċenti rigward id-drogi
|
Rapporti tal-Presidenza
|
3.
|
27. Żgurar tal-konsistenza u kontinwità tal-azzjonijiet tal-Istati Membri u l-UE minn Presidenza għal oħra sabiex jissaħħaħ l-approċċ integrat, ibbilanċjat u bbażat fuq l-evidenza rigward id-drogi fl-UE
|
Darbtejn fis-SenaGħaddejja bħalissa
|
PRES
Triju ta’ PRES
Stati Membri
COM
Grupp ta’ Ħidma tal-Kunsill (GOD)
EMCDDA
Europol
|
Il-livell ta’ konsistenza u kontinwità tal-azzjonijiet minn Presidenza għal oħra
Il-progress fl-implimentazzjoni tal-prijoritajiet tal-Istrateġija tal-UE dwar id-Drogi minn Presidenza għal oħra
|
Rapporti tal-Presidenza
|
4.
|
28. Żgurar tal-koordinazzjoni tal-politiki u t-tweġibiet tal-UE fil-qasam tad-drogi, b’appoġġ għal kooperazzjoni internazzjonali bejn l-UE, pajjiżi terzi u organizzazzjonijiet internazzjonali
|
Għaddejja bħalissa
|
SEAE
COM
Grupp ta’ Ħidma tal-Kunsill (GOD)
Stati Membri
|
Il-livell ta’ konsistenza u koerenza fl-objettivi, ir-riżultati mistennija u l-miżuri previsti fl-azzjonijiet tal-UE dwar id-drogi
L-inklużjoni ta’ prijoritajiet li jirrigwardaw id-drogi fl-istrateġiji tal-korpi rilevanti tal-UE
Kooperazzjoni intensifikata bejn il-Grupp Orizzontali dwar id-Drogi u l-gruppi ta’ ħidma ġeografiċi/reġjonali u tematiċi, inkluż il-COAFR, COASI, COEST, COLAT, COWEB, CONUN u COHOM
|
Rapport Annwali tas-SEAE lill-Grupp Orizzontali dwar id-Drogi
Rapport ta’ Progress ta’ Kull Sentejn mill-COM
|
|
29. Il-ksib ta' livell ta’ riżorsi koordinati u adatti fil-livell tal-UE u tal-Istati Membri biex jissodisfa l-prijoritajiet tal-Istrateġija tal-UE rigward id-drogi
|
Annwali
|
Stati Membri
COM
SEAE
Kunsill
Grupp ta’ Ħidma tal-Kunsill (GOD)
|
L-indikatur ġenerali 14
L-ammont ta’ fondi fil-livell tal-UE u, fejn ikun adatt, fil-livell tal-Istati Membri
Il-livell ta’ koordinazzjoni dwar programmi finanzjarji relatati mad-drogi fost il-Gruppi ta’ Ħidma tal-Kunsill u tal-COM
|
Rapporti tal-EMCDDA
Rapportar tal-COM
Rapport ta’ Progress ta’ Kull Sentejn mill-COM
|
8. Koordinazzjoni effettiva tal-politika dwar id-drogi f’livell nazzjonali
|
30. Koordinazzjoni tal-azzjonijiet dwar il-politika fil-qasam tad-drogi bejn id-Dipartimenti u l-Ministeri tal-Gvern u l-aġenziji rilevanti fil-livell tal-Istati Membri u l-iżgurar ta' rappreżentanza multidixxiplinari xierqa fi, jew input fid-delegazzjonijiet għall-Grupp Orizzontali dwar id-Drogi
|
Għaddejja bħalissa
|
Stati Membri
|
L-indikatur ġenerali 14
L-effikaċja ta’ mekkaniżmu orizzontali ta’ koordinazzjoni tal-politika dwar id-drogi fil-livell tal-Istati Membri
In-numru ta’ azzjonijiet trasversali fil-livell tal-Istati Membri għat-tnaqqis tad-domanda għad-drogi u l-provvista tagħhom
|
Rapporti tal-EMCDDA
Rapporti Nazzjonali tar-Reitox
Rapport ta’ Progress ta’ Kull Sentejn mill-COM
Ir-rapportar tal-Istati Membri
|
9. Il-parteċipazzjoni tas-soċjetà ċivili fil-politika dwar id-drogi
|
31. Promozzjoni u appoġġ tisħiħ ta’ djalogu mas-soċjetà ċivili u l-komunità xjentifika, u l-involviment tagħhom, fil-formulazzjoni, l-implimentazzjoni, il-monitoraġġ u l-evalwazzjoni fl-iżvilupp tal-politiki dwar id-drogi fil-livelli tal-Istati Membri u tal-UE
|
Għaddejja bħalissa
|
Stati Membri
COM
Grupp ta’ Ħidma tal-Kunsill (GOD)
PRES
Forum tas-Soċjetà Ċivili dwar id-Drogi
|
Djalogi puntwali bejn il-Forum tas-Soċjetà Ċivili tal-UE dwar id-Drogi u l-Grupp Orizzontali dwar id-Drogi matul kull perijodu ta' Presidenza
Involviment tal-Forum tas-Soċjetà Ċivili tal-UE fl-eżami tal-implimentazzjoni tal-Pjan ta’ Azzjoni tal-UE dwar id-Drogi
Il-livell ta’ involviment tas-soċjetà ċivili fil-formulazzjoni, l-iżvilupp u l-implimentazzjoni, il-monitoraġġ u l-evalwazzjoni tal-politika tal-Istati Membri u tal-UE dwar id-drogi fir-rigward b’mod partikolari tal-involviment tal-utenti ta’ drogi, il-klijenti ta’ servizzi b’rabta mad-drogi u ż-żgħażagħ
Djalogu puntwali bejn il-komunità xjentifika (xjenzi naturali u soċjali, inklużi n-newroxjenza u r-riċerka fl-imġiba) u l-Grupp Orizzontali dwar id-Drogi
Żvilupp ta’ bażi tad-dejta biex tiġi ffaċilitata l-komunikazzjoni fi ħdan is-soċjetà ċivili tal-UE dwar kwistjonijiet relatati mal-politiki tal-UE u l-Istati Membri dwar id-drogi
|
Rapport tal-Progress
ta’ Kull Sentejn
mill-COM
Reazzjonijiet mill-Forum tas-Soċjetà Ċivili tal-UE dwar id-Drogi u mir-Rappreżentanti tas-Soċjetà Ċivili fil-livell tal-Istati Membri u tal-UE
Rapporti mill-Istati Membri
Reazzjonijiet mill-Komunità Xjentifika permezz tal-Kumitat Xjentifiku tal-EMCDDA
|
4.
Il-Kooperazzjoni Internazzjonali
Tisħiħ tad-djalogu u l-kooperazzjoni bejn l-UE u pajjiżi terzi u organizzazzjonijiet internazzjonali dwar kwistjonijiet fil-qasam tad-drogi b’mod komprensiv u bbilanċjat
Objettiv
|
Azzjoni
|
Skeda ta’ żmien
|
Il-parti responsabbli
|
Indikatur(i)
|
Mekkaniżmi għall-ġbir/valutazzjoni tad-data
|
10. Integrazzjoni tal-Istrateġija tal-UE dwar id-Drogi fil-qafas ta’ politika barranija ġenerali tal-UE bħala parti minn approċċ komprensiv li jagħmel użu sħiħ mill-firxa ta’ politiki u strumenti diplomatiċi, politiċi u finanzjarji disponibbli għall-UE b’mod koerenti u koordinat
|
32. L-iżgurar ta' koerenza bejn l-aspetti interni u esterni tal-politiki tal-UE dwar id-drogi u li jiġu integrati b’mod sħiħ kwistjonijiet mill-qasam tad-drogi fid-djalogi politiċi u l-ftehimiet qafas bejn l-UE u s-sħab tagħha fil-ħidma tal-UE dwar kwistjonijiet jew sfidi globali
|
Għaddejja bħalissa
|
COM
SEAE
PRES
Grupp ta’ Ħidma tal-Kunsill (GOD)
Stati Membri
|
L-indikatur ġenerali 13
Il-prijoritajiet tal-politika dwar id-drogi riflessi dejjem aktar fil-politiki u l-azzjonijiet esterni tal-UE
L-inklużjoni ta’ prijoritajiet b’rabta mad-drogi fl-istrateġiji tal-UE ma’ reġjuni u pajjiżi terzi
In-numru ta’ ftehimiet, dokumenti ta’ strateġija u pjanijiet ta’ azzjoni stabbiliti
|
Rapporti tas-SEAE
Eżami ta’ Nofs it-Terminu tal-Istrateġija tal-UE dwar id-Drogi
Rapport ta’ Progress ta’ Kull Sentejn mill-COM
|
10.
|
33.Ikun żgurat li l-prijoritajiet tal-politika u l-bilanċ bejn it-tnaqqis fid-domanda u l-provvista jkunu riflessi tajjeb fl-għażliet ta’ politika u fl-ipprogrammar, l-implimentazzjoni u l-monitoraġġ tal-assistenza esterna, b’mod partikolari f’pajjiżi ta’ oriġini u ta’ tranżitu, permezz ta’ proġetti li jinvolvu:
a.żvilupp ta’ politiki fil-qasam tad-drogi li jkunu integrati, bilanċjati u bbażati fuq l-evidenza;
b.tnaqqis fil-provvista;
c.il-prevenzjoni tad-devjazzjoni ta’ prekursuri u pre-prekursuri tad-droga;
d.tnaqqis fid-domanda għad-droga; u
e.miżuri ta’ żvilupp alternattivi
|
Għaddejja bħalissa
|
COM
Stati Membri
SEAE
|
Il-livell ta’ kemm il-prijoritajiet tal-politika tal-UE dwar id-drogi, speċjalment il-bilanċ fit-tnaqqis bejn id-domanda u l-provvista, huma riflessi fil-prijoritajiet u l-proġetti ffinanzjati
Il-livell ta’ implimentazzjoni ta’ azzjonijiet koordinati fil-pjanijiet ta’ azzjoni bejn l-UE u reġjuni u pajjiżi terzi
In-numru ta’ strateġiji u pjanijiet ta’ azzjoni nazzjonali ta’ pajjiżi terzi li jinkorporaw politiki integrati dwar id-drogi
|
Rapport ta’ Progress ta’ Kull Sentejn mill-COM
Rapporti mis-SEAE dwar l-Ipprogrammar
Rapporti mill-COM u mill-Istati Membri dwar il-Monitoraġġ u l-Evalwazzjoni tal-Programm
|
11.
|
34. Titjib fil-kapaċità u t-tisħiħ tar-rwol tad-Delegazzjonijiet tal-UE biex ikunu jistgħu jinvolvu ruħhom b’mod proattiv rigward kwistjonijiet ta’ politika dwar id-drogi u jirrapportaw lura b’mod effikaċi dwar is-sitwazzjoni lokali tad-drogi
|
2017-2020
|
SEAE
COM
Stati Membri
|
Kompetenza esperta, taħriġ u gwida ta’ politika rilevanti pprovduti lid-Delegazzjonijiet tal-UE
Tisħiħ tan-netwerking reġjonali fost id-Delegazzjonijiet tal-UE rigward kwistjonijiet ta’ drogi
Tisħiħ tal-koordinazzjoni mal-Istati Membri
|
Rappurtar mis-SEAE
tal-COM
id-Delegazzjonijiet tal-UE
|
11
|
Jiġi żgurat livell adatt ta’ finanzjament u kompetenza esperta mill-UE u l-Istati Membri biex ikomplu jiġu msaħħin u appoġġati l-isforzi ta’ pajjiżi terzi fl-indirizzar u l-prevenzjoni tal-koltivazzjoni ta' għelejjel ta' produzzjoni ta' droga illeċita, permezz ta’ miżuri għall-iżvilupp rurali, sabiex jiġu indirizzati l-isfidi għas-saħħa, is-sikurezza u s-sigurtà pubbliċi
|
Għaddejja bħalissa
|
Stati Membri
SEAE
COM
|
In-numru ta’ politiki nazzjonali, strateġiji u pjani ta’ azzjoni ta’ pajjiżi terzi li jinkludu approċċi integrati għall-problema tal-koltivazzjoni ta' għelejjel ta' produzzjoni ta' droga illeċita
Titjib fl-indikaturi dwar l-iżvilupp tal-bniedem f’żoni fejn jiġu kkoltivati d-drogi
In-numru ta’ proġetti u programmi għall-iżvilupp rurali, iffinanzjati mill-UE u l-Istati Membri f’reġjuni fejn tkun qiegħda sseħħ il-koltivazzjoni ta' għelejjel ta' produzzjoni ta' droga illeċita, jew f’reġjuni li jinsabu f’riskju ta’ koltivazzjoni ta' għelejjel ta' produzzjoni ta' droga illeċita
Rappurtar ta’ tnaqqis lokali fil-koltivazzjoni illeċita tad-drogi fuq perijodu ta’ żmien twil
|
Sistemi u Rapporti ta’ Monitoraġġ u Evalwazzjoni ta’ Proġetti u Programmi tal-UE u l-Istati Membri
Rapporti tal-UNDP dwar l-Iżvilupp tal-Bniedem
Rapporti minn pajjiżi terzi
|
12
|
35. Il-promozzjoni u l-implimentazzjoni tal-approċċ tal-UE għall-iżvilupp alternattiv (b'mod konsistenti mal-Istrateġija tal-UE dwar id-Drogi 2013-2020; l-Approċċ tal-UE għal Żvilupp Alternattiv; u l-Prinċipji Gwida tan-Nazzjonijiet Uniti dwar l-Iżvilupp Alternattiv 2013) f’kooperazzjoni ma’ pajjiżi terzi, filwaqt li jitqiesu d-drittijiet tal-bniedem, is-sigurtà tal-bniedem u l-kondizzjonijiet qafas speċifiċi, inkluż:
a.l-inkorporazzjoni tal-iżvilupp alternattiv fl-aġenda usa’ tal-Istati Membri, filwaqt li l-pajjiżi terzi li jixtiequ jagħmlu dan jiġu mħeġġin jintegraw l-iżvilupp alternattiv fl-istrateġiji nazzjonali tagħhom;
b.billi jsir kontribut għall-inizjattivi li għandhom l-għan li jnaqqsu l-faqar, il-konflitti u l-vulnerabbiltà permezz ta’ appoġġ għal mezzi ta’ għajxien sostenibbli, legali u sensittivi għall-kwistjonijiet relatati mas-sessi għal nies li kienu preċedentement, jew li huma attwalment, involuti fil-produzzjoni illeċita tad-drogi
c.jiġi pprovdut livell adatt ta’ finanzjament u kompetenza esperta mill-UE u l-Istati Membri biex ikomplu jiġu msaħħin u appoġġati l-isforzi ta’ pajjiżi mhux tal-UE fl-indirizzar u l-prevenzjoni tal-koltivazzjoni ta' għelejjel ta' produzzjoni ta' droga illeċita, permezz ta’ miżuri għall-iżvilupp rurali, u tal-produzzjoni illeċita tad-drogi permezz tal-infurzar tal-liġi u l-kooperazzjoni ġudizzjarja
|
Għaddejja bħalissa
|
Stati Membri
KOM
SEAE
|
L-għadd ta’ politiki, strateġiji u pjani ta’ azzjoni nazzjonali ta’ pajjiżi terzi li jinkorporaw:
oapproċċi integrati għall-problema tal-koltivazzjoni illeċita tad-drogi u
oinizjattivi rigward l-iżvilupp alternattiv li ġew organizzati b’mod effettiv
In-numru ta’ proġetti evalwati li juru eżiti pożittivi relatati ma’ mezzi ta’ għajxien sostenibbli, legali u sensittivi għall-kwistjonijiet relatati mas-sessi
Titjib fl-indikaturi rigward l-iżvilupp tal-bniedem
In-numru ta’ proġetti u programmi għall-iżvilupp rurali, iffinanzjati mill-UE u l-Istati Membri f’reġjuni fejn tkun qiegħda sseħħ il-koltivazzjoni ta' għelejjel ta' produzzjoni ta' droga illeċita, jew f’reġjuni li jinsabu f’riskju ta’ koltivazzjoni ta' għelejjel illeċiti
Rappurtar ta’ tnaqqis lokali fil-kultivazzjoni illeċita tad-drogi fuq perjodu ta’ żmien twil
|
Rapporti ta’ pajjiżi terzi rigward l-implimentazzjoni ta’ Strateġiji Nazzjonali dwar id-Drogi
Rapporti ta’ Monitoraġġ u Evalwazzjoni ta’ Proġetti u Programmi tal-UE u l-Istati Membri
Rapporti tal-UNDP dwar l-Iżvilupp tal-Bniedem
Rapporti minn pajjiżi mhux tal-UE
|
13
|
36. Jingħata appoġġ lil pajjiżi terzi, inkluż lis-soċjetà ċivili f’dawk il-pajjiżi, biex jiġu żviluppati u implimentati inizjattivi biex jitnaqqsu r-riskji u d-danni, partikolarment fejn hemm theddida dejjem akbar ta’ trasmizzjoni ta’ virusijiet li jittieħdu mid-demm u li huma relatati mad-drogi u assoċjati mal-konsum tad-drogi inkluż, iżda mhux limitati biss għall-HIV u l-epatite virali, kif ukoll il-mard li jittieħed mis-sess u t-tuberkulożi
|
Għaddejja bħalissa
|
Stati Membri
COM
SEAE
|
In-numru ta’ inizjattivi li jnaqqsu r-riskji u d-danni li ġew żviluppati u l-kwalità tagħhom
Il-prevalenza ta’ mwiet relatati mad-drogi f’pajjiżi terzi u virusijiet li jittieħdu mid-demm u li huma relatati mad-drogi, inkluż, iżda mhux limitati biss għall-HIV u l-epatite virali, kif ukoll il-mard li jittieħed mis-sess u t-tuberkulożi
|
Rapporti minn pajjiżi terzi
Rapport ta’ Progress ta’ Kull Sentejn mill-COM
Rapporti tal-WHO
|
14
|
37. Jingħata appoġġ lil pajjiżi terzi biex tiġi indirizzata l-kriminalità organizzata relatata mad-drogi, inkluż it-traffikar tad-drogi, permezz ta’:
a.il-qsim ta’ intelligence miksuba u l-iskambju tal-aħjar prattiki;
b.tisħiħ tal-kapaċità kontra s-sustanzi narkotiċi u żvilupp ta’ kompetenza esperta fil-pajjiżi tal-oriġini u dawk tat-tranżitu;
c.ħidma mas-sħab internazzjonali biex jiġu indirizzati l-fatturi li jikkontribwixxu għat-traffikar tad-drogi bħall-korruzzjoni, l-istituzzjonijiet dgħajfin, il-governanza dgħajfa u nuqqas ta’ kontrolli regolatorji finanzjarji;
d.tisħiħ tal-kooperazzjoni fil-qasam tal-identifikazzjoni u l-irkupru tal-assi, b’mod partikolari permezz tal-ħolqien ta’ pjattaformi nazzjonali speċifiċi; u
e.intensifikazzjoni tal-kooperazzjoni reġjonali u intrareġjonali
f.inkorporazzjoni tal-istat tad-dritt u tal-istandards u l-prinċipji internazzjonali tal-bniedem f’miżuri tal-infurzar tal-liġi relatati amd-drogi
|
Għaddejja bħalissa
|
Stati Membri
SEAE
COM
Europol
S
|
In-numru ta’ proġetti u programmi u kemm huma effettivi
Tnaqqis sostnut fit-traffikar tad-drogi
|
COM
Rapport ta’ Progress ta’ Kull Sentejn
Rapporti mill-COM u mill-Istati Membri
Rapportar tal-Europol
Rapporti tas-SEAE
Rapport Dinji Annwali tal-UNODC rigward id-Drogi
|
|
38. (a) Tisħiħ tal-kooperazzjoni u t-twettiq ta' djalogi ta' aġġornament u implimentazzjoni, Dikjarazzjonijiet u Pjani ta’ Azzjoni tal-UE dwar id-Drogi mas-sħab, inklużi:
il-pajjiżi ta' adeżjoni, il-pajjiżi kandidati u dawk kandidati potenzjali
il-pajjiżi tal-Politika Ewropea tal-Viċinat
l-Istati Uniti tal-Amerika
Il-Federazzjoni Russa
pajjiżi jew reġjuni ta’ prijorità oħrajn, speċjalment:
ol-Afganistan u l-Pakistan
oir-Repubbliki tal-Asja Ċentrali
oIċ-Ċina
ol-Amerika Latina u l-Karibew (CELAC)
ol-Afrika, b’mod partikolari l-Afrika tal-Punent
oL-Iran
(b) Esplorazzjoni tal-possibbiltajiet għal involviment (bħal djalogi bilaterali, proġetti konġunti) ma’ pajjiżi oħra mhux tal-UE dwar kwistjonijiet serji relatati mad-drogi
|
Għaddejja bħalissa
|
Triju ta’ PRES
COM
SEAE
Stati Membri
|
L-indikatur ġenerali 13
Tisħiħ tal-kooperazzjoni fil-qasam tad-drogi mas-sħab rilevanti
Djalogi organizzati
Dikjarazzjonijiet maqbula
Programmi u Pjanijiet ta’ Azzjoni implimentati
|
Rapporti tas-SEAE
Eżami ta’ Nofs it-Terminu tal-Istrateġija tal-UE dwar id-Drogi
Rapport ta’ Progress ta’ Kull Sentejn mill-COM
Matriċijiet ta’ Rappurtar tal-UE
Rapporti dwar l-Implimentazzjoni tal-pjanijiet ta’ azzjoni rilevanti
|
15
|
39. Titjib tal-mekkaniżmu konsultattiv tal-Grupp ta’ Dublin permezz ta’ kooperazzjoni u parteċipazzjoni intensifikati tal-UE, titjib fil-formulazzjoni, l-implimentazzjoni u t-tqassim tar-rakkomandazzjonijiet tiegħu tar-rapporti tal-Mini Grupp ta’ Dublin
|
Għaddejja bħalissa
|
Grupp ta’ Dublin
COM
SEAE
Stati Membri
|
Il-livell ta’ attività fl-istrutturi kollha tal-Grupp ta’ Dublin inkluż in-numru ta’ rakkomandazzjonijiet tal-Grupp ta’ Dublin implimentati b’mod effettiv
Modernizzazzjoni miksuba tal-metodi ta’ ħidma tal-Grupp ta’ Dublin
|
Rapporti tal-Grupp ta’ Dublin
|
16
|
Jiġi organizzat djalogu annwali dwar l-assistenza mill-UE u l-Istati Membri relatata mad-drogi għal pajjiżi terzi akkumpanjat minn aġġornament bil-miktub
|
Minn
2014
|
COM
SEAE
Stati Membri
|
Organizzazzjoni ta’ djalogu annwali dwar il-finanzjament
|
COM
Rapport ta’ Progress ta’ Kull Sentejn
Ir-rapportar tal-Istati Membri
Rapporti tas-SEAE
Sistemi u Rapporti ta’ Monitoraġġ u Evalwazzjoni ta’ Proġetti u Programmi
|
17
|
40. Jiġi żgurat li l-promozzjoni u l-protezzjoni tad-drittijiet tal-bniedem jiġu integrati kompletament fi djalogi politiċi u fl-ippjanar u l-implimentazzjoni ta’ programmi u proġetti rilevanti relatati mad-drogi inkluż permezz tal-implimentazzjoni tal-approċċ ibbażat fuq id-drittijiet (rights-based approach, RBA) u ta’ gwida dwar id-drittijiet tal-bniedem u għodda għall-valutazzjoni tal-impatt imfassla apposta
|
Għaddejja bħalissa
|
COM
SEAE
Stati Membri
|
Integrazzjoni effettiva tad-drittijiet tal-bniedem fl-azzjoni esterna tal-UE dwar id-drogi
Żvilupp u Implimentazzjoni tal-għodda ta’ gwida u valutazzjoni rigward id-drittijiet tal-bniedem
|
Rapport ta’ Progress ta’ Kull Sentejn mill-COM
Rapport Annwali tal-COHOM dwar id-Drittijiet tal-Bniedem
Ir-rapportar tal-Istati Membri
|
12. Titjib tal-koeżjoni tal-approċċ tal-UE u l-viżibbiltà tal-UE fin-Nazzjonijiet Uniti (NU) u t-tisħiħ tal-koordinazzjoni tal-UE mal-korpi internazzjonali relatati mal-qasam tad-droga
|
41. Isir kontribut għat-tfassil tal-aġenda dwar il-politika internazzjonali rigward id-drogi, inkluż permezz ta’:
a.azzjoni mill-UE u d-Delegazzjonijiet tal-Istati Membri fl-Assemblea Ġenerali tan-NU u l-Kummissjoni dwar id-Drogi Narkotiċi (CND);
b.azzjoni mill-UE u d-Delegazzjonijiet tal-Istati Membri fil-fora kollha tan-NU li tindirizza kwistjonijiet relatati mad-drogi (pereżempju l-Assemblea Ġenerali tan-NU, l-Assemblea Dinjija tas-Saħħa, il-Kunsill tad-Drittijiet tal-Bniedem, il-Forum Politiku ta’ Livell Għoli dwar l-Iżvilupp Sostenibbli)
c.tħejjija, koordinazzjoni u adozzjoni tal-pożizzjonijiet komuni u r-riżoluzzjonijiet konġunti tal-UE fl-Assemblea Ġenerali tan-NU u s-CND, inklużi, qabel is-CND, dwar l-iskedar tas-sustanzi, u l-iżgurar li l-UE titkellem b’vuċi waħda b’saħħitha f’dawn il-fora internazzjonali u oħrajn;
d.l-implimentazzjoni tar-rakkomandazzjonijiet tad-Dokument dwar l-Eżitu tal-UNGASS 2016
e. il-proċess ta’ eżami tal-2019 tad-Dikjarazzjoni Politika u l-Pjan ta’ Azzjoni tan-NU tal-2009 dwar il-Kooperazzjoni Internazzjonali għal Strateġija Integrata u Bbilanċjata biex Tiġi Miġġielda l-Problema Dinjija tad-Drogi; u
f.l-iżgurar tal-involviment sinifikanti tas-soċjetà ċivili fil-proċess ta’ eżami
|
Għaddejja bħalissa
|
SEAE
PRES
Stati Membri
COM
Kunsill
Grupp ta’ Ħidma tal-Kunsill (GOD)
|
L-indikatur ġenerali 13
Numru ta’ dikjarazzjonijiet tal-UE fil-fora tas-CND u n-NU
In-numru ta’ pożizzjonijiet komuni tal-UE appoġġati minn reġjuni u korpi internazzjonali oħrajn
Numru ta’ pożizzjonijiet komuni li jikkonċernaw id-deċiżjonijiet tas-CND dwar l-iskedar tas-sustanzi
Ir-riżultat tad-deċiżjonijiet tas-CND dwar l-iskedar tas-sustanzi
Il-frekwenza li biha l-UE titkellem b’vuċi effettiva waħdanija f’fora internazzjonali u fi djalogi ma’ pajjiżi terzi
Livell ta’ adozzjoni b’suċċess ta’ riżoluzzjonjiet tal-UE fin-NU inkluż fis-CND
Promozzjoni effettiva tal-politiki tal-UE fin-NU, inkluż fis-CND
Adozzjoni ta’ Dokument dwar il-Pożizzjoni Komuni tal-UE fil-proċess ta’ eżami tal-2019; Kontribuzzjoni tal-UE għad-definizzjoni mis-CND tal-modalitajiet għall-proċess tal-2019
L-eżitu tal-eżami tal-2019 tad-Dikjarazzjoni Politika u l-Pjan ta’ Azzjoni tan-NU tal-2009 dwar il-Kooperazzjoni Internazzjonali għal Strateġija Integrata u Bbilanċjata biex Tiġi Miġġielda l-Problema Dinjija tad-Drogi
|
Rapporti tas-SEAE
Eżami ta’ Nofs it-Terminu tal-Istrateġija tal-UE dwar id-Drogi
Rapport ta’ Progress ta’ Kull Sentejn mill-COM
Indikatur ta’ konverġenza
Reviżjoni ta’ Nofs it-Terminu
UNGASS
Eżitu tal-eżami tal-2019
|
18
|
42. It-tisħiħ tas-sħubiji mal-UNODC, WHO UNAIDS u aġenziji rilevanti oħrajn tan-NU, korpi internazzjonali u reġjonali u organizzazzjonijiet u inizjattivi (bħall-Kunsill tal-Ewropa u l-Inizjattiva tal-Patt ta’ Pariġi)
|
Għaddejja bħalissa
|
Kunsill
SEAE
COM
PRES
Grupp ta’ Ħidma tal-Kunsill (GOD)
EMCDDA
|
L-indikaturi ġenerali 13, 15
In-numru ta’ skambji ta’ informazzjoni u attivitajiet bejn l-UE u l-korpi u l-organizzazzjonijiet u l-inizjattivi internazzjonali u reġjonali rilevanti
L-effikaċja tas-sħubiji ma’ korpi rilevanti
|
Rapporti tas-SEAE
Eżami ta’ Nofs it-Terminu tal-Istrateġija tal-UE dwar id-Drogi
Rapport ta’ Progress ta’ Kull Sentejn mill-COM
|
13. Jingħata appoġġ għall-proċess tal-pajjiżi aderenti, il-pajjiżi kandidati u dawk kandidati potenzjali biex jadattaw għall-acquis tal-UE u jikkonformaw miegħu fil-qasam tad-drogi, permezz ta’ assistenza mmirata u monitoraġġ
|
43. Tingħata assistenza teknika mmirata, u assistenza oħra u appoġġ kif meħtieġ, lill-pajjiżi ta' adeżjoni, lill-pajjiżi kandidati u dawk kandidati potenzjali biex jiġi ffaċilitat l-adattament tagħhom għall-acquis tal-UE u l-konformità miegħu fil-qasam tad-drogi
|
Għaddejja bħalissa
|
COM
Stati Membri
EMCDDA
Europol
Eurojust
FRONTEX
SEAE
|
L-indikatur ġenerali 15
Konformità akbar mill-pajjiżi mal-acquis tal-UE
In-numru u l-kwalità ta’ proġetti kkompletati
Stabbiliment ta’ Strateġiji Nazzjonali dwar id-Drogi u strutturi nazzjonali ta’ koordinazzjoni fil-qasam tad-drogi
|
Rapport ta’ Progress ta’ Kull Sentejn mill-COM
Rapporti tal-pajjiżi ta' adeżjoni, il-pajjiżi kandidati u dawk kandidati potenzjali
|
5.Informazzjoni, riċerka, monitoraġġ u evalwazzjoni
Kontribut biex jinftiehmu aħjar l-aspetti kollha tal-fenomenu tad-drogi u l-impatt tal-miżuri sabiex tingħata evidenza soda u komprensiva għall-politiki u l-azzjonijiet
Objettiv
|
Azzjoni
|
Skeda ta’ żmien
|
Il-parti responsabbli
|
Indikatur(i)
|
Mekkaniżmi għall-ġbir/valutazzjoni tad-data
|
14. L-iżgurar ta' investiment adegwat fir-riċerka, il-ġbir ta’ data, il-monitoraġġ, l-evalwazzjoni u l-iskambju ta’ informazzjoni dwar l-aspetti kollha tal-fenomenu tad-drogi
|
44.Issir promozzjoni ta’ finanzjament adatt ta’ riċerka u studji multidixxiplinari fil-livell tal-UE relatati mad-drogi inkluż permezz ta’ programmi finanzjarji relatati mal-UE (2014-2020)
|
2017-2020
|
Stati Membri
COM
EMCDDA
|
L-ammont u t-tip ta’ finanzjament tal-UE mogħti lill-programmi u l-proġetti differenti
|
COM
rapportar
tad-djalogu annwali dwar ir-riċerka Rapport ta’ Progress ta’ Kull Sentejn
|
|
45. Jiġi żgurat li l-proġetti b’appoġġ mill-UE:
a.jikkunsidraw il-prijoritajiet tal-Istrateġija dwar id-Drogi u l-Pjan ta’ Azzjoni għall-ġlieda kontra d-Drogi tal-UE;
b.jikkunsidraw il-lakuni fil-formulazzjoni tal-politika;
c.jagħtu valur miżjud ċar u jiżguraw koerenza u sinerġija; u
d.jevitaw duplikazzjoni mar-riċerka taħt programmi u korpi oħrajn
e.jieħdu kont tal-importanza tar-riċerka fl-imġiba u n-newroxjenza
f.jinkludu indikaturi ċari għall-kejl tal-impatt tagħhom
|
2017-2020
|
COM
EMCDDA
|
L-inklużjoni tal-prijoritajiet tal-Istrateġija u l-Pjan ta’ Azzjoni tal-UE għall-Ġlieda kontra d-Drogi fil-finanzjament u l-valutazzjoni tal-kriterji tar-riċerka ffinanzjata mill-UE u relatata mad-drogi
In-numru, l-impatt, il-kumplimentarjetà u l-valur ta’ għotjiet u kuntratti ta’ riċerka mogħtija ffinanzjati mill-UE u relatati mad-drogi
In-numru ta’ artikli u rapporti ta’ riċerka ffinanzjati mill-UE u relatati mad-drogi ppubblikati f’ġurnali riveduti mill-pari b’fatturi ta’ impatt qawwi
Dibattitu annwali tal-Grupp Orizzontali dwar id-Drogi dwar proġetti ta’ riċerka relatati mad-drogi ffinanzjati mill-UE inklużi r-rakkomandazzjonijiet tal-Kumitat Xjentifiku tal-EMCDDA dwar il-prijoritajiet tar-riċerka
|
Rapport ta’ Progress ta’ Kull Sentejn mill-COM
Rapporti ta’ proġetti ta’ riċerka
Rakkomandazzjonijiet tal-Kumitat Xjentifiku tal-EMCDDA dwar il-prijoritajiet tar-riċerka
Indiċi ta’ Ċitazzjoni Xjentifika u għodod biblijometriċi simili
Aġenda ta’ riċerka strateġika żviluppata mill-ERANID
|
|
46. Jiġu promossi evalwazzjonijiet xjentifiċi bbażati fuq l-evidenza tal-politiki u l-interventi fil-livell nazzjonali, tal-UE u internazzjonali
|
2017-2020
|
COM
Stati Membri
EMCDDA
|
L-indikatur ġenerali 14
Eżami regolari tal-progress għall-Kunsill u l-Parlament Ewropew dwar l-implimentazzjoni tal-Istrateġija u l-Pjan ta’ Azzjoni
Numru ta’ pajjiżi li jsegwu approċċ strutturat, kif deskritt fil-gwida għall-ikummissjunar u l-ġestjoni ta’ evalwazzjonijiet maħruġa mill-EMCDDA
Valutazzjoni esterna ta’ nofs it-terminu tal-Istrateġija/Pjan ta’ Azzjoni kkompletati – 2016
Linji gwida Ewropej għall-evalwazzjoni ta’ strateġiji nazzjonali dwar id-drogi u pjanijiet ta’ azzjoni ppubblikati
Studji speċifiċi pprovduti dwar l-effikaċja u l-impatti tal-politiki tal-UE u internazzjonali dwar id-drogi
Evalwazzjoni kkompletata tal-implimentazzjoni tar-Rakkomandazzjoni tal-Kunsill tal-2003 dwar il-prevenzjoni u t-tnaqqis ta’ ħsara relatata mas-saħħa assoċjata mad-dipendenza fuq id-drogi
|
Rapporti tal-EMCDDA
Rapport ta’ Progress ta’ Kull Sentejn mill-COM
Rapport ta’ Valutazzjoni ta’ Nofs it-Terminu tal-Istrateġija tal-UE dwar id-Drogi
Rapporti tal-EMCDDA
Rapporti tal-Kumitat Xjentifiku tal-EMCDDA
Rapporti ta’ Alice RAP u LINKSCH u ERA-net
Rapporti Nazzjonali tar-Reitox
|
|
47.Tinġabar prova tal-konnessjonijiet potenzjali bejn it-traffikanti tad-droga u:
a.il-finanzjament tal-gruppi u l-attivitajiet terroristiċi, inkluż kwalunkwe trikkib bejn ir-rotot stabbiliti għall-produzzjoni tad-drogi u ż-żoni tat-traffikar, u ż-żoni tal-kunflitt; u s-sorsi ta’ finanzjament taċ-ċelloli terroristiċi fl-UE mill-attivitajiet illeċiti inkluż it-traffikar tad-drogi;
b.is-sinerġiji ta’ żvilupp dwar it-traffikar tal-bnedmin mal-Pjan ta’ Azzjoni tal-UE kontra t-traffikar tal-migranti (2015-2020) li jipprevedi riċerka u analiżi tar-riskju bejn il-kuntrabandu u reati oħrajn bħat-traffikar tad-droga, u inkluż:
Iffokar fuq il-migranti vulnerabbli u l-isfruttament potenzjali tagħhom għal skopijiet ta’ traffikar tad-droga u/jew bħala utenti finali tad-drogi, b’mod partikolari l-minuri u n-nisa.
L-esplorazzjoni ta’ kwalunkwe trikkib bejn it-traffikar tad-drogi u ċ-ċrieki kriminali tal-kuntrabandu tal-migranti, il-modi operandi u r-rotot.
c.it-traffikar f’sinerġiji ta’ żvilupp tal-bnedmin mal-oqfsa legali u politiċi tal-UE li jindirizzaw it-traffikar tal-bnedmin inkluż l-Istrateġija tal-UE lejn il-Qerda tat-Traffikar tal-Bnedmin 2012–2016
|
2017-2020
|
Stati Membri
Kummissjoni
EU ATC
EMCDDA
Europol
Frontex
FRA
EIGE
|
Numru ta’ proġetti ffinanzjati fil-livell tal-UE u nazzjonali
|
Ir-rapportar tal-Istati Membri
Rapportar tal-COM
aġenziji tal-UE li jirrappurtaw (EMCDDA Europol
FRONTEX u FRA fil-qafas tal-attivitajiet ta’ rappurtar regolari tagħhom
EIGE fil-qafas tal-attivitajiet ta’ rappurtar regolari tagħhom
|
15. Jinżammu netwerking u kooperazzjoni u tiġi żviluppata kapaċità fi ħdan il-komponenti tal-infrastruttura tal-għarfien tal-UE u bejniethom għall-informazzjoni, ir-riċerka, il-monitoraġġ u l-evalwazzjoni tad-drogi, b’mod partikolari d-drogi illeċiti
|
48.F’kollaborazzjoni mal-partijiet rilevanti kif adatt, jibqgħu jiġu pprovduti analiżijiet komprensivi ta’:
a.is-sitwazzjoni tad-drogi fl-UE;
b.id-dinamika tal-konsum tad-drogi f’popolazzjonijiet ġenerali u gruppi fil-mira inklużi l-minoranzi etniċi, il-migranti u dawk li qed ifittxu l-ażil, il-persuni LGBTI, il-ħaddiema tas-sess kummerċjali u l-ħabsin; u
c. reazzjonijiet għall-konsum tad-drogi
d.l-iżviluppi fl-UE u internazzjonali relatati mal-mudelli tal-politika dwar il-kannabis u l-impatti tagħhom
|
Għaddejja bħalissa
|
EMCDDA
Europol
Stati Membri
Forum tas-Soċjetà Ċivili dwar id-Drogi
COM
|
L-indikaturi ġenerali 1-15
Stabbiliment tan-nuqqasijiet attwali fil-bażi tal-għarfien u żvilupp ta’ qafas fil-livell tal-UE biex isiru kemm jista’ jkun analiżijiet mill-ħażniet attwali ta’ data
In-numru ta’ studji ġenerali u analiżijiet ta’ temi rigward is-sitwazzjoni tad-drogi
|
Rapporti tal-EMCDDA
Ir-rapportar tal-Istati Membri
Forum tas-Soċjetà Ċivili dwar id-Drogi
COM
|
|
49. Jissaħħaħ it-taħriġ għal dawk involuti fir-rispons għall-fenomenu tad-drogi
|
2017-2020
|
Stati Membri
EMCDDA
CEPOL
|
In-numru ta’ inizjattivi fil-livell tal-Istati Membri u tal-UE biex jitħarrġu professjonisti f’aspetti tat-tnaqqis tad-domanda għad-drogi u t-tnaqqis tal-provvista għad-droga
In-numru ta’ inizjattivi fil-livell tal-Istati Membri u tal-UE implimentati biex jitħarrġu professjonisti b’rabta mal-ġbir ta’ data u rappurtar tat-tnaqqis tad-domanda għad-drogi u t-tnaqqis tal-provvista tad-drogi
|
Ir-rapportar tal-Istati Membri
Rapport ta’ taħriġ tal-EMCDDA
Rapport annwali tas-CEPOL
Rapporti Annwali tar-Reitox
|
|
50. Tisħiħ tal-ġbir ta’ data, ir-riċerka, l-analiżi u r-rappurtar dwar:
a.tnaqqis fid-domanda għad-droga;
b.tnaqqis fil-provvista tad-droga;
c.ix-xejriet emerġenti, bħall-polikonsum ta’ drogi u l-abbuż ta’ mediċini kkontrollati preskritti psikoattivi li jkunu ta’ riskju għas-saħħa u s-sikurezza;
d.virusijiet li jittieħdu mid-demm u assoċjati mal-konsum tad-drogi inkluż iżda mhux limitati biss għall-HIV u l-epatite virali, kif ukoll il-mard li jittieħed mis-sess u t-tuberkulożi;
e.komorbożità psikjatrika u fiżika;
f.il-problemi tad-droga fost il-priġunieri u d-disponibbiltà u l-kopertura tal-interventi u s-servizzi għat-tnaqqis tad-domanda għad-droga fil-ħabsijiet; u
g.konsegwenzi relatati mad-drogi oħrajn problemi u konsegwenzi relatati mas-sustanzi leċiti u illeċiti
h.il-konformità tal-politiki dwar id-drogi mal-istandards u l-prinċipji internazzjonali tad-drittijiet tal-bniedem
|
Għaddejja bħalissa
|
Stati Membri
KOM
EMCDDA
Europol
ECDC
EMA
|
Disponibbiltà akbar u implimentazzjoni ta’ indikaturi bbażati fuq l-evidenza u xjentifikament solidi rigward it-tnaqqis tal-provvista tad-drogi u t-tnaqqis tad-domanda għad-drogi
Fil-livell tal-Istati Membri, il-firxa ta’ riċerka ġdida mibdija rigward ix-xejriet emerġenti bħall-polikonsum tad-drogi u l-abbuż ta’ mediċini kkontrollati preskritti; virusijiet li jittieħdu mid-demm u assoċjati mal-konsum tad-drogi inkluż iżda mhux limitati biss għall-HIV u l-epatite virali, kif ukoll il-mard li jittieħed mis-sess u t-tuberkulożi; komorbożità psikjatrika u fiżika; u konsegwenzi oħrajn relatati mad-drogi
twettiq ta’ studju għall-UE kollha rigward l-intimidazzjoni tal-komunitajiet relatata mad-drogi, l-impatti tagħha fuq l-individwi, il-familji u l-komunitajiet l-aktar affettwati u r-reazzjonijiet effettivi għaliha
Adozzjoni ta’ indikaturi bbażati fuq l-evidenza u xjentifikament solidi dwar il-problemi tad-drogi fost il-priġunieri
|
Rapporti tal-EMCDDA
Ir-rapportar tal-Istati Membri
Rapporti ta’ data armonizzati mill-korpi tal-UE inkluż l-EMCDDA
EU SOCTA
|
|
51. Titjib tal-kapaċità ta’ kxif, valutazzjoni u rispons effettivi għat-tfaċċar u l-konsum ta’ sustanzi psikoattivi ġodda u jiġi ssorveljat il-livell tal-impatt li jħallu dawn is-sustanzi l-ġodda fuq in-numru u l-profil tal-utenti
|
Għaddejja bħalissa
|
COM
Stati Membri
EMCDDA
Europol
|
L-indikatur ġenerali 6
Il-firxa ta’ riċerka epidemjoloġika, farmakoloġika u tossikoloġika mibdija fir-rigward ta’ sustanzi psikoattivi ġodda u appoġġata mill-Programmi ta’ riċerka tal-Istati Membri u tal-UE
Il-kwantità ta’ informazzjoni, prattiki tajba u skambju ta’ intelligence miksuba
Il-livell ta’ qsim mil-laboratorji tat-tossikoloġija u mill-Istituti tar-Riċerka ta’ analiżijiet ta’ data tossikoloġika u relatata mas-saħħa rigward sustanzi psikoattivi ġodda
|
Rapporti tal-EMCDDA
Rapport ta’ Implimentazzjoni tal-EMCDDA – Europol
Rapporti mil-laboratorji u l-istituti tar-riċerka
Rapporti Nazzjonali tar-Reitox
|
|
52. Jissaħħu l-isforzi ta’ kondiviżjoni ta’ data ta’ xjenza forensika, inklużi l-appoġġ għall-identifikazzjoni ta’ sustanzi psikoattivi ġodda, standards ta’ referenza tal-laboratorji rigward sustanzi psikoattivi ġodda, u l-iżvilupp tal-metodoloġija komuni għall-identifikazzjoni tas-sustanzi ġodda billi tissaħħaħ il-kooperazzjoni maċ-Ċentru Konġunt ta’ Riċerka tal-Kummissjoni, u permezz ta’ netwerks eżistenti, bħall-Grupp ta’ Ħidma dwar id-Drogi tan-Netwerk Ewropew tal-Istituti tax-Xjenza Forensika fil-qafas tal-Konklużjonijiet tal-Kunsill ĠAI dwar il-Viżjoni għal Xjenza Forensika Ewropea 2020 u n-Netwerk Ewropew tal-Laboratorji Doganali
|
2017-2020
|
COM
Stati Membri
EMCDDA
|
L-indikatur ġenerali 15
Il-livell ta’ qsim ta’ data ta’ xjenza forensika dwar sustanzi psikoattivi ġodda, li jappoġġja l-identifikazzjoni ta’ sustanzi psikoattivi ġodda
Faċilità ta’ aċċess għall-istandards ta’ referenza tal-laboratorji minn laboratorji u istituti tax-xjenza forensika, laboratorji doganali u istituti
Progress dwar l-iżvilupp ta’ metodoloġija komuni għall-identifikazzjoni ta’ sustanzi psikoattivi ġodda
|
Rapporti tal-EMCDDA/Europol
Rapportar tal-COM
Rapport ta’ Progress ta’ Kull Sentejn mill-COM
|
|
53. Titjieb tal-kapaċità ta’ identifikazzjoni, valutazzjoni u rispons fil-livell tal-Istati Membri u dak tal-UE għal (a) tibdil fl-imġiba fir-rigward tal-konsum tad-drogi u (b) tfaqqigħ ta’ mard epidemiku relatat mad-droga
|
Għaddejja bħalissa
|
Stati Membri
EMCDDA
ECDC
EMA
|
In-numru u l-effikaċja ta’ inizjattivi ġodda għas-saħħa pubblika relatati mad-drogi li jkunu ġew żviluppati u implimentati
In-numru u l-effikaċja ta’ inizjattivi eżistenti li jiġu aġġustati biex jitqies il-konsum tad-drogi jew tifqigħat ta’ mard epidemiku
In-numru u l-impatt ta’ rapporti ta’ twissija bikrija, valutazzjonijiet tar-riskji u twissijiet
|
Rapporti Nazzjonali tar-Reitox
Rapporti tas-Sistema ta’ Twissija Bikrija
Rapporti tal-EMCDDA
|
16. Tissaħħaħ id-disseminazzjoni tar-riżultati tal-monitoraġġ, ir-riċerka u l-evalwazzjoni fil-livell tal-UE u dak nazzjonali
|
54. L-Istati Membri jibqgħu jappoġġaw l-isforzi ta’ monitoraġġ u skambju ta’ informazzjoni tal-UE, inkluża l-kooperazzjoni mal-Punti Fokali Nazzjonali tar-Reitox u l-għoti ta’ appoġġ adegwat lil dawn il-Punti Fokali
|
Għaddejja bħalissa
|
Stati Membri
EMCDDA
COM
|
Riżultati aċċessibbli mill-istudji ffinanzjati mill-UE li jkunu ġew iddisseminati
Il-livell ta’ kemm il-finanzjament u riżorsi oħra tal-Punti Fokali Nazzjonali Reitox jissodisfaw il-ħtieġa
In-numru u l-effikaċja ta’ inizjattivi ta’ disseminazzjoni tal-Punti Fokali Nazzjonali Reitox
|
Disseminazzjoni permezz tal-internet inkluż OpenAire, Cordis
Sit tal-internet tal-EMCDDA
Rapporti Nazzjonali tar-Reitox
|
6.Anness 1 – 15 Indikaturi ġenerali għall-Pjan ta’ Azzjoni tal-UE dwar id-Drogi 2017-2020
1.Perċentwal tal-popolazzjoni li attwalment jużaw id-drogi (matul dan l-aħħar xahar), użaw id-drogi reċentement (matul din l-aħħar sena), u li xi darba użaw id-drogi (użu matul ħajjithom) ikklassifikati skont id-droga u l-grupp tal-età (EMCDDA – Stħarriġ tal-Popolazzjoni Ġenerali mill-EMCDDA)
2.Xejriet previsti fil-prevalenza tal-konsum problematiku u injettat ta’ drogi (EMCDDA – Użu Problematiku tad-Drogi)
3.Xejriet fl-imwiet ikkawżati mid-drogi u l-mortalità fost l-utenti tad-drogi (skont definizzjonjiet nazzjonali) (EMCDDA – Imwiet relatati mad-drogi)
4.Prevalenza u inċidenza, fost utenti ta’ drogi injettati, ta’ mard li jittieħed li jista’ jiġi attribwit lill-konsum tad-drogi, inkluż l-HIV u l-Epatite virali, il-mard li jittieħed mis-sess u t-tuberkulożi (EMCDDA – Mard li Jittieħed Relatat mad-Drogi)
5.Xejriet fl-età tal-ewwel użu ta’ drogi illeċiti (Proġett Ewropew ta’ Stħarriġ Skolastiku dwar l-Alkoħol u Drogi Oħrajn (ESPAD), Stħarriġ dwar l-Imġiba marbuta mas-Saħħa fi Tfal tal-Età tal-Iskola (HBSC) u Stħarriġ tal-Popolazzjoni Ġenerali dwar il-Konsum tad-Drogi (EMCDDA – Indikatur Epidemjoloġiju Ewlieni)
6.Xejriet fin-numri ta’ nies li jieħdu kura għad-drogi (EMCDDA – Domanda għal Kura) u n-numru totali stmat ta’ nies li qegħdin jirċievu trattament għad-drogi (EMCDDA – Domanda għat-Trattament u Rispons tas-Saħħa u Soċjali)
7.Xejriet fin-numru u l-kwantitajiet ta’ qabdiet ta’ drogi illeċiti (EMCDDA Qabdiet tad-Drogi: kannabis inklużi weraq tal-kannabis, eroina, kokaina, il-kokaina crack, l-amfetamina, il-metaamfetamina, l-ecstasy, l-LSD u sustanzi oħrajn)
8.Xejriet fil-prezzijiet bl-imnut u l-purezza tad-drogi illeċiti (EMCDDA Prezz u Purezza: kannabis inklużi weraq tal-kannabis, eroina, kokaina, il-kokaina crack, l-amfetamina, il-metaamfetamina, l-ecstasy, l-LSD, sustanzi oħrajn u l-kompożizzjoni tal-pilloli tad-drogi)
9.Xejriet fin-numru ta’ rapporti inizjali ta’ reati kontra l-liġi dwar id-drogi, skont id-droga u t-tip ta’ reat (provvista v. użu/pussess) (EMCDDA – Reati Marbutin mad-Drogi)
10.Prevalenza tal-użu tad-drogi fost il-priġunieri (EMCDDA – Konsum tad-Drogi fil-Ħabsijiet)
11.Valutazzjoni tad-disponibbiltà, il-kopertura u l-kwalità tas-servizzi u l-interventi fl-oqsma tal-prevenzjoni, it-tnaqqis tad-dannu, l-integrazzjoni soċjali u t-trattament. (EMCDDA Rispons tas-Saħħa u Soċjali)
12.Interventi bbażati fuq l-evidenza rigward il-prevenzjoni, it-trattament, l-integrazzjoni soċjali u l-irkupru u l-impatt mistenni tagħhom fuq il-prevalenza tal-konsum tad-drogi u l-użu problematiku tad-drogi (Il-Portal tal-EMCDDA dwar l-Aħjar Prattiki)
13.Djalogu u kooperazzjoni b’saħħithom, fil-qasam relatat mad-drogi, ma’ reġjuni oħrajn, pajjiżi terzi, organizzazzjonijiet internazzjonali u partijiet oħrajn (Evalwazzjoni Esterna ta’ Nofs it-Terminu tal-Istrateġija/Pjan ta’ Azzjoni; Rapporti tas-SEAE)
14.Żviluppi fl-istrateġiji nazzjonali għall-ġlieda kontra d-drogi, l-evalwazzjonijiet, il-leġiżlazzjoni, il-mekkaniżmi ta’ koordinazzjoni u l-estimi tal-infiq pubbliku fl-Istati Membri tal-UE (EMCDDA)
15.
Sistema ta’ Twissija Bikrija rigward sustanzi psikoattivi ġodda (EMCDDA/Europol) u Evalwazzjoni tar-Riskju ta’ sustanzi psikoattivi ġodda
7.Anness 2 - Glossarju ta’ Akronimi
Alice RAP
|
Dipendenza u Stili ta’ Ħajja fl-Ewropa Kontemporanja, Proġett li Jfassal Approċċ Ġdid lejn id-Dipendenzi
|
ASEAN
|
L-Assoċjazzjoni tan-Nazzjonijiet tax-Xlokk tal-Asja
|
CCWP
|
Kunsill tal-UE - Grupp ta’ Ħidma dwar il-Kooperazzjoni Doganali
|
CELAC
|
Comunidad de Estados Latinoamericanos y Caribeños (Komunità ta’ Stati tal-Amerika Latina u tal-Karibew)
|
CEPOL
|
Kulleġġ Ewropew tal-Pulizija
|
CICAD
|
La Comisión Interamericana para el Control del Abuso de Drogas (Il-Kummissjoni Inter-Amerikana għall-Kontroll tal-Abbuż mid-Drogi)
|
CND
|
Kummissjoni dwar id-Drogi Narkotiċi (NU)
|
COAFR
|
Kunsill tal-UE - Grupp ta’ Ħidma dwar l-Afrika
|
COASI
|
Kunsill tal-UE - Grupp ta’ Ħidma dwar l-Asja u l-Oċeanja
|
COEST
|
Kunsill tal-UE - Grupp ta’ Ħidma dwar l-Ewropa tal-Lvant u l-Asja Ċentrali
|
COHOM
|
Kunsill tal-UE - Grupp ta’ Ħidma dwar id-Drittijiet tal-Bniedem
|
COLAT
|
Kunsill tal-UE - Grupp ta’ Ħidma dwar l-Amerika Latina
|
COM
|
il-Kummissjoni Ewropea
|
CONUN
|
Kunsill tal-UE – Grupp ta’ Ħidma tan-Nazzjonijiet Uniti
|
COSI
|
Kunsill tal-UE - Kumitat Permanenti għall-Kooperazzjoni Operattiva dwar is-Sigurtà Interna
|
Grupp ta’ Ħidma tal-Kunsill
|
Grupp ta’ Ħidma tal-Kunsill
|
COWEB
|
Kunsill tal-UE - Grupp ta’ Ħidma dwar ir-Reġjun tal-Balkani tal-Punent
|
CUG
|
Kunsill tal-UE - Grupp dwar l-Unjoni Doganali
|
ECDC
|
Ċentru Ewropew għall-Kontroll tal-Mard
|
ECOWAS
|
Komunità Ekonomika tal-Istati tal-Afrika tal-Punent
|
SEAE
|
Is-Servizz Ewropew għall-Azzjoni Esterna
|
EMA
|
Aġenzija Ewropea għall-Mediċini
|
EMCDDA
|
Ċentru Ewropew għall-Monitoraġġ tad-Droga u d-Dipendenza fuq id-Droga
|
EMPACT
|
Pjattaforma Multidixxiplinarja Ewropea kontra t-Theddidiet Kriminali
|
ENFSI
|
Netwerk Ewropea tal-Istituti tax-Xjenza Forensika
|
ERA-net
|
Netwerk taż-Żona Ewropea tar-Riċerka
|
ERANID
|
Netwerk taż-Żona Ewropea ta’ Riċerka dwar id-Drogi Illeċiti
|
ESPAD
|
Proġett Ewropew ta’ Stħarriġ Skolastiku dwar l-Alkoħol u Drogi Oħrajn
|
EU
|
l-Unjoni Ewropea
|
EUROJUST
|
Unità Ewropea ta’ Kooperazzjoni Ġudizzjarja
|
EUROPOL
|
Aġenzija tal-Unjoni Ewropea għall-Kooperazzjoni fl-Infurzar tal-Liġi u t-Taħriġ
|
EU SOCTA
|
Valutazzjoni tat-Theddid mill-Kriminalità Organizzata u l-Kriminalità Serja tal-UE
|
FRONTEX
|
L-Aġenzija Ewropea għall-Ġestjoni ta’ Kooperazzjoni Operazzjonali fil-Fruntieri Esterni tal-Istati Membri tal-Unjoni Ewropea
|
HBSC
|
Stħarriġ dwar l-Imġiba marbuta mas-Saħħa fi Tfal tal-Età tal-Iskola
|
HCV
|
Vajrus tal-Epatite Ċ
|
GOD
|
Kunsill tal-UE - Grupp ta’ Ħidma Orizzontali dwar id-Drogi
|
HIV
|
Il-vajrus tal-immunodefiċjenza umana
|
INCB
|
Bord Internazzjonali għall-Kontroll ta’ Sustanzi Narkotiċi (NU)
|
ĠAI
|
Ġustizzja u Affarijiet Interni
|
LGBTI
|
Leżbjani, Gay, Bisesswali, Transġeneru/Transsesswali u Intersesswali
|
LSD
|
Dietilammid tal-aċidu liserġiku
|
MASPs
|
Pjanijiet Strateġiċi Pluriennali (Europol)
|
MtQ
|
Memorandum ta’ Qbil
|
LINKSCH
|
Il-proġett LINKSCH hu studju komparattiv ta’ żewġt iswieq prinċipali tad-drogi, il-kannabis u l-eroina, mill-priżma tal-ktajjen ta’ transitu li joperaw bejn l-Asja Ċentrali u l-UE u dawk bejn l-Afrika ta’ Fuq u l-UE
|
Stati Membri
|
Stat Membru
|
SPĠ
PEN
|
Sustanzi psikoattivi ġodda
Sistema Online ta’ Notifikazzjoni Qabel l-Esportazzjoni żviluppata mill-UNODC/INCB
|
PICS
|
Sistema ta’ Komunikazzjoni dwar Inċidenti li Jinvolvu Prekursuri
|
PRES
|
Il-Presidenza ta’ Sitt Xhur tal-Kunsill tal-Unjoni Ewropea
|
Triju ta’ PRES
|
Grupp ta’ tliet Presidenzi ta’ sitt xhur konsekuttivi tal-Kunsill tal-Unjoni Ewropea
|
Reitox
|
Rapporti Réseau Européen d’Information sur les Drogues et les Toxicomanies
|
SOCTA
|
Valutazzjoni tat-Theddid mill-Kriminalità Organizzata u l-Kriminalità Serja
|
NU
|
Nazzjonijiet Uniti
|
UNAIDS
|
Programm Konġunt tan-Nazzjonijiet Uniti dwar l-HIV/AIDS
|
UNGASS
|
Sessjoni Speċjali tal-Assemblea Ġenerali tan-Nazzjonijiet Uniti
|
UNODC
|
Uffiċċju tan-Nazzjonijiet Uniti kontra d-Droga u l-Kriminalità
|
UNDP
|
Programm tan-Nazzjonijiet Uniti għall-Iżvilupp
|
WCO
|
Organizzazzjoni Dinjija Doganali
|
WHO
|
L-Organizzazzjoni Dinjija tas-Saħħa (WHO)
|