This document is an excerpt from the EUR-Lex website
Document 52017AG0001(02)
Statement of the Council's reasons: Position (EU) No 1/2017 of the Council at first reading with a view to the adoption of a Regulation of the European Parliament and of the Council on official controls and other official activities performed to ensure the application of food and feed law, rules on animal health and welfare, plant health and plant protection products, amending Regulations (EC) No 999/2001, (EC) No 396/2005, (EC) No 1069/2009, (EC) No 1107/2009, (EU) No 1151/2012, (EU) No 652/2014, (EU) 2016/429 and (EU) 2016/2031 of the European Parliament and of the Council, Council Regulations (EC) No 1/2005 and (EC) No 1099/2009 and Council Directives 98/58/EC, 1999/74/EC, 2007/43/EC, 2008/119/EC and 2008/120/EC, and repealing Regulations (EC) No 854/2004 and (EC) No 882/2004 of the European Parliament and of the Council, Council Directives 89/608/EEC, 89/662/EEC, 90/425/EEC, 91/496/EEC, 96/23/EC, 96/93/EC and 97/78/EC and Council Decision 92/438/EEC (Official Controls Regulation)
Dikjarazzjoni tar-raġunijiet tal-Kunsill: Pożizzjoni (UE) Nru 1/2017 tal-Kunsill fl-ewwel qari bil-ħsieb tal-adozzjoni ta' Regolament tal-Parlament Ewropew u tal-Kunsill dwar il-kontrolli uffiċjali u attivitajiet uffiċjali oħra mwettqa biex jiżguraw l-applikazzjoni tal-liġi tal-ikel u tal-għalf, ta' regoli dwar is-saħħa u t-trattament xieraq tal-annimali, dwar is-saħħa tal-pjanti u dwar prodotti għall-protezzjoni tal-pjanti, li jemenda r-Regolamenti (KE) Nru 999/2001, (KE) Nru 396/2005, (KE) Nru 1069/2009, (KE) Nru 1107/2009, (UE) Nru 1151/2012, (UE) Nru 652/2014, (UE) 2016/429 u (UE) 2016/2031 tal- Parlament Ewropew u tal-Kunsill, ir-Regolamenti tal-Kunsill (KE) Nru 1/2005 u (KE) Nru 1099/2009 u d-Direttivi tal-Kunsill 98/58/KE, 1999/74/KE, 2007/43/KE, 2008/119/KE u 2008/120/KE, u li jħassar ir- Regolamenti (KE) Nru 854/2004 u (KE) Nru 882/2004 tal-Parlament Ewropew u tal-Kunsill, id-Direttivi tal-Kunsill 89/608/KEE, 89/662/KEE, 90/425/KEE, 91/496/KEE, 96/23/KE, 96/93/KE u 97/78/KE u d-Deċiżjoni tal-Kunsill 92/438/KEE (Regolament dwar il-Kontrolli Uffiċjali)
Dikjarazzjoni tar-raġunijiet tal-Kunsill: Pożizzjoni (UE) Nru 1/2017 tal-Kunsill fl-ewwel qari bil-ħsieb tal-adozzjoni ta' Regolament tal-Parlament Ewropew u tal-Kunsill dwar il-kontrolli uffiċjali u attivitajiet uffiċjali oħra mwettqa biex jiżguraw l-applikazzjoni tal-liġi tal-ikel u tal-għalf, ta' regoli dwar is-saħħa u t-trattament xieraq tal-annimali, dwar is-saħħa tal-pjanti u dwar prodotti għall-protezzjoni tal-pjanti, li jemenda r-Regolamenti (KE) Nru 999/2001, (KE) Nru 396/2005, (KE) Nru 1069/2009, (KE) Nru 1107/2009, (UE) Nru 1151/2012, (UE) Nru 652/2014, (UE) 2016/429 u (UE) 2016/2031 tal- Parlament Ewropew u tal-Kunsill, ir-Regolamenti tal-Kunsill (KE) Nru 1/2005 u (KE) Nru 1099/2009 u d-Direttivi tal-Kunsill 98/58/KE, 1999/74/KE, 2007/43/KE, 2008/119/KE u 2008/120/KE, u li jħassar ir- Regolamenti (KE) Nru 854/2004 u (KE) Nru 882/2004 tal-Parlament Ewropew u tal-Kunsill, id-Direttivi tal-Kunsill 89/608/KEE, 89/662/KEE, 90/425/KEE, 91/496/KEE, 96/23/KE, 96/93/KE u 97/78/KE u d-Deċiżjoni tal-Kunsill 92/438/KEE (Regolament dwar il-Kontrolli Uffiċjali)
ĠU C 55, 21.2.2017, p. 143–145
(BG, ES, CS, DA, DE, ET, EL, EN, FR, GA, HR, IT, LV, LT, HU, MT, NL, PL, PT, RO, SK, SL, FI, SV)
21.2.2017 |
MT |
Il-Ġurnal Uffiċjali tal-Unjoni Ewropea |
C 55/143 |
Dikjarazzjoni tar-raġunijiet tal-Kunsill: Pożizzjoni (UE) Nru 1/2017 tal-Kunsill fl-ewwel qari bil-ħsieb tal-adozzjoni ta' Regolament tal-Parlament Ewropew u tal-Kunsill dwar il-kontrolli uffiċjali u attivitajiet uffiċjali oħra mwettqa biex jiżguraw l-applikazzjoni tal-liġi tal-ikel u tal-għalf, ta' regoli dwar is-saħħa u t-trattament xieraq tal-annimali, dwar is-saħħa tal-pjanti u dwar prodotti għall-protezzjoni tal-pjanti, li jemenda r-Regolamenti (KE) Nru 999/2001, (KE) Nru 396/2005, (KE) Nru 1069/2009, (KE) Nru 1107/2009, (UE) Nru 1151/2012, (UE) Nru 652/2014, (UE) 2016/429 u (UE) 2016/2031 tal- Parlament Ewropew u tal-Kunsill, ir-Regolamenti tal-Kunsill (KE) Nru 1/2005 u (KE) Nru 1099/2009 u d-Direttivi tal-Kunsill 98/58/KE, 1999/74/KE, 2007/43/KE, 2008/119/KE u 2008/120/KE, u li jħassar ir- Regolamenti (KE) Nru 854/2004 u (KE) Nru 882/2004 tal-Parlament Ewropew u tal-Kunsill, id-Direttivi tal-Kunsill 89/608/KEE, 89/662/KEE, 90/425/KEE, 91/496/KEE, 96/23/KE, 96/93/KE u 97/78/KE u d-Deċiżjoni tal-Kunsill 92/438/KEE (Regolament dwar il-Kontrolli Uffiċjali)
(2017/C 55/02)
I. INTRODUZZJONI
1. |
Fis-6 ta' Mejju 2013, il-Kummissjoni ppreżentat lill-Parlament Ewropew u lill-Kunsill il-proposta msemmija hawn fuq, ibbażata fuq l-Artikolu 43(2), l-Artikolu 114 u l-Artikolu 168(4)(b) tat-Trattat dwar il-Funzjonament tal-Unjoni Ewropea (TFUE) (proċedura leġislattiva ordinarja) (1). |
2. |
Il-Parlament Ewropew (PE) adotta l-pożizzjoni tiegħu fl-ewwel qari fil-15 ta' April 2014 (2). Il-Kumitat Ekonomiku u Soċjali Ewropew u l-Kumitat tar-Reġjuni ġew ikkonsultati u taw l-opinjonijiet tagħhom fis-16 u s-17 ta' Ottubru 2013 u fid-29 ta' Novembru 2013 rispettivament. |
3. |
Il-Grupp ta' Ħidma Konġunt ta' Esperti Veterinarji u Esperti Fitosanitarji, il-Grupp ta' Ħidma tal-Uffiċjali Kapijiet Veterinarji u l-Grupp ta' Ħidma ta' Kunsillieri/Attachés għall-Agrikoltura eżaminaw il-proposta f'seba' u tletin okkażjoni taħt diversi Presidenzi. |
4. |
Il-Kumitat tar-Rappreżentanti Permanenti (Parti 1) qabel dwar il-mandat ta' negozjar inizjali li wara ġie kkonfermat bħala approċċ ġenerali mill-Kunsill fis-26 ta' Ottubru 2015 (3). Dan il-mandat kompla jiġi rivedut fit-18 ta' Mejju 2016 (4) u fl-10 ta' Ġunju 2016 (5). |
5. |
Wara għadd ta' laqgħat tekniċi u trilogi informali matul il-Presidenza Lussemburgiża u l-Presidenza Netherlandiża, fil-15 ta' Ġunju 2016, fl-għaxar trilogu, intlaħaq qbil proviżorju bejn il-koleġislaturi dwar test ta' kompromess bil-ħsieb ta' qbil bikri fit-tieni qari. Il-Kumitat tar-Rappreżentanti Permanenti (Parti 1) approva dak it-test ta' kompromess fit-22 ta' Ġunju 2016 (6). |
6. |
Fit-12 ta' Lulju 2016, il-President tal-Kumitat għall-Ambjent, is-Saħħa Pubblika u s-Sikurezza tal-Ikel tal-Parlament Ewropew indirizza ittra lill-President tal-Kumitat tar-Rappreżentanti Permanenti fejn stqarr li, jekk il-Kunsill jadotta l-pożizzjoni tiegħu fl-ewwel qari f'konformità mat-test mehmuż ma' din l-ittra, huwa jirrakkomanda lill-Plenarja li l-pożizzjoni tal-Kunsill għandha tiġi aċċettata mingħajr emendi, soġġett għal verifika mill-ġuristi lingwisti, fit-tieni qari tal-Parlament. |
7. |
Fl-10 ta' Ottubru 2016, il-Kunsill laħaq qbil politiku dwar it-test ta' kompromess (7). |
II. OBJETTIV
L-objettiv ġenerali tar-Regolament propost huwa li jiġi ssimplifikat u razzjonalizzat il-qafas legali eżistenti tar-Regolament (KE) Nru 882/2004, li jinkludi kważi s-setturi kollha tal-katina agroalimentari f'sett uniku ta' regoli applikabbli għall-kontrolli uffiċjali; xi setturi, pereżempju s-saħħa tal-pjanti, il-materjal riproduttiv tal-pjanti, il-prodotti sekondarji mill-annimali jew il-produzzjoni organika, bħalissa għandhom regoli separati dwar il-kontrolli. Ir-Regolament għandu wkoll l-għan li jtejjeb l-effiċjenza tal-kontrolli uffiċjali mwettqa mill-Istati Membri tul il-katina agroalimentari sabiex tippermetti reazzjonijiet malajr f'sitwazzjonijiet ta' kriżi, filwaqt li jitnaqqas il-piż fuq l-operaturi; għal dak il-għan, huwa jitlob li tali kontrolli jitwettqu fuq l-operaturi kollha, abbażi tar-riskji u bil-frekwenza adatta.
III. ANALIŻI TAL-POŻIZZJONI TAL-KUNSILL FL-EWWEL QARI
1. Elementi ġenerali
It-test ta' kompromess li fuqu ntlaħaq qbil politiku fil-Kunsill jirrifletti b'mod sħiħ il-qbil milħuq bejn il-koleġislaturi. Huwa jżomm l-objettivi tal-proposta tal-Kummissjoni u, fl-istess ħin, jinkludi l-emendi l-aktar importanti adottati mill-Parlament Ewropew fl-ewwel qari.
2. Kwistjonijiet ewlenin
(a) Kamp ta' applikazzjoni
Il-Kummissjoni fakkret li għalkemm ir-Regolament (KE) Nru 882/2004 jipprovdi qafas ġenerali għall-kontrolli uffiċjali fis-setturi tal-liġi tal-ikel u tal-għalf, tas-saħħa tal-annimali u tar-regoli dwar it-trattament xieraq tal-annimali, għal raġunijiet storiċi, il-kontrolli għall-finijiet tas-saħħa tal-annimali (kemm fuq prodotti domestiċi kif ukoll dawk impurtati) u l-kontrolli fuq ir-residwi tal-prodotti mediċinali veterinarji baqgħu regolati b'mod separat. Hija indikat ukoll li l-kontrolli fuq ċerti setturi oħra li jappartjenu għall-katina agroalimentari, jiġifieri s-saħħa tal-pjanti, il-materjal riproduttiv tal-pjanti (PRM), u l-prodotti sekondarji mill-annimali (ABP), ma ġewx inklużi fil-kamp ta' applikazzjoni tar-Regolament (KE) Nru 882/2004 u li tfasslu reġimi settorjali separati speċifiċi għalihom. Għalhekk il-Kummissjoni pproponiet li tkabbar il-kamp ta' applikazzjoni tal-qafas legali eżistenti tar-Regolament (KE) Nru 882/2004 biex tinkludi dawn is-setturi kif ukoll sabiex tagħmilha ċara li kienu koperti l-produzzjoni organika, id-denominazzjonijiet ta' oriġini protetta, l-indikazzjonijiet ġeografiċi protetti u l-ispeċjalitajiet tradizzjonali garantiti, u l-organiżmi ġenetikament modifikati (GMOs).
Il-Kunsill ikkunsidra li kien għadu kmieni wisq, f'dan l-istadju, biex jinkludi f'dan ir-Regolament il-kontrolli uffiċjali fuq il-materjal riproduttiv tal-pjanti, sakemm ikun hemm proposta ġdida tal-Kummissjoni dwar il-materjal riproduttiv tal-pjanti. Il-Kunsill qabel li jillimita l-kontrolli uffiċjali fuq il-GMOs rilaxxati apposta fl-ambjent għal dawk għall-finijiet tal-produzzjoni tal-għalf u l-ikel, kif ukoll li jeskludi l-kontrolli speċifiċi tat-tagħmir għall-applikazzjoni ta' pestiċidi. Barra minn hekk, il-Kunsill iċċara li għalkemm dan ir-Regolament ma għandux japplika għall-verifika tal-konformità mar-Regolament (UE) Nru 1308/2013 (Organizzazzjoni Komuni tas-Swieq fi Prodotti Agrikoli), huwa għandu japplika meta jiġu identifikati prattiki ta' frodi jew qarrieqa fir-rigward tal-istandards tal-kummerċjalizzazzjoni waqt il-verifiki mwettqa skont l-Artikolu 89 tar-Regolament (UE) Nru 1306/2013.
(b) Finanzjament tal-kontrolli uffiċjali
Filwaqt li l-proposta tal-Kummissjoni żammet il-prinċipju ġenerali eżistenti li l-Istati Membri għandhom jallokaw ir-riżorsi finanzjarji adatti għall-kontrolli uffiċjali, hija pproponiet l-estensjoni tal-obbligu attwali tal-ġbir tat-tariffi mingħand ċerti operaturi biss għall-operaturi kollha fl-oqsma koperti mir-Regolament. L-għan kien li jiġu rkuprati kompletament l-ispejjeż imġarrba għat-twettiq tal-kontrolli uffiċjali mis-setturi kollha, filwaqt li jiġu previsti eżenzjonijiet għall-mikrointrapriżi. Hija ma pproponietx li jinżammu l-livelli attwali stabbiliti għall-ispezzjoni obbligatorja tal-operaturi tan-negozju li jittrattaw il-laħam, il-prodotti tas-sajd, il-produzzjoni tal-ħalib, għall-approvazzjoni tal-istabbilimenti tal-għalf, u għall-(biċċa l-kbira tal-)kontrolli fuq il-fruntieri. Hija pproponiet minflok li dawk il-livelli jiġu stabbiliti mill-Istati Membri abbażi ta' metodi uniformi u trasparenti.
Il-Kunsill ikkunsidra li ma kienet meħtieġa ebda bidla għall-kamp ta' applikazzjoni tas-sistema tat-tariffi obbligatorji u li l-livelli stabbiliti eżistenti għandhom jinżammu peress li inġenerali s-sistema kienet sodisfaċenti. Madankollu, il-Kunsill qabel li l-Istati Membri li lesti jimponu tariffi fuq il-livell tal-ispejjeż imġarrba u mhux f'livell stabbilit ser ikollhom isegwu regoli armonizzati dwar il-kopertura tal-ispejjeż u metodi ta' kalkolu. Il-Kunsill qabel ukoll li l-Istati Membri għandhom ikunu obbligati li jsaħħu t-trasparenza tal-kalkolu, tal-ġbir u tal-istabbiliment tat-tariffi jew il-ħlasijiet, u tal-konsultazzjoni mal-partijiet ikkonċernati rilevanti.
(c) Rwol tal-veterinarju uffiċjali
Il-Kummissjoni pproponiet approċċ flessibbli, li jippermetti lill-Istati Membri jaħtru l-persunal li huma jqisu l-aktar kwalifikat biex iwettaq il-kontrolli uffiċjali, u jobbligawhom jagħtu taħriġ adatt lill-persunal kollu.
Il-Kunsill qabel li, biex ikun jista' jkun hemm organizzazzjoni effiċjenti tal-kontrolli uffiċjali, jeħtieġ li l-Istati Membri jkollhom id-diskrezzjoni li jidentifikaw l-aktar persunal adatt biex iwettaq dawn il-kontrolli, dment li jiġi żgurat livell għoli ta' protezzjoni tas-saħħa tal-bniedem, is-saħħa tal-annimali u li jkun żgurat it-trattament xieraq tal-annimali tul il-katina agroalimentari u dment li jitħarsu l-istandards u l-obbligi internazzjonali.
Madankollu, il-Kunsill qies neċessarju li l-Istati Membri jintalbu jirreferu għal veterinarji uffiċjali f'ċerti każijiet fejn il-ħiliet speċifiċi tagħhom ikunu meħtieġa biex jiġi żgurat eżitu tajjeb tal-kontrolli uffiċjali (jiġifieri għall-annimali ħajjin, il-laħam u xi prodotti oħra li ġejjin mill-annimali). Fil-fehma tal-Kunsill jeħtieġ li dak ikun mingħajr preġudizzju għall-possibbiltà li l-Istati Membri jużaw ukoll veterinarji uffiċjali inkluż għall-kontrolli uffiċjali fuq it-tjur u l-lagomorfi, jew persuni oħra maħtura speċifikament f'każijiet fejn dan ma jkunx meħtieġ f'konformità ma' dan ir-Regolament.
(d) Setgħat delegati u ta' implimentazzjoni
L-att propost ser jikkostitwixxi Regolament qafas li ser jagħti s-setgħa lill-Kummissjoni tiddetermina għadd sinifikanti mid-dettalji tiegħu permezz ta' atti delegati u/jew atti ta' implimentazzjoni. Waqt l-eżami fil-Kunsill, ingħatat attenzjoni partikolari għas-setgħat proposti tal-Kummissjoni. Filwaqt li l-Kunsill la kkontesta u lanqas ma biddel il-prinċipju ta' Regolament qafas, għadd kbir ta' artikoli ġew abbozzati mill-ġdid biex il-limiti tas-setgħat mogħtija lill-Kummissjoni jkunu definiti aħjar.
Barra minn hekk, għad-dispożizzjonijiet li jikkonċernaw regoli speċifiċi addizzjonali għall-kontrolli uffiċjali fir-rigward ta' oqsma speċifiċi (l-Artikoli 18 sa 27), pereżempju l-produzzjoni tal-laħam għall-konsum mill-bniedem, it-trattament xieraq tal-annimali, il-prodotti għall-protezzjoni tal-pjanti jew is-saħħa tal-pjanti, il-Kunsill introduċa ħafna elementi essenzjali fl-att bażiku u ppermetta setgħat għall-Kummissjoni kif adatt.
Fl-aħħar nett, sabiex jiġi żgurat li għadd ta' atti delegati u ta' implimentazzjoni “ewlenin” meħtieġa biex ir-Regolament jiġi applikat kif adatt ikunu adottati qabel id-data tal-applikazzjoni tar-Regolament, ġew introdotti perijodi transitorji. Dan biex jiġi żgurat li d-dispożizzjonijiet eżistenti li għandhom jiġu sostitwiti bl-atti msemmija hawn fuq jibqgħu japplikaw sakemm dawn tal-aħħar ikunu ġew adottati mill-Kummissjoni. Tali adozzjoni għandha ssir mill-aktar fis possibbli u mhux aktar tard minn 3 snin wara d-data tal-applikazzjoni tar-Regolament. Dan ser jiżgura li ma jkun hemm ebda lakuna, filwaqt li jingħata biżżejjed żmien biex il-Kummissjoni tħejji dawk l-atti.
(e) Rappurtar ta' ksur
Wara t-talba qawwija mill-Parlament Ewropew, il-Kunsill qabel li jinkludi f'dan ir-Regolament dispożizzjonijiet li jobbligaw lill-Istati Membri biex ikollhom fis-seħħ mekkaniżmi li jippermettu r-rappurtar ta' ksur attwali jew potenzjali ta' dan ir-Regolament, is-segwitu għal tali rappurtar u l-protezzjoni tal-persuni li jirrappurtaw kontra r-ritaljazzjoni, id-diskriminazzjoni jew it-trattament inġust (Artikolu 140).
IV. KONKLUŻJONI
Il-pożizzjoni tal-Kunsill fl-ewwel qari tirrifletti b'mod sħiħ il-qbil milħuq bejn iż-żewġ koleġislaturi, kif ġie kkonfermat fl-ittra msemmija hawn fuq mill-President tal-Kumitat għall-Ambjent, is-Saħħa Pubblika u s-Sikurezza tal-Ikel tal-Parlament Ewropew lill-President tal-Kumitat tar-Rappreżentanti Permanenti tat-12 ta' Lulju 2016. Hija ġiet approvata sussegwentement mill-Kunsill fl-10 ta' Ottubru 2016 permezz tal-adozzjoni tal-qbil politiku.
(1) 9464/13 + ADD1 +ADD 2
(2) 8304/14
(3) 13242/15 + 13181/15 + 13209/15
(4) 8121/16+ ADD1 sa ADD5
(5) 8346/16
(6) 10248/16 + ADD1
(7) 12175/16 + ADD1