52016DC0772

IL-KUMMISSJONI EWROPEA

Brussell, 5.12.2016

COM(2016) 772 final

RAPPORT MILL-KUMMISSJONI

dwar il-ħidma tal-Kumitati matul l-2015

{SWD(2016) 425 final}

RAPPORT TAL-KUMMISSJONI

DWAR IL-ĦIDMA TAL-KUMITATI MATUL L-2015

Skont l-Artikolu 10(2) tar-Regolament (UE) Nru 182/2011 li jistabbilixxi r-regoli u l-prinċipji ġenerali dwar il-modalitajiet ta’ kontroll mill-Istati Membri tal-eżerċizzju mill-Kummissjoni tas-setgħat ta’ implimentazzjoni 1 (ir-“Regolament tal-Komitoloġija”), il-Kummissjoni b'dan qed tippreżenta r-rapport annwali tagħha dwar il-ħidma tal-kumitati għall-2015.

Dan ir-rapport jagħti ħarsa ġenerali lejn l-iżviluppi fis-sistema tal-komitoloġija fl-2015 u fih taqsira tal-attivitajiet tal-kumitati. Huwa akkumpanjat minn dokument ta’ ħidma tal-persunal bi statistika dettaljata dwar il-ħidma tal-kumitati individwali.

1. Ħarsa ġenerali lejn l-iżviluppi fis-sistema tal-komitoloġija fl-2015

1.1 Żvilupp ġenerali

Il-Kummissjoni eżaminat l-ewwel ħames (5) snin tal-implimentazzjoni tar-Regolament 182/2011 f’rapport adottat fis-26 ta’ Frar 2016 2 . Ikkonkludiet li r-Regolament ippermetta matul dawn l-aħħar ħames (5) snin l-użu effettiv tas-setgħat ta’ implimentazzjoni tal-Kummissjoni taħt il-kontroll tal-Istati Membri. Hija kkonkludiet ukoll li l-qafas eżistenti jippermetti kooperazzjoni effiċjenti u kostruttiva bejn il-Kummissjoni u l-Istati Membri.

Kif deskritt fir-rapport annwali tal-2013 3 , il-proċeduri tal-komitoloġija kollha previsti fid-Deċiżjoni l-"qadima" tal-Komitoloġija 4 , bl-eċċezzjoni tal-proċedura regolatorja bi skrutinju (RPS), kienu awtomatikament adattati għall-proċeduri l-ġodda tal-komitoloġija stipulati fir-Regolament tal-Komitoloġija (ir-Regolament (UE) 182/2011).

Għalhekk fl-2015, il-kumitati tal-komitoloġija kienu qed joperaw skont il-proċeduri stabbiliti fir-Regolament tal-Komitoloġija, jiġifieri l-proċedura konsultattiva (l-Artikolu 4) u l-proċedura ta' eżaminazzjoni (l-Artikolu 5), kif ukoll skont il-Proċedura Regolatorja bi Skrutinju (Regulatory Procedure with Scrutiny) (RPS) stipulata fl-Artikolu 5a tad-Deċiżjoni tal-Komitoloġija.

Skont id-dikjarazzjoni 5 , magħmula fiż-żmien tal-adozzjoni tar-Regolament dwar il-Komitoloġija, li d-dispożizzjonijiet RPS kollha f’atti bażiċi eżistenti jkunu adattati għall-kriterji stipulati fit-Trattat, wara eżerċizzju ta' analiżi preliminari fl-2012, fl-2013 il-Kummissjoni adottat tliet proposti 6 biex tallinja total ta’ 200 att bażiku mal-Artikoli 290 u 291 tat-TFUE. F’Novembru 2014, il-Kummissjoni fil-bidu tal-mandat il-ġdid tagħha u fil-kuntest ta’ rieżami ta’ proposti leġiżlattivi pendenti, iddeċidiet li tirtira dawn il-proposti 7 sakemm joħroġ l-eżitu ta’ diskussjonijiet futuri bejn l-istituzzjonijiet fil-kuntest tal-Ftehim Interistituzzjonali dwar Tfassil Aħjar ta' Liġijiet. Dan wassal għal ftehim ġdid ffirmat uffiċjalment fit-13 ta’ April 2016 li tfakkar li “il-ħtieġa li tingħata prijoritarji għolja lill-allinjament fil-pront tal-atti bażiċi kollha li għadhom jirreferu għall-proċedura regolatorja bi skrutinju 8 .”

Fil-programm ta’ ħidma tagħha għall-2017 9 , il-Kummissjoni skont dan tħabbar li se “tipproponi leġiżlazzjoni biex tallinja l-atti eżistenti mar-regoli tat-Trattat dwar atti delegati u ta’ implimentazzjoni, biex b’hekk jitneħħew gradwalment il-proċedura regolatorja bi skrutinju” kif ukoll l-intenzjoni tagħha li “tevalwa l-leġittimità demokratika ta’ proċeduri eżistenti għall-adozzjoni ta’ atti delegati u ta’ implimentazzjoni u tikkunsidra l-għażliet għat-tibdil proċeduri eżistenti għall-adozzjoni ta’ ċerti atti sekondarji.”

1.2 Żvilupp tal-każistika

Skont is-sentenza tagħha fil-Kawża C-88/14, il-Kummissjoni vs il-Parlament u l-Kunsill (il-kawża dwar "Il-Mekkaniżmu dwar ir-Reċiproċità tal-Viża”), fis-16 ta’ Lulju 2015 il-Qorti marret lura għad-delineazzjoni bejn atti delegati u ta’ implimentazzjoni. Bl-applikazzjoni tagħha f'din il-kawża, il-Kummissjoni fittxet l-annullament tal-mekkaniżmu ta' reċipriċità rivedut sa fejn id-dispożizzjonijiet jikkonferixxu fuq il-Kummissjoni setgħa delegata skont l-artikolu 290(1) TFUE aktar milli setgħa ta' implimentazzjoni skont it-tifsira tal-artikolu 291(2) TFUE. Il-Kummissjoni kkunsidrat dawn tal-aħħar li huma aktar xierqa f’dan il-każ, minħabba l-kompiti attwali (l-emenda tal-anness wara rekwiżit ta’ viża introdott minn parti terza). Il-Qorti ċaħdet l-azzjoni tal-Kummissjoni u argumentat li la l-eżistenza u lanqas il-portata tad-diskrezzjonali kkonferita fuq il-Kummissjoni permezz ta’ att leġiżlattiv ma huma rilevanti sabiex jiġi ddeterminat jekk l-att li għandu jiġi adottat mill-Kummissjoni għandux jkun att delegat jew ta’ att ta’ implimentazzjoni.

Fis-sentenza tagħha fil-Kawżi Magħquda T-261/13 u T-86/14, in-Netherlands vs il-Kummissjoni (“Eurostat”) tat-23 ta’ Settembru 2015, il-Qorti annullat id-dispożizzjonijiet fil-miżuri implimentattivi tal-Kummissjoni adottati wara l-proċedura regolatorja bi skrutinju. Fakkret li r-regoli li jiddeterminaw il-mod kif l-istituzzjonijiet tal-UE jaslu għad-deċiżjonijiet tagħhom huma stabbiliti mit-Trattat u ma humiex għad-dispożizzjoni la tal-Istati Membri u lanqas tal-istituzzjonijiet stess. Ir-Renju tan-Netherlands argumenta f’dan il-każ li l-adozzjoni ta’ miżuri ta’ implimentazzjoni taħt ir-Regolament (KE) Nru 2494/95 u ta’ miżuri biex jiġu implimentati dawk il-miżuri ta’ implimentazzjoni, jirrikjedu l-applikazzjoni tal-proċedura regolatorja bi skrutinju, filwaqt li l-miżuri ta’ implimentazzjoni tal-Kummissjoni inkwistjoni pprovduti lill-Eurostat biex jistabbilixxi u jaġġorna l-oqsfa metodoloġiċi mingħajr ma jkun meħtieġ li tiġi segwita l-proċedura regolatorja bi skrutinju. Il-Kummissjoni ssostni li l-oqsfa metodoloġiċi ma kinux maħsuba li jkunu vinkolanti fuq l-Istati Membri u ma jikkostitwixxux miżuri ta’ implimentazzjoni kif imsemmi fir-Regolament (KE) Nru 2494/95. Il-Qorti ddeċidiet li oqfsa bħal dawn jikkostitwixxu miżuri ta’ implementazzjoni li għandhom jiġu osservati sabiex ir-regolamenti applikabbli jingħataw l-effettività u tiġi żgurata l-komparabbiltà tal-indiċijiet armonizzati tal-prezzijiet għall-konsumatur. Bħala tali, id-dispożizzjonijiet ikkontestati jkunu pprovdew għall-applikazzjoni tal-proċedura regolatorja bi skrutinju għall-adozzjoni ta’ miżuri ta’ implementazzjoni neċessarji, skont kif jipprevedi r-Regolament Nru 2494/95.

2. Ħarsa ġenerali lejn l-attivitajiet

2.1 Numru ta’ kumitati u laqgħat

Huwa importanti li ssir distinzjoni bejn il-kumitati tal-komitoloġija, fuq in-naħa l-waħda, u l-entitajiet l-oħra, b’mod partikolari “il-gruppi tal-esperti” iffurmati mill-Kummissjoni stess, fuq in-naħa l-oħra. Dawn tal-aħħar jipprovdu għajnuna esperta lill-Kummissjoni 10 fit-tħejjija u fl-implimentazzjoni tal-politika, kif ukoll ta' atti delegati, filwaqt li l-kumitati tal-komitoloġija jgħinu lill-Kummissjoni fit-twettiq tal-poteri ta' implimentazzjoni li ġew mogħtija lilha mill-atti legali bażiċi. Dan ir-rapport jiffoka esklussivament fuq il-kumitati tal-komitoloġija. In-numru ta' kumitati tal-komitoloġija attivi fil-perjodu bejn l-1 ta' Jannar sal-31 ta' Diċembru 2015 kien ikkalkulat skont is-settur tal-attività (ara t-Tabella I). Iċ-ċifri għas-sena preċedenti (fil-31 ta’ Diċembru 2014) qed jingħataw ukoll għal raġunijiet ta' tqabbil. Sezzjonijiet u konfigurazzjonijiet ma jingħaddux separatament minħabba li dawn jappartjenu għal kumitat prinċipali.

TABELLA I — Numru totali ta' kumitati

Settur ta’ politika	2014	2015
AGRI (Agrikoltura u Żvilupp Rurali	18	18
BUDG (Baġit)	2	2
CLIMA (Azzjoni Klimatika)	5	5
CNECT (Netwerks tal-Komunikazzjonijiet, Kontenut u Teknoloġija)	6	5
DEVCO (Kooperazzjoni Internazzjonali u Żvilupp)	5	5
DIGIT (Informatika)	1	2
EAC (Edukazzjoni u Kultura)	5	5
ECFIN (Affarijiet Ekonomiċi u Finanzjarji)	1	1
ECHO (Għajnuna Umanitarja u Protezzjoni Ċivili)	2	2
EMPL (Impjiegi, Affarijiet Soċjali u Inklużjoni)	4	4
ENER (Enerġija)	15	14
ENV (Ambjent )	31	31
ESTAT - Eurostat	7	6
FISMA (Stabilità Finanzjarja, is-Servizzi Finanzjarji, u l-Unjoni tas-Swieq Kapitali)	9	8
FPI (Servizz għall-Istrumenti tal-Politika Barranija)	4	4
GROW (Suq Intern, Industrija, Intraprenditorija u SMEs)	44	43
HOME (Migrazzjoni u Affarijiet Interni)	14	11
JUST (Ġustizzja u Konsumaturi)	20	21
MARE (Affarijiet Marittimi u Sajd)	4	4
MOVE (Mobilità u Trasport)	30	30
NEAR (Viċinat u Negozjati għat-Tkabbir)	3	3
OLAF (Uffiċċju Ewropew għall-Ġlieda kontra l-Frodi)	1	1
REGIO (Politika Reġjonali u Urbana)	1	1
RTD (Riċerka u Innovazzjoni)	5	5
SANTE (Saħħa u Sikurezza Alimentari)	21	21
SG (Segretarjat Ġenerali)	3*	3*
TAXUD (Tassazzjoni u Unjoni Doganali)	11	11
TRADE (Kummerċ)	15	14
TOTAL :	287	280

* Inkluż il-kumitat ta’ appell (għall-ħtiġijiet tar-reġistru tal-komitoloġija, il-kumitat ta' appell huwa rreġistrat bħala kumitat taħt ir-responsabbiltà tas-SĠ fil-prattika, huwa ġestit mis-servizzi kollha konċernati).

Fl-2015, il-kumitati tal-komitoloġija setgħu ġeneralment jinqasmu skont it-tip ta’ proċedura li kienu jaħdmu biha (proċedura konsultattiva, proċedura ta’ eżaminazzjoni, proċedura regolatorja bi skrutinju — ara t-Tabella II). Ċerti kumitati li kienu japplikaw proċeduri multipli ġew separati minn kumitati li jaħdmu bi proċedura unika.

TABELLA II — L-għadd ta' kumitati skont il-proċedura (2015)

	Tip tal-proċedura
	Konsultattiva	Eżaminazzjoni	Regolatorja bi skrutinju	Li topera skont diversi proċeduri	TOTAL:
AGRIKOLTURA U ŻVILUPP RURALI	0	12	0	6	18
BUDG	1	1	0	0	2
CLIMA	0	1	0	4	5
CNECT	0	1	0	4	5
DEVCO	0	2	0	3	5
DIGIT	0	2	0	0	2
EAC	0	1	0	4	5
ECFIN	0	0	0	1	1
ECHO	0	1	0	1	2
EMPL	0	0	0	4	4
ENER	2	4	2	6	14
ENV	0	6	5	20	31
ESTAT	0	2	0	4	6
FISMA	0	1	2	5	8
FPI	0	3	0	1	4
GROW	6	9	5	23	43
HOME	2	6	0	3	11
JUST	5	5	5	6	21
MARE	0	2	0	2	4
MOVE	3	7	3	17	30
NEAR	1	1	0	1	3
L-OLAF	0	1	0	0	1
REGIO	0	0	0	1	1
RTD	0	4	0	1	5
SANTE	0	9	0	12	21
SG	0	2	0	1	3
TAXUD	1	9	0	1	11
KUMMERĊ	2	6	0	6	14
TOTAL:	23	98	22	137	280

* Inkluż il-kumitat ta' appell.

L-għadd ta’ kumitati mhuwiex l-uniku indikatur ta’ attività fil-livell tal-komitoloġija. L-għadd ta’ laqgħat li saru, kif ukoll l-għadd ta’ proċeduri bil-miktub 11 użati fl-2015 jirriflettu wkoll l-intensità tax-xogħol b’mod ġenerali, fil-livell settorjali u f’kumitati individwali (Tabella III).

TABELLA III — Għadd ta' laqgħat u proċeduri bil-miktub

	Għadd ta’ kumitati	Il-laqgħat		Proċeduri bil-miktub
		2014	2015	2014	2015
AGRI	18	140	145	8	10
BUDG	2	4	4	2	0
CLIMA	5	12	6	1	1
CNECT	5	11	15	10	11
DEVCO	5	16	16	12	7
DIGIT	2	2	3	0	0
EAC	5	6	4	6	1
ECFIN	1	5	1	0	0
ECHO	2	9	6	3	5
EMPL	4	4	4	7	5
ENER	14	20	16	7	2
ENV	31	38	38	12	12
ESTAT	6	8	6	6	5
FISMA	8	7	8	7	9
FPI	4	5	2	2	3
GROW	43	60	76	24	28
HOME	11	28	29	40	31
JUST	21	10	10	12	5
MARE	4	9	11	2	4
MOVE	30	64	51	23	22
NEAR	3	12	7	20	19
L-OLAF	1	2	2	0	0
REGIO	1	10	1	4	0
RTD	5	52	57	131	205
SANTE	21	122	106	506	437
SG	3	6*	5*	0	1
TAXUD	11	89	65	25	20
KUMMERĊ	14	22	25	23	25
TOTAL	280	773	719	893	868

* Inklużi 4 laqgħat tal-kumitat ta' appell.

2.2 Għadd ta’ opinjonijiet u atti/miżuri ta’ implimentazzjoni

Bħal dejjem, dan ir-rapport jagħti ċ-ċifri globali tal-opinjonijiet formali mogħtija mill-kumitati u l-atti/il-miżuri ta’ implimentazzjoni sussegwenti adottati mill-Kummissjoni 12 . Dawn iċ-ċifri jikkwantifikaw l-"output" tal-kumitati (ara t-Tabella IV). Min-numru totali ta’ abbozzi ta’ atti ta’ implimentazzjoni mressqa quddiem il-kumitati fl-2015, il-PE adotta tliet (3) riżoluzzjonijiet 13 abbażi tal-Artikolu 11 tar-Regolament dwar il-Komitoloġija, filwaqt li l-Kunsill ma adottax dawn ir-riżoluzzjonijiet.

TABELLA IV — Għadd ta’ opinjonijiet u atti/miżuri ta’ implimentazzjoni adottati

	Opinjonijiet		Atti ta' implimentazzjoni adottati		Miżuri RPS adottati
	2014	2015	2014	2015	2014	2015
AGRI	141	116	135	116	2	1
BUDG	15	4	14	4	0	0
CLIMA	19	7	14	7	5	1
CNECT	21	20	20	12	0	1
DEVCO	86	57	84	58	0	0
DIGIT	1	1	1	1	0	0
EAC	28	5	9	2	0	0
ECFIN	5	1	5	1	0	0
ECHO	9	9	7	11	0	0
EMPL	7	9	3	6	0	0
ENER	14	8	4	1	4	6
ENV	38	37	16	16	19	11
ESTAT	17	16	6	6	10	10
FISMA	17	16	3	10	1	6
FPI	4	4	2	0	0	0
GROW	54	74	19	37	24	13
HOME	45	63	42	42	0	0
JUST	19	9	11	9	1	1
MARE	22	15	22	15	0	0
MOVE	93	55	44	46	32	17
NEAR	112	65	110	65	0	0
L-OLAF	0	0	0	0	0	0
REGIO	12	1	8	1	0	0
RTD	152	266	150	223	0	0
SANTE	799	736	695	671	67	62
SG	13	11*	2	23	0	0
TAXUD	79	65	74	65	0	0
KUMMERĊ	67	56	63	58	0	0
TOTAL	1 889	1 726	1 563	1 506	165	129

* Inklużi 10 opinjonijiet mogħtija mill-kumitat ta' appell u 22 att adottat.

2.3 Laqgħat tal-kumitat ta' appell

Il-kumitat ta' appell iltaqa’ erba' (4) darbiet matul l-2015, u ddiskuta 11-il abbozz ta' atti ta' implimentazzjoni (fil-qasam tal-politika dwar is-saħħa u l-konsumatur, il-mobilità u t-trasport) li kienu riferiti mill-Kummissjoni. Il-kumitat tal-appell ma ta l-ebda opinjoni f'10 każijiet. Il-Kummissjoni ddeċidiet li tadotta dawn l-10 atti ta’ implimentazzjoni kollha u tirtira att wieħed (1).

2.4 Użu tal-proċedura regolatorja bi skrutinju (RPS)

Kif imsemmi fit-Taqsima 1, il-Proċedura Regolatorja bi Skrutinju ma kinitx affettwata mir-riforma tal-komitoloġija tal-2011. Din il-proċedura ma tistax tibqa’ tintuża f'leġiżlazzjoni ġdida, imma għadha tidher f'diversi atti bażiċi eżistenti u se tibqa’ tapplika skont dawk l-atti sakemm jiġu allinjati. Fl-2015, ġew adottati 129 miżura skont l-RPS (ara t-Tabella V). Id-dritt li wieħed jopponi ma ntużax. Meta jitqabbel mal-2014, id-dritt li wieħed jopponi intuża darba.

TABELLA V — Għadd ta' miżuri adottati skont il-Proċedura Regolatorja bi Skrutinju (RPS) (2015)

	Miżuri RPS adottati	Il-PE oppona l-adozzjoni ta' abbozz ta' miżuri skont l-RPS	Il-Kunsill oppona l-adozzjoni ta' abbozz ta' miżuri skont l-RPS
AGRI	1	0	0
BUDG	0	0	0
CLIMA	1	0	0
CNECT	1	0	0
DEVCO	0	0	0
DIGIT	0	0	0
EAC	0	0	0
ECFIN	0	0	0
ECHO	0	0	0
EMPL	0	0	0
ENER	6	0	0
ENV	11	0	0
ESTAT	10	0	0
FISMA	6	0	0
FPI	0	0	0
GROW	13	0	0
HOME	0	0	0
JUST	1	0	0
MARE	0	0	0
MOVE	17	0	0
NEAR	0	0	0
L-OLAF	0	0	0
REGIO	0	0	0
RTD	0	0	0
SANTE	62	0	0
SG	0	0	0
TAXUD	0	0	0
KUMMERĊ	0	0	0
TOTAL	129	0	0

3. Tagħrif dettaljat dwar l-attivitajiet tal-Kumitati

Id-dokument ta' ħidma li jakkumpanja dan ir-rapport jipprovdi informazzjoni dettaljata dwar il-ħidma tal-kumitati individwali fl-2015, imqassma fuq il-bażi tad-dipartimenti tal-Kummissjoni kkonċernati differenti.

(1) Ir-Regolament (UE) Nru 182/2011 tal-Parlament Ewropew u tal-Kunsill tas-16 ta' Frar 2011 li jistabbilixxi r-regoli u l-prinċipji ġenerali dwar il-modalitajiet ta' kontroll mill-Istati Membri tal-eżerċizzju mill-Kummissjoni tas-setgħat ta' implimentazzjoni (ĠU L 55, 28.2.2011, p. 13).

(2) COM/2016/092 finali:

(3) Rapport mill-Kummissjoni dwar il-ħidma tal-kumitati matul l-2013, COM(2014)572 final.

(4) Id-Deċiżjoni tal-Kunsill 1999/468/KE tat-28 ta’ Ġunju 1999 (ĠU L 184, 17.7.1999, p. 23), kif emendata bid-Deċiżjoni tal-Kunsill 2006/512/KE (ĠU C 255, 21.10.2006, p. 4).

(5) Din id-dikjarazzjoni kienet ippubblikata fil-Ġurnal Uffiċjali flimkien mar-Regolament (UE) Nru 182/2011 (ĠU L 55, 28.2.2011, p. 19).

(6) COM(2013)451, 452 u 751.

(7) ĠU C 80, 7.3.2015, p. 17

(8) Kapitolu V, paragrafu 27

(9) SWD(2016) 400 finali

(10) Għal iktar informazzjoni, ara: http://ec.europa.eu/transparency/regexpert/index.cfm?Lang=MT

(11) Il-votazzjoni tal-kumitati tista’ sseħħ f’laqgħa regolari tal-kumitat jew, f'każijiet debitament ġustifikati, permezz ta’ proċedura bil-miktub, skont l-Artikolu 3(5) tar-Regolament tal-Komitoloġija.

(12) Għandu jiġi nnutat li jista' jkun hemm diskrepanzi bejn l-għadd ta' opinjonijiet u l-għadd ta' atti/miżuri ta' implimentazzjoni fi kwalunkwe sena partikolari. Ir-raġunijiet għal dawn hija spjegata fl-introduzzjoni tad-dokument ta' ħidma tal-persunal li jakkumpanja dan ir-rapport.

(13) Riżoluzzjoni dwar l-abbozz ta’ Regolament ta’ Implimentazzjoni tal-Kummissjoni li jadotta lista ta’ speċijiet aljeni invażivi li huma sors ta’ tħassib għall-Unjoni (2015/3010 (RSP); Riżoluzzjoni dwar id-Deċiżjoni ta’ Implimentazzjoni tal-Kummissjoni (UE) 2015/2279 li tawtorizza t-tqegħid fis-suq ta’ prodotti li jkun fihom, ikunu jikkonsistu minn, jew li jkunu prodotti mill-qamħirrum ġenetikament modifikat NK603 × T25 (MON-ØØ6Ø3-6 × ACS-ZMØØ3-2) (2015/3006(RSP); Riżoluzzjoni dwar l-abbozz ta’ Deċiżjoni ta’ Implimentazzjoni tal-Kummissjoni li tagħti awtorizzazzjoni għall-użi tal-bis (2-etileżil) ftalat (DEHP) skont ir-Regolament (KE) Nru 1907/2006 tal-Parlament Ewropew u tal-Kunsill (2015/2962 (RSP).

Choose the experimental features you want to try