52016DC0207

IL-KUMMISSJONI EWROPEA

Brussell, 15.4.2016

COM(2016) 207 final

RAPPORT TAL-KUMMISSJONI LILL-PARLAMENT EWROPEW U LILL-KUNSILL

dwar it-tħaddim tar-Regolament tal-Kunsill (KE) Nru 1185/2003 dwar it-tneħħija tal-pinen ta’ klieb il-baħar abbord bastimenti, kif emendat bir-Regolament (UE) Nru 605/2013, u dwar l-iżviluppi internazzjonali f'dan il-qasam

Rapport lill-Parlament Ewropew u lill-Kunsill

Dwar it-tħaddim tar-Regolament tal-Kunsill (KE) Nru 1185/2003 dwar it-tneħħija tal-pinen ta’ klieb il-baħar abbord bastimenti, kif emendat bir-Regolament (UE) Nru 605/2013, u dwar l-iżviluppi internazzjonali f'dan il-qasam

1.Bażi għal dan ir-rapport

Ir-Regolament tal-Kunsill (KE) Nru 1185/2003 1 dwar it-tneħħija tal-pinen ta’ klieb il-baħar abbord bastimenti stabbilixxa projbizzjoni ġenerali għall-prattika tat-tneħħija tal-pinen tal-klieb il-baħar, jiġifieri it-tneħħija tal-pinen tal-klieb il-baħar u r-rimi l-baħar tal-karkassa li jifdal. Skont dan ir-Regolament l-Istati Membri jistgħu joħorġu permessi speċjali tas-sajd għall-ipproċessar tal-klieb il-baħar abbord. Biex jipprevjeni t-tneħħija tal-pinen, ir-Regolament stabbilixxa l-hekk imsejjaħ proporzjon pinna mal-karkassa għal klieb il-baħar ipproċessati.

Dan ir-Regolament ġie emendat bir-Regolament (UE) Nru 605/2013 2 . L-Artikolu 6 ta' dan tal-aħħar jistipula: "Meta bastiment tas-sajd li jtajjar bandiera ta’ Stat Membru jaqbad, iżomm abbord, jittrażborda jew iħott klieb il-baħar, l-Istat Membru tal-bandiera għandu […] jibgħat kull sena lill-Kummissjoni […] rapport komprensiv dwar l-implimentazzjoni tiegħu ta’ dan ir-Regolament […]. Wara li […] jkunu bagħtu t-tieni rapport annwali tagħhom […], il-Kummissjoni għandha, sal-1 ta’ Jannar 2016, tirrapporta lill-Parlament Ewropew u lill-Kunsill dwar it-tħaddim ta’ dan ir-Regolament u l-iżviluppi internazzjonali f’dan il-qasam." Dan ir-rapport jissodisfa r-rekwiżit tar-rappurtar.

2.Rappurtar mill-Istati Membri

Użu ta’ permessi speċjali tas-sajd sal-2013

Skont ir-Regolament (KE) Nru 1185/2003, l-Istati Membri li ppermettew it-tneħħija abbord tal-pinen minn klieb il-baħar mejta kellhom jirrappurtaw lill-Kummissjoni l-għadd ta’ permessi speċjali li huma ħarġu kull sena għal dan l-iskop. Ħarsa ġenerali lejn il-permessi maħruġa mill-Istati Membri li użaw din il-possibbiltà skont ir-Regolament l-antik hija ppreżentata fit-Tabella 1 u fil-Grafika 1 fl-Anness.

Rappurtar mill-Istati Membri għall-2013 u għall-2014

Meta bastimenti li jtajru l-bandiera ta’ Stat Membru jaqbdu, iżommu abbord, jittrażbordaw jew iħottu l-art klieb il-baħar, kull sena l-Istat Membru tal-bandiera għandu jippreżenta rapport lill-Kummissjoni dwar l-implimentazzjoni ta’ dan ir-Regolament matul is-sena preċedenti. Dan jinkludi deskrizzjoni tal-monitoraġġ u tal-infurzar tal-konformità tiegħu mar-Regolament u, b’mod partikolari, informazzjoni dwar:

l-għadd ta’ drabi li tħattew l-art klieb il-baħar,

l-għadd, id-data u l-post tal-ispezzjonijiet,

l-għadd u n-natura ta’ każijiet ta’ nuqqas ta’ konformità kif ukoll il-penali applikata,

u l-ħatt l-art totali skont l-ispeċijiet (piż/għadd) u skont il-port.

Tliet Stati Membri kostali – il-Kroazja, l-Italja u r-Rumanija – ma ppreżentaw l-ebda rapport għall-2013 jew għall-2014 3 ; diversi oħra ppreżentaw biss rapport rigward l-implimentazzjoni tagħhom tar-Regolament fl-2013 jew fl-2014. Ħarsa ġenerali lejn l-informazzjoni rrappurtata mill-Istati Membri kollha tingħata fit-Tabella 2 fl-Anness; dawn ir-rapporti huma disponibbli onlajn jekk l-Istat Membru kkonċernat ma oġġezzjonax għall-pubblikazzjoni. 4

F’termini ta’ volum, seba’ Stati Membri jirrappurtaw ħatt l-art ta’ iktar minn 50 tunnellata fl-2013, b’żewġ Stati Membri jispikkaw (Spanja, b’aktar minn 60 000 tunnellata, u Franza, b’aktar minn 15 000 tunnellata). Nofs l-Istati Membri li qabel kienu ħarġu permessi speċjali għas-sajd biex jippermettu l-ipproċessar abbord ta’ klieb il-baħar ma rrappurtaw l-ebda qabda ta’ klieb il-baħar mill-flotot tagħhom.

Spanja u l-Portugall għandhom l-ogħla proporzjonijiet ta’ volumi għal kull ħatt l-art (Tabella 3, Grafika 2). Fit-Tabella 4 tingħata analiżi tal-volumi rrappurtati skont l-ispeċijiet u l-Istati Membri għall-2013. Fil-każ speċifiku tal-ħuta kaħla – speċi li għall-pinen tagħha hemm suq – il-flotot Spanjoli u Portugiżi għandhom l-ikbar ishma f’volumi (Grafika 3).

Rigward il-frekwenza ta’ spezzjonijiet, hemm ċerta eteroġeneità bejn l-Istati Membri (Tabella 5, Grafika 4). Pereżempju, fl-2013, Malta rrappurtat medja ta’ 84 spezzjoni għal kull 100 ħatt l-art filwaqt li Franza rrappurtat 0,2. Fost l-Istati Membri li qabel kienu ħarġu permessi speċjali tas-sajd għall-ipproċessar abbord ta’ klieb il-baħar, il-Litwanja u l-Estonja ma rrappurtaw l-ebda spezzjoni ta’ bastimenti tas-sajd.

Aktar minn 4 400 spezzjoni ġew irrappurtati għall-2013, li matulhom instabu erba’ każijiet ta’ ksur: Ċipru rrappurtat każ ta’ ħuta kaħla li nstabet mingħajr pinen abbord bastiment, Franza każ ta' tneħħija tal-pinen ta' klieb il-baħar minn bastiment Venezwelan, Spanja każ ta' tneħħija tal-pinen ta' klieb il-baħar minn bastiment Portugiż, u r-Renju Unit każ ta' sliħ fuq il-baħar ta’ żewġt iklieb il-baħar.

Spanja ppreżentat informazzjoni addizzjonali b'valutazzjoni tal-impatti finanzjarji tar-Regolament fuq il-flotta Spanjola bil-konz4. Fuq il-bażi tal-ispejjeż irrappurtati ta' adattament għar-rekwiżiti tar-Regolament il-ġdid, analiżi tas-segmenti rilevanti tal-flotta mis-servizzi tal-Kummissjoni tindika li l-akbar segment tal-flotta (f'termini ta' għadd ta' bastimenti u impjiegi) jista' jkompli jopera b'marġnijiet ta' profitti raġonevoli. Għal segmenti li bħalissa diġà qed joperaw b’telf, l-ispejjeż ta’ adattament jistgħu jaggravaw il-problemi finanzjarji tagħhom.

3.Żviluppi internazzjonali

Biex ittejjeb il-konservazzjoni tal-klieb il-baħar u biex tippromwovi kundizzjonijiet ekwivalenti ta' kompetizzjoni għall-flotot tal-Unjoni, il-Kummissjoni kienet u qed tkompli tippromwovi, il-politiki ta’ ħatt l-art ta’ klieb il-baħar bil-pinen mehmuża b’mod naturali f’organizzazzjonijiet u f’korpi reġjonali tas-sajd, bħall-Kummissjoni tas-Sajd tal-Atlantiku tal-Grigal (NEAFC), u f’fora internazzjonali rilevanti.

L-UE hija wkoll promotur ewlieni tar-Riżoluzzjoni tal-Assemblea Ġenerali tan-NU dwar is-Sajd Sostenibbli 5 , li tappella lill-Istati biex jieħdu azzjoni immedjata u kkoordinata biex tittejjeb l-implimentazzjoni tal-miżuri eżistenti tal-RFMO jew ta' dispożijonijiet li jirregolaw is-sajd għall-klieb il-baħar u l-qbid inċidentali tal-klieb il-baħar, u l-konformità magħhom.

4.Konklużjoni

Il-preżentazzjoni ta' rapporti annwali mill-Istati Membri kif stipulat bir-Regolament ma kinitx kompluta minħabba li 14-il Stat Membru kostali biss minn 23 ippreżentaw rapporti sħaħ dwar l-implimentazzjoni tagħhom tar-Regolament kemm fl-2013 kif ukoll fl-2014, filwaqt li tliet Stati Membri kostali ma ppreżentaw l-ebda rapport, minkejja bosta tfakkiriet mill-Kummissjoni. Madankollu, l-Istati Membri kollha li fil-passat kienu ħarġu permessi speċjali tas-sajd għall-ipproċessar abbord ta’ klieb il-baħar ippreżentaw mill-inqas rapport wieħed dwar l-implimentazzjoni tar-Regolament. L-Istati Membri rrappurtaw d-dejta wkoll f’livelli differenti u f’formati differenti.

Minkejja li d-dejta mhijiex kompluta, ir-rappurtar jista' jkun utli biex jinsiltu xi konklużjonijiet limitati. Ir-rapporti ppreżentati jissuġġerixxu li s-sajd għall-klieb il-baħar fuq skala kbira jsir prinċipalment minn bastimenti ta’ żewġ Stati Membri. L-għadd ta’ ksur identifikat matul l-ispezzjonijiet imwettqa mill-Istati Membri li pprovdew l-informazzjoni meħtieġa lill-Kummissjoni, inklużi ż-żewġ Stati Membri ewlenin, jidher li huwa limitat ħafna.

Il-Kummissjoni hija konxja tat-tħassib imqajjem f'wieħed mir-rapporti tal-Istati Membri, li huwa simili għal dak imqajjem minn xi Stati Membri u xi partijiet ikkonċernati matul il-konsultazzjoni pubblika preċedenti, 6 jiġifieri li l-implimentazzjoni tar-Regolament tikkomplika it-trattament tal-karakssi u timponi spejjeż addizzjonali fuq il-bastimenti kkonċernati 7 . Il-Kummissjoni se tkompli timmonitorja s-sitwazzjoni u l-konsegwenzi ekonomiċi tagħha. Diffikultajiet bħal dawn jistgħu jkunu indirizzati sa ċertu punt minn strumenti eżistenti, inklużi dawk tal-FEMS 8 , sabiex ikunu jistgħu jinstabu soluzzjonijiet prattiċi għad-diffikultajiet allegati. Il-Kummissjoni temmen ukoll li huwa importanti li tkompli bil-promozzjoni attiva, fil-livell internazzjonali, ta’ politiki ta' ħatt l-art ta' klieb il-baħar bil-pinen mehmuża b'mod naturali, b’konformità mat-talba tal-Kunsill biex jiżdied l-appoġġ internazzjonali li jikkontribwixxi għal kundizzjonijiet aktar ekwivalenti ta' kompetizzjoni, anke jekk il-proposti tal-UE ma jiġux adottati.

(1) http://eur-lex.europa.eu/legal-content/MT/TXT/?uri=CELEX:32003R1185

(2) http://eur-lex.europa.eu/legal-content/MT/TXT/?uri=CELEX:32013R0605

(3) Madankollu, fir-Rapport annwali għall-2013 dwar il-protezzjoni ta’ ċetaċji kontra qabdiet inċidentalitagħha l-Italja inkludiet indikazzjoni li l-programm ta’ monitoraġġ tagħha kopra wkoll qabdiet inċidentali ta’ klieb il-baħar, filwaqt li rrappurtat “għadd kbir” fil-Baħar Adrijatiku tat-Tramuntana u Ċentrali.

(4) http://ec.europa.eu/fisheries/marine_species/wild_species/sharks/member-states-reports/index_en.htm

(5) http://www.un.org/documents/resga.htm Adottata annwalment b’kunsens mill-2007: A/RES/62/177, -63/112, -64/72, -65/38, -66/68, -67/79, -68/71 u -69/109:

(6) http://eur-lex.europa.eu/legal-content/en/ALL/?uri=CELEX:52011SC1392

(7) L-Artikolu 3 tar-Regolament jippermetti li "sabiex ikun iffaċilitat il-ħżin abbord, il-pinen tal-klieb il-baħar jistgħu jiġu parzjalment imqatta’ u jintwew kontra l-karkassa."

(8) http://eur-lex.europa.eu/legal-content/en/ALL/?uri=CELEX:32014R0508

Top

IL-KUMMISSJONI EWROPEA

Brussell, 15.4.2016

COM(2016) 207 final

ANNESS

tar-

RAPPORT LILL-PARLAMENT EWROPEW U LILL-KUNSILL

Anness Tabelli u Grafiki

L-għadd limitat ta’ rapporti li waslu għall-2014 ma jippermettix il-preżentazzjoni viżiva tad-dejta, għalhekk il-Grafiki juru biss is-sitwazzjoni fl-2013.

Tabella 1: Permessi speċjali maħruġa mill-Istati Membri bejn l-2004 u l-2012
skont ir-Regolament l-antik (KE) 1185/2003

	2004	2005	2006	2007	2008	2009	2010	2011	2012	2004-12
L-Istati Membri kostali li ħarġu permessi speċjali tas-sajd (f'ordni skont l-għadd totali ta’ permessi maħruġa)
Spanja	198	192	164	173	200	175	164	181	141	1 588
Il-Portugall	11	12	28	L-ebda rapport	L-ebda rapport	49	45	47	46	238
Ir-Renju Unit	20	16	18	15	15	0	0	L-ebda rapport	L-ebda rapport	84
Il-Ġermanja	3	5	5	5	5	0	0	0	0	23
Il-Litwanja	0	1	1	1	1	0	L-ebda rapport	L-ebda rapport	L-ebda rapport	4
L-Estonja	2	0	0	0	0	0	0	L-ebda rapport	L-ebda rapport	2
Ċipru	0	0	0	0	0	0	1	0	L-ebda rapport	1
Total	234	226	216	194	221	224	210	228	187	1 940
L-Istati Membri kostali li ma rrappurtawx jew ma ħarġux permessi speċjali għas-sajd (f’ordni alfabetiku)
Il-Belġju	0	0	0	0	0	0	L-ebda rapport	0	L-ebda rapport
Il-Bulgarija	Mhux SM	Mhux SM	Mhux SM	0	L-ebda rapport	0	0	0	0
Il-Kroazja	Mhux SM	Mhux SM	Mhux SM	Mhux SM	Mhux SM	Mhux SM	Mhux SM	Mhux SM	Mhux SM
Id-Danimarka	0	0	0	0	0	0	L-ebda rapport	L-ebda rapport	L-ebda rapport
Il-Finlandja	0	0	0	0	0	0	0	L-ebda rapport	L-ebda rapport
Franza	0	0	0	L-ebda rapport	L-ebda rapport	L-ebda rapport	L-ebda rapport	L-ebda rapport	L-ebda rapport
Il-Greċja	0	0	0	0	0	0	0	L-ebda rapport	L-ebda rapport
L-Irlanda	0	0	0	0	0	0	L-ebda rapport	0	L-ebda rapport
L-Italja	0	0	0	0	0	L-ebda rapport	L-ebda rapport	L-ebda rapport	L-ebda rapport
Il-Latvja	0	0	0	0	0	0	0	L-ebda rapport	L-ebda rapport
Malta	0	0	0	L-ebda rapport	L-ebda rapport	L-ebda rapport	L-ebda rapport	L-ebda rapport	L-ebda rapport
In-Netherlands	0	0	0	0	0	L-ebda rapport	L-ebda rapport	0	L-ebda rapport
Il-Polonja	0	0	0	0	0	L-ebda rapport	0	L-ebda rapport	L-ebda rapport
Ir-Rumanija	Mhux SM	Mhux SM	Mhux SM	0	0	0	0	L-ebda rapport	L-ebda rapport
Is-Slovenja	0	0	0	0	0	0	L-ebda rapport	0	L-ebda rapport
L-Iżvezja	0	0	L-ebda rapport	L-ebda rapport	L-ebda rapport	L-ebda rapport	L-ebda rapport	L-ebda rapport	L-ebda rapport

Noti: “L-ebda rapport” = ma ġie ppreżentat l-ebda rapport lill-Kummissjoni; “Mhux SM” = il-pajjiż kien għadu ma kienx Stat Membru tal-UE; Ma nżammux statistiki għal Stati Membri mingħajr kosta (l-Awstrija, ir-Repubblika Ċeka, l-Ungerija, il-Lussemburgu, is-Slovakkja).

Grafika 1: Permessi speċjali maħruġa mill-Istati Membri bejn l-2004 u l-2012
skont ir-Regolament l-antik (KE) 1185/2003

Noti: Għad-dejta sottostanti ara t-Tabella 1.

Tabella 2: Stati Membri kostali li ilhom jirrappurtaw mill-2013
skont ir-Regolament il-ġdid (KE) 605/2013

	2013					2014
	Ħatt (għadd)		Ħatt (tunnellati)	Spezzjonijiet (nru)	Każijiet (nru)	Ħatt (għadd)	Ħatt (tunnellati)	Spezzjonijiet (nru)	Każijiet (nru)
L-Istati Membri kostali li ħarġu permessi speċjali tas-sajd fil-passat (ordnati skont l-għadd totali ta’ permessi)
Spanja	26 394		61 572	204	1 b	32 082	59 251	131	0
Il-Portugall	5 632		8 218	676	0	ma ġie ppreżentat l-ebda rapport c
Ir-Renju Unit	8 572		289	1 025	1	14 313	1 634	1 184	1
Il-Ġermanja	10		0,3	6	0	25	1,8	7	0
Il-Litwanja	0		0	0	0	0	0	0	0
L-Estonja	0		0	0	0	3 e	246 e	3	0
Ċipru	381		3,9	3	1	312	11,2	0	0 f
L-Istati Membri kostali li ma kinux irrappurtaw jew ma kinux ħarġu permessi speċjali għas-sajd (f’ordni alfabetiku)
Il-Belġju	4,783		483	102	0	mhux applikabbli	527	83	0
Il-Bulgarija	247		31	81	0	ma ġie ppreżentat l-ebda rapport c
Il-Kroazja	ma ġie ppreżentat l-ebda rapport c					ma ġie ppreżentat l-ebda rapport c
Id-Danimarka	428		21	29	0	ma ġie ppreżentat l-ebda rapport c
Il-Finlandja	0		0	0	0	0	0	0	0
Franza	261,040		16,085	480	1 d	ma ġie ppreżentat l-ebda rapport c
Il-Greċja	rapport mhux komplut c					179	(3 630) g	0	0
L-Irlanda	4,310	1,367		1,490	0	4,303	1,437	1,274	0
L-Italja	ma ġie ppreżentat l-ebda rapport c					ma ġie ppreżentat l-ebda rapport c
Il-Latvja	0		0	0	0	0	0	0	0
Malta	345		20	291	0	ma ġie ppreżentat l-ebda rapport c
In-Netherlands	mhux applikabbli		79 h	0	0	mhux applikabbli	77 h	0	0
Il-Polonja	0		0	0	0	0	0	0	0
Ir-Rumanija	ma ġie ppreżentat l-ebda rapport c					ma ġie ppreżentat l-ebda rapport c
Is-Slovenja	457		1.7	27	0	444	1.9	46	0
L-Iżvezja	0		0	0	0	0	0	0	0
Total	312,599		88,170	4,414	4	51,661	63,186	2,728	1

Noti: b Każ relatat ma' bastiment b'bandiera ta' Stat Membru ieħor. c Stati Membri li ma ppreżentawx rapporti jew li ppreżentaw rapporti mhux kompluti kienu ntalbu mill-Kummissjoni jagħtu l-informazzjoni nieqsa iżda sa qabel il-finalizzazzjoni ta' dan ir-rapport dan kienu għadhom ma għamluhx. b Każ relatat ma' bastiment b'bandiera ta' pajjiż terz. e Fir-rapport tagħha tal-2014, l-Estonja kienet inkludiet ukoll darbtejn meta seħħ ħatt fl-2015, li ma ġewx ikkunsidrati f'dan ir-rapport. L-Estonja rrappurtat u kkonfermat l-ħatt ta' 231 tunnellata raj minn wieħed mill-bastimenti tagħha f'ġurnata waħda biss. f Ċipru rrapporta tliet każijiet, iżda dawn kienu relatati ma' ħatt ta' speċi pprojbiti, u mhux għat-tneħħija tal-pinen. g Il-Greċja rrappurtat l-għadd ta' klieb il-baħar li tħattew l-art, u mhux il-piż; għaldaqstant, id-dejta tagħhom ma ġietx ikkunsidrata għat-tabelli u għall-grafiki l-oħra. h In-Netherlands ma rrapportawx l-għadd ta' ħatt l-art; għaldaqstant, id-dejta tagħhom ma ġietx ikkunsidrata għat-tabelli u għall-grafiki l-oħra.

Tabella 3: Il-ħatt ta’ klieb il-baħar u l-volum irrappurtati mill-Istati Membri fl-2013 u fl-2014

	2013			2014
	Ħatt (għadd)	Ħatt (tunnellati)	Kg għal kull ħatt	Ħatt (għadd)	Ħatt (tunnellati)	Kg għal kull ħatt
Spanja	26,394	61,572	2,333	32,082	59,251	1,847
Il-Portugall	5,632	8,218	1,459	mhux applikabbli	mhux applikabbli	mhux applikabbli
L-Irlanda	4,310	1,367	317	4,303	1,437	334
Il-Bulgarija	247	31	125	mhux applikabbli	mhux applikabbli	mhux applikabbli
Il-Belġju	4,783	483	101	mhux applikabbli	527	mhux applikabbli
Franza	261,040	16,085	62	mhux applikabbli	mhux applikabbli	mhux applikabbli
Malta	345	20	57	mhux applikabbli	mhux applikabbli	mhux applikabbli
Id-Danimarka	428	21	49	mhux applikabbli	mhux applikabbli	mhux applikabbli
Ir-Renju Unit	8,572	289	34	14,313	1,634	114
Il-Ġermanja	10	0.3	31	25	1.8	71
Ċipru	381	3.9	10	312	11.2	36
Is-Slovenja	457	1.7	4	444	1.9	4
L-Estonja	0	0	0	3	246	81,999
Total	312,599	88,170	282	51,482	62,582	1,222

Noti: Abbażi tat- Tabella 2 .

Grafika 2: Il-ħatt ta’ klieb il-baħar u l-volum irrappurtati mill-Istati Membri fl-2013

Noti: Għad-dejta sottostanti ara t-Tabella 3.

Tabella 4: Il-volumi ta’ ħatt irrappurtati (f’tunnellati) fl-2013 skont l-ispeċi magħżula

	BE	BG	CY	DE	DK	ES	FR	IE	MT	NL	PT	UK	Total
ALV							39.8						40
BSH			255			14,962	223	1.9	2.6		6,420	199	22,064
CMO							266						266
CWZ			19.0										19
DGH						0.3	14.4			0.1		30.9	46
DGS		31.0		0.2	20.2	0.3			0.4	1.9	3.5		57
DGX			254	0.1		9.6	6.4						270
DGZ			33.0			1.1			0.8				35
GAG					1.0	21.2	321			8.8		0.00	352
GAU						10.6	0.01						11
GUP			6.0			2.2			0.1				8
GUZ			45.1										45
HYD							97.3						97
JRS							7.1						7
LMA						96.7					2.8		100
MAK						0.3	13.4						14
MSK						62.4							62
QUB						51.0			10.4				61
RAJ			2,245				449						2,694
RJC							1,579						1,579
RJE							66.1						66
RJF							159						159
RJH							415						415
RJI							61.4						61
RJM							1,190						1,190
RJN							2,222						2,222
RJO							29.3						29
SCL	453					35.9	214			1.2			704
SDV						0.9	3,071			24.7			3,096
SHO						17.5							17
SKH	9.0			0.04	0.01	0.3	5.9						15
SKX			10.0			0.02							10
SMA						2,439	5.0		0.03		1,159	46.0	3,649
SMD						1.6			1.5			2.6	6
SRX			975				28.0						1,002
SYC						452	5,321		0.1	39.1		3.2	5,816
SYT	21.4					0.1	226						248
SYX						196	16.3					1.0	213
TIG						5.7				0.3			6
TOE			7.0										7
TRK			10.0			0.8							11
TTR							24.2						24

Noti: Gew inklużi biss l-ispeċijiet b’total irrappurtat ta’ ħatt li kien aktar minn ħames (5) tunnellati; għad-dejta sottostanti ara r-rapporti onlajn tal-Istati Membri individwali (in-nota ta’ qiegħ il-paġna 4 fit-test ewlieni). L-ispeċijiet huma identifikati bil-kodiċi alfa 3 tagħhom mil-lista ASFIS tal-FAO; ara http://www.fao.org/fishery/collection/asfis/en . Għall-kodiċijiet tal-pajjiżi ara http://publications.europa.eu/code/pdf/370000en.htm .

Grafika 3: Il-ħatt irrappurtat (f’tunnellati) ta’ ħuta kaħla mill-Istati Membri fl-2013

Noti: Għad-dejta sottostanti ara t-Tabella 4.

Tabella 5: Il-ħatt ta’ klieb il-baħar u l-ispezzjonijiet irrappurtati mill-Istati Membri fl-2013 u fl-2014

	2013			2014
	Ħatt (għadd)	Spezzjonijiet (nru)	Spezzjonijiet għal kull 100 ħatt	Ħatt (għadd)	Spezzjonijiet (nru)	Spezzjonijiet għal kull 100 ħatt
Malta	345	291	84.3	mhux applikabbli	mhux applikabbli	mhux applikabbli
Il-Ġermanja	10	6	60.0	25	7	28.0
L-Irlanda	4,310	1,490	34.6	4,303	1,274	29.6
Il-Bulgarija	247	81	32.8	mhux applikabbli	mhux applikabbli	mhux applikabbli
Il-Portugall	5,632	676	12.0	mhux applikabbli	mhux applikabbli	mhux applikabbli
Ir-Renju Unit	8,572	1,025	12.0	14,313	1,184	8.3
Id-Danimarka	428	29	6.8	mhux applikabbli	mhux applikabbli	mhux applikabbli
Is-Slovenja	457	27	5.9	444	46	10.4
Il-Belġju	4,783	102	2.1	mhux applikabbli	(83)	mhux applikabbli
Ċipru	381	3	0.8	312	0	0
Spanja	26,394	204	0.8	32,082	131	0.4
Franza	261,040	480	0.2	mhux applikabbli	mhux applikabbli	mhux applikabbli
L-Estonja	0	0	0	3	3	100
Total	312,599	4,414	1.4	51,482	2,725	5.3

Noti: Abbażi tat-Tabella 2.

Grafika 4: Il-ħatt ta’ klieb il-baħar u l-ispezzjonijiet irrappurtati mill-Istati Membri fl-2013

Noti: Għad-dejta sottostanti ara t-Tabella 5.

Top

Choose the experimental features you want to try