EUR-Lex Access to European Union law
This document is an excerpt from the EUR-Lex website
Document 52015XC0210(01)
Notice of the impending expiry of certain anti-dumping measures
Avviż dwar l-iskadenza imminenti ta’ ċerti miżuri tal-antidumping
Avviż dwar l-iskadenza imminenti ta’ ċerti miżuri tal-antidumping
ĠU C 47, 10.2.2015, p. 3–3
(BG, ES, CS, DA, DE, ET, EL, EN, FR, HR, IT, LV, LT, HU, MT, NL, PL, PT, RO, SK, SL, FI, SV)
10.2.2015 |
MT |
Il-Ġurnal Uffiċjali tal-Unjoni Ewropea |
C 47/3 |
Avviż dwar l-iskadenza imminenti ta’ ċerti miżuri tal-antidumping
(2015/C 47/03)
1. Kif previst fl-Artikolu 11(2) tar-Regolament tal-Kunsill (KE) Nru 1225/2009 tat-30 ta’ Novembru 2009 dwar il-protezzjoni kontra l-importazzjonijiet li huma l-oġġett ta’ dumping minn pajjiżi mhux membri tal-Komunità Ewropea (1), il-Kummissjoni tavża li, sakemm ma jitnediex eżami skont il-proċedura li ġejja, il-miżuri antidumping imsemmija hawn taħt se jiskadu fid-data msemmija fit-tabella ta’ hawn taħt.
2. Proċedura
Il-produtturi tal-Unjoni jistgħu jressqu talba bil-miktub għal eżami. Din it-talba trid tinkludi biżżejjed evidenza li l-iskadenza tal-miżuri aktarx li twassal għal kontinwazzjoni jew rikorrenza ta’ dumping u dannu.
Jekk il-Kummissjoni tiddeċiedi li teżamina l-miżuri kkonċernati, l-importaturi, l-esportaturi, ir-rappreżentanti tal-pajjiż esportatur u l-produtturi tal-Unjoni jingħataw l-opportunità li jelaboraw, jirrifjutaw jew jikkummentaw dwar il-kwistjonijiet imsemmija fit-talba għal eżami.
3. Terminu perentorju
Il-produtturi tal-Unjoni jistgħu jressqu talba bil-miktub għal eżami abbażi ta’ dak li ssemma hawn fuq, li għandha tasal għand European Commission, Directorate-General for Trade (Unit H-1), CHAR 4/39, 1000 Brussels, Belgium (2) fi kwalunkwe żmien wara d-data tal-pubblikazzjoni ta’ dan l-avviż iżda mhux aktar tard minn tliet xhur qabel id-data msemmija fit-tabella ta’ hawn taħt.
4. Dan l-avviż huwa ppubblikat skont l-Artikolu 11(2) tar-Regolament (KE) Nru 1225/2009.
Prodott |
Pajjiż(i) tal-oriġini jew tal-esportazzjoni |
Miżuri |
Referenza |
Data ta’ skadenza (3) |
Glukonat tas-sodju |
Ir-Repubblika Popolari taċ-Ċina |
Dazju antidumping |
Regolament ta’ Implimentazzjoni tal-Kunsill (UE) Nru 965/2010 li jimponi dazju definittiv tal-antidumping fuq l-importazzjonijiet ta’ glukonat tas-sodju li joriġina mir-Repubblika Popolari taċ-Ċina (ĠU L 282, 28.10.2010, p. 24). |
29.10.2015 |
(1) ĠU L 343, 22.12.2009, p. 51.
(2) Faks +32 22956505.
(3) Il-miżura tiskadi f’nofsillejl tal-jum imsemmi f’din il-kolonna.