IL-KUMMISSJONI EWROPEA
Brussell, 6.11.2015
COM(2015) 553 final
Proposta għal
DEĊIŻJONI TAL-PARLAMENT EWROPEW U TAL-KUNSILL
dwar il-mobilizzazzjoni tal-Fond Ewropew ta’ Aġġustament għall-Globalizzazzjoni
(applikazzjoni mill-Finlandja - EGF/2015/005 FI/Computer Programming)
MEMORANDUM TA' SPJEGAZZJONI
KUNTEST TAL-PROPOSTA
1.Ir-regoli applikabbli għall-kontribuzzjonijiet finanzjarji mill-Fond Ewropew ta’ Aġġustament għall-Globalizzazzjoni (FEG) huma stabbiliti fir-Regolament (UE) Nru 1309/2013 tal-Parlament Ewropew u tal-Kunsill tas-17 ta’ Diċembru 2013 dwar il-Fond Ewropew ta’ Aġġustament għall-Globalizzazzjoni (2014-2020) u li jħassar ir-Regolament (KE) Nru 1927/2006 (ir-"Regolament tal-FEG").
2.Fit-12 ta’ Ġunju 2015, il-Finlandja ressqet applikazzjoni EGF/2015/005 FI/Computer Programming għal kontribuzzjoni finanzjarja mill-FEG, wara sensji fis-settur ekonomiku kklassifikat taħt NACE Reviżjoni 2 Diviżjoni 62 (Programmar tal-kompjuter, konsulenza u attivitajiet relatati) fir-reġjuni tal-livell NUTS 2 ta’ Länsi-Suomi (FI19), Helsinki-Uusimaa (FI1b), Etelä-Suomi (FI1C) u Pohjois- ja Itä-Suomi (FI1D) fil-Finlandja. Dawn ir-reġjuni, meħuda flimkien, jinkludu l-Finlandja kollha għajr għall-gżira ta’ Åland.
3.Wara li vvalutat din l-applikazzjoni, u f'konformità mad-dispożizzjonijiet kollha applikabbli tar-Regolament tal-FEG, il-Kummissjoni kkonkludiet li l-kundizzjonijiet għall-għoti ta’ kontribut finanzjarju mill-FEG huma sodisfatti.
SOMMARJU TAL-APPLIKAZZJONI
L-applikazzjoni tal-FEG
|
EGF/2015/005 FI/Computer Programming
|
Stat Membru
|
Il-Finlandja
|
Ir-reġjun(i) ikkonċernat(i) (il-livell NUTS 2)
|
Länsi-Suomi (FI19)
Helsinki-Uusimaa (FI1B)
Etelä-Suomi (FI1C)
Pohjois- ja Itä-Suomi (FI1D)
|
Id-data tat-tressiq tal-applikazzjoni
|
It-12 ta' Ġunju 2015
|
Id-data ta’ konferma tal-wasla tal-applikazzjoni
|
It-12 ta' Ġunju 2015
|
Id-data tat-talba għal informazzjoni addizzjonali
|
Is-26 ta' Ġunju 2015
|
Id-data ta’ skadenza għall-għoti tal-informazzjoni addizzjonali
|
Il-21 ta' Awwissu 2015
|
Id-data ta’ skadenza għat-tlestija tal-valutazzjoni
|
It-13 ta' Novembru 2015
|
Il-kriterju ta’ intervent
|
L-Artikolu 4(1)(b) tar-Regolament FEG
|
L-għadd ta’ impriżi kkonċernati
|
69
|
Is-settur(i) tal-attività ekonomika
(Id-Diviżjoni tal-NACE Reviżjoni 2)
|
Id-Diviżjoni 62 (Programmar tal-kompjuter, konsulenza u attivitajiet relatati)
|
Perjodu ta' referenza (disa' xhur):
|
It-30 ta' Lulju 2014 - it-30 ta' April 2015
|
L-għadd ta’ sensji matul il-perjodu ta’ referenza
|
1 603
|
L-għadd totali ta’ benefiċjarji eliġibbli
|
1 603
|
L-għadd totali ta’ benefiċjarji fil-mira
|
1 200
|
L-għadd ta’ żgħażagħ barra mill-edukazzjoni, l-impjieg jew it-taħriġ (NEETs) fil-mira
|
0
|
Il-baġit għas-servizzi personalizzati (f'EUR)
|
4 167 000
|
Il-baġit għall-implimentazzjoni tal-FEG (f'EUR)
|
205 000
|
Il-baġit totali (f'EUR)
|
4 372 000
|
Il-kontribuzzjoni tal-FEG (60 %) (f'EUR)
|
2 623 200
|
VALUTAZZJONI TAL-APPLIKAZZJONI
Proċedura
4.Fit-12 ta' Ġunju 2015, il-Finlandja ressqet applikazzjoni EGF/2015/005 FI/Computer Programming fi żmien 12-il ġimgħa mid-data li fiha ġew sodisfati l-kriterji tal-intervent stabbiliti fl-Artikolu 4 tar-Regolament tal-FEG. Il-Kummissjoni kkonfermat li rċeviet l-applikazzjoni fi żmien ġimagħtejn mid-data tas-sottomissjoni tal-applikazzjoni, fit-12 ta' Ġunju 2015, u talbet aktar informazzjoni mill-Finlandja fis-26 ta' Ġunju 2015. Informazzjoni addizzjonali bħal din ingħatat fi żmien tmien ġimgħat mit-talba, wara estensjoni tad-data tal-iskadenza b’ġimagħtejn fuq it-talba debitament iġġustifikata tal-Finlandja. L-iskadenza ta’ 12-il ġimgħa mill-wasla tal-applikazzjoni kompluta, li fihom il-Kummissjoni għandha tiffinalizza l-valutazzjoni tagħha tal-konformità tal-applikazzjoni mal-kundizzjonijiet għall-għoti ta’ kontribuzzjoni finanzjarja, tiskadi fit-13 ta’ Novembru 2015.
Eliġibbiltà tal-applikazzjoni
L-intrapriżi u l-benefiċjarji kkonċernati
5.L-applikazzjoni tikkonċerna 1 603 ħaddiem li ngħataw is-sensja fis-settur ekonomiku kklassifikat taħt NACE Reviżjoni 2 Diviżjoni 62 (Programmar tal-kompjuter, konsulenza u attivitajiet relatati). Is-sensji ngħataw fir-reġjuni tal-livell NUTS 2 ta’ Länsi-Suomi (FI19), Helsinki-Uusimaa (FI1B), Etelä-Suomi (FI1C) u Pohjois- ja Itä-Suomi (FI1D). Is-sensji ngħataw f’69 intrapriża, bi kważi nofshom (778) jingħataw minn Microsoft Mobile Oy.
Kriterji ta’ intervent
6.Il-Finlandja ressqet l-applikazzjoni skont il-kriterju ta’ intervent tal-Artikolu 4(1)(b) tar-Regolament tal-FEG, li jeħtieġ mill-inqas 500 sensja fuq perjodu ta’ referenza ta’ disa’ xhur f’intrapriżi li joperaw fl-istess settur ekonomiku definit fil-livell tad-diviżjoni NACE Rev. 2 u li jinsabu f’reġjun wieħed jew f’żewġ reġjuni kontigwi kif definit fil-livell NUTS 2 fi Stat Membru. Fir-reġjun ta' Helsinki-Uusimaa (FI1B) waħdu ngħataw 737 sensja.
7.Il-perjodu ta’ referenza ta’ disa’ xhur tal-applikazzjoni huwa mit-30 ta’ Lulju 2014 sat-30 ta’ April 2015.
Kalkolu tal-għotjiet tas-sensja u ta’ waqfien ta’ attività
8.Is-sensji matul il-perjodu ta’ referenza ġew ikkalkulati kif ġej:
–1 218 mid-data tal-avviż individwali tal-impjegatur biex jissensja jew iwaqqaf il-kuntratt ta’ impjieg tal-ħaddiem,
–385 mid-data tat-tmiem de facto tal-kuntratt tal-impjieg jew tal-iskadenza tiegħu.
Benefiċjarji eliġibbli
9.L-għadd totali ta’ benefiċjarji eliġibbli huwa ta’ 1 603.
Rabta bejn is-sensji u l-"bidliet strutturali ewlenin fix-xejriet kummerċjali dinjijn minħabba l-globalizzazzjoni"
10.Sabiex tiġi stabbilita r-rabta bejn is-sensji u l-bidliet strutturrali ewlenin fix-xejriet kkummerċjali dinjijn minħabba l-globalizzazzjoni, il-Finlandja ġabet l-argument li fis-snin riċenti id-distribuzzjoni ta' impjiegi fis-settur tal-ICT bejn l-UE u ekonomiji oħra żviluppa għad-detriment tal-UE. Filwaqt li l-volum ta’ dan il-qasam ilu jiżdied b’mod ġenerali, dan naqas fl-Ewropa hekk kif in-negozji u s-servizzi jittieħdu lejn iċ-Ċina, l-Indja, it-Tajwan u postijiet oħra barra l-Ewropa. Fl-2014 biss, il-persunal ta’ kumpaniji Finlandiżi tal-ICT tnaqqas bi 3 fil-mija, li jsarrfu f'1 500 ruħ.
Id-distribuzzjoni ta’ impjiegi fis-settur tal-ICT bejn l-Unjoni Ewropea u ekonomiji oħra (l-2009 u l-2011)
Sors: Il-Kummissjoni Ewropea. Rapporti ta' Analiżi tat-Tbassir tal-Industrija tal-ICT għall-2013 u l-2014: Analiżi tar-R&Ż fl-ICT fl-UE u lil hinn
11.Dawn l-effetti nħassu b'mod partikulari fil-Finlandja hekk kif l-industrija Finlandiża kollha tal-elettroniki ġiet affettwata b'mod qawwi, bl-agħar episodju jkun it-tħabbira ta' Nokia fl-2011 li kienet se tagħti sensji b'mod mifrux. Fl-2012, Nokia l-ewwel issensjat 1 000 ħaddiem f'Salo (EGF/2012/006 FI/Nokia Salo), u wara ssensjat 3 700 oħra fi tmiem l-2012 u l-bidu tal-2013 (EGF/2013/001 FI/Nokia). Dan kien segwit minn 600 sensja oħra fin-negozju tal-iżvilupp taċ-chipsets fl-2014 (EGF/2015/001 FI/Broadcom).
12.F’dawn iċ-ċirkustanzi, is-settur tal-programmar tal-kompjuter, il-konsulenza u attivitajiet relatati baqa' għaddej bl-isofrzi tiegħu li jikkompeti globalment, anki jekk il-konsumatur ewlieni tas-servizzi tiegħu, jiġifieri Nokia, kien għeb.
13.L-industrija Finlandiża tas-software issa qed kulma jmur tinvesti aktar fis-servizzi tal-internet industrijali u dawk cloud, bl-għażla taqa' fuq servizzi bejn in-negozji, filwaqt li fl-istess ħin tesperjenza problemi b'servizzi bejn in-negozji u l-konsumaturi. Dan tal-aħħar huwa riżultat tal-pressjoni tal-prezzijiet globali tas-suq. L-atturi fis-suq ikollhom jikkompetu għall-ordnijiet ma’ kumpaniji minn pajjiżi li għandhom kostijiet aktar baxxi. Hemm ukoll it-tendenza li kumpaniji globali li joperaw fil-Finlandja jittrasferixxu parti mill-operazzjonijiet tagħhon lejn pajjiżi b'kostijiet aktar baxxi. Pereżempju, f'Novembru tal-2014 CGI ħabbret li kellha tnaqqas il-persunal Finlandiż tagħha b'270 u tittrasferixxi l-operazzjonijiet tagħha lejn barra l-UE.
14.In-negozju tas-software huwa negozju globali, u l-prodotti tas-software jinxtraw globalment mill-aktar sorsi kost-effettivi. Madankollu, il-prodotti tas-software xorta jistgħu jitfasslu b'mod li jilħqu rekwiżiti speċifiċi għall-pajjiż, għar-reġjun jew għal-lingwa.
15.Element importanti tal-industrija globali tas-software huwa li din l-industrija teħtieġ b'mod kontinwu forza tax-xogħol ġdida u edukata, peress li ċ-ċiklu tal-ħajja tal-prodotti u soluzzjonijiet relatati tas-software huwa qasir ħafna meta mqabbel maċ-ċiklu tal-ħajja tal-persunal tiegħu. Il-kompetizzjoni bejn l-impjegati mill-UE u minn barra l-UE hija ħarxa. Il-ħaddiema inqas edukati u li qed jixjieħu mill-UE ma jistgħux jikkompetu faċilment mal-impjegati żgħar u b'edukazzjoni aħjar minn barra l-UE.
16.Filwaqt li fl-2008 l-industrija tat-teknoloġija kienet tħaddem 326 000 ħaddiem fil-Finlandja, l-għadd ta' ħaddiema f'kumpaniji ta' dan it-tip kien nieżel għal 276 000 fl-2014. Dan isarraf f'medja ta’ tnaqqis fis-sena ta’ madwar 3 % (10 000 ħaddiem).
17.S'issa, is-settur tal-Programmar tal-kompjuter, konsulenza u attivitajiet relatati kien is-suġġett ta' żewġ applikazzjonijiet tal-FEG, b'waħda minnhom tkun ibbażata fuq il-globalizzazzjoni u bl-oħra tkun ibbażata fuq il-kriżi finanzjarja u ekonomika globali.
Avvenimenti li wasslu għas-sensjar u għall-waqfien tal-attività
18.L-avvenimenti li wasslu għal dan is-sensjar kienu l-iżviluppi li affettwaw lil Nokia fis-snin riċenti, li kellhom impatt maġġuri fuq is-settur tal-ICT fil-Finlandja. Eluf ta' Finlandiżi kienu jaħdmu fil-qasam tal-iżvilupp u d-disinjar tas-sistemi operazzjonali għal Nokia, partikolarment f'Oulu. Issa din il-ħidma ġiet trasferita lejn pajjiżi li mhumiex fl-UE.
19.Id-deċiżjonijiet ta’ Nokia u Microsoft (id-delokalizzazzjoni, l-għeluq tal-produzzjoni u t-twaqqif tax-xogħol ta' żvilupp fil-Finlandja) affettwaw għadd ta' kumpaniji tal-industrija tas-software li l-operazzjonijiet tagħhom kienu marbuta ma' Nokia jew Microsoft. Bħala riżultat, il-problemi ta' Nokia kellhom impatt fuq is-sitwazzjoni fl-industrija tas-software Finlandiża kollha. Il-kumpanija tas-servizzi tal-ICT Tieto, pereżempju, iġġustifikat l-għoti tas-sensji li ħabbret fil-ħarifa tal-2014 bl-għadd imnaqqas ta’ ordnijiet minn wieħed mill-klijenti ewlenin tagħha, jiġifieri Nokia. Kumpaniji bħal Atos IT Solutions and Services, il-kumpanija tal-gaming Rovio Entertainment u Samlink għamlu l-istess għall-istess raġunijiet.
20.B’kollox, 69 kumpanija fl-industrija tas-software taw is-sensji lil impjegati tagħhom fil-ħarifa tal-2014 u r-rebbiegħa tal-2015. Ir-raġunijiet li wasslu għal dawn is-sensji jvarjaw, iżda l-aktar denominatur komuni huwa li l-kumpaniji ffaċċjaw kompetizzjoni internazzjonali li kienet qeda dejjem taċċellera u tintensifika. L-għeluq ta' Nokia u ta' Microsoft kienu kruċjali, iżda l-biċċa l-kbira tas-sensji huma parti minn fenomenu akbar fis-settur kollu tal-ipprogrammar.
L-impatt mistenni tas-sensji fir-rigward tal-ekonomija u l-impjiegi lokali, reġjonali jew nazzjonali u l-impjiegi
75% tas-sensji seħħew fir-reġjuni tal-livell NUTS 2 ta' Helsinki-Uusimaa (FI1B) u Pohjois- ja Itä-Suomi (FI1D). Din hija r-raġuni għaliex dawn iż-żewġ reġjuni jitqiesu fid-dettall fil-paragrafi ta' hawn taħt.
21.L-Ostrobothnia ta' Fuq (il-parti mir-reġjun ta' Pohjois- ja Itä-Suomi (FI1D) fejn jinsab Oulu) huwa reġjun b'rata għola ta' qgħad (ogħla mill-medja nazzjonali). Fi Frar tal-2015, ir-rata nazzjonali tal-qgħad kienet 13.5%, filwaqt li fl-Ostrobothnia ta' Fuq kienet 15.7% u f'Oulu kienet 17.1%. Kważi tnejn minn kull tliet persuni li qed ifittxu xogħol u li huma qiegħda fir-reġjun jgħixu fiż-żona ta' Oulu, l-istess bħall-maġġoranza tal-professjonisti qiegħda tar-reġjun.
22.Bħalissa hemm madwar 1 250 unità ta' attività fil-qasam tal-ICT fl-Ostrobothnia ta' Fuq, bil-biċċa l-kbira jkunu f'Oulu. Iċ-ċifri dwar ix-xejriet ekonomiċi juru li l-fatturat ta' kumpaniji fis-settur tal-ICT ilu jonqos sa mill-2012. Is-settur kollu tal-informazzjoni huwa responsabbli għal madwar 12 % tal-impjiegi kollha fiż-żona. Dawn id-diffikultajiet wasslu għal għadd kbir ta’ sensji kemm fis-settur privat kif ukoll f’dak pubbliku. Filwaqt li s-settur tal-kumpanniji tal-ICT impjegaw kważi 13 000 persuna fir-reġjun fl-2008, din iċ-ċifra naqqset għal madwar 10 000 fis-snin riċenti.
23.Iż-żona ta’ Oulu ġiet affettwata b'mod sinifikanti mit-tnaqqis fl-impjiegi fis-settur tal-ICT peress li kienet isservi ta' hub għall-uffiċċji tal-kumpaniji, R&Ż&I u x-xogħol sa mis-snin 1980. Fir-rebbiegħa tal-2015, kien hemm madwar 1 500 persuna qiegħda li kienu qed ifittxu xogħol fis-settur tal-ICT fir-reġjun. Madwar 80 % minnhom jgħixu fiż-żona ta' Oulu. Barra minn hekk, terz ta’ dawk qiegħda b’lawrja ta’ edukazzjoni ogħla fis-settur tal-ICT kienu kontinwament mingħajr impjieg għal aktar minn sena. Is-sensji minn Microsoft iggravaw sitwazzjoni li kienet diġà eċċezzjonalment ħażina.
24.Setturi ġodda ta' tkabbir li se joħolqu l-impjieg, bħad-diġitalizzazzjoni tal-proċessi elettroniċi u l-mod kif it-tbassir sar iktar faċli qed jiġu żviluppati b'mod attiv fiż-żona ta' Oulu, u trid tiġi żgurata l-inklużjoni ta' esperti tal-ICT qiegħda f'dan l-iżvilupp.
25.F’Uusimaa, fl-aħħar ta’ Frar tal-2015 11% tal-forza tax-xogħol kienu persuni qiegħda li qed ifittxu xogħol. Anki jekk din iċ-ċifra hija inqas mill-medja nazzjonali, iż-żieda fil-qgħad hija konsiderevolment ikbar f’Uusimaa (15.0 %) milli fil-Finlandja kollha kemm hi (9.7 %). Fi Frar, kien hemm 5,1 persuna qiegħda li qed tfittex impjieg għal kull post tax-xogħol battal. Il-qgħad qiegħed jiżdied anki minħabba l-migrazzjoni netta lejn iż-żona. L-għadd ta’ persuni qiegħda li qed ifittxu xogħol f’Uusimaa qabeż il-104 000 f’Awwissu tal-2015 u din hija l-ogħla ċifra sa mill-bidu tas-snin 1990.
26.Il-PDG ta’ Uusimaa jirrappreżenta 36 % tal-PDG tal-Finlandja. Uusima hija responsabbli għal 71 % tal-fatturat, 62 % tal-impjegati u 52 % tal-istabbilimenti tan-negozju tas-settur privat tal-industrija tas-software tal-Finlandja. Dan ifisser li wieħed jista' jgħid li, fl-industrija tas-software, Uusimaa għandha rwol saħansitra akbar mill-industriji l-oħra kollha f'daqqa.
27.Fl-2013, l-industrija tas-software kienet tirrappreżenta 3 % tal-fatturat, 5 % tal-persunal u 3 % tal-istabbilimenti tan-negozju tas-settur privat f'Uusimaa.
28.Matul il-perjodu ta’ referenza, kien hemm total ta’ 49 intrapriża tas-software li marru għal negozjati ta' kooperazzjoni fir-reġjun ta' Uusimaa. Il-ħtieġa stmata għal tnaqqis tal-persunal fil-bidu tan-negozjati ta' kooperazzjoni kien ta’ 1 681 persuna.
29.Abbażi ta’ valutazzjoni preliminari, jidher li (b’mod partikolari fil-każ ta’ CGI) is-sensji kienu jikkonċernaw l-impjegati salarjati li għandhom aktar minn 50 sena, sezzjoni tal-popolazzjoni li ssibha diffiċli li ssib impjieg ġdid, u huwa ġġustifikat li wieħed jassumi li sa Ġunju tal-2016 aktar minn 50 % minnhom se jkunu qiegħda fuq terminu twil.
Benefiċjarji fil-mira u azzjonijiet proposti
Benefiċjarji fil-mira
30.In-numru stmat ta’ ħaddiema li ngħataw is-sensja li mistennija jipparteċipaw fil-miżuri huwa 1 200. It-tqassim ta’ dawn il-ħaddiema skont is-sess, iċ-ċittadinanza u l-grupp ta’ età hija kif ġej:
Kategorija
|
Għadd ta’
benefiċjarji fil-mira
|
Sess:
|
Irġiel:
|
660
|
(55,0 %)
|
|
Nisa:
|
540
|
(45,0 %)
|
Ċittadinanza:
|
Ċittadini tal-UE:
|
1 160
|
(96,7 %)
|
|
mhux ċittadini tal-UE:
|
40
|
(3,3 %)
|
Grupp ta’ età:
|
15-24 sena:
|
24
|
(2,0 %)
|
|
25-29 sena:
|
72
|
(6,0 %)
|
|
30-54 sena:
|
936
|
(78,0 %)
|
|
55-64 sena:
|
156
|
(13,0 %)
|
|
iktar minn 64 sena:
|
12
|
(1,0 %)
|
L-eliġibbiltà tal-azzjonijiet proposti
31.Is-servizzi personalizzati li jridu jiġu pprovduti lill-ħaddiema ssensjati jikkonsistu mill-azzjonijiet li ġejjin:
A. Il-miżuri ta’ kowċing u miżuri oħra ta’ tħejjija
–Taħriġ għal dawk li qed ifittxu xogħol
L-għan ta’ taħriġ għal dawk li qed ifittxu xogħol huwa li l-parteċipanti jingħataw informazzjoni dwar is-suq tax-xogħol, jiġu mgħejuna jgħarfu l-għażliet tagħhom u jtejbu u jaġġornaw il-ħiliet tagħhom fit-tfittxija għax-xogħol. Minħabba l-karatteristiċi speċjali tat-tfittxija għax-xogħol fis-settur tal-ICT, se jinxtraw servizzi ta' taħriġ magħmulin għall-kompetenzi u għall-ħtiġijiet vokazzjonali tal-grupp fil-mira.
L-impjieg jista’ jiġi promoss permezz ta’ servizzi ta’ taħriġ, bl-appoġġ tal-mobbiltà tal-ħaddiema f'kooperazzjoni mas-servizzi tal-EURES u, pereżempju, billi joffru gruppi apposta ta' taħriġ għat-tiftix għax-xogħol li jiffukaw fuq l-identifikazzjoni ta' xogħlijiet fl-ICT barra mill-pajjiż.
–Kowċing għax-xogħol (gwida individwali)
L-għan tal-kowċing għax-xogħol huwa li klijent privat ikun iggwidat waqt li jkun qed ifittex impjieg jew taħriġ fuq il-post tax-xogħol. Min-naħa l-oħra, il-kowċijiet għax-xogħol jistgħu jippromwovu l-impjieg mill-ġdid billi jigwidaw lill-persuna li tkun qed tfittex impjieg bl-użu ta' għadd ta' għażliet biex issib impjieg (ġestjoni tal-każ), min-naħa l-oħra jistgħu jgħinuhom isibu xogħol ġdid billi jagħtu parir lill-persuna li tkun qed tfittex impjieg waqt it-tfittxija.
–Kowċing għall-karriera
Il-kowċing għall-karriera jingħata jekk, skont il-valutazzjoni ta' uffiċjal minn Uffiċċju tal-Impjieg u tal-Iżvilupp Ekonomiku (Uffiċċju TE), il-konsumaturi jkunu jeħtieġu appoġġ aktar funzjonali, intensiv u fuq terminu twil fl-ippjanar tal-karriera tagħhom.
–Valutazzjonijiet tal-esperti
Persuni fis-settur tal-ipprogrammar għandhom kompetenzi li jvarjaw ħafna. Sabiex tiġi vvalutata l-ħtieġa tal-persuna li tkun qed tfittex xogħol għal servizzi, Uffiċċju TE jista' jorganizza għadd ta' valutazzjonijiet esperti bħal evalwazzjonijiet tal-abbiltà tax-xogħol; l-immappjar tal-kompetenza u tal-ħiliet vokazzjonali; il-valutazzjoni tal-kompetenza intraprenditorjali u l-opportunitajiet għall-attività intraprenditorjali. Il-kontenut u l-ambitu ta’ valutazzjoni esperta se jiddependu mis-sitwazzjoni personali tal-persuna li qed tfittex xogħol.
B. Impjiegi u servizzi tan-negozju
Is-servizzi tal-impjieg u tan-negozju ffinanzjati mill-FEG mogħtija mill-Uffiċċju TE jinkludu l-appoġġ tat-tfittxija indipendenti għax-xogħol b'servizzi onlajn, offerti tax-xogħol u servizzi oħra tal-impjieg inklużi servizzi tal-impjieg internazzjonali, provvedimenti u kumpens għall-ispejjeż taċ-ċaqliq, immappjar vokazzjonali u tal-kompetenzi, evalwazzjonijiet tal-abbiltà tax-xogħol, taħriġ, provi (provi tax-xogħol, provi ta' taħriġ) u sussidji tal-pagi. L-Uffiċċju TE huwa responsabbli mis-servizzi offruti u speċjalisti tas-servizz FEG se jieħdu ħsieb dan ix-xogħol.
C. Taħriġ
It-taħriġ huwa implimentat bħala edukazzjoni mill-ġdid vokazzjonali, fejn l-għan huwa l-kisba ta’ kwalifika vokazzjonali jew vokazzjonali ulterjuri fi ħdan industrija b’rata għolja ta' impjieg, jew bħala taħriġ kontinwu permezz tat-tisħiħ ta’ kompetenzi eżistenti. It-taħriġ jitfassal apposta skont il-grupp fil-mira.
L-għan ta’ taħriġ bħal dan huwa wkoll li dawk li jkunu qed jitħarrġu jieħdu fehim prattiku dwar kif il-kumpaniji joperaw u bil-ħiliet meħtieġa għall-ħidma f'kumpanija, kif ukoll dwar il-kompetenzi meħtieġa għall-iżvilupp ta' kumpanija. L-għan tat-taħriġ huwa jew li jinstab xogħol f’waħda mill-kumpaniji msieħba jew li titnieda intrapriża ġdida permezz ta’ proġett ta’ żvilupp.
Jista’ jiġi pprovdut taħriġ speċjali għal dawk b’livell ogħla ta’ edukazzjoni.
D. Sussidju tal-paga
Is-sussidji tal-paga se jkunu disponibbli għall-ħaddiema ssensjati biex jiġu sostnuti l-impjiegi f’impjieg ġdid billi jitnaqqsu l-ispejjeż tal-pagi tal-impjegatur. Is-sussidji tal-paga huma użati l-aktar bħala mezz biex tingħata spinta lir-reklutaġġ fis-settur privat permezz tas-sussidji. Mill-2015, is-sussidju tal-paga se jkun bejn it-30 % u l-50 % tal-kosti tal-pagi, skont kemm il-persuna impjegata b'sussidju tkun ilha qiegħda.
E. Għotja għal negozji ġodda
Il-fini tal-għotjiet għal negozji ġodda huwa biex jitħeġġeġ il-ħolqien ta' attivitajiet tan-negozju u l-impjieg ta' persuni individwali. L-għotja għal negozji ġodda tiżgura dħul għal intraprenditur aspiranti matul iż-żmien meħtieġ biex jitnieda u jitwaqqaf negozju full-time, sa massimu ta’ 18-il xahar.
Għotja tal-bidu tikkonsisti f’żewġ partijiet, il-provvediment bażiku u suppliment. Fl-2015, il-provvediment bażiku kien jammonta għal EUR 32,80 għal kull jum. L-ammont tas-suppliment ivarja fuq bażi ta’ każ b’każ, fid-diskrezzjoni tal-Uffiċċju TE. Is-suppliment ivarja bejn 10 % u 60 % tal-ammont tal-provvediment bażiku.
F. Id-direzzjoni lejn l-intraprenditorija u servizzi għal intraprendituri ġodda
Passi marbuta mal-promozzjoni tal-intraprenditorija huma implimentati bħala taħriġ tat-tip tal-inkubatur tan-negozju u taħriġ imprenditorjali. Barra minn hekk, intraprendituri ġodda jingħataw pariri, konsulenza u għotjiet għan-negozji ġodda. Il-ħolqien ta’ intrapriżi ġodda se jiġi appoġġat permezz ta’ netwerks ta’ servizzi kummerċjali subreġjonali u l-ippjanar tan-negozju għall-klijenti tal-Korporazzjoni tal-Ministeru tal-Impjieg u l-Ekononija (MIE).
G. Provvedimenti għall-ivjaġġar, l-akkomodazzjoni u l-ġarr
Persuna li qed tfittex xogħol tista’ tingħata provvediment għall-kosti tal-ivjaġġar u l-akkomodazzjoni imġarrba fit-tfittxija tal-impjieg jew tali spejjeż li jirriżultaw mill-parteċipazzjoni f’taħriġ, u kumpens għall-ispejjeż ta’ ġarr meta jaċċettaw impjieg barra miż-żona tal-ivvjaġġar għax-xogħol tagħha.
32.L-azzjonijiet proposti deskritti hawnhekk jikkostitwixxu miżuri attivi tas-suq tax-xogħol fi ħdan l-azzjonijiet eliġibbli stabbiliti fl-Artikolu 7 tar-Regolament tal-FEG. Dawn l-azzjonijiet ma jiħdux post il-miżuri tal-protezzjoni soċjali passivi.
33.Il-Finlandja pprovdiet l-informazzjoni meħtieġa dwar azzjonijiet li huma obbligatorji għall-intrapriża kkonċernata permezz tal-liġi nazzjonali jew skont l-arranġamenti kollettivi. Huma kkonfermaw li kontribuzzjoni finanzjarja mill-FEG mhix se tieħu post dawn l-azzjonijiet.
Baġit stmat
34.L-ispejjeż totali stmati huma ta’ EUR 4 372 000, li jinkludu nefqa għal servizzi personalizzati ta’ EUR 4 167 000 u nefqa għal attivitajiet preparatorji, ta’ ġestjoni, ta' informazzjoni u ta' pubbliċità, ta' kontroll u ta' rappurtar ta’ EUR 205 000.
35.Il-kontribuzzjoni finanzjarja totali mitluba mill-FEG hija ta’ EUR 2 623 200 (60 % tal-ispejjeż totali).
L-azzjonijiet
|
Għadd stmat ta’ parteċipanti
|
Kost stmat għal kull parteċipant
(f'EUR)
|
Spejjeż totali stmati
(f'EUR)
|
Is-servizzi personalizzati (Azzjonijiet skont l-Artikolu 7(1)(a) u (c) tar-Regolament dwar l-FEG)
|
Il-miżuri ta’ kowċing u miżuri oħra ta’ tħejjija
|
710
|
400.00
|
284 000.00
|
Impjiegi u servizzi tan-negozju
|
1 200
|
375.00
|
450 000.00
|
Taħriġ
|
468
|
5 000.00
|
2 340 000.00
|
Għotja għal negozji ġodda
|
45
|
6 000.00
|
270 000.00
|
Id-direzzjoni lejn l-intraprenditorija u servizzi għal intraprendituri ġodda:
|
12
|
5 000.00
|
60 000.00
|
Subtotal (a):
Il-perċentwal tal-pakkett ta’ servizzi personalizzati
|
–
|
3 404 000
|
|
|
(81,69 %)
|
Benefiċċji u inċentivi (Azzjonijiet skont l-Artikolu 7(1)(b) tar-Regolament tal-FEG)
|
Sussidju tal-paga
|
92
|
8 000.00
|
736 000.00
|
Benefiċċji għall-ispejjeż tal-ivjaġġar, l-akkomodazzjoni u l-ġarr
|
180
|
150.00
|
27 000.00
|
Subtotal (b):
Il-perċentwal tal-pakkett ta’ servizzi personalizzati:
|
–
|
763 000
|
|
|
(18.31 %)
|
Azzjonijiet skont l-Artikolu 7(4) tar-Regolament tal-FEG
|
1. Attivitajiet preparatorji
|
–
|
10 000.00
|
2. Ġestjoni
|
–
|
165 000.00
|
3. Informazzjoni u pubbliċità
|
–
|
25 000.00
|
4. Kontroll u rapportar
|
–
|
5 000.00
|
Subtotal (c):
Perċentwal tal-ispejjeż totali:
|
–
|
205 000.00
|
|
|
4,69 %
|
Spejjeż totali (a + b + c):
|
–
|
4 372 000
|
Il-kontribuzzjoni tal-FEG (60 % tal-ispejjeż totali)
|
–
|
2 623 200
|
36.L-ispejjeż tal-azzjonijiet identifikati fit-tabella ta’ hawn fuq bħala azzjonijiet skont l-Artikolu 7(1)(b) tar-Regolament tal-FEG ma jaqbżux il-35 % tal-kosti totali tal-pakkett ikkoordinat ta’ servizzi personalizzati. Il-Finlandja kkonfermat li dawn l-azzjonijiet jiddependu fuq il-parteċipazzjoni attiva tal-benefiċjarji fil-mira fl-attivitajiet ta’ tiftix ta’ impjieg jew ta’ taħriġ;
37.Il-Finlandja kkonfermat li l-ispejjeż tal-investimenti għall-ħaddiema li jaħdmu għal rashom, il-ftuħ ta’ negozji u l-akkwiżizzjoni minn impjegati mhumiex ser jaqbżu l-EUR 15 000 għal kull benefiċjarju.
Perjodu ta’ eliġibbiltà tan-nefqa
38.Il-Finlandja bdiet tipprovdi s-servizzi personalizzati lill-benefiċjarji fil-mira fl-1 ta’ Awwissu 2014. Għaldaqstant, in-nefqa fuq dawn l-azzjonijiet għandha tkun eliġibbli għal kontribuzzjoni finanzjarja mill-FEG mill-1 ta’ Awwissu 2014 sat-12 ta’ Ġunju 2017.
39.Il-Finlandja bdiet iġarrab in-nefqa amministrattiva sabiex timplimenta l-FEG fl-1 ta' Awwissu 2014. Għaldaqstant, in-nefqa għal attivitajiet ta’ tħejjija, ta’ ġestjoni, ta’ informazzjoni u ta' pubbliċità u ta’ kontroll u ta' rappurtar għandha tkun eliġibbli għal kontribuzzjoni finanzjarja mill-FEG mill-1 ta’ Awwissu 2014 sat-12 ta’ Diċembru 2017.
Kumplimentarjetà ma’ azzjonijiet iffinanzjati mill-fondi nazzjonali jew tal-Unjoni.
40.Is-sorsi tal-prefinanzjament jew il-kofinanzjament nazzjonali huma primarjament mis-servizzi pubbliċi tal-impjiegi fil-fergħa amministrattiva tal-MIE Xi servizzi se jkunu finanzjati mill-ispejjeż operazzjonali taċ-Ċentri għall-Iżvilupp Ekonomiku, it-Trasport u l-Ambjent (Ċentri ELY) u l-Uffiċċji TE. Kompiti ta’ appoġġ tekniku se jkunu finanzjati mill-ispejjeż operazzjonali tal-Ministeru tal-Impjiegi u l-Ekonomija u ċ-Ċentri ELY.
41.Il-Finlandja kkonfermat li l-miżuri deskritti hawn fuq li jirċievu kontribuzzjoni finanzjarja mill-FEG mhux se jirċievu wkoll kontribuzzjonijiet finanzjarji minn strumenti finanzjarji oħrajn tal-Unjoni.
Proċeduri għall-konsultazzjoni tal-benefiċjarji fil-mira jew ir-rappreżentanti tagħhom jew l-imsieħba soċjali kif ukoll awtoritajiet lokali u reġjonali
42.Il-Finlandja indikat li l-pakkett ikkoordinat ta’ servizzi personalizzati tfassal f’konsultazzjoni mas-sħab soċjali u l-awtoritajiet reġjonali. Iċ-Ċentru ELY u l-Uffiċċju TE għall-Ostrobothnia ta' Fuq organizzaw avveniment (l-1 ta' Ottubru 2014) biex jippjanaw il-miżuri inklużi fil-proġetti FEG. Is-sħab tal-organizzazzjonijiet li qed jimplimentaw il-proġett (Business Oulu, the City of Oulu, l-Università ta' Oulu, Yritystakomo (inkubatur tan-negozju), il-Kamra tal-Kummerċ u l-Intraprendituri tal-Ostrobothnia ta' Fuq) u rappreżentanti tal-grupp mira kienu mistiedna jieħdu sehem f'dan l-avveniment.
43.Il-MIE sejjaħ grupp li jindirizza s-sensji fis-settur tal-ipprogrammar tal-kompjuter u pparteċipa fil-preparazzjoni tal-applikazzjoni tal-FEG. Dan il-grupp jinkludi rappreżentanti miċ-Ċentri ELY u l-Uffiċċji TE għar-reġjuni kkonċernati, Business Oulu u l-imsieħba soċjali.
Sistemi ta’ ġestjoni u kontroll
44.L-applikazzjoni fiha deskrizzjoni tas-sistema ta’ ġestjoni u kontroll li tispeċifika r-responsabbiltajiet tal-korpi involuti. Il-Finlandja nnotifikat lill-Kummissjoni li l-kontribut finanzjarju se jkun ġestit mill-MIE, li jġesti wkoll il-fondi tal-FSE. L-istess Ministeru jaġixxi bħala l-Awtorità taċ-Ċertifikazzjoni. Hemm separazzjoni stretta tad-dmirijiet u ta' relazzjonijiet ta' rappurtaġġ bejn id-dipartimenti responsabbli għal dawn iż-żewġ funzjonijiet. Il-funzjonijiet ta’ ġestjoni għall-FEG ġew assenjati lid-dipartiment tal-Impjiegi u tal-Intraprenditorija, filwaqt li dawk għall-FSE ngħataw lid-dipartiment reġjonali. Il-funzjonijiet ta’ ċertifikazzjoni għaż-żewġ Fondi huma f'idejn l-Unità tar-Riżorsi Umani u tal-Amministrazzjoni. Il-Ministeru ħejja manwal li jiddeskrivi fid-dettall il-proċeduri li għandhom jiġu segwiti.
45.Fir-rigward tal-awditjar, il-korp responsabbli huwa l-Unità tal-Verifika Interna indipendenti, li jopera taħt is-Segretarju Permanenti tal-istess Ministeru. Il-funzjonijiet relatati mal-monitoraġġ u l-awditjar huma inklużi wkoll fil-firxa ta’ funzjonijiet tal-awtoritajiet tal-ġestjoni u taċ-ċertifikazzjoni.
Impenji pprovduti mill-Istat Membru kkonċernat
46.Il-Finlandja pprovdiet l-assigurazzjonijiet meħtieġa kollha rigward dawn li ġejjin:
–il-prinċipji tal-ugwaljanza tat-trattament u tan-nondiskriminazzjoni se jiġu rispettati fil-kuntest tal-aċċess għall-azzjonijiet proposti u fl-implimentazzjoni tagħhom,
–inżammet il-konformità mar-rekwiżiti stabbiliti fil-leġiżlazzjoni nazzjonali u tal-UE dwar sensji kollettivi,
–l-intrapriżi li taw is-sensji, li komplew bl-attivitajiet tagħhom wara s-sensji, ikkonformaw mal-obbligi legali tagħhom li jikkontrollaw is-sensji u pprovdew għall-ħaddiema tagħhom bix-xieraq,
–l-azzjonijiet proposti mhumiex se jirċievu għajnuna finanzjarja minn fondi jew minn strumenti finanzjarji oħrajn tal-Unjoni, u kwalunkwe finanzjament doppju se jiġi prevenut;
–l-azzjonijiet proposti se jikkumplimentaw l-azzjonijiet iffinanzjati mill-Fondi Strutturali,
–il-kontribuzzjoni finanzjarja mill-FEG se tkun konformi mar-regoli proċedurali u materjali tal-Unjoni dwar l-għajnuna mill-Istat.
IMPLIKAZZJONI BAĠITARJA
Proposta baġitarja
47.Il-FEG ma għandux jaqbeż ammont annwali massimu ta’ EUR 150 miljun (prezzijiet tal-2011), kif stipulat fl-Artikolu 12 tar-Regolament tal-Kunsill (UE, Euratom) Nru 1311/2013 tat-2 ta’ Diċembru 2013 li jistabbilixxi l-qafas finanzjarju pluriennali għas-snin 2014-2020.
48.Wara li eżaminat l-applikazzjoni fir-rigward tal-kundizzjonijiet stabbiliti fl-Artikolu 13(1) tar-Regolament tal-FEG, u wara li qieset in-numru ta’ benefiċjarji fil-mira, l-azzjonijiet proposti u l-ispejjeż stmati, il-Kummissjoni tipproponi li timmobilizza l-FEG għall-ammont ta’ EUR 2 623 200, li jirrappreżenta 60 % tal-ispejjeż totali tal-azzjonijiet proposti, sabiex tingħata kontribuzzjoni finanzjarja għall-applikazzjoni.
49.Id-deċiżjoni proposta biex jiġi mmobilizzat l-FEG se tittieħed b’mod konġunt mill-Parlament Ewropew u mill-Kunsill, kif stabbilit fil-punt 13 tal-Ftehim Interistituzzjonali tat-2 ta’ Diċembru 2013 bejn il-Parlament Ewropew, il-Kunsill u l-Kummissjoni dwar id-dixxiplina baġitarja, dwar il-kooperazzjoni fi kwistjonijiet baġitarji u l-ġestjoni finanzjarja tajba.
Atti relatati
50.Filwaqt li tippreżenta din il-proposta għal deċiżjoni biex jiġi mmobilizzat il-FEG, il-Kummissjoni se tippreżenta proposta lill-Parlament Ewropew u lill-Kunsill għal trasferiment tal-ammont ta’ EUR 2 623 200 fil-linja baġitarja rilevanti.
51.Filwaqt li tadotta din il-proposta għal deċiżjoni biex jiġi mobilizzat il-FEG, il-Kummissjoni se tadotta deċiżjoni fuq kontribuzzjoni finanzjarja, permezz ta’ att ta’ implimentazzjoni, li se jidħol fis-seħħ fid-data li fiha l-Parlament Ewropew u l-Kunsill jadottaw id-deċiżjoni proposta biex jiġi mobilizzat il-FEG.
Proposta għal
DEĊIŻJONI TAL-PARLAMENT EWROPEW U TAL-KUNSILL
dwar il-mobilizzazzjoni tal-Fond Ewropew ta’ Aġġustament għall-Globalizzazzjoni
(applikazzjoni mill-Finlandja - EGF/2015/005 FI/Computer Programming)
IL-PARLAMENT EWROPEW U L-KUNSILL TAL-UNJONI EWROPEA,
Wara li kkunsidraw it-Trattat dwar il-Funzjonament tal-Unjoni Ewropea,
Wara li kkunsidraw ir-Regolament (UE) Nru 1309/2013 tal-Parlament Ewropew u tal-Kunsill tas-17 ta’ Diċembru 2013 dwar il-Fond Ewropew ta’ Aġġustament għall-Globalizzazzjoni (2014-2020) u li jħassar ir-Regolament (KE) Nru 1927/2006, u b’mod partikolari l-Artikolu 15(4) tiegħu,
Wara li kkunsidraw il-Ftehim Interistituzzjonali tat-2 ta’ Diċembru 2013 bejn il-Parlament Ewropew, il-Kunsill u l-Kummissjoni dwar dixxiplina baġitarja, dwar kooperazzjoni f’materji ta’ baġit u dwar ġestjoni finanzjarja tajba, u b’mod partikolari l-punt 13 tiegħu,
Wara li kkunsidraw il-proposta mill-Kummissjoni Ewropea,
Billi:
(1)Il-Fond Ewropew ta’ Aġġustament għall-Globalizzazzjoni (FEG) għandu l-għan li jipprovdi appoġġ lill-ħaddiema li jkunu ngħataw is-sensja u lill-persuni li jaħdmu għal rashom li l-attività tagħhom tkun intemmet b’riżultat ta’ bidliet strutturali kbar fl-andament tal-kummerċ dinji minħabba l-globalizzazzjoni, b’riżultat ta’ kontinwazzjoni tal-kriżi finanzjarja u ekonomika globali, jew b’riżultat ta’ kriżi ekonomika u finanzjarja globali ġdida, u sabiex jgħinhom fl-integrazzjoni mill-ġdid tagħhom fis-suq tax-xogħol.
(2)Il-FEG ma għandux jaqbeż l-ammont massimu annwali ta’ EUR 150 miljun (prezzijiet tal-2011), kif stabbilit fl-Artikolu 12 tar-Regolament tal-Kunsill (UE, Euratom) Nru 1311/2013.
(3)Fit-12 ta’ Ġunju 2015, il-Finlandja ppreżentat applikazzjoni EGF/2015/005 FI/Computer Programming għal kontribuzzjoni finanzjarja mill-FEG, wara sensji fis-settur ekonomiku kklassifikat taħt NACE Reviżjoni 2 Diviżjoni 62 (Programmar tal-kompjuter, konsulenza u attivitajiet relatati) fir-reġjuni tal-livell NUTS 2 ta’ Länsi-Suomi (FI19), Helsinki-Uusimaa (FI1b), Etelä-Suomi (FI1C) u Pohjois- ja Itä-Suomi (FI1D) fil-Finlandja. Din kienet supplimentata b'informazzjoni addizzjonali provduta f'konformità mal-Artikolu 8(3) tar-Regolament (UE) Nru 1309/2013. Din l-applikazzjoni tikkonforma mar-rekwiżiti għall-istabbiliment ta' kontribuzzjoni finanzjarja mill-FEG, kif stabbilit fl-Artikolu 13 tar-Regolament (UE) Nru 1309/2013.
(4)Għaldaqstant, il-FEG għandu jiġi mmobilizzat sabiex tingħata kontribuzzjoni finanzjarja li tammonta għal EUR 2 623 200 għall-applikazzjoni ppreżentata mill-Finlandja,
(5)Sabiex jitnaqqas kemm jista’ jkun iż-żmien li jittieħed biex jiġi mmobilizzat il-FEG, din id-Deċiżjoni għandha tidħol fis-seħħ mid-data tal-adozzjoni tagħha,
ADOTTAW DIN ID-DEĊIŻJONI:
Artikolu 1
Għall-baġit ġenerali tal-Unjoni Ewropea għas-sena finanzjarja 2015, il-Fond Ewropew ta’ Aġġustament għall-Globalizzazzjoni għandu jiġi mmobilizzat biex jagħti s-somma ta’ EUR 2 623 200 f’approprjazzjonijiet ta’ impenn u ta’ pagament.
Artikolu 2
Din id-Deċiżjoni tidħol fis-seħħ fil-jum tal-pubblikazzjoni tagħha f’Il-Ġurnal Uffiċjali tal-Unjoni Ewropea. Tapplika minn [the date of its adoption].
Magħmul fi Brussell,
Għall-Parlament Ewropew
Għall-Kunsill
Il-President
Il-President