Notifika mill-Gvern Franċiż dwar id-Direttiva 94/22/KE tal-Parlament Ewropew u tal-Kunsill tat-30 ta’ Mejju 1994 dwar il-kundizzjonijiet għall-għoti u l-użu ta’ awtorizzazzjonijiet għall-prospettar, esplorazzjoni u produzzjoni ta’ idrokarburi (1)

(Avviż dwar it-talba għall-permess esklussiv għat-tiftix ta’ idrokarburi likwidi jew fil-forma ta’ gass imsejjaħ “Permis de Moustey”)

(Test b'rilevanza għaż-ŻEE)

2014/C 248/03

Permezz ta’ talba tas-16 ta’ Lulju 2012, il-kumpanija Investaq Énergie SAS, li għandha s-sede tagħha fi 32, avenue Hoche, fit-tmien distrett ta’ Pariġi, talbet għal permess esklussiv għal ħames snin, imsejjaħ “Permis de Moustey”, għat-tiftix tal-idrokarburi likwidi jew fil-forma ta’ gass fuq medda ta’ madwar 1 336 kilometru kwadru, li tagħmel parti mid-dipartimenti ta’ Gironde u Landes.

Il-perimetru ta’ dan il-permess huwa magħmul mill-arki tal-meridjani u minn dawk paralleli li jgħaqqdu wieħed wara l-ieħor il-punti ddefiniti hawn taħt mill-koordinati ġeografiċi tagħhom, mogħtija fi gradi, bil-meridjan oriġinali jkun dak ta’ Pariġi.

Minn dan il-perimetru huma esklużi:

Il-medda tal-konċessjoni ta’ Mothes (8,58 km2)

Il-medda tal-konċessjoni ta’ Lugos (11,52 km2)

It-tressiq tal-applikazzjonijiet u l-kriterji għall-għoti tal-permess

Dawk li jressqu l-applikazzjoni inizjali u l-applikazzjonijiet kompetittivi għandhom jagħtu prova li jissodisfaw il-kundizzjonijiet meħtieġa għall-għoti tad-dritt, iddefiniti fl-Artikoli 4 u 5 tal-liġi Nru 2006-648 tat-2 ta’ Ġunju 2006, emendata, dwar id-drittijiet minerarji u d-drittijiet tal-ħżin taħt l-art (Journal officiel de la République française (Il-Ġurnal Uffiċjali tar-Repubblika Franċiża) tat-3 ta’ Ġunju 2006).

Il-kumpaniji interessati jistgħu jressqu applikazzjoni kompetittiva fi żmien disgħin jum mill-pubblikazzjoni ta’ dan l-avviż, skont il-proċedura miġbura fl-“Avviż dwar il-ksib ta’ drittijiet minerarji għall-idrokarburi fi Franza”, ippubblikat f’Il-Ġurnal Uffiċjali tal-Komunitajiet Ewropej C 374 tat-30 ta’ Diċembru 1994, p. 11, u stabbilita mil-liġi Nru 2006-648 tat-2 ta’ Ġunju 2006, emendata, dwar id-drittijiet minerarji u d-drittijiet tal-ħżin taħt l-art (Journal officiel de la République française (Il-Ġurnal Uffiċjali tar-Repubblika Franċiża) tat-3 ta’ Ġunju 2006).

L-applikazzjonijiet kompetittivi għandhom jintbagħtu lill-Ministeru tal-Ekoloġija, l-Iżvilupp Sostenibbli u l-Enerġija fl-indirizz mogħti hawn taħt.

Il-kundizzjonijiet u r-rekwiżiti għat-twettiq tal-attività u għall-waqfien tagħha

L-applikanti huma mistiedna jirreferu għall-Artikoli 79 u 79.1 tal-kodiċi minerarju u għal-liġi Nru 2006-649 tat-2 ta’ Ġunju 2006, emendata, dwar ix-xogħlijiet minerarji, ix-xogħlijiet tal-ħżin taħt l-art u l-pulizija tal-minjieri u l-ħażniet taħt l-art (Journal officiel de la République française (Il-Ġurnal Uffiċjali tar-Repubblika Franċiża) tat-3 ta’ Ġunju 2006).

Aktar tagħrif jista’ jinkiseb mill-Ministeru tal-Ekoloġija, l-Iżvilupp Sostenibbli u l-Enerġija,

Id-dispożizzjonijiet regolatorji msemmija hawn fuq jinsabu fis-sit tal-“Légifrance” li ġej: http://www.legifrance.gouv.fr

(1)  ĠU L 164, 30.6.1994, p. 3.